رواية اسيرة الشيطان بقلم دينا جمال
رواية اسيرة الشيطان الفصل السابع والعشرون27 والثامن والعشرون28 بقلم دينا جمال
جاسر صارخا بحدة : أنا ما لمستش تهاني
اتسعت عينيها بصدمة ، تجمدت مكانها كأن دلو من الماء البارد سكب فوق رأسها في فصل الشتاء
رؤي بصدمة: ااااننت ....ازززاي ازاي
جاسر بقلق: رؤي انتي كويسة
امسك يدها ليصعق من برودتها هتف بقلق : ايديكي متلجة ليه كدة
سحبت يدها من يده : ازاي ، أنا مش فاهمة حاجة
جاسر: مش لازم تفهمي
رؤي : لاء طبعا لازم افهم ، أنت ازاي بتقول أنك ما لمستهاش وعاصم بيقول انها مدمرة نفسيا
انت كذاب
جاسر بحدة : رؤي ما تخلنيش أقلب عليكي
رؤي برجاء: عشان خاطري فهمني
تنهد جاسر بتعب واردف بجمود: الي عملوا أبوها ، كان كفيل أنه يخليني ادمرله مستقبلها ومن غير جواز كمان ، ويشوف مين هيرضي بيها ، ثم ضحك بألم : بس أعمل ايه بقي شوية ضمير فاضلين عندي منعوني إني أعمل كدة ، فاتجوزتها ، وادتها حبوب هلوسة ، عشان تفتكر إن أنا اغتصبتها
رؤي بدهشة : ازاي طب والدكتور ، الدكتور قالهم انها
جاسر مقاطعا بسخرية: تعرضت لتعذيب جسدي واغتصاب فجالها صدمة عصبية ، انتي فاكرة انها صعبة إني اشتري الدكتور الفلوس تعمل كل حاجة يا رؤي
رؤي بحيرة: أنا بردوا مش فاهمة حاجة طب هي لسه بتصرخ وتعيط ومدمرة كدة طالما أنت ما عملتلهاش حاجة
جاسر: تأثير الحبوب هيفضل مأثر عليها 3 شهور ، الحبوب دي مستوردة تأثيرها عالي جدا
( عشان كدة تهاني افتكرت أن عاصم هو جاسر)
جاسر مكملا : عشان كدة المصحة النفسية مالهاش لازمة لما 3 شهور يخلصوا ، هتنسي كل الي حصل فيهم ، أنا هوديها مصحة نفسية بس عشان ينهوا تأثير الحبوب علي طول
رؤي : طب أنت ليه عملت كدة طالما ما كنتش ناوي تأذيها
جاسر بغل : عشان أحرق قلب أبوها عليها ، أنت عارفة أنا ليه سايبة شغال لحد دلوقتي عندي في الشركة ، عشان اشوفه وهو مذلول
رؤي بضيق : ارحموا عزيز قوم ذل
جاسر غاضبا: وهو ما رحمهاش ليه ، ليه أنا أرحم وهو لاء ، هو السبب
رؤي غاضبة: سبب في ايه ، عملك ايه عشان تعمل فيه كدة
قبض جاسر علي خصلات شعرها بعنف: آخر مرة تعلي صوتك ، ما فيش صوت بيعلي فوق صوتي في البيت دا انتي فاهمة
رؤي بحزن: كان عندي حق أنا عمري ما هثق فيك
رمقها جاسر بغضب حارق ، ترك شعرها وبدأ يصيح بغضب : عنك ما اتنيلتي وثقتي فيا
بدأ جسدها ينتفض من الخوف ومن بكاءها الشديد ، شعرت في تلك اللحظة بألم قوي ناحية قلبها
فوضعت يدها ناحية قلبها واغمضت عينيها بألم
جاسر بقلق: رؤي مالك يا رؤي
رؤي باكية: أنا عايزة ماما ، وديني عند ماما خلاص مش هقدر استحمل أكتر من كده ، مش هقدر اغلب شيطانك والنبي يا جاسر لو ليا غلاوة عندك سبني في حالي ، أنا تعبت من الرعب الي أنا عايشة فيه ، تعبت يا جاسر
جاسر باكيا : أنا آسف ، أنا آسف آخر مرة مش هزعقلك تاني أنا بس عايزك تثقي فيا مش عايزك تخافي من اي حاجة وانتي معايا
نظرت له بدهشة عندما سمعت صوته الباكي
