رواية اقدار مكبلة الفصل التاسع9بقلم فادية النجار

كان آدم واقفا في غرفته هو وحنين يخرج الملابس التي سيأخذها معه في السفر أخرج الشرابات وكل ما يحتاجه ثم فتح درجا في الدولاب فوقع نظره على أوراق خاصة بحنين لفت انتباهه ورقة مكتوبة بخط يدها لم يره من قبل ومكتوب في أعلاها بخط واضح وصيتي

فتحها ووجدها مكتوبة بخط حنين

آدم حبيبي عمري الذي مضى والذي جعلني أعيش أسعد أيام حياتي أنا عارفة إنك عملت كل اللي عليك والموت أصبح قريبا جدا مني وحاسة إني هموت علشان كده قررت أعترف لك ولازم قبل ما تحكم علي تعرف كويس إنك كنت عمري اللي فات آه كنت طماعة في حبك وأنانية كمان بس يمكن ربنا حب يخليني أكفر عن كل اللي فات باعترافي ده قبل ما أموت

أقول لك إن الجوابات والرسايل اللي كانت بتوصلك وعليها حرف اتش لم تكن مني أنا أومال من مين دي من حبيبة هي اللي كانت بتحبك وبتموت فيك بس أنت اتفاجئت لما أنت افتكرت إني أنا اللي كنت ببعتهالك ويوم ما جيت تتقدم كنت شايفه فرحتها لما عرفت إنك جاي تطلب إيد حد فينا لما قلت حنين وشوفت كسرتها مجتليش الجرأة أني أرفض وأجبرت أمي إنها تسكت

أنا آه ما حبيتكش نص حبها بس صدقيني حاولت أحبك وأعوضك ويمكن كان اختبار لينا علشان أسيب حاجة من ريحتي ليك وليها اتجوزها يا آدم وعوضها عن كل حاجة حصلت قبل كده أنا لما قبلت بيك خسرتها ويمكن ده كان عقاب ربنا لي لما مرضت خليها تسامحني يا آدم وسامحني أنت كمان علشان خاطري وخد بالك من البنات

نزلت دموع آدم مع كل كلمة في الجواب يعني ايه أزي أنا كنت مغفل أزي حبيبة كانت بتحبني كدة

وافتكر أمه وهي تجبره على الزواج من حبيبة يعني ممكن تكون كانت عارفة من حنين ولا كانت عارفة من قبل كده يعني أنا الوحيد اللي كنت غبي ومش شايف

خرج من الغرفة وقابل حبيبة في وجهه

وقفت حبيبة وقالت بصوت هادئ فين هدومك يا آدم علشان أرصهاليك

وقف آدم يطيل النظر إليها ثوان معدودة وهو غير مستوعب أن التي تقف أمامه الآن هي نفسها التي كانت ترسل له تلك الجوابات التي كان يهيم حبا مع كل حرف فيها نزلت دمعة حارقة من عينه دون أن يشعر

حبيبة بقلب مقبوض آدم مالك فيك إيه حاجة حصلت

حاول آدم أن يتماسك وقال برجاء وهو ينظر إليها بقلب مفطور حقك علي يا حبيبة

حبيبة باستغراب ليه هو في حاجة ومالك بتتكلم كده

آدم محاولا تغيير الموضوع لا بس أنا طلعت الهدوم ممكن تدخلي تظبطيهم معلش أصلي عايز أمي في موضوع ولو مش عايزة تدخلي الأوضة خليهم لما أطلع أنا أجهزم

صعب آدم على حبيبة فنسيت كرامتها وقالت بطيبة طيب تمام أنا هجهز الشنط ولا يهمك بس خد معاك شنطتي أنا والبنات وأنا هظبط الشنطة وأجي وراك

آدم بصوت خافت تمام

نزل آدم ودخل على أمه ووجهه لا ينبئ بخير أبدا

آدم عايزك يا أمي في كلمتين

سعاد بقلق خير يا آدم في حاجة حصلت ولا إيه وفين حبيبة

آدم تعالي معايا بس وانت يا لين العبي مع أختك

دخلت أمه وراءه فأخرج آدم الرسالة من جيبه وأعطاها لها وهو يقول أنت كنت عارفة

نظرت سعاد للرسالة التي رأت مثلها من قبل وقالت بثبات آه كنت عارفة يا آدم وشوفتها قبل كده وكنت عارفة من زمان يوم ما روحنا نتقدم كنت فاكراك رايح تطلب حبيبة واتصدمت أنا كمان لما لقيتك بتطلب حنين والأمر إن خالتك وحنين وافقوا ومفكروش في حبيبة علشان كده أنا صممت إن الحق يرجع لصحابه وأجبرت خالتك على أنها توافق على جوازكم

