رواية عيلة الجيار الفصل السابع عشر17بقلم سلسبيل احمد
- انا عايزة اروح.. احنا فين
= انا مش قادر استوعب.. بتعملي كده ليه ؟؟؟؟
انا مش هسمح لك تكرري تصرفاتك دي فاهمه !!
ضحكت بعدم وعي: هتعمل ايه.. هتحبسني معاك!؟
- فوقي لنفسك !!! فوقي قبل ما تضيعي يا چنى
" كان مازال الشرب مأثر عليها "
= انت اللي مفروض تفوق.. و تعرف اني كنت بحبك.. بس قبل ما تعمل اللي بتعمله ده.. وتتخلى عني.. انا كنت فاكره انك غيرهم..! بس انت زيهم يا زين.. انت كمان زيهم وشايفني زيهم
" چنى كانت عماله تتكلم و زين متفاجئ ومش عارف يستوعب كلامها "
= انا افتكرتك هتفضل جمبي.. بس انت عملت زيها
رد بعدم فهم: عملت زي مين!!
- ماما.. انت عملت زيها.. انت كمان عاوزهم يحبـ.ـسوني صح!!! عاوزني ارجع مصر..
واتحبـ.ـس تاني؟
" زين بصلها بتعجب ومش فاهم منها ولا حرف "
- انا مش فاهم انتي بتتكلمي عن ايه بظبط!؟ انا حقيقي مش فاهم انتي واعيه لكلامك؟
" چنى فتحت الباب خرجت من العربية وفضلت ترجع جامد فا زين نزل علطول وسندها عليه و لم شعرها بهدوء رجعت العربية وهو فضل يحاول يخليها احسن لأن مينفعش تحضر يوم جامعي بكره وهي بالمنظر ده والجامعه ممكن تاخد معاها إجراءات حـ.ـاده.. "
" فضلوا في عربيته طول اليل وهي نايمه وهو كل شوية يبص عليها.. "
>>>>>>>>>>>>>>>>>>>>>>>>>>>>>>>>>>>>
|| مصر | الغردقة | اوضة فريده ||
ادهم بص لها: فريده.. اللي محتاجه تعرفيه دلوقتي اني بحبك انتي.. مفيش ابدا ابدا واحده عرفت تعمل فيا اللي انتي عملتيه.. وتخترق كل حصوني بمنتهي السهوله دي وانا ابقى في منتهى الاستسلام..
" فريده بصت له بحب وهي مش مصدقه كلامه! "
" و بعدين قاطعهم خبط على الباب "
" ادهم استغرب و راح يفتح لقاه مدير الفندق "
- ادهم بيه ممكن تفضل معايا دقايق
" فريده بصت له بعدم ارتياح لكميه الحاجات الغريبة اللي بتحصل.."
" أدهم خرج معاه و ساب الحراسة مع فريده "
' بقلمي Slsbell Ahmed '
|| داخل الغرفة الخاصة بالكاميرات ||
- انا في العادة مش ببلعْ النزلاء بحاجة زي كده.. لكن عبدالعزيز بيه الجيار نزيل مهم عندنا.. وعلاقتنا معاه قوية علشان كده شوفت اني لازم اعرفك.
ادهم اتنهد وبص له: انا مش عارف اشكرك ازاي يا أستاذ انور حقيقي.. انا ممكن اخد التسجيلات صح..
أنور: مفيش مشكلة لكن لو فيه اي إجراءات قانونية هيتم اتخذها او نشر التسجيلات لازم نبقى عارفين الأول ابعاد الموضوع..
ادهم: اكيد اكيد مفهوم..
" فريده كانت عماله تلف في اوضتها بحيره.. "
" و ادهم عمل مكالمه لشريف و دخل معاهم مصطفى و بلعْهم باللي شافه "
شريف: يعني ايه؟ طب فيه اي دليل انهم تبع زياد نصرواي؟
مصطفى: بظبط دي اهم حاجه..
