رواية اسيرة الشيطان بقلم دينا جمال
رواية اسيرة الشيطان الفصل الحادي والثلاثون31 والثاني والثلاثون32 بقلم دينا جمال
رؤي : أنا عايزة اعزم إيمان وعمرو
التفت اليها وقد أصبحت عينيه كتلتين من اللهب المشتعل هتف من بين اسنانه : تعزمي مين
رؤي باضطراب: ااايمااااان ، اصصصصل انننت ممممش فاااهم
جاسر غاضبا: بطلي تهته اتكلمي عدل ، ايه بقي الي أنا مش فاهمة ، عايزة تعزمي صاحبتك علي عيني وعلي رأسي لازمته ايه بقي البيه أخوها
رؤي بخوف: اصل اايمان ما بتخرجش لوحدها خالص ، لازم عمرو يبقي معاها، حتي لما كنا بنخرج أنا وهي كان عمرو بيجي معانا
جاسر بعصبية: كان عمرو ب...ايه يا أختي
رؤي سريعا: قصدي يعني انه كان بيروح مع اخته مالوش دعوة بيا والله
اغمض جاسر عينيه واردف بغيظ : اخرسي يا رؤي ، اخرسي عشان ما اتغاباش عليكي
رؤي: يعني هتعمل ايه
جاسر بحدة: صاحبتك آه الزفت أخوها دا لاء
رؤي: عمرو مش هيرضي يخلي إيمان تيجي لوحدها
جاسر: هوديلها عربية لحد البيت
رؤي بحزن: علي فكرة أنت مش بتثق فيا
جاسر بغيظ: يا مصبر الوحش على الجحش ايه علاقة دا بالثقة انتي عايزة خناقة وخلاص
رؤي بضيق: أنا الي عايزة خناقة ولا أنت الي عصبي
جاسر بجمود: والله دا بيتي وأجيب فيه الي أنا عايزه
رؤي بانكسار: صح في دي عندك حق أنا آسفة
كادت أن ترحل من امامه عندما امسك برسغ يدها
جاسر بضيق: استني عندك ، وبعدين يا رؤي العيشة كدة مش هتنفع أنا بحب عندك آه بس ما تزودهوش ، مالك يا رؤي ليه مصرة إن الي اسمه عمرو دا يجي بعد الي حصل اكيد عندك سبب وأحب اعرفه
رؤي بدموع : عشان هو قال عليك مريض ومجنون ، فأنا كنت عايزاه يحضر الحفلة عشان والله ايمان وحشتني وعشان يعرف أنك مش مريض ولا مجنون وأنك اعقل واحن إنسان في الدنيا
تلاشي غضبه كله وكأنه لم يكن موجود بالأساس ، عزفت ابتسامته الحنونة الصافية انغامها العذبة علي اوتار شفتيه
جاسر بمكر : ما اكنتش أعرف أني أعقل واحن إنسان في الدنيا
رؤي بخجل : ااانت ، انت ، أنت رخم على فكرة سيب ايدي عشان أروح لنرمين
جاسر مبتسما بخبث: ولو ما سبتهاش
رؤي بخجل: هعيط والله هعيط
جذب جاسر يدها الي أن اصطدمت بصدره : اهو سيبتها
تقسم أنها سيغشي عليها من شدة الخجل : جاااسر عيب كدة
جاسر ضاحكا: دا علي اساس أن أنا شاقطك
رؤي بغيظ: أنت قليل الأدب ورخم ، يا رب أهو يا رب ، قليل الادب وبيعمل حاجات قليلة الادب
انفجر جاسر في الضحك حتي ادمعت عينيه : مش بقولك انتي عسل
رؤي بضيق: طب سبني يا طحينة
جاسر بخبث: ما تيجي نحط العسل علي الطحينة وندوبهم في بعض
رؤي بخجل : أنت
جاسر بشعف : أنا ايه
رؤي بخجل: أنت
اقترب بوجهه حتي لفحت انفاسه وجهها واردف هامسا : أنا بحبك
كاد أن يقبلها عندما سمع فجاءه صوت اخته تنادي عليهم : يا جاسر يا رؤي ، انتوا نمتوا
فرت رؤي سريعا من امام جاسر وذهبت ناحية الباب وفتحته
رؤي سريعا: لاء يا نيرو صاحيين
نرمين بضيق: طب يلا مش عايزة افطر لوحدي
رؤي: حاضر ، جاين وراكي
تركتها نرمين ونزلت لأسفل
جاسر بضيق: علي النعمة الجوازة دي منظورة
رؤي ضاحكة: أنت الي قليل الأدب
جاسر بخبث: اضحكي ، اضحكي ، راجعلك بليل
رؤي مغيرة مجري الحديث: ممكن اطلب منك طلب
جاسر ببرود وهو يعقد جرافت بدلته : لاء ، عشان انتي طلباتك رخمة زيك