رؤي بدهشة: أنت بتعيط
جاسر: عيب إن أنا اعيط ولا ايه
رؤي بدهشة: لاء طبعا ، بس يعني ما تخيلتش ان عندك دموع زينا بصراحة
انفجر جاسر ضاحكا حتي ادمعت عينيه : عارفة يا رؤي احلي حاجة فيكي خفة دمك
رؤي بثقة: كلهم بيقولولي كدة
جاسر ضاحكا: يا واد يا واثق أنت
رؤي: هتوديني عند نرمين امتي
جاسر: بكرة الصبح
رؤي بسعادة: هيييه ،أنت ما تعرفش نرمين وحشتني قد ايه
جاسر بحنان: انتي بتحبي نرمين قوي كدة
هزت رأسها إيجابا سريعا: أوي أوي، نرمين طيبة وعسولة ودمها خفيف وحنينة عليا زي ماما بالظبط
جاسر مشاكسا : طب واخو نرمين
رؤي بخجل : مالوا
جاسر بخبث : مالوش في الحب جانب
اصبطع وجهها بحمرة الخجل القانية
جاسر بخبث: ايه دا الورد الجوري فتح أهو
رؤي بخجل: لللللو سسمحت بببس
رفع كف يدها وقبله : بحبك
انتفض جسدها من شدة الخجل سحبت يدها سريعا من يده وخرجت تهرول من الغرفة
جاسر ضاحكا: رايحة فين يا مجنونة
علي الجانب الآخر
وصل فتحي ومعه صبري والد شاهندا الي منزل فتحي
صبري : فين بنتي
نزلت شاهندا ومن خلفها سعدية
عانقت سعدية شاهندا بحزن : هتوحشك قوي يا بتي
شاهندا: وأنتي كمان يا ماما هتوحشيني أوي
سعدية: ابقي طلي عليا
شاهندا: حاضر
ذهبت شاهندا ناحية صبري فضمه لصدره بلهفة : يا حبيبتي يا بنتي ، انتي كويسة عملوا فيكي ايه
شاهندا بجمود : بعدين يا بابا نتكلم
صبري : طب يلا يا حبيبتي هنمشي من هنا
نظرت له بطرف عينيها فوجدته يقف بجمود وكأن الأمر لا يعنيه
فاقت علي يد صبري التي تسحبها معه ، ظلت تنظر له علها تجد نظرة حب واحدة كان ستجعلها تترك والدها وتركض عائدة اليه ولكنه بقي كالتمثال بدون اي تعبيرات
اخذ صبري شاهندا في سيارة اجري
نظرت من الزجاج الخلفي للسيارة فوجدته يقف ينظر إليهم رأت دمعتين تحررتا من أسر ذلك القناع البارد ليخبراها بعشقه
شاهندا: وقف العربية
صبري بدهشة: يوقف العربية ليه انتي اتجننتي يا شاهندا
شاهندا: أنا مش عايزة امشي من هنا ، أنا عايزة افضل معاهم ، ارجوك يا بابا أول مرة في حياتي اعرف يعني ايه عيلة في البيت دا ، أعرف يعني ايه حنان الأم
صبري بجمود للسائق: أطلع بلا هبل
انطلق السائق مرة أخري بالسيارة
شاهندا باكية: ليه يا بابي
لم يعرها صبري اهتماما واشاح بوجهه الي النافذة بعيدا عنها
بينما عاد هو الي منزله فوجد والدته تجلس على الاريكة بحزن
سعدية بحزن: والله هتوحشها قوي يا ولدي
فتحي بجمود: دي ضيفة يا أمي ، يعني مصيرها أنها تمشي
تركها وصعد الي أعلي وبدل من أن يذهب الي غرفته دخل الي غرفتها ، جلس على فراشها
وجد طرف ورقة صغير يظهر من تحت الوسادة
سحب الورقة سريعا فوجد مكتوب فيها
( بحبك يا فتحي )
اتسعت عينيه بصدمة ، اخذ الورقة سريعا ونزل يركض لأسفل
سعدية بدهشة: رايح فين يا ولدي
فتحي سريعا وهو يركض : هرجع شاهندا
في صباح اليوم التالي
جاسر بضيق : مش هتكلم معاكي تاني يا رؤي
رؤي بدهشة: ليه كدة
