رواية ماتشو الفصل السابع والعشرون27 الاخير بقلم هدي مرسي ابو عوف

رواية ماتشو الفصل السابع والعشرون27 الاخير بقلم هدي مرسي ابو عوف
الحلقه السابعه والعشرون ( الاخيره)
مر الاسبوع ولم يشعر رعد بالوقت بسبب كثرة العمل، وبعد عودته للمنزل وهو يجلس على حاسوبه، تذكر الامر فارسل رساله الى لمار يسألها عنها، لكنها لم تجيب فخرج من الغرفه يتمشى فى الرده لتضيع الوقت، وجد فهد يجلس شاردا بغرفته، فاقترب منه وناده لكنه لم ينتبه له نكزه فى ذراعه منبها: فهد انت روحت فين يابنى؟
انتبه له وتنهد: هاه هروح فين يعني منا قاعد قدامك اهو.
ابتسم رعد: اه قدامي بس عقلك في مكان تاني اللي واخد عقلك .
تنحنح فهد متهربا: مين هياخد عقلي يعنى ده الشغل ما أنت عارف، اصل التمارين بتاعت المستشفى ديما تاخد مني تفكير عشان اجبلهم تمارين جديده.
ربت رعد على كتفه: المستشفى اه قولتلي عموما ياعم أنا أخوك واتمنالك كل خير، وهفرح جدا يوم ما قلبك يدق .
اشاح فهد بوجهه عن رعد وتوتر مستنكرا: قلبي يدق ايه وكلام فاضي ايه، انا مليش في الكلام الفاضي ده، أنا بتاع شغل بلاش الكلام ده.
ضحك رعد: خلاص ياعم متزوقش كده بلاش قلبك يدق، خليك قاعد كده زى قرد اطع لوحدك .
وتركه وخرج زفر فهد قائلا فى عقله: هو معقول احب بالسرعه دي اصلا، وبعدين دي دكتوره يعني مش تيمي اصلا، بس انا فعلا بفكر فيها وزعلت لما قعدت يومين ماشوفهاش .
زفر ضجرا وارتمى على سريره، دخل رعد غرفته وهو يضحك على مكابرة فهد، راى رساله من لمار فرح وفتحها مسرعا، وجدها قد كتبت له ان ريماس عادت من الاجازه، وليس لديها عمل فى هذه الايام، لم ينتظر رعد وطلب لمار مكالمه صوتيه على النت، للحظات واجابت: ايوه يا رعد .
رعد متلهفا: شوفت الرساله بتاعتك، ومدام فاضيه حددي معها معاد لو ينفع انهارده يبقا تمام .
تعجبت لمار من تعجله: طب وليه السربعه دي اللى صبرك الاسبوع اللى فات يصبرك لبكره .
زفر رعد: طب وليه العطله خلصي يا ستي .
زفرت لمار ضجرة: ماشي هقفل معاك اكلمها وارجع اكلمك تاني .
انهت معه المكالمه وارسلت لرماس واخبرتها، فقبلت وطلبتها هي وهو فى مكالمه جماعيه صوتيه، اجاب الاثنان فقالت: انتو الاثنين معايا دلوقتى على النت تقدرو تتكلموا وتتفقوا سوى، اتفضل يارعد اشرح لها الصوره اللى فى دماغك عن الاعلان .
تنحنح رعد : اهلا يا انسه ريماس اتمنى تكوني لسه فاكرني، احنا اتقبلنا فى فرح يزيد .
ابتسمت ريماس ببعض الحرج: ايوه انا متذكرك اتفضل يا استاذ رعد، اشرح الفكره الي فى دماعك وانا هحاول اصمم لها الاعلان .
ابتسم رعد لانها ماتزل تذكره وبدأ يشرح لها شكل الاعلان، رن هاتف لمار فاغلقت الصوت لديها فهم يتحدثان على الحاسب، واجابت على جيهان: ايوه يا حبيببي .
ابتسم جيهان: كيف حالك الان حبيبتى؟
تنهدت لمار: انا بخير لا ينقصنى سوى وجودك معي .
تنهد جيهان: اشتاق اليكِ كثيرا وساتي لكِ قريبا اخبرينى متى ستذهبي للطبيبه؟
عبست: بعد غد .
