
الحلقه السابعة عشر
زاد غضب لمار ونظرت اليه متحديه: اوعى تكون فاكرنى هابله وهصدق كلامك، ايه غرضك من اللى بتعمله ده؟ اوعى تكون مفكر انى هصدق انك ممكن تكون مشاعرك اتغيرت بالسرعه دى؟ ممكن تفهمنى انت بتعمل كده ليه ؟
نفخ رعد ونظر اليها مستأ: مينفعش مثلا اكون بحبك، مينفعش اكون عايز اكمل حياتى معاكى، هو لازم يكون فى سبب تانى .
جزت على اسنانها ورمقته بنظره مستنكره: اه لانك رعد مش حد تانى، رعد اللى اتدبس فى جوازه عشان ينتقم منى، تفتكر ممكن يتغير ويحبنى؟ بعد ما علقته قدام ماما واخواتى البنات؟ رعد انا وانت فاهمين بعض كويس قوى فبلاش نضحك على بعض.
قصدت ان تذكر تعليقها له لتغضبه اكثر، فهي تريد ان تخرج الحقيقة من داخله،
جز على اسنانه وابعد حدقتيه عن خاصتها: يعنى انا بقولك بحبك تردى عليا بالكلام ده انت ايه معندكيش احساس .
تنهدت وبللت شفتيها: فعلا معنديش احساس عارف ليه؟ لانى فرجتك على كل الصور، واتعمدت اجيب الصور اللى فيها رجاله اغراب، بس للاسف انت معلقتش، ملفتش نظرك حد منهم، حتى مسألتش مين دول .
تفاجأ وصدم فهو بالفعل رأهم بالصور لكن لم يهتم بهم، شعر ان قد اخفق كيف لم يفكر فى هذا قبض على يده ونظر لها غاضبا: هو عشان بثق فيكى ابقى وحش، لازم اغير عليكى هاه لازم اشك فى اخلاقك، لمار انا مش شخص تافه عشان افكر بالطريقه دى، انا واثق من نفسي كويس قوى، وواثق منك كمان .
سكتت للحظات فهى لا تشعر بالحب فى نظراته، ولا حتى تصدق اى من كلماته اغمضت عينها وفتحتهم وزفرت مرددة: ماشى هصدق كلامك،( واكملت فى عقلها) بس ياريت تكون صادق .
فكر انه لو قبل الامر قد يزاد شكها به فعبس محتدا: يا سلام بالبساطه دى انت اتهمتينى بتهمه بشعه، ومش هسامحك ابدا وانا ماشى، وياريت قبل ما تقولى الكلام تفكرى فيه .
وهم ليخرج فامسكته من ذراعه ونظرت الى عينيه: انت كمان لازم تعذرنى، انى مش بسهوله ممكن اصدق، ان الكره اللي فى عينك ممكن يتحول لحب، ان جبال الجليد اللى بنا ممكن تدوب بالبساطه دى وتتحول لشاطئ الغرام .
توقف مكانه مصدوما كيف رأت هذا بعينه ونظر اليها وبلع غصة في حلقه: كره انت كنتى بتشوفى كره فى عنيا وانا ببصلك ؟
اخذت نفس وزفرته ونظرت اليه بألم: ايوه ولحد دلوقتى مهما حاولت تداريه بشوفه، عارف انا عمرى ما كرهتك، رغم كل اللى عملته معايا واسلوبك الفظ جدا، بس كنت بديك عذر فيه، لكن لما اتغيرت وبقيت تقولى انك حَبيب، حاولت اصدقك لكن عنيك فضحتك، استنيت قولت يمكن اكون فاهمه غلط، لكن يوم الفرح مشوفتش فى عينك الحب اللى كنت بتمناه .
حاول ان يتحدث وينكر فاشارت بيدها رافضه: ارجوك بلاش تكذب تانى، خلى اللى بينا ينتهى ولسه فى بينا شوية احترام .
جز على اسنانه ونظر لها معاتبا: انتِ كده بتظلمينى وكمان مش عايزه تسمعينى .
تنهدت والقته بنظرة تمتلاء بالحسرة: اتمنى فعلا انى اكون ظلماك، عارف لما طلبت منى اننا ناخد فتره ونقرب من بعض، فرحت لانى ديما كنت اشوفك كبير قوى فى نظرى، اشوفك راجل بجد،( تجمعت الدموع في عينها لكنها ابت ان تتركها تنزل) وعشان كده لما كنت بتدخل اوضتى مكنتش بخاف منك، لاني متأكده انك راجل بجد، راجل ممكن احبه واتحما فيه يكون امني واماني، سكني ومكاني، لكن لما قلبت وبقيت تقول كلام حلو، كنت ببص فى عنيك ادور عليه، ملاقهوش فهمت انت بتفكر فى ايه، بس وقتها يا صاحبى زعلت عليك قوى، واتمنيت انى اكون غلطانه، بس لما فرجتك على الصور، لقيتك حتى مسألتش مين دول، فهمت انها مجرد لعبه، الغيره جزء من الحب ملهاش علاقه بالثقه .
سكت لم يجد ما يقول فقد فهمت لعبته، كان يظنها فتاه تافه تتشبه بالرجال، لكنه علم انها افضل من بعض الرجال، اغمض عينه وفتحها وقال: انا مش هرد عليك بس همشى دلوقتى لان مفيش كلام يتقال خلاص، انتِ تهمتينى تهمه بشعه ورفضتى تسمعى دفاعى، يمكن الايام تثبتلك صدق كلامى .
ورمقها بنظره معاتبه وخرج، استأذن من والده بحجة ان احد اصدقأه لديه مشكله وعليه الذهاب فورا، ظلت هى بغرفتها حزينه تتمنى ان تكن مخطأه ويكن صادق، نزلت شهندا جلست بالكرسي بجوار فهد، لم يلحظ عودتها فتحنحت بصوت خافت: واضح ان اللى بيكلمك شخص مهم .
نظر اليها وعاود النظر بالهاتف باهتمام: اكيد طبعا شغلى اهم حاجه عندى ولازم تتعودى على كده .
تعجبت وقد بدى عليها الاستياء: اتعود انك تبقا قاعد معايا ومش معايا .
نفخ ولم ينظر لها عابسا: بصى ده شغل ومينعش اسيب شغلى عشان كلام فاضى، وبعدين انتِ هتروحى فين يعنى .
اخذت نفس وزفرته عابسه بكلمات تمتلاء بالوجع: عندك حق منا قاعده .
ونظرت الى الاسفل وهى تشعر بغضب شديد، انهى حديثه فى الهاتف ونظر لها وعاد للحديث عن الطعام وانواعه، حتى انه لم يلحظ غضبها منه، انتهى اليوم وعادو الى منزلهم، نظر مهند الى فهد معاتبا: انت ايه يا بنى انت ده، يعنى البنت تسيبك وتقوم، وانت ولا كأن حاجه حصلت ؟
متاففا بضجر: بقولك ايه مبحبش دلع البنات، وهى لازم تتعود على كده، وبعدين متوجعش دماغى بقا .
