سلمى ويوسف
البيت كان باين زي خلية نحل كبيرة… بس مش نحل بيطلع عسل… نحل بيطلع هرج ومرج وأصوات عالية في كل حتة. الحاجة وداد واقفة في نص الصالة بتوجه العمال بصوت جهوري:
ـ يا ابني حاسب على النيش ده… فيه طقم شاي من ريحة المرحوم… شيله في نني عينك.
في اللحظة دي دخلت سلمى وهي شايلة صندوق كبير بيخفي وشها… ماشية بتلهث من التعب. تنهدت:
ـ يا خالتي قولي لي إننا خلاص وصلنا لآخر كرتونة… أنا ضهري استوى.
من خلف الصندوق طلع صوت هادي وبارد جدًا:
ـ لو سمحتي… إنتي كده سادة الطريق… وأنا ورايا شغل.
سلمى نزلت الصندوق بسرعة وبحدة… ظهر وشها الأحمر من التعب… وشعرها اللي خرجت منه خصلات مبعثرة. بصت لصاحب الصوت.
كان شاب واقف مستند على الحيطة… لابس قميص مكوي بعناية… وهادئ المظهر بشكل مستفز لشخص لسه شايل كراتين.
قالت بضيق:
ـ طريق إيه؟ هو إنتَ واقف في شارع جامعة الدول؟ ما البيت واسع أهو… عدي من أي حتة.
يوسف رفع حاجبه وبص للصندوق:
ـ أعدي منين؟ إنتي حاطة مفاعل نووي في نص الصالة. وبعدين… إنتي مين أصلًا عشان تزعقي في بيتي؟
ضحكت ضحكة ساخرة:
ـ بيتك؟! لأ يا شاطر… ده بيت الحاجة وداد… وأنا بنتها… أقصد بنت أختها. المهم إني هسكن هنا… فوسع بقى… عشان الكرتونة دي فيها صيني… وممكن ألبسهولك في وشك عادي جدًا.
يوسف بص ليها من فوق لتحت بنظرة باردة… بعدين طلع موبايله من جيبه وقال وهو بيبتعد:
ـ يا أهلًا بالصداع… البيت كان ناقص فعلًا.
صرخت وراه:
ـ خد يا كابتن إنتَ… يا باشمهندس إنتَ… بتكلمني وإنتَ عطيني ضهرك؟
رد من غير ما يلتفت:
ـ لما تتعلمي ترصي كراتينك بعيد عن طريقي… هبقى أعطيكي وشي. نورتي البيت يا فصيحة.
كادت تنفجر من الغضب… لولا إن الحاجة وداد دخلت في اللحظة دي واحتضنتها:
ـ نورتي يا سلمى يا بنتي… شفتي يوسف بقى؟ مهندس أد الدنيا… بس طبعه حامي شوية.
همست غاضبة:
ـ ده حامي؟ ده محتاج إعادة ضبط مصنع يا خالتو وداد. بس وحياة المحشي اللي ريحته قلبة البيت… لأربيه.
***
بعد ساعتين من التعب… البيت اتحول لسفرة كبيرة مليانة أكل. صواني المحشي… والملوخية اللي فاحت ريحتها في المكان لحد ما وصلت الشارع… وأصوات الملاعق وهي بتضرب الأطباق كأنها موسيقى صاخبة.
سلمى قعدت مرهقة وجعانة قدامهم. على الجهة التانية قعد يوسف بيتناول الأكل بهدوء وبرود واضح… كأنه مش بيشارك حد.
الحاجة وداد قالت:
ـ كلي يا سلمى يا بنتي… إنتي النهارده شيلتي كراتين تهد حيل جمل.
يوسف رد وهو بيمضغ بهدوء:
ـ جمل؟ قولي لودر يا أمي. أنا شوفتها وهي شايلة كرتونة الصيني… كنت خايف على السيراميك يتكسر من تقلها.
شرقت بالماية… وبصت له بحدة:
ـ والله يا باشمهندس… اللي إيده في المية الباردة مش زي اللي إيده في الكراتين. بس معلش… أصل الرقة الزيادة اللي عندك دي خلتني أشيل عنك وعني.