سمع جيهان صوت رعد وهو يتحدث الى ريماس فعبس: اسمع صوت رجل بالغرفه هل هذا صوت رعد؟
زفرت: نعم انه يتحدث مع ريماس بخصوص الاعلان .
غضب محتدا: وما الذى اتى به الي غرفتك، ألم تقولي انه يرسل الورق اليك مع والدك، ولم يأتي بعد المره التي اتا بها؟
ابتسمت من غيرته: انه لم يأتي بالفعل هذه مكالمه صوتيه على الحاسب ( بعبوس) كيف تظن بي ذلك؟
ابتسم وزفر فقد هدأ: سامحيني حبيبتى فقد طار عقلي عندما سمعت صوته، ولكن لما يتحدث اليها عن طريقك ولم يحدثها مباشرة؟
مازحته: اليس هذا لانها صديقتي مثلا .
ضحك: لقد نسيت هذا الامر .
سمعت لمار صوت ريماس تناديها فقالت: ريماس بتنده عليا هرد عليها وارجعلك .
اومأ بالموافقه: انا معك اجبيها وعودي الي ؟
فتحت صوت الحاسب واجابتها: ايوه يا ريماس في حاجه ؟
ريماس بعبوس: شوفي التصميم اللي بعته مش عاجب الاستاذ رعد مش فاهمه ليه؟
نظرت لمار الى التصميم على الشاشه وقالت: ايوه فهمت بصي رعد مش عايزه كده، الطريقه دي جميله جدا بس رعد بيحب التصميم يبقا مختلف شويه.
ابتسم رعد: بالظبط ده اللي انا بقوله من بدري، بس الانسه يظهر انها مش طايقني خالص .
ابتسمت ريماس: لاء ابدا انا بس فهمت غلط، عموما هحاول اعمل اكتر من تصميم وابعتهم .
اتسعت ابتسامة رعد: تمام يبقا بكره ان شاء الله تعمل لنا لمار مكالمه زى دي، نناقش فيها التصميمات اللي هتبعتيها .
تعجبت ريماس واومات بالموافقه: تمام .
 رعد بسعاده: سعدت جدا بالشغل معاكي .
ابتسمت ريماس: وانا كمان سعدت جدا ولو اننا متفقناش ومعجبكش تصميماتي .
رعد بسعاده: اكيد هنتفق ان شاء الله .
ارتبكت ريماس : طب عن اذنكم انا .
رعد : اتفضلي .
انهت ريماس المكالمه وهي تفكر فى كلامه وهي تشعر انه شخص غامض بعض الشيئ، اما هو كان سعيد جدا وشكر لمار وقلبه يكاد يطير فرحا: بصراحه مش عارف اشكرك ازى يا صاحبي، انت اجدع واحد في اصحابى كلهم .
تعجبت لمار: هو انا عملت ايه ده حتى التصاميم معجبتكش .
تنهد رعد: الموضوع كبير وهبقا افهمك بعدين سلام دلوقتي .
انهت معه المكالمه وامتلاء وجهها بعلامات التعجب وشردت قليلا، اخرجها من شرودها صوت جيهان الممتلاء بالغضب: انتِ كيف تسمحي له ان يناديكي بصديقي هاه الا تعلمي ان هذا يغضبني .
حزنت لمار لانها اغضبته: انا اسفه مقصدتش بس هو بيقولي كده عشان احنا كنا اصحاب، واحنا صغيرين فى المدرسه لما كنت زياد .
تفهم جيهان: لهذا يناديكي بصيغة المذكر .
اومأت بالموافقه عابسه: ايوه وعشان كده العلاقه بينا عمرها ما كانت هتتخطى ولاد العم، لانه عمرها ما هيحب واحد صاحبه .
صمت جيهان وهو يقول فى عقله: معها حق كيف له ان يرها فتاه، لكني رايت نظرة الحسره بعينه فى حفل الخطوبه، قد تكن لحظه مؤقته ولكن هذا يطمأن فلم يعد منافس لي في حب لمار.
تنحنحت لمار: ايه يا استاذ روحت فين؟
ابتسم: وصلت الى عندك فانا اشتاق اليك كثيرا وخلال ايام سأكون عندك .
