رواية عين مش شايفة روح دافية الفصل الثالث3بقلم مريم الجنيدي

_ نوح حاسب هتقع 

صرخت بيها وأنا بسحبه من هدومه بسرعة فبدل ما يقع برا الشباك وقع على الأرض وأنا وقعت جنبه، كان بيتنفس بسرعة، وبعدين صرخ فيا 

_ أنتِ غبية! 

قومت من على الأرض بسرعة وأنا بذق أيده إللي ماسه في دراعي 

_ بتشتمني! بدل ما تشكرني إن أنقذت حياتك!

حط دماغي بين أيديه وسكت، وأنا بصيت عليه بقلق وقربت أربت على كتفه بخفة 

_ مستر نوح أنت كويس! 

قال بصوت بارد

_ أطلعي برا 

_ على فاكرة ماكنش قصدي أنت إللي بتتعصب على أي حاجة 

_ بقولك برا اقفلي الشباك واطلعي برا 

_ برا برا أنت بتطردني من الجنة يعني، الحق عليا أن أنقذت حياتك، كنت سيبتك تقع، بس لولا كانوا هيقولوا أنا إللي وقعتك وتلبسني مصيبة 

زهق بحدة وهو بيحاول يقوم 

_ بس .. بس اسكتي شوية أنتِ مش بتفصلي!!

قربت منه بتلقائية عشان أساعدة لكنه ضرب أيدي بعيد 

_ ماتلمسنيش 

سيبته فوقع على الأرض تاني ورفع راسه بحده 

_ هو أنت حقيقي بجد؟ أنا غلطانة أصلًا سيبهالك وخارجة 

خرجت من الأوضة وقفلت الباب بعصبية ومتأكد أنه إنتفض على الصوت 

رفع راسه للشمس واتنفس بعمق، فضل قاعد على الأرض ونسى كل حاجة حصلت، كان تايهه في دفئ الشمس إللي حس بيها على بشرته، رفع أيده وفضل يقلب في كفه وهو بيستمتع بالشعور إللي فقده بقاله كتير، إنتفض فجأة عل فتح الباب 

وقال بعصبيه من تحت فكه 

_ أنتِ ماتعلمتيش حاجة إسمها استئذان قبل كدا!!

تجاهلت كلامه وقولت بجدية

_ في واحد برا عايزك بيقول أنه أبوك، أنت عندك أب!! 

رد ساخرًا وهو يستقيم ليعدل نظارته 

_ لا جاي الدنيا بالانقسام الميتوزي، وسعي كدا من وشي 

أتحركت على جنب وقولت بإستفزاز 

_ أنا مش واقفة في وشك أصلًا 

_ بلاش تتذاكي عليا أنا سامع تحركات 

خرج وخرجت وراه بفضول  ولما حسيته تايهه قولت بهمس من وراه 

_ باباك قاعد على الكنبة إللي في الوش ومعاه واحد أقرع قاعد جنبه

لف براسه شوية وقال بجدية 

_ اعملي لينا قهوة يا مريم

اعترضت وأنا ببص ليه بجدية 

_ لا خلاص أنت شربت فنجان قهوتك، كتر القهوة مش كويس ليك 

قال بتحذير 

_ مريم! 

_ هعملك عصير 

روحت للمطبخ وأنا فضولي هيقـ.تلني  وحمدت ربنا على نعمة المطبخ الامريكاني المفتوح 

باباه قال 

_ مش ناوي ترجع البيت أنت واختك يا نوح عاجبك حالك؟! 

