رواية اخترت نفسي الفصل الثامن8بقلم هايدي احمد

لم تحب والدت ليلى ذلك وقالت _ انا هوافق على الجوازه دى بس بشرط

_ اى هو

_ هتعيشو هنا فى القاهره جنبى انا مستحيل اسيب بنتى تعيش بعيدة عنى فى عز المشاكل إلى فى حياتك دى

تفهم فريد خوفها وقال _ ده إلى هيحصل كدا كدا ليلى مش هتروح البيت هناك انا هجيبلها بيت لوحدها منها تبقى بخير وجنب حضرتك ومنها تبقى براحتها

_ طب واهلك موافقين على ده

_ انا هتكلم معاهم متقلقوش من الناحيه دى

_ تمام يبقى على بركة الله

سعد فريد من ذلك ووقف وكان سيرحل ولكن أوقفته ليلى _ استنى هوصلك

وكان سوف يذهب معها عاصم ولكنها منعته قائله_ استنى انت هنا عايزه فريد فى كلمتين

ونظر لخالته واومأت له رأسها بالموافقه وجلس وخرجت ليلى مع فريد الى الخارج بمفردهم وقالت_ مخبى اى يا فريد

_ مش مخبى حاجه

_ بص  يا فريد علشان نبقى على نور انا موافقتش كده وخلاص انا فاهمه وعارفه أن فى حاجه انت مخبيها وقولت مختصر الموضوع لكن الموضوع اكبر من كده بكتير وانا متأكده من ده وإلى بيثبت ده أنك مش هتاخدنى بيت مامتك وباباك اعيش هناك لان انت عارف ان دى تقاليد عندكو وانت كده هتخالف باباك قولى يا فريد انت مخبى اى

تعجب فريد من ذكاء ليلى وقوة ملاحظتها واجابها

_  بصى كل حاجه فى وقتها حلو بس كل إلى هقدر اقول ان فى خاين تالت وانا مستنى اوصلو

_ من الشركه ولا بره

_ لسه مش عارف هعرف الاول وبعدين هحكيلك على كل حاجه بس حاليا معنديش معلومات عن اى حاجه

_ تمام مستنياك

وودعته وذهب فريد الى فيلته الخاصه التى اشتراها عن قريب ولم يخبر أحد بها وكان يجهزها إلى أن تم تجهيزها ذهب إلى الداخل وجلس وأخرج الورق الذى أخذه من المكتب من حقيبته وبدأ بقرأته كانت اوراق حسابات وصفقات وكل شئ مضى  وأخذ وقت ليس بكثير وتعجب من عدم وجود أخطاء وكان يفكر بصوت عالى وقال _ الورق كلو مش بيظهر ان فى مشكله فى الحسابات ولا فى ديون ولا فى خساير بل بالعكس كل حاجه ماشيه طبيعى  جدا اومال حازم اشترى اسهم على اساس اى كده يبقى الحكايه ناقصه كتير أو يمكن إلى اتقالى كدب وإلى متأكد منه أن فى طرف تالت وهعرفه

وقام بالاتصال ب كريم وفى مكان آخر كانت تجلس أمام التلفاز لتتابع مسلسلها وهى سعيده إلى أن رأت هاتفها وتحولت الابتسامه إلى ضيق واجابته _ خير بتتصل ليه مش كنا أطلقنا وخلاص

_ انا مش بكلمك علشان اردك اكيد انا عايز منك الفلوس إلى سرقتيها لما كنتى على ذامتى يا حراميه

_ اديك قولت كنت على ذمتك يبقى حقى

_ حق مين يامو حق احنا كنا متفقين أن انتى هتاخدى الى انتى عايزاه منى انا مش تسرقى الشركة

_ عايز كام يعنى مليون

_ 500 مليون يا قطه

_ اى الرقم ده هو انا لو معايا المبلغ ده كنت هعيش كده كان زمانى هجيت وعيشت حياتى انا مخدتش الرقم ده انا خدت وللامانه 20 مليون بس

_ والباقى مين إلى خدهم انا

_ دور بقى على مين إلى خدهم لكن مش هلبس حاجه مش بتاعتى

_  طب وفين ال20 مليون

_ صرفتهم

_ صرفتى كل دول فى اى

_ دخلت بيهم مشروع وفشل والفلوس راحت ورجعت للبيت المنتن تانى اعمل اى

_ مش قصتى انا عايز منك فلوسى لاما هحبسك يا الفلوس يا الحبس

_ استنى بس هقولك .....