عبس عمر مستنكرا: ايه الكلام ده يا بنى دى هتبقا مرتك، لازم تحس انك بتحبها وانها اهم حاجه فى حياتك .
عبس ممتعضا: بقولك ايه يا بابا بلا حب بلا كلام فارغ، انا هتجوزها مش همشى معها، وبعدين مفيش حاجه اهم من شغلى .
رمقه عمر بنظره رافضه: ايه الكلام الفاضى ده يا بنى لاء طبعا مراتك اهم من شغلك اوعى تقول لها كده .
تنحنح مستهزأ: هو بصراحه انا قولت خلاص وبعدين متقلقش هى مش هيفرق معها، انا عارف هى موافقه عليا عشان تبقى مع اخوتها متحطش فى بالك انت بس .
غضب عمر منه وتركه وصعد الى غرفة رعد وجده بملابسه فقال: انت جيت امتى من عند صاحبك ؟
كان شارد وتنبه الي وجوده ونظر اليه : هاه انا لسه داخل .
شعر عمر ان هناك خلاف بينه وبين لمار، وذهابه لم يكن بسبب صديقه كما قال فنظر اليه متسائلا: انت مشيت ليه حصل حاجه بينك وبين لمار ؟
متهربا : لاء ابدا بس صاحبى اتصل بيا كان عنده مشكله فروحت له .
رمقه بنظره مستنكره: يعنى تسيب خطيبتك عشان صاحبك انت قليل الزوق .
اخذ نفس وزفره: لاء هى اللى قالت لى اروح له لما عرفت ان عنده مشكله متقلقش يا بابا .
تاكد ان هناك خلاف بينهم لكنه لا يريد اخباره، فزفر وخرج وهو غاضب يتحدث الى نفسه: انت هتجننى انت واخوك، واحد يقولها الشغل اهم منك، والتانى واضح انه زعلان معاها ومش عايز يقول، عيال يجبو وجع الدماغ .
نفخ رعد ودخل الى الحمام غير ملابسه وهو غاضب، لا يعرف ماذا يفعل، فقد اخطأ مرتين مره في ما فعل، ومره اخرى في تفكيره بها، فهذه المره راها بصورة واضحه، فتاة ناضجه عاقله ليست كما يظن، لكن هذا متاخر لقد خسر امامها، حتى كبرياؤه الذي زأر له لم يستطع ان ينصفه، بل انه دعسه اكثر فبداخله احساس بخزي والعار، وغضب من نفسه يصل الى حد التعنيف،
فى اليوم التالى لم تأتى لمار الى الشركه، تردد لبعض الوقت هل يتصل بها ام لا، واخذ قراره واتصل بها، لحظات واجابته: ايوه يا رعد فى حاجه ؟
تنحنح ببعض الحرج: ايوه مجتيش الشركه ليه ؟
عبست فبداخله يأن من الوجع: مفيش شغل مهم انهارده هاجى بكره ان شاء الله .
زفر عابسا مترددا: اسمعى انا لازم اتكلم معاكى لازم تنسي الكلام اللى فى دماغك ده ...
قاطعته فهي لا تريد ان تطيل في هذا الامر: ماشى هنساه وهعتبر انى غلطانه وهصدق كلامك خلاص كده .
سكت للحظات اخذ نفس وزفره: تعتبرى اه طب بصى احنا لازم نتكلم اجيلك امتى ؟
اغمضت عينها وفتحتها ونفخت : بكره ان شاء الله هاجى الشركه ونتكلم .
هز رأسه: ماشى هستنى لبكره .
انهت المكالمه معه وهى غاضبه تكلم نفسها: هو ممكن يكون صادق ممكن يحبنى ازى وليه مشوفتش فى عينه نظرة حب .
خبطت على فخذها بيدها عدة مرات، امسكت الهاتف ورنت على لولو اجابتها : صباح الورد على الجميل .
حاولت ان تدارى غضبها : صباح الجمال .
شعرت بالغضب بصوتها: صوتك ماله اتخنقتى انت ورعد تانى ؟
زفرت غاضبه: ايوه بس المره دى حاسه انها هتكون الاخيره .
تعجبت: ليه بس ايه حصل انت طول ما انت كنتى هنا كان بيكلمك ويسأل عليكى .
تنهدت متردده: فعلا كان بيسأل ويبعت كلام حلو بس معرفش مش قادره اصدقه، هو ممكن يكون بيبحنى فعلا وانا اللى مش قادره احس بده؟
لم تفهم قصدها مستفسرة: ليه يا بنتى ؟ممكن توضحى كلامك؟
زفرت بغضب: محستش كلامه ولا افعاله وبعدين يا بنتى لو انا وحشاه فعلا ليه مطلبش ولا مره يشوفنى؟
زادت حيرتها قائله: يشوفك ازى يعنى مش فاهمه؟
زمتت شفتيها: انا وانت مش كل اسبوع تقريبا بنكلم بعض صوره عشان نشوف بعض صح .
اومأت بالموافقه بعدم فهم: صح بس ده ايه علاقته بيه ؟
نفخت بضجر : افهمى انتى بتبقى واحشانى وعشان كده ببقا عايزه اشوفك، لكن هو مفرقش معاه يشوفتى، ولما رجعت فكرت هيبقا ملهوف ويجى جرى عشان يشوفنى لكن لاء استنى عادى ليوم الفرح، محستش فى نظراته لهفه عليا، اه كان فرحان بس مش زى ماكنت متخيله فهمانى .
فكرت قائله: مش عارفه ما يمكن يكون بارد فى مشاعره عادى يعنى .
عبست واومأت بالرفض: وانا ايه اللى يجبرنى على واحد بارد يعنى، وكمان مظنش لانه نرفوز وحمقى وده يتعارض مع البرود .
ابتسمت: كلام معقول(مازحتها) خلاص يا ستي افسخى الخطوبه ولا تزعلى يا Maço (ماتشو ).
نفخت مستأه: انت بتهزرى انا متضايقه بجد .
زفرت كوضحه: انا عارفه بس ملوش لزوم تزعلى نفسك، مش عايزه تكملى معاه انهى الموضوع .
زمتت شفتيها ورفعت حاجبيها وفكرت: مش كده انا شاكه انه كان بيمثل عليا عشان ينتقم منى .
استأت لولو من الفكره رافضة: لاء طبعا مش ممكن ده ابن عمك، ولا يمكن يعمل كده، سيبك من الافكار الوحشه دى، وادى نفسك فرصه تقربى منه يمكن مشاعرك تتحرك ناحيته .
زفرت بحيره: مش عارفه مش حاسه كلامه، بحس ان كلامه اقوى من نظراته .
فكرت : طب اقولك انتِ مش كده كده هتبعدى فتره عشان الجامعه، خليها فرصه تانيه ليكى وليه .
هزت رأسها بعدم اقتناع: ماشى اهى فكره بردو، انما انت مروحتيش الشغل ليه ؟
ابتسمت لولو فقد فهمت انها تغير الموضوع: هروح دلوقتى اتأخرنا امبارح فى الشغل وقالو هيروحو النهارده متأخرين، عندنا ضغط شغل واليوم يبقا مزحوم .
ابتسمت: طب خلاص اسيبك تخلصى شغلك .