رؤي بغيظ : أنا رخمة ، الله يسامحك
جاسر: اخلصي يا رؤي عايزة ايه
عقدت ذراعيها أمام صدرها وانكمشت ملامحها بضيق طفولي : خلاص مش عايزة حاجة
ارتسمت ابتسامة صغيرة علي شفتيه فتلك الصغيرة تثير فيه مشاعر كثيرة ومنها مشاعر الابوة
تحرك نحوها الي أن وقف أمامها مباشرة ، فامسك كتفيها بحنان : خلاص ما تزعليش ، حقك عليا يااحلي لمضة شوفتها في عمري كله، ها بقي يا ستي كنتي عايزة ايه
رؤي بخوف: هتعزم إيمان وعمرو
جاسر مبتسما: هعزم إيمان وعمرو حاضر ، ايه تاني
رفعت عينيها تنظر لعينيه برجاء : نفسي تحفظني القرآن
اتسعت ابتسامته الحنونة اردف بصدق : بس كدة من عينيا ، شوفي عايزة تبداي من أمتي وأنا معاكي
رؤي بحماس ؛ من النهاردة
جاسر مبتسما: من النهاردة يا شيخة رؤي ، مبسوطة كدة يا ستي
رؤي بسعادة: أوي أوي ، ربنا يخليك ليا يا رب
جاسر بحنان: ويخليكي ليا يا احلي رؤي في الدنيا
رؤي بمرح لتداري خجلها: علي فكرة نرمين هتطلع تشتمنا بقالها ساعة مستنيانا
جاسر ضاحكا: قدامي يا لمضة
نزل جاسر ورؤي لأسفل
نرمين بضيق: اخيرا البهوات نزلوا
جاسر ضاحكا: معلش يا ستي سماح المرادي ، نظر في ساعته لتتسع عينيه بصدمة فأردف سريعا : يا نهار أبيض دا أنت اتأخرت اوي ، يلا سلام عليكم
رؤي / نرمين: وعليكم السلام
ذهب جاسر الي شركته ومنها الي مكتبه
جاسر للسكرتيرة : شوفيلي علي فين
السكرتيرة : حاضر يا افندم
خرجت السكرتيرة من الغرفة فأخرج جاسر هاتفه وطلب ذلك الرقم
جاسر: ايه يا فتحي بقالي كام يوم بتصل بيك
فتحي : خير يا باشا
جاسر: صبري الدمنهوري أراضيه فين
فتحي : ما اعرفش
جاسر بحدة : يعني ايه ما تعرفش احنا هنهزر يا فتحي
فتحي : لا يا باشا أنا مش بهزر أنا فعلا ما اعرفش هو فين قلبت عليه الدنيا مش لاقيه ، وعلي فكرة يا باشا أنا مستقيل
جاسر بحدة : م وايه يا اخويا ودا من ايه إن شاء الله
فتحي: دا الي عندي يا باشا أنا مش هرجع للشغلانة دي تاني ، بس أنا ليا رجاء عند سيادتك ، بالله عليك ما تأذيش شاهندا تاني
جاسر ساخرا: دا أنت حبيتها بقي
فتحي: للأسف آه ، وللأسف ضاعت مني ومش لاقيها ، سلام يا باشا
اغلق فتحي الخط ، فابعد جاسر الهاتف عن أذنه يبظر له بدهشة : يا ابن المجنونة ، هو أنا كل ما أتجوز واحدة الاقي واحد تاني بيحبها
تهاني عاصم بيحبها شاهندا فتحي بيحبها ثم اكمل بغل حتي رؤي الزفت لو لسه بيحبها همحيه من وعلي وش الدنيا
علي : أنت بتكلم نفسك
جاسر: ها ، لا ابدا
علي : خير يا سيدي عايزني في ايه
جاسر: آه ، أنت معزوم عندي النهاردة أنت ووالدتك عامل حفلة عائلية لينا ، بمناسبة خروج نرمين من المصحة
علي بسعادة: بجد ألف حمد لله على سلامتها ، طبعا هنكون أول الموجودين
جاسر: تسلم يا صاحبي
دقت السكرتيرة الباب ودخلت : جاسر باشا أستاذ حسين من الحسابات عايز يقابل حضرتك
جاسر: دخليه ولما يجي في اي وقت خليه يدخل على طول
عقدت السكرتيرة حاجبيها بدهشة : حاضر يا باشا
خرجت السكرتيرة فدخل حسين
حسين: صباح الخير يا افندم
جاسر مبتسما: افندم ايه بس يا حمايا ، اتفضل اقعد
جلس حسين علي الكرسي المقابل لعلي
حسين بلهفة: طمني يا ابني رؤي ، رؤي عاملة ايه لقيت القلب
جاسر بحزن : للأسف لسه بس أنا مش ساكت أنا قالب الدنيا
حسين: يا رب الفرج من عندك
