رواية ماتشو الفصل السادس والعشرون26 بقلم هدي مرسي ابو عوف

رواية ماتشو الفصل السادس والعشرون26 بقلم هدي مرسي ابو عوف
الحلقه السادسه والعشرين
دخلوا من الباب وكان يبدو عليها التعب طوال الطريق امسكت بطنها بتاوه: اه بطنى اه مش قادره اه اه .
فزع جيهان وهو يمسك بها: ماذا ما الامر هيا نذهب الى الطبيب بسرعه .
لمار بألم: لاء مش عايزه هطلع ارتاح شويه وهبقا كويسه اه .
فزعت ماجده: لاء طبعا لازم نروح للدكتور حالا شكلك اصلا تعبان ومش مطمنى .
تحرك ياسر نحوها متلهفا: يلا بينا بسرعه هشلها ونخرج بسرعه .
لمار برفض: لاء انا عايزه اطلع اوضتى ارتاح ولو زاد التعب نروح المستشفى .
عبست ماجده برفض: هو ده فيه عند يا لمار طلما تعبانه نروح نطمن احسن .
لمار وهى تحاول ان تدارى المها: حاضر ياماما بس خلينا بكره الصبح، عشان نروح لدكتوره مضمونه بلاش نروح باليل نطبش .
نفخ جيهان: حبيبتى والدتك محقه لا داعى للانتظار اخاف ان يصبيك مكروه .
ابتسمت لمار: انا بدات اتحسن هطلع فوق انام شويه وان شاء الله ابقى كويسه .
وجدو ان لا فائده من المحاوله معها اكثر من ذلك، هزت ماجده راسها باستسلام: امرنا لله اطلعى ارتاحى بس هتطلعى السلم ده ازى خليكى هنا تحت .
لم ينتظر جيهان رد لمار وحملها: من قال انها ستصعد سأحملها الى الاعلى، ولو احتاج الامر لحملتها عمرى كله .
ابتسمت لمار بخجل وتعلقت برقبته، صعد بها السلم وخلفهم ماجده، وهى تشعر بسعادة لفعل جيهان وحبه وخوفه عليها، وقلبها يعتصر الما وخوفا عليها من ان يصيبها مكروه بسبب عندها، ظل ياسر واقف يراقبهم وامسك هاتفه وهو يفكر يطلب هشام، تردد فهو يعرف انهم جميعا متعبين كيف يزعجهم فى وقت كهذا، وبعد بعض التردد اخذ قراره وصعد خلفهم ليطمأن على لمار اولا، وضع جيهان لمار على السرير وضعت ماجده وسادة صغيرة خلفها: ريحي ظهرك يا حبيبتي وانا هنزل اعملك حاجه تاكليها، شكلك تعبان وتلاقيكي مأكتيش كويس فى الفرح .
اخذت لمار نفس وزفرته: لاء ملوش لزوم انا كويسه هرتاح بس وهبقا تمام .
جلس جيهان الى جوارها وامسك يدها: حبيبتى انتِ متعبة جداً ولم تأكلي جيدا تناولى شيئ ولو بسيط .
تنهدت لمار: حاضر ممكن يا ماما تعمليلى سندوتشين كفته، وتحطي عليهم كاتشب وميونيز ومعاهم كوبية لبن منغير سكر .
تعجبت ماجده من طلبها لكنها لم تعلق، واومأت بالموافقه ونزلت مسرعه، اعدتهم وعادت وضعتهم لها: اهم يالا كليهم واشربي اللبن وهو دافي .
اومأت لمار بالموافقه: حاضر معلش تعبتك معايا.
زفرت ماجده: المهم تبقى بخير .
كان ياسر يقف عند باب الغرفه يتابع ما يحدث من بعيد فاشار لها انت تأتي، اومأت بالموافقه ونظرت الى لمار: طب يا حبيبتى هسيبك ترتاحى انت وجوزك، ولو احتجتي حاجه كلميني انا مش هنام.
ابتسم جيهان: لا تقلقى انا معها.
ترجمة لها لمار ما قال فربتت على كتفه: يارب ديما مع بعض ولا يحرمكوا ابدا من بعض.
