رواية ماتشو الفصل الخامس عشر15 والسادس عشر16 بقلم هدي مرسي ابو عوف

رواية ماتشو الفصل الخامس عشر15 والسادس عشر16 بقلم هدي مرسي ابو عوف
بسم الله الرحمن الرحيم وبه نستعين اللهم لا تؤاخذنا بما فعل السفهاء منا ولا تحمل علينا إصرا كما حملته على الذين من قبلنا وقنا عذاب النار
..............
ماتشو (Maço)
الحلقه الخامسه عشر 
استيقظت لولو واستعدت للخروج، وكانت قد جمعت حقائبها، ووضعتها بجوار باب الغرفه من الداخل، اخذت نفس وزفرته استجمعت شجاعتها، خرجت لهم وما ان رأوها الا وبدى عليهم الاندهاش، فهى ترتدى تنوره طويله واسعه، وقميص بكم واسع بشكلا ما، وحجاب طويل ساتر، 
نظرت لها جولناى بأعجاب منبهرة: الله الله ماهذه الاناقه غيرتى استيل ملابسك لكن بشكل رائع .
ابتسمت وهي توجه الحديث ل أيفى دون ان تنظر اليه: الحمد لله لقد من الله عليا وارتديت الزى الاسلامى الصحيح .
نظر لها جيهان باعجاب واطلق سافرة: حقا انه رائع كنت اظن الملابس الواسعه تجعل الفتايات غير انيقات، لكنك خلفتى ذلك تمام فملابسك منمقه بشكل رائع .
اتسعت ابتسامتها بخجل: شكرا لك .
نظر اليها ايفى بأعجاب شديد وفهم ان هذا بسبب ما قال، انتظر ان تنظر اليه فيتحدث اليها، لكنها تجاهلته تنهد بحزن، وحاول ان يتحدث اليها، لكنها تحركت مسرعه ولم تعيره اهتماما، مر اليوم بالعمل وعادو الى المنزل، حاول اكثر من مره ان يتحدث اليها، لكنها لم تعطى له اى فرصه، بعد تناول الطعام دخلت غرفتها، احضرت حقائبها وخرجت ما ان رأوها واسرعو اليها، نظرت لها جولناى معاتبه: ماهذه الحقائب هل ستتركينا ؟
اخذت نفس وزفرته وابتسمت مردده: الم اطلب منك امس ان تدعمينى فى امر اليوم .
نظرت اليها معاتبه ورافضه: لا لن ادعمك فى هذا، ان كان ايفى اخطاء، عاقبيه وحده لا تعقبينا نحن ايضا .
تنهدت ونظرت ممتنة: انا لا اعاقب احد اخى ايفى لم يخطئ، انا المخطأه ولهذا اصحح خطئ ويجب عليك كأخت لى مساعدتى .
نفخت باعتراض: اوف يااه لن افرط بك ابدا، لقد اعتدنا على وجودك معنا .
تنهد جيهان مستنكرا: ارجوكى لا تذهبى ولن يضايقك ايفى مره اخرى .
نظر اليها ايفى مترجيا وقلبه يكاد يخرج من مكانه: اعرف انى جرحتك لكن لا تذهبى لن استطيع التنفس ان لم اراكى، كيف سأعيش بدونك، عاقبينى بما تريدين ولكن لا تذهبى .
نظرت اليهم الثلاثه وابتسمت: انا لا اعاقب احد انتم اكرمتونى وعاملتونى كأخت لكم، ولست ناكرة للجميل، سأظل معكم بالعمل وان احتجتم ان اتى الى هنا لتكملة بعضه سأكون معكم، لكن لم يعد ينفع بقائى بالمنزل هنا، سامحونى رجاًء  .
 نظرت لها جولناى عابسه متالمة: لا لن اسامحك ابدا ان ذهبتى .
اقتربت منها وامسكت ذرعيها: الستى اختى ؟
هزت رأسها بالموافقه فأكملت: وانا سعيده بهذا الامر جدا، لكن ان بقيت هنا سأتعب واتعبكم معى، لا اتحمل ان تغضبى منى، وايضا اعلم انك ستدعمينى كما وعدينى .
نفخت مستسلمة: اوف يااه ، سادعمك كما وعدتك لكن سنوصلك الى منزلك الجديد، وكل يوم نمر عليك فى الصباح وناخذك معنا .
ابتسمت : ان كان ذلك ينفع لن ارفض ابدا .
احتضنتها وامتلأت عينها بالدموع، نظر اليها جيهان معاتبا: الله الله لم يعد هناك شئ، سترحلين لقد تعودنا على وجودك .
ابتسمت: وانا ايضا لكن يجب ان اذهب سامحنى اخى .
هز راسه وتنهد بحزن: سامحتك مدام هذا ما تريدين .
نظر اليها ايفى عابسا مترجيا وقلبه يتألم: اعلم ان ما اقترفته المك لكن لا اظن ان قتلى هو الحل .
نظرت اليه وابتسمت تنهدت وعينيها تقل الكثير: انا لست غاضبه منك، بل اشكرك فقد افقتنى بكلامك، وفهمت انى كنت بعيده عن تعاليم دينى، والحمد لله قد عدت ويجب ان تفرح لى، وانا ادعو الله لك ان تعد انت ايضا الى تعاليم الاسلام، لنلتقى يوما فى الجنه .
نظر الى عينها فرأى الحب فى عينها، لكن هذه المره قد فهم ما عليه فعله، استأذنت لتذهب فاصرو ان يوصلوها الى سكنها الجديد، وبالفعل اوصلوها، وضعو لها الحقائب فى الشقه، فهى اول شقه مطله على الحديقه، وتركوها وخرجو، اغلقت باباها وبدات فى ترتيب ملابسها، ام هم فعادو الى منزلهم وهم حزانى على فراقها، وكان ايفى اكثرهم حزنا، فقد ترك قلبه معها وعاد، لكنه فهم ان عليه تعلم كل تعاليم الاسلام هو ايضا، لان هذا الطريق لقلبها، صعد الى غرفته احضر بعض ملابسه وحاسوبه وجلس بغرفتها، وبدأ البحث عن ما عليه فعله ليتبع تعاليم الاسلام الصحيحه .