جاسر: صحيح هو في حل بس مش عارف هو ينفع ولا لاء
حسين بلهفة: ايه هو
قص عليه جاسر ما قاله له الطبيب من امكانيتهم من الحصول علي القلب المطلوب من خلال مافيا الأعضاء
حسين: لاء
جاسر بدهشة: أنت الي بتقول كدة
حسين: أنا عارف إن بنتي هتموت لو مالقيناش القلب ، بس مش هعيش بنتي علي حساب حد تاني ، مالوش ذنب
علي : أستاذ حسين عنده حق يا جاسر مافيا الأعضاء كل شغلهم خطف وقتل
هز جاسر رأسه إيجابا : طيب ، ربنا يفرجها ونلاقي القلب بقي ، صحيح في حفلة عندي النهاردة بمناسبة خروج اختي من المستشفى ، طب من غير عزومة مستني حضرتك انت وحماتي وطمطم وعاصم ، زمان رؤي قالت لمدام مجيدة
حسين: بإذن الله يا إبني، عن اذنك
جاسر: اتفضل
علي : طب اقوم أنا اشوف شغلي
جاسر: ماشي ما تتأخرش
علي : بإذن الله
خرج علي وحسين من المكتب ، فامسك هاتفه مرة اخري
جاسر: السلام عليكم
ياسر بلهفة : وعليكم السلام ، خير يا باشا هي استاذة نرمين كويسة
التوت شفتيه بابتسامة خبيثة : مش أوي بصراحة
ياسر بلهفة: مالها تعبانة ، لو تحب حضرتك حضرتك أنا ممكن اجيلها دلوقتي حالا
جاسر ضاحكا: اتقل يا دكتور ، انت هتيجي بس مش دلوقتي حالا علي الساعة 9 ما تنساش تجيب معاك سمسم عشان وحشت نرمين ، مستنينك
ياسر: حاضر ، مع السلامة
جاسر: سلام
_________________________________
في فيلا جاسر
أمسكت رؤي هاتفها تتصل بوالدتها
رؤي: السلام عليكم
مجيدة : وعليكم السلامة يا حبيبتي عاملة ايه
رؤي : بخير يا ماما الحمد لله
مجيدة: يا رب دايما ، جاسر عامل ايه
رؤي: الحمد لله كويس ، علي فكرة جاسر عامل حفلة النهاردة وهتيجي يعني هتيجوا ما فيش أعذار
مجيدة: حاضر يا حبيبتي ، هنيجي كلنا بس ما اوعدكيش إن عاصم هيجي
رؤي: طب اديلوا التيلفون وأنا هقعنه
مجيدة ضاحكة: ماشي يا ست المقنعة
مجيدة: عاصم ، رؤي علي التليفون
رؤي: السلام عليكم
عاصم مبتسما: وعليكم السلام عاملة ايه يا حبيبتي
رؤي: الحمد لله بخير ، ثم اكملت برجاء عاصم جاسر عامل حفلة النهاردة هتيجي مش كدة
عاصم بحدة: لاء طبعا ، أنا مستحيل اخش بيت الراجل دا
رؤي برجاء: عشان خاطري يا عاصم وحياة رؤي عندك ، أنا محضرلالك مفاجاءة هتفرحك أوي بس أنت تعالا
عاصم : لاء يا رؤي
رؤي: عشان خاطري عشان خاطري عشان خاطري عشان خاطري
عاصم ضاحكا: بس بس افصلي
رؤي: هتيجي صح
عاصم : حاضر يا ستي
رؤي بسعادة: هييييه حبيبي يا عاصم ما تتأخرش
عاصم: حاضر يا حبيبتي يلا سلام
رؤي : مع السلامة
اغلقت مع عاصم واتصلت برقم ايمان
رؤي: كلبة وحيوانة وندلة
إيمان ضاحكة: طب قولي سلام عليكم الأول
داخلة فيا شمال ليه كدة
رؤي غاضبة: عشان ما فكرتيش تتصلي بيا ولا مرة
إيمان: رؤي حبيبتي انتي برأسين اتصلي بيكي ازاي وخطك القديم مقفول ودا رقم جديد ، أول مرة يظهر عندي
رؤي ببلاهة : ايه دا صحيح ، ما علينا ، عارفة لو ما جتيش النهاردة الحفلة هعمل فيكي ايه
إيمان: حفلة ايه
رؤي: جاسر عامل حفلة النهاردة
إيمان: انتي غبية يا رؤي ، انتي عارفة اني ما بخرجش من غير عمرو، تفتكري عمرو هيروح عند جوزك بعد الي جوزك عمله فيه
رؤي : عشان خاطري يا إيمان انتي وحشتيني اوي ، حاولي تقنعي عمرو
إيمان: حاضر هحاول بس ما اوعدكيش أنه هيوافق
رؤي: إن شاء الله هيوافق خدي العنوان أهو ......
