رواية ماتشو الفصل التاسع9 والعاشر10 بقلم هدي مرسي ابو عوف

رواية ماتشو الفصل التاسع9 والعاشر10 بقلم هدي مرسي ابو عوف
الحلقه التاسعه 
جلس الاخوه الثلاثه فى المكتب نظر حازم لهم قائلا: انا كلمت المحامى وجاى دلوقتى، عشان نعرف هنجيب حق رعد فى اللى حصل ده ازى ؟
دق الباب ودخل القى التحيه وجلس معهم، نظر اليه حازم متسائلا: عملت ايه ؟
تردد عبد الهادى وفرك في ذقنه: الموضوع مش بسيط، دول عصابه ومعروفه، والقبض عليهم هياخد وقت، وانا شايف اننا نسيب الموضوع للقانون .
غضب عمر هادرا: يعنى حق ابنى هيضيع، ده لولا ستر ربنا كانو كسروه؟
عبد الهادى محاولا تهدأته: نقول الحمد لله العصابه دى معروفه جدا هنا، ومحدش يقدر يقف لهم، ولو دخلنا معاهم فى مهاترات احنا اللى هنخسر، عشان كده قولت نسبها للقانون، وهما مش هيقربو منكم تانى، لان كان لهم تار وخدوه، من الاخر هما اتعلم عليهم لما جم هنا، وخرجو زى المعيز، ومكنش هينفع يبقا لهم هيبه فى البلد لو معلموش عليكو، وضحت كده .
فكر حازم وجز على اسنانه: يعنى مش هنعرف نعمل حاجه .
عبد الهادى: لاء انا اعرف ناس تقال فى الداخليه، ووصتهم هيعملو حمله ويجبوهم .
هز حازم راسه وزمت شفتيه: تمام كده واحنا راضين شكرا ليك يا استاذ .
استأذن منهم وخرج نظر لهم حازم مغيرا دفة الحديث: طيب نسيب الموضوع ده ونتكلم فى موضوع تانى، كنت ناوى اكلمكم فيه لما نتجمع، وبما اننا اتجمعنا فهقوله .
نظر اليه الانثين بأنتباه فاكمل : عشنا سنوات بعاد عن بعض، والفراق خد منا ومن عمر اولادنا، وانا مش عايز نفترق تانى، ففكرت نعمل مشروع مشترك نجمع فيه اولادنا .
نظر اليه عمر متعجبا: مشروع ايه ده ؟ 
ياسر معترضا: وكمان انا ولادى بنات يعنى مينفعش يختلطو مع حد .
نظر اليه حازم ممتعضا بحدة: انت بتفكر ازى؟! اختلاط ايه دول ولاد عمهم، يعنى هما اللى يحموهم ويحاجو عليهم، انت بتهرج يا ياسر ؟!
نظر ياسر الى الجه الاخرى رافضا: هو احنا اخدنا ايه من القرابه هو مش اللى اتسبب فى اللى حصل ده كله كان بيقول انه قريبنا ؟
جز حازم على اسنانه: مكنش قريبنا من اصله، ده كان بيتلزق فينا وانت عارف وكلنا عارفين .
اكمل عمر ممتعضا: لو كان قريب كان حفظ حق القرابه وعاملها بود، ومكناش احنا وفقنا انك تضربه .
حازم مستنكرا: اسمع يا ياسر اللى بتعمله ده غلط ويضر بناتك قبل اى حد، لازم تسبهم يخرجو للدنيا، حبستهم دى هتخليهم يتعبو واديك شايف اللى حصل.
طأطأ رأسه واشاح وجه بعيدا، ربت  حازم على كتفه: لازم تفكر صح الشده مع  البنات غلط .
نفخ ياسر ضاجرا: بلاش نتناقش فى ده دلوقتى .
شعر حازم باليأس منه فارجاء الحديث عن هذا الامر: تمام، المشروع بعمله دراسة جدوى، واول ما تخلص هبعت لكل واحد فيكم نسخه على بيته، المشروع هيبقا شركه، هناخد محاصيل الارض بتاعتنا، ونحولها لعصاير او مربى او صلصه او خضار جاهز، هنصدر جزء ونبيع جزء هنا .
فكر عمر منبهرا: فكره هايله وبكده هنعرف نتابع الارض .
حازم موضحا: فى الفتره الاولى رعد ولمار وسيف، هما اللى هيديرو الشركه وبعد كده هينضم لهم الباقى، معاكم لحد لما نستلم الارض من الفلاحين تفكرو براحتكم .
نفخ ياسر متحيرا: تمام .
عمر دون تردد: وانا موافق .
حازم وهو ينظر على ياسر بحزن: يبقا اتفقنا لما نجي نستلم الارض ناخد القرار النهائى .
هز الاثنان راسهم بالموافقه وخرجو جميعا من المكتب .
................
عادت لولو الى غرفة جولناى وظلت معها حتى المساء، كانت جولناى تشعر بالضجر من البقاء فى غرفتها فنظرت لها مقترحة:لولو ما اريك ان ننزل الى الاسفل قليلا نشاهد التلفاز فقد مملت .
فابتسمت وهزت راسها بالموافقة: كما تريدين هيا حتى تشعرى ببعض التحسن .
نزلتا الى الاسفل ونزل ايفى وجيهان، اقترب ايفى من جولناى: كيف حالك الان ؟
ابتسمت براحة: افضل بكثير لكنى ضجرت من غرفتى، فنزلت اشاهد التلفاز .
جيهان وهو يلمس جبينها: حرارتك لم ترتفع مره اخرى، وهذا جيد هيا اجلسي انت ولولو، وسأعد انا لكم فشار .
ايفى وهو يمسك هاتفه: وانا ساشغل فيلم عن طريق النت هل تقترحين فيلم جولناى ؟
فكرت جولناى مردفة: لا اعلم مارأيكم ان تختار لنا لولو ؟
ابتسم ايفى : فكره جيده ( نظر اليها نظرة دافئة) هيا اختارى لنا ؟
تفاجاة وابتسمت مرتبكة: لا اعرف يمكن ان تختار انت او جيهان لست متابعه جيده للافلام .
تعجبت جولناي: ماذا حقا ؟
جيهان وهو يشير على حاسبه: ساختار انا يوجد على حاسبوى فيلم جديد سيعجبكم .
رفع ايفى ابهامه: تمام اخبرنى بأسمه وساشغله .
شغل ايفى الفيلم واعد جيهان الفشار، وجلسو يشاهدو الفيلم، كانت لولو تجلس بجوار جولناى على اريكه صغيره، وغفت وهى جالسه ابتسم جيهان واشار الى جولناى وقال بصوت خفيض كي لا يزعجها: لقد نامت لولو .
احضر ايفى شراشف ووضعها عليها، واشار لهم بالسكوت اكملوا مشاهدة الفيلم، وصعدو هم الى غرفهم وتركو لولو مكانها، وقف ايفى يراقبها من الاعلى، فهو لا يعلم ماذا دهاه منذ اتت هذه الفتاة، استيقظت وفتحت عينها، نظرت حولها وجدت نفسها بالبهو وعليها الشرشف، فتعجبت وتذكرت انها كانت تشاهد معهم التلفاز وغفت، فابتسمت وقامت صعدت لترى جولناى، دخل ايفى غرفته قبل ان تصل اليه وتراه، دقت بابها وفتحت وجدتها نائمه، لمست جبينها بيدها وجدت حرارتها هادئه، فنزلت الى غرفتها واستلقت على سريرها وغطت فى نوم عميق .
.............. 
ظلت لمار تبكى لبعض الوقت ثم توقفت ومسحت دموعها، وقامت دخلت الحمام توضأة وقفت تصلى، اتت ماجده اليها دقت باب الغرفه ودلفت، انتظرتها حتى انهت الصلاه ونظرت لها: الحمد لله انك لسه بتصلى .
تنهدت ونظرت لها مستنكره: انا عمرى مابطلت صله وانت عارفه .
تنهدت بحزن على حالها: انا عارفه بس حزينه عليكى وعلى اللى انت فيه .
نظرت اليها متحديه وبداخلها اعصار من الغضب: ومين السبب فى اللى انا فيه مش بابا .
هزت رأسها رافضه لكلامها: يابنتى ابوكى كان مجبر على اللى عمله، مكنش عنده اختيار وانا قولتلك كتير، بس انت مش عايزه تصدقى .