الخالة سوسو – خالة سلمى ويوسف – كانت بتراقبهم بنظرة فاحصة. غمزت للحاجة وداد:
ـ يا حلاوة… شايفة المناقرة دي يا وداد يا أختي؟ بيقولوا ما محبة إلا بعد عداوة. والعيال شكلهم كده بينهم كيميا… ولا إيه يا سلمى؟
سلمى ويوسف قالوا في نفس اللحظة:
ـ كيميا إيه؟!
يوسف:
ـ يا خالة سوسو… دي بيني وبينها فيزياء نووية… ممكن تنفجر في أي لحظة. كيميا إيه بس… الله يهديكي.
سلمى:
ـ وبعدين يا خالتي… أنا مدرسة لغة عربية… يعني بحب البلاغة والذوق. والباشمهندس أسلوبه محتاج نحو وصرف من أول وجديد.
يوسف ابتسم بسخرية واستند لتحت:
ـ طب يا سيبويه عصرك… ممكن تناوليني طبق المخلل اللي جنبك ده… من غير ما تكسري السفرة؟
ما اهتمتش لطلبه. الهدوء حل على أوضة الأكل من بعدها.
***
دخول نوجا بدد هدوء الغرفة. هي بنت عم يوسف المدللة… اللي طالما حطت يوسف نصب عينيها. دخلت بتعالي:
ـ يويو حبيبي… معقولة تاكلوا من غيري؟ وبعدين… مين دي اللي قاعدة مكاني؟
سلمى رمقتها بنظرة ثاقبة… قبل ما تنقل بصرها ليوسف. ارتسمت على وشه ابتسامة تحمل مزيج من التحدي والسخرية:
ـ أنا يا حبيبتي… النزيلة الجديدة. واسمي سلمى. أما مكانك ده فمحجوز للمحشي. تحبي أعطيكي صباع يهديكي؟
يوسف جاهد وهو بيكتم ضحكته قدام الرد المفاجئ ده. حس في اللحظة دي إن الأيام الجاية في البيت ده مش هتمر بسلام أبدًا. الغيرة بدأت تشتعل في قلب نوجا… والخالة سوسو بتنسج في خيالها قصص حب ورومانسية… أما يوسف فأدرك إن لسان سلمى أطول مما يتخيل.
***
المشادات كانت بتشتعل حوالين سفرة الأكل… فجأة دوى صوت أزيز قوي جاي من المطبخ… تبعه صراخ مكتوم من الحاجة وداد:
ـ يا لهوي… حنفية المطبخ انكسرت… والبيت بيغرق!
اندفع الكل ناحية المطبخ. المية كانت بتندفع في كل اتجاه كأنها نافورة في نص مول العرب. يوسف سارع خلع ساعته ورمي قميصه جنب… كاشف عن جسد رياضي متناسق… خلّى سلمى تتسمر مكانها لحظة من الدهشة… قبل ما تستعيد ثباتها. صاح بانفعال:
ـ حد يروح يقفل المحبس العمومي بسرعة!
سلمى انطلقت زي الرصاصة ناحية الباحة الداخلية عشان تقفل المحبس… بس المكان كان غارق في ظلام دامس. وهي بتتحسس طريقها… انزلقت قدميها فوق بركة مية راكدة… فقدت توازنها وكادت تقع… بس ما ارتطمتش بالأرض.
لقت نفسها بين دراعات يوسف اللي كان بيتبعها ومعاه كشاف موبايله. أمسك بيها بقوة يمنع سقوطها… وهو بيتهكم:
ـ مش قلت لك لودر؟ حتى وقعتك تهد البيت.
ردت وهي في غاية القرب منه… ملاحظة تغير نظرة عينيه للحظة خاطفة:
ـ بدل ما تتريق… اقفل المحبس اللي انفجر في وشنا ده.
يوسف قفل المحبس أخيرًا… وعم الهدوء. بس المشكلة المرة دي ما كانتش في تسريب المية. الخالة سوسو كانت واقفة عند باب الباحة الداخلية… بتراقب المشهد بخبث شديد… وبتلتقط ليهم صورة بموبايلها.
قالت بمكر:
ـ الله الله… واقفين في الضلمة بتعملوا إيه؟ ده أنا يا دوب كنت جاية أقولكم إن أوضة سلمى سقفها نشع مية ومحتاجة تتصلح. يعني يا سلمى يا بنتي… إنتي تنامي في أوضة يوسف النهارده… وهو ينام في الصالة.
