الحلقة الخامسة: كتب الكتاب.. ولا كتب الفراق؟
التليفون لسه بيرن في ايد زين.. "تعالى انت وورد حالا على البلد.. كتب الكتاب الليلة بعد العشا"
ورد كانت واقفة متجمدة، دموعها نازلة من تحت النقاب لأول مرة مش قادرة تمسكها.
زين بص للتليفون اللي في ايده اللي عليه صورة الشات المفبركة، وبص لورد:
زين: "ورد.. انا هحلفلك على المصحف في الجامع دلوقتي اني عمري ما قولت الكلام ده.. فريدة كدابة وربنا فضحها بنسيانها للتاريخ"
ورد شهقت: "طب والورد اللي رميته؟"
زين سكت ثانية وبص للزبالة اللي مرمي فيها البوكيه اللي كان جايبه بكل الحب اللي في الدنيا من ايد ست غلبانة.. قلبه اتوجع.