الحلقة العاشرة اللي بيصور من الضلمة
اليوم اللي بعد العزومة المحروقة بيت أبو زين ريحته لسه شياط بس قلوبهم رايقة وورد وزين قاعدين على الأرض في أوضتهم الصغيرة بيغسلوا الحلة المحروقة في طبق بلاستيك المية سودة وايديهم الاتنين فيها صابون ورد بتقول شايف حتى الحلة انتحرت من طبيخي وزين بيضحك وبيقول دي مش حلة دي بقت فحمة هنعلقها على الحيطة ونكتب عليها أول ضحايا الشيف ورد وفجأة تليفون زين نور رسالة من رقم غريب صورة صورة شباكهم هما الاتنين دلوقتي حالا النور طالع منه وهما قاعدين على الأرض باينين من بعيد والضحك باين حتى في الصورة وتحتها مكتوب مبروك على العزومة بس اللي بيضحك دلوقتي ممكن يعيط بعدين ف ووش زين اتخطف عرف الخط وعرف الف مسح الرسالة بسرعة قبل ما ورد تشوفها ورد قالت مين زين قال واحد صاحبي بيقول تسلم ايدك على الرز المعجن
تحت في آخر الحارة فريدة واقفة في الضلمة ولابسة أسود ماسكة تليفونها وبتبعت نفس الصورة لجروب اسمه حبايب زين وكتبت شفتوا ست البيت الجديدة حرقت الفراخ بريشها وأبو زين طلب الإسعاف هو ده اللي سابني عشانه الجروب سكت محدش رد عليها غير واحدة كتبت لها يا بنتي حرام عليكي دول لسه في صباحيتهم فريدة قفلت التليفون وقالت لنفسها بغيظ أنا مش هسيبهم يتهنوا
تاني يوم الصبح أم زين قلبت الحارة تاني واقفة في نص الشارع بتزغرد وبتقول يا أهل البلد امبارح الرز عجن النهاردة هنعلم العروسة تطبخ بجد اللي عندها نفس تيجي وفي دقيقة مطبخ أم زين اللي متر في متر اتملى أم ورد وأم سيدة بتاعة الخضار واتنين جيران قعدوا ورد في النص كأنها داخلة كورس طبخ مكثف أم زين بتقول بصي يا بنتي الطبخ نفس مش كتب وورد مركزة وايدها بتترعش وماسكة السكينة غلط وبتقول والنبي يا ماما علميني مش عايزة زين يفضل طول عمره يطلب دليفري ويضحك عليكي ويقولك ده طبيخي الستات انفجروا ضحك
في نفس الوقت أبو زين واخد زين على القهوة أبو زين حط كوباية الشاي وقال بهدوء جاتلك رسالة امبارح بالليل زين اتصدم وقال انت عرفت ازاي أبو زين قال فريدة بعتت نفس الصورة لأمك فكرت أمك هتخاف أمك ورتها لي وقالتلي شوف البت المفعوصة بتعمل ايه فكرنا هنطفي نورنا زين قال هتعملوا ايه يا حاج أبو زين قال ولا حاجة اللي بيصور من الضلمة عمره ما يعرف يقعد في النور هنسيبها تصور لحد ما تزهق لوحدها
رجعوا البيت على ريحة غريبة مش ريحة شياط ريحة أكل بجد طلعوا يجروا فوق لقوا ورد واقفة بفستان المطبخ ووشها أحمر من السخونية وقدامها صينية بطاطس بالفراخ بتلمع والرز مفلفل وأبيض زي الفل الكل سكت ثانية أم زين قربت داقت حتة بطاطس ودمعت وقالت تسلم ايدك يا بنتي أخيرا هناكل من غير ما نطلب الإسعاف ورد عنيها لمعت وبتدور على زين كأنها بتقوله شوفت زين قرب منها وهمس مين اللي طبخ بجد ورد همست وهي بتضحك أم سيدة وقفت جنبي بس اوعى تقول سيبهم فاكرين اني بقيت شاطرة وقعدوا الأربعة ياكلوا على الأرض زي كل مرة بس المرة دي الأكل يتاكل بجد
بالليل بعد ما الناس نزلت ورد لاحظت ان زين سرحان قالت زين انت مخبي عليا حاجة من امبارح وانت مش على بعضك زين مسك ايدها اللي لسه فيها لسعة حرق صغيرة من حلقة امبارح وقال في ناس يا ورد لما بتشوف نور طالع من شباك غيرها بتحاول تطفيه عشان شباكها ضلمة ورد فهمت من غير ما يقول الاسم وقالت طب لو حاولوا يطفوه قال هنولع عشرة مكانه وفي نفس اللحظة تليفون زين نور تاني رسالة أخيرة من نفس الرقم الطبخة المرة دي ظبطت بس اللعبة لسه في أولها زين قرأها عمل للرقم بلوك ورمى التليفون على الكنبة وقام قفل الشباك بس ساب النور منور قصاد الحارة كلها وتحت فريدة لسه واقفة بتبص على النور اللي مرضيش يطفي وبتفكر في خطوتها الجاية