رواية مهران ابو الليل الفصل الخامس5 بقلم سلوي عوض
يحيي: طبعا يا احلي واصغر حما ف الدنيا
وبعد أن خرج يحيي وتركها تجلس روحيه في صاله المنزل وحدها وهيا تفكر
رابحه: يا تري اللي بعمله ده صح وله غلط يارب انا عايزه افرح ببنتي نفسي اشوفها عروسه جيراني كل ما يشوفوني يقولولي بنتك كبرت واحنا عيالنا اتجوزو ومش فاضل غير هيا حتي اختي دائما بتعايرني أن بنتها اتجوزت وسافرت مع عريسها وهيا اصغر من بنتي اعمل ايه بس يا ربي انا خايفه اقول لعيد علي اللي حصل من يحيي يفركش الجوازه وده ممكن يكون آخر عريس يجيلها حلها من عندك يارب وفرحني يارب ببنتي واشيل عوضها علي ايدي
ونتركها ونذهب الي الصعيد حيث نجد أن كامله جالسه وحدها في بهو القصر وهيا تكح كحه شديده
كاملة: اه يا زوري اه يا صدري اه يا نافوخي
لتقترب منها هيفاء
هيفاء: مالك يا مرت ابوي
كاملة: غوري من جدامي يا بت الجزم انتي مش ناجصه
وهنا يخرج عليهم ساجد من مطبخ القصر
كاملة: الله الله ماهي بجيت سويجه لكل من هب ودب
ساجد: حجك عليا يا ست الكل مش هعمل كده تاني
كاملة: والله انته مؤدب اكتر من ولدي عزب
ساجد: اسم الله عليكي مالك
كاملة: عندي برد شديد جوي خلي حد يعمل جاز نبيل
ساجد: مش فاهم حضرتك
كاملة: بكحه جاز نبيل بتاع البرد اللي بيحرج ف الزور ديتي
ساجد: اه جصدك جنزبيل
كاملة: هو الزفيت ديتي خلص
ساجد: انا هعمله لحضرتك واحليه بعسل النحل وكمان هعصر عليه لمون
كاملة: اه عشان تسمني صح
ساجد: واعمل كده ليه بس لا حول ولا قوه الا بالله العلي العظيم
كاملة: انا عارفه بجي
ساجد: طيب انا هعمله وهشرب منه جبلك
كاملة: انته بتشتغل ايه يا واد انته
ساجد: مهندس زراعي يا خاله
كاملة: مين اللي خاله ديه خاله ف عينك انته واللي خلفوك
ساجد: خلاص انا اسف
هيفاء: جولها يا مرت ابوي احسن
كاملة: متغوري يا بت يا فاشله من هنا
هيفاء: انا مش فاشله يا ضره امي انا بتعلم
كاملة: جبر يلمكم كلكم
ساجد: حتي انا
كاملة: ياك انته علي رأسك ريشه هتروح معاهم طبعا بس بعد متعملي الجاز نبيل
ساجد: اسمه جنزبيل يا ست الكل
كاملة: وانامالي كت يعني هطلعله بطاجه اسمه زي ما اسمه ايه الهوسان ووجع الراس ديتي ياربي الف حرجه والف نصيبه ويارب تكون بتتجلي ف نار جهنم زي الفوله يا نصار يا واد كوكب
ساجد: ليه كده بس حرام عليكي ادعيله بالرحمه
كاملة: بس يا واد انته وخلص ياله غور اعمل اللي جولت عليه وانتي يا بوذ الفجر غوري من جدامي شكلك بيضايجني
هيفاء: بدلع هروح العب مع عزب اخوي عن اذنك يا ضره امي
وهنا ينزل عزب
عزب: مالكم صوتكم عالي ليه
لينزل خلفه مهران
مهران: والله البيت بجي سويجه في ايه يا اما
كاملة: مافيش يا ولدي عندي برد وزوري واجعني جام الحزين ديتي جالك اعملك حاجه سخنه ليه وليه بجوله جاز نبيل جعد يعلمني الكلام حتت العيل اللي معارفينهوش واد مين
مهران: مالك بالحجه يا ساجد
ساجد: والله ماعملت حاجه تزعلها كل الحكايه اني بجولها اسمه جنزبيل
عزب: غلط اسمه ف القراءن زنجبيل
مهران: ولما عارف القراءن امال مالك بتجري وترمح ورا بنات البلد ليه يا راجل ده أهل العزبه بجيو بيدارو بناتم منيك الله يجطعك
كاملة: امال ايه ما طالع معجباني زي اللي خلفه بجولك ايه يا مهران النهارده تكتب كتابه علي بت شعبان وتعمل الفرح بعد يومين وتجيبها تعيش هنا
