رواية خلف الاضواء بقلم نور الهادي
رواية خلف الاضواء الفصل التاسع عشر19 بقلم نور الهادي
قال جاسر: ـ جيتي هنا إزاي؟ ولمين الرقم ده؟
قالت ديما: ـ في حد ساعدني وجابني لهنا، عشان قالّي إن البوليس حوالين الفيلا، مستنيين أرجع، فخليته يجيبني هنا.
قال جاسر باستغراب: ـ حد مين؟!
قالت ديما: ـ هناك.
رفع جاسر عينه، ووقف لوهلة لما شاف حد متخيلوش..لقد كان مراد.
بص جاسر لمراد، واشتد على إيد ديما وقال: ـ إنت بتعمل إيه هنا؟!
قالت ديما: ـ هو اللي جابني هنا. ساعدني وخلاني أتكلم من تليفونه عشان أتواصل معاك.
قال جاسر: ـ قابلك فين؟ متصدقهوش! ده مكنش بيساعد، ده زي أحمد، مبيعملش حاجة من غير هدف أو مقابل.
قال مراد: ـ اللي بينك وبين والدي عداوة، هي نفسها اللي بيني وبينك.
قال جاسر: ـ اخرج من هنا!
قال مراد: ـ مقدرش أمشي من غيرها.
بصيتلهم ديما، وهي بتبص لمراد. جاسر مسك إيدها وقال: ـ مين بعتك؟
قالت ديما: ـ جاسر، اهدى.
قال جاسر: ـ استنيني فوق يا ديما.
بصيتلهم، وبصت لجاسر اللي بصلها. مشيت وسابتهم، وعين مراد عليها وهو بيبص لها.
بص جاسر لمراد، اللي قال: ـ قابلت ديما فين؟
قال مراد: ـ بابا بلغنا ندور عليها لما عرف إنها هربت من عندك.
(فلاش )
كان مراد نزل من البيت للمخزن، وسامح معاه.
قاله: ـ متأكد إن بابا مع إبراهيم ده؟
قال سامح: ـ الرجالة بلغوني إن أحمد باشا جه من بعد مقابلته لجاسر.
قال مراد: ـ هو قابله؟!
قال سامح: ـ آه، وأنا لما اتصلت عليه أبلغه بخصوص ديما...
قال مراد: ـ هو إيه حكاية ديما اللي اهتميتوا بيها فجأة، وبابا كان هيتجنن وياخدها منه كده؟! تبقى مييييين بالظبط؟
سكت سامح.
مشي مراد بضيق، ودخل المخزن. وقفت عينه بصدمة لما شاف أحمد ماسك إبراهيم من رقبته وحاطط السكينة عليه.
قال مراد: ـ بابا!
قال إبراهيم: ـ الحقوني! حد يلحقننني! هيقتتتلني!
ضغط أحمد على رقبته جامد.
قال سامح: ـ أحمد باشا!
قال أحمد: ـ محدش يدخل!
بص مراد لأحمد، وعينه المشتعلة نار.
قال إبراهيم: ـ خلااااص... مووووافق!
كانت صرخة إبراهيم المميتة بعد ما أحمد جرحه في رقبته. خاف على روحه، وأحمد سابه من إيده زي الكلب.
قال أحمد: ـ هاتوا الزفت ده ورايا!
قال سامح: ـ في حاجة يا أحمد باشا؟
قال أحمد: ـ أجمد! إيه هي؟
قال سامح: ـ ديما.
قال أحمد بقلق: ـ مالها؟! حصلها حاجة؟
قال سامح: ـ مش موجودة.
قال أحمد بغضب: ـ إنت مش قولت في القسم وخدوها؟!
قال سامح: ـ دي حقيقة، لكن بيقولوا هربت منهم.
قال أحمد: ـ وإنتوا؟! متعرفوش مكاننننها؟!
سكت سامح بخوف. مشي أحمد بغضب وقال: ـ دوروا عليها حالًا! اوصلولها قبل أي حد، حتى لو جاسر. اوصلولها قبله... لازم أشوفها!
قال مراد: ـ بابا، الست اللي في البيت دي تبقى أم ديما؟
سكت أحمد وبص لمراد.
قال مراد: ـ لاقيلي ديما.
قال أحمد: ـ إزاي بنتك؟!
قال أحمد: ـ أجمد! مش مهم إزاي، المهم إنها هي.
سكت مراد، وقال: ـ وجاسر؟ إيه اللي حصل بينكم؟
قال أحمد: ـ ديما المهم دلوقتي... بلاش حد ياخدها تاني. لازم أعرف مكانها فين.
(باك)
قال مراد لجاسر: ـ بابا بيدور عليها، ويشاء ربنا إنها تقع في طريقي.
قال جاسر: ـ واضح إنك كنت بتدور بذمة يا مراد.
قال مراد: ـ مقدرش أخذلك... عشان كده مش هينفع أمشي وأنا ما أضمنش إنك تاخدها وتغير مكانها، وبابا ميشوفهاش.
قال جاسر: ـ شوفتها مش لمصلحته.
بصله مراد من معنى كلامه.
قال جاسر: ـ امشي، وجودك ملوش لزوم.
قال مراد: ـ على أي أساس قدرت أحميها؟ وجودها هنا أأمن. إنت سبتها ليهم وكانوا هيمسكوها!
قال جاسر: ـ لأني مكنتش أعرف إن هيصيبها أذى.
قال مراد: ـ ولو كنت تعرف، كنت مش هتسيبها ومش هتروح لبابا؟! ارتباطك بيه كان كأنه أقوى منها... الانتقام والعداوة اللي ملهاش صاحب.
قال جاسر: ـ متدخلش في حاجة عشان مندمكش، ومتتكلمش في حاجة إنت متعرفش فيها.
قال مراد: ـ عرفت إنها بنت السيوفي، ومخليها معاك ليه؟
قال جاسر: ـ الكلام خلص.
بصله مراد، فاقترب منه جاسر وقال: ـ امشي. ديما بقيت معايا خلاص، محدش هيقدر يقرب منها... وابعت لأحمد إن بنته معايا ومكاني معروف. لو عنده الجرأة ييجي، مش همنعه. لكن لما تبقى ديما في أمان من اللي هي فيه... ودلوقتي امشي.
سكت مراد وهو باصص لعين جاسر التحذيرية. بص للأوضة اللي طلعتها ديما، وكأنه لو فعل أي شيء أو اعترض، جاسر هيصبح عدو قدامه، خصوصًا مع حبها لجاسر. خد بعضه ومشي.
جاسر بيطلع عند ديما، اللي لما بتشوفه قالت: ـ جاسر!
قرب منها، وقال: ـ اهدي. قلقانة ليه؟
قالت ديما: ـ هو بره ولا مشي؟
قال جاسر: ـ مشي، مفيش حد غيرنا.