جاسر بضيق: عشان انتي بتحبي نرمين أكتر مني
رؤي ضاحكة: ليه طيب
جاسر بضيق: عشان عملتلها الكيكة الي بتحبها وأنا لاء
رؤي ضاحكة: خلاص ما تزعلش لما نرجع هعلمك اتنين مش واحدة
جاسر بجد : نتكلم بجد ، أنا طالب منك خدمة
رؤي: خير
جاسر: عايزك تقنعني نرمين تيجي تعيش معانا هنا
رؤي بثقة : سيبها عليا ما تشلش هم يا كبير
جاسر ضاحكا: تعيش يا معلم ، متجوز سواق توكتك
اخذ جاسر رؤي وذهبا الي نرمين
رؤي ضاحكة: وحشتوني وحشتوني وحشتوني
نرمين ضاحكة: اهلا ، اهلا اهلا بأعز الحبابيب
جاسر ضاحكا: ليه يا ربي ، مش كفاية اختي هبلة كمان مراتي عبيطة
رؤي ونرمين معا : جاسر
جاسر بفزع مصطنع : سلاما قولا من رب رحيم ، هو الواد ابراهيم فين يا ابرااااااهيم
خرج جاسر من الغرفة سريعا وبقيت رؤي مع نرمين يمزحان واستطاعت رؤي إن تقنع نرمين بالذهاب للعيش معهم
نرمين: ناديلي جاسر عايزاه في حاجة مهمة
رؤي: حاضر
خرجت رؤي من الغرفة واخبرت جاسر بطلب نرمين
فدخل جاسر إليها وبقيت رؤي في الخارج لاعتقادها أنه شي خاص بين الاخوة ولا بجب التدخل فيه
في غرفة نرمين
جاسر: خير يا نيرو
نرمين: أنت الي لبست صبري القضية مش كدة
جاسر: ايوة أنا
نرمين : ليه يا جاسر
جاسر بدهشة: انتي الي بتسألي
نرمين: وبعدهالك يا جاسر ، يعني اتجوزت بنته وبهدلتها وهو لبسته قضية هتعمل ايه تاني
جاسر بتوعد : هعمل كتير ، أنا بس سايبهم يومين لسه حجيم جهنم هجيبها هي وابوها راكعين تحت رجلي أنا بس سايبها يومين تعيش حياتها
في الخارج
رؤي: هو موبايلي فين ، فين ، اااه صحيح دا كان معايا عند نرمين
امسكت مقبض الباب لتدخل ولكنه ما ان فتحته سمعت جاسر وهو يقول جاسر بتوعد : هعمل كتير ، أنا بس سايبهم يومين لسه حجيم جهنم هجيبها هي وابوها راكعين تحت رجلي أنا بس سايبها يومين تعيش حياتها ، بعد كدة هوريها الي عمرها ما شافته
👇👇👇👇👇👇👇
اسيرة الشيطان
للكاتبة دينا جمال
الجزء الاول
الفصل الثامن والعشرون
امسكت مقبض الباب لتدخل ولكنه ما ان فتحته سمعت جاسر وهو يقول جاسر بتوعد : هعمل كتير ، أنا بس سايبهم يومين لسه حجيم جهنم هجيبها هي وابوها راكعين تحت رجلي أنا بس سايبها يومين تعيش حياتها ، بعد كدة هوريها الي عمرها ما شافته
تجمدت يدها على مقبض الباب ، كادت عينيها تخرج من مكانهما من هول ما سمعت ، بروة قارصة عصفت بكاينها
تركت مقبض الباب عادت بظهرها الي الخلف تهز رأسها نفيا بقوة
رؤي بصدمة: لالا ، مستحيل
كادت أن تسقط ارضا ولكنها أسرعت تستند الي الحائط المجاور لها
قدميها لم يقويا علي حملها فجلست علي كرسي بجانب الغرفة
رؤي في نفسها بضياع : لالالا ، يعني كان بيضحك عليا ، كل دا كان كذب ، عمل كل دا عشان يذلني أنا وأبويا
تذكرت بالأمس كم لامت نفسها علي عدم ثقتها فيه ، كانت تتطلع الي ملامحه الهادئة وهو نائم وتنهر نفسها علي عدم ثقتها به
في الغرفة
نرمين: لاء يا جاسر، كفاية الي أنت عملتوا فيهم ، سيبهم في حالهم
جاسر: يا نرمين......