غضبت وضربت على فخذها عدة مرات هاتفه: مجبر ..مجبر كل شويه تقولى لاء مش مجبر، هو اللى اختار وعمل ده من وريا، وانا عمرى ما هسامحه ابدا، وبعدين يقول ان زياد مات، ليه مقالش الحقيقه هاه .
قذفتها بنظرة غاضبه: ابوكى عمل كده عشان مصلحتك، ومكنش قدامه حل تانى، ولا كان يسيبك تضيعي نفسك .
قبضت على يدها بقوه وعناد: فعلا مكنش عنده حل لانه قتله مش كده بابا قتل زياد .
زاد غضب ماجده ونظرت اليها محذره : انا هسيبك وامشى انت مفيش فيكى فايده، انا بلوم ابوكى على اللى بيعمله معاكى، ومع اخوتك، بس انت مش عايزه تفوقى وانا تعبت خلاص .
وتركتها وخرجت ظلت لمار مكانها للحظات، نفخت فى غضب وخرجت مسرعه، فبداخله غرغرينه لا تستطيع ايقافها ولا تعرف الى اين ستاخذها، لحقت بها فى غرفة اخواتها نظرت اليها نادمة: انا اسفه مقصدتش ازعلك بس انت عارفه الموضوع ده ... 
قاطعتها برفض: عارفه ومش زعلان منك، انا زعلانه عليكى، ومسيرك تفوقى من اللى انت فيه .
اقتربت منها شهد ولكزتها: خلاص فوكُها بقا وتعالى نقعد نفطر مع بعض ونضحك زى زمان .
وضعت ماجده يديها على ظهريهم بحنان: يالا وحشتنى القعده معاكم والهزار .
دخلن جميعا وجلسن معا، كن يحاولن الخروج الحالة التي قد غمرتهم، اتى حازم دق الباب ودخل القى التحيه ونظر الى شهندا: امورتنا الحلوه عامله ايه دلوقتى ؟
ابتسمت: الحمد لله يا عمى بخير .
 كانت تجلس على طرف السرير، جلس الى جوارها وقبل جبينها وربت على ظهرها بحنان: حمدالله على سلامتك عايزك تخفى كده بسرعه يالا .
نظرت اليه ماجده بأمتنان: الحمد لله حالتها اتحسنت كتير، والفضل يرجع بعد ربنا للدكتور هشام، ربنا يباركلك فيه يارب هو البيبى الجديد .
  ابتسم حازم بسعادة: ربنا يسمع منك، وبعدين ازعل يعنى  دى اخته مش كده ولا ايه، ده هو كان عايز يجى عشان يطمن عليها، بس انا مرضتش قولتله خليك مع مراتك، وانا هطمنك عليها .
ماجده مستنكرة: ايوه طبعا ميسبهاش فى وقت زى ده .
قام وقف: طب هسيبكو انا بقا، اطمنت عليها وعلى رعد يادوب نرجع قبل الضلمه  .
سلم عليهم وقبل ان يخرج من الباب لف متذكراً: اه صحيح انا هسيب لكم عربيه هنا عشان تستخدموها، وسيف هيبقا موجود وهو معاه رخصه .
لمار بضيق: انا بعرف اسوق ومعايا رخصه، بس بابا مش بيرضى يخلينى اسوق .
هز حازم راسه: طب تمام عن اذنكم .
تركهم وخرج وبعد بعض الوقت سافروا، ولم يبقى سوى سيف ومهند، فى المساء دخلت لمار غرفة رعد نظرت اليه: عامل ايه دلوقتى ؟
هز راسه مع ابتسامه خفيفه: الحمد لله احسن كتير.
نظرت الى الدواء بجواره:
  اخدت العلاج ؟
 هز رأسه بالموافقه فأكملت: طب هغيرلك على الجروح واسيبك ترتاح .
بدات تغير عليهم وهي تحاول الا يشعر بارتباكها، فامسك الكاب على رأسها وخلعه مشاكسا: انتِ لبسه الكاب ده فى البيت ليه ؟
انسدل شعرها الاسود الناعم الى قرب كتفها على وجهها فنظرت اليه وبعض خصلاها تتناثر فوق وجنتيها: فهمت بقا لبسها ليه، عشان تمسك شعرى عشان بيفك ويقع .
فابتسم ونظر لها متعجبا فشعرها ناعم وثقيل وجعلها جميلة: انا فكرتك قرعه من كتر ما انت لبسها طول الوقت .
نفخت فقد وترها كلماته اكثر وهي لا تحب الشعور تمتمت عابسة: اغيرلك ازى دلوقتى وهو نازل على وشى كده ؟ 
ضحك ممازحا: متزعليش قربى منى وانا المهولك بايدى .
نظرت اليه غاضبه وقذفته بازدراء: ايه هو ده هو سبيل كده اى حد يمد ايده على  شعرى .
نظر لها متعجبا: وهو انا اى حد انا جوزك عادى يعنى .
انتهت من التغير على الجروح، نظرت له وهزت رأسها برفض، فهي لا تريد ان تطيل في الامر كي لا يشعر بما تمر به، ودخلت الحمام غسلت يدها وخرجت، اخذت منه الكاب وضعته على راسها، فنظر لها بنظرة مبهمة: ممكن تقعدى عايز اتكلم معاكى .
واشار الى طرف السرير الى جواره، اخذت نفس وزفرته ترددت في البدايه، لكنها لن تسمح لمشاعر بداخلها ان تفرض عليه شيء، فجلست تنحنح ببعض الحرج: عايز اشكرك على كل اللى عملتيه معايا، (مترددا) واعتذرلك عن اسلوبى معاكى، بصراحه طلعتى جدعه قوى، وحسستينى انى صغير قوى قدامك.
ابتسمت متهكمة:
 ايه ياعم الكلام الكبير ده، متافورهاش قوى، انا كمان زودتها وعلقتك خالصين ياعنى .
ضحك فهو يحاول تلطيف الجو معها فذكرته بما يضايقه: تصدقى انك فصيله، وعموما خلاص نبدأ من جديد، ونتفق نبقى اصحاب بجد .
اتسعت ابتسامتها فهي رغم شكها به الا انها راضيه: ماشى بس هنبقا اصحاب راجل لراجل، يعنى معاكسه وكلام له معانى تانيه مبحبش اه نتفق من اولها ماشى .
تعجب من طريقتها الرجوليه: ايه ده مالك قالبتى على واحد صاحبى ليه كده ؟!
ضحكت متهربة: ماهو انا كده ولازم تتعود، طلما هنبقا اصحاب ماشى يا كبير .
زادت دهشته فهي تتعامل معه كانها رجل: ايه كبير دى ماتقوليلى رعد عادى .
مازحته: ايه زعلتك خلاص بلاش منها .
ابتسم لاسلوبها الذي لا يفهمه: لاء عادى مش هتفرق براحتك يا صاحبى .
ضحكت متمتمه: حبيب قلبى يا كبير .
ضحك الاثنان وقامت وقفت: طب امشى انا بقا مش مهند هيجى يقعد معاك ؟
عبس ممتعضا: لاء مهند ادانى العلاج وراح نام عشان تعبان .
هزت رأسها وهي تتحرك للخروج: وانت كمان هتحتاج تنام سلام .
ضحك واشار بكف يده: سلام ياصاحبى .
ضحكت وخرجت ذهبت الى غرفتها، ظل هو يفكر متعجبا من طريقتها، فهو كان يرها مسترجله لكن طريقتها وأسلوبها غريب، وايضا بداخله غضب ممتزج بالشكر فهو لم ينسى اهانتها له، بداخله حرب بينهم لا يعرف ايهم سينتصر .
.............. 
 استيقظت لولو وصعدت لترى جولناى، دقت الباب ودخلت وجدتها تستعد للذهاب الى العمل، فنظرت لها مستنكرة: ماذا تفعلى لن تذهبى الى العمل اليوم يجب ان ترتاحى .
نفخت ضجرة: لا لقد مللت من المنزل، لن اتاخر سنذهب ونعود سريعا، وان شعرت بأى تعب لن اخرج غدا تمام .
ابتسمت وهزت رأسها: تمام كما تريدى سانزل لاستعد .