تركتهم وخرجت لاحظ ياسر عليها الاندهاش فتسائل: مالك حاسس ان فى حاجه مضيقاكي؟
تنهدت: لمار طول عمرها مش بتحب الكاتشب ولا الميونيز على السندوتشات، واللبن يا بتشربه بقهوه يأما بككاو غريب انها تطلب الاكل ده.
اومأ برأسه مع ابتسامه واسعه: مش يمكن طالبه لحد غيرها.
زاد تعجبها قائلها: تقصد لجيهان يعني؟
وضع يده على كتفها: طالعه ل امها، فاكره زمان لما كنتى والده وقعدت معاكي فى المستشفى، واصريتي اجبلك فراخ مشويه وانا عارف انك مش بتحبيها، وفهمت بعدها انك كنتى جيبهالي عشان مأكلتش من الصبح .
ضحكت بخجل: ياااه انت لسه فاكر ده كان من سنين .
نظر اليها: انا عمرى ما انسى حاجه حصلت بينا يا ام عيالي واحلى حاجه ربنا ادهالي .
ضحكت بخجل: كويس انك فكرتني انزل اعملك حاجه تاكلها، تلاقيك مأكلتش كويس انت كمان .
ضحك: ماشى بس اعملي حسابك انتِ كمان مش هاكل منغيرك .
اومأت بالموافقه ونزلت تحضر لهم بعض الطعام، اما لمار بعد ان خرجا نظرت الى جيهان: هذا الطعام لك فأنت لم تأكل فى حفل الزفاف وساحزن لو لم تأكله .
ابتسم: حبيبتى انا لست جائع اريد فقط الاطمأنان عليكِ، فبحالتك تلك لن نستطع العوده غدا.
اومات بالرفض: لا سنذهب للطبيبة غدا وهى من تقرر، لكن انت عليك العوده لاجل العمل .
عبس رافضا: لا كيف اتركك هنا وانتِ متعبه هكذا؟
ابتسمت: انا بخير ومعى ابى وامى واخوتى وايضا، انت تعلم ان لولو متعبه من الحمل هى الاخرى، وايفا معها ولن يستطع تركها، وهناك اجتماع مهم لا يمكن ان تفوته .
اومأ بالرفض: لا يهم أي شيئ سواكي انتِ اهم شيئ فى حياتي .
زفرت رافضه: حبيبي انا لن اكون سعيده وان تخسر عملك، اذا قالت الطبيبه لن استطع السفر سافر انت وعندما اتحسن سأتى اليك .
زفر فهو بالفعل مجبر على ذلك رمقها بنظره حزينه: سأقبل هذا ولكن لن تأتي وحدك سأتي واخذك مفهوم .
ابتسمت: مفهوم هيا تناول هذا الطعام لاجلي .
ضحك واخذ شطيره وبدأ فى تناولها، وفى اليوم التالى اتت ماجده اليهم ودقت الباب، استيقظ جيهان وفتح لها الباب وهو ناعس: هل هناك شيئ؟
لم تفهم ماقال فابتسمت: هى لمار لسه نايمه؟
لم يفهم ماقالت فهو شبه نائم فرك فى راسه: ماذا لا افهم ماتقولين؟
استيقظت لمار وفتحت عينها سمعت صوت والدتها وهى تقول: مش عارفه انت بتقول ايه بس عمك حجز عند دكتورة، خلى لمار تستعد عشان ننزل نروح لها، وانا حضرت لكم الفطار تحت.
فاجابتها من على السرير: حاضر ياماما هو لسه صاحى ومش هيبقا مركز.
نظرت عليها من بعيد: انتِ عامله ايه دلوقتى يا بنتى؟
ابتسمت بتثاؤب: انا كويسه والمغص هدي خالص وهنفوق ونلبس وننزل .
اومأت بالموافقه وتركتهم وذهبت، عاد جيهان الى السرير واستلقى الى جوار لمار قائلا بنعاس شديد: ماذا كانت تريد والدتك؟
اتسعت ابتسامتها: كانت تيقظنا لنذهب الى الطبيبه فقد حجز لنا والدى.
فتح جيهان عينه بصعوبه وهز راسه محاولا افاقة نفسه وقام: ساخذ حمام لاستفيق  واغير ملابسي .
