رواية اختياري المثالي الفصل الثالث3بقلم لولو وائل
_ لانى حامل يا فريد حامل فى ولد ابنك يا عمى
صدم الجميع من ما قالته نواره وتقدمت رنا نحو نواره وقالت_وده حصل امتى وازاى بقى فريد بقاله اكتر من خمس سنين بره مصر ورجع مره بينهم انتى كنتى مسافره ودلوقتى لسه جاى مقعدش غير يوم حصل امتى الحمل ده فى احلامك بطلى تبلى يا نواره
_ وانا هتبلى ليه يا حبيبتى انا بجول الحجيجه انتى الى عايزه تطلعينى بكدب
_ ومالو نسأل فريد قولى يا فريد رأيك اى فى الكلام ده
_ بذمتك انا هقرب من دى
عقدت حواجبها وقالت بضيق _ومالى ان شاء الله كان ناجصنى ايد ولا رجل
اجابتها ليلى _ناقصك عقل يا نواره إلى بتقول كده على نفسها من غير خجل وبتكدب عينى عينك يبقى ناقصها عقل الحب مش بالعافيه يا حبيبتى مينفعش ترمى بلا على حد خصوصا انكم من الصعيد والحاجات دى فيها قتل
_واحده هتجول تبلى والتانيه تجولى رمى بلا وانت ياعمى رأيك اى انزل الواد ولا
_ شوفى يابنت اخوى انا بجالى سنين صابر وساكت على إلى بيحصل منك لكن المرادى انا مش هجف فى طريق سعادت ابنى علشان خاطرك وبعدين ولد اى إلى بتتكلمى عنه ده انا ابنى اصلا مهيطجش يسمع سيرتك هيجرب منك كيف دى
_حتى انت يا عمى كلكم مكدبنى
ذهبت ليلى اتجاه نواره ووضعت يدها على كتفها وقالت بهدوء _ تعرفى انا اول ما جيت هنا مشوفتش بنت فى جمالك حقيقى وكمان بتعاملى الناس كويس يمكن استقبلنا مكنش احسن حاجه بس حسيت انك جواكى قلبك ابيض تعرفى لو كنت مكانك كنت....
قاطعتها نواره_ لو كنتى مكانى مكنتيش هتجدرى تعيش إلى عيشته عارفه يعنى اى يتجال عنك اكبر عانس فى البلد وكمان بيتجال عنى نحس علشان لما ببقى مع للعرايس بيكونو زى فى الآخر حتى رنا جابتكو علشان تكونو وياها لأنها خايفه منى انتى رأيك هتعيشى عيشتى ده حتى الشخص إلى حبيته بيحبك انتى طب وانا مين هيحبنى هفضل لوحدى طول العمر اكده
_ومين بس إلى قالك انك لوحدك ما كلنا هنا معاكى انتى بس إلى منعزله عن الناس
_ يمكن يكون عندك حج بس لو فاكره أن الكلمتين الماسخين دول هيخلونى اغير كلامى تبقى غلطانه يابنت البندر اوعى أكده
ودفعت ليلى حتى سقطت ارضا وصعدت هى إلى غرفتها بعد ان بأت خطتها بالفشل وذهبت رنا لتساعد ليلى وذهب كلا منهم إلى غرفته
جلست ليلى تفكر طوال الليل فيما حدث ولم تستطع النوم وذهبت الى الحديقه وجلست وظلت صامته الى ان اتى فريد وجلس معها
_ايه قاعده لوحدك ليه لسه بتفكري في كلام نواره اوعي تكوني مصدقه اللي هي قالته
_اكيد انا مش عبيطه للدرجه يعني انا بس مستغربه هي ازاي ممثله شاطره قوي كده انا قلت بدات اطلع اللي جواها ويمكن تتغير طلعت بتسيرني بس هي ازاي كده بجد
_اللي خلي نواره كده حاجه محدش فينا يعرفه غير كبرات العيله لان غريبه تكون بنت حلوه كده وما بتتجوزش لحد دلوقتي وتعنس نواره مش بنت جاهله بالعكس نواره متعلمه يعني تعليم وحلاوه وست بيت شاطره وما تتجوزش غريبه بس ما حدش عايز يقول السبب انا متاكد ان ابويا عارف وامي عارفه بس ما حدش عايز يقول هنا بس عمالين يهودوها مش اكتر