تركتها ونزلت غيرت ملابسها وخرجت وجدتهم ينتظرونها، خرجو معا وذهبو الى العمل، وبعد بعض الوقت شعرت جولناى بالتعب، فعادت هى ولولو وظلا هم، وقفت لولو تعد لها بعض الطعام ووقفت هى تساعدها، نظرت لها مقترحه: مارايك ان تعدى لنا مرة طعام مصرى اسمع انه رائع .
ابتسمت بإحراج: الحقيقه انا لا اجيد الطبخ اعد اكلات بسيطه .
تعجبت : ماذا ايعقل هذا ؟
تنحنحت وبلعت ريقها بحزن: كان لديا عاملات يعددن لى كل شئ، فانا كنت ابنت والدى الوحيده والمدلله .
  زادت دهشة جولناي: الله الله ولما اتيتى الى تركيا وتركتى كل هذا؟
تنهدت لولو بحزن فقد قلبت عليها المواجع، قصت عليها كل ما حدث معها، وقد امتلاءت حدقتيها بالدموع، ربتت على كتفها مخففه عنها: لا تحزنى فانت هنا معنا فى امان وايضا، اصبحتى واحده منا، لا افرط فيكى ابدا يا بنت.
ابتسمت ومسحت دموعها بسعادة: وانا ايضا احببتك جدا واشعر كأنك اختى .
قامت جولناى احتضنتها بفرح: يا الله افديكى اختى كم انت جميله .
مسحت لولو دموعها التي عاودت النزول: هيا تناولى طعامك لتاخذى دوائك وترتاحى .
هزت رأسها بالموافقه وتناولته واخذت الدواء، وصعدت الى غرفتها ونامت، ظلت لولو معها حتى اطمانت عليها ونزلت الى الاسفل وجدتهم قد عادا، نظر لها جيهان وهي يبحث بحدقتيه في المكان: اين جولناى ؟
اشارت للاعلى: بالاعلى اخذت دواءها ونامت لترتاح قليلا هل تريد ان اعد لك شئ ؟
  هز رأسه وابتسم: لا شكرا ساعد لى بعض القهوه هل اعد لكِ معى ؟
  ايفى وهو يمسك راسه بألم: عد لى انا فرأسى ستنفجر من الالم .
نظرت اليه لولو: سلامتك ارتاح قليلا وسيذهب الالم .
نظر اليها ممتنا: شكر للنصيحه ولكن احتاج الى القهوه .
هزت راسها بالموافقه ودخلت المطبخ وقفت على بعد خطوات من جيهان: هل تحب ان اساعدك ؟
التفت لها وابتسم: لا شكرا اوشكت على الانتهاء واعددت لك كوب رغم انك لم تطلبى .
ابتسمت : شكرا لك .
تضايق ايفى ونفخ وكاد يصرخ بهم، فهو لا يفهم لم هذا الغضب كلما راها تتحدث مع جيهان، لكنه تذكر ما قاله له، وجلس على الاريكه غاضبا، وضعت له القهوه قائله : تفضل القهوه والافضل ان تاخذ مسكن يخفف عنك قليلا .
ابتسم ابتسامة مصطنعه وهز رأسه بالموافقه، اخذ القهوه وشربها وصعد الدرج ، نظر جيهان لها: هل اعجبكى الفيلم امس ؟
ضحكت مازحة: لقد غفوت منذ بدايته لكن اظن ان لك زوق جيد فى هذه الاشياء .
زاد غضب ايفى واغلق باب غرفته بقوه حتى انه افزعهم، نظرا الاثنان الى الاعلى متعجبين من تصرفه، نفخ جيهان متعجبا: الله الله مابه هذا الرجل؟ارزقنى الصبر يا الله .
انهى قهوته وقام وتحرك نحو الدرج: سأمر على جولناى قبل ان ادخل غرفتى، ارتاحى انت .
هزت راسها دون كلام ودخلت الى غرفتها، فتصرفت ايفى هذا لم تعد تفهمها .
...............
نزلت  شهد وشهندا الى الحديقه، رأهم مهند من شباك غرفته فنزل اليهم، القى التحيه ونظر الى شهد وابتسم: ممكن اقف معاكم شويه ولا هتضايقوا ؟
بادلته شهد الابتسامة: لاء ابدا احنا كنا نازلين نغير جو، انت عارف شهندا لسه قايمه من تعب.
هز راسه حزينا: الف سلامه عليها زعلت جدا عشانها، بس مكنتش باجى اسأل عشان عمى، واللى حصل يعنى .
شعرت الفتاتان بالحرج الشديد ونظرتا الى الاسفل، تنهدت شهد متمتمة: هو بابا بس شديد شويه .
شعر هو الاخر بالاحراج لانه تسبب فى احراجهم، ففكر ان يغير دفة الحديث: انت بتحبى الكلية بتاعتك ؟
نظرت اليه وهزت راسها بالايماء: اه بحبها منكرش انى مكنتش حباها فى الاول .
  نظر الى شهندا: وانت يا شهندا ؟
 ابتسمت شهندا بحزن وكلمتها محملة بالوجع: مش من حقى احبها ولا اكرها، هى اتفرضت عليا وفرضتها على اختى كمان .
 هز رأسه رافضا: لاء طبعا من حقك تحبيها او تكرهيها، بس عايزه نصحيتى حبيها هتحسي براحه .
شهد وهى تنظر لشهندا : قولتلها كده بس مسمعتش كلامي .
زفرت شهندا يأسة: الموضوع انى اصلا مش عايزه حاجه، انا مخنوقه من الدنيا بحالها، مجتش على الكليه يعنى .
حزن مهند عليها: وليه بنت فى سنك تزهق من الدنيا، بالعكس كونى قويه ومتنهزميش لحزنك اكسريه وعديه .
اخذت شهندا نفس وزفرته كانها تخرج رماد قلبها المحترق: خفت اكسره اتكسر معاه .
 عبست شهد محاولة تشجيعها: متخفيش خوفك هو اصلا اللى هيخسرك، لكن لو امنتى انك هتقدرى، مفيش حاجه هتقف قدامك .
ابتسم مهند ونظر الى شهد بأعجاب : صح جدا اسمعى كلام اختك، واضح انها ذكيه وعارفه كويس هى عايزه ايه .
اشاحت شهندا وجهها الى الجه الاخرى بكلمات مكسورة: فعلا هى كده بس انا وقفتها وضيعت مجهودها .
غصبت شهد: على فكره لو قولتى كده تانى هخصمك ومش هكلمك، وبعدين صحيح مش هنبدأ الكرس بقا .
نظرت لها شهندا فهى تتمنى ان تكن صادقه ليرتاح داخلها: يعنى انت مش زعلانه منى فعلا ؟ ولا حاسه ان ضيعت مجهود سنه؟
رمقتها بنظر مؤكده وابتسمت بجماس: يابنتى بطلى العبط ده بقا، وقولى هنبدا بكرس ايه، وبعدين على فكره انا اقتنعت جدا بكلام لولو، يلا بقا خلاصى وبلاش كلام عبيط .
عبست شهندا بطفوليه معاتبه: انا عبيطه ؟!
أتسعت ابتسامة شهد واومأت بالموافقه فضحكت شهندا، فأحتضنتها بسعاده 
كان مهند يتابعهم بسعاده وامتلاءت عينه بالدموع، تنحنح متسائلا: انتو هتاخد كرسات للغات جديده ؟
 شهد بحماس: ايوه نفسى اتعلم لغات كتير، وهنبدا انا وهى بس لسه هنختار اللغه .
فكر مهند وابتسم فهو يريد التقرب منها: ممكن اشترك معاكم ؟
ضحكت شهد بخجل: عادى يعنى(نظرت اليه بخجل) اصل احنا هناخدهم من على النت .
ضحك مهند من خجلها: تمام انا معاكم وحتى لما ارجع القاهره ابقا اكلمكم على النت.
شهد بسعاده: اتفقنا بس هى تختار اللغه يلا ياستى اختارى لكِ حق اختيار اللغه الاولى .
فكرت شهندا ونظرت اليها ببعض التردد: طلما مصره انى انا اللى اختار،يبقا تركى زى ماقالت لمار .
 اتسعت ابتسامة شهد فرحه: طب يالا بقا نطلع نفتح اللاب ونشوف ايه افضل الكورسات ونبدأ فيها .
ابتسم مهند متحمسا: وانا كمان هطلع أدور واللى هلاقيه هبعت لكم اللينك بتاعه .
امسكت شهد يد شهندا وصعدتا معا وخلفهم مهند، دخلتا الى غرفتهم وبدأتا البحث، ودخل هو غرفته وبدأ هو الاخر .