اومأت بالموافقه تركها ودخل الى الحمام، اخذ حمام وخرج وجدها تجلس على طرف السرير، وقد غيرت ملابسها واستعدت واعدت له ثيابه، رمقها بنظره عابسه: لما تحركتي الا تعلمي ان هذا يغضبني؟
ابتسمت: حبيبى انا بخير لا تقلق علي.
زفر واشاح وجهه عنها: لا تكابرى لن اكون سعيدا بتعبك .
اتسعت ابتسامتها: لا تعبس كثيرا لن افعل هذا مرة اخرى.
ابتسم ونظر اليها: انتهى لم اعد غاضبا.
رن هاتف لمار بمكالمة فيديو فنظرت به: دى لولو هخرج ارد عليها بره على ما تغير هدومك عشان هى بتتكلم فيديو .
وقف فأمسك ذراعها واجلسها رافضا: سادخل ارتدى ثيابى فى الحمام ولا تتحركي مفهوم .
اومأت بالموافقه اخذ ثيابه ودخل الحمام فتحت الهاتف واجابت: لولو حبيبتى وحشتينى جدا اخبارك ايه؟
ابتسمت لولو: الحمد لله احسن كتير، الدكتوره اخيرا سمحتلى اتحرك فى البيت براحتي شويه، وبالعافيه اقنعت ايفى ينزل الشغل .
ابتسمت لمار: ماشى ياستى بس بردو متتحركيش جامد، انتِ لسه فى الشهر الثانى، هى جولناى رجعت ولا لسه؟
اتسعت ابتسامتها: لاء ياستى عجبتها القاعده هنا هي وعريسها ومش عايزه ترجع .
ضحكت لمار: ياستى سبيها تلحق لها يومين قبل ما تحمل وتعمل زينا.
ضحكت لولو: في دي بقا عندك حق ادينا قعدنا فى الارض ومش عارفين نروح ولا نيجى،وبعد ما نخلف هنقعد اكتر .
عبست لمار مازحه: لا يا حبيبتي مش انا اللى يتعمل فيها كده ده انا ماتشو (Maço) ولا نسيتي .
ضحكت لولو: ماشى يا ماتشو طمنينى عليكِ هتيجوا فى طيارة كام؟
زفرت لمار: لسه مش عارفه رايحين للدكتوره، وهى اللى هتقول اصل بطني وجعاني قوي فقولنا نطمن، بس جيهان هيجى بأذن الله عشان الشغل .
عبست لولو: منا قولتلك بلاش تسافرى، المهم طمنيني اول ما ترجعي من عند الدكتوره.
اومأت لمار بالموافقه: بأمر الله كله خير الحمد الله.
انهت معها المكالمه وخرج جيهان من الحمام: هيا لننزل .
قامت وقفت فحملها فعبست : اتركنى اسير انها بعض الدرجات انا بخير.
اومأ براسه رافضا: لن اتحمل ان اراكي تتألمي مره اخرى.
ابتسمت فى خجل: خايفه اخد على الدلع ده .
نظر لها بعشق: وإن لم ادلع حبيبتي من ادلع اذا.
عضت على شفتها السفلى فتحت باب الغرفه، ونزل بها الى الاسفل وجدهم ينتظرونهم على الطاوله، وضعها على احد المقاعد وجلس الى جوارها، ابتسم ياسر وماجده ونظرت اليهم قائله: ربنا يسعدكم ياولاد يالا كلوا عشان نروح للدكتوره .
ويعد أن تناولوا الطعام خرجوا جميعا ذهبوا الى المستشفى، كان هشام ينتظرهم عند الباب نادى احد الممرضات احضرت لها مقعد متحرك، جلست عليه بعد اصرار جيهان أن يحملها للداخل، رأهم فهد وهم يدخلون كان قد اتى لمقابلة الطبيب للتدريب بعض المرضى، اقترب منهم مسرعا نظر الى ياسر: مالها لمار ياعمى الف سلامه عليها؟
زفر ياسر: تعبت شويه امبارح بعد الفرخ فقولنا نيجي نطمن عليها .
نظر فهد اليها: الف سلامه عليكِ يا لمار، انا عندى تدريب هخلصه واطلع لكم اطمن .
