
رواية المطاريد الفصل الثالث عشر13 بقلم رباب حسين
لم تكن عودة الماضي مجرد صدفة بل كانت بداية لمواجهة طال انتظارها، مواجهة ستنكشف فيها أسرار ظلت مدفونة لسنوات، وستُختبر فيها القلوب بين الحب والانتقام، والدم والوفاء.
فحين يصبح الأخ عدوًا ويقف الماضي أمام أبواب الحاضر حاملًا معه أوجاعًا لم تندمل؛ هل يكفي الحب لحماية من نحب؟ أم أن بعض الحروب لا تنتهي إلا حين يخسر الجميع شيئًا لا يمكن تعويضه؟
وفي قلب الجبل، كانت نيران الثأر تزداد اشتعالًا، بينما داخل السرايا كانت رهف على موعد مع ماضي ظنت أنها هربت منه إلى الأبد. ولم تدرك أن ما يحدث في الخفاء كان أشد ظلمًا.
فلاش باك
دخل رماح الكهف القديم ومع حازم الذي قيده عزت وجذبه خلفه، وحين رأه عمار قال : مين ده؟
حازم : يا جدعان أنا حاسس إني مخطوف غلط. إنت متأكد إن رهف هنا بجد ولا ده تشابه اسماء.
رماح : وبعدين مع رطك وحديتك اللي مش عيخلوص ديه، جولت خيتك داكتورة واسمها رهف، تبجى هي. كن عاد واستنى شوي.
عمار : ده حازم! أخيرًا شرفت! كل ده يا رجالة عشان تلاقوه؟
رضوان : ما أحنا مانزلناش إسكندرية جبل إكديه، ولما وصلنا للعوال جيبناه وجينا طوالي.
عمار : عفارم يا رجالة، وبصراحة جاي في وقته.
رماح : مش كنت ترسيني على الحوار يا عمار.
عمار : ما واضح إنك عرفت كل حاجة أهو.
رماح : وعجبتني، بس ديه عيفيدك في إيه؟
عمار : هكسر يحيى قدام البلد، والكبير لما يقع مش هيبقى ليه عين يقف قصدنا، وساعتها البلد كلها هتبقى تحت أمرك، مش ده اللي إنت عايزه؟
رماح : ااااه، يا ما نفسي أشوف يحيى ماشي مطجطج راسه جدام الخلج، وأشوفه مذلول إكديه ومالوش عين يبص في وشي.
عمار : هيحصل، عشان يعرف اللي عمله ده أخرته إيه.
حازم : أنا ماليش دعوى بكل اللي إنتوا بتقولوه ده، أنا عايز رهف.
نظر عمار إليه قليلًا ثم قال : هو مش بكرة أول الشهر؟
رماح : اه.
عمار : ده الوقت المناسب، إنت هتفضل ضيف عندنا النهاردة، وبكرة الصبح هتنزل تاخد بطارك. حتى نجهزلك سلاح معتبر من البضاعة الجديدة.
أومأ إليه حازم وعينيه تلمح بالانتصار، فأخيرًا سوف يحقق ما تمناه لسنوات ويقتل رهف وينهي هذا العار الذي لحق بعائلته بسببها.
عودة من الفلاش باك.
صوتها المرتجف الذي اخترق إذنيه وهي تقف خلفه وترتجف من الخوف قائلة : ده حازم يا يحيى.
جعل يحيى يدرك حجم الموقف الذي وقع به أمام الجميع، مال يحيى برأسه قليلًا عندما شعر بها خلفه و سمع حديثها فأعاد نظره إلى حازم الذي يقول بحدة : إوعى سيب إيدي، لازم أخلص عليها ومش هتفلت مني المرة دي.
هدأ يحيى قليلاََ وحاول أن يبحث عن طريقة لتهدأ الأمر أمام أهل البلدة فقال : أختك ماغلطتش في حاجة. أنا اللي أصريت اتجوزها بسرعة.