............... 
مر ثلاث ايام وشفيت جولناى واستعد الجميع للذهاب للعمل، وقبل ان يخرجوا نظر ايفى الى لولو مردفا: لدينا اليوم اجتماع مهم جدا، وستكونين معنا به كالعاده، ولكن اريدك ان تركزى جيدا .
اكمل جيهان: سنحدد لك بعض الاشياء على حواسبنا ستعرضيها بترتيب معين .
نظرت اليها جولناى مؤكده : الترتيب مهم جدا لا تنسي .
اومأت بالموافقه وابتسمت: لا تقلقو الامر بسيط ولن اخطأ بامر الله .
خرجو لركوب السياره فتعجبت انها ليست السياره التى يركبونها كل يوم، ابتسمت جولناى: هذه سياره بها اربع كراسى بالخلف نستطيع ان نجلس بها ونعمل.
اكمل ايفى: كى لا نضيع الوقت .
زمت جيهان شفتيه: لان الفتره القادمه بها عمل كثير ولن يكن هناك وقت .
هزت رأسها بالموافقه دون كلام ركبو السياره جلست هى بجوار جولناى، فتحت حاسبوها وحددت لها بعض الاشياء واشارت عليهم: انظرى هذه ستكون اول شئ يعرض .
جيهان موضحا: سنرسلهم لكِ على حاسبوك هناك بالشركه، ولكن سنريهم لكى اولا ولا تنسي الترتيب مهم جدا .
هزت راسها بالموافقه ونظرت بالملفات التى ارسلتها جولناى، ودونت كلمه بجوارهم لتميزهم،اتى ايفى وجلس الى جوارها وفتح حاسوبه، وارها الملف الخاص به، وكتبت كلمه تميزه هو الاخر، قامت جولناى وجلس جيهان الى جوارها من الجه الاخرى، وارها هو الاخر ملفه ميزته بكلمه، شعرت بالحرج لوجودها بينهم كهذا، فقامت لتجلس بجوار جولناى، فتوقفت السياره فجأه فكادت تقع فامسك بها جيهان وكأنه يضمها، ابتعدت مسرعه وجلست بجوار جولناى، واحمر وجهها خجلا وتلعثمت ولم تسطتع ان تنطق،كانت تشعر بالغضب من نفسها كيف لم تنتبه، وتوترت جدا وبدى عليها التوتر، غضب ايفى وقبض على يده وكاد يصرخ بها، لكنه سكت خوفا من غضبها، لم يتحمل رؤيته يحتضنها حتى لو دون قصد، وصلو الى الشركه نزلو جميعا من السياره، نظر جيهان لها معتذرا: اسف لم اقصد ....
قاطعته بتوتر شديد: لا داعى للاعتذار انت انقذتنى كدت اقع وكان عليا شكرك لكن ( زاد توترها وخجلها) ارتبكت قليلا .
وهزت راسها ودخلت مسرعه، نفخ ايفى غاضبا ودخل مسرعا، تعجب الاثنان من تصرفه الغريب ولحقا بهم .
................
خرجت لمار من الحمام وجدت رعد يجلس على سريرها ينتظرها، توترت وبلعت ريقها واخفت الامر فنظرت له مستنكره: ايه اللى جابك هنا وداخل من غير متخبط ليه ؟
نظر لها متعجبا: خبط بس مردتيش فدخلت فكرتك مش موجوده .
  هزت رأسها رافضه ممتعضة: يا سلام وهو انا مش موجوده تدخل اوضتى ليه اصلا ؟
  زفر ضاجرا : استناكى زهقان ومش جايلى نوم، قولت اجى اقعد معاكى شويه .
 زفرت رافضه وقوست شفتيها للاسفل: تقعد تعمل ايه انا اصلا اخدت حمام وهنام .
رمقها بنظره مليئه بالدهشه واشار عليها باصبعه: انت كنتى بتستحمى بهدومك ؟!
فضحكت وجلست على الكرسي امام المرآه، وبدأت تمشط شعرها: باخد هدومى معايا والبس جوا الحمام، ومبحش اخرج منغير هدوم .
  زادت دهشته ومط شفتيه: طب ليه يعنى مش فاهم ؟
 نظرت اليه عبر المرأه وهى تمشت شعرها: بص يا سيدى اصلى كنت بروح كشافه كتير وانا صغيره فى امريكا، وهناك التحرر زياده، ممكن اى احد يدخل اوضتك منغير استأذان، وكمان سعات كان بيبقا معايا شريك فى الاوضه، فكده ابقا فى السليم .
رفع حاجبيه وزمت شفتيه وهز رأسه: اه قولتيلى ( متعجبا) انما مش غريبه ان عمى يخليكى تروحى حاجات زى دى ؟!
تفاجأة بالسؤال وارتبكت وتنحنحت متهربة: هاه اصل يزيد كان بيجى معايا،(بللت شفتيها) وبعدين صحيح بتقول زهقان من القعده لوحدك، امال فين مهند قال هيمشى اخر الاسبوع مقعدش معاك ليه ؟ 
زفر ممتعضا: بينام بدرى عشان بيحب يصلى الفجر فى الجامع، ومش بيعرف ينام بعدها ممل قوى .
انتهت من تمشيط شعرها وجمعته فوق رأسها، والتفت نظرت اليه متهكمة: وانت بقا مش بتصلى ولا ايه ؟
مستنكرا برفض: لاء طبعا بصلى بس بعرف انام بعدها عادى فهمتى .
ابتسمت ورمقته بنظره متعجبه: طب وانت جايلى بقا احكيلك حدوته يعنى ولا ايه ؟
ابتسم وزفر متهكما: بطلى رخامه مش ناقصاكى انتِ كمان، معاكى اللاب بتاعك(اشار عليه بيده) افتحيه ونشغل فيلم نتفرج عليه بدل الممل ده .
فكرت وتنهدت: ماشى يا سيدى .
قامت احضرت الحاسوب ووضعته على السرير وبدأت تشغيله متسائله: ايه نوع الافلام اللى بتحبها؟
 جلس الى جوارها على السرير: اى حاجه اكشن وياريت اجنبى.
لم تعطي اي ردة فعل لجلوسة الى جوارها رغم امتعاضها للامر، زمتت شفتيها: هو مفيش عندى غير اكشن اصلا، مليش فى الرومنسى والملل ده .
  نظر الى شاشة الحاسوب : طب ورينى الافلام اللى عندك كده عشان انقى اللى معرفوش .
  احضرت له قائمه الافلام التى لديها نظر بها مستنكرا: ايه ده كله مصاصين دماء ورعب مفيش اكشن عادى ؟ 
  نظرت الى الاعلى ضاجره : لاء مفيش يا كبير .
زفر عابسا: خلاص اقفلى وشغلى حاجه من على النت .
بدأت تبحث حتى وجدت فيلم استحسنته: ايه رايك فى ده خيال علمى وحاجه تمام .
تعجب مستأ: زوقك غريب جدا شغليه وخلاص .
زفرت بضجر: مش عجبك بلاش انت هتتنك كمان .
نظر اليها مشاكسا: اه ومتنكش ليه ان شاء الله ؟ ده انا رعد مش اي حد
نفخت ورمقته بنظرة متهكمة: ماشى ياعم اتنك براحتك، قولى صحيح هتبدأ تنزل الارض امتى؟ الجروح كلها لمت وانت بقيت كويس .
زفر وبلل شفتيه: بفكر انزل من بكره بس خايف من نظرة الفلاحين .
 هزت رأسها: لاء كبر دماغك هينسو، المهم انت متكنش خايف، لان نظرتهم بياخدوها من ثقتك بنفسك .
 اومأ بالموافقه: عندك حق، انا عمرى ما كنت خايف او ضعيف .
ابتسمت ممازحة: ده صحيح انت بس مغرور حبيتين  .
نظر لها متحديا: مش اكتر منك ده انت الغرور كله .
ضحكت : بص مش هرد عليك يالا الفيلم هيبدأ .
بدأ الفيلم وبدأا فى متابعته، وفجأه تافف رعد وخلع قميصه : ..

بسم الله الرحمن الرحيم وبه نستعين اللهم اتنا فى الدنيا حسنه وفي الاخره حسنه وقنا عذاب النار
...........