ادهم: و دي هتبان ازاي يا ذكي منك له..؟ كل اللي واضح اننا متراقبين و انهم ورانا بشكل مبالعْ فيه !! وانا التسجيلات معايا لكن لو قدمتها مش هستفاد اي شيء ابسط حاجه العيال دي هتقولها ان وجودهم صدفه
شريف: يعني ايه؟ هتفضلوا كده تحت عينهم؟ افرض عملوا حاجه؟
مصطفى بتفكير: هما بالفعل عملوا ! انت نسيت عربية فريده اللي اتعطلت اكيد كانو ورانا وقتها
ادهم اتنهد: بالفعل باين فالكاميرات رجوعهم بعدنا بثواني.. فا اكيد كانو هناك
مصطفى: هي فريده متأكد انها مشافتش اي حد ؟؟؟
ادهم: هسألها تاني.. المهم اني بعرفكم ده لأني عاوز شريف يطلع حالا على جدو و بابا ينبهم
شريف: هنعرفهم يعني؟
ادهم: لازم يخلي باله.. انا كنت شاكك دلوقتي متأكد..
شريف: تمام هتحرك دلوقتي..
ادهم: مصطفى.. عاوزك تعمل اي حاجه تخليهم يثقوا فيك فاهم. ؟
مصطفى: انا حاليا اتعينت.. و بنزل الشركه بس طبعا مفيش اي معلومه مهمه اتقالت قدامي.. لكن متقلقش.. هفضل لازق لهم..
ادهم: تمام..
" قفل معاهم و رجع اوضة فريده اللي كانت رايحه جاية بنفاذ صبر وهي مش فاهمه فيه ايه بظبط "
- كنت فين كل ده !
= مفيش... المدير معرفة فا كان بيقولي بطريقة لطيفة اني مينفعش افضل معاكي في الاوضة لوحدنا
فريده فتحت عينيها بدهشه: والله!!
ادهم غمز لها وابتسم: لما نتجوز محدش هيقدر يكلمنا
بصتله بتعجب اكتر: انت بتقول ايه ادهم انا بتكلم جد
= مانا بتكلم جد.. هنتجوز؟
ضحكت غصب عنها وهي بتبصله: مش موافقة.. لما تفهمني الأول موضوع الزفتة اللي حضنتك قدام عيني
اتنهد: اللي اقدر اوعدك بيه انه ده مش هيتكرر
ربعت ايدها بجديه: افهم برضو بينكم ايه
- مفيش بينا حاجه يا فريده اكيد.. هي شغاله في شركة منافسة لينا.. فا كنت بتكلم معاها بشكل لطيف عشان اعرف حاجه معينه
= وهي رضيت تتكلم وتقعد بعد لما انت طردتها؟ وبعدين هي دي صدفة انها في نفس المكان اللي احنا فيه ؟؟
- انت بتسألي اسئلة كتير..
بصت له بعناد: وانت هتجاوبني عليها كلها
بص لها بحب: عنيا.. هي رضيت تتكلم.. عشان هي يعني بطريقة ما معجبة بيا
فريده ضيقت عينيها: دي كلمه بتحاول تخف بيها الحقيقة صح؟
- حقيقة ايه؟
= انها بتحبك مش بس اعجاب
ادهم بهدوء: بتحبني.. بس انا لا... ولا حتى عاوز نرجع صحاب انا وهي.. وانتي عارفه موضوع مصطفى وانها وقعت بينا
- ازاي وصلت هنا؟
= مش عارف
" فضلت بصاله بـ شك و ضيق فا اتنهد "
= هي نازله قاصده..
- ماشية وراك بقا؟ اتجنـ.ـنت بيك؟
" ادهم كان قدام اختيارين.. يقول الحقيقة ويخلص نفسه وفريده تعرف انهم متراقبين وفيه حوارات كتير.. او يخلي الموضوع يبان ان لمياء مجنـ.ـونه بيه! وطبعا هو اختار الاسهل بالنسبالة "
= هعملها ايه؟ انا هاخد اللي عايزه وهبعد عنها
ردت بإنفعال: مش صح !!! ايا كان اللي عايزة منها ! وايا كان السبب انت بتلعب بيها وانا مش هقبل حاجه زي دي
- معاكي حق وانا هحاول ابعد..
= ايه اللي عاوزه منها يخليك تستغلها بالشكل ده ؟
- هي تستاهل على فكره !