اعطت رؤي لصديقتها العنوان وودعتا بعضهما البعض
وبدأت هي ونرمين يجهزان الفيلا للحفلة
______________________________
في شقة عمرو
إيمان برجاء: عشان خاطري يا عمرو ، رؤي وحشتني اوي
عمرو بضيق: انتي عبيطي يا ايمان عيزاني اروح بيت الراجل دا
إيمان بمكر انثوي : علي فكرة لو ما روحتش هيتأكد انك خايف منه ومش قد مواجهته
عمرو : تفتكري
ايمان بخبث: طبعا ، عشان كدة لازم تروح عشان رؤي وحشتني قصدي عشان تثبتله أنك مش خايف منه
عمرو : خلاص ماشي موافق
إيمان بسعادة: ميرسي يا عمرو ، هروح البس بقي
__________________________________
مساءا
جاء حسين وعائلته وايمان وعمرو وعلي ووالدته وياسر والصغيرة سمسم
كانت نرمين متألقة بفستان من اللون الكشميري وحجاب موف غامق والعكس رؤي فستان من اللون الموف الغامق ونقاب كشميري
أما جاسر فكان يرتدي قميص رمادي وبنطال أسود
بدأت الحفلة وساد جو من المزاح والضحك ، ظل جاسر محتضن يد رؤي في يده يرمق عمرو بنظرات غاضبة فيرد عليه الاخير بنظرات متحدية
مجيدة ضاحكة : في ايه يا جاسر ما تسيبها يا إبني ما تخافش مش هنخطفها
رؤي : قوليله يا ماما
مجيدة: خدي هنا انتي لابسة النقاب ليه
جاسر: عشان فيه رجالة غريبة ، زي علي ودكتور ياسر وعمرو
مجيدة : يا إبني عمرو مش غريب دول يعتبروا متربيين مع بعض ، ويا اما كانوا بيلعبوا مع بعض فاكرة يا رؤي
رؤي سريعا: مش فاكرة ، كنا اطفال يا ماما ، اطفال فطبيعي ما افتكرش
مال جاسر علي اذنها وهمس بغيظ : وحياة أمك لانفخك
رؤي بدهشة: الله وأنا مالي أنا بقولك كنا اطفال
ربنا يسامحك يا ماما ، جاسر هيعمل بنتك شاورما
مجيدة ضاحكة: يلا يا بنتي ربنا يكون في عونك أنا عملت الي عليا ، حسين أنت فين يا حسين
تركتهم وذهبت الي حيث زوجها
رؤي ضاحكة: عسل ماما عسل أنت عارف اكيد انها بتهزر ولا ايه
جاسر بغيظ: طبعا زي ما أنا ههزر كدة بعد ما الحفلة
رؤي : طب ممكن تسيب ايدي عايزة اروح لعاصم
جاسر: ليه
رؤي: عايزة اقوله حاجة
ترك جاسر يدها : اتفضلي ما تتأخريش
رؤي : حاضر
ذهبت رؤي حيث اخيها ، بينما ذهب ياسر ناحية جاسر
جاسر مبتسما: اهلا وسهلا يا دكتور نورت الحفلة
ياسر مبتسما: بنورك يا افندم ، احم أنا كنت عايز اتكلم مع حضرتك في موضوع مهم
جاسر مبتسما: آه طبعا اتفضل
ياسر: أنا طالب أيد الانسة نرمين
جاسر بجمود: طلبك مرفوض
👇👇👇👇👇👇👇👇👇
اسيرة الشيطان
الفصل الثاني و الثلاثون
للكاتبة : دينا جمال
الفصل الثاني والثلاثون
ياسر: أنا طالب أيد الانسة نرمين
جاسر بجمود: طلبك مرفوض
ياسر بصدمة: مرفوض ، ليه ، أنا صدر مني فعل
مش كويس عرفت عني حاجة مش كويسة
جاسر: لا ابدا لسمح الله
ياسر بحدة: اومال مرفوض
جاسر بهدوء: اهدي يا دكتور واديني فرصة اكمل كلامي
ياسر بضيق: اتفضل اتكلم
جاسر: تعالا معايا المكتب
اصطبح جاسر ياسر الي مكتبه
_____________________________
عند رؤي وعاصم
رؤي مبتسمة: عصومي وحشتني اوي يا حبيبي
عاصم مبتسما: وأنتي كمان يا حبيبتي ، بس ايه الجمال دا عسل يا ناس في النقاب
رؤي بثقة : يا ابني أنا طول عمري عسل
عاصم ضاحكا: أسود
رؤي بضيق: يا رخم والله هعضك ، مش هقولك علي المفاجاءة
عاصم باهتمام : مفاجأة ايه
رؤي بحذر: تهاني
غامت عيني عاصم بعاصفة من الحزن : مالها
رؤي: هقولك
_______________________________
عند إيمان وعمرو