...........
فى المساء استعد الجميع للذهاب الى  الخطوبه، وقف الجميع بالاسفل ينتظر لمار، فقد طلبت من اخوتها ان تسبقها لتفاجأهم جميعا، نظرت ماجده الى ساعتها بضيق: يالا يا بنتى اتاخرنا كده .
كان يبدو على ياسر الغضب لكنه صامت، واذا بها تنزل امامهم وتفاجأ الجميع بفساتنها الواسع وحاجبها الجميل، تلاش العبوس من على وجه ماجده وارتسم مكانه سعاده كبيره تملاء وجهها: بسم الله ماشاء الله ايه القمر ده بنتى الجميله لمار ( امتلاءت عينها بالدموع) .
ابتسمت لمار بفرح: ايه رايك بقا فى المفاجاه دى .
احتضنتها ماجده وقلبها يقرص فرحا: احلى مفاجاه دى ولا ايه، ياااه ربنا يريح قلبك يارب .
اتت اليها اخواتها واحتضنتها بسعاده وهنأتاها، فرح ياسر هو الاخر بشكلها وتمنى ان يحتضنها لكنه لم يستطع وظل مكانه، نظر اليها يزيد وابتسم هو الاخر وشعر ان ما قالته والدته كان سبب فى ذلك، واتمنى ان يتغير هو الاخر، فقد تمنى ان يكن سبب في سعادة امه واخوته نصف الفرحه التي على وجههم بسبب زي لمار،
خرجو جميعا وذهبو الى الخطوبه، وتفاجأ الجميع بزى لمار الجديد، وهنأها الجميع وفرحو لها، اقترب منها رعد مشاغبا: مين حضرتك وفين لمار اوعى تكونى قتلتيها .
ضحكت وهي تنظر له بامتنان: لاء متخفش انا بس قررت ارجعها للدنيا، واخرجها من السجن اللى حبسها فيه .
ابتسم فهذا نفس كلامه، ظل يمازحها ويشاكسها حتى بدأ الحفل، كان الحفل جميل ملئ بالحب مابين العروسه واخوتها، وبين الاسره باكملها، وحب العريس ايضا وسعادة اهله التى كانت واضحه جدا، تمنت ماجده ان ترى هذا الحب فى بيوت بناتها، نظرت الى مهند الذى لم يرفع عينه عن شهد طوال الوقت، وفى اى فرصه يستطيع التحدث اليها يسرع، حتى رعد يحوم حول لمار ويمازحها من حين لاخر، اما فهد كان لا مباليا بشكل لفت انتباهها، عاد الجميع الى المنزل بعد الحفل، دخلت ماجده الى غرفة لمار ونظرت لها بحب: انا عارفه انك ممكن تكونى زعلتى من كلامى ...
قاطعتها امسكت يدها وقبلتها: بالعكس انا زعلت من نفسي لانى ماسمعتش كلامك من زمان، سامحينى يا ماما .
احتضنتها بحنان: حبيبتى انا مسماحك من قلبى، انا كنت خايفه عليك من غضب ربنا .
قبلتها فى وجنتها: ربنا ما يحرمنى منك ابدا يارب .
وظلت معها لبعض الوقت وذهبت الى غرفة يزيد، نظرت اليه: وانت مش ناوى تتغير ؟
تنهد بحزن: مش عارف يا ماما من ساعت اللى قولتيه وانا بفكر فيه، وافتكرت اما كنا صغيرين وكانو اخواتى البنات يجو يرخمو عليا، عشان نلعب سوى، وأزى كنا فرحانين، نفسي نرجع زى زمان .
مسحت على شعره بحنان: انت اللى بايدك ترجع مش هما، هما محتاجين حضن اخوهم ارجع لهم، اجمل حاجه شوفتها النهارده فى الخطوبه، خوف اخوتها عليها وفرحتهم بيها، وازى كل واحد منهم بيجرى عشان يسعدها ويفرحها، نفسي اشوفك كده مع اخواتك اشوفك سند لهم .
قبل راسها معتذرا: حاضر يا ماما هحاول اتغير عشان بس متزعليش منى .
احتضنته وقبلته: ربنا يهديك ويصلح حالك يا بنى .
وتركته ومرت على غرفة الفتاتان وبقيت معهم بعض الوقت، وعادت الى غرفتها وجدت ياسر قد نام تعجبت وعرفت ان به خطابٍ ما، فهو دوما ينتظرها ولا ينام الا بعد دخولها الغرفه .
.................
نزل جيهان وجولناى ليذهبا الى العمل، اتى ايفى من غرفة لولو هو الاخر، نظرت اليه جولناى مستنكرة: الم تصعد غرفتك ؟
نفخ فقلبه يؤلمه لفراقها: لا سابقى بغرفتها عل ذلك يخفف ما اشعر به .
جيهان بضيق: لم وجهك عابس هكذا ؟ يجب ان تعتاد على عدم وجودها .
ايفى بكلمات ثقيله: لم انم جيدا فقط، هيا كى لا نتاخر، هل سنمر عليها ؟
هز جيهان راسه رافضا: للاسف لا فهى ليست فى طريقنا وهذا سياخرنا .
هز راسه بالموافقه فالمنزل الذى سكنت به بالجه الاخرى للشركه، وهو رغم علمه لكنه سأل فهو يتمنى ان يرها كل لحظه، ليطفى نار شوقه لها، خرجو جميعا ووصلو الشركه، وجدها تنتظرهم بالمكتب، نظر اليها ايفى بشوق شديد، لكنه لم يتحدث اليها، بدأو العمل وطوال الوقت يحاول ايفى ان ينظر الى عينها، لكنها تتهرب منه، رغم انها تسترق النظر اليه فى بعض الاحيان، فهى ايضا تحبه وقلبها يتألم لفراقه، لكنها لا تريد ان تعطيه امل، كانت داخل المكتب تعمل على حاسبها، فدخل جلس بالقرب منها: هل يمكن ان اسالك عن شئ ؟
نظرت اليه : اسأل ؟
تردد مردفا:
  قرات بالامس عن تعاليم الاسلام التى علي تعلمها .