_ أنا مرتاح كدا وحالي تمام 

_ حالتك تمام إزاي، أنت محتاج حد ياخد باله منك 

_ أنا مش عيل صغير عشان حد ياخد باله مني 

_ أنت ظالم أختك معاك، مش كفاية خليتها تسيب بيت أبوها وتيجي تعيش معاك وتكرس حياتها ليك! أنت لي أناني كدا 

قبض على أيده وملامحه زادت جمود ورد ببرود وتكبر 

_ أنا ماطلبتش من زينب تيجي تعيش معايا، وأنا أعرف أهتم بحياتي وبنفسي كويس، كلامك مالوش أي لأزمة 

_ أنت لي مش مقدر وضعك وبتكابر، لي حاطت المسافات دي بينا أنا ابوك، لي مش عايز ترجع تعيش معايا 

رد نوح بصوت عالي ساخر 

_ أنا مش عالة عشان أعيش معاك ومع مراتك، ومش عقيل أبدًا بالوضع دا، ومقدر حالتي إللي بتقول عليها كويس 

_ مقدر حالتك إزاي، أنت مش شايف نفسك! 

ماقدرتش استحمل الأسلوب إللي بيتكلم بيه باباه معاه وكأنه بيزيد عاجزة خرجت وقولت بتدخل غير مرغوب 

_ وهو ماله حالته مهي زي الفل اهي 

باباه بص عليا وقال بعدم فهم 

_ مين دي!! 

حسيت بإحراج نوح، فتقدمت خطوة وقولت

_ أنا مريم،  وبعدين مش مهم أنا مين، المهم أنت إزاي قاعد تبكت في ابنك كدا، هو ماله حاله ما زي الفل وعايش تمام 

_ مريم كفاية روحي شوفي بتعملي أي 

_ استنى بس كدا، أنا مش فاهمة بيكلمك كدا، وكأنك بتذله أو بتشفق عليه، هو حر يقعد في المكان إللي يرتاح فيه، مش من حقك تفرض عليه حاجة 

قال باباه بعصبية أكتر

_ مين دي!! 

_ قولتلك أنا مريم 

_ مين مريم!

نوح وقف وبص نحيتي وقال بصرامة غير قابلة للنقاش 

_ مريم أدخلي جوا ... حالًا 

بصيت ليهم بقرف وقولت بحمائيه 

_ أنا في المطبخ لو احتاجت حاجة اندهلي 

دخلت تاني وباباه قال بذهول 

_ مين دي 

_ خلينا في موضوعنا، أنا مش هرجع ودا آخر كلام عندي 

_ أنا جايب المحامي عشان يكتب لك نص البيت لو دا هيريحك ويخليك توافق تيجي تعيش معانا 

ضحك بسخرية وهو بيحرك راسه بيأس

_ خلي البيت لمراتك، هي أولى بيه، الموضوع دا منتهي، أنا مش هعيش معاكم، أنا ماعملتهاش وأنا صغير، مش هعملها وأنا كبير، وفر محاولاتك ولو زينب عايزة تقعد معاك أنا مش ماسكها، تعمل إللي هي مرتاحة فيه، زي ما أنا هعمل إللي مرتاح فيه 

_ دا آخر كلام عندك! هتفضل بتعاند لحد امتى!! 

_ دا آخر كلام 

_ مين البنت إللي جوا دي، هي دي إللي آمنت على نفسك إنها تساعدك بدل أهلك!! 

_ أنا حر في اختياراتي أنا كبير كفاية عشان أعرف أختار مين يقعد معايا ومين لا 

_ تمام أنت حر، بس ماتجيش تعيط بندم لما تقشطك وتهرب 

خرجت راسي من المطبخ بعد ما سمعت كلامه وقولت بهجوم 

_ تصدق إنك راجل كبير وعايب، مش عيب على شنبك لما تتهمني بغير حق كدا 

نوح وقف وزعق بحده

_ مريم اسكتي ..  نورت يا بابا في حاجة تانية!! 

أبوه بص عليا بقرف وأخد المحامي وخرج، وأنا خرجت من المطبخ 

_ مش مستغربة إن أبوك نفس التكبر سبحان الله 

_ بتدخلي لي يا مريم! 

_ أومال عايزني اسمعه بيهزقك من تحت لتحت واسكت!! 

_ أنا ماطلبتش منك تدخلي، دي حاجة شخصية 

_ شخصية أي بس دا صوته كان قد كدا، سيبك منه ماتحرقش دمك، أقوم أعملك ليمون!! 