هزت راسها: ماشى يا ستى وهبقا اكلمك بالليل اطمن عليكى .
انهت لولو معها المكالمه واستعدت وذهبت الى الشركه، كانو يجلسون جميعا
فى غرفة الاجتماع، وفجأه انقطع النت ودق الباب دخلت احد العاملات قائله: نعتذر منكم لقد اتصلت شركة الاتصالات وقالت النت قد فصل، بسبب عطل وسيتم اصلاحه خلال ساعات .
نفخت جولناى مستأه: ماذا لا يمكن يجب ان نرسل هذه التقارير .
العامله باسف: نعتذر لا يوجد بديل الان .
اشار لها ايفى لتخرج ونظر الى جولناى مهون عليها: لا تصعبى الامر هيا بنا على المنزل، النت هناك جيد ننهى هذا العمل ونعد .
هز جيهان راسه: معك حق هيا بسرعه لا داعى لتضيع الوقت .
قامو جميعا وذهبو الى المنزل، وظلو يعملو على الحواسب حتى المساء، وقفت جولناى تحرك يديها يمينا ويسرا بارهاق: اشعر بتعب شديد اريد ان نرتاح قليلا .
اغمض جيهان عينه وفتحها ونفخ بتعب: معاكى حق لقد تعبت جدا هيا نرتاح قليلا .
ايفى رافضا: يكفى الوقت الذى اضعناه فى تناول الطعام، بقى القليل ننهيه وسنرتاح جميعا .
تأوهت جولناى برفض: لاه لا استطيع لم اعد اتحمل ناخذ راحه لبعض الوقت ونعد الى العمل .
تنحنحت لولو بحرج: اذن فل اذهب انا كى لا يتأخر الوقت .
جولنار رافضه: لا يمكن لم ينتهى العمل ويجب ان ننهيه اليوم، ابقى وساوصلك بالسياره لا تقلقى .
ابتسمت لولو: لست قلقه ولكن يبدو انه سيأخذ وقت طويل .
ابتسمت جولناى: لا تخافي يا بنت لن نتاخر كثيرا .
هزت رأسها بالموافقه، قام جيهان مردفا: سأعد بعض القهوه هل اعد لكم معى .
اجابه الجميع بنعم، اعد القهوه واحضرها لهم، اخذ كل منهم كوبه وبدأ يرتشفه، لاحظت جولناى على لولو الشرود وهي تجوب المنزل بحقتيها لكزتها بخفة في ذراعها مردده: ماذا هل اشتقتى الى المنزل .
ابتسمت بشوق: حقيقة نعم .
ابتسمت بسعاده: اذا فلتعودى وتعيشى معنا به ؟
تنهدت لولو بحزن: لم يعد ينفع .
زفرت جولناى عابسه: كما تريدين .
انتهو من شرب القهوه وعادو الى العمل، وبعد بعض ساعات انهوه وقفت جولناى هاتفه: الحمد لله اخيرا انتهينا .
وقف جيهان يحرك يديه متمطعا: لم اظن اننا سننتهى اليوم .
اسند ايفى رأسه على ظهر المقعد بأرهاق: حقا لا اصدق اننا انتهينا الحمد لله .
نظرت لولو بالساعه وفزعت: ماذا الساعه الواحده كيف ذلك لقد تأخر الوقت جدا اوف ياااه .
ابتسمت جولناى: مارايك ان تبقى معنى غرفتك مازلت موجوده نامى بها اليوم .
فكرت وزفرت ببعض التردد: لا اعرف لدينا عمل مبكرا .
فرح ايفى لكنه ظل صامتا كى لا ترفض، اقتربت منها جولناى وامسكت معصمها: هيا ادخلى ارتاحى ونحن ايضا سنصعد لننام كى لا نتاخر فى الصباح .
فكرت قليلا زمتت شفتيها فهي ايضا تريد ذلك: امرى لله افضل وخلاص بدل ما اتاخر الصبح على الاجتماع .
همست جولناى فى اذنها: لما تتكلمين بالعربيه ؟
نظرت لها ووضعت يدها على ثغرها بخجل: اعتذر لم الحظ ذلك .
همست لها مره اخرى : اخبرك سرا .
فاومأت برأسها نعم فأكملت: ايفى وجيهان يتعلمان العربيه منذ فتره واظنهم فاهمو ما قولتى .
تفاجاة وعضت على شفتها السفلى وقد احمر وجهها خجلا: ماذا ؟! ولماذا لم يخبرنى احد ؟
ابتسم جيهان: اردنا مفاجأتك .
تنحنح ايفى ونظر الى عينها: اردت ان اتفهم كل كلمه تقولينها .
ارتبكت ونظرت بعيدا واكل الخجل وجهها: تمام سادخل انام الان تصبحون على خير .
وتركتهم ودخلت الى غرفتها مسرعه، واذا بالباب يدق : انا ايفى هل يمكن ان ادخل ؟
زاد ارتباكها اخذت نفس وزفرته بصوت متحشرج: ادخل .
فتح الباب ووقف عند الباب ونظر الى عينها: هل يمكن ان اخذ ملابسي ؟
تعجبت : وما الذى اتى بملابسك هنا ؟
ابتسم بسعاده وعينه ماتزال بخاصتها: اردت ان اكن بمكان به رائحتك .
ارتبكت ونظرت بعيدا واشارت له بالدخول، ابتسم اخذ بعض الملابس وقبل ان يخرج وضع لها بعض الثيال على السرير: هذه ملابس يمكنك ارتداؤها لتنامى ان اردتى .
وخرج مسرعا اغلقت الباب ونظرت بهم، وجدتها ملابسه فاحتضنتها بسعاده، واغلقت الستائر وغيرت ملابسها ونامت، استيقظت على صوتهم بالخارج فظنت انهم يستعدو للذهاب، فغيرت ملابسها مسرعه وخرجت، وجدتهم يصلون معا جماعه تجمدت مكانها للحظات، لا تعرف هل ما تراه حلم ام حقيقه، فركت عينها عدة مرات للتأكد انها مستيقظه، انتهو من الصلاه نظرت لها جولناى مردفة: ظنناكى مازلتى نائمه فلم نيقظك .
ابتلعت ريقها وقالت بكلمات متقطعه : هاه ااااص ل انا كككك نت فاكركم هتنزلو .
ضحك ايفى فهو يتفهم صدمتها: ماذا بكِ ما كل هذه الصدمه، انسيتى نحن مسلمون .
هزت رأسها بذهول وقلبها يتراقص: عارفه بس مكنتش اعرف انكو بتصلوا .
ضحك ايفى: الحمد لله تعلمنا الكثير الفتره الماضيه .
ابتسم جيهان: نحن نصلى فى المسجد لكننا تأخرنا اليوم، وفتنا الفجر بالمسجد فقررنا ان نصلى هنا جماعه .
نظر ايفى لها بحب: ونذهب الى دورس الدين وقد تغيرنا كثيرا .
جولناى بحرج: الحقيقه ان هذه هى المره الاولى لى، وجدتهم يصلون جماعه قلت لاشاركهم، فقد اتعلم انا الاخرى واصبح مثلكم .
