رواية زين وعاليا الفصل الاربعون40الاخير بقلم ملك ابراهيم

"زين وعاليا مروا باختبارات كتير في علاقتهم.. اتخانوا، اتوجعوا، اتفرقوا، خافوا، وقالوا مش هنقدر.. بس في الآخر، اللي حب بجد هو اللي كسب.. واللي صبر هو اللي فاز.. واللي سامح هو اللي قلبه ارتاح" 

بعد مرور أسبوع.

يوم فرح زياد وسجدة.

وقفت عاليا في أوضتها بعد ما جهزت وكانت في انتظار زين عشان ينزلوا مع بعض.

دخل زين الأوضة وكان لابس بدلة سودة زادت من وسامته.. ابتسمت له عاليا بعشق واتكلمت برقة: "كنت فين يا زين كل ده".

اتكلم بمرح وهو بيقرب منها: "كنت مع زياد".

وبص لها بإعجاب واتكلم بعشق: "إيه الجمال ده".

ابتسمت بسعادة واتكلمت برقة: "حلو بجد".

اتكلم بمشاكسة: "هو بس ناقص حاجة".

ردت بدهشة: "حاجة إيه".

خرج سلسلة من جيب جاكته وقالها: "تلبسي دي".

فتحت عينيها بصدمة لما شافت سلسلة مامتها في إيد زين.. مدت إيديها وأخدتها منه واتكلمت بدهشة وسعادة: " زين انت.. انت لقيتها إزاي".

رد بابتسامة: "أنا ما لقيتهاش لأنها أصلا كانت معايا".

ردت عاليا بذهول: "يعني إيه".

زين: "يعني أنا دورت عليها في نفس اليوم ولقيتها واحتفظت بيها عشان أرجعهالك بس في الوقت المناسب".

ردت وهي بتبص للسلسلة بذهول: "كل ده وما كانش جه الوقت المناسب".

أخد منها السلسلة ولبسهالها واتكلم بعشق: "هو ده الوقت المناسب".

لمست السلسلة وهي بتزين رقبتها ودموع عينيها كانت بتتساقط بسعادة.. ضمها زين في حضنه واتكلمت جوه حضنه بعشق: "أنا بحبك أوي يا زين ربنا يخليك ليا".

زاد في ضمها وهو بيتكلم بسعادة: "ويخليكي ليا يا حبيبتي".

بعد لحظات بعدت عنه عاليا وهي بتتكلم بتأكيد: "أكيد مكياجي باظ صح".

رد بعشق وهو بيتأمل جمالها: "باظ إيه بس هو فيه جمال بعد كده حرام عليكي ده أنا ماسك نفسي بالعافية".

ابتسمت عاليا بخجل. 

ضحك وهو بيتابع تحركها.

بعدت عنه ووقفت قدام المراية ظبطت مكياجها وأخدها زين ونزلوا تحت.

رواية زين وعاليا بقلمي ملك إبراهيم. 

في الجنينة.

كان الجد واقف وجنبه ابنه كمال وكانوا بيستقبلوا المعازيم وكان الجد فرحان جدا وهو بيبص لابنه اللي بقى شايل عنه كتير جدا ورجع للحياة إنسان جديد يعتمد عليه.. قربت منهم جيلان وابتسم لها الجد وربت على ضهرها بحنان وكان سعيد جدا بتغير جيلان خصوصا بعد ما قررت إنها تعتمد على نفسها وما تعتمدش على أي حد تاني واشتغلت في شركة حمزة وكانت ملتزمة جدا في شغلها وقدرت تكسب محبة واحترام الجميع.

دخل زين وهو ماسك إيد عاليا ووقف وهو بيبص لزياد بسعادة وهو شايف سعادته الكبيرة هو وعروسته.. اتكلمت عاليا بسعادة وحماس وهي بتبص لسجدة: "الله يا زين سجدة جميلة أوي النهاردة".

ضمها زين واتكلم بعشق: "انتي أجمل يا روحي".

خجلت عاليا واتكلمت برقة: " زين انت بتكسفني بكلامك ده".

بص لها بعشق واتكلم وهو هيتجنن من رقتها: "أنا إيه".

عاليا برقة: "بتكسفني".

بص لها بعشق وهي بتتكلم برقة وأخدته بصوتها الرقيق لعالم تاني من الخيال.

ظهر عبد التواب بصوته القوي ورجعه للعالم الحقيقي.

عبد التواب: "ألف مبروك يا زين بيه".

بعد عنها زين بسرعة وبص وراه لعبد التواب واتكلم بفزع: "إيه يا عبد التواب هو أنا عليا ليك فلوس ولا حاجة".

رد عبد التواب بصوته القوي: "العفو يا بيه".