قالت ديما: ـ معملليش حاجة.
قال جاسر: ـ مش عارفة ده يبقى مين؟
قالت ديما: ـ عارفة، بس مكنش قدامي غيره.
(فلاش )
كانت ديما مع الراجل في التاكسي، وقالت: ـ ممكن أعمل مكالمة؟
قال الراجل: ـ معيش تليفون... بسيبه مع المدام عشان أعرف أكلمها من تليفون زميلي.
سكتت ديما. بص لها الراجل وقال: ـ هو المكان ده بعيد يا بنتي؟
قالت ديما: ـ هو... هو مش هنا.
قال: ـ فين بالظبط؟ في مدينة تانية؟
أومأت ديما ليه.
وقف وقال: ـ كده البنزين مش هيكفي. طب هشوف مكان بيبيع بنزين.
قالت ديما: ـ أنا متأسفة، خلاص، مشكلة.
قال الراجل: ـ مقدرش أسيبك هنا كده في نص الطريق. استني، أنا هتصرف.
بتقف ديما وهي ساكتة، بتبص حواليها لأي محل تعرف ترن منه على جاسر.
نزلت من العربية وهي بتدور بعينها، وفجأة جت عربية سريعة. ديما خافت، بس العربية وقفت في آخر لحظة.
جه الراجل وقال: ـ يا آنسة، حصلك حاجة؟
قالت ديما بخوف: ـ لأ، أنا كويسة.
بينزل شخص من العربية، وديما بترفع عينها وتتفاجأ لما تشوف مراد.
بصت له، فهي تعلم من يكون ابن أحمد السيوفي وخليفته.
بصلها مراد، وديما بترجع لورا.
قال مراد: ـ استني، أنا عارف إنك بتهربي... ليه؟ أنا مش جاي أذيكي.
قالت ديما: ـ إنت بتعمل إيه هنا؟
سكت مراد، وكأنه مش عايز يقولها إنهم بيدوروا عليها، لأنها متعرفش إن أحمد عارف هي مين.
قال مراد: ـ جاسر بيدور عليكي.
سكتت ديما وقالت: ـ جاسر؟
قال مراد: ـ مش عارفة تتواصلي معاه، مش كده؟
بصتله ديما من شكله وهدوئه، وهي عارفة إن جاسر خدرها عشان يقابل أحمد.
قالت: ـ هو كويس؟
قال مراد: ـ هخليكي تكلميه، بس الأول هنمشي من هنا، وهقولك ليه.
قال الراجل: ـ إنتِ تعرفيه؟
ديما بتبص لمراد بريبة.
قال مراد: ـ متقلقيش مني، أنا معنديش أي نوايا خبيثة ناحيتك.
قالت ديما: ـ ليه أجي معاك؟
قال مراد: ـ هكون سبب إنك تقدري تقابليه.
سكتت ديما. فتح لها مراد باب العربية وقال: ـ اركبي، هاخدك عنده.
بتتمشى ديما ناحية العربية، وقالت: ـ وديني فيلا جاسر.
قال مراد: ـ الفيلا عليها البوليس من بره، مستنيين ترجعي. هاخدك في مكان تاني، وجاسر ياخدك منه.
كان مراد عايز ياخدها بيت أحمد، بس ديما قالت: ـ لااا!
قال مراد: ـ في مكان معين في دماغك؟
أومأت له إيجابًا.
قالت: ـ لو عايز تساعدني، خليني أكلمه ووديني المكان اللي عايزة أروحه.
سكت وأومأ لها. راح للراجل، وخرج فلوس وادهاله.
بصله الراجل بدهشة وقال: ـ مراد، شكرًا إنك ساعدتها.
قال الراجل: ـ بس ده كتير أوي يا بيه!
(باك)
كانت ديما بتفتكر مراد، لما ساعدها وجابها هنا.
قالت: ـ كان هادي، مكنش فيه خوف منه. ساعدني فعلًا، بالرغم إني كنت خايفة أثق فيه، بس مكنش عندي حل غيره عشان أشوفك... معرفش ليه ساعدني، بس بشكره. عشان كده كنت قلقانة أتكلم معاه وحش، لأنه ساعدني أوصلك، ما أذانيش.
قال جاسر: ـ قلقانة عليه مني؟
ديما قربت منه ووقفت قدام عينه، وقالت: ـ ليه عملت كده؟
سكت جاسر.
قالت ديما: ـ حصل إيه بعدما مشيت؟ إنت... إنت قابلته؟
قال جاسر: ـ اتوقعت تكوني خايفة على نفسك أكتر.
قالت ديما: ـ أرجوك يا جاسر، رد.
قال جاسر: ـ لو كان أحمد اتقتل، مكنتيش شوفتِ مراد قدامك النهارده واقف على رجله.
بصتله ديما بشدة.
قال جاسر: ـ مقتلتوش يا ديما.
تنهدت ديما بعمق، وسالت دمعة من عينها.
قال جاسر: ـ بعتذر على اللي عملته. مكنش في إيدي حاجة غير كده.
قالت ديما: ـ ليه مقولتليش؟
قال جاسر: ـ لأني عارف إنك هتمنعيني.
قالت ديما: ـ شايفني عائق بتزيله من طريقك؟
قال جاسر: ـ ديما...
قالت ديما: ـ عيشتني رعب، وأنا زي المشلولة، مش عارفة أمنعك. ولما فوقت، لقيتك في مواجهة بينك وبينه، ويا عالم لما أوصل النتيجة هتكون فين!
مسكها جاسر.
قالت ديما: ـ مأذيتوش، مش كده؟ قول إن محصلش حاجة.
قال جاسر: ـ أنا آسف... أنا آسف إني سيبتك، وإني عملت كده. آسف.
حضنها جامد، وديما بادلته، بس كانت حاسة إن حضن جاسر قوي على غير العادة.
قالت ديما: ـ جاسر...
قال جاسر: ـ مبقتش عايز حد غيرك يا ديما. إنتِ الحاجة الوحيدة الصادقة في حياتي.
حست إن في غصة وقهر في نبرة صوته. حضنته بحب وقالت: ـ أنا بحبك أوي يا جاسر.
ربت على شعرها بحنان. ابتسمت ديما بحزن وهدوء وهي بين أحضانه.
قال جاسر: ـ هربتي منهم ليه؟
قالت ديما: ـ كنت خايفة ياخدوني، خايفة يحبسوني وأنا معملتش حاجة. وإنت... إنت مكنتش موجود. كانوا عايزني أروح معاهم.
سكت جاسر بحزن من كلامها، وهي بتقول: ـ لو لقوني، هيسجنوني وأنا معملتش حاجة.
قال جاسر: ـ بس اهدي.
قالت ديما: ـ أنا معملتش حاجة، بس مهما قولت مش هيصدقوني. هتاخد بذنب غيري... أنا خايفة، خايفة أوي.