ابتسمت بسعاده : بجد فرحتني جدا جدا .
 وظلت تتحدث معه لبعض الوقت، اما رعد انهى المكالمه واستلقى على سريره وهو يبتسم بسعاده، اخذ نفس وزفره وجلس مره اخرى يكمل عمله على حاسبه، وفى صباح اليوم التالي استعد وخرج من غرفته ليذهب الى الشركه فالتقى بفهد على الدرج ابتسم: صباح الخير .
تثاءب فهد : صباح الورد .
ضحك رعد مازحا: لما انت نيمان كده ايه اللى مصحيك بدرى، هو في حد بيروح چيم في ساعه زي دي؟
زفر فهد متعجلا: لاء يا سيدى بس انا مش رايح الچيم، انا عندي معاد مع دكتور هشام فى المستشفى .
هز رعد رأسه متفهما: اه قولتلي بس لو مواعيده بدرى قوي كده ممكن تخليه يغيرها .
فهد متهربا: الموضوع مش مستاهل هو انهارده بس، فمش مشكله وبطل رغي بقا على الصبح .
وصلا عند الطاوله جلس رعد ولكن فهد اكمل للخارج فناده رعد: ايه يا بني مش هتاكل قبل ما تنزل؟
اشار بيده رافضا دون ان يلتفت له وخرج ركب سيارته وتحرك بها، وصل الى المستشفى صعد الى مكتب هشام كان بداخله ينتظره، دق الباب ودخل ابتسم هشام واشار له بالجلوس: اهلا يا فهد اتفضل اقعد .
جلس فهد وتردد: بصراحه انا جاي اتكلم معاك بصفتك صديق وطبيب في نفس الوقت .
اتسعت ابتسامة هشام فقد اسعده كلامه: اكيد طبعا في اى وقت يعجبك قولي ايه اللي مضايقك او قلقك؟
ابتلع فهد ريقه وتوتر محاولا الشرح: بص انا مش عارف افهم جويا مشاعر متلخبطه مش فاهمها، حاسس بانجذاب ناحية واحده معينه، بس لا هي النوعيه اللي بحبها ولا تشبه البنت اللي فى خيالي، ومش قادر افهم ليه بتقتحم تفكيري كتير كده؟
اخذ هشام نفس وزفره فقد فهم ان مشاعره بدات تتحرك، لكنه رافض هذا الشعور، فكر متسائلا: طب قولي انت تفسر ده بأيه هل شايف انه اعجاب مثلا، وانك ممكن تكون اتغيرت من جواك، وبقيت شايف ان الموصفات اللي كنت حاطتها الاول مبقتش مناسبه, وعشان كده مثلا ده حصل؟
زفر فهد بعدم فهم: هو تفسير غريب بس مش قادر اتقبله، ومجاش فى بالي اصلا .
ابتسم هشام فهذا يؤكد نظريته مط شفتيه وعاد الى الخلف واستند على ظهر المقعد: طب ما تبعد عنها وتكبر دماغك، وبكده الموضوع هينتهي من اساسه؟
عبس فهد متاففا: فكرت في ده بس لما مشوفتهاش لمدة كام يوم بقيت بحاول اتلكك عشان ادور عليها حسيت اني ...( لم يستطع وصف مشاعره فسكت).
قام هشام وجلس بالمقعد الذى الى جواره وربت على يده بحنان: بص يا صاحبي انا شايف انك مدي الموضوع اكبر من حجمه وهو مش مستاهل، ولو عايز نصحتي سيب نفسك وامشي ورى قلبك، ولو ده اعجاب وهي بنت مناسبه واخلاقها كويسه يبقا متضيعهاش من ايدك، عشان مواصفات غلط فرضتها على نفسك .
زفر فهد فبداخله صراع بين مخاوفه وهذا الشعور الجديد: مش عارف خايف، مش عايز اندم خايف اقرب وخايف ابعد مش عارف اخد أى موقف .
فكر هشام بلل شفتيه: سيب الموضوع يمشي زي ما هو ومتحاولش تفكر كتير، ومع الوقت هتلاقي اجابة سؤلك بقت واضحه.
