رواية حب خفي الفصل الخامس5بقلم هنا محمود

ربت "آدم" علي ضهره كتشجيع ليه و قال و هو بيقف..

_انا همشي بقا عشان الوقت أتأخر...

بادلناه السلام كان هيمشي لكنه وقف قُصادي وقال...

_في أمل لينا؟...

رَفعت كِتافي لفوق و قولت بجدية زائفة ...

_هنسيها للنصيب...

_________

أفكاري مُشتته ، معني كلامة أن في مشاعر نحيتي بس أنا مش قادرة أحدد شعوري ليه أيه حُب و لا تَعلق؟!...

زفرت أنفاسي بِثقل و أنا بتحرك في الممر الي بيودي لمكتبي لكن وقفني "مَلك" بنت خال آدم ...

بقالي اكتر من سنتين مشوفتهاش !....

سلمت عليها بِبشاشة ..

_انتِ بتعملي أيه هِنا؟...

جاوبتها بإبتسامة..

_نزلت تحت التدريب هِنا و أنتِ؟...

رفعت خاتم خطوبتها قُصاد عيني وقالت ...

_جيت أشوف آدم خطيبي..