قال جاسر: ـ اهدي يا حبيبتي.
قالت ديما: ـ ملقيتش مكان أروحه غير هنا. مكنتش هرن عليك، بس أنا محتاجاك. أنا مليش حد غيرك يا جاسر.
سكت وهو بيبص في عيونها.
قال: ـ مش هيحصلك حاجة يا ديما، أوعدك.
حضنها وقال بشر: ـ هخرجك من اللي إنتِ فيه، والكلاب اللي حطوكي هنا وخلوكي خايفة كده، هما اللي هيتحبسوا في السجن، مش إنتِ.
قالت ديما: ـ متدخلش نفسك في الموضوع. الصحافة بقت تتكلم عليك بسببي. كلهم بيتكلموا عن اللي عملته في حسن لما أنقذتني منهم.
قال جاسر: ـ خلي الكل يتكلم. الكل بيحكي اللي شافه، بس محدش يعرف الحقيقة. هو ده الإعلام.
قالت ديما: ـ بسببي هيحصلك مشاكل كتير. أنا مش عايزة كده.
قال جاسر: ـ خلاص يا ديما، إحنا في الآخر... هخرجك من اللي إنتِ فيه، ووقتها هطلعك في استبيان معايا، نقول الحقيقة.
قالت ديما بدهشة: ـ أنا أطلع معاك؟!
قال جاسر: ـ آه، بس بصفتك مراتي.
بصتله ديما من اللي قاله، ولمست رقبتها.
قال: ـ مفيش حد قادر يفرقنا أو ياخدك مني. مش هخلي للبعد مكان بينا.
قالت ديما: ـ والبوليس والبلاغ ضدي؟
قال جاسر: ـ اللي عمل كده هعرفه.
قالت ديما: ـ هو... هو مش حسن؟!
نفى جاسر لها، فخافت ديما وقالت: ـ مين اللي بلغ عني كده؟
قال جاسر: ـ سيبيلي الأمور دي... اللي عمل كده قاصدني أنا.
................
بيوصل أسامة على الطريق وهو بيقول: ـ سابه فين ده؟
بيفتكر مكالمة جاسر وهو بيقوله: ـ خمس دقايق، واستلم حسن من على كوبري عشان رايح لديما.
كان بيسوق عربيته، وقف وشاف حسن وهو مربوط في عمود النور وبيحاول يفك نفسه، بس جاسر رابطه ربطة مش مخلياه عارف يتحرك.
بينزل من عربيته.
قال حسن: ـ ساعدني!
بيشوف وشه، اتصدم وقال: ـ هو إنت؟!
فكه من على العمود وسحبه جامد من إيده، وقال: ـ امشي!
رماه في العربية، وعمل مكالمة.
قال: ـ ألو، يا جاسر، بقى معايا.
قال جاسر: ـ جايلك.
قفل معاه، وديما بتبص لجاسر.
قالت: ـ رايح فين؟
قال جاسر: ـ هخرجك من الموضوع ده الأول. خمس دقايق وجاي.
مسكت ديما في إيده وقالت: ـ متسبنيش. مش عايزة أكون هنا لوحدي.
قال جاسر: ـ هاجي أخدك للفيلا، متقلقيش. جايلك.
................
كان ظابط قاعد في مكتبه، وقال: ـ مش لاقينها؟ ما شاء الله، ولا كأنكم ليكم لازمة! ابعتوا استدعاء لجاسر الهاشمي.
اتفتح الباب، ودخل عسكري.
قال: ـ باشا، جاسر بيه بره.
قال الظابط: ـ لحق!
دخل جاسر وهو ساحب حسن من رقبته. اتصدم الظابط وبصله بشدة، وقال: ـ إيه اللي بيحصل؟!
قال جاسر: ـ إنت اللي ماسك قضية ديما؟
قال الظابط: ـ آه، مراتك، مش كده؟
قال جاسر: ـ ومكنتش مرات حد تاني.
قال الظابط: ـ كنت هستدعيك لأنك مكنتش في الفيلا لحظة وصولنا.
قال جاسر: ـ قبل ما تيجوا بيتي، كان لازم تكون معلوماتكم كافية.
قال الظابط: ـ مدام ديما هربت بمجرد التحقيق بعد بلاغ تعدد أزواج، دي مش قضية سهلة.
كان حسن ساكت. زقه جاسر، فقال حسن بخوف: ـ أنا مش جوزها! هي مكنتش موجودة وقت العقد.
قال الظابط: ـ إزاي؟
قال حسن: ـ خليت جوز أمها يجوزهالي، لأنها مكنتش موجودة.
خرج جاسر العقد واداه للظابط. كان بيشوف إمضا ديما ولا حتى بصمتها، بس بيشوف إمضا إبراهيم.
قال جاسر: ـ ديما متجوزتش إلا من راجل واحد، وموافقتش على الجواز إلا من شخص واحد، قدام شهود وقاضي وفي المحكمة. في عين القانون... كنت أنا زوجها.
سكت الظابط وبص لجاسر، اللي قال: ـ وفين جوز أمها من الاتهامات دي؟
قال جاسر: ـ الباقي يبقى شغلكم. وكلها أكبر محامٍ، وأنا عارف براءتها... هخليه يبعتلك العقد الموثوق بينا، بين المحكمة والمحامي بتاعي.
سكت الظابط وبص لحسن، وقال: ـ تعرف إن في قضية اعتداء عليك من حسن؟
بص جاسر لحسن، اللي خاف.
قال الظابط: ـ يعني مش ديما بس؟
قال جاسر: ـ وتعرف سبب الاعتداء ده كان إيه؟
قرب جاسر منه وقال ببرود: ـ خطف مراتي وحاول يغتصبها غصب عنها، بيهددها بعقده المزور وبلطجيته.
بص جاسر لحسن وكمل: ـ اللي عملته فيه مش حاجة. كان ممكن أعمل أكتر من كده، ومش هاخد يوم واحد في السجن، لأنه كان هيبقى حقي.
قال الظابط: ـ لسه القضية متقفلتش. محتاجين ديما تبقى موجودة.
قال جاسر: ـ في قفل القضية هتحضر تمضي وتخرج من هنا من غير ما شعرة تلمس كرامتها.
خرج جاسر، ووقف لما شاف أحمد السيوفي وهو داخل. بص لجاسر أيضًا، والاتنين عينيهم جت في عين بعض من الماضي المشترك بينهم.
بيبص جاسر للشخص اللي ورا أحمد، وبيشوف إبراهيم وسامح.
قال الظابط: ـ أحمد باشا!
دخل أحمد بإبراهيم، وهو بيجذبه وبيدخل بيه.
قال الظابط: ـ خير يا حضرتك؟ ليك أي حاجة هنا في القسم؟
قال أحمد: ـ قضية ديما.