عمرو ساخرا: رؤي وحشاني يا عمرو ، واهي رؤي مش معبراكي حتي
إيمان بضيق: حرام عليك الحفلة مليانة ناس واكيد مشغولة
سمعوا صوت يأتي من خلفهم : ايه دا معقولة إيمان
نظرت إيمان خلفها فابتسمت تلقائيا : ازيك حضرتك يا طنط
سناء مبتسمة بود: الحمد لله يا حبيبتي ، انتي عاملة ايه
إيمان مبتسمة: الحمد لله علي كل حال ، عمرو أخويا ، طنط سناء مامت باشمهندس علي الي انقذني في اليوم اياه
عمرو مبتسما بأدب: ازي حضرتك يا افندم ، طبعا فاكراها ، اومال فين باشمهندس علي
علي بمرح :، وأنا اقول شرقت ليه اتاريكوا جايبين في سيرتي
تسارعت دقات قلبها بشدة عندما سمعت صوته ، نظرت ناحية الصوت بلهفة واضحة لتري لمعة عينيه الدافئة ، فاستغفرت ربهت سريعا ووضعت نظرها أرضا
عمرو مبتسما : اهلا اهلا ازيك يا باشمهندس علي
صافحه علي بود : بخير الحمد لله ، ازيك أنت ، احم ازيك يا استاذة إيمان
بصعوبة استطاعت إخراج صوتها من فمها من شدة توترها : الحمد لله
سناء: عن اذنكوا دقيقة واحدة وراجعين ، عايزاك يا علي
عمرو مبتسما: آه طبعا اتفضلوا
اخذت سناء علي وابتعدت قليلا
علي بقلق: خير يا أمي انتي كويسة
سناء بعتاب : لاء مش كويسة ومش هبقي كويسة غير ما تسمع كلامي وتتجوز
علي : وايه الي فتح سيرة الجواز دلوقتي بس
سناء: إيمان
علي بدهشة: إيمان
سناء: آه علي فكرة البت دي بتحبك
علي ساخرا: يا سلام وحضرتك عرفتي منين
سناء: مالكش دعوة ، احنا ستات زي بعض نفهم بعض
علي : يعني انتي عايزة ايه دلوقتي
سناء: تسمع كلامي ونروح نتقدم لايمان ، هتفضل عازب لحد امتي دا انت عندك 31 سنة
علي : طب سبيني افكر
سناء: لاء دلوقتي
علي بدهشة: دلوقتي
سناء : ايوة أنت ما ينفعش معاك غير كدة ، تعالا
امسكت سناء يد علي وجذبته خلفها بقوة وذهبت ناحية ايمان واخيها
سناء مبتسمة: معلش اتأخرنا عليكوا
عمرو: لا ابدا ولا يهم حضرتك
سناء مبتسمة: بص يا إبني من الآخر أنا طالبة منك أيد اختك العسل دي لعلي إبني ، قولت ايه يا إبني
دلو من الماء البارد القي على رأسها في عز الشتاء كادت عينيها إن تخرج من مكانها من الصدمة والفرحة
عمرو مبتسما: أنا عن نفسي طبعا موافق ، أنا مش هلاقي لأختي احسن من الباشمهندس علي ، بس طبعا لازم نعرف رأي العروسة
سناء مبتسمة: ها ايه يا عروسة ايه رأيك
ظل ايمان صامتة تنظر لهم بدهشة
سناء سريعا بابتسامة: السكوت علامة الرضا ، نقرأ الفاتحة
( ايه يا طنط المستعجلة مالك )
علي في نفسه : والله يا ماما انتي عليكي حاجات غريبة ، بس جاية في مصلحتي بصراحة ، أنا فعلا معجب بيها بس الظروف ما كنتش سامحة إني اروح اتقدملها ، صحيح كيدهن عظيم يا سوسو
عمرو مبتسما: طب أنا هروح انادي عمي حسين وعاصم
علي : وأنا هروح اشوف جاسر ونرمين
_______________________________
في مكتب جاسر
دخل جاسر ومن خلفه ياسر
ياسر بضيق: أنا عايز افهم أنا ليه طلبي مرفوض وايه الي حضرتك عايز تقولهولي
جاسر بهدوء: اهدي يا دكتور ، وهتفهم كل حاجة ، بس قسما بربي من كلمة من الي اتقالت هنا طلعت برة ، ديتك معايا رصاصة
هز ياسر رأسه إيجابا ، فبدأ جاسر يحكي له كل ما جري لنرمين دون ذكر الجزء المتعلق بعائلته