نظر عزام وباقي العائلة إليهما بصدمة وقال عزام : أخوها كيف عاد؟!
حازم بغضب : بقولك أوعى سيب إيدي.
قبض يحيى على ملابسه وجذبه إليه بقوة، ثم نظر في عينيه نظرة لم يرى مثلها من قبل ثم قال : بقولك أختك ماغلطتش في حاجة. أفهم بقى.
شعر حازم بالتوتر من حديثه غير المباشر، نظرة التحذير التي ارتسمت داخل عين يحيى جعله يرتبك، فقال بهدوء : إنت تقصد إيه؟!
همس يحيى قائلًا : اللي فهمته. أختك ماغلطتش في حاجة.
ثم ابتعد عنه وهو ينظر داخل عينيه، ثم أردف بصوت مرتفع حتى يسمعه جميع من في البلدة : الغلطة دي عندي أنا، وأنا كنت ناوي أجيلكم لحد عندكم وأقولكم إني اتجوزتها، بس لما تعرف ظروف البلد هنا هتعذرني إني ماقدرتش أسيب الناس دي في خطر وأجيلك. بس بما إنك جيت لحد هنا يبقى أهلًا وسهلًا بيك. اتفضل جوا البيت يا أبو نسب.
التفت يحيى وأمسك بيد رهف ولاحظ جسدها الذي ينتفض من شدة الخوف، فجذبها خلفه وتبعهما حازم بصمت، كان ينظر نحو الشرطة من حوله بترقب، عدا أهالي البلدة الذين وقفوا شاهرين أسلحتهم، ففضل أن يصمت الآن وينتظر الوقت المناسب حتى يقتلها دون أن يتعرض للأذى.
دخلوا إلى المنزل ولحق بهم عزام وباقي العائلة، وعلامات التعجب على وجههم. دخل حازم وجذب رهف بقوة من يد يحيى فأعادها يحيى خلفه وقال بحدة : مالكش دعوى بيها. أنا خدتك براحة قدام الناس عشان مش عايز كلام مالوش لازمة يتقال عليها، لكن أوعى تفتكر إنك هتلمس مراتي وأنا أقف اتفرج عليك.
شعر حازم برهبة من غضبه ونظراته الثاقبة فقال : بس أنا لازم أقتلها بإيديـ ومش هيهدالي بال غير لما أشوفها ميتة قدامي.
يحيى : إنت غبي! بقولك أختك ماعملتش حاجة غلط.
حازم : واضح إنك مش عارف حاجة وهي ضحكت عليك.
ترك يحيى يد رهف وأمسك حازم من ثيابه بعنف وقال : كلمة زيادة وهخليك تندم إنك دخلت البلد دي، ده لو خرجت منها عايش أصلًا.
أمسكت رهف يد يحيى لتوقف غضبه، وتدخل عزام بينهما وأبعدهما عن بعض، ثم قال : ماتفهموني عاد، مين ديه وجاي يجتل مرتك ليه يا يحيى؟!
ابتعد يحيى عنه وهو ينظر إليه بضيق، ثم نظر إلى رهف التي تضع يدها على فمها ودموعها تنساب على وجهها بخوف فقال يحيى : رهف إطلعي فوق.
حازم بحدة : لا مش هتطلع ومش هتهرب مني تانى.
يحيى : هي دلوقتي مكتوبة على اسمي أنا، وإنت مالكش حكم عليها. وبعدين ما تفهم يا بني آدم إنت. بقولك أختك ماعملتش حاجة.
حازم : عملت زمان ولازم تتحاسب.
