رواية زوجاتي الثلاثه الفصل الخامس عشر15بقلم جمانه السعيدي


رواية زوجاتي الثلاثه الفصل الخامس عشر15بقلم جمانه السعيدي



مصطفى....صار اكثر من  تسع اشهر واني كلشي مااعرف عن عهود 
شكد رحت الشارعهم  وشكد سئلت عنها  محد يعرف اي شي عنها 
حتى سئلت اذا واحد يعرف اسم عائلتها  بلعماره 
او يعرف وين ساكنين   بس محد يعرف أي شي عنهم 

عايش ندم حقيقي لان   ما سألتها عن اهلها 
ولا عرفت هيه من اي عشيره 
ماجنت متوقع راح اخسرها فجئه        
طول هاي الاشهر كلها     كل يوم اتصل على رقمها 
واكول بلكت ترد عليه واعرف اي خبر عنها ماكووو 

مرتضى....بعدك تتصل على رقم عهود 
مصطفى...وراح ابقى اتصل منا لمن اعرف وين راحت وليش اختفت فجئه 
مرتضى...ايجوز رجعت الاهلها بلعماره 
مصطفى....مستحيل هيه ماتحبهم تموت منهم 
اصلا هيه ازوجت حتى لاترجع البيت عمها 
مرتضى...ايجوز غيرت رائيها 
مصطفى.....ابد    مااصدك     غيرت رائيها من جهة بيت عمها 
مرتضى....تحبها 
مصطفى...شلون مااحبها غير زوجتي 
تعرف من جنت اروح  عليها   تتلكاني مثل الطفله الفرحانه 
بجيت ابوها 
تحير شسوي      سوالف وضحك ولعب      
احس وياها   عمري زغير     تجيني طاقه بس اشوفها 

اول ماامها كالت ازوجها   كلت ايجوز طمعانه بيه 
مثل الهام        امها كالت كلشي مانريد منك 
هم بقيت خايف  منها لان الي شفته من الهام مو شويه 
بس بعدين عرفتها   زين 
بعمري مارحت عليها وطلبت مني شي 
حتى من اسئلها اذا محتاجه شي  تكول سلامتك   
كلشي ماريد بس لا تنساني 
جنت اشوف الحب  بعيونها   
حرامات    ماكدرت احافظ عليها 
مرتضى...وانت شنو ذنبك    ليش تلوم نفسك 
مصطفى...لو  مزوجها   علني وكدام الناس   جان كدرت احافظ عليها        جمانه السعيدي 
جان جبتها تعيش قريب على بيتي  حتى اطمن عليها 
بس اني  كيفت  عليها ولأن هيه  ساكته وما طالبت اي شي
سكتت    ومشيت الوضع 
حتى ما طلبت مني أعلن زواجنا ابد    كيفت  عليها لان ساكته
لمن خسرتها        
اني هسه ماريد شي بس اريد اعرف هيه وين صارت 
ولا واحد يعرف عنوانها ولا حتى اسم عشيرتها ولا المنطقه الي عايشه بيها 
مرات اكول خاف   عهود  حلم  بحياتي     ايجوز اني جنت احلم 
مو معقوله دخلت حياتي بسرعه وراحت مني بسرعه 
مرتضى....شلون حلم واني جنت شاهد على زواجك 
مصطفى....اتمنى التقي بيها مره وحده وبس 
أريدها تعذرني لان ماكدرت احافظ عليها

مرتضى...الله كريم اذا الكم قسمه تلتقون    ااكيد راح تشوفها    وتعرف شنو ضروفها 

مصطفى...بلنسبه الالهام كلشي ماكدرت احصل منها 
بس كدرت اخذ قرار محكمه اشوف ابني   كل شهر مره 

جانت تجي    للمحكمه وجيب مؤمل وياها 
بس مايقبل أقرب علي    يصرخ بس يشوفني 
مايقبل حتى ابوسه 
تكرر هذا الموضوع اكثر من عشر مرات 
الولد يفحط هلكد ما يبجي بس يشوفني

لغيت هذا اللقاء بيني وبينه  لان كلشي مااستفاد منه 
يبقى يبجي وانقهر علي    عليمن  مخلي يبجي 
ملازم   بلكت يكبر ويفهم الحقيقيه  ويرجعلي 

مصطفى...بعد مرور سنه  كامله على  اختفاء عهود 
اجت  سنة عمت ميسون الله يرحمها 

اجرن سياره وراحن كلهن للنجف 
ميسون وأهلها  كلهم  وامي ونسوان اخوتي 
وابو ميسون   بس اني مارحت  وياهم   لان عندي شغل 

يومها صادف جمعه      كنت كاعد   بلمجمع 
اني ومرتضى بلطابق الاول  عدنا جرد.حسابات 
ومجتبى بلطابق الثاني     يجهز طلبيه 

جان تطبك سياره    سوده   باب المجمع كلش 
ووراها سياره بيضه  وراها مباشرتا      سدن باب المجمع