اومأ ياسر بالموافقه واخذوها ودخلول، ظل هو واقفا مكانه، اتى اليه طبيب وطبيبه مد الطبيب يده سلم عليه: اهلا يا دكتور نورت المستشفى اعرفك( اشار على الطبيه) دكتوره يمنى هى المسؤله عن تدريب الستات، هى لسه طالبه بس لانها صاحبة الفكره فهتكون هي المسؤله كتدريب لها .
ابتسم فهد واومأ لها براسه تحيه لها وهو يتفحصها بنظره سريعه، فهى قمحية اللون بملامح هادئه تبعث على الراحه، باسمة الوجه ترتدى فستان واسع ذات قوام رشيق، وحجاب طويل، تنحنح: اهلا يا دكتوره ( اخرج بعض الاوراق من جيبه وقدمها لها) اتفضلى دى كل التمارين اللى هتحتاجيها، وممكن تتابعى التمارين دلوقتى واحنا بنعملها هي قريبا منها جدا .
اخذت الورقه منه ونظرت بها: ايه الاختلاف بينها وبين اللى هتعملوا؟
ابتسم فهد: مش اختلاف كبير بس هى فيها تمارين تهدى الاعصاب، لان ديما الستات بتبقا مضغوطه اكتر ومحتاجه لحاجه تريح اعصابهم.
اومأت بالموافقة: ده حقيقي عموما انا بردو هتابع التمارين شويه .
اتسعت ابتسامة فهد: ولو عايزه تسألي على اي حاجه انا موجود، وبكره بأمر الله هجبلك تمارين تانيه، انا عارفه انه مينفعش ادرب انا الستات، بس في اي وقت محتاجه تسألي عن اي تمرين، ممكن اسبلك رقم التليفون الخاص بالصاله بتاعتي وانا هاجوبك بأمر الله .
ابتسمت: شكرا لزوقك اتفضلوا عشان معطلكمش .
وتركتهم وتحركت بعيدا ظل هو يتابعها للحظات ونظر الى الطبيب: ها مستعدين؟
اومأ الطبيب بالموافقه وهو يقف هو ومجموعه من الرجال حوله، بدأ فهد يقوم بتمارين وهم يفعلوا مثله، تابعت الطبيبه لبعض الوقت وذهبت كان هو يتابعها بطرف عينه، لم يكن يفهم سر انجذابه أليها، لكنه لم يعطى الأمر الكثير من الاهتمام وانهى التدريب، صعد الى الغرفة التي بها لمار وجد عمه وزوجها يقفان عند الباب اقترب منهم: لمار عامله ايه دلوقتي؟
زفر ياسر: احسن بس الدكتوره اصرت تعلق لها محلول، عشان قالت انها ضعيفه ومحتاجه تغذيه .
بدى على فهد التعجب لكنه لم يبديه لهم وتنحنح: الف سلامه عليها .
نظر ياسر بالساعه بيده: معاد طيارتك يا جيهان فاضل عليه ساعتين الافضل انك تمشى.
زفر جيهان: سادخل اطمأن عليها واذهب .
وتركه ودخل الى غرفة لمار لم يفهم ياسر ماقال لكنه اسنبطه من فعله، نظر جيهان الى لمار وهى مستلقيه على السرير: كيف حالك حبيبتى الان؟
ابتسمت: انا بخير ولا ارى داعى لهذا المحلول، ولولا انك اصريت ان افعل ما فعلت .
ابتسم: حبيبتي لقد ارهقتي نفسك كثيرا الايام الماضيه، ولم تكونى تتناولي طعامك جيدا، لهذا تعبتي .
تنهدت: أنا جيدة الان هيا اذهب انت لتلحق بطائرتك .
اومأ بالموافقه وقبلها فى جبينها: ساذهب وسأتصل بكي فور وصولي لولا العمل ما تركتك ابدا.
اتسعت ابتسامتها: لا تقلق علي انا بخير وسأعد الى المنزل بعد انتهاء هذا المحلول .