صمت فهد لبعض الوقت ونظر اليه وتنهد: ماشي هجرب ( وقف) طب هسيبك بقا وانزل عشان التمارين معدها قرب .
وقف هشام هو الاخر واوما له بعينه بالموافقه، وعاد الى مقعده خرج فهد وهو شارد بفكر فى كل ما دار بينه وبين هشام وشعر ان ما قاله صحيح، فقرر تنفيذه وترك الوقت هو من يحسم الامر، جلس فى فناء المستشفى لبعض الوقت، رئ يمنى وهى تدخل من باب المستشفى، وكان سعيدا جدا لرؤيتها، رغم انها لم تراه او تعرف بوجوده، ظل لبعض الوقت حتى موعد التدريب، وفى المساء عاد الى المنزل، صعد الى غرفته مر بجوار غرفة رعد القى عليه التحيه: ازيك يا رعد.
ابتسم رعد متهكما: الله يسلمك ازيك انت تصدق بقالى كتير مشوفتكش.
ضحك فهد: ماشى ياعم على التريقه، بس يعنى معدى من جنبك قولت اسلم ابقى غلطان .
اومأ رعد رفضا وهو يضحك تركه فهد وذهب الى غرفته، اخذ رعد نفس وزفره: ربنا يصلح حالك يا اخويا يا بن امى وابويا،( نظر الى حاسبه) ايه مش هترن بقا انا زهقت .
واستلقى على سريره واذا بحاسبه يرن فانتفض، ونظر به وجدها لمار فى مكالمه جماعيه مع ريماس، اجاب بسعاده وبدأ يتناقش معها فى امر الاعلان لبعض الوقت، وبعد ان انتهى جلس يفكر لبعض الوقت، ونزل الى والده دق باب غرفته ودخل تنحنح: بابا ممكن اتكلم معاك فى موضوع مهم؟
نظر عمر اليه منتبها: موضوع مهم وماله تعالى انا اصلا لسه بدرى على ما انام.
واشار له ليجلس بمقعد بجوار مقعده، جلس رعد تردد ببعض الحرج: بصراحه انا بفكر اتجوز وكنت عايز اخد رأيك .
ابتسم عمر بسعاده: يا سلام انا بتمنى اليوم اللى اجوزك فيه انت واخوك، قولى بقا مين دى اللى شنكتلك، وجابتك على ملا وشك .
ابتسم رعد بسعادة: هى مشنكلتنيش ولا حاجه، بس بصراحه يعنى عجبنى ادبها واخلاقها، وكنت عايز ادخل البيت من بابه.
ربت عمر على ظهره: عين العقل يا بنى قولى هى مين، وانا هكلم ابوها واحدد لك معه معاد، تتكلم معاه مره واتنين قبل ما تاخد القرار .
اومأ رعد وحدقتيه تمتلاء فرحا: ريماس اخت مرات يزيد .
اومأ عمر بالموافقه: اه انا شوفتها يوم الفرح دى زى القمر، ولبسها كان فى منتها الروعه ومحترم، خلاص هكلم عمك يحددلى معاه معاد وربنا يتملك على خير .
احتضنه رعد بسعاده: حبيبى يا بابا ربنا ما يحرمنى منك ابدا يا سيد الكل .
وتركه وعاد الى غرفته كان عمر سعيد باختياره، رغم قلقله من اقترابه من لمار مره اخرى، صعد رعد الى غرفته وارسل الى لمار مبشرا: قولت افرحك يا صاحبى وعشان متتفاجأش، انا هخطب ريماس، قرأت لمار الرساله وفرحت بها وقالت لنفسها: وانا قولت كده بردو كان شكله باين .
وكتبت له ربنا يتملك على خير يا كبير، بس خلى بالك دى صاحبتى يعنى لو زعلتها انا اللى هقفلك .
ضحك رعد: ولا يهمك يا صاحبى بس هى توافق، وانا اوعدك عمرى ما هزعلها، بنت عمى علمتنى اني مزعلش البنات، وكمان الرسول عليه الصلاة والسلام، وصنا وقال رفقا بالقوارير متخفش يا صاحبى .
