شيري.. برعب.. زين هفهمك اهدى ونزل البتاع ده
زين بشر... مش هخليكي تعيشي ولا لحظة كمان
شيري برعب... أنا مليش ذنب أبوك هو اللي زقني عليك وقالي خليه يحبك وينسى البت الجربوعة دي
زين بسخرية... بقا أبوي يتفق معاكي عليا ونعمة الأب بجد
شيري... وهي بترجع لورا بتحاول تهرب... أه أبوك هو اللي كان بيخطط ليا وأنا بس بنفذ
زين ضرب طلقة في الهوا... جمدتها مكانها... اثبتي مكانك ولا التانية هتكون في دماغك
شيري وقفت برعب من جنانه... زين إنت ليك اسمك ما تخليش دا كله يروح أنا خايفة عليك
زين بسخرية.. هه ضحكتني والله خايفة عليا ولا خايفة إني أخلص عليكي بس وكمل بشر... أنا ما بوسخ إيدي في زبالة زيك
شيري فرحت.. إن زين مش هيموتها بس ما تعرفش زين هيعمل فيها إيه
زين بابتسامة شر... نادى على الحارس روزي أكلت
الحارس... ما كلتش من امبارح
زين بشر بص على شيري اللي ما كانتش فاهمة حاجة ومرعوبة من نظرات زين
زين... بابتسامة... شيري هتبقي الوجبة بتاعتها بتاعت النهاردة
شيري برعب... لا لا لا إنت بتهزر وكملت بصريخ... والحرس بيشدوها... عشان تروح عند روزي
بصريخ.. ززينن أنا مليش دعوة ارحمني ززينن
زين كان واقف وبيبص عليها بابتسامة وهو شايفهم بيفتحوا القفص وبيدخلوا شيري لروزي
روزي كانت بتلحس في إيديها من كتر الجوع
شيري كانت مرعوبة وكانت بتحاول تفتح الباب بأي طريقة
روزي شافتها وهجمت عليها
شيري... كانت بتصرخ وصريخها كان مالي المكان
❤
كان زين بيفطر ببرود ولا كأنه عامل حاجة
دخل عليه بلال
بلال... وهو بيخبط كف على كف... من بروده
... قاعد بتفطر ولا كأنك عامل حاجة
زين ببرود وهو بياكل... اللي بيغلط في قانون زين لازم يتحاسب المهم إيه آخر الأخبار
بلال قعد وهو هيطق من بروده... الحفلة هتكون النهاردة بس هي طبعاً مش هتقدر تحضر لأن المعروف إن حفلات زين ما بيحضرهاش غير اللي يقدروا بس إنهم يشتروا حق التذكرة وأمها مش هتوافق
زين... ببرود... خلاص نخليها تحضر
بلال باستغراب... إزاي أوعك تقول نخطفها
زين.. لا لا لا خطف إيه أنا مش بتاع الكلام ده
بلال... لسه مش فاهم... أمال إيه اللي في دماغك
زين بابتسامة... يعني كل معجبين زين لازم يحضروا الحفلة ولو ما قدروش زين يروح ليهم لحد عندهم ويعمل الحفلة هناك
بلال فتح بقه وحط إيده على جبين زين... إنت سخن ولا فيك حاجة
زين بسخرية... لا بارد وسابه وقام
... أنا عاوز كل حاجة تكون جاهزة
بلال... طيب أبوك هتعمل إيه معاه
زين بلا مبالاة... هو عارف إني ما برجعش في حاجة أنا مقتنع بيها
❤
عند غرام
غرام بصدمة... ماما
الأم... أه مين اللي كنتي بتكلمي نفسك عليه دا
غرام... بتوتر... مفيش دي البت سارة كانت بعتة ليا رسالة بلغز يعني وقالتلي حليه وابعتيه ليا
الأم بشك... متأكدة
غرام... بتوتر... آه
هو إنتي من امتى وإنتي عاملة زي المحقق كونان كدا
الأم... يلا انجزي غيري هدومك وتعالي ساعديني في المطبخ
غرام... حاضر وأمها مشيت وغرام غيرت بسرعة وراحت ورا أمها
❤
بلال... هتفضلي كدا كتير أنا هخلل جانبك
... ببرود... يعني عاوزة إيه
بلال بغيظ... عاوز نتجوز بقا
هكون عاوزة إيه
... بلال إنت عارف إني لسه صغيرة على الجواز
بلال بغيظ... نعم لسه إيه اسمعي يا بت إنتي لو ما وافقتيش على الجواز مني عارفة هعمل فيكي إيه
... باستفزاز... هتعمل إيه
بلال... هعلقك وبعدين هخطفك وأتجوزك
وابقي شوفي بقا الجنان على أصله سلام وسابها ومشي
هي فضلت تبص عليه وتضحك على جنانه وإنه هو بجد بيحبها
❤
بليل كانت غرام في البلكونة بتكلم سارة
لقت الكل متجمعين كان في خناقة
بتبص لقت زين واقف على مكان عالي في الشارع بتاعهم وبيغني
غرام صرخت ونزلت جري كانت لابسة لبس بيتي عبارة عن ترنج وسايبة شعرها...