جاسر: اظن أنت دلوقتي عرفت كل حاجة ، ودلوقتي بقي ليك حرية الاختيار تكمل ولا تبعد ، بس خد لو قررت تكمل كان أو تبعد أعرف لو فكرت بس ان ضايقتها في الموضوع دا ولو بربع كلمة هيتم سمسم الصغيرة ، هتبقي يتيمة الأم والأب
ياسر بعد صمت : حضرتك ما رضتش عليا أنا طالب ايد أخت حضرتك آه ولا لاء
جاسر: والي حصل زمان
ياسر: ماليش دعوة بيه ، مالهاش ذنب في حاجة
جاسر: ولو فكرت تضايقها
ياسر : اقتلني
جاسر مبتسما : تمام يا دكتور ، كدة أنا موافق
ياسر: نقرا الفاتحة
جاسر: طب مش أخد رأي العروسة
كاد ياسر أن يرد عندما قاطعه صوت طرقات علي باب مكتب
جاسر: أدخل
فتح علي الباب ودخل
جاسر مبتسما: تعالا يا علي
علي : ايه يا إبني ، اختفيت فجأة
جاسر مبتسما: دكتور ياسر طالب أيد نرمين
علي ضاحكا: دا النهاردة يوم الجواز العالمي
جاسر مستفهما : ليه مين تاني هيتجوز
علي مبتسما: أنا
جاسر بدهشة: أنت ، ثم اكمل بخبث البت الممرضة صح
علي بضيق: ما تقولش عليها كدة ، ايه البت الممرضة دي
جاسر ضاحكا: دا واضح إن الشيخ علي وقع
علي بمكر: الله طب ما جاسر باشا كمان وقع هي يعني جت عليا
ارتسمت ابتسامة صغيرة علي شفتي جاسر عندما مرت صوره رؤي امام عينيه
جاسر بصوت منخفض: ربنا يخليكي ليا يا حبيبتي
علي : أنت يا عم روحت فين
جاسر: ها ، أنا هنا هو
علي: طب يلا قوم أمي مصممة نقرأ الفاتحة دلوقتي
ياسر: حلو ، نقرأ فتحتي أنا ونرمين احنا كمان
جاسر مبتسما: يلا بينا
_________________________________
عاصم بصدمة: مستحيل الي انتي بتقوليه دا
رؤي: لاء حقيقي إسماعيل اذي جاسر وعيلته ومع ذلك جاسر ما آذاش تهاني ، هو أداها حبوب هلوسة وبعد ما مفعولها يخلص مش هتفتكر اصلا الي حصل
عاصم بشرود : أنا حاسس إن تايه فرحان ومتلغبط ومذهول
رؤي : جاسر شاف كتير اوى يا عاصم ، الناس جم عليه واذوه هو وعيلته ، أنا بس ليا عندك طلب
عاصم: ايه هو
رؤي: سامحه عشان خاطري هو ما آذهاش ولا آذاني جاسر طيب اوي ، والله ساعات بحس إن جواه طفل برئ تايه عايز يحس بالأمان والحنان
عاصم مبتسما بحنان : انتي حبتيه
هزت رأسها إيجابا بخجل : ايوة حبيته ، جاسر اطيب واحن إنسان في الدنيا
عاصم مبتسما: ربنا يهنيكوا يا حبيبتي
رؤي برجاء: هتسامحه
عاصم: أنا اساسا سامحته
رؤي بسعادة: هييه يا حبيبي يا عاصم
قفزت تحتضنه بسعادة في لحظة دخول جاسر
جاسر : ليلة ابوكي سودا
رؤي: جاسوره حبيبي جيت أمتي
جاسر: من أول العشق الممنوع
ذهب ناحية رؤي وجذبها الي حضنه : انتي تحضنيني أنا بس فاهمة
عاصم ضاحكا: الحقي يا رؤي جوزك بيغير مني
خد بالك أنا حبيبها الاولاني ، صح يا رورو
نظر جاسر بغيظ الي رؤي : ما تنطقي
احتضنت رؤي ذراع جاسر : لاء أنت وحش جاسر بس الي حبيبي
ثم اخرجت له طرف لسانها بمرح
عاصم ضاحكا: اه يا واطية خانك البليلة يا رؤي
كانت تمزح مع اخيها غافلة علي أن تلك الحركة التلقائية الذي الكلام الذي خرج ببراءة من شفتيها ، عزف انغامه علي اوتار قلبه ليزيده عشقا
جاسر مبتسما: يلا عشان هنقروا فتحة نرمين وياسر وعلي وايمان
رؤي بصدمة: إيمان مين
جاسر: إيمان صاحبتك
رؤي: آه يا ندهلة يا جزمة يا حيوانة والله لوريكي ، أنا آخر من يعلم ماشي يا ايمان ، اوعوا من وشي
رمقها جاسر بدهشة وافسح لها الطريق لتذهب الي الخارج بخطوات غاضبة
عاصم ضاحكا: هتاكلها
جاسر ضاحكا: اختك دي مجنونة والله
تجمع كل من في المنزل في ساحة المنزل الواسعة