كانت رهف ترتجف وهي ترى الحديث يشتد بينهما تحت نظرات العائلة التي تقف وتستمع إلى ما يقال، وعلمت أن كل شيء سينتهي الآن ويفضح السر أمامهم، وهذه حتمًا نهاية زواجها من يحيى، فنظر له يحيى وقال : طيب بما إنك غبي كده فا أنا هجيبهالك على بلاطة بقى؛ محدش لمس رهف غيري، أختك شريفة وكل اللي اتقال عليها زمان كدب. أظن كده الصورة وضحت، وياريت تتفضل ترجع مطرح ما جيب.
عقد حازم حاجبيه بتعجب ونظر إلى رهف التي ترغب بأن تختفي الآن من أمام الجميع وقال : يعني إيه؟! إنتي ماعملتيش حاجة؟! طيب إيه اللي أنا شفته ده؟
يحيى : محاولة بني آدم قذر عشان يسوء سمعتها. وفي يوم من الأيام هعرف مين هو وساعتها هجيب حقها بنفسي. المهم تعرف دلوقتي إن أختك شريفة وكلنا ظلمناها وأنا أولكم.
نظر حازم إلى رهف التي تبكي أمامه والصدمة جالية على وجهه وعلى وجه العائلة جميعًا.
أما هي فكانت تنظر إلى يحيى وكأنه طوق النجاة، كان يرمقها بخوف عليها من هذا الموقف التي وضعت به فجأة.
هل تظن إنني لم أسامحك؟! فقد سامحتك منذ زمن، بل لم أغضب منك قط، فإذا كانت عائلتي وسندي الوحيد صدقت ما يقال عني فكيف ألوم عليك! أبي الذي حاول أن يقتلني بيديه دون حتى أن يتكبد العناء ويتأكد من صحة ما يقال عني، وأخي الذي ظل سنوات يبحث عني دون توقف، وأنا اتنقل من مكان إلى مكان كي أهرب منه لا خوفًا على نفسي بل خوفًا على مستقبله الذي سينتهي بمجرد أن يضغط على سلاحه أمامي، فبالرغم ما فعلوه بي فأنا أفضل أن أعيش في الظلام وحيدة على أن أكون سببًا في أذية أحدًا منكم.
والآن أقف وأشاهد ما يحدث أمامي وأشعر بالعجز، فلا أستطيع أن أفعل شيء سوى الهروب، فنظرات عزام والعائلة تقتلني بهدوء، وحديث حازم ويحيى يكشف ستر الغطاء الذي علمت أنه سيكشف في يومٍ ما، ويعلم كل من بالبلدة حقيقة ما حدث لي، وذلك لأنني أصبحت مصدر للخزي لمن يقترب مني، وبالرغم من محاولات يحيى لإحتواء الموقف الذي حدث؛ إلا أنني أعلم جيدًا بأن عائلته ستطرح الكثير من التساؤلات، وسيُكشف كل شيء الآن. فهل سيقبلوا بي زوجةً لابنهم الكبير أم سيقفوا أمام هذا الزواج وينتهي هذا الحلم بكابوس كالعادة؟!
نظرت رهف إلى حازم الذي استمع إلى حديث يحيى وتملكت الصدمة منه، ثم نظر إليها وقال : فهميني يا رهف. الكلام ده حقيقي؟!
أومأت له رهف بنعم وهي تبكي.
فنظر حازم بغضب إلى يحيى وقال : مين اللي عمل كده؟! مين اللي سوء سمعة أختي وخلاني أدور عليها خمستاشر سنة بس عشان أقتلها؟
يحيى : مش عارف، بس هعرف صدقني وهدور على كل حد كان قريب منها زمان وليه مصلحة إن ده يحصل فيها وهجيبه.
نظر حازم إلى رهف بحزن واقترب منها، ولكن ركضت رهف واختبأت خلف يحيى وهي تتمسك بثيابه بخوف، فنظر حازم إلى يحيى الذي شعر بالحزن على الحالة التي وصلت إليها رهف، ثم التفت إليها وضمها بذراعه وقال : ماتخافيش، أنا معاكي.
