رواية زوجاتي الثلاثه الفصل الخامس5بقلم جمانه السعيدي
الهام...باجر جمعه تاخذني الاهلي من الصبح من تطلع للمجمع
وبليل من ترجع اجيبني وياك
مصطفى...ميخالف
الهام...اريد فلوس اريد اجيب هديه الامي
مصطفى...شنو المناسبه
الهام...هيج بدون مناسبه يعني اله مناسبه يله اجيبلها هديه
مصطفى....شكد تردين
الهام... ١٠٠ او ١٥٠
مصطفى....ليش ١٥٠ شراح اجيبين مثلا
الهام...اشوف شي حلو مااعرف ايجوز اشتريلها محبس ذهب
مصطفى...محبس ذهب هديه بدون مناسبه
الهام...انت ليش تحاسبني قابل فقير لو ماعندك
مصطفى...عندي خير من الله بس هاي الفلوس حصتلها بتعب ما لكيتها بلشارع
لازم تنصرف بعقل
الهام....شكد بخيل نمنونه ١٥٠ توقعت تكول انطيج اكثر
مصطفى...انطيج اي مبلغ اذا محتاجه
شغله ضروريه مو تردين تهدين الامج هديه على حسابي
هاج ٢٥ الف اشتري اي شي يعجبج
الهام...شنو ٢٥ صدك تحجي اصلا استحي اكول زوجي انطاني ٢٥ الف
مصطفى...اكلج اني ما فاتحها سبيل الامج
اذا تردين جمعي من مصرفج واشتري اي شي يعجبج
لا ادوخين راسي
الهام...هيج صار الحجي بسيطه
مصطفى...شنو تهددني
سكتت ماردت عليه
ثاني يوم كعدت زعلانه سبحت وبدلت بدون متحضر ريوك
مصطفى...وين الريوك
الهام...اوي تصير بيه ريحه هناك بلشغل وتريك
مصطفى....بدلت وأخذتها وطلعت بليل رجعتها للبيت
واني جاي اغير ملابسي واريد اخلي فلوسي
فتحت الكنتور شفت الفلوس قليلات
سحبتهن حسبتهن ناقصات ١٠٠ الف
مصطفى...صحت بصوت عالي الهام الهام
الهام...اي اجيت شبيك تصيح
مصطفى...انتي ماخذه من الفلوس
الهام...لا
مصطفى...ماكو غيرج احجي
الهام....اي اخذت وبعد كل مره ما تنطيني اخذ
لان اني مسؤله منك وانت من اخذتني كلت اي شي تطلبه حاضر
مصطفى...اي شي اللج اني مقصر وياج بشي
جوعانه ناقصج شي بس مال تهادين اهلج على حسابي مااقبل جيبي الفلوس
الهام...انطيتهن الامي
مصطفى...شنو انطيتهن الامج ترجعيهن مثل مااخذتيهن
فهمتي لو لا
جمانه السعيدي
الهام...لا مافهمت افهم بس من تنطيني مفتاح الكنتور وتكول اخذي الي يعجبج
مو اسمي كدام الناس ماخذه تاجر والناس كلها حاسدتني عليك وانت تحاسبني علمود ١٠٠ الف
شنو نمونه صدك لو كالو بخيل
مصطفى...اني بخيل اي مو اشوف اهلج يمشون ويطشرون بلفلوس
الهام...لا جيب طاري اهلي شنو انت تصرف عليهم
مصطفى....طبعا اصرف عليهم اذا انتي هديتي الامج ١٠٠ الف
الهام....هذا الي عندي
مصطفى...ترحين الاهلج وترجعين الفلوس
الهام...ولله مارجعهن
مصطفى....المصرف عنج اكطعه منا لمن ترجعين فلوسي
اخذت فراشي ورحت للغرفه الثانيه
اني مو بخيل بس ماريدها تتعود تمد ايدها على فلوسي وتتصرف بكيفها
لازم تتعود تحترمني وتحترم كلامي
اسبوع كامل واني مااحجي وياها
وكطعت مصرفها اقفل الكنتور وأخذ المفتاح وياي
كامت تحوس تريدني إصالحها بس اني قفلت عليها
بس ارجع من الدوام تفتش ملابسي
تشمهن خاف بيهن عطر نسائي
اذا رن التليفون الارضي اشوفها تجي تمشي على كيف حتى تسمع ويا منو احجي
لو تسوي نفسها جاي تاخذ حاجه حتى تسمع المكالمه
ماعدها ثقه بنفسها ابد
تشك بيه اخونها
اخر يوم رجعت من الدوام لكيت امها بيتنا
سلمت عليها وكعدنا نتغده
من بعد ما طلعت امها
اجت تصالحني
الهام....اني مااعرف زعلك صعب هيج
مصطفى.....اني المفروض مو ازعل اكسر راسج على هاي السالفه شلون تمدين ايدج على فلوسي