هنا… صوت يوسف وسلمى انطلقوا في آن واحد يرجوا أرجاء البيت:
ـ نعم يا أختي؟!!!
***
سلمى دخلت الأوضة وهي شايلة وسادتها كأنها شايلة سلاح. بصت ليوسف اللي كان واقف بيجمع هدومه بضيق:
ـ بقولك إيه… إنتَ تنام على الكنبة اللي هناك في الصالة… وممنوع تتخطى عتبة الأوضة دي. باب الأوضة دي خط بارليف بتاعنا… فاهم؟
يوسف بص ليها ببرود وهو بيرمي الوسادة على الأريكة:
ـ خط بارليف؟ لا يا شاطرة… دي أوضتي أنا… يعني أنا اللي أحط القوانين. وبعدين… إنتي خايفة من إيه؟ ده أنا لو فكرت أخطفك… أحتاج ونش يشيل سيادتك من هنا للباب.
بغيظ مكتوم:
ـ إنتَ مش هتبطل تلميحات عن وزني؟ ده أنا وزني مثالي… بس إنتَ اللي نظرك محتاج كشف نظر عند الدكتور سيف بتاع الأسنان.
يوسف ضحك لأول مرة… وضحكته خطفت قلب سلمى للحظة… بس دارت وشه بسرعة. قال:
ـ ماشي يا ست المثالية. نامي وإنتي ساكتة… عشان ورايا شغل الصبح.
نام يوسف برة أوضته… ونامت سلمى في أوضته وهي حاسة بانتصار وهمي. فجأة سمعت صوت خربشة خفيفة عند الباب.
صرخت مرعوبة:
ـ يوسف… يوسف… إنتي برة؟
نهض وهو بيعدل من جلسته:
ـ أيوه برة… عايزة مني إيه؟ أدخل أرقص لك؟
ـ لا… تعالى.
قام بزهق… ودخل… وقعد على طرف الفراش. بيسألها إيه اللي حصل… بس في اللحظة دي الباب انفتح فجأة… ودخلت الحاجة وداد ومعاها صينية حلويات:
ـ يا سلمى… قولت أجيب لك بسبوسة تحلي بـ…
سكتت فجأة… وبصت ليهم. يوسف قاعد جنب سلمى… وسلمى ماسكة بدراعته بخوف… وملامح يوسف متجمدة. صاحت بزغروطة مكتومة:
ـ الله أكبر… ده إحنا كده نمشي في إجراءات الفرح الأسبوع الجاي يا سوسو… تعالي شوفي!
سلمى ويوسف لقوا نفسهم محاصرين في موقف باين كأنه بيؤدي لجواز رسمي بسبب دخول وداد المفاجئ.
لما سمعت سلمى كلمة «زفاف» و«الأسبوع الجاي»… كادت عينيها تخرج من مكانها. بصت ليوسف… مستنيياه ينفجر أو يعلي صوته أو يقول «مستحيل»… أي حاجة تنقذها.
وشوشت مرعوبة:
ـ يوسف… انطق. قول أي حاجة. قول إنك مش بتطيقني.
يوسف بص ليها… وشاف في عينيها نظرة التحدي الممزوجة بالخوف. قرر في لحظة يعيد تربيتها على طول لسانها.
ابتسم ابتسامة عريضة ومستفزة:
ـ والله يا أمي… أنا كنت لسه هقول لسلمى نفس الكلام. السكن في بيت واحد بيقرب القلوب فعلًا. وأنا موافق. شوفي الوقت اللي يناسبك… وناخد الخطوة.
صرخت بصوت طلع كأنه صرير باب:
ـ نعم يا عمر؟! خطوة إيه اللي تاخدها؟ ده إنتَ لو خدت خطوة ناحيتي هعمل منك شاورما!
الحاجة وداد فرحت فرحة كبيرة… وبتنادي على شقيقتها سوسو تاني:
ـ شايفة يا سوسو؟ البنت مكسوفة إزاي… ووشها قلب طماطم؟ ربنا يكملكم على خير يا ولاد.