 ارتسمت بسمه على وجهها 
اكمل ممتعضا: لكنها كثيره جدا ولا اعرف هل استطيع الاستمرار ام لا .
تلاشت البسمه وابتلعت ريقها بكلمات ضعيفه: اعانك الله هو وحده القادر على هذا الامر .
عبس مترجيا: الا يمكن ان تساعدينى فى هذا الامر ؟
زمتت شفتيها وهزت راسها رافضة: كيف انا اصلا مبتداه مثلك اعننا الله .
نفخ عابسا: الله الله اوف ياااه ماذا افعل ساعدينى رجاًء .
  ابتسمت بحزن وقد تسرب الياس الى قلبها: كيف لى ان اساعدك انا حتى لا اعرف .
 فكر وهو يمسك ذقنه: امممم اخبرينى كيف لى ان اتعود فهناك بعض الاشياء صعبه .
  نظرت اليه محاولة مساعدته: اصرارك على النجاح هو الطريق الوحيد .
  فكر وعينية تمتلاء بالخوف: ماذا لو لم انجح ؟ هذه الفكره ترعبنى، اخاف ان اخسرك الى الابد  .
فكرت قائله بابتسامه: لماذا لا تأكل انت وجيهان طعام العاملات وتعدا الطعام بنفسكم .
تعجب من سؤاله لكنه اجاب: لانه لا يعجبنى .
اردفت:
 اشتريا طعام جاهز .
  عبس فهو لا يفهم مقصدها: اننا نحب اعداد الطعام بأنفسنا نستمتع به اكثر .
ابتسمت فقد وصلت لمبتغاها: هذا هو، يجب ان تحب هذا التغير لتفعله دون ضجر، انت الان تحاول فعله فقط لاجلى، لكن لو احببته سيختلف الامر .
تنهد ونظر الى عينها بعشق: يكفينى ان احبك انت لأتحمل اى شئ لاجلك .
تهربت من نظراته وتحركت لتخرج: بل حبه هو اكثر ستجد رحة القلب والبال .
خرجت مسرعه فهى لم تتحمل نظراته، دخل جيهان وجولناى ربت جيهان على كتفه محاولا التخفيف عنه: فكر فيما قالت فهى محقه .
ونظر اليه داعما ونظرت جولناي ايضا، تنهد وجلس يكمل عمله .
................
بعد الخطوبه بيومين اتصل هشام بياسر وحدد له موعد لزيارته والحديث معه، وخيره ان ياتى اليه فى المنزل ام يذهب له هو فى عيادته، لكنه اختار العياده، فحدد له يوم اجازه لكى يكن موجود احد غيرهم، فهو يتفهم انه كبرياؤه لن يتحمل ان يراه احد،
 دخل وجلس معه، نظر له هشام وابتسم: ازيك ياعمى اخبارك ايه ؟
بادله ابتسم: الحمد لله،( نظر على السرير ) هو انت هتخلينى انام على السرير واتكلم زى الافلام كده ؟
اتسعت ابتسامته: اللى يعجبك تحب تفرد جسمك وتتكلم ماشى، تحب تقعد كده وتتكلم بردو ماشى المهم انك تقول كل اللى جواك وترتاح .
اخذ نفس وزفره عابسا: اللى جويا زى ايه مثلا يعنى ؟
فكر كيف يفتح صندوق الاسرار خاصته: قولى مثلا ايه اللى مزعلك، ومخلى نظرتك حزينه قوى كده ؟
هز رأسه بحزن وتنهد بألم: والله يا بنى الدنيا فيها بلاوى كتير، وسعات كلمه ممكن توجع قوى .
 فهم هشام ان احد قال شيئ احزنه: زى ايه مثلا؟
  قبض على يده واغمض عينه وفتحهم وكلمات ماجده كانها خنجر مغروز في قلبه: زى كلمة ماجده وجعتنى جدا، يمكن كل الكلام اللى قبل كده مزعلنيش زيها، انا فاكر اول لما اتولد يزيد كانت بتلاعبه ديما وتقوله، يارب تكبر واشوفك راجل بجد زى ابوك، ايه اللى اتغير يخليها تقول كلمه زى دى، هو انا بقيت وحش قوى كده ؟
  فهم هشام ما قالته لكنه ارد ان يخرج ما بداخله فسأله : هى قالتها ازى يعنى ؟ 
 جز على اسنانه متالما: كانت بتزعق ليزيد وقالت له مش عايز تبقا زى ابوك، مش كفايا علينا هو، وجعتنى قوى ومن وقتها وانا متضايق ومش قادر اكلمها .
  فهم سبب حزنه والمه فهى كلمة تكسر القلب فكر: ليه متكلمتش معها وسالتها قالت كده ليه ؟
 زفر بحزن: مقدرتش خوفت من الرد يوجعنى اكتر، لانى تقريبا عارفه انا مش اب وحش، بس خايف على بناتى، عمرى ما مديت ايدى على واحده منهم، ولا عمرى هسمح لحد يمد ايده عليهم، يمكن بزعق لهم واعنفهم بس عشان يخافو يغلطو، لو جت فى دماغهم فكرة الغلط، يخافو يترجعو، انا بحب بناتى جدا وعمرى ماشوفت انهم وحشين، بس الدنيا حولينا بقت صعبه، وبناتى طيبين قوى وغلابه خفت عليهم، وديما كنت بشوف صورة اختى رباب واللى حصل لها، واخاف عليهم لانهم شبها، مليانين براءه وطبيبه وحنيه،( تنهد ) بس متخيلتش انهم ممكن يوصلو للحاله دى .