ولم تكمل كان اغلق المكالمه ألقت الهاتف بجانبها بغضب وأغلقت التلفاز وقالت_ مينفعش ليلى وفريد يجتمعو لو متجوزتش فريد انا هنتهى

وظلت تفكر فى فكرة لإنهاء علاقة فريد وليلى

ذهب حازم للشركه وذهب إلى مكتب يحيى الذى رأه وشعر بالقلق من رؤيتة فريد له وجلس حازم وكان ينظر بإبتسامه إلى يحيى الذى كان يقف امامه متوترا وقال

_ متخافش فريد مش جاى

_ واى عرفك

_ من مصادرى الخاصه اقعد بقى

جلس يحيى وشعر بالراحه قليلا وقال _وانت اى الى جابك

_ جاى اعرف اخبار الشركه مش المفروض فريد رجع يعنى اكيد كل حاجه بقت زى الفل ومفيش خساير ولا اى

_ هو مش بيقعد اصلا ده بيسافر كتير ومش ثابت فى مكان يعتبر مشتغلش حاجه كريم بس هو إلى شغال

_ هو كريم رجع

_ اه رجع بقالو يومين

_ حلو اوى ده نبدأ اللعبه بقى

_ مش فاهم

_ مش مهم انت تفهم يلا انا ماشى

_ هو ده كل إلى جايبك

_ عايز حاجه تانيه

_ لا اتكل على الله

_ ماشى ماشى ليك روقه يا يحيى

وذهب حازم ورأه كريم وهو خارج من غرفة يحيى وتعجب وشعر بشئ غريب وذهب إلى يحيى ليعرف

_ ازيك يا كريم تعالى واقف ليه

_ حازم جه ليه

_ بيسأل على الشغل مش هو معاه أسهم هيفكر نفسه صاحب الشركه بقى

_ ولو كان فريد هنا بقى وشافه عندك

_ ماانا كنت قلقان برضو بس هو قالى أن فريد مش جاى

_ وهو عرف منين بقى

_ اكيد بيراقبو المهم هو فريد خد ورق بتاع اى

_ ده بقى إلى كنت جاى اسألك عنه دلوقتى انت قولت ان الشركه كانت بتخسر اخر فتره صح كده

_ مظبوط

_ لا مش مظبوط يا يحيى الورق باين فيه أن الشركه مفيش فيها اى خساره وفى ربح و مفيش اى حاجه مش طبيعيه كلو طبيعى حازم بقى اشترى اسهم بناءا على اى

_ انت قصدك أنى بكدب

_ اكيد لا بس افهم الورق بيقول حاجه وانت بتقول حاجه

_ انا مطلوب منى اى

_ مطلوب تقولى إلى حصل يا يحيى لان انت عارف فريد مش هيسكت وكده كده هيعرف بطريقته

_ خلاص لو عرف حاجه يبقى يقولنا بقى انا إلى اعرفه قولته

_ ماشى يا يحيى بس لو عرفت حاجه تانيه ابقى قولى

_ تمام

ذهب كريم واتجه إلى المكتب وأخذ أغراضه وذهب بعد انتهاء دوامه وذهب إلى منزله وكان يفكر فيما قاله يحيى و أخبر فريد أن يرسل له حسابات الشركه ليراها مره اخرى وأرسل له يحيى كل شئ وبدأ فى رؤيتها والتركيز جيدا

كانت رنا تقلب فى هاتفها وشعرت بالملل وقررت أن تقوم بالاتصال ب ليلى إلى أن أجابت _ ليلووو اخبارك اى

_ الحمدلله وانتى اخبارك اى

_  الحمدلله بقولك اى كنت عايزه انزل الشغل تانى

_ وانا تعالى بقى نقدم فى مدرسه تانيه لأن لو فضلنا مستنين المشكله إلى فى المدرسه تتحل مش هنخلص

_ هو اى إلى حصل فى المدرسه اصلا

_ ولا اعرف ولما سألت محدش رد عليا شكل فى حوار كبير وشكل المدرسه هتتقفل علشان كده بقول نشوف غيرها

_ بس أنا معرفش بابا هيرضى ينزلنى ولا لا

_ حاولى معاه وتعالى اقعدى معايا مش المفروض هبقى مرات اخواكى

_ مرات اخويا !!

_ هو مقالكيش ولا اى

_ لا قالى بس انا قولت هترفضى

_ انا فعلا كنت هرفض بس انتى عارفه القلب وما يريد ودى فرصتى يمكن يحبنى

_ هو فريد قالك حاجه

_  حاجه عن اى بالظبط

_ بصى انا ماليش أنى اقول حاجه بس اكيد فريد هيقولك على كل حاجه بس كل إلى انا عايزه اقولهولك طولى بالك معاه

_ انتى بتقلقينى ليه

_ مش قصدى بس فريد مر بتجربة مش احسن حاجه واكيد لسه بيتعافى منها علشان كدا بقولك اصبرى وكل حاجه فى وقتها حلو