= دي مش اجابة سؤالي !
- معلومات يا فريده عايز اعرف معلومات مهمه في الشغل وخلاص متكبريش الموضوع
= جدو عارف؟ او حتى عمي؟
- محدش يعرف
= يعني حتى محدش منهم طلب ده.. وانا لحد دلوقتي مش قادره افهم هل فيه حاجه معينه هتخلي شغلنا يضر؟؟ فا انت مضطر تقرب منها ؟ ولا انت بتقرب منها ليه؟؟ فهمني
ادهم اتحرك خطوات و بقا قدام فريده مباشرة وبص لعينيها: قوليلي انتي بتفكري ازاي.. فكراني عاوز اقرب منها و مبسوط بـ ده ؟ ولا فكراني عاوز ارجع لحياتي القديمه.. قولي..
فريده كانت متوتره: انا.. مقلتش كده
- انتي واثقة فيا؟
مسحت على شعرها: واثقة فيك يا أدهم.
= يبقى تديني فرصة.. اديني وقت وهقولك كل حاجه لكن مترميش كلام.. يبين لي انك فكراني وحش
فريده بصت له و ردت بدون تفكير: انا مش فكراك وحش انا بحبك!! ومش عاوزة اشوفك بتقرب من واحده بالشكل ده او حتى هي تقرب منك
" وطت راسها بضيق و ادهم رفع راسها ناحيته تاني وهو بيمسح خدها بحنان "
- وانا محبتش غيرك يا فريده.. ومحدش ملك قلبي غيرك.. صدقيني مش هعملك حاجه تضايقك تاني بالشكل ده انا آسف!
" ابتسمت وهي عيونها بتلمع..
فا ادهم نكش شعرها بحب"
- بتحبيني يعني؟
ضحكت وبصت له برخامه: مش بحبك
- بتحبيني.. وبتغيري..
= مش بحبك ومش بغير واطلع بره مش الـ manger قالك متفضلش معايا؟ يلا بقا.. out
ابتسم: طالع يا قطة.. وهنشوف الموضوع ده لما نرجع.
" فريده كانت مكسوفة جدا و وشها احمر و ادهم لما خرج فضلت تتنطط في الأوضة بفرحه و مسكت الموبايل تكلم زين.. بقلمي سلسبيل احمد "
>>>>>>>>>>>>>>>>>>>>>>>>>>>>>>>>>>>>>
'اللهم صلِ وسلم وبارك على سيدنا محمد '
|| ألمانيا | في العربية ||
" كان زين لسه جمب چنى.. لما موبايله رن خرج من العربية يرد على فريده "
- زنزون وحشتني
اتنهد بتعب: وانتي كمان يا فريده
= فريده؟ مالك فيه ايه!
- مفيش بس مرهق شوية..
= انت مش مفروض عندك محاضرات الصبح انا استغربت اني لاقيتك رديت..
- اه عندي بس سهران شوية
= انا عرفت موضوع چنى.. زين بلاش تخليها تأثر عليك.. و ركز في دراستك وبعدين هي الخسرانه اصلا صح ولا ايه ؟
ابتسم بسخريه وهو بيبص عليها في العربية: صح يا فيرو
ابتسمت: انا عاوزة اقولك خبر.. محدش غيرك هيعرفه ماشي..
زين: خبر حلو؟
- ايوه..
= واضح في نبره صوتك عموما يا فيرو قولي
- انا مش عارفه ازاي... بس.. ادهم اعترف لي انه بيحبني... وانا كمان تقريبا قولتله
زين ابتسم بسعاده: انا مش مصدق... ادهم نطق اخيرا؟
فريده بستغراب: ايه نطق دي!! انت كنت عارف
زين ضحك: انا عارف من بدري اوي يا فريده !
كان باين اوي..
ردت بدهشه: باين؟؟ باين ايه وازاي
زين بثقة: اخويا وانا عارفه.. كان باين.. وقعتي ادهم الجيار المغرور لوح التلج..
ضحكت جامد: معملتش حاجه وقع لوحده..
- المهم انه وقع.. ده احلي خبر اسمعه من فتره كبيره حقيقي يا فيرو... انا مبسوط اوي بجد ومبسوط انك كلمتيني..