عزب: نعم والله مهتجوز
كاملة: بتحلف علي مين انته يا واكل ناسك والله عال بجي الربعيه تعلم أمها الرعيه
ساجد: المثل كده غلط حضرتك المثل اللي ينطبق على الحاله ديه اسمه ايه يا ربي اه الخلف النيله يجيب لأهله النعيله
كاملة: كانت نجصاك انته كمان الف حرجه وجطعه يارب ليك يا نصار
مهران: لساجد تعرف تسكت انته خالص كل ما تتكلم امي تدعي علي المرحوم
ساجد: الله وانا مالي
مهران: بجولك ايه بدل ما انته جاعد كده وسط الحريم انزل الشغل معاي بتعرف تعمل ايه
ساجد: حضرتك انا مهندس زراعي وبفضل الله بفهم ف كل حاجه يعني تحطني وسط البهايم واحنا هنبقي أهل وأصحاب
عزب: أخص الله يخيبك عيل حلوف
ليضحك مهران
مهران: جهز نفسك يا عريس بليل هنروحو للناس
عزب: بقرف طيب
اما في منزل فيروز كانت فيروز تجلس مع والدتها كالعاده تساعدها في تصنيع المخبوزات
عقيله: جومي بجي يا ست البنات ريحي جسمك شويه تعبتي النهارده معايا
فيروز: وبعدين معاكي يا عجيله جولنا يدي بيدك
عقيله: مخك ناشف جوي بس حساكي جلجانه
فيروز: اصل الصراحه في حاجه عايزه اجولك عليها بس خايفه منك
عقيله: من ميته بتخافي مني
فيروز: اصل الصراحه صاحبتي ريهام
عقيله: مالها
فيروز: أصلها يعني
عقيله: مالها يا بتي جوللي
فيروز: جايبه لي شغل ف المستشفي اللي هيا شغاله فيها جالتلي يعني اشتغل معاها لغيت النتيجه متطلع واجدم ف معهد التمريض وجالتلي أن الشغل دلوك هينفعني
عقيله: طاب وماله يا بتي روحي اشتغلي وربنا يكرمك بس بشرط النجاب ميتجلعش
فيروز: لميته يا اما هفضل كده متداريه
عقيله: اسمعيني يابتي انا خايفه عليكي وولاد الحرام كتير وخصوصي الزفت اللي اسميه عزب
فيروز: مش عارفه ليه يا اما جلبي حاسس ان في حاجه بينك وبين ناس ابوالليل
عقيله: بقلق له مافيش
فيروز: اما احنا متعودين علي الصراحه مع بعضينا
عقيله: الصراحه يابتي نصار ابو الليل كان راجل عينه زايغه وجوزاته كتيره كان يتجوز ويسيب بعد مياخد غرضه من الواحده لغيت ما ف يوم جاللي وطلب يدي بعد ابوكي ما مات لكن انا رفضته ولما لجيته مصمم علي كلامه خدتك وهملت البلد وروحت سكنت ف مصر ومن حظي العفش سكنت ف نفس البيت اللي فيه المرحومه عزه مرته التانيه كنا جيران وكانت خالتك رابحه صاحبتنا التالته ولما شوفته خوفت جومت جولت لرابحه علي كل حاجه وهيا اللي خلتني البس نجاب عشان اتداري منيه ده حتي انتي ونجوي وأماني وولده ساجد كتو بتلعبو مع بعضيكم
فيروز: صح يا اما انا فاكره بس عارفه البت ريهام صاحبتي جالتلي أن ساجد جاه هنا وجاعد معاهم ف الجصر وكمان واحده اسمها نجمه وبتها اسميها
عقيله: هيفاء ما هي نجمه اتجوزته بعد موت خالتك عزه وربت ساجد مع بتها هيفاء
فيروز: ديه ريهام بتجوللي أن الست الكبيرة هتتجن
عقيله: جصدك كامله ربك بيخلص يا بتي
فيروز: هو في ايه بالظبط يا اما
عقيله: مافيش يا بتي بس الصراحه ولدها مهران حاجه تانيه خالص محترم والعيبه متطلعش منيه ومرته كمان غلبانه جوي ويتيمه
فيروز: وانتي تعرفي كل ديتي منين
عقيله: من أهل البلد يعني هيكون من مين
فيروز: اما جوللي الحجيجه
عقيله: ده موضوع طويل بعدين ابجي احكيلك
اما ف القاهره فها هو يحيي يصل إلى منزل نجوي