أحمد تعجب الظابط، وقال: ـ آه، الأستاذ جاسر هنا عشانها، بس... بس حضرتك بتسأل عن القضية دي؟ هي تبعك؟
قال أحمد: ـ بنتي.
التفت جاسر بعينيه لأحمد، والظابط اتفاجأ كتير.
قال: ـ إيه... بنتك؟! إزاي؟! أمال إبراهيم اللي مضى مكانها في العقد؟!
قال أحمد: ـ هو العقد عندكم؟!
قال الظابط: ـ آه. والأستاذ اللي قاعد مضروب ده يبقى حسن، جوزها الأول زي ما بيقولوا. الأستاذ جاسر جابه يشهد، وجاب العقد.
بص أحمد لجاسر وسكت، وكأنه يرى إنه لم يكن يعبث. افتكر إنه راح لراشد ومشغول بيه، بس طلع مشغول في بنته.
قال الظابط: ـ ديما بنت حضرتك... يعني حضرتك حما جاسر الهاشمي.
قبض جاسر على إيده وخرج، وعمل مكالمة. في لحظات جاله الصوت.
قال: ـ هات ديما القسم.
كان أحمد ماسك العقد اللي جابه جاسر، وهو بيرفع عينه لإبراهيم اللي خايف منه بعدما شاف العقد اللي ورّط فيه بنته.
قال الظابط: ـ بس من كلامه، وثقة جاسر الهاشمي بعقده المتوثق في المحكمة، والقسيمة موجودة فعلًا، مش زي ده.
قال أحمد: ـ اتجوزوا في المحكمة؟!
قال الظابط: ـ آه.
أحمد والفضول بينهش قلبه، قال: ـ وليه متجوزتش من أهلها؟ ليه القاضي كان وكيلها؟
قال الظابط: ـ لأنها يتيمة.
سكت أحمد قدام اللي سمعه.
قال الظابط: ـ معندهاش وكيل، فبالتالي في المواقف دي بيتم العقد في المحكمة بشهوده، والمحامي كان...
كان ذلك كلامًا يسمعه أحمد وصامت.
الباب خبط، ودخل العسكري.
قال: ـ جاسر بيه ومدام ديما يا فندم.
التفت أحمد بعينيه من سماع اسمها.
دخل جاسر ممسكًا بيد ديما. بص لها أحمد من شوفتها، وديما شافته، فتوقفت عينها عليه. بتشد بإيدها على قبضة جاسر، وهي بتبعد عينها وتمر مرور الكرام أمام أعين جاسر كالمجهولة، لكن عين أحمد كانت بتتابعها وبتتابع كل حركة بتعملها.
بيقعد جاسر، وبتقعد ديما جنبه، وبتبص لحسن وإبراهيم.
قال الظابط: ـ أستاذة ديما، في لحظة عقد حسن، مكنتيش موجودة ليه؟
قالت ديما: ـ هربت، لأن حسن كان بيهددني وضغط على عيلتي عشان أوافق.
قال الظابط: ـ وإنت يا إبراهيم، بتعترف إنك إنت اللي وكلت نفسك ليها؟
قال إبراهيم بخوف: ـ آه يا فندم. حسن كان عاوز يتجوزها بأي شكل.
قال حسن: ـ قول بقيت اللي حصل! إني اديتك فلوس ودفعت للمأذون عشان يتمم العقد ده وتبقى مراتي لما ترجع!
بصلهم الظابط من انكشاف كل شيء.
قال الظابط: ـ اكتب عندك يا بني، في واقف القضية:
"لقد تم إقفال القضية لبراءة ديما من أي اتهامات باطلة، وتوجيه حسن وإبراهيم إلى النيابة العامة بتهمة التزوير والرشوة."
كان قلب ديما بينبض من اللي سمعته، وبصت لجاسر اللي ربت على إيدها. مد الظابط ليها وقال: ـ امضي هنا.
بتاخد ديما القلم وتمضي، وهي حاسة براحة كبيرة. بيبص أحمد ليها، ولإيدها اللي ماسكة إيد جاسر، وقعدتها جنبه.
قال الظابط: ـ تقدروا تروحوا. بنعتذر عن أي حاجة حصلت مننا.
عين ديما وقعت على أحمد، بتفتكر كلامهم الأخير وهي مدمنة في المستشفى، بين عذابها: "أقدر أخلصك وأجبلك علاجك، بس تبيعي جاسر."
قال الظابط: ـ بنعتذر يا جاسر بيه. افتكرنا إنك متورط، وشرفتنا يا أحمد بيه. مكناش نعرف إنها بنت حضرتك. كانت مفاجأة لينا.
توقفت عيون ديما بصدمة كبيرة من اللي سمعته. سكتت ونظرت لأحمد، ومن صمته حتى بعد اللي قاله الظابط.
قالت ديما: ـ جاسر، عايزة أمشي.
بص أحمد لديما، وهي مش بتبصله وبتطلب من جاسر يبعدها عن عينه. خدها جاسر ومشي تحت عين أحمد، وهو بيتابعها وبيفتكر كلام جاسر: "مش مهم إذا عرفت إنها بنتك أو لأ، لأن ده ميفرقش معاها."
قال أحمد: ـ عارفة؟!
كانت ديما خارجة مع جاسر، بيبعدوا عن القسم، وهي ساكتة. بتشوف أسامة اللي مستنيهم. بيفتح لها جاسر العربية، لكن ديما وقفت ومركبتش.
قالت: ـ ليه السيوفي متصدمش من اللي سمعه؟
سكت جاسر وبصلها. لفت له ديما وقالت: ـ كان بيعمل إيه في القسم في قضيتي؟ ليه كان موجود هناك؟! كل ده كنت قاعدة ساكتة، معرفتش أسألك لحد ما الظابط قال إني بنته؟! إزاي؟
قال جاسر: ـ كنت هقولك، بس لما نرجع البيت.
سكتت ديما. وقبل ما تركب العربية، جه صوت ديما. وقفت وبصوا بعيونهم، بيشوفوا أحمد اللي ساب عربيته وجه بحثًا عنها، وإنها ملحقتش تمشي.
بصت له ديما.
قال أحمد: ـ إنتِ عرفاني؟
ديما مرددتش، بس قلبها كان بيدق من وقوفه قدامها وسؤاله.
قال أحمد: ـ إنتِ عارفة أبقى مين؟
سكتت ديما قدامه وقالت: ـ مش عارفة إنت بتقول إيه.
قال أحمد: ـ إنتِ بنتي.
وقفت ديما من اللي قاله. قرب أحمد منها ووقف قدامها، وقال: ـ كنتِ عارفة إني أبوكي؟
قالت ديما: ـ عرفت منين؟
قال أحمد: ـ قابلت والدتك... قالتلي عنك. قابلتها، بس متأخر.
