الحلقة الثانية: ليلة سودا في السرايا
سرايا الهوارة عمرها ما دخلتها واحدة غصب.. غيرها.
زينب دخلت حافية، العباية السودة لازقة فيها من العياط والعرق، ووراها نسوان النجع بيهمهموا:
"يا عيني اتجوزت غصب.."
"بكرة الهواري يرميها.."
وأول ما عتبت باب السرايا الكبير، وقفت قدامها ست فاطمة.
ست فاطمة.. أم ياسين الهواري، ست صعيدية شديدة، لابسة دهب يوزن بلد، وعنيها بتبص لزينب من فوق لتحت كأنها بتبص على حشرة.
قالت بصوت عالي يسمع الخدم كله:
"هي دي اللي هتبقى مرت كبير النجع؟ بتاعة الطماطم؟ ياشماتة نسوان مصر فينا يا ياسين!"
ياسين كان واقف وراها، إيده في جيبه ووشه حجر.
رد ببرود يوجع:
"ما تشغليش بالك يا حاجة.. دي مش هتقعد هنا كتير. دي ضيفة تقيلة شوية وماشية. اوضة فوق السطوح تقضيها."
الكلمة نزلت على زينب زي الكف.
رفعت راسها، ومسحت دموعها فجأة وبصتله بغل:
"لا يا باشا.. أنا مش ضيفة! أنا مرتك قدام ربنا وقدام البلد كلها.. ولو أوضة فوق السطوح، هخليها جنة غصب عنك وعنها!"
وست فاطمة شهقت: "بتردي عليا يا قليلة الرباية!"
ولسه هتمد إيدها عليها.. ياسين مسك إيد أمه بسرعة.
مش حنية على زينب.. لا.
عشان منظره قدام الخدم.
قال: "سيبيها يا أمي.. العبدة الجديدة محتاجة تتعلم مقامها الأول."
وجر زينب من دراعها جامد وطلعها فوق.. فوق خالص.. لحد أوضة صغيرة فوق السطوح، مليانة كراكيب وتراب وريحتها كتمة.
فتح الباب ورماها جوه وقال:
"ده مقامك يا بت راضي. الحمام بره، والأكل هيطلعلك لما نفتكرك. وإياكي تنزلي تحت من غير إذني.. فاهمة؟"
زينب بصت للأوضة المقرفة وبصتله.. وضحكت. ضحكة كلها قهر ودموع.
"مقامي؟ مقامي أنضف من سرايتك كلها يا هواري. على الأقل أوضتي دي مفيهاش كدب وظلم."
قفل الباب بالمفتاح من بره.
سابها في الضلمة.
الساعة بقت 1 بالليل.
زينب قاعدة على الأرض، بتعيط في صمت، سامعة صوت فرح بعيد.. فجأة الباب اتفتح بعنف.
ياسين داخل، وريحته برفان غالي، ولابس جلبية نوم، ومعاه مأذون واتنين رجالة من كبارات النجع!
زينب قامت مفزوعة لمت عبايتها على جسمها:
"إيه.. إنت عايز إيه؟ داخل عليا ليه نص الليل؟!"
ياسين بص للمأذون وقال ببرود:
"قولها يا شيخ.."
المأذون قال وهو مش قادر يبصلها:
"يا بنتي.. جوزك عايز يثبت للبلد إنك شريفة.. والدكتورة مستنية تحت.. لازم كشف.."
الدنيا لفت بزينب.
فهمت.
عايز يفضحها.. عايز يثبت إنها مش بنت عشان يطلقها الصبح ويرميها للبلد تاكلها!
صرخت بأعلى صوتها:
"إنت حيوان! يا حيوان يا حقير! أنا أشرف من أمك!"
ونزلت على وشه بالقلم!
القلم رن في الأوضة كلها.
الرجالة اتجمدوا.
محدش لمس ياسين الهواري قبل كده.
وشه بقى أحمر نار، قرب منها لحد ما بقت سامعة نفسه، ومسك وشها جامد بين إيديه:
"بتضربيني أنا؟ طيب يا زينب.. وحياة أمك لاخليكي تتمني الموت ومتطولهوش.."
وزقها وقعة على الأرض وقال للرجالة:
"بره.. كلكم بره! مفيش كشف.. أنا هعرف شغلي معاها بطريقتي."
الرجالة جريوا.
وفضلوا هما الاتنين لوحدهم.. في أوضة مقفولة.. فوق السطوح.. وهو قافل الباب من جوه المرة دي.
زينب بترجع لورا لحد ما ظهرها لزق في الحيطة وهي بتترعش:
"إياك تقرب.. إياك.. هصوت وألم عليك النجع كله!"
قرب وهو بيقلع ساعة إيده ببطء وعينه حمرا من الغضب.. والرغبة.. والكره..
وقال بصوت واطي يرعب:
"صوتي يا بتاعة الطماطم.. صوتي براحتك.. محدش هينجدك مني الليلة.. الليلة دي هتبقى ليلة دخلة.. بس دخلة غصب هتتعلمي بعدها يعني إيه ياسين الهواري.."
ومد إيده عليها..