اقترب حازم منها بحذر وقال : ماتخافيش يا رهف. خلاص مش هعملك حاجة.
انسابت الدموع على وجهه وقال : أنا أسف يا حبيبتي... حقك عليا. كان لازم اسمعك وماصدقش اللي اتقال. هبة كان معاها حق.
نظرت له رهف وهي بين ذراعي يحيى وقالت : فين هبة؟!
ابتسم حازم من بين دموعه وقال : اتجوزنا، وجيبنا رهف زي ما وعدناكي. الحقيقة هي اللي اتمسكت بالوعد ده، وهي الوحيدة اللي كانت بتقف قصادي وتدافع عنك، وطلع معاها حق.
ابتعدت رهف عن يحيى ونظرت إلى حازم بتردد وقالت : حلوة رهف؟!
حازم : حلوة زي عمتها.
فتح حازم ذراعيه لها ونظر إليها نظرة اشتياق وقال : وحشتيني.
اقتربت منه رهف بتردد، وكلما اقتربت كلما رأت نظرة الندم داخل عين حازم، فارتمت رهف بين أحضانه وتشبثت بثيابه وكأنها تتعلق بأمل جديد في حياتها، تستمد الأمان الذي حرمت منه لسنوات ثم بكت بين ذراعيه.
عاد السند والحصن المنيع، عادت قوتي وأمني وسلامي... عاد أخي.
كان الجميع ينظرون إليهما بحزن، وبكت أمينة وأمل حزنًا على حالهما. بعد قليل ابتعد حازم عنها وهو يتذكر كم الغضب الذي يترسخ بين رجال المطاريد فقال : إرجعي معايا إسكندرية. هنا مش أمان. رماح وعمار مش هيسكتوا غير لما يخربوا حياتكم.
عقد يحيى حاجبيه وقال : إنت تعرفهم منين؟!
حازم : عمار اللي جابني هنا، وقعدني في الجبل معاه لحد ما قالي أنزل دلوقتي، في الأول ماعرفتش إيه السبب اللي خلاهم يعملوا كده، بس واضح إن عمار عايز يعمل فضيحة قدام الناس عشان يأذيكم ويأذي رهف. أنا هاخدها معايا.
أمسك يحيى رهف من ذراعها وجذبها إليه وقال : مراتي مش هتخرج من هنا.
حازم بقلق : الرجالة اللي فوق ده مش طبيعية، عمار ده مبيعملش حاجة في حياته غير إنه بيفكر يأذيك وبأي طريقة.
يحيى : عارف... ومش هلوم عليك إنك بتفكر كده عشان ماتعرفش أنا مين، ولا تعرف أنا أقدر أعمل إيه. بس عايزك تطمن. أختك في أمان ومحدش يقدر يلمس شعرة منها، ومش هتخرج من هنا أبدًا، عايز إنت تفضل هنا في البيت أهلًا وسهلًا، البيت مفتوح ليك في أي وقت، لكن تاخد مراتي لا.
ضرب عزام عصاه بالأرض وقال : يحيى... عايز أعرف إيه اللي بيحصل إهنيه، ومين ديه؟! مش مرتك جالت إنها مالهاش حد عاد؟! كيف ليها أخ!
يزن : براحة بس يا بوي وكل حاجة في وقتها.
عزام بغضب : لاه... أعرف دلوك. الكلام اللي عيجوله الراجل دي يطير فيه رجاب. فهمني يا يحيى دلوك.
نظر يحيى إليه ولا يعلم ماذا يخبره فقال : طيب هفهمك بيني وبينك يا بوي.
عزام بحزم : جولت دلوك، وإهنيه.