وتاخذين منهن ياريت لو مشتريه شي اللج
اني شنو بهدية امج
جمعي واشتري اي شي يعجبج
الهام...اسفه بعد ما تتكرر بس رجع مصرفي وزوده
شويه
مصطفى...لا ماازوده لان انتي ماناقصج شي
المصرف الي تاخذي كافي عليج
ترا اني مالكه الفلوس بلشارع
اشتغل واتعب يله احصلهن
الهام....يله صالحني
مصطفى....لا ماكو صلح الحد ما تتعلمين تحترميني وتسمعين كلامي
الهام...اهوووو لا اضوجني فوك ما محبوسه بلبيت
النوب انت زعلان
قدر وضعي ترا كعدت البيت تموت
مصطفى...وشتردين بلصبط اعوف شغلي واكعد اكابلج
الهام....لا بس اريدك تخصصي وقت نطلع نتونس
اذا انت حتى بيوم الجمعه تشتغل
مصطفى.....احنا عايشين ونصرف من هاي الفلوس
الهام..... خلي شغلك العصر وبليل نطلع
مصطفى...خلاص اني راح اخصصلج وقت نطلع
الهام....تمام اتفقنا
خلص اول شهر زواج وماكو حمل
شكد ضجت اني كاعد على نار وانتظر اسمع خبر يفرحني
الله كريم
جمانه السعيدي
خلص الشهر كنت احسب يوم يوم اريد ميسون ترجع للدوام
اريد اشوفها ياربي شكد مشتاقلها
جذب الي يكول مره تنسي مره
المره الصح تجي مره وحده وابد ما تنسي
الهام ماكدرت تنسيني ميسون ابد
بلعكس كل تصرف من الهام عقلي كبل يقارنه بتصرفات ميسون كفة الميزان دائما متجها الميسون
عقلي يقارن تصرفات الهام بتصرفات ميسون
فرق فرق السما عن الكاع
خلصت اجازت ميسون
واليوم انشاء الله ترجع للدوام
شكد مشتاق اشوفها رغم كلشي بينا انتهى
بس اني مجاي اكدر انساها ابد
وصلت قبلها وبقيت عيني على الباب اي واحد يدخل
تصير عيني على الباب
بلكت تجي واشوفها
وصلت اخير وحده دخلت وهيه مدنكه
لابسه اسود وضعفانه حيل ووجها شاحب
كعدت على مكتبها بدون ماتحجي ولا كلمه
الموضفات كلهن راحن سلمن عليها وسئلنها عن احوالها
ردت عليهن بصوت هادء
انتضرت لمن كم وحده طلعن من الغرفه
ورحت عليها
مصطفى...صباح الخير
رفعت عينها باوعت عليه ورجعت نزلت عينها من دون ماتحجي ولا كلمه
مصطفى.....ليش ماتردين السلام احنا زملاء عمل قبل
لا نكون ثنيين منفصلين
مارفعت عينها ولا باوعت عليه ولا حجت كلمه
مصطفى...شكلج تعبان انت مريضه تردين اقدملج اجازه
اخذج للطبيب
ميسون....اريد انقل اني ماكدر اداوم هنا بعد
مصطفى...وين تنقلين
تحجي وياي وهيه مدنكه
ميسون....جاي ادور دائره ثانيه انقل الها
بس لحد ماانقل اريد ادوام بقسم ثاني مااكدر ابقى هنا
مصطفى...اذا عليه اني ابد مراح اضايقج
ميسون....لا مو علمودك بس اني اريد اغير مكاني
مصطفى.....براحتج بس هذا القسم محتاجج
ميسون....هواي موضفات غيري يكدرن يسدن مكاني
مصطفى....صح اكو هواي موضفات بس مو نفس الكفائه
ميسون....اني مامرتاحه هنا
راح اكتب طلب نقل القسم ثاني واتمنى توقع علي
مصطفى...اذا هذا الشي يرضيج موافق
عفتها ورجعت المكاني ضجت كلش ضجت
ميسون مو نفسها القديمه
صايره وحده ثانيه شكلها تعبان ومتغيره
كله بسببي اتمنى اعتذر منها وتقبل اعتذاري
لو تعرف شلون غيابها عني أثر عليه
لو تعرف الهام شمسويه بيه ااكيد هاي حوبتها
مسكينه ابد ماقصرت وياي بشي
كتبت طلب نقل وقدمتليا ورجعت المكانها
بدون ما تنتظرني
اول ماخلص الدوام طلعت اول وحده هيه
طلعت وراها لكيتها منتظره الخط
شغلت سيارتي ورحت عليها
وكفت كبالها ونزلت الجامه
مصطفى...اوصلج