رابحه: أهلا وسهلا نورت تعالي يا ابني
يحيي: امال فين عروستي
اماني: احنا جاهزين
نجوي: اهلا عربيتك معاك
يحيي: لاء والله أصلها قاطعه بنزين المشوار بتاعكم بقا خلص البنزين
نجوي: وانا عربيتي بترصص زوايا
اماني: خلاص يبقي نطلب اوبر
يحيي: بقلق اوبر طاب ما نركب الاتوبيس
لتنظر نجوي لوالدتها
رابحه: وماله الاتوبيس حلو يا حبيبي
يحيي: بس الشرط نور قبل ما نمشي كل واحد يدفع لنفسه اه
لتخلع رابحه حذاؤها لتضربه به
رابحه: انته مالك عمال تشتري وتبيع فينا كده ليه علي نصيبه ايه يا بخيل يا جلده يا تربيه الشح بت يا اماني طلعي محفظته الواد القيحه ده مستلف مني 200 جنيه
اماني: وحق العصير غير الطفح اللي طفحه هو وأمه
نجوي: كاءننا اكلنا كلب بس حق العلاج بتاع امك
لتاءخذ امامي المحفظه لتجد فيها مبلغ ألف جنيه
اماني: حلو اوي خدنا حقنا
يحيي: لاء فلوسي لاء اعملو معروف ده انا كنت محوشهم عشان احطهم ف البوسطه ارجوكم فلوسي حرام عليكم
نجوي: خلاص بقا يا ماما خليه يغور بيهم
اماني: ابدا علي جثتي
ثم تفتح رابحه الباب وتقذفه الي الخارج لكن يحيي يقف خلف الباب وهو يبكي
يحيي: فلوسي
رابحه: والله لو ممشيت لاطلبلك الحكومه غور ياكش ربنا يرزقك بحرامي يقشطك
اما اماني
اماني: الف انا هتصل بساجد اشوفه عمل ايه وبعدين اصله وحشني اوي
نجوي: بقولك ايه هو وصل الصعيد
اماني: اه من بدري
نجوي: طاب ايه رءيك تقنعي ماما أننا نسافر الصعيد مش طنط نجمه هناك
اماني: اه وكمان حبيبتنا طنط عقيله ورزه صاحبتي
نجوي: والله وحشتني اللمه بتاعتهم اوي
نجوي: بس تفتكري امك هترضي
اماني: انا هقنعها بس سامحيني هستخدمك كطعم لا
نجوي: ازاي يعني
اماني: شوفي ياستي بما انك عندك 25 سنه وامك فاكراكي بايره
نجوي: اتلمي
اماني: هو ده اللي ف دماغها صدقيني انا بقي هقولها أن فرصتك ف الجواز ف الصعيد هتكون اكبر واحسن واحسن العائلات ما هيصدقو يخطبو لحد من أولادهم انسه زي القمر زيك حمار وحلاوه ووعلام ووظيفه وهيا هتصدق عشان يا عيني عايزه تفرح بيكي
نجوي: اه يا بنت القرود
اماني: امال ايه يا ماما في هنا مخ مش مهلبيه
نجوي: طاب وايه اخبار قلبك مع ساجد
اماني: ساجد ده قاعد ومربع ف قلبي
نجوي: ربنا يسعدكم يارب
اماني: ويسعدك يا قلب اختك هروح انا بقي اتكلم مع رابحه وربنا يهديها
وبالفعل تتحدث اماني مع رابحه وتنفذ مخططها لتوافق رابحه
رابحه: ماشي بس هننزل عند عقيله الاول
اماني: ماشي وناخدلها زياره محترمه عشان ظروفها
رابحه: صاحبه واجب طول عمرك واكيد في حد هناك هيشوف اختك ويتجوزها
اماني: ده اكيد طبعا هو في زي نوجه اختي حبيبتي
رابحه: بس ابوكي مش هيسافر معانا عشان نبقي علي راحتنا هاتي الموبايل اما نتصل عليها
اماني: بفرحه من عونيا
لتتصل رابحه علي عقيله
عقيله: بفرحه يا سلام ده انتو تنورو واشيلكم فوق راسي من فوق يا عشرتي الحلوه
رابحه: طاب بلغي نجمه
عقيله: لما توصلو بالسلامه إنشاءالله
رابحه: الصبح باءذن الله هنكون عندك اسمعي ورحمه جوزك متعملي اي حاجه
عقيله: ليه كده بس
رابحه: يا بت احنا اخوات واسمعي ليكي عندي مفاجاءه حلوه اوي بس لما اجيلك
عقيله: يا اختي انا عايزه اشوفك بس ونرجع ايام زمان ديه رزه هتفرح اوي
رابحه: ربنا يحرسها يارب