تنهد ومسح على رأسها وقبلها فى وجنتها وخرج، وقف امام الباب نظر الى ياسر: سأذهب الان لالحق بالطائره هل هناك احد بالمنزل لاخذ حقيبتي؟
ربت ياسر على كتفه لم يفهم ما قال لكنه شعر به الحزن الشديد: معلش يابني انا عارف انك زعلان عشانها وأن شاء الله تبقى بخير .
فطن جيهان ان ياسر لم يفهم ماقال فأعاده بالانجليزيه، فأوما: انا هاجي معاك اوصلك المطار .
رفض جيهان: لا. لاتترك لمار وحدها سأجد سيارة اجره .
قاطعهم فهد مقترحا: ما رايك ان أوصلك أنا الى منزل عمى وبعدها إلى المطار .
اومأ ياسر: فكره كويسه قولت ايه؟
وشخص الى جيهان ينتظر رده، زمت جيهان شفتيه ووأومأ بالموافقة، سلم على ياسر وخرج مع فهد ركبا معا سيارته، اوصله الى منزل عمه أخذ حقيبته واوصله الى المطار، عاد فهد الى صالته الرياضيه، وظل بها لبعض الوقت وعاد الى منزله، دخل الى غرفته وجلس على حاسبه، دخل عليه رعد: انت جيت أمتى؟ مشوفتكش على الغدا؟
ابتسم فهد: من شويه بس اتغديت قبل ما اجى، وبعدين انت عارف ان ليا نظام غذائى لوحدى.
نظر رعد بالحاسب ورفع حاجبيها متعجبا: ايه ده تمارين خفيفه للسيدات! وانت من امتى وانت بتشتغل مع الستات؟ 
ابتسم فهد: دى تمارين للمستشفى، اصل هشام طلب مني اني أروح المستشفى ادرب الدكترا هناك، على تمارين للمرضى ما أنت عارف.
ابتسم رعد: منا عارف بس ده أيه علاقته بالتمارين دي؟
واشار بأصبعه على الحاسب تردد فهد موضحا: اصل فى دكتوره هناك بتدرب الستات وانا بجمع لها التمارين واديها لها وهي ألى تدرب عليها الستات .
اومأ رعد: أه كده فهمت ماشى ياعم ربنا يعينك .
ربت على كتفه وخرج دخل الى غرفته، جلس على طرف السرير تذكر الفتاه فى حفل الزفاف، امسك ذقنه وشرد يفكر فى طريقه للوصول إليها، دق باب غرفته ودخل والده: انا رايح لعمك ياسر عشان لمار تعبت ودخلت المستشفى الصبح، هروح اطمن عليها.
فزع رعد منتفضا: مالها الف سلامه عليها استنى أغير هدومى وأجي معاك، اطمن عليها هي لسه فى المستشفى ولا روحت؟
تنهد عمر: لسه قالى انها هتخرج بعد شويه هنزل أستناك تحت متتاخرش .
اومأ بالموافقه سبقه الي الاسفل، لحظات ونزل إليه ركبا السياره وذهبا الى هناك، صعدا اليه وجداه يقف على الباب اقتربا منه قال عمر: هي عامله ايه دلوقتي؟
تنهد ياسر: الحمد لله كويسه بتجهز عشان نروح اصرت تخرج مش هتبطل عند .
فكر رعد: طب وجوزها مكلمهاش ليه هي بتسمع كلامه؟
زفر ياسر: جوزها سافر عنده شغل ومكنش عايز يمشي اصلا لولا شغله هيتعطل .
فكر عمر: خلاص متضايقش يمكن يكون ده خير الواحد بردو مبيرتحش الا في بيته .
اومأ ياسر بالموافقه فتح باب الغرفه وخرجت هي وماجده، نظر اليها عمر : الف سلامه عليكِ يا لمار.
ابتسمت : أنا بخير يا عمى شوية تعب وراحو خلاص، هروح البيت وابقى زى الفل .
ابتسم رعد مازحا: ايوه فل دبلان ووشه اصفر لو تبطلي عند ربنا يهديكي.
ابتسمت لمار: معلش اصلي طالعه لابن عمي العندي.
ضحك رعد: ماشى يا بنت عمي .
تنهدت ماجده: انا مش عارفه ايه اخرة العند ده، طب اقعدي على الكرسي وبلاش تمشي .