رؤي بغيظ: ماشي يا ايمان أنا آخر من يعلم والله لوريكي
جاسر ضاحكا: رؤي تعالي يا هبلة هنا
ذهب ناحيتها وجذب يدها واوقفها بجانبه
جاسر: طبعا ، أنا مش عارف اشكركوا ازاي علي تشريفنا النهاردة ، حمد علي سلامتك يا نيرو يا قلب اخوكي
نظرت له نرمين بابتسامة واسعة ، بينما اكمل هو
جاسر مبتسما: بما أن علي طلب أيد الآنسة إيمان ، ودكتور ياسر طلب ايد نرمين ، فأنا بقول نقرأ الفاتحتين مع بعض
اتسعت عيني نرمين بصدمة نقلت نظرها بين جاسر وياسر وسمسم الصغيرة التي لم تغب عنها منذ أن جاءت الي الحفلة
فهم جاسر نظراتها فرد عليها بنظرات هادئة مطمئنة
جاسر مبتسما: يلا بسم الله الرحمن الرحيم
رفع الجميع أيديهم لقراءة الفاتحة ، انتهت من قراءة قراءة الفاتحة نظرت لهم بسعادة ، ولكن رغما عنها انقبضت غصة في قلبها ، تمنت مثل اي فتاة أن ترتدي ذلك الفستان الأبيض ، أن يقام لها حفل زفاف حتي وإن كان بسيطا
فاقت من شرودها علي يده تلوح أمام وجهها
جاسر؛ مالك يا رؤتي
رؤي بنفي: ما فيش صدعت شوية
جاسر: تحبي تطلعي ترتاحي
رؤي : لاء أنا كويسة
جاسر: طب لو حسيتي بتعب قوليلي
رؤي: حاضر
حسين مبتسما: طب نستأذن احنا بقي
جاسر: ما بدري يا عمي
حسين: لاء معلش كفاية كدة ، طمطم نامت وعندها مدرسة الصبح
جاسر: خلاص خليكوا بايتين هنا
حسين: تعيش يا إبني بس أنت عارف إن الواحد ما بيرتحش غير في بيته
جاسر: علي راحتك
حسين لرؤي : عايزة حاجة يا حبيبتي
رؤي: لاء يا بابا عايزة سلامتك
ودعت رؤي عائلتها ، رحل من بعدهم عمرو وايمان فذهب علي مع والدته ليوصلهم ، كان آخر الراحلين ياسر مع ابنته الصغيرة
نرمين: عايزة اتكلم معاك يا جاسر
رؤي: طب أنا هطلع اغير هدومي عن اذنكوا
صعدت رؤي لأعلي
جاسر: خير يا نيرو
نرمين: أنت ازاي تعمل كدة ، أنا ما ارضتش اعترض عشان شكلك قدام الناس
جاسر: أعمل ايه مش فاهم
نرمين بدموع: ليه وافقت ، أنا اه بحبه بس هو لما يعرف الي حص.....
وضع جاسر اصبعه علي شفتيها: هششش ، ياسر عارف كل حاجة
نرمين بصدمة: عارف أنت الي قولتله
هز جاسر رأسه إيجابا: أيوة ومع ذلك صمم أنه يتجوزك ، أنا قولتلك الي حصل دا مالكيش ذنب فيه ، وادي ربنا عوضك بواحد احسن من الزفت الي اسمه حاتم
نرمين: ااا.......
جاسر بضيق: بس بقي بطلي رغي أنا هلكان وعايز انام ، تصبحي على خير يا حبيبتي
نرمين: وانت من اهله
صعد جاسر الي غرفته فوجدها تجلس على الفراش تضع امامها مصحف
رؤي: أنا جاهزة
جاسر: جاهزة لايه بالظبط
رؤي: أنك تحفظني القرآن
جاسر مبتسما : حاضر يا ستي هغير هدومي واجي
ذهب جاسر وبدل ملابسه وعاد وجلس امامها علي الفراش سمي بسم الله وفتح المصحف وبدأ يقرأ في آيات سورة البقرة
( الم (1) ذَلِكَ الْكِتَابُ لَا رَيْبَ فِيهِ هُدًى لِلْمُتَّقِينَ (2) الَّذِينَ يُؤْمِنُونَ بِالْغَيْبِ وَيُقِيمُونَ الصَّلَاةَ وَمِمَّا رَزَقْنَاهُمْ يُنْفِقُونَ (3) وَالَّذِينَ يُؤْمِنُونَ بِمَا أُنْزِلَ إِلَيْكَ وَمَا أُنْزِلَ مِنْ قَبْلِكَ وَبِالْآخِرَةِ هُمْ يُوقِنُونَ (4) أُولَئِكَ عَلَى هُدًى مِنْ رَبِّهِمْ وَأُولَئِكَ هُمُ الْمُفْلِحُونَ (5) إِنَّ الَّذِينَ كَفَرُوا سَوَاءٌ عَلَيْهِمْ أَأَنْذَرْتَهُمْ أَمْ لَمْ تُنْذِرْهُمْ لَا يُؤْمِنُونَ (6) خَتَمَ اللَّهُ عَلَى قُلُوبِهِمْ وَعَلَى سَمْعِهِمْ وَعَلَى