= هو لو عملنا خطوبة.. هتعرف تيجي
اتنهد: مش عارف.. اكيد عاوز..
- عموما لسه بدري صح.. هو أكيد مش هيتسرع
= مش هيتسرع ايه... دقايق وهتلاقيه داخل عليكي بالمأذون
فريده بخضه: متهزرش يا زين
ضحك: مش بهزر.. أدهم ملوش في جو الخطوبة ده وكده.. طالما وقع.. يبقى خلاص
- وانا افتكرته بيهزر لما بيقول هنتجوز امتى
= طب يعني قال اهو.. مش بقولك.. مبروك يا عروسة
انا مضطر اقفل دلوقتي هكلمك تاني ماشي
- اوكيه.. خلي بالك من نفسك يا زوزو
" زين قفل معاها لما لاحظ ان چنى بدأت
تفوق و رجع العربية يشوفها"
- ايه اللي حصل احنا بنعمل ايه هنا؟
= فوقتي؟
- انا فايقه!. ومش فاكره حاجه
= طبيعي.. شربتي قد ايه عشان توصلي للمرحله دي..
" بصت له وهي بتستوعب "
- شربت ايه.. صح.. الحفله و ... انا كنت مع صحابي.. انا ازاي معاك؟ انت ازاي هنا؟
= مش فاكره خالص انك كلمتيني في الموبايل
چنى: محصلش!!! انا هكلمك ليه بعد اللي قولته ليا
بصلها بسخريه: قولت ايه ؟؟؟ قولت الحقيقه اللي ضايقك وبتنكريها؟ والدليل اهو ! شوفي عامله ازاي
ردت بعصبية: حقيقة انت مصدق نفسك ؟
زين بزعيق: انتي اللي مبقتيش فايقه لنفسك وادي النتيجه انتي مش فاكره اي حاجه اصلا ولا مدركه اللي بتعمليه و بتبوظي حياتك
" چنى نزلت من العربية بغضب و زين نزل وراها مسكها من دراعها قبل ما تتحرك "
- انا قولتلك اني مش هسمح لك تكملي
في اللي انتي فيه ده
= انت ملكش اي دعوة بيا فاهم؟ سبني
- اسيبك؟ ده اللي انتي عاوزاة؟
بصت له بإصرار: اه سبنى ولو انا كنت سكـ.ـرانه زي ما بتقول ومش واعيه وحصل وكلمتك دي تبقى غلطتك عشان جيت
" زين سابها بهدوء و بص لها "
- المفروض اني اشوفك فى حاله زي دي واسيبك؟
= سبق و شوفتني وحشه.. عاوز مني ايه؟
- فا بتثبتي انك تبقى وحشه!
= ابقى وحشه؟ يمكن انا كده من البداية بس انت اللي مش واخد بالك عشان غبي
" سابته ومشيت و زين كان هيتجنن ضرب عربيتة بغيظ و بعدين قرر يرجع يروح البيت يلحق ينام حتى ساعه عشان يقدر يروح محاضراته.. "
>>>>>>>>>>>>>>>>>>>>>>>>>>>>>>>>>>>>>
' سبحان الله وبحمده سبحان الله العظيم '
|| مصر | شركة الجيار مكتب عبدالعزيز ||
- ده كده كل اللي ادهم قالي ابلغه لحضرتك..
وليد: و ليه محدش منكم اتكلم قبل السفر يا شريف
شريف: مكنش متأكد وقتها
عبدالعزيز: اللي كنت خايف منه حصل يا وليد
" شريف استغرب رد عبدالعزيز و وليد بص له "
- متقلقش يا بابا.. احنا مسيطرين على الاوضاع.
روح انت دلوقتي يا شريف.
" شريف خرج و عبدالعزيز اتكلم "
- انا مش مرتاح.. كلمهم يرجعوا دلوقتي
= هما كدا كدا جايين ده فرق ليلة
- أكد عليهم يتحركوا دلوقتي يا وليد..