كان جاسر بينظر لديما، وأسامة شايف إنه ما يتدخلش، برغم إنه بيبص لديما من اللي بتفكر فيه دلوقتي.
قال أحمد: ـ توقعت إن الموضوع هيبقى مفاجأة بالنسبة ليكي. أنا استنيت أشوفك، دورت عليكي وخليتهم يروحوا الفيلا، بس إنتِ مكنتيش هناك.
قالت ديما: ـ ليه؟!
بصلها أحمد من سؤالها.
قالت ديما: ـ ليه دورت؟!
بصلها أحمد من اللي بتقوله.
قال: ـ عارف حجم الذنب اللي عملته في حقك.
قالت ديما: ـ قصدك على المخدرات؟ متقلقش، أنا بتعافى منها، وقريب جسمي هيرجع زي ما هو.
حس أحمد بسكاكين من كلامها.
قالت ديما: ـ إنت دورت عليا النهارده، لكن أنا كنت بدور عليك سنين.
كانت جملة قاسية نزلت عليهم جميعًا، وكأنها وصفت حجم وجع وعذاب كبير.
قالت ديما: ـ أنا مش بعاتبك، لكن معرفة حقيقة الدم مش هتفرق في شيء، لأنها مجرد جينات. مساهمتش في الواقع في حاجة.
قال أحمد: ـ هتفرق، لأن نفس الدم بيقول إنك بنتي.
بصتله ديما من قوله إنها بنته.
قال أحمد: ـ معرفش تعرفي عني إيه، وعارف إن الموقف صعب، بس لازم تيجي معايا. هقولك على كل حاجة، بس تعالي.
بترجع ديما لورا وقالت: ـ مش عايزة أعرف حاجة.
بصلها أحمد من رفضها.
قال: ـ مش هسيبك تاني يا ديما. إنتِ بنتي، لازم تعرفي إن اللي حصل زمان كان غلطة.
قالت ديما: ـ وأنا اللي دفعت تمن الغلطة دي.
قبض أحمد على إيده من غصته من كلامها. قرب منها وقال: ـ خلينا نتكلم لوحدنا.
بيوقف جاسر في وشه. بصله أحمد بغضب من اعتراضه.
قال جاسر: ـ قالت مش عايزة. متضغطش عليها.
بصت ديما لجاسر وأحمد، والشرارة اللي هتشتعل بينهم.
قال أسامة: ـ جاسر بيه...
قال جاسر: ـ ادخلي العربية يا ديما.
قال أحمد: ـ متقفش في وشي! ليا الحق أخدها.
قال جاسر: ـ وأنا ليا الحق أقولك لأ.
قال أحمد: ـ أنا أبوها!
قال جاسر: ـ وأنا جوزها.
بصت لهم ديما بقلق. قربت من جاسر وقالت: ـ جاسر، خلاص. أنا هروح معاه.
بصلها جاسر من موافقتها.
بصت ديما لأحمد، اللي قال: ـ اركبي.
قالت ديما: ـ هاجي مع جاسر بالعربية.
بص أحمد لديما ولجاسر اللي واخداه أمان عنه، ورفضت تيجي معاه وهو اللي يوديها. متكلمش أحمد عشان متبعدش عنه أكتر، وعلاقته ببنته الهشة.
بيمشي ويركب عربيته، ويركب معاه سامح.
قال سامح: ـ مش هنستناها؟
قال أحمد: ـ اطلع، هتيجي ورانا.
سكت سامح باستغراب من تلك العلاقة الغريبة.
...............
بيوصلوا على فيلا أحمد السيوفي. بتدخل ديما وتشوف أحمد، وبصت بعينها حوالين البيت. بتشوف مراد اللي بصلها.
جت ميرفت وقالت: ـ في إيه يا مراد؟
بتقف عين ميرفت على ديما.
بيقرب أحمد منها وقال: ـ تعالي.
قالت ديما: ـ فين؟
قال أحمد: ـ مش عايزة تشوفي والدتك؟
قالت ديما: ـ ماما هنا؟!
مشي أحمد بيها وراح لأوضة منى، اللي كانت قاعدة في مكانها ساكنة.
اتفتح الباب. بتبص بعدم اهتمام، بس بتلاقي ديما اللي بتقول: ـ ماما!
بتروح لها منى فورًا.
قالت ديما: ـ بتعملي إيه هنا؟!
بتبص منى، وقبل ما تتكلم، بتلمح شبح أحمد اللي كان مع ديما.
بصت له منى، وديما لاحظت خوف والدتها.
قالت: ـ إنت حبستها هنا؟!
قالت منى: ـ ديما...
قالت ديما: ـ متقلقيش يا ماما، أنا معاكي.
قال أحمد: ـ اتكلمي يا منى.
قالت منى: ـ ديما، أحمد يبقى أبوكي.
قالت ديما: ـ أنا عارفة... جاسر قالي وصارحني بحقيقته.
قالت منى: ـ جاسر؟!
قالت ديما: ـ آه يا ماما، جاسر... أصل جاسر في علاقة قديمة بينه وبين أحمد السيوفي.
بصت منى لأحمد، اللي قال: ـ العلاقة دي والدتك عارقاها، لأنها كانت معايا وقتها.
قالت ديما: ـ متضغطش عليها. هي قايلالي كل حاجة.
قال أحمد: ـ قالتلك إيه يا ديما؟
قالت ديما: ـ ليه مهتم تعرف؟ وليه جبتني هنا؟ ليه مهتم أصلًا إذا كنت بنتك ولا لأ؟ إيه اللي زوّد الموضوع زمان عن دلوقتي؟
قال أحمد: ـ لأني كل ده مكنتش أعرف.
قالت ديما: ـ مكنتش عارف إيه؟ افتكرتنا متنا... سيبتنا في الدنيا لوحدنا! اتخليت عني، ومكنتش عايزني. إيه اللي ممكن يكون اتغير؟
بصلها أحمد من اللي بتقوله.
قالت ديما: ـ إيه اللي اتغير عشان تبقى مهتم؟ وإنت اللي بإيدك رمتنا وراك وشوفت حياتك.
قالت منى: ـ بس يا ديما...
قالت ديما: ـ إنتِ نسيتي الأيام اللي كنتِ بتبكي فيها بسبب وحدتك؟ لو كنتِ نسيتي، فأنا منستش. لأن حقيقة الإنسان وذكرياته اللي بتبني مستقبله، متتنسيش يا ماما.
قال أحمد: ـ كفاية.
قالت ديما: ـ أنا عارفة كل حاجة. من فضلك سيبنا نمشي.
قال أحمد: ـ أنا متخليتش عنك يا ديما! أنا متخليتتتتش عنك! أنا كنت هاخدك معايا في آخر لحظة.
بصتله ديما من اللي بيقوله.