تنهد ايفى ونظر الى عين لولو:والفضل بعد الله لكِ فانت كنتِ سبب فى ذلك .
لم تجد ما تقول وامتلاءت عينها بالدموع فهى لم تتخيل ان يحدث هذا، تعجب ايفى مستنكرا: لما تبكين هل احزنك ذلك ؟
تساقطت الدموع من عينها فمسحتها
وابتسمت وعينيها تلاءلاء فرحا: لا بل هذه دموع الفرح انكم تغيرتم وعدتم الى الطريق الصحيح ثبتنا الله واياكم .
اخذ نفس وزفره فقد هدأ قلبه: افزعتينى يا بنت اوف( اكمل في عقله) الا يكفي ألمي لهذا الفراق المؤلم.
ابتسم جيهان: الله الله انتم اعجب الناس تحزنو تبكو تفرحو تبكو ماهذا .
ضحكت جولناى مازحة: هذه مشاعر يا هذا الا تفهم بها .
عبس جيهان مشاكسا: انا كلى مشاعر يا بنت .
ضحكو جميعا وصعدا جيهان وجولناى لتغير ملابسهم للاستعداد للذهاب الى الشركه، ودخل ايفى الى غرفة لولو فملابسه بها، وجد الملابس التى اعطها لها على السرير، ويبدو انها قد ارتدتها فرح جدا واخذهم احتضنهم وقبلهم، وعبأ صدره براحتها وهو يستنشقها بعشق وهيام، وضعهم بخزانته وغير ملابسه وخرج، وجدهم ينتظرونه تحركو جميعا، وذهبو الى الشركه كانت لولو سعيده جدا، لكنها لم تحاول التحدث معهم فى اى شئ، وفى المساء بعد ان عادت اتصلت ب لمار لتتحدث اليها، لحظات واجابتها: كده تنسينى ومتكلمنيش امبارح ايه الحركات دى ؟
ابتسمت بكلمات تفوح من الفرحه: معلش حصلت حاجات كتير ونسيت استنى هحكيلك .
وقصت عليها كل ماحدث فرحت جدا: بجد فرحتينى جدا باركلهم نيابة عنى .
مازحتها: وانا مالى لما تيجى ابقى بركى لهم بنفسك يا Maço(ماتشو ) .
ضحكت: بردو Maço ماشى يا ستى عموما خلاص كلها اسبوعين وهنيجى، الدكتور قبل متابعة الرساله بتاعت يزيد .
هزت رأسها بسعادة: يعن يزيد هيجى معاكى، انما قوليلى عملتى ايه فى موضوع رعد ؟
عبست ضجره: ولا حاجه مروحتش النهارده اتحججت انى تعبانه .
نفخت عابسه: خلصى يا بنتى الهروب مش حل ومش طبعك .
تنهدت بحيره: فاهمه بس مش عارفه ( تاففت ) بصى سيبها على الله .
عبست: ونعم بالله عموما انت حره .
ابتسمت مازحة: طبعا منغير ما تقولى منا Maço(ماتشو ) .
ضحكت وظلتا تمزحا معا لبعض الوقت وانهت المكالمه، رن هاتفها نظرت وجدته رعد زمتت شقتيها واجابته: ايوه يا رعد .
عابسا: انا تحت ممكن تنزلى ولا اطلع لك فوق .
صدمت اخذت نفس وزفرته: ايه تحت فين ؟
ابتسم بضيق: يعنى هكون فين فى بيتكم جيت مع عمى عشان اطمن عليكى مش قولتى تعبانه .
ترددت : خلاص اطلع .
انهت المكالمه واخذت نفس وزفرته، دق الباب ودخل نظر لها: مالك الف سلامه عليكِ ؟
ابتسمت بحرج: مفيش تعب عادى صداع بس حسيت انى مش هقدر اشتغل .
جزب كرسي المكتب وجلس امامها: صداع ولا بتهربى من الكلام معايا ؟
نظرت اليه: لاء مش بهرب بس بدى نفسي وقت افكر عشان اخد قرار صح .
نظر الى عينها مازحا: انت خايفه تحبينى ولا ايه ؟
تنهدت: لاء طبعا مش ده اللى مخوفنى، يمكن لو كنت حسيت بحبك، مكنش بقا فيه مشكله اصلا، بالعكس .
اغمض عينه وفتحها ونظر الى عينها: انا مش فاهم اعمل ايه عشان تحسي انى بحبك بجد .
نظرت الى عينه: خلى عنيك تقولها عشان تبقا خارجه من قلبك، لان العيون مش بتكدب، انا صحيح كنت ولد بس عندى قلب وبيحس .
نظر بعيد ونفخ فرغم انه يتفهم سبب شعروها الا عقله لم يستوعب الامر: وليه مش حاسس بحبى ؟
اخذت نفس وزفرته: بالظبط هو ده مش شايفه الحب اللى بتتكلم عنه، يمكن تكون المشكله عندي،(فكرت) اسمع احنا نبدأ من جديد نرجع اصحاب، ونسيب الحب ده جه يبقى كان بها مجاش خلاص نفضل اصحاب وولاد عم .
فكر انه حل جيد فهو ايضا ولم يعد يريد الانتقام منها هز رأسه: موافق يا ستى خلاص اتفقنا ولا اقول ياصاحبى احسن .
ابتسمت فقد شعرت ان حملا قد ازيل عنها، وقالت: ماشى يا كبير يالا ننزل تحت بقا نتغدى معاهم .
اتسعت ابتسامته واشار بيده: ماشى يا صاحبى يالا بينا بس بلاش كسل بقا وتيجى الشغل بكره .
ضحكت: ده انا هاجى بكره انا واخواتى البنان كمان، وهنتظم الاسبوعين اللى باقين، لان خلاص هسافر عشان الحامعه .
عبس: هتسافرى لوحدك ؟
ابتسمت بسعاده: لاء يزيد هيجى معايا يعمل دراسات عوليا هناك .
اومأ بالموافقه: اه كده ماشى يالا .
نزلا الاثنان معا، وفى اليوم التالى ذهبت الى الشركه هى واخوتها مع يزيد، دخلت شهندا مع لمار الى مكتبها هى ورعد،
وشهد مع يزيد الى مكتبه هو ومهند، كان سعيد جدا بقدومها، ارت لمار شهندا المكتب مردفة: ايه رأيك بقا فى مكتبنا ؟
ابتسمت باعجاب: جميل بس ليه كل اثنين فى مكتب ؟
ابتسمت مازحة: توفير للمكان يا ستى .
دق الباب ودخل البراء: انا اسف مكنتش اعرف ان فى حد هنا .
ابتسم رعد وهو يشير على شهندا: مفيش مشكله دى شهندا اخت لمار اه ما انت محضرتش الافتتاح كنت شوفتها .
زمت شفتيه حزينا: ماما تعبت يومها ومقدرتش اجاى .
لمار موضحة: شهندا هتبقا من المتدربين هنا فى الشركه بامر الله .
نظر لها البراء بأعحاب فقد لفتت نظره منذ دخوله: تنور شركتنا .
هزت رأسها مع ابتسامه خجله: منوره بأصحابها .