رهف : أنا هقولك يا حاج. في الحقيقة أنا كنت عايزة أقولك كل حاجة قبل الجواز، بس ساعتها ماكنتش هتصدقني لأن يحيى ذات نفسه ماكنش مصدقني. الحكاية بدأت من زمان، لما أنا ويحيى حبينا بعض في ثانوي، وكان يحيى متفق معايا إنه هيجي يطلب إيدي بعد الأمتحانات، بس في آخر يوم اتفاجأت بفيديو ليا وأنا في وضع... مش محترم. وساعتها يحيى افتكر إني مش كويسة، وماشفتوش تاني من وقتها، كان مقتنع إني عملت كده فعلًا وليا علاقات قبل كده، بس اتأكد لما اتجوزنا إني مش كده، وإن الفيديو ده مش حقيقي، ومن ساعة اللي حصل وأنا هربانة من أهلي وحازم بيدور عليا عشان يقتلني.
نظر عزام إلى يحيى وقال بتعجب : إزاي ماتجوليش؟!
قاطعته رهف وقالت : أنا اللي طلبت منه يتجوزني، وهو عمل كده عشان بس يستر عليا. كان مستعد يسامحني لو حتى طلعت زي ما هو كان فاكر، وأنا طلبت منه يتجوزني عشان أثبتله إني ماعملتش حاجة غلط. وكل الجوازة دي مجرد اتفاق بيني وبينه، وخلاص الاتفاق خلص.
أنا عارفة يا حاج إنك مش هتقبلني، وكنت مستنية اللحظة اللي هتعرف فيها واللي كنت متأكدة إنها هتحصل هتحصل، وإنها هتبقى نهاية وجودي هنا في بيتك، ومش هلومك ولا أعتب عليك عشان معاك حق. وعشان كده طلبت من يحيى الطلاق، وكل اللي أنا عايزاه منك إنك تخلي ابنك يطلقني وأنا همشي من هنا، ومش هتشوف وشي تاني، وإعتبر الجوازة دي ماحصلتش أساسًا.
يحيى بحدة : إنتي بتقولي إيه؟! لا يا بوي أنا ماتجوزتهاش عشان أستر عليها، هي بتحاول تحسن صورتي قدامك لكن الحقيقة إني كنت بتعامل معاها زي بنات الليل، وهي رفضت إني أقربلها من غير جواز.
عزام بصدمة : جنيت يا يحيى! تظن في بنات اللي سوء من غير دليل وتعمل عمايلك ديه؟!
يحيى : يا بوي أنا بحبها، ولو كنت فكرت اتجوزها كان عشان ماعرفتش أنساها لحد دلوقتي، وعلى يدك بقالي سنين رافض الجواز، مش كنت بتسألني مش عايز تتجوز ليه، هو ده السبب.
رهف : أيًا كان سببك يا يحيى النتيجة واحدة، وأنا قولتلك وجودي هنا مؤقت وعارفة إن جوزنا مش هيدوم. ريح نفسك وريحني وطلقني.
يحيى : مش هطلقك. لو انطبقت السما على الأرض مش هطلقك. إنتي ماغلطيش في حاجة زمان، حد حقير سوء سمعتك وغلطتي إني صدقت، ودلوقتي بعد ما عرفت الحقيقة هحميكي من أي حد يحاول يتكلم عليكي نص كلمة، ومش بعد السنين دي تبقي مراتي وأسيبك بسهولة.
رهف : وأنا قولتلك إني مش عايزاك يا يحيى وكفاية بقى لحد كده.
يحيى : أنا عارف إنك بتقولي كده من ورا قلبك.
رهف : لا من جوا قلبي. أنا مابقتش بحبك. موضوعك خلص من زمان ومش عايزة أفتكرك ولا أفتكر أي حاجة حصلتلي زمان. شكرًا على إنك وقفت جنبي وحمتني بس لحد كده وكفاية.
نظر يحيى إليها بحزن وقال : حتى لو كرهتيني زي ما قولتي برده مش هطلقك. وبعد اللي أخوكي عمله برا تنسي الموضوع ده خالص.
عزام : إستني يا بتي عاد. ليه عايزة تطلجي وتمشي من إهنيه؟!