زفرت لمار: زهقت يا ماما من القعده دي من الصبح هتمشى شويه لحد تحت .
ياسر برفض: لاء عايزه تتعبي تانى وجوزك يقول علينا اهملنا فيكي، لو كان هو موجود مكنش وافق على كده .
استسلمت: طب ماشى حاضر هقعد على الكرسي تمام كده.
احضرت ماجده المقعد المتحرك من امام باب الغرفه جلست عليه لمار، اسرع رعد وامسك به: سيبها يا طنط وانا هزوق الكرسي اكيد انتِ تعبانه من امبارح .
اومأت ماجده وتركته يحرك الكرسي خرجوا جميعا من المستشفى، ركبوا السيارت وعادوا الى منزل ياسر، دخلوا الى البهو اشارت ماجده للمارعلى احد المقاعد: اقعدي استريحى شويه وبعدين ابقى اطلعى اوضتك .
اومأت بالموافقه وجلست جلسوا جميعا حولها، تنحنح عمر: طب احنا اطمنا عليها نمشي دلوقتي عشان تطلعوا ترتاحوا، ونبقى نيجى تاني نطمن عليها .
وقف هو ورعد وهما ليخرجا فقالت ماجده: طب ما تخليكوا شويه حتى ترتاحوا من المشوار .
ياسر: انتو مستعجلين على ايه ادينا قاعدين .
عمر رافضا: تلاقيكو عايزين ترتاحوا وخليك حتى بكره ما تجيش الشغل .
زفر ياسر: لاء مينفعش انت ناسي الاجتماع بتاع بكره .
خبط على رأسه متذكرا: اه صحيح انا كنت ناسي عموما ربنا يصلح الحال .
فكر رعد: اه صحيح طلما لمار هنا وهتفضل فتره، فى شوية شغل واقف بسببها هجيبه لها بكره بأمر الله تشوفه وهي فى البيت . 
اومأت لمار بالموفقه: احسن بردو عشان مزهقش الدكتوره قيلالى متحركش من السرير .
ابتسم رعد: طب تمام بكره هجبهم وهبعتلك نبذه عنهم على النت ماشى .
بدالته الابتسامه: ماشى .
خرج هو وعمر وركبا السياره كان يشعر بسعاده، تعجب عمر: أنت مبسوط قوي كده ليه؟
تنحنح رعد فقد تنبه ان سعادته غير مبرره فتردد متهربا: اصل كنت متضايق على الشغل اللى متعطل .
شعر عمر انه يتهرب من الكلام ولكن ما اقلقه ان يكن مازل يفكر بلمار، زفر بحزن وفضل عدم سؤاله، وصلا الى المنزل صعدا رعد الى غرفته، استلقى علي سريره وزفر وفي اليوم التالي اخذ بعض الاوراق وذهب الى منزل عمه، صعدت معه ماجده إلى غرفة لمار، دقت الباب ودخلت وجدتها تجلس امام الحاسوب تحدث جيهان، فأشارت لها أن تغلق الصوت فأومأت وأغلقته: فى حاجه يا ماما؟
ابتسمت ماجده: رعد جايبلك الورق بتاع الشغل عشان تراجعيه .
وضعت يدها على ثغرها متذكره، نظرت الى الحاسب فجيهان يغار من رعد كثيرا، ولو علم بالامر لغضب منها، فكرت ونظرت الى شاشة الحاسب فتحت الصوت وقالت: جيهان حبيبى اعتذر منك سأغلق الان واتحدث اليك بعد قليل .
اومأ بالموافقه وانهى معها المكالمه اغلقت الحاسب، وطلبت من ماجده ان تظل معهم،اعتدلت وجلست على طرف السرير وعدلت ملابسها ووضعت حجابها، وقف رعد عند باب الغرفه جزب مقعد المكتب وجلس عليه: عامل ايه دلوقتي يا صاحبي .
فابتسمت لمار: الحمد لله بخير هات الورق عشان اشوفه بس مش هرد عليك الا بكره .
ضحك رعد: اكيد طبعا اليوم اصلا خلاص تقريبا خلص احنا بعد العصر، اه صحيح بعتلك كمان شوية حاجات على النت ابقى شوفيهم، وهبقا اكلمك باليل على النت واتناقش معاكِ فيهم، امشى انا بقى سلام يا صاحبي .