خرجت وداد وسوسو وهما بيخططوا للزينة والمعازيم. سلمى قفلت الباب وراهم… بعدين هجمت على يوسف:
ـ إنتَ اتجننت؟ إنتَ واعي للي قلته؟ إحنا لبسنا في كوشة!
يوسف ببرود وهو بيفرد ضهره على الفراش:
ـ والله يا لولا… أنا فكرت ولقيت إن الجواز منك فيه ميزات كتير. أولًا هبقى ضامن حد يغسل لي شراباتي بلسانك الطويل ده. ثانيًا أضحك كتير على منظرك وإنتي بتحاولي تعملي فيها ست بيت… وإنتي آخرك تسلقي بيض.
بدهشة:
ـ بقى كده؟ ماشي يا باشمهندس يوسف. لو فاكر إنك كسبت الجولة… فإنتَ غلطان. أنا هوافق قدامهم… بس هخليك تندم على اليوم اللي شوفتني فيه وأنا شايلة الكرتونة. ده أنا هخلي عيشتك دراما تركي مدبلجة بصوت ريا وسكينة.
ضحك ضحكة خبيثة:
ـ نشوف يا سيبويه. بس جهزي نفسك… لأن بكرة أول خروجة لينا رسمي عشان نشتري الشبكة. وأنا من دلوقتي بقولك… ذوقي صعب جدًا.
***
في واحد من محلات الصاغة الراقية… يوسف كان واقف مستند بإيده على واجهة العرض في حالة ملل ظاهر. سلمى واقفة جنبه… لابسة أجمل حاجة عندها… بس عينيها كانت بتلمع بشر واضح بيعكس اللي جواها.
قرب منها شوية وهمس بصوت واطي:
ـ بقولك إيه… اختاري حاجة رقيقة. مش عايزين نشتري نجفة وتعلقيها في رقبتك. أنا مهندس… وبحب البساطة.
ابتسمت ابتسامة خفيفة تحمل شوية تحدي:
ـ بسيطة دي في بيتك يا باشمهندس. أنا مدرسة لغة عربية… يعني بحب المعلقات… وعايزة شبكة تتدرس في كتب التاريخ.
التفتت لصاحب المحل بصوت مسموع:
ـ لو سمحت يا عمو… عايزة أتقل وأعرض غوايش عندك… وعايزة كوليه يكون وزنه يخلي اللي يشوفني يجيله غضروف في عينيه.
يوسف بص ليها بصدمة واضحة. صاحب المحل أسرع جاب صينية مليانة مشغولات ذهبية لامعة. سلمى بدأت تقيس القطع واحدة ورا التانية… وكل شوية تلتفت ليوسف وتبتسم بثقة:
ـ إيه رأيك في دي يا جو؟ مش دي لايقة على طبعي الحامي؟
رد بابتسامة باردة:
ـ جدًا… شبه جنزير الموتوسيكل بتاعي بالظبط. ذوقك رائع يا سلمى.
في اللحظة دي دخلت نوجا المحل فجأة وهي بتلهث:
ـ يويو… معقولة تنقي الشبكة من غير ما تاخد رأيي؟ ده أنا ذوقي فرنش… وإنتَ عارف.
لما شافت سلمى نوجا… اشتعل جواها شعور بالتحدي. قربت من يوسف ولفت دراعها حول دراعته لأول مرة بإرادتها… وقالت بنبرة ناعمة تحمل استفزاز واضح:
ـ معلش يا نوجا يا حبيبتي… أصل يوسف قالي إنه مش عايز حد يشاركه في خصوصياتنا. مش كده يا حبيبي؟
يوسف اتفاجأ من كلمة «حبيبي»… وحس بتيار غريب يسري جواه. بس استغل الموقف… وضمها ليه أكتر:
ـ طبعًا يا روحي. وبعدين نوجا ذوقها فرنش… وإحنا عيلتنا بتحب البلدي الأصيل. والشبكة دي هديتي لكي… اختاري اللي يعجبك… حتى لو ناخد المحل كله.
سلمى توقفت مكانها لوهلة. كانت ناوية تثقل عليه وتحرجه… بس بكلامه ده أربكها… وخلّاها تحس بخجل حقيقي ما توقعتهوش.
قرب منها وهمس في ودنها:
ـ قفلتي بوقك ليه؟ ده لسانك طويل. اختاري يلا… بس اعملي حسابك… الخروج من المحل ده ليه ضريبة… وهتدفعيها في البيت.