أمينة : براحة يا بتي وإهدي. يحيى عيحبك وإنتي خابرة ديه زين.
نظرت لها رهف وقالت : الحب مش كل حاجة وأنا عارفة إنكم مش هتتقبلوني.
أمل : وإنتي عملتي إيه يا رهف عشان مانتقبلكيش! إنتي اتظلمتي ودفعتي التمن غالي.
عزام : يحيى اللي غلط في حجك، كان لازم يتحجج من الموضوع لول، وإذا كان عليا أنا فيشرفني إنك مرت ابني. كفاية إنك حافظتي على حالك وبجيتي داكتورة وإنتي شايلة كل الزعل دي جواكي. عتهروبي من عيلتك وصرفتي على حالك وإنتي شريفة وعفيفة. وبعدين أنا جولتلك جبل إكديه؛ إنتي بتي وبجيتي واحدة منينا، ومش عتخرجي من البيت ديه واصل.
نظرت رهف إلى يحيى الذي يشعر بالغضب منها ومما قالته له، فقد رفضته أمام الجميع فشعر بالخجل وقال : أنا خارج للناس اللي برا. أكرم الضيف يا يزن.
خرج يحيى وهو يشعر بالضيق تحت نظرات رضوان الذي يراقب ما يحدث من بعيد، ووجد يحيى يخرج وحده وحازم بالداخل، والأمور تسير على ما يرام.
عاد إلى الجبل وأخبر عمار ورماح بأن حازم لم يفعل شيء، وأن يحيى إستطاع أن يحتوي الموقف ولم يعلم أحد من أهل البلدة بسر رهف، مما جعل رماح يستشيط غضبًا. أما عمار فشرد ينظر إلى الفراغ وهو يقبض على يده بقوة، والآن علم أن عليه أن يستخدم آخر خطة قد وضعها أمامه.
انقضى اليوم، وغادر أهالى البلدة منزل التهامية. أما رهف فظلت تتحدث مع حازم، تطمئن على حاله وحال والدها، وأخبرته أنها تريد رؤيته، ووعدها حازم بأن يأتي بهم جميعًا إلى هنا قريبًا.
أما يحيى فظل بالخارج حتى رحل أهل البلدة، وكان معه يزن الذي لاحظ حزن يحيى، وبعد أن ذهب أهل البلدة، طلب منه أن يذهبا معًا ليتحدث معه قليلًا. وافق يحيى ودخل المنزل. لم يتحدث مع أحد وصعد إلى غرفته بدل ثيابه وخرج مرة أخرى. تحت نظرات رهف وحازم الذي أخبرها بأن يحيى حقًا يحبها، وهي جرحته أمام الجميع. أخبرته رهف بحقيقة مشاعرها له وأنها فعلت ذلك فقط لأنها لا ترغب أن تكون سبب في مشكلة بينه وبين عائلته، ولكنها تفاجأت من رد فعلهم، فقد كانت تثق بأنهم لن يقبلوها بينهم، ولكن قد تفهموا الموقف جيدًا وأظهر عزام أنه رجل حق لا يظلم أحد.
أما أمينة فكانت تجلس مع عزام في غرفتهما، فقالت : كنت فاكرة إنك عتزعل من يحيى وتجوله يطلجها.
عزام : وأظلم ولية غلبانة! ده غير إن يحيى عيحبها، وأنا ما صدجت يتجوز، وطالما جوزها جال إنها عفيفة محدش يجدر يتكلم عنيها، مش عنخوض في عرضها ونشيل ذنبها عاد.
أمينة : طول عمرك راجل حجاني يا حاج، بس اللي جاهرني إن البنية شافت كتير وجلبها مليان حزن، وزي ما جلت يحيى غولط في حجها، يا ترى عتسامحه ولا لاه!
عزام : طالما الراجل عيحب مرته هيعرف كيف يضمها تحت جناحه، ويحيى عاجل وذكي، وأنا واثج فيه.