مازحتها لمار: ماشى يا ستى ما انت من اصاحبها .
وضع البراء بعض الاوراق على المكتب: ده الورق بتاع الشركه التانيه راجعه الاول .
رعد وهو ينظر على الورق: تمام .
نظر البراء الى شهندا وابتسم مرحبا: انا سعيد جدا بمعرفتك عن اذنكم .
وتركهم وخرج ولم يرفع عينه من على شهندا، حتى خرج مما اشعرها بالخجل الشديد، لاحظت ذلك لمار لكنها لم تعطى الامر اهتماما، اما رعد كان مشغول بالاوراق ولم يلاحظ شئ، ظلت معهم لاخر اليوم وكان كلما دخل البراء، لمار تلاحظ نظراته لشهندا، ورغم انها تضايقت من ذلك، لكنها شعرت بالسعاده، فهى لا تشعر ان امر زوجها من فهد سيكتمل، وفى نهاية اليوم قبل ان يذهبو الى المنزل سألت شهندا : هو فهد مش بيجى الشركه هنا ؟
اجابها رعد بضيق: لاء قليل لما يكون عايز حاجه تخص الجم بتاعه بس، وكمان هو مش فاضى النهارده قولتله انك جايه، بس فى تدريب مهم مينفعش يسيبه .
هزت رأسها بالموافقه دون كلام وتذكرت ما قاله ان عمله اهم منها، عادو جميعا الى المنزل، وكانت شهندا تشعر بالحزن فهى كانت تظن انه سيأتى، لكنها شعرت انه لا يحبها وهذا الامر يضايقها، لكنها خائفه من ان تخبر والدها فيرفض ان ينهى الامر معه، ويجبرها ان تكمل معه، وظلت تفكر فى الامر لعدت ايام حتى اتى الى زيارتهم هو ومهند، لكنه لم يمكث كثيرا وذهب متعللا ان هناك عمل مهم لديه، فقررت ان تحكى ما بداخلها لوالدتها فقد تساعدها، فى اليوم التالى بعد ان ذهب والدها دخلت لها غرفتها وجلست تتحدث معها: ماما انا عايزه اتكلم معاك فى موضوع مهم .
ماجده : قولى يا حبيبتى موضوع ايه ده ؟
اخذت نفس وزفرته ببعض التردد: انا عايز اسيب فهد .
صدمت ماجده : .....
الحلقه الثامنه عشر
ماجده : قولى يا حبيبتى موضوع ايه ده ؟
اخذت نفس وزفرته ببعض التردد: انا عايز اسيب فهد .
صدمت ماجده مستنكرة: ليه كده يا بنتى ده انتو لسه مخطوبين من فتره صغيره .
بلعت غصة في حلقها: فهد مش بيحبنى بيتعامل معايا ببرود شديد .
حزنت ماجده لاجلها فهى تلاحظ طريقته فى التعامل معها، لكنها تامل ان يتغير فيما بعد ففكرت ان تحاول تخفيف الامر: يمكن ده طبعه يا بنتى .
بللت شفتيها وفركت يديها ببعض: لو ده طبعه يبقا انا مش عايزه، ولو مش طبعه يبقا بيعملنى كده ليه؟ لو مش عايزنى جه خطبنى ليه ؟ حاسه انى مش فارقه معاه، مجرد واحده تخدمه وبس .
اخذت ماجده نفس وزفرته وهزت رأسها: طب يا بنتى انا هكلم ابوكى واقوله يكلم اخوه ويشوف الموضوع ده .
هزت راسها بخوف وقالت مترجيه وقد تجمعت الدموع في حدقتيها: بس متخليش بابا يجبرنى اتجوزه انا مش ممكن اتجوز غصب عنى .
نظرت لها مستنكره وربتت على يدها محاولة طمانتها: ايه الكلام ده ابوكى مش ممكن يعمل كده، ولا انا ممكن اوفق على حاجه زى دى متخافيش، انا بس مش عايزه اننا نتسرع يمكن مكسوف محرج، اهو لما ابوكى يكلم اخوه هيفهم وتبان الحكايه .
هزت رأسها دون كلام فهى خائفه من رد فعل والدها، وفى المساء عندما عاد ياسر جلست معه، نظرت اليه متردده، فلاحظ الامر: ايه مالك فى حاجه عايزه تقوليه ؟
ترددت: بنتك عايزه تفسخ خطوبتها .
اومأ برأسه ونظر لها مردفا: شهندا صح ؟
تعجبت: ايوه فعلا انت خدت بالك من طريقة معملته معها ؟
هز راسه وهو يقول فى عقله: هو مش انا ده هشام امبارح فى الجلسه، لاحظ تعامله معها ببرود يوم الشبكه، وحذرنى وانه ممكن يعمل مشكله .
اكملت مستاه: طب وهتعمل ايه ؟
اخذ نفس وزفره: بكره هكلم عمر فى الشركه، وهخليه يتكلم معاه ويفهم منه ايه المشكله .
هزت راسها: افضل كده برده انا قولتها تصبر لما تكلمه .
وفى اليوم التالى كان يجلس هو وحازم وعمر، استغل فرصة خروج حازم لامر ما وتحدث اليه واخبره بالامر، طلب منه عمر ان ينتظر حتى يتحدث الى فهد ويفهم منه الامر، وفى المساء جلس معه وبدأ يتحدث اليه: قولى يا فهد اخبار العلاقه بينك وبين شهندا ايه؟
تعجب من سؤاله لكنه اجاب بفتور: تمام احنا كويسين .
تردد: اقصد يعنى بداتو تاخدو على بعض مشاعرك اتحركت ناحيتها .
نظر اليه مستأ: بابا انت بتسال ليه، عمرك ماكنت بتسأل فى الحاجات دى ؟
زفر ممتعضا: عادى يا بنى بس يعنى مش بشوفك تكلمها باليل زى اخواتك، وحتى لما بنروح مبحسش انك ملهوف عليها زيهم، ولا حتى مهتم بيها .
امتعض وجهه وتحدث ببرود: بابا انا بتجوزها جواز عقلانى يعنى مفهوش حب وكلام فاضى وانا عايز كده .
نظر اليه مستنكرًا: ايه الكلام الفاضى ده؟! حتى لو جواز عقلانى بيبقا فى بينكم موده ورحمه والحب بيجى على مهله .
مستهزأ: مش فارق معايا يجى او ميجيش، انا عايزه واحده تسمع كلامى وبس منغير مناقشه ولت وعجن .
نظر اليه غاضبا محتدا: يابنى ماهى مش هتسمع كلامك الا بالموده والمحبه والرضا .
عبس غير مباليا: هتسمعه سواء بالرضا او من غيره، انا معنديش استعداد للحب والكلام الفاضى ده .
نظر اليه وزاد غضبه ناهرا: يابنى هو الحب كلام فاضى، وبعدين دى هتبقا مراتك، وامال انت هتتجوزها ليه ؟!
تافف بضجر: عشان لازم يبقا ليا زوجه وبيت، وبعدين انا قولتلك انى مختارها هى بالذات، عشان هاديه ومطيعه وده اللى يهمنى، موضوع الحب ده مش مهم يجى مايجيش مش مهم .