بص زين قدامه بغيظ واتكلم: "منور يا عبد التواب والله..".

عبد التواب وهو بيبتسم ببلاهة: "ده نورك يا بيه.. ألف مبروك جواز زياد بيه".

رد زين بغيظ: "الله يبارك فيك عقبالك".

عبد التواب: "عقبالي إيه يا بيه ما أني متجوز".

ضحكت عاليا.. ورد زين بلخبطة: "آه صحيح.. معلش يا عبد التواب أصل ظهورك فجأة ده بيوترني شوية".

اتكلم عبد التواب: "ولا يهمك يا بيه".

بص زين على زياد وهو مندمج مع عروسته وبيتكلم معاها بهمس وهي بتضحك بخجل.. وبص لعبد التواب وضحك واتكلم بمكر: "بقولك إيه يا عبد التواب.. مش الواجب برضه تبارك لزياد بيه".

رد عبد التواب بصوته القوي: "واجب طبعا يا بيه".

حاول زين يكتم ضحكته واتكلم وهو بيشاور على زياد: "زياد بيه قاعد هو عروسته هناك أهوه.. روح بقى قوله مبروك بنفس الطريقة اللي قلتهالي بيها دلوقتي".

رد عبد التواب بقوة: "أمرك يا بيه".

ضحكت عاليا واتكلمت وهي بتحاول تمنعه: " زين حرام عليك".

ضحك زين واتكلم وهو بيتابع خطوات عبد التواب وهو بيقرب من زياد.

زين وهو بيضحك: "استني بس نشوف زياد هيعمل إيه".

كان زياد قاعد وهو ماسك إيد سجدة وعمال يتكلم معاها بهمس وهي بتضحك برقة.

زياد: "لأ النهاردة أنا مش عايز كسوف.. انتي ما تعرفيش أنا كنت بعد الأيام قد إيه عشان يجي اليوم ده".

ردت سجدة بخجل: "زياد اسكت بقى الناس بتبص علينا".

اتكلم زياد وهو بيبص لها بعشق: "ما يبصوا خليهم يتعلموا مننا الحب..".

ليتابع بسعادة: "النهاردة هتبقى ليلة بالعمر كله".

خجلت سجدة ليتابع زياد كلامه وهو بيقرب منها أكتر وبيتكلم معاها بهمس.

عبد التواب بصوت قوي: "مبروك الجواز يا زياد بيه".

بعد زياد بفزع عن سجدة وبص لعبد التواب بصدمة.

ضحك زين بشدة وهو بيتابع رد فعل زياد لما سمع صوت عبد التواب وخرجه من اللحظات الرومانسية اللي كان عايشها مع حبيبته.

ضحكت عاليا غصب عنها وهي واقفة جنب زين وبتابع معاه المشهد من بعيد.

اتفزع زياد وفضل يبص لعبد التواب وهو بيحاول يستوعب اللي حصل.. وبعد لحظات من الصدمة رد عليه زياد: "فيه إيه يا عبد التواب".

اتكلم عبد التواب بصوته القوي: "مبروك الجواز يا زياد بيه".

رد عليه زياد: "جواز إيه بقى.. ما خلاص".

اتكلم عبد التواب: "خلاص إيه يا بيه".

زياد: "لا ما تشغلش بالك انت.. الله يبارك فيك يا عبد التواب عقبالك".

رد عبد التواب بدهشة: "عقبالي إيه يا بيه أنا متجوز..".

ليتابع عبد التواب بدهشة وهو بيبعد عن زياد: "هما مالهم النهاردة".

اتكلمت سجدة مع زياد وهي بتضحك: "إيه يا حبيبي هو صوته خضك ولا إيه".

رد زياد: "خضني إيه بس.. انتي تنسي كل الكلام اللي قلتهولك من شوية ده.. خلاص ما بقاش فيا حيل أقف على رجلي حتى".

ضحكت سجدة وهي بتواسيه وبتطبطب على كتفه.

تابع زين المشهد من بعيد وهو هيموت من الضحك على زياد.

اتكلمت عاليا وهي بتضحك وبتعاتب زين: "حرام عليك يا زين بجد.. زياد شكله اتفزع من صوت عبد التواب أوي".

رد زين وهو بيضحك: "هو اتفزع بس.. انتي عارفة بعد الخضة دي يبقى يقابلني لو قدر بس يساعدها تغير الفستان".

بصت له عاليا بصدمة وضربته على دراعه عشان يسكت ويبطل ضحك.

رواية زين وعاليا بقلمي ملك إبراهيم. 

وقف حمزة جنب جيلان وهو بيبص لها بإعجاب واضح جدا.. خجلت جيلان من نظراته اللي كانت بتعبر لها عن شعوره اتجاهها.