ماتشو (Maço)
الحلقه العاشره 
بدأ الفيلم وبدأا فى متابعته، وفجأه تافف رعد وخلع قميصه: اوف ايه الحر ده مش طايق .
رمقته لماربنظره محذره: ولا اتلم والبس هدومك مبحبش كده .
نظر اليها عابسا بضجر: يا بنتى بقولك حران ايه هو مفيش رحمه، وبعدين انت مش مشغله التكيف ليه ؟
ارتبكت من تصرفه لكنها لتداريه زفرت غاضبه وهي تجز على اسنانها: عشان باخد حمام سخن وانام، والتكيف بيتعبنى، بقولك ايه(اشارت بيدها ليخرج) روح اوضتك احسن يالا من هنا .
ضحك فقد شعر بارتباكها وقد اعجبه الامر: مش ماشى خلاص هلبس الفانيلا، دا انتى خنيأه يا ساتر يارب ايه ده مفيش رحمه .
نظرت اليه واشاحت وجهها الى الجه الاخرى فهي ترفض هذا التوتر بداخلها: لاء مفيش واتلم بقا وبطل رخامه .
ضحك وارتدى قميصه واكملا مشاهده للفيلم، وضعت وساده صغيره اسندت عليها ظهرها،كان هناك مسافه بينهم كل منهم يجلس بطرف السرير،استلقت تشاهد فغلبها النعاس،نظر اليها متعجبا وبدأ يتأملها وعض على شفتيه وابتسم قائلا فى عقله : هى البنت دى مجنونه ولا عبيطه مش عارف شخصيه غريبه .
عاد الى النظر الحاسب ولكنه عاود النظر اليها، وتأملها اكثر ونفخ، قرب يده ليلمس شعرها، تذكر كلمتها ( هى سايبه اى حد يلمس شعرى ) ابعد يده مره اخرى نفخ اكثر، اغلق الحاسب وعاد للحملقه بها، بدأ يتعرق ويشعر ببعض السخونه قبض على يده وانتفض قائما : لاء كده خلاص مينفعش، انا خارج قبل ما يحصل مشكله، دى اكيد مخها لاسع، معقول تكون مطمنه ليا وواثقه فيا للدرجه دى ؟! (اتسعت حدقة عينيه وقطب جبينه) ولا تكون مش شايفانى راجل!!
هز رأسه كأنه ينفض عنها الفكره،وخرج مسرعا عاد الى غرفته ظل يلف بها بعض الوقت، اخذ حمام ليهدأ ونام .
وفى الصباح استعد للخروج اتى اليه مهند، نظر اليه متسائلا: على فين العزم كده ؟
ابتسم : هنزل الارض مع سيف زهقت من القعده فى البيت، وخلاص الحمد لله خفيت وبقيت تمام .
 هز رأسه: احسن بردو الحركه حلوه(متعجبا)، بقولك امبارح جيت باليل اطمن عليك، ملقتيكش فى اوضتك كنت فين ؟
 انتبه له متهربا: هاه ابداً زهقت ومكنش جايلى نوم فخرجت شويه ؟
لم يعرف لم لم يستطع ان يخبره انه كان عند لمار، رمقه مهند بنظره متعجبه : خرجت فين يا بنى انا دورت عليك فى الجنينه ملقتيكش ؟
  نظر بعيدا وزمت شفتيه: تلاقيك بصيت فى ناحيه وانا كنت فى الناحيه التانيه، هروح فين يعنى .
  رفع حاجبيه وانزلهم فهو يشعر انه يخفى شيئ لكنه لم يعطى الامر اهتمام: طب تمام انا هسافر بكره بأذن الله، اطمنت عليك خلاص كان نفسي اقعد، بس خايف عمى ياسر يزعل عشان بناته هنا .
 هز رأسه رافضا: طب وهو ايه اللى يزعله امهم معاهم متكبرش الموضوع .
 وضع يده على كتفه وتنهد: مش مكبره بس كده احسن .
  اومأ بالموافقه: انت حر انا هنزل عشان سيف مستنينى سلام .
  نظر اليه متسائلاً: هى لمار مش هتروح معاكم ؟
رفع كتفيه وانزلهم:
 مش عارف هعدى عليها اقولها .
تركه وذهب وقف امام باب غرفة لمار وهو يلوم نفسه، لما اخفى على اخيه انه كان بغرفة لمار، لما يشعر بالخجل من الامر، فهو يعرف ما يفعل وما ينتويه، قرع الباب ودخل وجدها مستعده القى التحيه: هتنزلى معنا الارض ؟
 ابتسمت وهزت رأسها: اه انا جاهزه هعدى بس على ماما واخوتى، واحصلك على تحت .
 نظر اليه متعجبا فهى تتعامل معه عادي، اثار الامر تساؤلات بداخله، وقرر ان يسألها عنها ولكن ليس الان، تركها ونزل وذهبت هى الى غرفة اخواتها .
...............
عادو من العمل دخل الجميع الى المنزل نظر ايفى الى لولو فمازال بداخله يحترق: لولو من الغد تحضرى معكى حاسوبك، لنرسل لكي الرسائل هنا فى المساء، كى لا يحدث اى خطأ .
هز جيهان رأسه: فكره جيده لما لم تقول هناك، كانت احضرته معها؟
ابتسمت لولو: ليست مشكله من الغد احضره .
وضعت جولناى يدها على بطنها: انا جائعه جدا ولا اريد طعام من المنزل، مارايكم نشترى بيتزا منذ زمن لم نشتريها .
نظر لها ايفى بسعاده : فكره جيده هيا ارسلي الطلبات تأتى اثناء تغير ملابسنا .
تحمست جولناى: جيد هيا اخبرونى بالطعم المطلوب .
اخبروها وارسلت الطلبات ونظرت الى لولو : عندما يأتو رجاًء استلميه واعلمينا بوصلها .
هزت راسها بالموافقه تركوها وصعدو، دخلت غيرت ملابسها وخرجت، اتت الطلبات استلمتها ووضعتها وصعدت اخبرتهم ونزلت، لحق بها ايفى وقف الى جوارها نظر لها بود: هيا تعالى نضع الطعام حتى ينزلو .
ابتسمت وتحركت معه وضعا الاطباق والطعام، جزب كرسي واشار لها لتجلس، ابتسمت وجلست وتنهدت بحزن، ابتسم وجلس بجوارها لاحظ حزنها فسالها: لما كل هذا الحزن ؟
ابتسمت متذكرة: ذكرتنى بوالدى رحمة الله عليه، كان كلما شعرت بالضجر ياخذنى ونذهب الى احد المطاعم ونتناول الطعام معاً .
كانت تضع يدها على الطاوله، فربت عليها فارتبكت وسحبتها بخجل، فابتسم لعفويتها: لما فزعتى هكذا ؟
تنحنحت بحرج: لا احب ان يلمس احد يدى .
تعجب ولم يعقب، اتى جيهان وجولناى وجلسا وبداو تناول الطعام، نظر جيهان الى لولو: اعلم ان المصرين لا يحبو الطعام الجاهز؛ لكن هذه البيتزا ستعجبك .
ابتسمت لولو مؤكدة: نعم انها جميله جربت اكثر من طعم منها سابقا .
هز راسه متعجبا ابتسمت جولناى فقد فهمت ما يرمي اليه: لولو كانت مددلة ابيها، وكانت تملك شركه ايضاً.
نظر اليها جيهان متعجبا: حقاً ولما لم تخبرينا من قبل؟ 
ايفى ساخراً: الله الله اتمازحينا يا بنت، لديها شركه وتعمل مساعده لدينا ؟
تنهدت بحزن وامتلاءت عينها بالدموع: بعد وفاة والدى ضاعت الشركه، وخسرت كل النقود ولم يعد لى احد .
حزن جيهان وتنهد: كيف ذلك قصى علينا ما حدث ؟
ترددت للحظات وقصت عليهم كل ما حدث، تضايق ايفى وضرب على الطاوله غاضبا: كيف يحاول هذا السافل خطفك ؟ 
جيهان بغضب: لما لم تبلغى الشرطه ؟
تنهدت والدموع تملاء عينها بكلمات تمتلاء بالحسرة: حتى لو ابلغتها ماذا ستفعل لى لو اختطفنى، كان الحل الافضل لى هو ترك البلد .
تعجب ايفى: ولما اخفيتى عنا هذا الامر ؟
مسحت دموعها واخذت نفس وزفرته : لا احب ان اشغل احد بألامى وايضا بماذا سيفيد اخباركم.