قال أحمد: ـ أنا مشيلتكيش غير بعد ولادتك. بعدها مقدرتش أشوفك وأمسكك تاني، مش لأني سيبتك، مش لأني اخترت أرميكي ورايا... معاكي حق. اللي يخليكي أتخلى عنك زمان، إيه اللي يخليني أعترف بيكي دلوقتي؟
قالت ديما: ـ إنت بتقول إيه؟!
قال أحمد بغضب: ـ متتكلمي يا منى!
كانت منى ساكتة. بصت لها ديما وقالت: ـ ماما، في إيه؟
قالت منى: ـ ديما، متتضايقيش مني.
قالت ديما: ـ في إيه يا ماما؟ قلقتيني، أنا مش فاهمة حاجة من اللي بيحصل.
قالت منى: ـ أنا اللي خدتك من أبوكي بعد ولادتك... خدتك بعيد وهربت بيكي.
بصت لها ديما بشدة وقالت: ـ إنتِ بتقولي إيه؟!
فلاش باك ـ المستشفى
كان أحمد ماسك طفلة حديثة الولادة بين إيديه، ومنى لا تزال على فراش المشفى.
قالت: ـ جاي من عندها؟
لم يرد أحمد، وهو بيحط الرضيعة مكانها.
قالت منى: ـ هتتجوزها خلاص... حسب ونسب، وكمان معاها ابنها، ومعترضتش لأن فلوسها تغنيك عن كل ده.
قال أحمد: ـ خلي بالك من كلامك يا منى، عشان كده بتقلب عليكي، وإنتِ عارفة قلبي أسود.
قالت منى: ـ أنا مبقتش طايقة أفعالك، مبقتش طايقة الظلم والفلوس اللي يا عالم حلال ولا حرام.
قال أحمد: ـ شايفتني بسرق؟
قالت منى: ـ لأ، بتقتل... اللي اتقتلوا دول مش كان بسببك؟ عيلة اتقتلت، حتى لو مكنتش إنت في دمهم، فهي في رقبتك.
قال أحمد بغضب: ـ إياكي تفتحي الموضوع تااااني!
قالت منى: ـ قلت إنك اعتبرته صاحبك، وهتشيل إيدك من الموضوع.
قبض أحمد على إيده وقال: ـ منننننى!
قالت منى: ـ ناوى ع تاني يا أحمد.
قال أحمد: ـ ملكيش وجود لو مكنتش معايا وورايا في أي حاجة بعملها، معنديش مانع تمشي، بس لوحدك.
قالت منى: ـ إنت بتقول إيه؟!
قال أحمد: ـ اللي سمعتيه. تمشي لوحدك... بطولك. تخرجي وتنسي إن عندك بنتك.
قالت منى: ـ محدش ياخد بنتي مني!
قال أحمد: ـ أنا أقدر... وهعملها. البنت هتكون معايا. دورك خلص لحد هنا.
قالت منى: ـ بنتي هتبقى معايا يا أحمد! أنا أمها!
قال أحمد: ـ متقلقيش، ميرفت هتهتم بيها زيها زي ابنها، ثم أنا هكون معاها. هي في غنى عنك.
قالت منى: ـ محدش هيربي بنتي غيري! إنت بنيت حياتك مع الست دي، وباشرت في الجواز، ومهتمتش بينا... لحد هنا وكفاية. أنا كده كده كنت عارفة إن آخرنا هيكون كده، لأني زهقت من كمية ذنوبك اللي بشيلها معاك. لكن البنت...
قال أحمد: ـ تنسيهههههااا! خلصنا. بنتك هتبقى معايا، وإنتِ تخلصي علاجك هنا وتخرجي، وورقتك هتوصلك يا منى.
بيخرج أحمد.
قالت منى: ـ لااا! هات البنت يا أحمد! متخدهاش مني، حرام عليك!
لكنه لم يرد عليها، وهو شايل الرضيعة.
جه راجل وقال: ـ أحمد باشا.
قال أحمد: ـ إبراهيم، البنت حطها في الحضانة، وإياك ألمح إن منى وصلتلها.
قال إبراهيم: ـ أمرك يا باشا.
مشي أحمد وهو بيديله البنت.
كان إبراهيم حارس أمن في المستشفى، بيلمح منى اللي كانت بتعيط في أوضتها. وهي خارجة بتجري في الطرقة تدور على أحمد وبنتها، بيبص إبراهيم للبنت اللي اتحطت في الحضانة، بيروحلها وقال: ـ عايزة تشوفي بنتك؟
قالت منى: ـ فين... هي فين؟ أبوس إيدك!
قال إبراهيم: ـ أحمد باشا قالي مينفعش تقربي منها. هو جاي تاني، بس هياخدها عشان إجراءات التسجيل والاسم.
قالت منى: ـ هيجي ياخدها ويحرمني منها... ابعد من وشي!
قال إبراهيم: ـ ده أمر، مينفعش.
بتقلع منى حلق دهب وتديهوله، وقالت: ـ دلني عليها، أرجوك، ومتمنعنيش! دي بنتي، هياخدها مني.
بص إبراهيم للدهب اللي ادتهوله، وقالها: ـ تعالي، هساعدك، بس استني لبليل.
قالت منى: ـ لأ، أحمد هيجي هياخدها... مش هقدر عليه. أنا عارفة أحمد، وعارفة جبروته وقسوته.
ـ لا، بقولك...
قال إبراهيم: ـ لو عايزة تاخدي بنتك، مش تشوفيها بس، استني لبليل. أنا عارف بقولك إيه. غير كده استعوضي ربنا فيها، أصل أنا سمعت الباشا جوز حضرتك طلقك، هيسيبك هنا بعد ما ياخد بنته، وإنها كل اللي تهمه.
دمعت عيون منى بخوف، وخرقة في قلبها.
قرب منها إبراهيم وقال: ـ مش هضلك. استني لبليل وأنا هجبهالك، لأن ممنوع تكوني هناك. مع السلامة.
بيمشي ويسيبها.
باك
ديما مكنتش فاهمة ولا مصدقة اللي بتسمعه.
بتكمل منى: ـ إبراهيم ساعدني يومها، وقدر يخرجك من الحضانة وخدتك وهربت بيكي بعيد. ولما عرف أحمد باللي عملته، طاردني. كنت عارفة إنه هيجيبني مهما اختفيت بيكي، لأنه قلب الدنيا، وكنت متأكدة إنه هيأذيني وهيخليني أنسى إن في يوم خلفتك. كان عندي استعداد أعمل أي حاجة إلا إني أخليكي معاه... في يوم كنتِ تعبانة، وفي نفس اليوم ده أحمد كان لقاني.
فلاش باك
كان الجو بيمطر، ومنى بتجري وهي شايلة ديما الطفلة، اللي جسدها الصغير لسه مش مستحمل؛ فهي ما زالت مجرد قطعة لحم حمراء لم تجف بعد. خروجها من الحضانة عرّضها لخطر أكبر.