_طب ما انت بتقول اهو حلوه وست بيت شاطره ومتعلمه رفضتها ليه عملت كل القصه والحوار ده ليه
_انت ناسيه ان هي اكبر مني ب 10 سنين وحتى لو كانت نواره اصغر مني مكنتش هاخدها نواره بينطبق عليها مقوله هي حلوه من بره وسوده من جوه نواره قلبها اسود جدا فوق ما تتخيلى ومش بتحب حد غير نفسها وبس هى مش بتحبنى هى عايزه عريس وخلاص وعملت موضوع الحمل ده علشان انتى تسبينى واضطر ساعتها اتجوزها
_ اهو كلها يوم ورنا هتتجوز وهرجع انا ومريم وساعتها نواره مش هتحتاج تعمل حاجه
_مين قال ده انتى اول ما تلبسى الدبله هيحصل بلاوى بعدها
_ يعنى اضمن موتى على ايديها
_ بعيد الشر مش هخليها تعملك حاجه انتى تحت حمايتى
_ تعرف يا فريد بتفكرنى بالروايات والمسلسلات إلى شوفتها بتبدأ بإتفاق وتخلص بقصة حب
نظر لها فريد بعمق وقال _ وانتى ممكن تحبينى
كانت تنظر له ليلى بإرتباك وذهبت الفور مسرعه وكانت دقات قلبها سريعه جلست على الفراش وحاولت الهدوء وكانت تبتسم رغما عنها وكانت فريد مازال يجلس فى الخارج ويضحك على ما فعلته ليلى
_ عجبنى الوضع هنا اوى وشكلى هأجل السفر شوية
فى اليوم التالى استيقظ الجميع وبدأو بتجهيز حفل زفاف رنا وكانت الفتيات يغنون مع صديقتهم ومستمتعون بما يحدث وأتت نواره وطلبت من البنات المغادره وأنها سوف تبقى مع العروس ولكن قالت مريم _ انزلى انتى يا نغوره شوفى التجهيزات تحت واحنا هنبقى جنب صحبتنا
_ انا هكون جارها روحو انتو بس
_لا احنا هنا معاها روحى انتى
وقالت رنا _ فى اى يا نواره صحابى جايين علشان يبقو معايا انزل انتى
_ عايزاهم يبقوا معاكي ولا خايفه يحصلك كيف ما حصل مع ميار وهدى
_احسبيها زي ما تحسبيها انا صحابي بس اللي هيبقوا معايا وانتى خليكي تحت هم مش هيروحوا في حته
_ماشي ماشي يا رنا بس صدقوني مش هسيب حقي ولا هسيبك يا ليلى ولا هسيبك يا رنا
_طب وانا يعني انتى قلت مش هتسيبي ليلى ومش هتسيبي رنا و مريم هتسيبيها
_واضح ان خفه الدم في البنت دي عاليه زياده انا ماشيه
ذهبت نواره للأسفل وكان جميع من فى الغرفه كان يضحك على ما حدث انتهت التجهيزات وكانت العروس جميله على اجمل وجه الفتيات من تجهيز انفسهم وذهبوا للاسفل جميعا كانت رنا سعيده بوجودها مع الرجل الذي احبته منذ الصغار وكان منبهر بجمالها وذهب لعقد القران وجلس الفتيات مع بعضهم حتى انتهى عقد القران وتعالت الزغاريد والافراح والبكاء بدموع الفرح وبداوا بالرقص كانو مريم وليلى مع رنا وكان يرقصون معها ويضموها بفرحه واتت نواره لترقص مع رنا ونظرت رنا الى ليلى وحاولت ليله تهدئه رنا وجعلتها ترقص مغ نواره حتى لا تحزن
واتت والدت ميار وهي غاضبه وكانت تتحدث مع والد رنا بغضب وقالت _ يعني يوم جواز بتك ما خلتش نواره تكون معاها لكن يوم جواز بتى انى خليت نواره تكون معاها طول اليوم و اهى بتك اتجوزت وبتى عنست ايه الحل دلوك