اتكلم حمزة بهدوء: "على فكرة انتي جميلة أوي النهاردة".

ردت جيلان بخجل: "النهاردة بس".

ابتسم حمزة واتكلم بإعجاب: "الصراحة انتي دايما جميلة".

ليتابع بهدوء: "وذكية وملتزمة جدا في شغلك".

ابتسمت جيلان بحزن وهي بتفتكر حياتها قبل موت والدتها وجدتها واتكلمت بحزن: "تعرف إن أنا كنت من كام شهر بس.. إنسانة فاشلة وتافهة وعمري ما فكرت في شغل وكنت دايما عصبية ومتهورة".

ابتسم حمزة واتكلم بتأكيد: "مش مهم كنتي إيه الأهم بقيتي إيه".

ليتجه بنظره لعاليا وهي واقفة جنب جوزها وبتضحك وهو بيضمها بسعادة.. ليتابع حمزة كلامه بابتسامة وهو بيرجع بنظره لجيلان: "كل حاجة في الدنيا بتتغير.. حتى مشاعرنا بتتغير".

ابتسمت له جيلان وهزت راسها بتأكيد.. بص لها حمزة بإعجاب بدأ يتحول جواه لشيء آخر.

قربت لمياء زوجة أحمد من عاليا وزين وسلمت عليهم.

ابتسمت لها عاليا بسعادة وكانت فرحانة جدا إنها شافتها.. استأذن منهم زين وراح يكلم جده وتركهم لوحدهم.

اتكلمت عاليا معاها بابتسامة: "عاملة إيه طمنيني عليكي".

ردت لمياء: "الحمد لله بدأت أكمل حياتي بشكل طبيعي بعد ما خلصت من أحمد".

بصت لها عاليا بدهشة واتكلمت بذهول: "خلصتي من أحمد يعني إيه".

اتكلمت لمياء وهي بتضحك: "أصل جوزك اتوصى بيه على الآخر ورباه التربية الصح وبعد ما رجع البيت أنا قولتله إن أنا اللي ساعدتكم وعرفتكم خطته هو وجانيت".

بصت لها عاليا بصدمة وضحكت لمياء وهي بتتابع كلامها: "هو بقى حب يعاقبني أم طلقني.. بس ما يعرفش إنه كده عاقب نفسه ونسي إنه موقع على نص مليون جنيه مؤخر".

بصت لها عاليا بدهشة لتتابع لمياء: "وطبعا سجنته بفلوس المؤخر".

فتحت عاليا عينيها بصدمة: "سجنتيه..!".

لمياء: "أيوا لأنه يستاهل أكتر من كده.. ده إنسان ندل وأناني والحمد لله أخد جزاءه..".

لتتابع بتأكيد: "احمدي ربنا إن ربنا ما جعلهوش من نصيبك.. صدقيني عمره ما كان هيحافظ عليكي".

بصت عاليا على زين وهو واقف بيتكلم مع جده ووالده وابتسمت وهي بتفتكر بكائها وحزنها لما أحمد سابها وقد إيه كانت شايفة إنها مش هتقدر تعيش من غيره بس دلوقتي اكتشفت إن بعاده عنها كان خير ليها وافتكرت خوفها ورفضها لفكرة جوازها من زين وقد إيه كانت شايفة إن عمرها ما هتكون سعيدة معاه ودلوقتي بصت لحالها وعرفت إن ربنا بعد عنها الشر وقرب منها الخير وشكرت ربنا من كل قلبها على النعمة اللي هي فيها بعد ما اكتشفت إن ربنا بعد عنها الندل قليل الأصل وقرب منها الأصيل ابن الأصول وأصبحت زوجة ابن الأصول.

رواية زين وعاليا بقلمي ملك إبراهيم. 

بعد حوالي 4 شهور.

اجتمعت عائلة الشافعي على مائدة الفطار.. الجد وابنه كمال وزين وعاليا ببطنها البارزة المتوقع ولادتها بعد يومين وجيلان وزياد وزوجته سجدة.

بص لهم الجد وهو بيبتسم بسعادة واتكلم بحماس: "إن شاء الله كلها كام يوم وعيلتنا تزيد واحد".

اتكلمت جيلان وهي بتبص لعاليا: "أيوا يا عاليا كام يوم بس وتولدي ما تطوليش أكتر من كده.. انتي عارفة إن أنا وحمزة اتفقنا إن فرحنا هيكون بعد ما انتي تولدي على طول...".

لتتابع جيلان بضحك: "بصراحة خوفنا تعمليها وتولدي في الفرح".