كانت منى قابضاها عليها وكأنها روحها، وبتجري من شبح أحمد اللي كان بالنسبالها زي النار اللي هتأذيها.
بتستخبى وهي بتحضنها، وقالت: ـ أنا آسفة... آسفة أوي.
كانت الصغيرة بتبكي، محتاجة حليب والدتها وغذاءها، غير مدركة للي حواليها.
بتوقف تاكسي، وفجأة جه صوت أحمد: ـ مننننى!
قالت منى للسواق: ـ ابعد من هنا فورًا!
بينطلق السواق، وفجأة كان فيه حجر على الطريق، وصدر صوت ارتطام قوي.
باك
قالت منى: ـ حصلت حادثة يومها. حاولت أحميكي، بس بسبب الحادثة اتعرضتي لإصابة في منطقة الحوض. الدكتور قالي إنها مأثرتش، لكن نتج عنها تلف في الأنسجة...
سكتت ديما، وهي بتفتكر ليلتها الأولى مع جاسر:
"إنتِ مش بنت."
"معرفش يا جاسر، معرفش والله."
قالت منى: ـ خبيتك وخدتك، وعشنا بعيد. وبعد سنة اتقابلنا، لأني كنت عارفة إن أحمد مش هيسيبك، ومضطرّة أختفي بيكي. ولما اتقابلنا وطالب بيكي، قولتله إنك معدتيش موجودة.
فلاش باك
قال أحمد بغضب: ـ البنت فييييين؟!
قالت منى: ـ أحمد! إنت... إنت جيت هنا؟!
قال أحمد: ـ انطقي! خدتي بنتي فين؟!
قالت منى: ـ مش اتجوزت، وابنها بقى ابنك، ومصيرك تخلف. عايز إيه منها؟
مسكها جامد وقال: ـ انطقي بدل ما أقتلك! والله أقتلك يا منى! البنت فييييين؟ بنتي فين؟!
قالت منى: ـ ماتت.
بصلها أحمد بصدمة وغضب جحيمي، وقال: ـ بتقولي إيه؟!
قالت منى: ـ ماتت يا أحمد.
قال أحمد: ـ إنتِ كدابة!
قالت منى: ـ يومها في الحادثة ماتت... طبيعي متستحملش اللي حصل.
قبض على رقبتها وقال: ـ طبيعي متستحملش خروجها من الحضانة وهي لسه تحت الرعاية! طبيعي متستحملش اللي عملتيه، لأنك مهتمتيش بيها وماتت بسببك! قتلتي بنتي!
قالت منى: ـ إنت السبب! لو مكنتش حاولت تاخدها مني، مكنتش عملت كده!
قال أحمد: ـ هقتلك يا منى! بسبب غبائك موتيها!
قالت منى: ـ اعمل اللي إنت عايز تعمله، بس إنت مش هتعمل كده؛ لأنك بايع قاضيك وراميه، ومش هتعمل غلطة تهدم مستقبلك. إنت بعت كل حاجة، إنت السبب مش أنا. إنت بقى عندك مستقبلك ومراتك اللي اخترتها بابنها. إنت رمتنا ومهمكش، إحنا مجرد هامش. بلاش تضحك على نفسك!
نزل أحمد بقلم قوي على وشها، وقال: ـ أنا طلقتك يا منى من 10 شهور، وورقتك متسجلة... متورينيش وشك تاني، عشان... مقتلكيش.
باك
قالت منى: ـ كان دي أول وآخر صدفة جمعتني بيه. عرفت إنه دور على شهادة وفاتك، وإبراهيم كلم حد من صحابه وطلّعلي شهادة وفاة مزورة، عشان أحمد يقتنع لما يشوفها ويتأكد من كلامي. وكانت دي آخر حاجة خلت أحمد يختفي من حياتنا. وأنا خدتك وبعدت، خوفت يلاقيكي ويعرف إنك عايشة.
دمعت عيون منى وقالت: ـ أنا اللي حرمتك وحرمته منك... هو متخلاش عنك، هو كان معتقد إنك ميتة يا ديما.
كانت ديما ساكتة وهي بتبص لأمها.
قالت منى بحزن: ـ لما خرجتي تدوري عليه، صعبتي عليا. حسيت إني مكنتش كفاية ليكي، وإنك عايزاه أكتر مني. مقولتلكيش غير إنه اتخلى عننا عشان تنسيه، بس هو... هو مكنش يعرف بحقيقتك يا ديما. أنا كدبت عليكي وعليه.
بكت منى وقالت: ـ أنا آسفة يا ديما.
قالت ديما: ـ إنتِ بتقولي إيه يا ماما؟ يعني إيه كان بيحسبني ميتة؟
قربت ديما من أمها وقالت: ـ هو قالك تقولي كده؟
قالت منى: ـ دي الحقيقة يا ديما.
قالت ديما: ـ يعني إيه دي تبقى الحقيقة؟!
سكتت منى أمام صدمة ابنتها، اللي بدأت تبعد عنها وهي ساكتة، بتخبط في أحمد.
لفت ونظرت إليه بصمت، لكن عيون أحمد كانت شايلة مشاعر كتير.
قال: ـ لو كنت أعرف من بدري بس إنك عايشة، صدقيني مكنتش سبت دقيقة مدورتش عليكي فيها.
كانت ديما ساكتة أمام كلماته.
قرب أحمد إيده يلمس وشها، وكأنه بيلمس وش الطفلة الرضيعة اللي كانت بين إيديه، وقال: ـ مكنش معايا حاجة تفكرني بيكي غير زرار... زرار اتقطع وخدته من الحضانة، وفضل معايا يومها.
بصت منى لأحمد، وكأنها شايفة مشاعر مكنتش شافتها فيه من قبل.
بيمسح أحمد على وش ديما، وقرب منها بابتسامة وقال: ـ عارف إن الأمور صعبة على عقلك، وعارف إني ارتكبت ذنب عظيم أوي، ذنب مش هقدر أكفّره... ذنب بيقتلني أنا شخصيًا. فسامحيني، برغم إني مش هقدر أسامح نفسي... كل ده، وكل الصدمة، وكل سوء الفهم والزمن... كل ده هيعدّي، طالما إنتِ معايا دلوقتي.
قرب منها وهو مستني عناقها، مستني رجفة قلبه تجمعه بيها، بس ديما مقبلتش عليه. ديما مقربتش منه، بل حتى لما لمسها، بعدت إيده عنها، وكأنه راجل غريب لا حق له في لمسها.
كان عارف إنها لسه مش مقتنعة بيه كأبوها، أو إن الفجوة بينهم كبيرة، لكنه افتكر إنها هتزول في لحظات.
قال أحمد: ـ ديما...