نرمين مقاطعة بصرامة : خلاص يا جاسر الي اقوله يتسمع كفاية لحد كدة ، اوعدني أنك هتسيبهم في حالهم
جاسر بقلة حيلة: حاضر يا نرمين الي تشوفيه
نرمين: يلا بقي روح ناديلي رؤي عشان وحشتني وعشان تساعدني عشان نمشي
جاسر مبتسما: حاضر يا حبيبتي
في خارج الغرفة
رؤي في نفسها: لاء مش هسمحله ، مش هسمحله يذل ابويا ، لازم اهرب
قامت سريعا ما كادت تتحرك خطوتين حتي سمعته ينادي عليها فتجمدت مكانها بخوف
جاسر: رؤي ، رايحة فين يا حبيبتي
تقدم إلي أن وقف أمامها
جاسر: رايحة فين
رؤي بتلعثم : ككككنت ، رايحة الكافتيريا اجيب عصير
جاسر مبتسما: لاء روحي انتي لنرمين عشان عايزاكي وأنا هجبلك عصير وايس كريم وشوكولاتة وكل الي انتي عايزة ، انتي مش عارفة أنا فرحان قد ايه اخيرا نرمين هتخرج من المستشفي
ثم رفع يدها وقبلها بحنان : ربنا يخليكي ليا يا وش السعد
كانت تنظر له بدهشة كيف يستطيع التمثيل بهذا الشكل ، تكاد تصدق إنه فعلا يحبها وكأنها لم تسمعه منذ قليل يريد أن يخضعها لجبروته ، أن يذلها هي ووالدها
جاسر: رؤي ، مالك يا حبيبتي سرحانة في ايه
هزت رأسها نفيا وسحبت يدها من يده
رؤي بشرود: مش سرحانة في حاجة ، هروح اشوف نرمين
تحركت من امامه بجمود ودخلت الي غرفته
علي صعيد آخر
وصل فتحي الي الفندق الذي يسكن فيه صبري
فوجده قد ترك الفندق
فتحي في نفسه: يعني ايه هيكون راح فين ، مش هسيبك يا شاهندا
في مكان آخر تحديدا في فيلا صغيرة تتكون من طابقين وحديقة صغيرة في منطقة شبه صحراوية
شاهندا بتعجب: ايه المكان دا أنا عمري ما شوفت البيت دا قبل كدة
صبري ضاحكا : جاسر فاكر نفسه ذكي ، بس وربي لهدفعه التمن غالي
ذهب ناحية غرفة مكتب صغيرة ، فتح خزنتها فكانت تعج بالأموال
شاهندا: أنا مش فاهمة حاجة احنا ليه ما رحناش بيتنا وايه المكان دا ، وايه الفلوس دي
صبري بغيظ : جاسر زفت ، خلاني اتنزلته عن كل املاكي عشان يخرجني من القضية الي لبسهالي ، بس علي مين دا أنا صبري الدمنهوري ، كنت عامل حسابي عشان لو حصلي اي أزمة البيت دا ولا الجن الأزرق ممكن يلاقيه ، أما جاسر فوللي خلق الخلق ، لهجيبه راكع تحت رجلي
في المستشفى
ساعدت رؤي نرمين علي تبديل ملابسها
دق ياسر الباب ودخل الي الغرفة
ياسر بحزن حاول إخفاءه : حمد لله على السلامة يا أستاذة نرمين
نرمين: الله يسلم حضرتك
ياسر بارتباك : هتوحشيني اوي قصدي يعني هتوحشي طمطم أوي
نرمين بخجل : وهي كمان هتوحشني اوي ، ممكن تبقي تجبهالي اشوفها
ياسر مبتسما: إن شاء الله ، احم عن إذنك وحمد لله على سلامتك مرة تانية
نرمين مبتسمة بخجل: الله يسلمك
خرج ياسر من الغرفة ، لاحظت نرمين شرود رؤي منذ دخولها الغرفة
نرمين بود : مالك يا رورو
رؤي : ها ، لاء مفيش
خرجت رؤي ونرمين وركبتا بجانب جاسر في السيارة
جاسر بسعادة: أنا النهاردة أسعد واحد في الدنيا
نرمين مبتسمة: ربنا يسعدك دايما يا حبيبي
جاسر : أنا لازم أعمل حفلة كبيرة ، نحتفل بيها برجوعك يا نرمين وبالمرة تتعرفي علي حمايا وحماتي ، ناس طيبين أوي يا نرمين ما بتفرقوش عن رؤي