آدم بصدمة وخالتي كانت عارفة بحب حبيبة ومع ذلك قبلت إني أتجوز اختها

سعاد آه كانت عارفة وهنا كانت قايلة للكل إن آدم هيجي علشان يخطب حبيبة اللي بتحبه بس أنت فاجئتنا واللي فاجأنا أكتر إن حنين قبلت بالجواز تعرف إن هنا سافرت علشان مش قادرة تعيش وتبص في عيون حبيبة اللي كانت مكسورة لا وانتوا كنتوا عايشين حياتكم وحتي مفكرتوش فيها أو الأصح إن حنين مفكرتوش فيها خالص

آدم بغصة طيب ومعتز هي ما كانتش بتحبه

سعاد حبيبة ما حبّتش حد قدك واتخطبت لمعتز علشان تقدر تكمل حياتها وهي بتفاوت تحاول تنساك بس خلاص انتوا الاتنين بقيت فرصة لبعض عوضها يا آدم على كل اللي شافته يا ابني هي تستاهل

وهو غير قادر على تصديق أن حنين كذبت عليه طوال وقتهما معا افتكر كيف كان يسأل دائما لماذا لا تاتي حبيبة عندهم وكان يستغرب طريقة حنين في إيهامه بأن معتز يأخذ كل وقتها في الخروجات والفسح وأنها تحبه موتا

تمتم آدم في سره كل اللي أقدر أقوله الله يسامحك ويسامحني يا حنين

وسمع صوت حبيبة وهي في الخارج مع البنات فقال متسرعا أمي ياريت بلاش حبيبة تعرف حاجة عن الرسالة دي أرجوك

سعاد أكيد يا حبيبي أنا ما قلتلهاش أي حاجة

آدم يلا علشان نلحق نمشي

طلع آدم فوجد حبيبة جالس على الكنبة والبنات بجانبها

حبيبة ازيك يا خالتو

سعاد بخير يا قلب خالتو يلا بقى أنا الصعيد وحشتني قوي

آدم يلا انزلوا انتوا وأنا هنزل الشنط

حبيبة طيب أنا أنزلهم معاك

آدم وهو يرى حنانها الطاغي لا روحي أنت يا حبيبة مع البنات وأمي وأنا هنزلهم دلوقتي

بعد دقائق كان الجميع في السيارة متوجهين إلى الصعيد

كان آدم ينظر في المرآة بين الحين والآخر على حبيبة وهي تحمل البنات في حضنها بعد أن ناموا بعد انطلاق السيارة بعشر دقائق فقط

كانت عيونه تقابل عيون حبيبة في عتاب صامت منهما هما الاثنتين أمه هي الأخرى مثلت النوم لتتركهما

آدم كان يقول لها في صمت لماذا سكتي

وهي تقول بنظراتها أنا لا أفهم عن ماذا تشير فأشاحت بوجهها بعيد عني وظلت تنظر إلى الطريق وهي تفكر في نظرات آدم الغريبة والمتحيرة

بعد ساعات طويلة من السفر والصمت المطبق في السيارة إلا من صوت خافت للبنات مع حبيبة التي أيقظتهم حتى يأكلوا

دخلت سيارة آدم البلد والجميع يرحب به بحفاوة

وصل أمام دوار عمه الحج مهدي السوهاجي

نزل آدم وقال يلا انزلوا

نزلت لين والحاجة سعاد وحملت حبيبة الطفلة حنين ونزلت هي الأخرى

أخبر الغفير الحج مهدي بوصول آدم وعائلته فخرج الحج بنفسه حتى يستقبله وأمر الجميع بانتظاره في الداخل حتى لا يزعجوه بالسفر

مهدي وهو يحضن آدم بحرارة نورت البلد يا دكتور آدم

آدم وهو يحتضن عمه البلد منورة بناسها يا عمي

مهدي نورت البلد يا أم آدم

سعاد تسلم وتعيش يا حج أومال الحاجة سامية والبنات فين

مهدي جو بيستنوكي على نار بس أنا قلت

                 الفصل العاشر من هنا