ابتسم فهو كان يتوقع انه ليس كما يبدو، لكنه اخطأ التفكير، فكر: طب مفكرتش يا عمى تغير اسلوبك ده لما لقيت انه مش نافع ؟
مستنكرا بكبر: اغيره ازى ماينفعش صورتى تتهز قدامهم .
 تخير الكلمات التي تدفعه للتغير مردفا: 
بس انه افضل انهم يحبوك ويخافو على زعلك، ولا يخافو منك لدرجة انهم ميبقوش حابين وجدهم معاهم ؟
  زمت على شفتيه عابسا: اكيد طبعا انهم يحبونى ويخافو على زعلى .
  ابتسم هشام: يبقا لازم تحاول تقرب منهم وده على فكره مش هيقلل منك بالعكس، ده هيكبرك فى عنيهم، ومش لازم تبقا حنين قوى يعنى بس كفايا انهم يحسو انك موجود معاهم، سند لهم وامان  .
نظر له فكلماته لامست شيء بداخله: مش عارف عموما انا هفكر فى كلامك، بس حاسس انى ارتاحت لما اتكلمت معاك .
  اتسعت ابتسامة هشام: ده اسعدنى جدا لو حابب تحكى عن حاجه تانى احكى انا سامعك.
تردد لبعض الوقت ثم استرسل مع ابتسامه رضا:
  تعرف انا فرحت قوى بتغير لمار، حسيت انها رجعت لعقلها، اصل لمار دى طول عمرها اعقل واحده فيهم، كانت شاطره جدا وديما تطلع من الاوئل، تعرف لما عرفت بموضوع انها هتبقا بنت، مزعلتش كان كل اللى يهمنى انها تفضل موجوده، كانت ديما تراعى اخوتها البنات، كنت اشد عليهم وانا مطمن انها هترضيهم، كنت اعمل زعلان منه، بس فى الحقيقه انى فرحان من جويا، لانه بيخليهم فرحانين، يمكن اكون غلط بس ده اللى فكرت فيه، خوفى عليهم غلب على حنيتى .
  هز هشام رأسه بسعادة: هو ده فعلا اللى حصل، ولو حابب طبعا الافضل انك تقرب منهم شويه، مش لازم تتكلم معاهم وتراضيهم، بس يكفى انك تبقا معاهم ويحسو انك موجود ديما سند لهم، زى ما وقفت ليزيد لما رفع ايده على لمار، يعنى تخليهم ميخفوش منك بس يخافو على زعلك .
 تنهد فهو لا يعلم هل يستطع ذلك ام لا: هحاول متعصبش عليهم ولا ازعق، واتمنى انى انجح .
  ابتسم هشام ونظر لها داعما: اكيد ان شاء الله .
  اومأ برأسه وتنهد ووقف: طب همشى انا كده بتهيألى الكلام خلص .
ابتسم هشام للراحه التي يرها على وجهه:
   لو تحب تيجى تانى كلمنى واجى لحضرتك زى النهارده كده، ومتقلقش اعتبر انك كنت بتتكلم مع نفسك مش اكتر .
 نظر اليه ممتنا: خلاص هبقا اتصل بيك واحدد معاد تانى .
وتركه وخرج شعر هشام انه غير بعض تفكيره، ومع الوقت قد يتغير تمامً، اغلق العياده وعاد الى منزله .
عاد ياسر هو الاخر الى منزله، دخل غرفته وجد ماجده تجلس على طرف السرير، جلس الى جوارها امسك يدها بين يديه ونظر لها بكلمات تحمل الامتنان الممزوج بالعتاب: انا عارف انى تعبتك كتير الفتره اللى فاتت، ومهما قولت مش هوفيكى حقك، بس اوعدك انى هحاول اتغير .
ابتسمت ووضعت يدها الاخرى فوق يده : وانا ديما معاك ماهو انت سندى وعزوتى .
ابتسم وقبل جبينها: ربنا ما يحرمنى منك ابدا .
اتسعت ابتسامتها: ولا منك وربنا قادر يصلح الحال .
 تنهد فقد ارتاح قلبه: امين يارب هدخل اخد حمام .
تركها ودخل الحمام وجلست تنظر عليه وهى متعجبه، ولكنها سعيده وتدعو الله ان يستمر ولا يعد الى ما كان عليه .
بعد مرور عدة ايام، طلب رعد ان تاتى لمار للشركه الجديده، لرؤية ديكورات مكتبها هناك، اتى يزيد واخذها بسيارته، جلست الى جواره وهى عابسه، نظر لها خجلا: انتِ لسه زعلانه من الموقف اللى حصل ؟
رمقته بنظره غاضبه واشاحت وجهها الى الجه الاخرى، فاكمل نادما: انا اسف مقصدتش بس متحملتش اشوفه قريب منك كده، ياريت متزعليش بقا .
ابتسمت بسعادة: خلاص سماح يا صاحبى .
ابتسم ابتسامه حزينه تمتلاء بالشوق والحينين: ياااه وحشتنى الجمله دى قوى، كان ديما زياد يقولهالى .
ابتلعت ريقها واخذت نفس وزفرته : 
وحشنى انا كمان هزارك معايا وضحكنا،فاكر لما كنا نرخم عليك ونيجى نلعب معاك .
ضحك : قصدك انا اللى ارخم عليكو، كنتو تيجو عشان تلعبو معايا وانا ارخم عليكو، وبعدين العب معاكم .
 ضحكت متذكره لكزته في كتفه: فاكر انت بقا لما غلبتك، عملت عمايل ساعتها .
عبس ممتعضا: مابلاش راخمه وافتكرى حاجه حلوه .
تنهدت بسعاده: نفسي نرجع زى زمان اصحاب، نتكلم ونحكى وترخم عليا وارخم عليك .
ابتسم وقد امتلاءت عينه سعاده: وانا كمان بس للاسف زياد خلاص مبقاش موجود .
ابتسمت بكلمات تحمل كثير من المعاني: مين قال كده زياد جويا، وديما موجود، بس انا كنت تايه متخلبطه، والحمد لله خلاص عرفت طريقى .