ربتتت جولناى على كتفها محالة التخفيف عنها: لا تقولى هذا، انت اصبحتى اختنا وهمك همنا، لا تحزنى بعد الان .
ابتسمت لولو فقد شعرت ببعض الرحة لكلامهم: لا اعرف كيف اشكركم على كلامكم هذا .
ربت ايفى على كتفها بحنان: لا تقولى هذا يا بنت .
اكمل جيهان : انت اختنا ولا يوجد شكر . 
 هزت رأسها وابتسمت: ادامكم الله لى .
 ارادت جولناى تغير الكلام: هيا نكمل الطعام قبل ان يبرد فنحن متعبون نحتاج الى النوم .
 اومأ جيهان: حقا والايام القادمه ستكن اكثر صعوبه .
اكملو تناول الطعام وصعد كل منهم الى غرفته، ودخلت لولو الى غرفتها  لتنام، فهي لا تفهم ايفى هذا فتصرافته معها دموما غير مفهومة .
........... . .  
ظلت لمار مع اخواتها بغرفتهم لبعض الوقت، وبعدها نزلن جميعا الى الحديقه، وذهبت لوالدتهم الى المطبخ للتابع العمال، نظرت لمار على شهد وشهندا وهم تلعبا وتجريا فى الحديقه، وابتسمت بسعاده: الحمد لله اتحسنتى كتير يا شهندا .
ابتسمت بسعادة تمتلاء كلماتها: الحمد لله الكتب اللى بعتهالى الدكتور هشام، افدتنى كتير وخلتنى اغير طريقة تفكيرى .
 عبست شهد مازحه: وانا اللى كنتى مفكركى بتذاكرى معايا الكورس  .
ضحكت شهندا مشاكسه: امال مين اللى بيقعد يتكلم معاكى تركى؟ 
ضحكت هى الاخرى: منا عارفه بس بضحك معاكى، (نظرت الى لمار ) ابقى قولى لولو عشان نكلمها ونشوف احنا ماشين كويس ولا لاء .
ابتسمت لمار وزمتت شفتيها: ماشى اكيد بس هما عندهم شغل كتير الايام دى هبقا اتفق معها ونكلمها يوم الاجازه .
هزت شهد راسها: فكره كويسه .
اتى مهند وقف على بعد مسافه منهم: ينفع انضم لكم ولا هتضايقو ؟
ابتسمت شهد بخجل: اكيد طبعا وهو ده محتاج سؤال .
نظرتا شهندا ولمار اليها وابتسمتا، فزاد خجلها ونظرت الى الاسفل، نظرت لمار الى مهند: رعد قالى انك هتسافر بكره .
هز مهند رأسه بالموافقة: اه فعلا بامر الله منا عشان كده قولت اجى اودعكم .
حزنت شهد وبدى عليها، لاحظت لمار فابتسمت قائله لتدارى الامر: طب ما تخليك معنا هو فى حاجه وراك فى القاهره ؟
ابتسم ببعض الحرج: كان نفسي بس عشان عمى ياسر ميتضايقش، بس هفضل مكمل معاكم فى الكورسات، ونبقا نعمل محدثات على النت زى ما احنا عادى .
 نظرت اليه شهد بخجل ونظرت الى الاسفل وقالت: ان شاء الله .
شعرت لمار ان هناك بعض الانجذاب بين شهد ومهند، فرحت لهذا ولكنها خافت من رد فعل شهندا، فهى حزنت عندما تخيلت ان لمار ستتركهم، ماذا لو شعرت ان شهد ستتركها، لكنها كانت انتبهت انها تلاحظ الامر هى الاخرى، لكنها سعيده به فهذا يدل انها بدأت تتغير بالفعل، ظلو معا لبعض الوقت، ووقت صلاة الظهر تركهم مهند وذهب للصلاه فى المسجد، ودخلن هن الى الداخل، بعد بعض الوقت عاد رعد وسيف من الارض، تناول الجميع الغداء وظلو معاً لبعض الوقت، وصعدو الى غرفهم، دخل مهند وجلس مع رعد فى الغرفه وبدأ يتحدث اليه:شايف العلاقه بينك وبين لمار اتحسنت كتير .
تنهد ببعض الحيرة: بنت غريبه شويه بس جدعه قوى، وبصراحه كده حسيت انى كنت غبى فى طريقتى فى التعامل معها .
تعجب: هو من ناحية طريقة تعاملك هى فعلا كانت غلط، انما هى غريبه ازى يعنى ؟
اخذ نفس وزفره: مش عارف يعنى ( اشار بيده ورفع كتفيه) مش عارف .
  ابتسم ورفع حاجبيه زمت شفتيه: هو ايه اللى مش عارف مش عارف متقول كلام يتفهم .
 اخذ نفس وزفره متحيرا: ليها تصرفات مش فاهمها ومش عارف افسرها .
ابتسم وربت على كتفه: ادي نفسك فرصه فتره تتعرف عليها، يمكن تلاقى تفسير للى مش فاهمه .
  اومأ بالموافقه دون اكتراث فلا احد يعلم ما براسه: معاك حق انما انت بقا شكلك كده وقعت صح (غمز بعينه)
 ضحك متنهدا: يعنى حاجه زى كده، بس انا ناوى اخد خطوه اول ما ارجع .
 ضحك وغمز له: ده انت طبيت على الاخر، عموما ياعم انا افرحلك، ومعتقدش موضوعى انا ولمار هيكون له تأثير عليك .
ربت على كتفه ونظر باصرار: متخفش انا لما اخد قرارى واصمم على حاجه بنفذها، متقلقش على اخوك .
امسكه من كتفه واثقاً : متأكد طبعا .
ونظر اليه داعما له، هز راسه وابتسم وخرج، جلس يفكر فى كلامه وشعر انه قد يكن حمل الامر اكبر من حجمه، وقرر ان يجرب مره اخرى، ذهب الى غرفتها دق الباب لم ترد فتح ودخل، نظر الى الحمام وجده فارغ، ففهم انها لم تعد من عند اخواتها،فأستلقى على السرير ينتظرها، مر بعض الوقت واتت وعندما راته على السرير نظرت اليه محتدة: فى ايه يا بنى انت ايه اللى جابك تانى ؟
نظر اليها وهو مكانه : ايه ده ايه المعامله دى، مش عيب كده تعالى نشغل فيلم ونتفرج عليه .
نفخت رافضه ممتعضه: لاء طبعا خد اللاب واتفرج براحتك، انا تعبانه وعايزه انام .
نهض من السرير وتحرك وقف امامها مباشرة ونظر لها بنظرات لم تفهمها: انا كمان تعبان هروح انام تصبحى على خير سلام .
وامسكها من ذقنها فخبطت يده ابعدتها ونظرت له غاضبه: اوعى ايدك بقولك ايه مبحبش الحركات دى، هتمدها تانى هقطعهالك احنا اصحاب راجل لراجل ماشى .
ابتسم : ماشى يا صاحبى سلام .
وخرج وقد هدأت الشكوك براسه قليلا، اغلقت الباب وجلست وهى غاضبه، فهي ترفض الاعتراف بهذا الارتباك الذي يزيد من تصرفته، امسكت الهاتف ارسلت رساله الى لولو، لحظات واجابت فطلبتها اجابتها: ماتشو (Maço) حبيبتى وحشتينى اخبارك ايه ؟
  لولو عابسه: تمام الحمد لله اخبارك انت ايه ؟
  شعرت بالغضب فى صوتها فأجابتها: تمام الحمد لله شكلك متضايقه، يعنى مزعلتيش لما قولت ماتشو، احكى ايه اللى مزعلك ؟ قرى واعترفى .
 اخذت نفس وزفرته: مش عارفه يا لولو حاسه انى متضيقه، ومش فاهم ايه السبب .
فكرت ان تنبش في داخلها لتعرف ما سبب غضبها:
 اكيد رعد مفيش غيره قوليلى عمل ايه ؟
زمتت شفتيها: بالعكس ده احنا اصطلحنا وبقينا اصحاب منا حكيتلك، ده حتى امبارح كان زهقان وجه اوضتى، وقعدنا نتفرج وانا نمت وهو مشى وسابنى .
