بنت كانت بتغني... تليفوني رن آه آه ترن ترن آه آه كانت بتندن وهي بتقطع البصل
وكانت كل شوية تعمل السكينة كأنها مايك وبتغني فيه
لحد ما لقت فردة الشبشب في وشها
غرام... بوجع... وهي بتفرك في مكان ما جاها الشبشب... ليه كدا بس
الأم... وهي في إيدها الفردة التانية وكانت بتعملها وضع استعداد للهجوم... دي عشان بتتميعي ومش بتخلصي وأخوكي وأبوكي زمانهم جايين وإنتي واقفة تتميصي
وبعدين مين اللي هيرن عليكي دا دا اللي هياخدك أمه داعية عليه وهي بتولده
غرام باستفزاز وهي حاطة إيدها في وسطها... دا أمه دعياله عشان أنا هكون مراته
الأم بضيق... غرام انجزي أنا مش فاضية لدلعك دا وإلا وبصت على الشبشب تاني
غرام بخوف... حاضر.. هو أنا اتكلمت
الأم بفقدان الأمل منها... يا رب الصبر من عندك
غرام رجعت تدندن تاني بس بصوت هادي وهي بتطبخ
♥
.. نفسي أعرف عجبك فيها إيه دي بيئة مش شبهك خالص شوف إنت مين وهي مين
الشاب بضيق... خلصت أولاً.. أنا بحبها
ثانياً.. أنا عارف كويس أوي هي مين وأنا أبقى مين
... بضيق.. دي حتة بنت لا راحت ولا جات فكر تاني يا صاحبي أكيد أهلك مش هيوافقوا بالكلام دا أبداً
مشي وسابه في حيرة بين قلبه وعقله
♥
كان الكل منتظرينه بفارغ الصبر
أول ما ظهر على المسرح الكل كان بيهتف باسمه من شدة حبهم ليه
بدأ يغني بصوته الجميل... بهمس.. حبي وبدأ صوته يعلى تدريجياً... الجمهور بتاعه بدأ يصفر ليه ويغني معاه...
هو... حبي اللي مسهرني ليالي عملت لقلبي إيه... إنت لوحدك حبيبي اللي خطفت قلبي برضاه ليه إنت القلبي سلم ليك... عيونك حبيبي بحر أنا غرقت فيه... لما بسمع صوتك قلبي بيسلم ليك... حبيبي اللي مسهرني ليالي عملت لقلبي إيه
... أنا والليالي عشاق يا غالي عملت فيا إيه
... وكان بيغني بصوت كله إحساس
الكل كانوا مندمجين وبيغنوا معاه لأنه هو سوبر ستار بتاعهم
♥
عند غرام كانت خلصت الأكل وقاعدة مع أمها لحد ما أبوها وأخوها ييجوا من الشغل
كانت بتقلب بملل لحد لقت حفلة لنجمها المفضل
الأم... اقلبي الواد ده أنا ما بحبوش
غرام بحب... بس أنا بحبه أوي كمان
الأم... بغيظ... هاتي الزفت اللي في إيدك دا وأخدت الريموت منها وقلبت
غرام بضيق... أوف أهو خدي ودتها الريموت ودخلت أوضتها وجابت اللاب وشغلت الحفلة وقعدت تغني معاه بإحساس عالي هي بتحبه أوي
♥
أبوه بغضب... إزاي يتجرأ يعمل كدا إزاي يحب بنت مش من مستواه هو ما يعرفش هو مين أو ابن مين
الشاب اللي كان معاه... أنا نصحته كتير يا أونكل بس هو دماغه ناشفة
أبوه بغضب... وأنا هخلص من البنت دي قريب أوي
الشاب باستغراب... قصدك إيه
أبوه بشر.... هقولك
♥
خلصت الحفلة والكل كان فرحان بيه
شكر جمهوره ودخل يغير هدومه
لف لما لقاها واقفة بتبصله بعشق راحت لعنده واتكلمت بدلعل.. زينو حبيبي كلمات الأغنية دي كانت ليا صح
زين.. دخل أوضته اللي بيغير فيها... من غير ما يرد عليها دخل غير وخرج لقاها دخلت وراه
زين بضيق... أنا عاوز أرتاح ممكن يا شيري نتكلم بكرة
شيري... بتوجس... زين إنت متغير عليا ليه إنت مش زينو حبيبي
زين بضيق... لأنه زعلها.. أنا آسف بس عاوز أرتاح ينفع
شيري... ينفع بس وكملت بحب... نتعشى النهاردة مع بعض
زين بحب... أوكي
شيري باسته من خده وخرجت
زين خلص ونام على السرير بتاعه
♥
بليل
الفون بتاعها رن برقم مجهول
غرام.. بضيق.. أوف وردت
المجهول... عندكم بيض للبيع
غرام بضيق... أه عندنا إنت
المجهول بضحك... أنا بيض
غرام بضيق وغيظ... إنت مين يا لا وعاوز مني إيه
المجهول... أنا العاشق المجهول ليكي
غرام بسخرية... عاشق لمين ليا أنا امشي يا ض أنا مخطوبة أصلاً
المجهول... كدابة منكيش مخطوبة
غرام بصدمة... عرفت منين
المجهول.. بضحك.. أنا عارف كل حاجة عنك حتى عارف إنتي لابسة إيه دلوقتي
غرام بصدمة... وبصت حواليها إنت مراقبني يا ض
المجهول... هه لا مش مراقبك بس أنا بحس بيكي
غرام قفلت في وشه وعملت بلوك ليه... وأدي بلوك ابقى خلي إحساسك ينفعك
ونامت تاني
الصبح كانت غرام رايحة الجامعة وفجأة اشتغل ضرب النار
سارة زميلة غرام بصريخ... غراممم
يتبع