مضى الوقت وحل الليل، ولم يعد يحيى ويزن، ظلت رهف تنتظر يحيى بغرفتهما، فهي تريد أن تعتذر له عما بدر منها، ولكن تأخر الوقت كثيرًا ولم يعد، فكان يحيى يقص ليزن ما حدث بالماضي، وما علم بعد زواجه من رهف، وأخبره يزن أن قصة حبهما حقًا صعبة ومرهقة، ولكن يحيى كان يرى شيئًا واحد قد تأكد منه اليوم؛ رهف أصبحت تكرهه.
عاد يحيى ويزن في وقت متأخر، وذهب يزن إلى غرفته، أما يحيى فذهب إلى الغرفة التي بالأسفل ولم يصعد إلى غرفة رهف التي ظلت في إنتظاره حتى سطعت الشمس، ونامت دون أن تشعر.
وفي الصباح الباكر، دخل يحيى الغرفة بهدوء وفتح الخزانة ليخرج ملابسه، استيقظت رهف على حركته بالغرفة رغم محاولاته بعدم إيقاظها، فجلست على الأريكة وقالت : إنت لسة جاي دلوقتي؟!
يحيى : لا جيت من بدري.
رهف : طيب كنت فين؟ أنا كنت مستنياك.
يحيى : نمت في الأوضة اللي تحت عشان ماضايقكيش.
وقفت رهف وإمسكت ذراعه ليلتفت إليها وقالت : هتضايقني فيه إيه؟!
يحيى : ما هو واضح إن وجودي مضايقك فا قلت أبعد عنك. على العموم أنا فكرت في كلامك ولقيت إن معاكي حق. ماينفعش أخليكي عايشة معايا غصب عنك، بس أنا برده عند وعدي، ومش هسمح لحد يتكلم عليكي وحش بسبب الجوازة دي، فا إعتبري نفسك ضيفة هنا معززة مكرمة، وبعد كام شهر هيتم الطلاق زي ما إنتي عايزة، وماتقلقيش مش هقعد معاكي في الأوضة، هخليهم ينزلوا هدومي تحت زي ما كانت، وهما كده كده عرفوا الحقيقة كلها، وعرفوا إنك مش عايزاني، فا مفيش داعي نمثل عليهم أكتر من كده.
كاد يحيى أن يذهب ولكن أوقفته رهف وقالت : إنت زعلان مني صح؟!
يحيى : هزعل منك ليه؟! حقك تكرهيني وطبيعي يعني. اللي عملته معاكي مش قليل وأي واحدة مكانك هتكرهني فعلًا عشان دمرت حياتها وهي مالهاش ذنب. روحي عيشي حياتك زي ما إنتي عايزة، وربنا يعوضك بواحد تحبيه ويحبك، ويقدر يعملك اللى أنا ماقدرتش أعمله، على الأقل يرجع ضحكتك لوشك تاني.
ترك الغرفة وهي تنظر إلى أثره، كانت ترغب بأن تتركه، أن تجعله يدفع ثمن ما فعله بها، وبالرغم من ذلك قلبها كان ينبض إليه، ولكن ثقتها به التي تلاشت هي التي منعتها، وبعد ما فعله أمس مع حازم ودفاعه عنها أمام الجميع، وأنه كان سندًا لها في الوقت الذي قسم قلبها الخوف؛ فلم تجد سوى ظهره لتتحامى خلفه، لم تطمئن سوى بوجوده. وهنا كانت المفارقة، ولكن هناك شيء أخير يمنعها عنه، خوفها عليه وعلى سمعته.
ولكن الآن حين قال أنه سيتركه علمت أنها لا تستطيع أن تبتعد عنه، ووقعت بين اختيارين؛ هل تتركه حتى لا تسيء إليه، أم تحاول أن تصلح ما أفسدته؟