ميسون...شكرا انتظر الخط
مصطفى....خاف يتاخر انتي مبينه تعبانه
ميسون....مالك شغل بيه عافتني وراحت وكفت بعيد عني
شغلت سيارتي ومشيت
ااكيد ماتريد تحجي وياي ولا تصعد وياي بلسياره
شمتوقع منها مثلا بعد ما عفتها ورحت ازوجت وحده غيرها
وصلت للبيت سلمت ودخلت الغرفه كعدت حتى ملابسي مانزعتهن افكر بميسون
اتاخرت على الهام اجت وراي للغرفه
الهام...هااا شو كاعد بعدك ماغيرت ملابسك واني انتظرك
مصطفى.....تعبان مالي خلك راح انام ومن اكعد اتغده
الهام...ليش شكووو صاير شي
مصطفى.....لا ماكو شي بس تعبان شويه
الهام....لا ولله اليوم اكو شي صاير خاف ميسون رجعت للدوام
مصطفى...واني شنو علاقتي بميسون اصلا انقلت القسم ثاني ماتريد تشوف وجهي
الهام...هيه ماتريد تشوف وجهك بس انت تريد تشوف وجها
مصطفى....الهام اذا تردين تتعاركين مالي خلك
الهام..طبعا مالك خلك اليه لان ست الحسن رجعت
مصطفى...استغفر الله ربي واتوب اليه
انتي شنو من بشر تخلقين المشكله بس حتى تتعاركين ويا
ميسون موظفه بلدائره ولازم اشوفها بحكم شغلي هناك
شلون اعوف الدوام علمودج
الهام....اي اطلب نقل مايصير تنقل الدائره ثانيه
مصطفى...على اساس هو بكيفي اي دائره تعجبني انقل الها
الهام...ولله تكدر كلشي تسوي بس انت تريد تبقى حتى تشوفها كل يوم
مصطفى...اطلعي وطفي الضوه اريد انام
الهام.. اي ما عجبك كلامي طبعا
شوف مصطفى اذا عرفت حجيت وياها لو تحاول ترجعها
اسويها سوده مصخمه عليك
مصطفى.. صحت بيها بعصبيه اطلعي اربد انام
بقت تحجي ودردم واني غطيت راسي ودي اكوم اموتها كتل بس اتعوذت من الشيطان
بقيت اماطل بشغلة نقل ميسون
ماريدها تعوف هذا القسم
أريدها تبقى كبالي
بس هيه مجاهلتني اخر تجاهل حتى من اسلم عليها ماترد السلام
وتوصل اخر وحده وتطلع قبل الكل
لابسه اسود من اول يوم داومت اليوم
سئلت البنات عليها خاف ميت احد من اهلها ومااعرف
بس البنات يكولن لا ما ميت احد
ليش لابسه اسود ااكيد بسببي
بيني وبين نفسي ااكول لو تقبل ميسون جان رجعتها وخليتها بيت وحدها
مو بس هيه متغيره على الانفصال اني هم اتغيرت بعدها
كل كم يوم تسئلني على نقلها
واني اتحجج ساعه اكولها ماكو مكان فارغ بغير قسم
ساعه اكولها المدير ما يقبل
اخير شي كالت اذا ما تنقلني اعوف الدوام واكعد بلبيت
مصطفى...لا راح انقلج
هلمره صدك قدمتلها طلب نقل
ماريدها تخسر الوظيفه بسببي
المدير وافق علي ونقلت القسم ثاني بس مو بعيده عني
ااكدر اروح القسمه واشوفها وارجع
كمت ادور حجج عبالك مراهق بس حتى اشوفها
وهيه تعرف اني اجي حتى اشوفها
بس مجاهلتني وكانما ماموجود
اما الهام عرفت ميسون رجعت للدوام وكل يوم تتعارك وياي
اذا قبل تشك بيه بدون سبب
هسه صار عدها سبب قوي تشك بيه
اذا اتأخر تتعارك وياي اذا احجي بلتليفون تجي تكعد بصفي اذا اروح اشوف امي تكول اجذب انت مارحت الامك
اذا اروح للشغل تتصل بمرتضى تسئله عني
خاف ماموجود واجذب عليها
دمرتني خبلتني ماشايف هيج مره تموت على المشاكل
بعد شهرين ونص من زواجنا طلعت الهام حامل
ماصدكت من سمعت الخبر منها
لان هيه مسويه تحليل منزلي
اخذتها وسويتلها تحليل دم وطلعت فعلا حامل
ياكرمك يارب العالمين واخيرا
صبرت واجا الخير
راح اصير اب بعد كل هاي المعاناه
رب العالمين التفت عليه وراح يرزقني بطفل