ضحكت عاليا واتكلمت بتعب: "والله أنا أول واحدة نفسي أولد بجد الموضوع صعب وما بقتش قادرة أتحرك من مكاني".

لتتابع وهي بتبص لزين بغيظ: "وجوزي للأسف مش مساعد في أي حاجة".

رفع زين حاجبه واتكلم بدهشة: "هو المفروض أنا أساعد في إيه يعني مش فاهم".

ردت عاليا بغيظ: "تعمل أي حاجة هو مش اللي في بطني ده ابنك برضه.. اشمعنا أنا اللي أشيله لوحدي يعني".

ضحك الجميع عليهم ورد عليها زين بغيظ: "حاضر يا حبيبتي أوعدك هبقى أشيلكم انتم الاتنين".

ضحك كمال واتكلم بهدوء: "خلاص كلها كام يوم وينور الدنيا ووقتها أنا بس اللي هشيله".

اتكلم الجد بقوة: "ده حفيدي أنا وأنا بس اللي هشيله".

صرخت عاليا بصوت مرتفع.

بص لها الجميع واتكلم زين ببرود وهو بيبص لهم: "ما تقلقوش يا جماعة.. هي كل يوم كده".

صرخت فيه عاليا بقوة: "بس المرة دي بجد يا زين أنا شكلي هولد بجد".

اتكلم والده بانفعال: "يا بني اتحرك مراتك شكلها بتولد بجد".

بص لها زين واتكلم بغيظ: "عاليا متأكدة إنها بجد المرة دي.. لو روحنا المستشفى وطلعت مش ولادة زي كل مرة الدكتور هيولع فينا".

عاليا بصراخ: "بقولك بولد الحقني أنا بموت".

اتكلم زياد بقلق: "أكلم الإسعاف..؟".

ردت سجدة بخوف: "إسعاف إيه على ما الإسعاف يوصل هتكون ولدت".

وقف زين بسرعة وشالها وهو بيتكلم معاها بغيظ: "شلتك أهوه عشان تبقي تقولي مش بيشيل".

ليتابع وهو بيوجه كلامه لزياد: "اسبقني بسرعة يا زياد على العربية".

جرى زياد قدامه وفتحله باب العربية وركب زين جنب عاليا بالخلف وزياد مكان القيادة وخرج الجد وكمال وسجدة وجيلان وراهم بالعربيات على المستشفى..

بعد ساعتين في المستشفى.

فتحت عاليا عينيها وزين كان قاعد جنبها وهو ماسك إيديها والكل كان واقف حواليها وبيبتسموا بسعادة.

اتكلم زين وهو بيقبل إيديها: "حمد لله على السلامة يا حبيبتي".

اتكلمت عاليا بتعب: "أنا ولدت..؟".

رد زين وهو بيضحك: "آه يا حبيبتي أخيرا فرقعنا البلونة".

بصت له بغيظ واتكلمت بتعب: "ابني فين".

ردت سجدة وهي بتشاور على الجد وكمال وزياد: "ابنك في خناقة عليه هناك.. الكل عايز يشيله".

ابتسمت عاليا واتكلمت بلهفة: " زين أنا عايزة أشوفه".

اتكلم زين بعشق: "عيوني يا قلبي زين".

قرب منهم الجد وهو بيعطي لعاليا طفلها وبيتكلم بسعادة: "حمد لله على السلامة يا حبيبتي..".

أخدت عاليا ابنها وبصت له بسعادة وهي مش مصدقة إنها شايلة حتة منها ومن زين.

اتكلم كمال بحماس: "قولولي يا ولاد هتسموه إيه".

ليتابع وهو بيبص لوالده: "على فكرة يا زين جدك هو اللي اختار اسمك انت وزياد".

ابتسمت عاليا وبصت لزين واتكلم زين بسعادة وهو بيبص لجده: "ربنا يخليه لينا يا رب ويبارك في عمره وهو كمان اللي هيختار أسامي ولادنا".

فرح الجد جدا ودمعت عينيه من الفرحة.. أخد زين ابنه من عاليا وأعطاه لجده واتكلم بسعادة: "اتفضل يا جدي اختار اسم حفيدك".

أخد الجد حفيده وهو بيبص له بسعادة وبيحاول يمنع دموعه من التساقط وقبل مقدمة راسه ونطق اسمه بحُب 《سيف》.

ليتابع وهو بينطق الاسم بلقب العائلة: "سيف الشافعي".

ابتسم زين وبص لعاليا وعاليا ابتسمت وهي سعيدة جدا بالاسم اللي اختاره الجد واجتمعت العائلة بسعادة وهما بيتكلموا عن تجهيز احتفال كبير بالمولود الجديد سيف زين كمال الشافعي