قالت ديما: ـ لعل ماما غلطت، وغلطها كبير.
سكتت منى بحزن.
كملت ديما: ـ لكنها مكذبتش لما قالت إنك رمتنا وراك وعايش حياتك. إنت بذات نفسك اللي قولت إن الماضي مش مهم عندك، فليه بتطالبني دلوقتي بيه؟
قال أحمد: ـ لأنك مش ماضي يا ديما. أنا زي ما قلتلك، مكنتش عارف. أنا كنت هاخدك معايا، صدقيني، أنا مكنتش هسيبك.
قالت ديما: ـ أنا آسفة، مش قادرة أحس بالمشاعر اللي إنت حاسسها؛ لأن المشاعر دي ماتت من زمان... الأبوة، أو إن يكون ليا أب، ده شيء فقدت الإحساس بيه غصب عني. أنا آسفة.
سكت أحمد أمام كلام ديما.
قالت ديما: ـ ممكن مكنش ليك ذنب يا أحمد بيه.
قال أحمد: ـ أحمد بيه؟!
سكتت ديما، لأن كلمة «بابا» تقيلة على لسانها، غير معتادة على قولها.
قالت ديما: ـ صدقني، اللي إحنا فيه دلوقتي ده بسبب أفعالك... إنت اللي اخترت نكون هنا، وإنت... إنت كمان عندك عيلة، مراتك وابنها...
قال أحمد، وبرغم ثباته، كان في صوته غصة: ـ وإنتِ؟!
سكتت ديما.
كان أحمد مش عايز الجفاء ده. كان متوقع عناق، وحرارة، واشتياق وحب... كان عايز يحس بشعور الأبوة اللي اتحرم منه.
قرب منها وقال: ـ اديني فرصة أقربك مني... هعوضك عن كل اللي شفتيه. عارف إن الدنيا جت عليكي، أوعدك إني مش هقصر. سبيني بس أصلح اللي الدنيا فرضته علينا.
تنهد، معتصِرًا قلبه، وقال: ـ عارف إني غلطت، عارف إني سيبتك سنين، سيبتك عمرك كله لوحدك، بس ده كان غصب عني أنا كمان.
قالت ديما: ـ عارف إيه؟... إيه اللي إنت تعرفه عني؟
بصلها أحمد من كلامها.
كملت ديما: ـ ولا حاجة... إنت متعرفش أي حاجة. متعرفش عانيت قد إيه، ومتـعرفش يعني إيه طفلة عندها ست سنين تمشي تدور في الشوارع بكل سذاجة، كأنها هتلاقي أبوها اللي سابها... متعرفش يعني إيه أعيش مستنية ظهورك، ولما ظهرت أنا مبقتش بحاجة ليك؛ لأن ببساطة اتعودت إن مليش أب، وإن مليش غير نفسي وبس.
قال أحمد: ـ بس الذنب مش ذنبي.
قالت ديما: ـ ولا ذنبي أنا كمان... أنا متعودتش أعتمد عليك، ودلوقتي برضه أنا مش قادرة أعتمد عليك، ولا مستنية منك تعويض عن أي شيء؛ لأني مش محتاجة.
قال أحمد: ـ مش محتجالي؟
سكتت ديما.
قال أحمد: ـ محاولتيش تدي نفسك فرصة. خليكي هنا في بيتك معايا... لسه في حاجات محتاجين نتكلم فيها.
قالت ديما: ـ جاسر مستنيني.
قال أحمد: ـ جاسر؟! هترجعي معاه؟
قالت ديما: ـ أنا جيت هنا عشان نوضح الصورة اللي ناقصة، واتوضحت... كان في ندبة كبيرة ناحيتك، ممكن باللي عرفته قلت، لكنها متضافتش أي حاجة.
سكت أحمد أمام كلامها، ومنى بتبصله.
تنهد وقال: ـ إنتِ متجوزة جاسر؟
قالت ديما: ـ أعتقد شوفت العقد وسمعت في القسم بنفسك.
قال أحمد: ـ بتحبيه؟
قالت ديما: ـ آه.
قال أحمد: ـ حتى لما عرفتي إنه عدو الشخص اللي يكون أبوكي؟
قالت ديما: ـ مفيش داعي نتكلم في ده.
قال أحمد: ـ بتثقي فيه؟ مش عايزة تفضلي هنا؟ هوفرلك كل حاجة محتاجاها، بس فكري.
كان جاسر صامت عند العربية.
قال أسامة: ـ هي ممكن ديما متجيش؟
سكت جاسر وقال: ـ معرفش.
قال أسامة: ـ أحمد كان شكله هيعرض عليها إنها تفضل عنده وتكون معاه. أعتقد مش سهل يسيبها، خصوصًا إنها بنته.
قال جاسر: ـ المهم اختيارها هي.
قال أسامة: ـ ولو اختارته، مش هتضايق؟ هي برضه اتحرمت منه كتير، أكيد هتبقى محتاجاله، على الأقل تحس بيه. ده مش هيضايقك لو فضلت هنا معاه؟
سكت جاسر قليلًا، وقال: ـ ده اختيارها، مش هجبرها على حاجة.
سكت أسامة، وبص لجاسر وقال: ـ إيه اللي حصل بينك وبين أحمد يا جاسر؟ إزاي سمحت إننا نبقى هنا وندخل البيت ده؟ حتى لو كان عشان ديما، فأنا شوفت أحمد عايش حتى بعد ما واجهتوه بعض!
قال جاسر: ـ المواجهة فتحت أسرار كتير كنت في غنى إني أعرفها، لكنها فتحت عيني... أسرار اتمنيت لو تفضل مجهولة.
قال أسامة: ـ أسرار؟
جه صوت فجأة.
جاسر لف بعينه، وشاف ديما وهي خارجة وبتقرب منه.
قالت: ـ سيبت إيدي ليه؟
قال جاسر: ـ توقعت إنكم عايزين تبقوا لوحدكم. ده كلام بينك وبينه.
قالت ديما: ـ قولتلك متسيبش إيدي، بخاف أبقى لوحدي.
مسكت ديما إيده، وبصلها جاسر في عينيها.
قالت ديما: ـ يلا عشان نرجع البيت.
سكت جاسر، ومن عيونها ومن اللي قالته، رد بكل هدوء: ـ امشي، يلا.
ركبت العربية معاه. رفع جاسر عينه وشاف أحمد اللي كان واقف عند الباب، بيبص لديما وجاسر، وكان ساكت، من غير ما يبدي أي ردة فعل.
ركب جاسر العربية، وأسامة انطلق بيهم.
رن تليفون أسامة، ورد:
ـ ألو؟
قالت مي: ـ أسامة، إنت مع جاسر؟
قال أسامة: ـ آه، في حاجة؟
قالت مي: ـ هو إنت تعرف الى جاسر عمله