 زفر قائلا بسعاده : عارفه رغم انى كنت بتخانق معاه كتير .
  هزت راسها فى سعاده : اه كنت بتغير منه، واقولك سر هو كمان كان بيغير منك .
مستنكرا: طب انا كنت بغير منه عشان واخد حب بابا وماما واخواتى، هو بقا كان بيغير منى ليه ؟
تنهدت بحزن بكلمات تمتلاء بالوجع: ده طبيعى انت اتولدت عارف انت ايه، لكن هو جواه بنت بيحاول يخبيها، ومش عارف يتعايش مع كونه ولد .
ابتسم حزينا فقد شعر بمعنتها: يعنى كل واحد فينا موجوع بس مقدرش يفتح قلبه للتانى .
  اومأت بحزن وتنهدت : خلاص نتفق من دلوقتى نرجع اصحاب زى زمان، ومنخبيش حاجه على بعض .
 ضحك ولكزها في كتفها: وانا موافق يا ستى .
ضحكت وهزت راسها بسعادة: يبقا اتفقنا يا صاحبى .
وصلا امام المبنى كان رعد ينتظرهم هو وصديق له، تعجب يزيد : مين اللى واقف مع رعد ده .
  ابتسمت مازحة: شكله صاحبه نفس الحجم بتاعه .
 ابتسم يزيد: واضح ان كله اصحابه شبه كده .
 مازحه:ياسلام ويطلع اسمه هو كمان مطر وبرق .
ضحك: اه عشان تبقا كملت يالا انزلى .
نزلا الاثنان واقتربا منهم قال يزيد: معلش اتاخرنا على ما خلصت شويه شغل وجبت لمار .
ابتسم رعد ممتنا: ولا يهمك المهم انكو جيتو اعرفكم ( واشار الى صديقه ) برق صاحبى، اقصد البراء بس انا ديما اقوله برق 
نظر يزيد الى لمار وكل منهم يدارى الضحكه تنحنح مازحا: يعنى برق ورعد وشكلنا هنغرق هنا .
ضحكو جميعا وقال رعد: لاء حلوه بتعرف تألش حلو امال مالك مصدرلى الوش الخشب كل ماتشوفنى ليه ؟
نظر اليه مبتسما: هى جت كده ماكنتس مقصوده، وبعدين المفروض انك تبقا عاذرنى .
هز رأسه موافقا: ماشى ياعم خلاص تعالو بقا افرجكم على المكاتب وتختارو ديكورتها، اه نسيت اوضح برق صديق عمرى، وشغال معايا من زمان فى الشركه بتاعتنا، وانا طلبت منه انه يجى معنا هنا وهو وافق وعمامى كمان وافقو  .
هز يزيد راسه تحية له وابتسم 
 ابتسم البراء: اتفضل معايا يا استاذ يزيد افرجك على المكاتب اللى فى الدور الاول .
اكمل رعد : وانا هاخد لمار افرجها على المكتب اللى فى الدور التانى، ومتقلقش العمال ملين المكان .
نظر اليه يزيد : ماشى يا سيدى يالا تعالى ياسي برق ورينى .
 ذهب معه وصعدت لمار مع رعد الى الطابق الذي يليه، اراها غرفه مردفا: اتفضلى يا ستى ده بقا هيبقا مكتبنا ايه رايك ؟
نظرت اليه متفحصه وزمتت شفتيها: جميل ومساحته حلوه .
ابتسم ونظر الى عينها بلمعة غريبه: بس مش احلى منك وحشتينى ووحشنى كلامك معايا .
نظرت اليه متعجبه فهي لا تفهم نظراته: مالك قلبت رومنسى ليه كده مش ليقه عليك !
ابتسم ممازحا: يا بنتى بقولك وحشتينى تقوليلى مش لايق عليك، ايه الرومنسيه دى طب حتى جملينى وقولى وانت كمان .
زمتت شفتيها ببعض التفكير: مش عارفه صراحه مستغرباك شويه يعنى العلاقه بينا لسه فى اولها .
مازحها: امال لو قولتلك بحبك ومنمتش الليل من حبك وعيونك وحشونى وقلبى ....
قاطعته مستنكره: حليك حيلك ايه الكلام ده كله، اهدى كده وخلينا واحده واحده، كفايا النهارده وحشتك وخلى الباقى بعدين .
ضحك مشاكسا: تصدقى انك فصيله فصلتينى حرام عليكى .
ضحكت : ما انت كمان متأفورهاش وتعيش الدور قوى .
ابتسم : ماشى يا ستى بس بجد وحشتينى .
عبست بطفوليه: امال هتعمل ايه لما اسافر واسيبك .
نظر الى عينها: لاء كده كتير مقدرش ده انا اموت كده .
ابعدت نظرها عنه وتنهدت وتحركت: منا قيلالك انى هسافر انا ويزيد بس يظهر انك نسيت .
اقترب منها ووضع يده على وجنتيها، وقبل ان ينطق ابعدتهم قائله بحده: ايدك فى ايه مفيناش من الحركات دى اتلم يا كبير .
نظر اليها عابسا: على فكره انت مراتى وده من حقى عادى يعنى، وبعدين المفروض انك تدينى مساحه كده مش هينفع .
 بنظره محذره: احنا اتفقنا منغير مد ايد وانت خالفت الاتفاق يا كبير، وبعدين انت كده بتلخبطنى وتشوش عقلى خلينا زى ما احنا واحده واحده .
 اخذ نفس وزفره محبطا: ماشى خلينا واحده واحده، قوليلى هتسافرى امتى ؟
  وهى تتهرب من النظر له: بعد بكره باذن الله هنسافر انا ويزيد على امريكا، ابدأ اجرأت النقل وبعدين نسافر على تركيا نخلص التسجيل هناك .
 نفخ عابسا: بس كده هتلحقو تيجو قبل الخطوبه خلاص دى بعد عشر ايام .