نزلو من السياره الأولى   ٣ زلم 
شايلين سلاح 
والسياره للثانيه نزلو منها ثنيين بس مادخلو للمجمع 
بقو برا يراقبون الوضع

مرتضى...تقدم   وكاللهم خير شكووو 
الاول..كان شاب    بس شكله ابد مو مريح 
صاح بصوت عالي وين مصطفى 

مرتضى...ليش شتريد منه 

الثاني.....احجي بسرعه  ووينه 
مصطفى...اني تقدمت وكتلهم اني مصطفى 
مرتضى   رجعني ليوره    خاف عليه وصار هو كدامي 
مصطفى...اوكف خل اشوف شكووو 
منو انتم   شرايدين      جمانه السعيدي 
الاول....انت مصطفى 
مصطفى...خير    منو انتم 
الاول....احنا أهل عهود 
مصطفى...من كال اهل عهود   حسيت بلعومي يبس 
مو خوف منهم   بس حسيت عهود ضاعت  مني للابد
مصطفى...وين عهود  شسويتو بيها 

الاول...اني ابن عمها    واليوم اريد اخلص عليك 
ياعار     انت هم تنحيب رجال 
تضحك عليها وتزوجها     باي شرع واي قانون 
تزوجها بدون علم اهلها 
ااكو واحد يخطب ويزوج من مره 
بيش ضحكت عليهن    
مصطفى....انت اكيد ابن عمها المجرم الي تحجي عنك 

شسويت بيها احجي وين عهود      مراح تخلص مني اله اشتكي عليك 
راسا مرتضى لزمني من ايدي وىجعني ورا 
مرتضى....انتم هسه شرايدين  بلضبط 
خل نفتهم  
ابن عم عهود....ايطلكها  ويدفع    دية حقارته  وضحكه على النسوان 
خوش لكا  نسوان يضحك عليهن 
مصطفى...عهود زوجتي  ومااطلكها 
مرتضى.....مصطفى   اسكت  اني احجي 
مرتضى.....ميخالف يطلكها    تمام  ماكو مشكله 
مصطفى...مرتضى 
مرتضى...اس لا تحجي اني الجبير واني الي احجي 

ابن عم عهود.....ايطلك هسه  ويدفع خمسه مليون 
ونطلع منا  بدون اي اضرار 
اما اذا عاند او ركب راسه 
تموت انت ويااا  وهذا  الخير كله نحركه 
ولا تهددني بلحكومه  لان  ما نخاف  وحتى السجن متعودين علي 
مرتضى...موافقين 

ابن عمها ااشر  للسياره الثانيه  واجا واحد  جبير 
بيده دفتر 
ابن عمها..... طلك شيخنا  يله بسرعه 
مصطفى...شنو عصابات  ترا ما تخوفوني 
مرتضى....اسكت   لا تحجي 
الولد الثاني الي دخل ويا ابن عمها  بيده  بندقيه سحب أقسام 
   مصطفى.......مرتضى...خلاني ورا وكاله     لا ماتفقنا هيج  اني راح انطيكم  اي شي تطلبو   جمانه السعيدي 

الشيخ...انت موافق اطلك 
مرتضى...اي شيخنا يطلك 
الشيخ...اسمع منه 
ابن عمها...احجي لا اطير راسك 
مصطفى.....حسيت نار تطلع من عيوني     شنو ذوله 
ويهددونا       ليش مستقوين علينا
ابن عمها...احجي لا اطشر راسك  عبالك ماعدها اهل 
وستغليت الوضع 
اليوم اطلع حليب امك من خشمك 
مرتضى...لا يطلك يطلك   مصطفى     طلك خويه  وخلصنا 
مصطفى...لوما مرتضى فلا اطلك 
مرتضى...فدوه اروحلك   طلك وخلصنا
مصطفى...طلكتها غصبا ما عليه     كعدت على الكرسي 
كمت مااكدر اوكف هلكد ما انقهرت 
رجع مرتضى وفتح القاصه  وسحب خمسه مليون ونطاهم 
اخذوهن      
ابن عمها ضم الفلوس بجيبه 
وبقا لازم السلاح واكف  كبالنا 
والبقيه   حركو سياراتهم وعدلوهن على الشارع 
طلع ابن عمها صعد  وياهم   وشغل السياره    بسرعه 

مصطفى....خل أبلغ عنهم 
مرتضى...لا ما نبلغ عنهم ذوله عصابه  اذا بلغنا على واحد 
يطلعون غيره عشره 
هاي هيه  خليهم  يرحون    كفينا شرهم 
احسن ما يكتلونا   
مصطفى....هسه عرفت عهود وين 
هذا النذل اخذها     مع الاسف  احتمت بيه وماكدرت احميها 