_ مريم من فضلك ماتدخليش بعد كدا في حاجة 

قولت ببرود وأنا بتحرك 

_ حاضر هسمعك بتتهزق وأسكت 

مسك أيدي وأنا معديه جنبه، واتخضبت من الحركة 

_ مريم!! 

_  خلاص حاضر حاضر خلصنا مريم مريم 

قام من مكانه وكان لسه هيتحرك بحذر وهو بيحاول مايخبطش في ترابيزة الانترية الصغيرة لكنه اتفاجئ أنها مش موجودة، هل شافته وهو بيحاول يتجنبها عشان بيتخبط فيها وشالتها 

لسه كان هيشكرها لكن ركبته فجأة اتخبطت في حاجة، خليته يقع وهو بيشتم بصوت عالي وماسك رجله

_ كنت لسه هقولك خلي بالك نقلتها الناحية التانية 

قال بعصبية وهو بيحاول يقف مستقيم 

_ لي .. لي كدا بجد لي! قصدة تكسر.ي رجلي!! 

_ لا والله لاحظت إنك بتمشي في الحته دي بحذر وبتتخبط فيها فقولت أنقلها من مكانها أحطها على جنب 

_ ينفع تبطلي تعملي خير معايا، كل حاجة بتعمليها بتيجي ضدي 

_ أنت بجد عصبي أوي هدي أعصابك، أعملك ليمون!! 

_ مش عايز زفت 

_ زفت!! تصدق وتؤمن بالله أنا عرفت الابتلاء إللي أنت فيه دا سببه أي تكبرك ونمرتك على النعمة، وبرضو مش بتتراجع دا أي الجبروت دا 

كان بيبص نحيتي بصمت لحد ما خلصت كلامي وقال بهدوء 

_ مش مصدق إنك بتكلميني كدا بجد؟ 

_ لا صدق عشان أنت عايز حد يفوقك من إللي أنت فيه، مفكر الكون هيمشي على مزاجك وماحدش هيقدر يكلمك وأنت عامل فيك إللي مكفيك، لا مش أنت لواحدك إللي مبتلي على فكرة 

كان مذهول أنها الوحيدة إللي كلمته بدون خوف وبدون شفقة، ضربت الحقيـ.قة في وشه وهي واقفه مشاعرة، رغم إن الكل بيعامله بشفقة من ساعة الحادثة، إلا إن هي كانت بتتعامل عادي منغير حساسية، وكل شوية بتتكلم عن إللي حصله ببساطة كأن الموضوع مش محتاج تعقيد، ودا كان عجيب جدًا لأن خلاه مرتاح ومش مضايق 

_ لو خلصتي روحي حضري الغداء أنا عايزة في معادة 

عقدت دراعي قدامي وقولت ببرود 

_ آه نسيت أقولك أن مفيش اي أكل في التلاجة تحب تاكل عيش وجبنه، ولا مسقعة بايتة 

قال بصدمة

_ يعني أي مفيش أكل! 

_ يعني مفيش أكل بسيطة مش محتاجة تفسير

_ طب اطلبي من السوبر ماركت 

_ لا أنا هروح أجيب الحاجة بنفسي، أنا شوفت سوبر ماركت كبير قريب من هنا، عايزة فلوس 

فكر شوية وبعدين قال بهدوء بيحاول يخفي توترة 

_ هاجي معاكي 

_ تيجي معايا لي! أنت مش واثق فيا ولا خايف أخد فلوس الفرخة واهرب

_ مش عايزة مجادلة أنا مش عايزة مجادلة، هدخل أغير ونروح 

بعد شوية خرج وكان ماسك عصاية للمكفوفين، وبصيت ليه وأنا بقول 

_ بجد أنت رايح السوبر ماركت مش رايح تقابل الريس!! 

_ ممكن تتفضلي منغير دوشة وكلام كتير! 