  ابتسمت مطمانه: متقلقش الموضوع مش هياخد وقت، لولو صاحبتى مجهزالى كل حاجه هناك يعنى هنخلص ونرجع على طول .
 نظر اليها بنظرات قد تبدوا عاشقا: كل يوم تكلمينى عشان هتوحشينى وربنا يصبرنى على بعدك .
نظرت اليه متعجبه ولم تعقب، اتى اخيها والبراء وظلو معهم لبعض الوقت، ونزلو جميعا معا ركبا يزيد ولمار سيارتهم وتحركت بهم، كانت لمار تشعر بأرتباك من كلام ونظرات رعد، ولا تفهم لما لم تشعر بها، فهى بارده لم تلمس قلبها، حتى عندما لمس وجنتيها شعرت باستياء شديد،  حاولت ان تدرى عن يزيد وحاولت المزاح معه، اما رعد والبراء ركبا هما الاخران سيارة رعد، نظر البراء الى رعد: ممكن اسالك سؤال ؟
نفخ مستئا: قول شايف السؤال فى عينك من ساعت ماركبنا العربيه .
  قذفه بنظرة مستنكره تحمل الكثير من المعاني: مش لمار دى هى نفس البنت اللى كنت عايز تموتها وهطق من جنابك منها، ايه اللى اتغير دلوقتى عشان تقولى اخد اخوها، واخليلكم الجو عشان تتكلم معاه، مش فاهمك يا صاحبى .
 ابتسم بمكر وعينيه تلمع بالشر: مفيش حاجه اتغيرت دى لعبه عشان انتقم منها واذلها واخد حقى منها .
زمت شفتيه نفخ ممتعضا: اه يعنى هتمثل عليها انك بتحبها، وتخليها تحبك وبعدين تقولها اسف، مش هقدر اكمل معاكى اصلك مسترجله ومتنفعنيش .
نظر بحقد وهو يقبض على يده: واكسر قلبها وبكده ابقى اخدت حقى وانتقمت منها .
نظر اليه : ...
بسم الله الرحمن الرحيم وبه نستعين اللهم اتنا فى الدنيا حسنه وفي الاخره حسنه وقنا عذاب النار
...............
  ماتشو (Maço)
الحلقه السادسه عشر 
نظر رعد بحقد وعينيه تشتعل غضبا: واكسر قلبها وبكده ابقى اخدت حقى وانتقمت منها .
نظر اليه البراء مستنكرا: برافو عليك وبكده تبقى بقيت ندل وجبان وعديم الاخلاق .
اوقف رعد السياره غاضبا، فارتطم البراء فى الزجاج ونظر له صارخا: يا سلام وهى كانت ملاك لما اتهمتنى انى كنت عايز اعتدى عليها واتدبست فى جوازه، ولما علقتنى هاه، ولا كان عادى انها تهزقنى قدام امها واخوتها وابن عمى، ولما وقفت تتفرج عليا وانا بتضرب وماتحركتش الا لما البوليس جه، كل ده مش نداله ولا جبن وقلة اصل صح مش كده ؟! 
نظر اليه غاضبا: وهو من الرجوله انك ترفع ايدك على بنت حتى لو قلت ادبها عليك، من الرجوله انك تعشم بنت عمك بالحب وبعدين تخلى بيها، هى مجرد رد فعل لافعالك يا استاذ، اسمع يارعد زمان لما كنت تقولى انك مفروس منها وعايز تاخد حقك، كنت بقول معاك حق، لكن متنكرش ان المحامى قال ان لولاها كانو الرجاله كسرو عضمك ضرب، وانها اتصرفت بذكاء لانها لو كانت هجمت عليهم كان هيضربوها هى كمان، ومش هتستفاد حاجه، لكن هى كده شتت تفكيرهم وخففت عنك الضرب، وحتى لو كانت غلطانه ده ميدكش الحق انك تعمل فيها كده، يا خساره يا صاحبى كنت ديما بشوفك راجل جدع، مكنتش اعرف ان العند هيوصلك لكده .
وتركه ونزل من السياره وتحرك وهو غاضب،خبط رعد على المقود هو الاخر بغضب: غور هى جابتك محامى لها اظن .
وتحرك بالسياره عاد الى المنزل وكان غاضب جدا، فكلماته اصابته في الصميم ورغم انه اوجعته إلا ان كبرياؤه منعه من الانصات اليه.
اوصل يزيد لمار الى المنزل وعاد الى الشركه، صعدت الى اخواتها وجلست معاهم، فى المساء استجمع يزيد شجعاته  ودخل غرفة اخوته البنات، عندما رأوه شهد وشهندا نظرتا له متعجبتان، فابتسم واقترب منهم برغم خوفه الا انه اشتاق الى الجلوس والحديث معهم: ايه مالكم اتخضيتو ليه كده؟! انا عارف انى بقالى فتره بعيد عنكم، بس كلنا كنا متلخبطين عايز نرجع زى زمان .
ابتسمت لمار ممازحة: اه يعنى نرخم عليك وترخم علينا صح .
ابتسم: صح .
ضحكو جمعا قالت شهد: بجد هترجع تضحك معنا زى الاول وتلعب ونتفسح .
لمار عابسه بمشاكسه: مع انه كان ديما يرخم وسعات كان يبوظ الخروجه وميرضاش يجى .
نظر اليها متهكما: ايه ده انت قلبك اسود ليه كده، متفتكرى حاجه حلوه .
مازحته لمار: حاجه حلوه امممم كنافه بالقشطه .
جز على اسنانه مازحا: يا رخمه بطلى بقا .
ضحكو جميعا ابتسمت شهندا: يعنى هنرجع زى زمان ؟
اقترب منها وقبل جبينها بحنام: هو مش زى زمان قوى بس هنحاول .
ضحكت شهندا: ماشى يا ابيه .
ضحك مازحها مستنكرا: ايه ابيه دى ؟ 
ضحكت لمار: دى اخويا بالتركى ماهم الانسات ياسيدى اتعلمو شويه تركى وهيقرفونا بقا .