نرمين مبتسمة: طبعا ، تربيه رورو واخلاقها تقول إن أهلها ناس طيبين وأخلاقهم عالية
كانت تسمع الي مديحهم بأعين متحجرة جامدة ، تنظر الي ابتسامة جاسر السعيدة بألم كيف يمكنه أن يكون بهذه السعادة ويسبب لها كل هذا الألم
جاسر: رؤي ، رؤي ، يا رؤي
نرمين: رؤي روحتي فين يا بنتي
رؤي: هااا ، أنا معاكوا أهو
نرمين بمشاكسة : الي واخد عقلك
جاسر بثقة: أنا طبعا
نرمين ضاحكة: ايوة يا عم
وصل جاسر الي منزله ، فاعطي نرمين هاتف لها
جاسر: بصي يا نيرو الموبايل دا عليه رقمي ورقم رؤي ، اتصلي بيا في اي وقت انتي عايزاه
هزت نرمين رأسها إيجابيا بابتسامة
جاسر مكملا : هجيب الحاجات لزوم الحفلة وأنا جاي
نرمين: ما فيش داعي يا حبيبي تكلف نفسك
جاسر مبتسما: النهاردة عيد ، كفاية انك رجعتيلي
قبل جبينها، وقبل جبين رؤي
جاسر بدهشة: مالك يا رؤي
رؤي بشرود : ما فيش
تركته وصعدت لاعلي
جاسر : مالها في ايه
نرمين بحيرة: مش عارفة والله من ساعة ما دخلت عندي الاوضة وهي عاملة كدة
جاسر : طب ابقي شوفيها يا نرمين
نرمين بود : حاضر يا حبيبي روح أنت شعلك وما تشلش هم
في الأعلي
كانت تمسك ذلك الشئ في يدها تنظر الي السماء
رؤي في نفسها: يا رب ، أنا عارفة الي انا هعمله دا حرام ، بس مش هقدر أعيش في الرعب دا تاني ، مش هقدر أشوفه وهو بيذل والدي ، يا رب سامحني يا رب
انهت تلك الكلمات لتحرك تلك الآلة الحادة علي رسغ يدها لتنفجر الدماء منه
ظلت تنظر الي دماءها المهراقة بضع دقائق وهي تبكي بصوت عالي
رؤي باكية: يا رب سامحني يا رب ، بس شم هستحمل
بدأت تشعر بدوار طفيف ثم بدأ يشتد الي أن سقطت ارضا فاقدة للوعي وسط دمائها
صعدت نرمين لتطمئن عليها ، دلتها احد الخدم علي غرفة سيدها فذهبت نرمين لها
نرمين بود : رؤي ، رورو حبيبتي انتي صاحية ، رؤي ادخل يا حبيبتي ، هي ما بتردش ليه
فتحت الباب وهي تهتف باسمها : رؤي ، رؤؤؤ
صرخت بفزع وركضت ناحيتها
نرمين صارخة: رؤي ، رؤي يا نهار أسود قومي يا رؤي
لحسن حظها كانت نرمين لازالت تمسك الهاتف الذي أعطاه لها جاسر ، فتحته سريعا وطلبت رقمه
جاسر: خير يا نيرو
نرمين بصراخ وبكاء : الحقني يا جاسر رؤي ماتت
نرمين صارخة: رؤي ، رؤي يا نهار أسود قومي يا رؤي
لحسن حظها كانت نرمين لازالت تمسك الهاتف الذي أعطاه لها جاسر ، فتحته سريعا وطلبت رقمه
جاسر: خير يا نيرو
نرمين بصراخ وبكاء : الحقني يا جاسر رؤي ماتت
سقط الهاتف من يده ومعه قلبه ، صرخ في السائق بغضب
جاسر صارخا بغضب : ارجع الفيلا بسرعة
انتفض السائق من مكانه وهز رأسه عدة مرات وادار المقود عائدا الي فيلا جاسر
في دقائق كان قد وصل
نزل يركض باقصي ما يملك من سرعة ، الي أن وصل الي غرفتها ، تجمد مكانه اتسعت عينيه حتي كادت تملئ وجهه
صرخت نرمين فيه عندما وجدته في تلك الحالة: أنت واقف عندك ليه بسرعة تعالي الحقها
كانت كلماتها شرارة ايقاظه اندفع ناحية جسد رؤي الملقي ارضا