جز على اسنانه رافضا: لو اعرف كده مكنتش خطبتهالك من الاول، يعنى البنت عندها حق تشتكى منك .
نظر اليه مستنكرًا: هى اشتكت كمان تمام، وانا اللى مستغرب انك بتسأل هى هتبدأها من الاول، متقلقش يا بابا انا هظبت معها الدنيا( اكمل فى عقله ) لازم تتعلم تتعامل معايا ازى .
وتركه وصعد الى غرفته وهو غاضب، كان مهند واقف ولاحظ غضبه، فكر ان يصعد خلفه لكنه تراجع، فهو من البدايه لم يكن يريده ان يخطبها، لانه يفكر بطريقه خاطئه، راه رعد يقف شارد فاقترب منه وضع يده على كتفه: مالك واقف سرحان كده ليه ؟
نظر مهند اليه حزينا: مفيش كنت بفكر فى اخوك فهد، ودماغه اللى مش عايزه تتغير .
مازحا: هو انت عايزنا كلنا نتغير مش كفايا انت .
ابتسم ورمقه بنظرة واثقه: بس انت كمان اتغيرت حاسس ان طريقة تفكيرك اتغيرت .
اخذ نفس وزفره واومأ مبتسما: ده حقيقي بنت عمى علمتنى درس عمرى ماهنساه .
اتسعت ابتسامة مهند: اتمنى انك تعرف توصل لقلبها وتخليها تحبك .
زفر يائسا: للاسف الوقت اتأخر والموضوع خلص هى مسألة وقت وتنتهى القصه .
تلاشت الابتسامه من على وجهه حزينا: ليه كده اوعى يكون بسبب موضوع زياد؟
نظر اليه متعجبا: هى شهد حكتلك ؟
ابتسم بسعاده: ايوه انا وهى مش بنخبى حاجه على بعض .
نظر اليه متحديا: وحكيت لها عن البنت اللى انتحرت بسبب حبها ليك، واللى كانت سبب فى التغير الكبير اللى حصل ليك ؟
تنهد بحزن وابتسم: ايوه طبعا كان لازم اعرفها كل حاجه عنى، تعرف انى بدعى لها ديما فى كل صلاه، لانها كانت سبب تغير حياتى كلها .
نظر اليه متعجبا: تقصد البنت اللى انتحرت؟
هز رأسه بالم: ايوه لان لولا انتحرها، كان زمانى زي منا ولد تافه، فرحان بلمة البنات حوليا، وكل ما واحده منهم تحاول تلمح لى بحبها، اقولها انها مجرد صديقه، وانى لس ملقتش الانسانه اللى احبها، تعرف لما انتحرت البنت دى فوقتنى، وخلتنى اعرف ان حكايات اننا اصحاب بس، دى اكبر كدبه الشباب بيضحكو بيها على عقول البنات، ويستغلو مشاعرهم ويلعبو بيهم .
نظر اليه مستنكرا: بس دى مش غلطتك لوحدك هما كمان غلطانين واكتر منك كمان .
زمت شفتيه وزفر: ده حقيقى انا لا بعفيهم ولا بعفى نفسي من الغلط، بس الحمد لله انى فوقت فى الوقت المناسب، ورجعت عن اللى كنت فيه، لكن فهد مش عايز يتغير للاسف وده اللى مزعلنى .
ربت على كتفه وزمت شفتيه: سيبه بكره الايام تفوقه .
وتركه وصعد الى غرفته وهو يفكر فى كل ما حدث معه، وكيف انه فى وقت من الاوقات كان قد شعر ان قلبه قد مال الى لمار، لكن كبره وعنده جعله يتجاهل هذا الشعور، وفكر فى استغلال سر قد اخبرته به لإلمها، وكيف انه شعر انه صغير جدا امامها، عندما كشفت خطته الدنيئه،وكان حله الوحيد ان يتصنع انه يحبها، كى لا يظهر امامها كم هو نذل وجبان، فحتى بعد ان عنفه صديقه اصر على اكمال خطته، رغم الصراع الذي كان داخله، فعنده كاد يوقعه في بئر لم يكن يستطع الخروج منه، لولا انها كشفته كان قد استمر بها، جلس حزينا فقد اضعها منه، لم يعد هناك مجال لان يستطع ان يدخل قلبها فقد انتهى الامر بينهم، ومحاولته اقناعه انه يحبها ماهو الا للحفاظ على علاقتهم كأقارب فقط .
وبعد مرور يومين ذهبو لزيارتهم فى المنزل، وتوديع لمار قبل سفرها هى ويزيد، جلس الجميع فى البهو بجوار الشرفه، وبعد الترحيب والسلام قام عمر وياسر ودخلا غرفة المكتب بحجة العمل، استأذن مهند ليدخل هو شهد الى الشرفه، فقامت شهندا معاهم، فالمعتاد ان يذهبا هما الاخران معهم، لكن فهد اشار لها بالبقاء دون ان يلتفت لها، قامت ماجده لترى الطعام، وخرج يزيد يتحدث فى الهاتف، فقام ياسر وامسك الهاتف واتصنع انه يتحدث فى الهاتف بالقرب من باب المكتب،ليتابع ما يدور بينهم، جلست شهندا متعجبه ونظرت له مستفهمة: فى حاجه يا فهد انت من ساعت ما جيت وانت بتتعامل معايا اصلا بشكل غريب .
نظر اليها غاضبا ومعنفا: ايوه طبعا انت ازى يا هانم تشتكينى لبابا، وقال زعلانه عشان مش بقولك كلام حب، ايه التفاه اللى انت فيها دى ؟
صدمت من كلامه اخذت نفس وزفرته مردفة: تفاه انى عايزك تقولى كلام حب امال انت هتتحوزنى ليه؟
زفر متاففا ببرود: هتجوزك عشان انت بنت مؤدبه ومحترمه، وملكيش فى المسخره والكلام الفاضى ده .
نظرت اليه مستنكره: الحب مش كلام فاضى، ولا مسخره مدام بين اثنين متجوزين، ده شرع ربنا حلله .
نظر اليه ضاجرا بامتعاض: يبقا لما نتجوز يبقا يجى الحب، انما دلوقتى لسه بدرى عليه .
نظرت الى الجه الاخرى وعاودت النظر اليه عابسة: انا مطلبتش انك تقولى كلام حلو، انا بس قولت تتعامل معايا بأسلوب حلو مش اكتر، وبعدين ايه الطريقه اللى بتتكلم بيها معايا دى .
نظر لها ناهرا: انا بعقبك عشان متعمليش كده تانى، عشان تتعودى انك متبصيش لحد، وكمان اللى بينى وبينك محدش يعرف بيه، انما اللى حصل ده لو اتكرر تانى رد فعلى مش هيكون كويس .
نظرت اليه وقد اشتعل وجهها بالغضب: هتعمل ايه هتضربنى، يالا قوم اضرب منا حيطه مياله بابا هزقنى قدام الكل، كده بقا انا فهمت انت خطبتنى ليه .