ابتسم وهو ينظر الى لمار: هاهاهاهاها ولا يهمنى انا كمان هتعلم تركى اصل انا قررت اسافر معاكى تركيا .
نظرت اليه لمار متعجبه: تقصد يعنى توصلنى صح ؟
هز راسه رافضا مؤكدا: لاء انا كنت عايز اعمل مجستير فى ماده معينه، بس الدكتور اللى كنت عايز ادرس معاه تركى، وكانو قالو هيجى امريكا بس مجاش فكبرت دماغى، ولما قولتى انك رايحه هناك الفكره جتنى، هسافر معاكى اقدم هناك بس مش هنتظم، هبقا اروح وارجع، يعنى مش هسيب بابا لوحده ولا اسيبك لوحدك .
نظرت اليه لمار بسعاده: بجد فرحتنى جدا وانا كمان ياعم هوجب معاك، اتقفت مع لولو تجهز لنا فسحه حلوه اول لما نروح .
ضحك مشاكسا: ماشى يا ستى مع انى مبرتحلهاش صاحبتك دى .
شهندا بسعاده وعينها تلمع بالفرحة: اصله ميعرفش .
تعجب وهو ينظر لهم متسائلا: معرفش ايه ؟ 
شهد بسعاده: اتحجبت بجد والتزمت كمان .
اكملت لمار بابتسامه واسعه: وهى كانت السبب فى انى البس الحجاب  .
زادت دهشته فهي اخر شخص يتوقع منه ذلك: أزى يعنى ؟
قصت عليه لمار كل ما حدث فابتسم قائلا : سبحان الله يغير ولا يتغير اخر واحده كان ممكن اتخيل انها تتغير، ابوها كان مدلعها جدا .
اكمت لمار بتنهيدة: وانت كنت ديما تقولى انها سبب بوظنك .
نظر لها مردفا: بنت تصاحب ولد تبقى ايه، ومتقوليش عادى انت نفسك وقتها كنتى بتتكسفى تقولى، ومحدش كان يعرف غيرى اصلا .
وضعت يدها على كتفه وسندت عليه وهي تنظر له بحب: بس انت كنت جدع ومقولتش لحد .
ابتسم وزمت شفتيه: هو صحيح كنت بغير منك بس ماما علمتنى ان السر امانه، ومينفعش اخون الامانه، حتى لو زعلان من صاحب السر .
نظرت اليه شهد بسعاده: طول عمرك جدع يا ابيه .
ضحك: طب ماتعلمونا بقا شوية تركى كده نمشى بيه حلنا لحد مانرجع ونتعلم .
شهندا بحماس: اى والله eyvallah  ( نعم بالتركى).
شهد بحماس: ايفيت evet ( موافق بالتركى) هنعلمك احلى تركى فى الدنيا .
ضحكو جميعا وبدأتا الفتاتان تعلماهم بعض الكلمات وهم يمزحون، مرت ماجده وسمعت صوتهم وفرحت بعودتهم الى سابق عهدهم، عادت لمار الى غرفتها وطلبت لولو لحظات واجابتها: حبيبتى قلبى وحشتينى مستنياكى اوعى متجيش يا ماتشو (Maço) .
ضحكت بكلمات تمتلاء فرحا: لاء هنيجى انا ويزيد بس عايزكى تشوفى موضوع الفسحه ماشى .
ابتسمت فهي تشتاق لرؤيتها: متقلقيش هكلم جولناى بكره واتفق معها وهنجهز لكم فسحه حلوه جدا .
  لمار بتثاؤب: اسيبك بقا عشان الحق انام شويه عشان هنسافر الصبح .
هزت راسها بالموافقة: تصبحى على خير الى اللقاء قريبا .
وانهت لولو معها المكالمه وجلست تفكر فى الامر، وفى اليوم التالى وهى بالشركه نظرت الى جولناى مترجيه: هل يمكن ان اطلب منك شئ ؟
ابتسمت واومأت بالايجاب: اكيد .
تنحنحت بحرج:
 صديقتى لمار كنت قد اخبرتك عنها سابقا، اتيه بعد عدة ايام وكنت اريد ان اجهز لها نزه جميله، لكن انا لا اعرف الكثير من الاماكن، فهل يمكن ان تساعدينى ؟
اتسعت ابتسامتها فرحا: مؤكد طبعا انها فرصه لاخرج من ضغط العمل وارتاح قليلا، ساجهز لكم يوما رائع، لكن اخبرينى ايضا يوم مجيأهم لاذهب معكى احضرهم من المطار .
ابتسمت لولو ببعض الحرج: حقا . لكن لا اريد ان اتعبك معى .
عبست ولكزتها بكتفها بخفة: لا تقولى هذا مره اخرى والا سأغضب منك، انا اشتاق لرؤيتها من كثرة ما اخبرتينى عنها .
كانا جيهان وايفى يسمعانهم ولا يتدخلان فى الحديث، لكنهم انتويا ان يكونا معهم فى هذه النزهه، نظر كل منهم للاخر مؤكدً على هذا، ف إيفى يقنص اي فرصه ليكن معها فهي عشقه، مرت الايام وانهت لمار ويزيد الاوراق بأمريكا، واتيا الى تركيا وبعد ان وصلا الفندق، اتصلت لمار ب لولو فأجابت متلهفة: ركبتو الطياره ولا لسه ؟
ابتسمت لمار بسعادة: احنا فى الفندق خلاص .
عبست لولو مستأه: ايه ازى انت مش قايلالى انك هتتصلى بيا اول ماتوصلو المطار .
  زمتت شفتيها: بصراحه مرضتش وبعدين الفندق بعت لنا عربيه على المطار، مكنتش عايزه اتعبك معايا كفايا انى هعطلك اليومين اللى هنتفسح فيهم .
نفخت عابسة: ماشى يا ستى قوليلى اسم الفندق عشان اجيلك .
  ابتسمت ببعض الحرج: هقولك بس متسبيش شغلك عشان ميتضيقوش .