زين كانت عيونه بتدور عليها في كل مكان
لما شافها فرح بس كشر لما شاف لبسها
غرام كانت فرحانة أوي وكانت بتصقف وتصفر مع الكل لأنها بتحبه أوي
سارة رنت عليها تاني غرام ما سمعتش الفون من الدوشة اللي كانت جانبها
سارة لبست هدومها وراحت لغرام بسرعة لأنها سمعتها بتصوت ووصلت بسرعة لأنها في نفس المنطقة بتاعت غرام بس وقفت بصدمة لما شافت زين عندهم وبيغني ولقت غرام واقفة وبتصفر ليه كانت رايحة عندها بغيظ بس حد شدها وكتم بقها و
..........
زين بدأ يغني بس كان متضايق
وبعد شوية سرح في الأغنية ونسي هو كان متضايق ليه
نزل وكان الكل بيبعد ليه وراح وقف قدامها وغنى ليها بحب
وبعد ما خلص الأغنية
ابتسم ليها وقال ليها... بحبك
غرام كانت مفكرة إنه بيغني راحت قالت... وأنا بعشقك بجنون
زين... شال غرام وفضل يلف بيها
وهو مفكرها إنها بتعترف ليه زي ما هو عمل
غرام كانت مصدومة من اللي عمله زين والناس سكتوا خالص والدنيا كانت عبارة عن صمت
زين فاق من اللي عمله
ونزل غرام
غرام بكسوف... أستاذ زين إيه اللي إنت عملته دا
زين بهيام... أنا بحبك أوي يا غرام
غرام كانت مصدومة
... وشاورت على نفسها... أنا
زين هز راسه بمعنى أه
غرام صرخت بفرحة... آه يا ناس يا عالم زين بيحبني أنا وقعدت تتنطط وهو كان بيضحك عليها والناس قعدوا يضحكوا على جنانها
زين أخدها وراحوا على بيت أهلها قابلتهم أمها وعلى وشها علامات الغضب
❤
عند سارة كانت مش قادرة تاخد نفسها
وكانت بتصرخ بصوت مكتوم
... اهدي الله يخربيتك هتفضحينا
سارة عضته من إيده
... بوجع... أه يا بنت العضاضة
سارة كانت بتاخد نفسها... عضاضة لما تلهفك
إنت إيه جايبك هنا
... زين
سارة بصدمة... زين وإيه جاب زين هنا
... عامل حفلة لست الحسن
سارة... بغيظ... هي دي الرجالة اللي بجد مش زي ناس
... إيه دا هو أنا المقصود
سارة بغيظ.. الحمد لله أخيراً فهمت
... بخبث... بما إننا لوحدنا كدا والدنيا ضلمة وإنتي مزة كدا
سارة بعدم فهم... أيوة عاوزة إيه يعني
... شدها من وسطها... عاوز أقولك بحبك
سارة انصدمت لأنه أول مرة ينطقها.. إنت قولت إيه
... بهيام... وهمس من جانب شفايفها... بحبك
سارة بتخدير... وأنا بعشقك يا بلال
ومكملتش لأنه باسها
سارة لفت إيدها حوالين رقبته وهو كان بيقربها منه أكتر
بعد شوية
بعد عنها وسند جبينه على جبينها
بلال... وهو مش قادر ياخد نفسه... بعشقك يا مجنونة
سارة كانت مكسوفة أوي من اللي عملته بس دا بلال حب طفولتها وحب شبابها
بلال... بحب... سارة لازم نسرع جوازنا بقا ما بقتش قادر أبعد عنك
سارة بكسوف... بس إحنا متجوزين يا بلال
بلال.. عارف يا حبيبي بس إحنا مكتوب كتابنا من زمان عاوزك بقا في بيتي
سارة ضربته في صدره بكسوف
... سافل
بلال خدها في حضنه... وضحك على كسوفها
.. تعالي نشوف زين عمل إيه
سارة... يلا
❤
عند غرام
أمها بغضب.. إيه اللي حصل تحت دا
زين ببرود... عادي كنت بعترف ليها بحبي
الأم بغيظ من بروده... واللي بيحب حد يفضحه كدا ويعمل اللي عملته تحت دا
زين ببرود... بصي يا طنط بنتك وهتجوزها غصب برضا هتجوزها
الأم... دا تهديد بقا
زين... لا بس أنا حبيت أعرفك
بلال جه هو وسارة
لقوا غرام هتموت من الرعب وزين كان بارد وأمها كانت منغاظة أوي منه والدنيا شايطة بينهم