= بابا متقلقش حضرتك فاكره هيعمل ايه يعني؟
- فاكره طالع لأبوه اللي ما صدقنا خلصنا منه.. ابنه هيكون اللعن كمان وبعدين هما غلطوا لما بعتوا مصطفى عنده.. ابنك اتصرف من دماغه
وليد: ادهم طول عمره كده.. لما يجي بس هنرتب كل حاجه.. مش عاوز حضرتك تقلق الحراسة معاهم..
" عبدالعزيز مسك موبايله و رن على ادهم "
' لا إله إلا انت سبحانك اني كنت من الظالمين '
" ادهم كان نايم و الموبايل سايلنت.. "
" فا رن على فريده و صحيت ترد وكانت
الساعه 4 الفجر "
- ءء ألو مين
= فريده حببتي اخبارك ايه
قامت بنوم: الحمد لله ياجدو.. انت عامل ايه
- كويس ياحببتي.. انا بس برن على ادهم مش بيرد
= هو اكيد نايم في اوضتة
- انتوا اوضتكم جمب بعض مش كده؟
= ايوه
- تقدري تطلبيه دلوقتي عايزه
" فريده رنت على ادهم من التلفون الأرضي بتاع اوضتها فا ادهم قام على صوته في اوضته و رد عليها وهي قالت له يكلم عبدالعزيز "
" قام وهو بيفرك عينه و مسك موبايله كان عبدالعزيز رانن كذا مره.. "
- ايوه يا زيزو فيه ايه وحشتك للدرجه دي
= ادهم معلش ياحبيبي انا عاوزكم ترجعوا
دلوقتي القاهرة
- ما احنا كدا كدا راجعين كمان كام ساعه يعني
= انا كلمت عربية دلوقتي عندكم هتستناكم قدام الفندق تتحركوا بيها.
" ادهم افتكر ان شريف بلغهم بكل حاجه بس متوقعش جده يبقى قلقان كده "
- جدو احنا كويسين ومفيش حاجه.. ليه القلق ده؟
= كده هبقى مرتاح اكتر.. اسمع الكلام يلا قول
لـ فريده تجهز نفسها
" ادهم رن على فريده مره تانيه و هي ردت وكانت بتنام قالها انه رايح لها "
" افتكرت فيه حاجه قامت تفتح الباب و ادهم دخل ومعاه شنطه "
- سيبي الشنط وهاتي حاجتك المهمه في الشنطه دي لأن احنا هنتحرك دلوقتي..
" مكانتش مركزه وعايزه تنام فا بصت له بستغراب "
= نتحرك على فين
- هنرجع القاهره..
ردت بزهق: والله انا تعبت منكم
= معلش كده احسن جدو حجز لنا عربية خاصة
- انا مش فاهمه ليه كل ده عشان واحد
مشي ورانا يعني
" ادهم بصلها بستغراب ! "
- واحد مين يا فريده؟
" فريده فركت عينيها وهي بتستوعب "
" ادهم مسكها وخبط على راسها بهدوء "
= ركزي فريده بصيلي و ركزي كده واحد مين اللي مشي ورانا ؟؟؟
" اتنهدت و هي بتشتم غبائها "
- مقصدش كده.. اقصد ان
" كانت بتحاول تفكر في كدبه لكن ادهم قاطع
تفكيرها بنرفزه "
= اتكلمي.. قولي اللي حصل
- معرفش مش متأكده يا ادهم ! شوفت واحد ورايا لما البيتش باجي عطلت خلاص؟
" الباب خبط في اللحظات دي.. و ادهم كان فاكرهم الجاردات عشان هما مفروض قدام الأوضة.. "
" و فعلا كان الجارد خالد.. لكنه داخل
الاوضة رافع ايده ورا راسه بإستسلام "
" و وراه التلت جاردات الباقين بالمسـ.ـدسات واحد مثبت خالد والاتنين التانين وجهوا السـ.ـلاح ناحية فريده و ادهم "
ادهم بصلهم بصدمه: انتوا بتعملوا ايه !!!؟؟؟؟؟
>>>>>>>>>>>>>>>>>>>>>>>>>>>>>>>>>>>>
|| مكتب زياد نصرواي ||
- ألو...
= ايوه يا باشا... نفذنا اللي قولت عليه..
- تمام اتحركتوا؟؟؟
= هنتحرك حالا..
