"الغراب - قطاع الأمن - الاسم الحركي: أحمد"
الكارنيه اللي في ايد أحمد كان بيبرق تحت نور الكشافات.
ليلى ايدها سابت دراعي ووقعت في الأرض: "أحمد؟! انت.. انت الغراب؟!"
أحمد ضحك نفس ضحكة الغراب الكبير اللي واقع ورجله بتنزف:
"أنا الغراب الصغير يا ليلى.. ابن الغراب الكبير.. اللي أبوكي ضحك عليكي وقالك اني في النيابة."
سعيد اتسمر: "مستحيل.. انت ميت.. انت اللي دفنته بايدي مع.."
"مع أخويا؟" أحمد قطعه.. "آه.. انت دفنت أخويا حي يا سعيد.. فاكر؟ العيل الصغير اللي شاف أبوك وهو بيقتل أمين المخازن.. فأبوك قرر يدفنه حي.. وانت مقدرتش تمنعه.. فدفنت معاه الهارد عشان ضميرك يرتاح؟"
عزت اللي كان ماسك الغراب الكبير.. ساب كل حاجة وبص لأحمد:
"انت ابني؟ انت أحمد ابني اللي قالولي انه هرب؟!"
الغراب الكبير وهو واقع على الأرض ضحك رغم الوجع:
"لا يا عزت يا أهبل.. أحمد ده مش ابنك.. أحمد ده ابني انا.. من صباح!"
الكلمة نزلت زي صاعقة.
كل العيون لفت على صباح.. أم ليلى.. اللي ماسكة فرد الخرطوش وايديها بتترعش.
صباح قالت وهي بتبص لسعيد ودموعها نازلة:
"كان بيهددني بيك انت وليلى يا سعيد.. لو ماجتش معاه هيقتلكوا انتو الاتنين.."
سعيد وقع على ركبه.. 18 سنة فاكر ان مراته خاينة.. وهي كانت مستحملة عشان تحميهم.
وأنا.. سايح في دمي.. وبطني بتوجعني مكان العملية اللي فاكرها زايدة وانا عندي 4 سنين.
سعيد زحف لحد عندي.. فتح مطوته.. وقبل ما حد يلحقه..
شق حتة صغيرة من الجلد جنب علامة قرصة العقرب الحقيقي اللي في بطني.
ليلى صرخت: "بتعمل ايه يا بابا هيموت!!"
مفيش دم كتير طلع.. طلع كيس بلاستيك صغير.. ملفوف بشاش.. قد عقلة الصباع.
الهارد.
كان جوه جسمي بقاله 18 سنة.
أحمد أول ما شافه جنن.. رفع سلاحه:
"هات الهارد ده.. ده ورث أبويا.. فيه كل حاجة!"
وهنا.. السرينة اللي كنا فاكرينها بوليس.. طلعت مش بوليس.
العربيات اللي دخلت نزل منها رجالة لابسة أسود وملثمة.
واحد منهم شال اللثام..
كان الواد الصغير.. اللي سعيد قال انه دفنه..
ابن عزت اللي المفروض مات مدفون حي في مقابر الصدقة.
عايش.. وكبر.. وبقى طول سعيد.
ورفع سلاحه على أحمد والغراب الكبير وقال:
"محدش هيمشي من الحوش ده.. غير لما كل واحد يقول دفن مين فين.. انا رجعت من القبر يا غراب.. وجاي آخد روحك معايا."
عزت شاف ابنه اللي فاكره مات قدامه حي.. قام وقف والدموع نازلة:
"عرفة؟! ابني عرفة؟!"
الغراب الكبير بص لعرفة.. وشه جاب ألوان.. لأول مرة يحس ان اللعبة خرجت من ايده.
لأن اللي فتح القبر وولع المقابر.. مكنش بيبلغ..
كان بيرجع ينتقم.