_ عندك حق مش عارفه من غيرك انتى ومريم هبقى عامله ازاى

_ كلنا مع بعض بنكمل بعض وبكره نتقابل بقى يا مرات اخويا

_ ماشى يا اخت جوزى

واغلقو وهما سعيدين و تذكرت ليلى أن تتحدث مع مريم أيضا

فى بلد أخرى كانت تلعب مع واولادها وتطعم طفلها الصغير واتى زوجها إليها وقال _ هتفضلى قاعده جنب الواد كده يا ابتسام مبقتيش مهتمه بيا زى الاول من بعد ما خلفتى

_ الله مش انت الى عايز عيال

_ ايوه بس حبه معايا وحبه معاهم مش كل الوقت معاهم 

_ مش بأكل الواد يا سامح الواد جعان 

_ طب وانا 

_ اكلك فى المطبخ اكيد مش هاجى اكلك

_ اى الوليه دى 

_ ول وولو عليك بدرى يا بعيد 

وذهب سامح وهو يشعر بضيق وأنهت ابتسام إطعام طفلها وذهبت إليه وجدته أنهى كل الطعام الذى كان بالمطبخ وصدمت من فعلته وقالت _ نهار ابوك مش فايت خلصت الاكل انا مش قادره اعمل تانى يا سامح حرام عليك 

_ مش انتى قولتيلى اكلك فى المطبخ 

_ قولتلك اكلك فى المطبخ مش تخلص الاكل كله والسته إلى عايزين ياكلو جوا اعملهم اى دول ياكلونى 

_ اعملى اكل تانى 

_ حرام عليك دانا بعمل اكل بالعافيه الواد مش بيسبنى اريح شويه حتى 

_ اعمل اى طيب 

_ اطلب اكل 

_ نعم يختى انتى عارفه هيتكلف كام انا مش هطلب ل اتنين دول ٨ كتير عليا هجيب منين 

_ ومفكرتش فى كده ليه قبل ما تخلفهم 

_ علشان كنت عايز اجيب منك دسته عيال

_ طيب يا سكر قدامك عشر دقائق لو مطلبتش اكل هبعتلك عيالك واتعامل بقى 

_ اكيد مش هتعملى كده 

_ لا هعمل اتصرف بقى 

وذهبت ابتسام إلى طفلها مسرعه عندما استمعت إلى بكائه 

بعد ان انهى كريم النظر فى الأوراق قام بالاتصال بفريد 

_ ازيك يا فريد انا لسه مخلص حالا وبرضو مفيش اى خسائر بس فى حاجه غريبه لاحظتها 

_ حاجة اى 

_ الحسابات بتاعت الشركه هنا فيها شبه كبير بحسابات الشركه بره

_ قصدك اى 

_ قصدى انها كوبى من هناك يعنى إلى عامل الحسابات دى خد نسخه من الشركه هناك وحطها هنا ولما حازم بدأ لعبته و المفروض انهم يحطو ورق إلى بيثبت أن الشركه بتخسر وهما نسيو ده 

_ يعنى الشخص التالت بينا 

_ ده اكيد حد عارف تفاصيل الشركتين كويس اوى

_ وهيكون مين بقى 

_ الى يعرف تفاصيل الشركتين بدر ويحيى وانا وانت و ادم بس ادم فى أسبانيا مش بينزل مصر خالص ولا يعرف اى حاجه 

_ وممكن حد من بره 

_ مين يعنى مفيش حد

_ احنا لازم ندور كويس اوى الاقيه بس وهو مش هيفلت منى وبعدها لعبت حازم هتخلص 

_ وممكن يكون اشترى 

_ ميقدرش يشترى حاجه 

_  ازاى يعنى 

_ انا هقولك وده سر محدش يعرفه ولا حتى يحيى ولا بدر ولا اى حد من صحبنا 

_ اى هو 

_ شركة كندا إلى كلكو فاكرين انها بإسم والدى لا هى دى الشركه إلى كلنا شركاء فيها لكن الشركه إلى فى مصر هى دى إلى بإسم والدى والصلاحيات كلها معاه مرضتش اقول كده لحد فيهم خوفا من حاجه تحصل وادى اهو إلى كنت حاسبه حصل وبيعت حازم تعتبر باطله وانا هظهر ده لما الاقى الطرف التالت

_ هى شيرين تعرف حاجه 

_ لا شيرين متعرفش اى حاجه

_ تمام انا لو وصلت لحاجه تانيه هقولك وانت كمان 

_ تمام 

واغلق معه كريم واستمع لصوت هاتفه ووجدها شقيقته اجاب بتأفف

_ الو خير يا ابتسام 

_ اخويا حبيبى عامل اى وحشتنى

_ فى اى انتى حامل ولا اى 

_ لا بس هو انا موحشتكش

_ لا طبعا وحشتينى ده حتى البيت وحش من غيرك 

_ حسيت علشان كده انا جايه 

_ لااا