سارة راحت وقفت جانب غرام
بهمس... هو في إيه
غرام بنفس الهمس... زين اعترفلي بحبه قدام الناس وأنا من خيبتي فكرته لسه بيغني وقولتله بعشقك قام شايلني وفضل يلف بيا قدام الكل تحت وأمي شافتنا ومقومة المحكمة لينا
سارة بخوف... دي باين عليها ليلة منيلة يا منيلة
غرام بصت على سارة باستغراب وبعدين ضحكت
سارة باستغراب... بتضحكي على إيه يا منيلة على التعليقة اللي هتتعلقيها
غرام بهمس ليها... هو باسك
سارة بصدمة... عرفتي إزاي
إنتي كنتي معانا ولا إيه
غرام... بضحك... لا ما كنتش معاكم بس الروج بتاعك ممسوح كأنه حد بايسك
سارة... بخجل.. دي كانت بوسة 😗 براءة والله
غرام... ببراءة ما هو باين كدا
بلال... كان سامعهم لأنه كان واقف جانب سارة وكان بيضحك
بلال بجدية... طنط زين غلط لما شال غرام بس هو عمل كدا من عفويته بس خلاص بقا إنتي مش شايفة عاملين إزاي
الأم بتنهيدة... خلاص هقول لأبوها وأخوها وأخد رأيهم وأعرفكم
غرام فرحت وحضنتها سارة
الأم بصتلها وضحكت وزين وبلال
❤
أبو غرام جه هو وأخوها وأمها قالت ليهم
وغرام كانت على أعصابها من رد فعلهم
أبوها... تمام أدام هي موافقة
أخوها... إحنا مش عاوزين غير راحتها وبس
غرام حضنتهم بفرحة
وبعدين بأسبوع زين جاب أمه وبلال وما عبرش أبوه ولا عرفه
وجم واتفقوا إنهم هيبقى فرحهم مع بلال وسارة
وإن الفرح هيكون بعد شهر
❤
طول الشهر ده العاشق ما كلمش غرام ولا حتى بعت ليها رسالة
يوم الفرح كانت غرام وسارة كانوا حلوين أوي
غرام جالها تليفون من رقم غريب
غرام... ألو
العاشق... بصوت حزين 😔... ألف مبروك
غرام باستغراب... مين
العاشق... بحزن... مش لازم تفتكريني إنتي النهاردة هتبدئي حياة جديدة
غرام عرفته... ربنا يكتبلك الخير مع غيري
العاشق بحزن... بس أنا بحبك أوي يا غرام
غرام... وأنا بحب جوزي
سلام
وقفلت
غرام كانت حزينة لأنها كسرت قلبه
سارة... بت مالك
غرام بحزن... فاكرة الولد اللي قولتلك عليه اللي كان بيقولي أنا العاشق المجهول
سارة... أه ماله
غرام... كلمني دلوقتي وبيباركلي وكان زعلان
سارة.. بت أوعي تكوني حبتيه
غرام... أحبه إيه إنتي كمان بس زعلت لأنه زمانه قلبه مكسور
سارة... أمم معاكي حق ربنا يجمعه مع اللي بيحبها
غرام... إنتي هبلة ما أنا اللي بيحبها
وأنا متجوزة
سارة... أمم ماشي يلا ننزل زين وبلال وصلوا من زمان
غرام.. أوكي ونزلوا وكل واحدة أبوها سلمها لعريسها
❤
عند زين كانت غرام فعلاً حزينة
زين باس إيدها... مالك يا قلبي
غرام بحزن... مليش
زين قام من جنبها وقومها ترقص معاه وبلال وسارة قاموا معاهم
وزين كان بيغني ليها أغنية ملكت جمال الناس
ولما خلص الأغنية شالها ولف بيها وبلال كدا برضو
بس بلال باس سارة قدام الكل وخلاها مكسوفة
زين كان بيضحك عليه ولقى غرام بتبتسم بحزن
زين بخبث... مش مستاهلة الحزن دا كله
غرام باستغراب... قصدك إيه
زين بمكر... عندكم بيض هه وفضل يضحك
غرام فعلاً ما كانتش فاهمة حاجة... بتضحك على إيه هو إنت اللي
زين بضحك... العاشق المجهول سيدتي
غرام كانت مصدومة وبعد كدا حضنت زين أوي بفرحة
وفضلوا يرقصوا والكل كان بيصورهم
زين بعشق... بعشقك بجنون
غرام بعشق... وأنا بعشق العاشق المجهول
تمت بحمد الله