وهما خارجين من المحل… وملامح الرضا والفرح باينة عليهم… رن موبايل سلمى فجأة. بصت للشاشة… وردت. سمعت صوت والدتها المرتعش:
ـ يا سلمى… الحقي… خالتك سوسو نزلت صوركم في المنور على جروب العيلة الكبيرة… وكتبت إنكم قريتوا الفاتحة. وخطيبك سيف دكتور الأسنان شاف الصور وعمل فضيحة. يا ريتك سافرتي معايا بدل البهدلة دي. يعني لما تعيشي مع جوز إنك… آه… يوم والتاني واتبهدلتي مع خالتك. أنا قلت لك خالتك سوسو فضيحة… ما صدقتيش وهربتي.
تجمدت مكانها:
ـ سيف مين… وفضيحة إيه يا نهار مش فايت؟!
***
يوسف استند بظهره إلى مقعد العربية، والزهو بيملأ صدره بعدما ظن أنه أحكم سيطرته على الموقف مع سلمى في محل الذهب. كان راضيًا عن نفسه، راضيًا عن الطريقة اللي قلب بيها الطاولة عليها، راضيًا عن كلمة «حبيبي» اللي فلتت من لسانها قدام نوجا.
لكن اسم «سيف» ما كملش ينطق في العربية… حتى تبدلت ملامحه تمامًا.
الابتسامة اختفت. البرود رجع. وعيناه اللي كانت بتلمع بسخرية… بقت عينين حديد.
قال بصوت هادي… هادي جدًا… لدرجة إن سلمى حست إن الصوت ده أخطر من أي صراخ:
ـ سيف مين يا سلمى؟
ارتعشت إيدها على الموبايل. حاولت تقفله بسرعة، بس هو كان أسرع. إيده لمست إيدها، ومنعتها من الحركة.
ـ ومين ده اللي يلمح صورتك ويقول فضيحة؟
ـ هو كان شاري القلعة… ولا إيه؟
صوته ما ارتفعش. بس كل كلمة كانت زي سكينة بتتغرز ببطء.
ارتبكت. حاولت تهرب بعينها منه:
ـ ده… ده سيف… دكتور أسنان. مامته صاحبة ماما… وكان فيه كلام من بعيد لبعيد… بس أنا ما كنتش موافقة والله.
يوسف ضحك. ضحكة قصيرة، باردة، ساخرة… ما فيهاش أي حاجة من الضحك اللي سمعته منه قبل كده في البيت.
ـ موافقة أو مش موافقة… دي تخصك.
ـ لكن صورنا في المنور دي… براند مسجل باسمي أنا.
ـ ومسموح لي أنا بس… أحفل عليكي بيها.
سكت شوية. العربية كانت واقفة قدام البيت، بس هو ما فتحش الباب.
بص ليها من الجنب، ونظرته المرة دي ما كانتش مستفزة ولا متحدية… كانت نظرة رجل بدأ يحس إن اللعبة بقت جد.
ـ من دلوقتي… أي راجل يفتح بقه باسمك قدامي… هيلاقيني واقف قدامه.
ـ وانتِ… هتوضحي لي إيه حكاية الدكتور ده… بالتفصيل.
ـ مش النهارده… بكرة.
ـ لأن النهارده… أنا لسه مش قادر أستوعب إن واحدة زيك كانت هتتجوز واحد اسمه «سيف».
سلمى فتحت فمها ترد… بس ما لحقتش.
يوسف فتح باب العربية ونزل… وقف برا، وأسند إيده على السقف، وبص ليها من فوق وهي لسه قاعدة جوا:
ـ انزلي يا سيبويه.
ـ البيت مستنينا… والعيلة الكبيرة لسه هتسمع الحكاية من أولها.
ـ وأنا… هخليهم يسمعوا النسخة اللي أنا عايزها.
ابتسم ابتسامة صغيرة، خبيثة، ومختلفة عن كل ابتساماته اللي فاتت.
ـ مرحبًا بيكي في الجولة التانية يا سلمى.
ـ الجولة دي… مش هتكون سهلة عليكي.
وأقفل الباب في وشها بهدوء… هدوء يخلي أي حد يفضل ساكت.
يتبع