ابتسم ببردو مؤكدا: ايوه انا خطبتك عشان كده، انا مش عايز واحده تتناقش معايا وترد عليا، تنفذ كلامى وبس، ولازم تفهمى ده كويس، عشان اللى حصل ده ميتكررش تانى .
فقامت واستجمعت شجاعتها خلعت الخاتم من يدها، فهي لن تقبل الاهانه مرة اخرى
وضعته امامه محتدة: اتفضل يا استاذ دبلتك اهيه، اللعبه اللى جاى تاخدها مش انا، ولو فاكر انى هقبل انك تتحكم فيا تبقا غلطان، البنت الضعيفه المكسوره اللى شوفتها هناك في بيت جدك، خلاص انتهت من زمان، ومش هسمح لحد انه يكسرنى ابدا .
زاد غضبه ونظر لها محذرا: بقولك ايه تكونيش فاكرنى عيل سيس، وهترسمى نفسك عليا، منا عارف اللى فيها، وبلاش تعملى لنفسك كرامه على حسابى، هاه مش انا اللى يتعمل معاه كده، والدبله دى زى ما قلعتيه هتلبسيها لوحدك .
نظرت اليه بغضب وامتلاءت عيونها بالدموع فهى تعرف ما يقصده، اخذت نفس وزفرته ابتلعت غصة في حلقها: دبلتك عندك ولا انت ولا دبتلك تلزمنى .
اتت ماجده على صوت شجارهم محاولة تهدأتهم: اهدى يا بنتى بس ونتكلم بالراحه، ايه اللى حصل يا بنى فى ايه .
نظرت اليها وهى ترتجف وعينيها جاحظه: اسفه يا ماما هو مخلاش حاجه ابقا عليها .
اتى يزيد هو الاخر ونظر لها داعما: انتِ صح وهو لازم يعرف انك مش لعبه هيتحكم فيها زى ماهو عايز .
نظر اليهم فهد غاضبا: ايه الكلام الفاضى ده اندهى لعمى يا طنط، عشان يديها قلمين يفوقها ويعرفها حجمها .
سمع ياسر كل ما دار بينهم، وفهم حجم ما فعله بهم، شعر انه هو من كسرها، فبدلا من يكن دواءها، اصبح هو سبب مرضها، اعتصر قلبه الما، تحرك نحوهم ولحق به عمر، ارتجفت شهندا وشعرت بالخوف عندما رأت والدها يقترب منهم، كانت خائفه من يكسرها مره اخرى، حتى انها فزعت وتغير لون وجهها، نظر اليها محاولا طمأنتها، ونظر الى فهد محذرا بصرامه: محدش يتحكم فى بنتى ولا يكسرها، واللى ميعرفش قيمتها مياخدهاش، بنتى غاليه قوى واللى ميغلهاش يبقا ميلزمناش، متفتكرش عشان ابن اخويا هسمحلك تبهدلها .
نظر اليه فهد غاضبا مستنكرا: ايه الكلام ده ياعمى، يعنى هى عاشت فى بيتك منغير قيمه وجاى تعملها قيمه عليا انا .
اسرع عمر ونهره وعينيه تشتعل غضبا: اتلم بقا كفايا كده عيب عليك ( نظر الى ياسر ) انا اسف يا ياسر امسحها فيا انا ( نظر الى شهندا ) انا اسف يا بنتى بس يظهر انى معرفتش اربى ابنى .
غضب فهد وخرج مسرعا من المنزل، نظر ياسر الى عمر حزينا: معلش بكره الايام تفوقه .
وضع عمر يده على كتفه: المهم انت متبقاش زعلان ولا انتِ يا بنتى، والشبكه دى هديتنا لها كأعتذار عن كلامه البايخ ده عن اذنكم .
نفخ ياسر غاضبا: شبكة ابنك متلزمنيش خدها معاك، كرامة بنتى بالدنيا بحاله، ( وضع يده على كتفه) احنا اخوات ومهما يحصل مش هنفترق تانى، والايام كفيله انها تداوى الجراح .
هز عمر رأسه وخرج خلف فهد نظر مهند الى ياسر مترجيا: معلش يا عمى انا هروح عشان اشوفهم، بس انا مليش دعوه وجوازى من شهد ماشى .
وخرج مسرعا خلفهم، كان الكل يدارى ابتسامته على موقف مهند وكلامه، حتى شهندا رغم حزنها على ما حدث، لكنها لاول مره تشعر بوجود والدها معها، تمنت ان تجرى عليه وترتمى فى حضنه، لكنها خافت من ان يصدها، رأى هو الاخر هذه النظره بعينها، وتمنى هو الاخر ان يحتضنها، لكنه لم يستطع فهو لا يستحق ذلك، فهو يلوم نفسه لانه تسبب فى ذلك من الاساس، دخلت لمار فهى كانت تجلس فى الحديقه هى ورعد، وعندما رأتهم يخرجون بهذه الطريقه فزعت ورعد لحق بهم بعد ان استاذن، اقتربت لمار من ماجده: فى ايه هو حصل ايه خارجين كلهم يجرو ليه كده ؟
اجاب ياسر بضيق: مفيش حاجه اختك فسخت خطوبتها على فهد .
صدمت من اجابته حزينة: ايه ده حصل ازى ؟
هزت ماجده راسها: مش مهم حصل ازى المهم انه حصل .
ياسر ممتعضا: هو ميستهالش اختك واحنا مشناه والموضوع خلص .
عم الصمت المكان للحظات فالكل متفاجأ من رد فعل ياسر، حتى اقتربت ماجده من شهندا وربتت على كتفها مهدأه: يالا يا بنات اطلعو اقعدو فوق، عشان ترتاحوا .
نظرت لها شهندا وهزت رأسها بالموافقه، اقتربت اختيها منها وصعدن معا، اقترب ياسر من يزيد نظر له وابتسم داعما: برافو عليك يا بنى عايزك ديما تبقا سند لاخوتك، اوعى تيجى على واحده منهم فى يوم فاهم يا بنى .
هز رأسه وابتسم: فاهم يا بابا .
ربت على كتفه مؤكدا: اه وكمان لما تسافر مع اختك متسبهاش هناك لوحدها، خليك معها ومتقلقش على الشغل .
اتسعت ابتسامته: انا مش قلقان بس مش عايز اسيب حضرتك لوحدك، كل ما هلاقى فرصه انى اجى هتلاقونى هنا .
نظر اليه ياسر وابتسم فاحتضنه يزيد، احتضنه ياسر هو الاخر بحنان: هتوحشنى يا بنى بس المهم متسبش اختك .
يزيد بحب: انت كمان هتوحشنى قوى يا بابا انت وماما واخواتى .
ربتت ماجده على كتفه بسعاده: ربنا ما يحرمكو ابدا من بعض .
كانت الفتايات يقفن فى الاعلى وشاهدنهم، دخلن الى غرفتهم، نظرت شهندا الى شهد بحرج وطأطأت رأسها للاسفل، فاقتربت منها شهد مردده: ارفعى راسك انت معملتيش حاجه غلط بالعكس هو ده الصح .
نظرت اليها بحرج: يعنى انت مش هتزعلى عشان هنفترق .