عبست وزفرت مستنكره وقد اتسعت حدقتيها: انت بتهرجى صح؟! انت هبله يا بنتى، ازى تدخليه اوضتك وتنامى كمان وهو موجود، ازى يعنى، ده كل اللى بينكم ورقه انت بنت وهو ولد، عشان كده متضيقه طبعا نظرته ليك اتغيرت .
نفخت بضجر: يوه بقا اعمل ايه اللى حصل، وبعدين يعنى احنا اتفقنا نبقا اصحاب راجل لراجل، يعنى عادى .
 فكرت ان تنبها: لما هو عادى متضيقه من ايه ؟!
  زفرت وارتسم الغضب على وجهها: اتعامل معايا النهارده بشكل غريب، حسيت  ( سكتت للحظات )مش عارفه اتضايقت.
لم تستطع ان تخبرها عن ارتباكها فهي رافضه له، ولن تتفوه به حتى لنفسها،
 عبست لولو: لمار انت اكتر واحده عارفه الرجاله بتبص للبنات ازى، ووجوده معاكى فى الاوضه، وتعاملك معاه باريحيه ملوش غير معنى من اثنين، يا اما انت عبيطه وسازجه، يا اما متعوده وبتهيألى الاثنين انيل من بعض .
نفخت غاضبه وهي تقبض على يدها: عموما هو فهم الاولى عبيطه يعنى .
ضحكت ومازحتها: يعنى طلعتى عبيطه يا ماتشو (Maço) .
 عبست مزمجرة: انت هتتريقى كمان الحمد لله انها جت على كده .
 ابتسمت: الحمد لله المهم انك تكونى فهمتى يا ماتشو (Maço)، وبعدين يعنى معتقدش انك محتاجه انى اقولك ولا ايه ؟
 عبست بغيظ : فهمت وبطلى بقا ماتشو بتعتك دى يا رخمه .
مازحتها : خلاص ياستى بلاش ماتشو طلما بتزعلك هقول يا عبيطه .
 زفرت ممتعضه: ماشى يا صاحبة العبيطه نعدى هالك، انما قوليلى حساكى متضيقه احكى فضفضى كُلى اذاً صاغيه .
 متهكمة: هى وصلت لاذان كمان وصاغيه، روحى نامى انا كويسه جدا، وبالعكس علاقتى اتحسنت بيهم جدا .
لم تقتنع بكلامها لكنها ارجأت الامر وابتسمت: طب الحمد لله اسمعى، يوم اجازتك هنبقا نكلمك انا واخواتى، عشان يتدربو معاكى على التركى .
  هزت راسها بالايجاب: تمام فكره كويسه يالا بقا تصبحى على خير يا ماتشو  (Maço) .
 ضحكت مشاكسه: وانت من اهله وبطلى ماتشو بقا بدل ما أضربك .
انهت معها المكالمه واستلقت على سريرها، وهى تلوم نفسها وتشعر بالخجل، حتى غلبها النعاس، استيقظت على رعد وهو ييقظها: يالا قومى غيرى عشان ننزل الارض، سيف مسنينا تحت .
اغلقت عينها وفتحتها لتتأكد انها مستيقظه،وقامت وقفت ونظرت له غاصبه: انت ازى تدخل اوضتى كده منغير اذن ؟ انت مجنون ؟
ضحك ساخرا: اوضتك ايه يا بنتى انتِ نسيتى اننا متجوزين، عادى يعنى .
زفرت ورمقته بنظره غاضبه: هو ايه ده اللى عادى، احنا كل اللى بنا ورقه يعنى مش جواز من اصله، ولو سمحت متتخطاش حدودك .
رمقها بنظره مستنكره: الله الله انتِ هتقلبى ليه مااحنا كنا بقينا اصحاب وكويسين مع بعض ايه اللى حصل يعنى ؟
قبضت على يدها وجزت على اسنانها اخذت نفس وزفرته قائله:رعد مش معنى انى راحت عليا نومه وانت موجود فى الاوضه، تتمادى فى الامر، انا يومها كنت تعبانه ومش مركزه، واصلا باب الاوضه كان مفتوح يعنى مكنش الباب مقفول علينا، واتعملت معاك كصحاب .
فكر وزمت شفتيه: هو انت بتدخلى اصحابك اوضة نومك ؟ عادى يعنى ؟
فهمت سبب سؤاله ففكرت ان تثبت الامر: اه عادى مش بنات زى بعض .
صدم وحجظت عيناه: نعم هو انت معتبرانى بنت ؟! 
ضحكت ممازحة: ايوه طبعا امال هصاحب ولد، انت صدقت حكاية راجل لراجل دى ولا ايه ؟
 ابتسم فكلمتها زالت كل الشك الذى كان بداخله، ونظر لها: طب خلاص امال زعلانه ليه انى دخلت دلوقتى ؟
نظرت له رافضه : عشان حتى البنات بتخبط قبل ما تدخل .
مازحا وهو يرفع صوته: طب خلاص فهمت مش هعمل كده تانى يا صاحبتى .
عبست وهزت رأسها : هاها هاها دمك تقيل فى بنت بالحجم ده، يالا امشى خلينى اغير هدومى .
ضحك : ماشى خلاص متزوقيش كده هسبقك على تحت .
تركها وخرج اغلقت الباب ونفخت فقد ازاحت هم عن قلبها: الحمد لله كده احسن .
غيرت ملابسها ونزلت وذهبو معا، وفى المساء اتى رعد الى غرفة لمار دق الباب ودخل نظرت اليه: فى حاجه يارعد .
نفخ ضجرا: زهقان متشغلى اللاب نتفرج على حاجه .
  عبست متمتمه: مليش مزاج وكمان هنام خده اهو اتفرج انت .
  زفر وهز رأسه: ماشى طب هاتى الباس ورد بتاعه .
 احضرت الحاسب واعتطته له : الباس ورد زياده .
تعجب : نعم زياده ! ازى يعنى ؟
  لم تفهم مقصده فقالتها حروف: زد اى ايه دى كلهم كابيتل .
  ابتسم : ايه الاسم الغريب ده انت اصلا مجنونه فعادى، تعرفى بتفكرينى بواد كنت اعرفه زمان اسمه زياد، اتعرفت عليه فى ابتدائى، بس كان واد عسل زيك كده، قال زياده قال .
اخذ الحاسب وخرج وهو يضحك، وقفت هى فى ذهول وصدمه وكأن جبل سقط فوق راسها: انا ازى نسيت رعد هو ده اسم يتنسى ( نفخت بغضب ) بس مكنتش اتخيل انه لسه فاكره .
نفخت ودخلت الى الحمام غيرت ملابسها ونامت، مرت الايام بسرعه وانتهت فترة الحصاد واتى والاخوه لاستلام الارض من الفلاحين، استقبلهم كل من بالمنزل، وقفو جميعا يسلمو على بعض، وقف ياسر ينظر الى بناته وهن يسلمن عليه من بعيد وهن خائفات، رأى فرحة سيف ورعد بوالديهم واخوتهم، واحتضانهم لهم بحب وفرح، وتمنى ان تقابله بناته بنفس الفرح والسعاده، بدلا من هذا الخوف الذى بدد فرحتهم، جعل مكانها ابتسامة صفراء تعتصر قلبه وتخلعه من مكانه، فبينهم جبال من الجليد عليه ازالتها، كان ينظر لهم ويلوم نفسه كيف اوصلهن لهذه الحاله، جلس الجميع ابتسم حازم: المحامى كلمنا وقال موضوع الارض خلاص خلص، وان شاء الله النهارده هنعمل اغلب الاجرأت القانونيه ونمشى بكره .
ابتسمت ماجده: على خير ان شاء الله ( نظرت الى هشام ) مبروك ما جالك يا دكتور ياتربى فى عزك وعز جده .
 ابتسم هشام فرحا: الله يبارك فيكى، معلش الفتره اللى فاتت معرفتش اجى بسببه، بس النهارده قولت لازم اجى اطمن على شهندا .
ونظر الى شهندا فابتسمت قائله شهندا : الحمد لله يا دكتور انا بقيت احسن كتير، والكتب اللى بعتهالى استفدت منها وفرقت معايا .
اومأ هشام بسعاده: تمام بعد شويه نطلع نقعد نتكلم كده شويه، بعد اذن عمى طبعا  .
نظرت ماجده الى ياسر وكانها تسأله فاومأ برأسه بالموافقه فابتسمت: ان شاء الله يا بنى نطلع بعد شويه .