_ حل حل ايه ميار ما كانش معاها حد وبعدين ده نصيب يا ام ميار هو نصيبها اكده هنعمل ايه يعني
_لا مش نصيبها هي نواره الشوم دي السبب في اللي حصل لبتي و هدى كمان وانت ما خليتهاش تجف مع بتك عشان عارف انها نحس لو كانت وجفت مع بتك مكانتش هتتچوز لكن خليتها تجف مع بنتي واهي بنتي أهى ما جلهاش عريس تاني وما اتجوزتش لحد دلوك حلها بجى
_ان شاء الله يچيلها بدل العريس 10 الناس بتفرح لبعضها يا ام ميار مهتعملش في بعض أكده هي دي كلمه مبروك
_اجولك مبروك على حرقه جلبي على بتي اجول مبروك كيف وانا شايفه بتي كل يوم عينيها غرقانه دموع وبتتقطع جدامى
_ متأجلى الحديت ده لبعد الفرح لما يخلصو نبقى نتحدت براحتنا
_ماشي يا ابو فريد نخلى الكلام ده بعد الفرح
قليلا من الوقت وانتهى الزفاف وقامو لتوديع رنا وذهبوا الفتيات اللي غرفه لتبديل ثيابهم واخذو قسطا من الراحه ليستعدوا للسفر في اليوم الثاني
في اليوم التالي تجهزت كلا من ليلى ومريم حقائبهم واتجهو للخارج وقامو بتوديع الجميع وجاءت رنا لتودعهم وقام والد رنا بجعل السائق يوصل مريم وليلى الى بيوتهم وصعدوا الى السياره وكان فريد ينظر الى ليلى لكي يودعها ونظرت له ايضا الى ان تحركت السياره واختفت من امامه وذهبوا الى القاهره وبعد كثيرا من الوقت وصلوا الى منازلهم وهم متعبين ودخلت ليلى الى المنزل احتضنت والدتها واخبرتها بما حدث في الزفاف دون ان تخبرها ما حدث بينها وبين فريد وايضا فعلت مريم ما فعلته ليلى دون اخبارها عن فريد و ونواره
دخلت ليلى إلى غرفتها لكى تستريح وشعرت بشئ ينقصها واستمعت الى صوت الهاتف وكان رقم مجهول وقامت برد بعد اتصاله اكثر من مره _ الو مين معايا
_انا فريد اى كل ده علشان تردى
_عايز اى
_موحشتكيش
_هقفل فى وشك
_ خلاص يا ستى المهم كلها اسبوع وهنيجى
نتقدم رسمى مامتك عرفت حاجه
_ لو كانت عرفت مكنتش هبقى ليه عايشه يعنى
_ انا متفائل بالعلاقة دى
_ وبعدين انت مش كنت هتسافر
_ هأخر السفر شوية لحد ما الدنيا تتظبط هنا الاول
_ ماشى يلا هقفل بقى علشان هنام مش قادره افتح عينى
_ ماشى احلام سعيده بوجودى فيها
_ ده يبقى اسمه كابوس مش احلام سعيدة
_ كابوس شكرا يا ستى
_ يلا اقفل بقى علشان هموت وانام يلا تصبح على خير
_وانتى من اهل الخير
واغلقت الخط وهى مبتسمه وذهبت فى نوم عميق اما فى الجانب الآخر جاء اتصال لفريد من صديقه
_فيروو عامل اى
_بخير وانت اى الاخبار
_فله جايب خبر من الاخر وهيعجبك اوى
_قول وفرحنى خبر اى
_ بص هما خبرين هقول الوحش وبعدين الحلو
_ قول الوحش فى اى
_ شيرين أطلقت ونازله مصر وشكلها عايزه ترجعلك اجهز بقى
_هى لحقت دى مكملتش سنه
_ ما الى عرفته أنهم مكنوش متفاهمين خالص
_اصلا اخبار زى الزفت يا حبيبى طب والتانى بقى
_عرفت مين البنت الى انا خطيبها واسمها
_بجد مين