وامسك كتفيها وبدأ يهزها بعنف وهو يصيح ويبكي : رؤؤؤؤؤي ، لييييه ، ليييه عملتي كدة ليه ، ليه عايزاني ابقي يتيم تاني ، ليه عايزة تخليني أعيش في عذاب ، ليه مش مصدقاني ، أنا عارف إني قسيت عليكي كتير بس اتغيرت والله اتغيرت ، قومي يا رؤي ، قومي يا حبيبتي مش هقدر أعيش من غيرك ، ليييه عملتي كدة ليه ، ليه حرام عليكي ليه
حملها سريعا ونزل يركض لأسفل ومن خلفه نرمين وضعها في السيارة فركبت نرمين بجانبها واستقل هو مقعد القيادة ، كان يقود بجنون
نرمين بقلق: جاسر ، براحة يا جاسر هتقلبنا
لم يستمع حقا ستظن انه يهمه حياته للآن ، فحياته حقا تحتضر علي الكرسي خلفه
وصل الي أقرب مستشفي فاوقف سيارته
ونزل منها سريعا وحمل رؤي ودخل راكضا الي المستشفى
جاسر صارخا: انتوا يا بهايم ، بسرعة بتموت
اخذها منه الممرضات سريعا وذهب خلفم احد الأطباء ، امسك جاسر الطبيب من تلابيب ملابسه وصرخ فيه بعنف : حياتها قصاد حياتك لو حصلها حاجة هقتلك
ازدرق الطبيب ريقه بخوف وهز رأسه ايجابا سريعا فتركه جاسر ليسرع الي غرفة رؤي
بينما ظل يجوب هو الممر امام الغرفة ذهابا وايابا يتحدث مع نفسه
جاسر في نفسه؛ ليه، ليه عملت كدة ، أنا مش فاهم حاجة يعني لما كنت قاسي عليها عمرها ما فكرت تعمل كدة دلوقتي لما اتغيرت وحبتها بجد تعمل كدة ، يا تري ايه الي حصل ، كانت كل حاجة كويسة أنا ما زعلتهاش ، طب ليييه أنا هتجنن مش هسامحك مش هسامحك
لا لا هسامحك بس انتي قومي ، ما تسبنيش ، يارب ما تعاقبنيش فيها يا رب
فاق من شروده عندما شعر بحركة باب تلك الغرفة يفتح ، هرع ناحية الطبيب مسرعا
جاسر بلهفة: هي كويسة صح ، صح
الطبيب بابتسامة هادئة : الحمد لله الجرح كان سطحي ما وصلش للوريد ، احنا خيطنا الجرح ونقلنلها دم ، وكلها شوية وهتفوق
نرمين براحة: الحمد لله اللهم لك الحمد ، جاسر أنت لازم تخرج حاجة للفقرا
جاسر بجمود : أنا لازم أعرف هي عملت كدة ليه
نرمين: جاسر براحة عليها ، ما تنساش انها دلوقتي تعبانة
هز رأسه إيجابا بشرود
دخل الي غرفتها ومن خلفه نرمين فوجدها ساكنة علي الفراش شاحبة العديد من الأجهزة متصلة بها
سحب كرسي وجلس بجانب فراشها يراقبها بصمت وعيون حادة تريد أن تخترق ذلك العقل لتعرف فيما كانت تفكر وهي تفعل ذلك الفعل الأحمق ، بعد مدة بدأت تفتح عينيها بصعوبة فوجدت تلك العينين ينظران لها بغضب
فانتصفت في جلستها سريعا تنظر له بذعر
في مكان آخر
فتحي بحزن: مالقيهاش يا اما كأن الأرض اتشقت وبعلتها
سعدية: وبعدهالك يا واد بطني هتضل علي حالتك دي لحد ميتا ، اوعي تكون حبتها
فتحي بحزن: ايوه يا اما حبتها
سعدية بصدمة: يا مرك يا سعدية بتخون الأمانة يا ولدي ، مش دي مرت الباشا الي أنت شغال عنده ، كيف يعني تحبها
فتحي: هو خلاص طلقها هو اصلا ما كنش بيحبها ، كان متجوزها عشان ينتقم من أبوها فيها
سعدية: وأنت كيف عرفت كل دا
تهرب فتحي من نظرات والدته فصاحا فيه بحدة :ما تنطق يا ابن بطني عرفت كيف كل دا