الله اعلم   شمسوي بيها هذا
مرتضى...كلشي قسمه ونصيب 
واحنا هذا حد نصيبنا ويا عهود 
الله قاسملها ترجع بيت عمها   الله يتكفل بيها 
هو اعرف بحالها       
مصطفى...حرامات   شلون اجو وسدو الباب علينا 
وجايين مسلحين يهددونا 
مرتضى...اني خفت عليك     خفت لا تتهور ويضربونك
مصطفى...شكد مقهور  
شكالت عليه عهود      ليش اتخليت عنها 
مرتضى...لا تبقى تاكل بنفسك 
كلشي قسمه ونصيب 

مصطفى...بقيت اليوم كله تعبان وضايج  وافكر بعهود 
راح ياخذها هذا النذل 
شلون  راح يقرب عليها 
شلون ضحكتها الحلوه راح تروح 
امها شلونها   ايجوز ماتت من كد القهر   
يعني عهود بقت وحدها بهاي الدنيا   ويا هذا الوحش
الله يساعدها 

من رجعت ميسون من النجف    لكتني كاعد بلغرفه  
الغرفه ضلمه وحتى ملابسي ما مبدلهن
حست صاير شي 
ميسون...شبيك ليش  كاعد بلضلمه
مصطفى...مابيه شي
ميسون...لا   اكو شي شنو مااعرفك 
مصطفى...مو كتلج مابيه شي
ميسون.....براحتك       
مصطفى...اعذريني تعبان اليوم   خسرنا خمس ملايين 
ميسون...يااا تحجي صدك شلون خسرتوهن 
مصطفى...جبنا بضاعه وطلعت  خربانه 
ميسون...ليش ماترجعوها 
مصطفى....ماترجع  بعد     

لليل بقيت مقهور   مجاي يطلع القهر من كلبي 
اول مره انقهر الهاي الدرجه 
اسبوع كامل    واني  امشي احجي ويا نفسي  علمود عهود 

بس بعد شيفيد الندم 
عهود راحت مني 

صح اني هسه عرفت عهود وين 
بس شلفايده  مااكدر ارجعها ابد 
مجتمعهم تحكمه العشاير   وذوله مبينين    عصابات 
مستحيل اكدر اخذها منهم مره ثانيه 

بقيت ااكل بنفسي   علمودها    جمانه السعيدي 
بعدين فكرت اسئل على  شيخ  عشيره بلعماره 
ااي شيخ  واسئله عنهم  وانطي مواصفات   ابن عمها 
بلكت يلكالي حل 
بلكت يكدر يساعدني 
فعلا بقيت   اسئل   لمن وصلت الشيخ عشيره عام   
اكبر شيخ عشيره 
قررت اروحله واحجيله قصتي  كلها   بلكت يكدر يساعدني 
اطلع عهود من  جوه  حكم ابن عمها 

ماكلت الاي احد  حتى مرتضى ما حجيتله  لان اكيد مراح يقبل  اعرض نفسي للخطر 
كتلهم ضايج اريد اروح للزياره 

رحت بسيارتي  وصلت الساعه ١١ الصبح 
رغم الشيخ ابد مايعرفني  بس رحب بيه    ووصا اهله يحضرون الغده 
مصطفى...شيخنا  اني ماريد اي شي بس اريدك تساعدني 
وبديت احجيله قصتي كلها 

الشيخ...اعذرني انت غلطان  شلون تزوجها  هيج 
غير تجي الاهلها وتطلبها منهم 
مصطفى...هيه كالت مااريدهم واني شارده منهم 
الشيخ.. ولو  انت غلطان   انت منيين خطبتها 
غير كون تخطبها من بيت عمها 
انت هيج اجاوزت عليهم   وهذا الحجي مايصير 
مصطفى...وهسه شيخنا  
مرتي اريدها   اني متأكد هيه ما مرتاحه عدهم 
واني وعدتها اساعدها

الشيخ...هسه ترجع الاهلك   وتخلي رقم تليفونك 
هنا   واني راح  اسألهم واشوف ردهم شنو 
بس تقبل باي شي يكولونه 
بيت عمها شرانيين     وماعدهم مانع يكتلونك 
وانت عدك عائله 
اسئلهم وارجعلك خبر 

مصطفى...ماقبل الشيخ اطلع قبل لا اتغده 
تغديت  ورجعت البيتي 
مامرتاح  ابد مااشوف  ابن عمها يرجعها اليه 
حتى مااكدر اشتكي عليهم  مايخافون من الدوله 

بعدها بيومين   الشيخ اتصل عليه 
مصطفى...هااا شيخنا بشر 
الشيخ....بويه اكعد بمكانك واسكت    ذوله  ضاميلك ضميمه 
متحلفين بس توصل يكتلونك 
ويكولون   احنا   من رحنا علي جنا ناوين نكتله 
بس   أخذنا منه  ثمن   هاي الغلطه 
واذا قرب علينا    نفصل راسه عن جسمه 
ونودي هديه الاهله 
بويه اكعد بمكانك واسكت  وعوضك وعوض مرتك على الله 

مصطفى...حسيت الدنيا صارت سوده بوجهي 
يعني بعد مااشوف عهود ابد 


تعليقات



<>