اشارت بيدها: سلام .
خرج هو وماجده اوصلته الى الاسفل وعادت اليها رمقتها بنظره متسائله: انما انتِ اتخضيتى ليه كده لما عرفتي ان رعد عايزك؟
ابتسمت لمار بسعاده: اصل جيهان بيغير منه جامد، وخوفت يعرف انه جالي هنا ويزعل .
عبست ماجده غاضبه: وهو انت ممكن تعملي حاجه من وراه انا ربيتك كده؟
اومأت لمار بالرفض: لاء طبعا بس انا لما اكلمه هقوله واعرفه بس محبتش انه يسمع صوته ويتضايق.
تنهدت ماجده: ايوه يا بنتي اتقي الله فيه عشان ربنا يباركلك.
ابتسمت لمار: متخفيش عليا يا ست الكل، انا تربيتك ولا يمكن اعمل حاجه تغضب ربنا، (بخجل) ولا اقدر ازعل جيهان .
ربتت ماجده على ظهرها: ربنا يباركلك فيه ده بيحبك قوى .
ابتسمت لمار بخجل: طب منا كمان بحبه ( رن الحاسب) ده بيرن اهو هرد عليه .
ضحكت ماجده وتركتها وخرجت، عاد رعد الى الشركه وفى المساء جلس على الحاسب، 
طلب لمار وانتظر لحظات لتجيب لكنها تأخرت ولم تجيب، زمت شفتيه وزفر وراتمى على سريره، لحظات ووجدها تطلبه فاجابها متلهفا: ايه يا بنتي مردتيش ليه؟
ابتسمت: معلش كان معايا مكالمه، المهم انا قريت الورق وشوفت الحاجات اللى انت بعتها، وكتبت لك شوية ملاحظات وبعتهالك، وبكره بأمر الله اكون خلصت الورق وارد عليك فيه .
اومأ بالموافقه: ماشي يا صاحبي في حاجه كمان، كنت عايزك تشوفي حد يصمم الاعلان الجديد؟
تعجبت: ماهو ديما ده مسؤلية البراء ماتسأله ؟
تنحنح ببعض الحرج: بصراحه كده فى بنت مصممه صاحبتك، كانت عملت لنا اعلان وعجبنى شغلها، وكنت عايزها هي اللى تصمم الاعلانات .
تذكرت: اه انت تقصد ريماس هي فعلا مصممه شاطره جدا، بس هى فى اجازه لاخر الاسبوع، لو مستعجل نشوف حد تانى .
رفض رعد: لاء مفيش سبب للاستعجال اصلا، خلاص نستنا ولما ترجع قوليلى عشان توصلينى بيها، واقول لها فكرة الاعلان اللى فى دماغى تمام .
اومأت: تمام .
انهى معها المكالمه وجلس وهو يشعر بالاحباط، زفر وخرج من غرفته وجد فهد يجلس شاردا، فتنحنح: مالك فى ايه سرحان كده ليه؟
تنبه له: هاه عادى يعنى بفكر فى تمرين لتهدأة الاعصاب .
تعجب : اشمعنى يعنى؟
ببعض الحرج: اصل الدكتوره طلباه منى لان اللى بعتهم مش كافين .
ابتسم رعد ونظر اليه بمكر: هى حلوه الدكتوره دى يعني؟
ابتسم فهد وعينيه تتلاءلاء: شكلا حلوه قوى بس اللى مخليها مميزه جمال تانى مش عارف اوصفه .
ضحك رعد مشاكسا: مش مهم بكره تعرف .
وتركه وخرج تعجب فهد من ضحكاته ولم يفهم مقصده، دخل رعد الى غرفته وهو سعيد فقد فهم ان فهد تغير وقلبه بدأ يدق ويحب، وتذكر ريماس وابتسم متمتما فى عقله: الحب ده شيئ عجيب هو ممكن يجي بسرعه كده، مش عارف ليه ديما بفكر فيها وتشغل حيز من تفكيرى( زفر) مش عارف بس اجازة ايه دي اللي واخدها ده وقته .
تعليقات



<>