فتحي صارخا : اومال انتي فكراني شغال ايه محاسب ، فاكرة الفلوس والعز الي احنا بقينا فيه فجأة دا من ايه ، انتي عارفة أنا شغال ايه بصاص ، جاسوس عند جاسر باشا ، أي حد عايز يعرف عنه اي حاجة ، بجبله قراره ، أنا الي سلمتها ليه ، أنا الي عرفته كل حاجة عنها انا الي اديته مفتاح ازاي يضحك عليها ويوهمها بحبه عشان يتجوزها وينتقم منها ومن أبوها
سعدية بصدمة: لا لا مستحيل تكون فتحي ولدي ، كيف تعمل اكدة
فتحي صارخا: اومال كنا هنعيش ازاي بعد ما عمامي سرقوا ورث ابويا ، كنت هجوز اخواتي البنات ازاي كنت هفتح البيت دا ازاي
سعدية باكية: قلبي وربي غضبانين عليك ليوم الدين ، يحرم عليا اللقمة الي اكلها من مالك إن شاء الله أموت من الجوع
فتحي سريعا: لا يا اما لا
سعدية باكية: ما تقولش اما ، انا إبني مات الي قدامي دا شيطان ، ابني مات
تركته وصعدت لغرفتها وهي تبكي وتنوح
بينما وقف هو ناظرا للسماء
صرخ لأول مرة منذ سنوات: ياااااارب
طوال تلك السنوات الفائتة كان يخشي من قولها فيكفي ما يفعله
عودة لجاسر ورؤي
جاسر ساخرا: حمد لله على سلامتك يا شيخة رؤي ، شيخة ايه بقي هو في شيخة تعمل كدة
انسابت دموعها علي الفور من عينيها
جاسر ساخرا: تؤتؤتؤ دموع التمسايح دي مش هتأثر فيا
نرمين بضيق: جاسر كفاية
ذهبت ناحية رؤي فاسرعت الاخيرة بالاختباء داخل حضنها
نرمين بحنان : بس يا حبيبتي اهدي ، ليه يا رؤي ، ليه يا حبيبتي تعملي كدة ، تنتحري يا رؤي دا احلي حاجة فيكي التزامك معقولة تعملي كدة
جاسر ساخرا: التزام ايه بقي ،دا قناع لابساه
رؤي باكية: هو هو السبب
جاسر صارخا بغضب : أنا السبب ، أنا الي قولتلك انتحري ، أنا الي قولتلك تعملي العملة المهببة دي ، انطقي عملتي كدة ليه
ظل جسدها ينتفض في حضن نرمين بقوة
نرمين بحدة: جاسر كفاية بقي
جاسر غاضبا: نرمين لتسكتي لتطلعي برة ، انطقي عملتي كدة ليه
رؤي باكية: عشان مش هسمحلك تذل بابا
جاسر باستغراب : اذل ابوكي مين الي قالك التخلف دا
رؤي باكية: أنا سمعتك ، سمعتك لما كنت عند نرمين وبتقولها أنك هتذلني أنا وبابا
نرمين: يا حبيبتي والله ما كنا بيتكلم عليكي انتي ، دا كان قصده علي حد تاني
جاسر صارخا بغضب: انتي ما فكيش مخ تفكري بيه لو كنت عايز اذلك واكسرك كنت عملت كدة من أول يوم شوفتك فيه ، كنت هستني كل دا ليه ، ما تنطقييييي
رؤي باكية: اومال قصدك علي مين
جاسر غاضبا: هترتاحي لما تعرفي ، كان قصدي علي شاهندا وأبوها
رؤي باكية: حرام عليك كفاية الي عملتوا فيها عايز منها ايه تاني
جاسر بجمود : حسبانا مش دلوقتي ، لما نرجع البيت ونبقي لوحدنا
في ذلك البيت المنعزل
صبري بسعادة: واخيرا لقيت الشخص الي ممكن يسعادني عشان أقضي عليك يا جاسر
خرج صبري من المنزل سريعا وركب سيارة أجري متجها الي احد الأحياء الشعبية الفقيرة وصلت السيارة بعد مدة طويلة
نزل منها صبري وحاسب السائق واتجه الي احد العمائر المتهالكة قاصدا طابق معين
وقف أمام الشقة المطلوبة ودق الباب ، دقائق وفتح له احدهم
الرجل : أنت مين يا بيه
صبري مبتسما بشر: أنا الي هخليك تشفي غليلك من جاسر مهران