خرجنا من البيت، وأنا مسكت دراعه بتلقائية، بس هو سحبه مني 

_ بعرف أمشي لواحدي 

_ تمام 

مشيت يمين وهو مشى شمال، فوقفت وبصيت عليه، ولفيت سحبت دراعه وأنا بقول 

_ مابلاش عند بقا، أنت رايح فين كدا 

اتنهد واستسلم لأيدي إللي ماسكه دراعه 

_ الله البتاع دا شكله عسول أوي، أول مرة أشوفه هبقى أنزل أقعد فيه 

قال بفضول 

_ دا أي دا! 

_ برجولة متحاوطة بورد شكلها جميل اوي، الله دا في نافورة كمان، دي شكلها تحفة بص جميلة ازاي 

قال ببرود وهو من جواه كان نفسه يشوف الحاجات

 إللي مخلياها تمشي بطئ وتنبهر بيها بالشكل دا 

_ كلك نظر 

_ هي عالية على شكل ست رافع أيدها، دا تمثال رقاصة ولا أي! ماسكة شمعدان كدا ولابسه تاج شبه الشمعدان 

أبتسم لأول مرة وهو بيقول بإستخفاف 

_ شمعدان ورقاصة! دي على شكل تمثال الحرية يا مريم 

_ بس حلوة اوي بتطلع مايه من الشعلة إللي ماسكها، ينفع بتصورني هنا!! 

_ اصورك أي يابنتي أنتِ خارجة مع إبن خالتك، أنتِ دمرتي المهنية العملية ودغد.غتي النظام 

قولت بنفاذ صبر وأنا بسحبه بسرعة 

_ ما تحب الحياة شوية يمكن ربنا يفرجها عليك 

_ لما أبقى أشوفها أبقى أحبها حاضر

_ شوفها بقلبك 

_ أنا مش عايز مجادلة مش عايزة مجادلة أنا 

وصلنا السوبر ماركت 

_ عارفة هتجيبي أي! 

_ آه خليك بس معايا عشان مانتهوش من بعض 

قال بعد وكبرياء 

_ أنا مش صغير 

_ خليك جنبي يا مستر نوح يا كبير عشان مانتهوش من بعض 

سحبت عربية وهو مسك طرفها وأنا بدأت اتحرك بيها وقولت بفضول 

_ هو أنا ممكن أسألك سؤال يا مستر نوح 

_ لا 

_ طيب أنت مش عايز تروح تعيش مع أبوك لي 

_ قولتلك لا ما تسأليش ماسمعتيش! 

_ لا أخدت كلامك وحطيتك على الرف إللي جنبي، ها مش عايز تعيش مع أبوك لي 

_ دي حاجة شخصية مش عايز أتكلم فيها وياريت تخليكي في حالك 

_ حاكم إحنا هنعيش مع بعض وحالك هو حالي 

مسح على وشه وهو بيتنهد 

_ أنتِ مش معقولة، أقسم بالله بجد مش معقولة 

_ أوف أوف أي المزة إللي جاية علينا دي! 

وقفت قدامنا بنت جميلة جدًا وبصت ناحية نوح 

_ نوح هاي أي الأخبار، فينك كدا قطعت فجأة 

حمحم بإحراج وبص ناحية الصوت وهو بيقول 

_ ازيك يا دينا عاملة أي 

_ أنا كويسة أنت فينك كدا قطعت فجأة بجد وحشتنا جدًا وكل الشلة بتسأل عليك، أبقى تعالى أقعد معانا بلاش الإنعزال دا 

رد ببرود ولاحظت كفه أيده ابيضت على عربية التسوق 

_ معلش يا دينا مابقتش أحب أقعد في دوشة وتجمعات 

اتدخلت وأنا بسحب دراع نوح لما لاحظ احراجه

_ يلا يا نوح هنتأخر 

بصت ليا وسألت نوح بإستفسار 

_ دي مين دي يا نوح مش تعرفنا!! 

سحبني نوح جنبه وقال بصوت واثق 

_ مريم خطيبتي .. دينا كانت صديقتي 

_ صديقتك بس! أنا كنت خطيبته قبل الحادثة 

                 الفصل الرابع من هنا