ضحكت لمار وكتبت: ايوه كده يا كبير هو ده صاحبى، اللى كنت اعرفه زمان راجل بجد وجدع كمان .
تعالت ضحكات رعد وكتب لها: ماشي ياصاحبى بس متقولش لحد لسه بابا هيكلم ابوها ونحدد معاد وكده .
اومأت لمار وكتبت: متقلقش يا كبير سرك فى بير، وعموما انا هجس نبضها كده من بعيد واقولك .
فرح رعد وكتب فقد فهمت ما يرمي عليه من اخبارها: اهو ده صاحبى الجدع هستنا ردك .
فهذا هو السبب الحقيقي لاخبره لها،
ارسلت له علامة الموافقه وطلبت رماس  لحظات وأجابت: ازيك يا لمار اوعى تقولى ابن عمك ده عايز تعديل تانى؟
ابتسمت لمار: لاء بالعكس ده عجبه الاعلان جدا، بس انا كنت عايزه اسالك عن رايك فيه ؟
تفاجات ريماس بالسؤال: الاعلان ؟
ضحكت لمار: اه هو الاعلان بطلى هزار وقوليلى رايك ايه فى رعد، يعنى لو طلب يتجوزك تقبلى؟
ارتبكت ريماس وتوترت: هاه رعد بصراحه مفكرتش فى الموضوع، بس يعنى افكر وارد عليك هو عموما شخص محترم ومؤدب .
ضحكت لمار: يعنى نقول مبروك .
عبست ريماس بطفوليه: بطلى استعباط، وبعدين اش عرفك ان بابا هيوافق اصلا .
ضحكت لمار: خلاص هقوله يسأله ويشوف رايه .
زاد خجلها واحمر وجهها: ايه ده الكلام بجد ولا أيه بقا، عموما مش هرد عليك هرد على بابا لما يبقا يكلمه سلام .
وأنهت معها المكالمه ضحكت لمار عليها وفرحت، وارسلت الى رعد بشرته وطلبت جيهان، واخبرته بالامر فرح جدا وزفر فقد بترت كل ما يقلقه: وانا حجزت لاتى لاخذك خلال ايام .
فرحت لمار: أيه ده بجد فرحتنى جدا .
واتى بالفعل بعد ايام واخذها وعاد الى تركيا، مرت الايام وتمت خطبه رعد على ريماس، واتمت لمار حملها على خير ووضعت مولدها وبعدها بفتره لولو، مر خمس سنوات تغير فيهم فهد تغير كبير، ودرس الطب الطبيعى وخطب الطبيبه يمنى، وفى يوم زفافه قام بعمل حفل عائلى ودعا به كل العائله، ليفرحوا معه ويروا التغير الذى حدث له، فمن كان يظن ان فهد الذى يريد فتاه ليتحكم بها ويحولها جاريه له، تغير واصبح هو من يساعد الفتاه التى اختارها لتكن شريكة حياته فى عملها، ويغير تخصصه لاجلها، فهو بالفعل تغير لم يتوقعه احد، حضر الجميع حتى لولو وجولناى وازواجهم، كان الكل سعيد بالتغير الذى حدث لفهد، كان هشام اكثرهم سعادة فقد استطاع مساعدته على هذا التغير، نظر الى كل من بالحفل وهو سعيد، فرح بالتغير الذى حدث للجميع، راى رعد يحمل طفلتها الوليده عن زوجته ويتحدث اليها بود، وعمه الذى كان مشهور بقسوته وشدته، يحمل احفاده ويلاعبهم وهو فى قمة سعادته، ولمار التى كانت تشبه الرجال اصبحت امرأه جميله تمتلاء بالانوثه والحيويه، واخوتها كيف تغيرتا واصبحت كل منهم تثق بنفسها ومن حولها، ويزيد الذى اصبح اخ حقيقي لهم، 
 وقف الثلاث اخوه بجوار بعضهم البعض، ونظر كل منهم للاخر وترحموا على والدهم وقرأوا له الفاتحه، فهم لم ينسوا الدرس الذى علمهم أيه، فرغم قسوة هذا الدرس الا انه غيرهم وعلمهم الكثير، فالدروس كما النقوش تحفر بالوجع .
                     تمت بحمد الله 

تعليقات



<>