أَبْصَارِهِمْ غِشَاوَةٌ وَلَهُمْ عَذَابٌ عَظِيمٌ (7) وَمِنَ النَّاسِ مَنْ يَقُولُ آمَنَّا بِاللَّهِ وَبِالْيَوْمِ الْآخِرِ وَمَا هُمْ بِمُؤْمِنِينَ (8) يُخَادِعُونَ اللَّهَ وَالَّذِينَ آمَنُوا وَمَا يَخْدَعُونَ إِلَّا أَنْفُسَهُمْ وَمَا يَشْعُرُونَ (9) فِي قُلُوبِهِمْ مَرَضٌ فَزَادَهُمُ اللَّهُ مَرَضًا وَلَهُمْ عَذَابٌ أَلِيمٌ بِمَا كَانُوا يَكْذِبُونَ (10) وَإِذَا قِيلَ لَهُمْ لَا تُفْسِدُوا فِي الْأَرْضِ قَالُوا إِنَّمَا نَحْنُ مُصْلِحُونَ (11) أَلَا إِنَّهُمْ هُمُ الْمُفْسِدُونَ وَلَكِنْ لَا يَشْعُرُونَ (12) وَإِذَا قِيلَ لَهُمْ آمِنُوا كَمَا آمَنَ النَّاسُ قَالُوا أَنُؤْمِنُ كَمَا آمَنَ السُّفَهَاءُ أَلَا إِنَّهُمْ هُمُ السُّفَهَاءُ وَلَكِنْ لَا يَعْلَمُونَ (13) وَإِذَا لَقُوا الَّذِينَ آمَنُوا قَالُوا آمَنَّا وَإِذَا خَلَوْا إِلَى شَيَاطِينِهِمْ قَالُوا إِنَّا مَعَكُمْ إِنَّمَا نَحْنُ مُسْتَهْزِئُونَ (14) اللَّهُ يَسْتَهْزِئُ بِهِمْ وَيَمُدُّهُمْ فِي طُغْيَانِهِمْ يَعْمَهُونَ (15) )
ظلت تتابعه باهتمام شديد ، توقفت أصوات العالم كلها وبقي صوته وهو يقرأ القرآن بصوت عذب رزين
جاسر: صدق الله العظيم ، أنا هقرأ آيه بآيه وانتي تقولي ورايا
هزت رأسها إيجابا بحماس ، فبدأ يقرأ وهي خلفه ، يرشدها علي مواضع التجويد في كل آيه
رؤي: دول 15 آيه بس
جاسر مبتسما بحنان: ما تشقيش علي نفسك ، النهاردة 15 بكرة 20 ، بعده 25 وهكذا
رؤي مبتسمة: ماشي حاضر
جاسر: هسمعلك بكرة لما أجي من الشغل عارفة لو ما حفظتيش هعلقك
رؤي مبتسمة ببراءة: رؤي تلميذة شاطرة وهتسمع الكلام
جاسر بحنان: وجاسر هيحب رؤي الشاطرة وهيجبلها كل الي نفسها فيه
رؤي مبتسمة: أنت طيب أوي يا جاسر
جاسر مبتسما بخبث: ما أنا عارف ، بقولك ايه ما تيجي اقولك حاجة سر
مد يده واغلق اضاءة الغرفة
( لتسكت شهرزاد عن الكلام الغير مباح )
مر أسبوعين سارت الحياة فيهم بشكل طبيعي وهادئ ، الي إن جاء ذلك اليوم
نرمين بقلق: مالك يا رؤي وشك أصفر ليه كدة
رؤي بتعب : مش عارفة يا نرمين حاسة ان روحي بتتسحب مني مش قادرة اقوم ودايخة اوي
نرمين بقلق: طب أنا هتصل بجاسر
رؤي سريعا: لالا ما تقلقهوش أنا شوية وهبقي كويسة
نرمين بحنان : طب يا حبيبتي اطلعي ارتاحي شوية
صعدت رؤي لاعلي بخطوات بطيئة ، ما أن دخلت غرفتها لحقتها نعمة الخادمة
رؤي بتعب : جبتي الي قولتلك عليه
نعمة : ايوة يا هانم اتفضلي
رؤي بابتسامة شاحبة: شكرا يا خالتي
نعمة : العفو يا بنتي هروح اعمل حاجة دافية
خرجت نعمة من الغرفة ، فاخذت رؤي تلك الحقيبة الصغيرة وذهبت الي المرحاض
ببنما في الأسفل
امسكت نرمين هاتفها واتصلت بجاسر
جاسر: السلام عليكم خير يا نيرو
نرمين: جاسر أنت فين
جاسر: جاي آهو ، خلصت النهاردة بدري
نرمين: طب تعالا علي طول ما تتأخرش
جاسر: في ايه يا نرمين
نرمين بقلق ؛ اصل رؤي شكلها تعبان أوي
جاسر بفزع: تعبانة أنا جاي حالا
صرخ جاسر في السائق ليزيد من سرعة السيارة
بينما في غرفة رؤي
خرجت من الحمام تمسك في يدها تلك العصاة البلاستيكية ، لم تفارق الدهشة وجهها ، لا تصدق أنها بالفعل
قطع شرودها انفتاح الباب بقوة ، ودخول جاسر بلهفة
جاسر بقلق: رؤي مالك يا حبيبتي نرمين قالتلي انك تعبانة
رؤي بصدمة: أنا حامل