عبست بطفوليه ولكزتها في كتفها: ايه العبط ده احنا عمرنا ماهنفترق ابدا بأمر الله، ديما هنكلم بعض ونكون مع بعض .
احتضنتها بحنان فقد طمانتها: كنت خايفه تزعلى منى .
نظرت اليها معاتبه: متبقيش عبيطه، انت هتتجوزى واحد مش عايزه، عشان منفترقش يبقا منتجوزش احسن وخلينا هنا مع بعض .
مازحتها وهي تغمز لها: هو مهند يقدر .
ضحكتا الاثنتان وتذكرتا مهند وهو خارج، اقتربت منهم لمار واحتضنتهم بسعاده: ربنا ما يفرقكم ابدا هتوحشونى يا بنات .
عبست شهد مؤكده: اعملى حسابك كل يوم تكلمينا نت صوت وصوره مفهوم .
ضحكت: مفهوم بس يالا بقا احكولى ايه اللى حصل لحسن انا مش فاهمه حاجه .
ضحكتا وقصت عليه شهد ما حدث، نظرت لمار الى شهندا مشجعه: برافو عليكى هو ده اللى يستهله المغرور ده .
ابتسمت شهندا فبداخلها ترتجف وغير مصدقه لما فعلت: انا كمان مبسوطه عشان اتغلبت على خوفى، الدكتور هشام قالى لو قدرتى تتغلبى عليه مره واحده، هينتهى تماما والحمد لله قدرت اتغلب عليه .
شهد بسعاده وهي تضع يدها على ظهرها: وبابا كمان دعمك هو ويزيد .
نظرت اليها شهندا فرحه وهي مازلت غير مستوعبه: مكنتش متخيله ان بابا يعمل كده، انا مش مصدقه لحد دلوقتى اصلا خايفه اكون بحلم .
ابتسمت لمار: بابا اتغير كتير مبقاش زى زمان الحمد لله .
ابتسمت شهندا بسعادة تغمر قلبهل: واحنا كمان كلنا اتغيرنا، ( تنهدت ونظرت الى شهد) بس انا فرحانه جدا عشان مهند بيحبك بجد، ربنا بتملكم على .
ابتسمت شهد بخجل واحمرت وجنتيها: امين يارب ويرزقك بواحد يحبك زيه .
مازحتهم لمار مشاكسه: ايه ده ايه انت وهى شغالين تدعو لبعض، ونسيين اختكم الكبيره عيب كده .
ضحكن الثلاثه وظللن معا يمزحن لبعض الوقت، حتى رن هاتف شهد وجدته مهند اجابته بقلق: ايوه يا مهند فى حاجه حصلت ؟
اجابها حزينا: لاء لسه احنا وصلنا البيت بس الكل على وشك الانفجار، قولت اتصل بيكى اطمن عليكو واطمنك عليا، هقفل معاكى بقا عشان سامع صوت بابا هروح اشوف وهبقى اكلمك تانى سلام .
انهى معها المكالمه واسرع اليه، نظر عمر الى فهد غاضبا معنفا: ممكن بقا تقولى ايه اللى حصل خلى البنت عملت كده؟ وازى ترد على عمك بالطريقه دى؟
نفخ غاضبا: الهانم زعلانه عشان بعاقبها على انها شكتنى لك، بس خلاص كده الموضوع خلص ومبقاش ينفع، وبعدين عمى هزقنى وانت بدل ما تجبلى حقى زعلان منى ؟
نظر اليه عمر مستنكرا لم يتخيل انه بهذه العقليه: حق ايه اللى بتتكلم عليه اصلا،انت هزقتنى وخليت شكلى وحش قدام اخويا، وبعدين بأى حق تعاقبها اصلا، ده انت يادوب خطبها مش اكتر، وكمان هى بتشتغل عندك ايه تعقبها دى، يا بنى الجواز لازم يتبنى على الحب والموده مينفعش اللى بتعمله ده ؟
جز على اسنانه ممتعضا: وانا مش هحب عشان متجيش واحده تتحكم فيا، وترفع صوتها عليا كل شويه انا مقبلش ده .
فهم عمر انه يقصده بكلامه، فهم كان دائما يسمعو شجارتهم معا، وكيف كانت والدته تتعصب عليه، وهو لم يكن يغضب منها او ينهرها، زاد غضبه ونظر له وقلبه يعتصر الما عليه: متخيلتش انك تفكر بالطريقه دى، ولا تشوفنى انا وامك بالشكل ده، يابنى انا كنت بتعامل مع امك بالموده والرحمه قبل الحب، لما كانت بتزعق وانا بسبها، ده لانى من وقت متجوزتها وانا عارف انها عصبيه شويه، وانا كنت بستحملها واصبر عليها،وده مش بس لانى بحبها، لاء ده عشان كلنا بنى ادمين، وكل واحد فينا له عيب وان مكناش نتحمل بعض، وكل واحد يصبر على التانى الدنيا هتقف، وبعدين انا كنت قادر اكسرها بس انا محبتش ده، انا عمرى ماكنت ضعيف قدمها، بالعكس ده هى دى القوه الحقيقه، انك تبقى قادر تكسر اللى قدامك، لكن تفضل انك تصبر عليه وتحميه حتى من نفسه، وامكم عمرها ما رفعت صوتها عليا قدام الناس، حتى هنا كان ديما خنافنا فى اوضة نومنا، وبعد كل خناقه ترجع وتعذر، لانها عارفه انى بعملها بالموده والرحمه قبل الحب، وهو ده اللين اللى أمرنا بيه ربنا ووصنا بيه حببنا محمد عليه الصلاه والسلام، يمكن غلطتى انى مفهمتكمش، بس مش معنى كده انكم توصلو لكده، يا خساره يا بنى يا خساره .
وتركه وصعد الى غرفته، اشاح فهد بنظره بعيدًا، فهو لم يقنتع بهذا الكلام، هز مهند رأسه حزينا عليه، وصعد الى غرفته هو الاخر، نظر اليه رعد بكلمات تمتلاء بالعضب: انت زى ما انت مفيش فيك فايده مش عايز تتغير ابدا، نموذج امينه اللى كان فى سي السيد ده نموذج وهمى، من خيال المؤلف وعمره مايكون موجود، فوق يا فهد قبل فوات الاوان .
وتركه وصعد هو الاخر دخل الى غرفته، امسك هاتفه وطلب لمار لحظات واجابت : ايوه يا كبير.
تنهد بحرج:
شهندا عامله ايه دلوقتى ؟
ابتسمت: متقلقش هى تمام وفهد؟
ساخرا بكلمات تمتلاء بالحسره: لاء ده معندوش دم سيبك منه بكره الايام تفوقه، المهم هاجى بكره اوصلكم للمطار .
بللت شفتيها:
ملوش لزوم عشان متعطلش نفسك .
هز راسه مصرا فهو رغم تاكده من ان الامر انتهى الا انه مازال يامل في استعدتها:
لاء هاجى سلام بقا روحى جهزى حاجتك .
ابتسمت: ماشى يا سيدى سلام .
انهت المكالمه واستلقت على سريرها تفكر فى كل ما حدث، فهو يوم غريب لاول مره ترى والدها كأب حقيقي لهم .
يتبع