حازم وهو ينظر الى الجميع: طب فى مشروع مهم هنتكلم فيه مع الولاد باذن الله باليل، وكمان عشان ناخد القرار الاخير فى موضوع رعد ولمار .
نظر رعد الى لمار فأومأت له برأسها فتكلم : ممكن تسمحو لنا نتكلم احنا كمان مع بعض ونتفق على اللى هنعمله . 
ابتسم حازم فقد زالت الخلافات بينهم ولم يعودا يتشاجران كالسابق واومأ قائلا: تمام يبقا اتفقنا، باليل ان شاء الله هنقعد كلنا مع بعض، ونتفق على كل حاجه .
رن هاتف حازم وجده المحامى فاشار الى اخوته: يالا احنا على المكتب المحامى جاى .
دخل الثلاثه الى المكتب واتى اليهم المحامى، كان مهند يجلس الى جوار رعد فنظر اليه مستفسرا: هو فهد مجاش معاكم ليه ؟
ابتسم متمتما: عنده تدريبات مهمه، وكمان قال خلاص انتو هترجعو فملوش لزوم المشوره .
كان مهند يختلص النظر الى شهد كلما اتته الفرصه، فهو مشتاق اليها، لكنه لا يستطع البوح،لاحظه رعد ابتسم ولكزه بكتفه وهو يغمز بعينه: انما واضح اننا وحشناك قوى وعشان كده جيت ومقدرتش تستنى .
واشاح بنظره ناحية شهد وشخص اليه،
ابتسم فقد فهم مايقصد : فعلا انتو وحشتونى جدا .
تلاقت عينه بعين شهد وهو ينطق هذه الكلمات، وشعرت ان هذه الكلمات لها، وتمنى ان يجري عليها ويبوح لها بكلم ما بقلبه، قام رعد واشار الى لمار: يالا تعالى نطلع احنا نتكلم فى الجنينه، عايز نتكلم شويه لوحدنا ( نظر الى ماجده ) ممكن يا طنط ؟
ابتسمت ماجده وهزت رأسها بالايجاب: اكيد يا بنى .
خرجت لمار ورعد وجلسا فى الحديقه، نظر لها رعد: عايز اتكلم معاكى شويه ممكن .
هزت رأسها بالموافقه  .
............
 اعتدات لولو على الحياه معهم واصبحت فرد منهم، ولكن ببعض الضوابط لهم، فقد تفهمو هم ايضا طريقتها وطبعها، وقفت  تعد القهوه اقترب منها جيهان: ماذا تفعلين ؟
نظرت اليه وابتسمت: اعد كوب قهوه لى فرأسى يؤلمنى قليلا، هل اعد لك معى ؟
ابتسم وهو يشير لها: لا ساعدها انا بطريقتى الخاصه، وساعلمك طريقه جيده لعملها لن تتخيلى جمالها .
اتسعت ابتسامتها وفسحت له الطريق: ارنى اذاً .
وقف الى جوارها يريها طريقة اعدادها وهو يمازحها فيضحكان، رأهم ايفى واشتعل غضبا، ونداهم هادرا: انتم ماذا تفعلون ؟
نظر اليه جيهان بهدوء: نعد قهوه هل نعد لك معنا ؟
اكملت لولو: انه يعدها بطريقه رائعه ستعجبك .
قبض على يده ونفخ وعينية تشتعل: لا شكرا .
وادار وجهه عنهم وهو غاضب، وكلما سمع صوت ضحكاتهم زاد غضبه، ضرب بقبضته على فخذه وخرج الى الحديقه، انتهيا من القهوه وجلسا وبعد ان شربها دخلت لولو الى غرفتها، وصعد جيهان الى غرفته، دخل ايفى من الحديقه لم يجدهم، فاسرع الى غرفة لولو ودق الباب، فتحت له: هل هناك شئ ؟
نظر اليها غاضبا: اريد التحدث معكِ ممكن .
تعجبت فهي لا تفهم سبب غضبه: تمام قول ما تريد .
دخل الى الغرفه واغلق الباب، نظرت الى غاضبه: افتح الباب وتعالى نتحدث فى الخارج، لن اتحدث معك هنا . 
جز على اسنانه وهو يقبض على يده: لا بل نتحدث هنا، ماذا بينك وبين جيهان ؟
صدمت من السؤال : جيهان .. ماذا تقصد ؟ اياك ان يكن عقلك ...
قاطعها وهو ينظر الى عينها وقلبه يشتعل من الغيرة: انا اسالك هل تحبينه ؟
تفاجأت من سؤاله ابتلعت ريقها: ماهذا السؤال من تظننى .
قرب وجهه من وجهها: انا احترق كلما رايتك تمزحين وتضحكين معه ارجوكى اجبينى هل تحبينه هل بينكم شئ ؟ 
ارتبكت من اقترابه منها هكذا وعادت الى الخلف حتى التصقت بالحائط: لا انه ليس اكثر من صديق .
بنظرة ترجى وقلبه يدق بقوة: حقا اى ان قلبك ليس مشغولا بغيرى ؟
زاد ارتباكها من السؤال وفتحت فمها من الصدمه، لم تستطع ان تجيب قالت حروف مقطعه : م..م..ا...ذ..ا .
نظر اليها بحب عاشقا: انا احبك بل اعشقك، ما عدت اتحمل رؤية جيهان يتحدث اليكِ، قلبى يشتعل غيره، لا اعرف ماذا دهانى، ولا كيف حدث ذلك لكنه حدث، هل تقبلين حبى لكِ ؟
تجمدت مكانها حركت شفتيها لتتحدث لكنها لم تستطع، بلعت ريقها بصعوبه، فهذا اخر شئ فكرت به، لم تتوقع ابدا انه بحبها، فنظرته تمتلاء بالحب والعشق، لا تعرف هل تصدق هذه النظره، نظرت الى الاسفل فقال رافضا: لا تبعدى عينك عنى، فانا انتظر الاجابه منها، ليس منكى فهى لن تكذب علي .
ابتلعت ريقها وتنهدت وظلت تنظر الى الاسفل، فقال مترجيا : رجاءً انظرى الي، ارينى عينك واجيبى على سؤالى هل تحبينى كما احبك ؟ او حتى جزء بسيط منه ؟
اغمضت عينها وعضت على شفتها السفلى، فتحتهم مره اخرى، واستجمعت نفسها بعد ان شتتها بكلماته، ونظرت اليه :.......
.............
نظر رعد لها: احنا بقينا اصحاب، وقربنا من بعض جدا الفتره اللى فاتت، وحاسس اننا ممكن نكمل مع بعض انتِ ايه رأيك ؟ 
اخذت نفس وزفرته وترددت ببعض التفكير: مش شايف انك اتسرعت شويه؟ يعنى صحيح قربنا من بعض مبقاش بنا خلفات زى الاول، بس يعنى محدش فينا يعرف حاجه عن التانى.
رمقها بنظره متعجبه: انتِ قلقانه من ايه خايفه مثلا يكون ليا علاقات ببنات تانيه مثلا (ابتسم ) متخفيش انا راجل دُغرى وبتاع شغل ومليش فى الحاجات دى .
ضحكت ومازحته : وهو بمعملتك اللى كنت بتعاملها لى دى ممكن بنت تقربلك اصلا .
ضحك ونظر الى عينها: يا سلام مافى بنت زى القمر قاعده جنبى وبقت صاحبتى كمان .
ضحكت ونظرت الى الاسفل بخجل، فأكمل: ايه بقا اللى مخوفك وقالقك ؟
تردد للحظات فهي لا تريد فتح صندوق اسررها: فى حاجات انت متعرفهاش عنى(ابتلعت ريقها وتنهدت)  فى سر فى حياتى محدش يعرفه، وقبل ما نفكر فى اى خطوه لازم تعرفه .
نظر اليها متعجبا : سر ايه حاجه مهمه قوى للدرجة دى .
هزت رأسها بالموافقه وقد بدى عليها التوتر الشديد، شعر بالقلق والحيره فقال : طب لو حابه تقوليه انا سامعك .
اخذت نفس وزفرته عدت مرات واستجمعت شجاعتها وتنحنحت : مش عارفه ابدأ منين، بس هقولك حاجه فاكر مره لما قولت انى بفكرك بواحد صاحبك اسمه زياد ؟
متذكرا : اه فاكر .
قبضت على يدها واغمضت عينها وفتحتها وزمتت شفتيها: زياد  .......
تعليقات



<>