اخبرتها اسمه لكنها لم تستطع ان تنتظر واتت اليها، انتظرتها بصالة الانتظار نزلت لمار وقفت تبحث عنها، وما ان رأتها الا واسرعت لولو واحتضنت لمار بشوق كبير: وحشتينى جدا جدا ياااه كانى بقالى عمر بحاله مشوفتكيش .
ابتسمت واحتضنتها هي الاخرى: هو فعلا عمر بحاله اتغيرنا فيه احنا الاثنين تغير كبير جدا.
 مازحتها لولو بسعادة: احلى تغير ده ولا ايه ؟
تنهدت لمار فبداخله ندم كبير على ما اقترفته يدها قبل هذا التغير: فعلا احلى تغير تعالى نقعد فوق ونحكى شويه مع بعض .
  ببعض الحرج: لاء بلاش  ارتاحى ونتقابل بكره، اروح معاكى الجامعه تخلصو الاوراق .
  رافضه: خليكى انت يزيد معايا عشان شغلك .
 ابتسمت ممازحة: ماشى يا ستى ولا اقولك يا ماتشو (Maço)
عبست بطفوليه: ماتبطلى رخامه ومتقوليليش قدام حد يا ماتشو دى بدل مازعل بجد 
ضحكت وغمزت لها: خلاص ياستى ماشى (وحركت شفتيها بها عدت مرات دون اصدار صوت ) خلصو انتو الورق وانا مجهزه لكم فسحه حلوه قوى .
 تنهدت لمار مع ابتسامه: ماشى يا ستى هعدىهالك انما ايه ياعم انت يا جامد .
 ضحكت: جامد ايه بس اسكتى دى جولناى هى اللى هتنظمها بلاش فضايح بقا .
 هزت راسها وزمتت شفتيها: انا نفسي اشوفها من كتر ما حكتيلى عنها .
  اومأت بسعاده: وهى كمان نفسها تشوفك .
ظلت معها لبعض الوقت وتركتها، وبعد يومين كانا قد انهيا اغلب الاجرأت، اتت اليهم لولو واخذتهم وخرجو معا، كانت السياره تنظرهم بالخارج، نظرت لمار الى لولو مستفهمة: ايه ده دى عربيه كبيره .
ابتسمت موضحة: ايوه عشان تاخدنا كلنا متقلقيش .
ركبو فيها واذا بها الثلاثه رحبو بهم تنحنحت لولو: اعرفكم  ( اشارت اليهم ) جولناى ايفى وجيهان ( واشارت عليهم) وهذه صديقتى لمار وهذا اخيها يزيد .
 ابتسم يزيد وهز راسه تحية لهم: اهلا بكم اعتذر انا لا اجيد التركيه .
جيهان مازحا فهو يشعر بانجذاب شديد للمار: ونحن ايضا لا نجيد العربيه .
ضحك الجميع وقال ايفى: لا مشكله نتحدث جميعا بالانجليزيه،ولو انى اريد ان اتعلم العربيه، لافهم كثير من كلام لولو.
ثبت حدقتيه على لولو بعشق وهيام للحظات وابعدهم،ابتسم يزيد : يبدو انها تتحدث كثيرا بالعربيه .
عبست لولو وهي تتهرب من نظرات ايفى: ليس كثيرا لكنى اخطأ احيناً .
ابتسم جيهان: ولكن انا ايضا اريد تعلمها .
جولناى: ولما لا نتعلم جميعا، ولكن الان سنبدأ النزهه فلننسي اى شئ ونركز بها لنستمتع جميعا .
وافقها الجميع وتحركت بهم السياره، وامضو يوم رائع وذهبو الى اماكن جميله،
 وكان الكل سعيد والتقطو بعض الصور، وفى اليوم التالى التقت لمار بلولو وجولناى، وذهبن الى احد المحال الكبيره، واشترت لمار ثلاث فساتين لها ولاخواتها، واوصلوها الى الفندق وودعتها لولو، وفى اليوم التالى عادا الى مصر، وصلا الى المنزل استقبلهم اخوتهم بسعاده احتضنت شهد لمار بشوق: وحشتينى جدا جدا .
ولم تنتظر شهندا واحتضنتها هى الاخرى : اوعى تسافرى تانى .
ضحكت لمار مشاكسه: يا بنتى ده انا جاى اسلم عليكم وامشى اصلا .
ضربتها شهندا على كتفها بخفه عابسه: بلاش هزارك الرخم ده .
عبست شهد هي الاخرى: هو ده هزار ده .
ضحكت لمار وتنهدت: لاء ده بجد انتو نسبتو ان خلاص الدراسه على الابواب يعنى كده كده هسافر .
يزيد مازحا ممزوج بعتاب: وايه وانا موحشتش حد منكم طب حتى سلمو عليا .
ضحكن الثلاثه واحتضنته شهد بسعادة: لاء ياعم هحضنك كمان يالا زى اخويا .
ضحك وهو يحتضنها: ماشى يا ستى بس انتو بقا وحشتونى .
احتضنته شهندا بفرح: وانت كمان وحشتنا بقالك كتير قوى غايب .
ضحك فهو يفهم انها لاتقصد على سفره ونظر يمنا ويسرا: امال ماما فين ؟
شهد وهي تشير الى الاعلى: بتصلى فى اوضتها تلاقيها هتنزل دلوقتى لما تسمع صوتكم .
فكر ماكرا: طب وطو صوتكم وتعالى يا لمار نطلع نفاجأها .
هزت رأسها بالموافقه وصعدا معا دقت باب الغرفه وفتحت وجدتها تجلس على المصلى تختم الصلاه، جلسا الاثنان بجواره، نظرت اليه تهلل وجهها فرحا واحتضنتهم بسعاده تملاء حدقتيها: وحشتونى يا ولاد جيتو امتى ؟.
لمار بسعاده: لسه جاين حالا .
يزيد مازحا: قولنا نيجى نرخم عليكى .
ابتسمت ماجدة بحب: رخم يا حبيبى براحتك احكولى بقا عملتو ايه .
لمار بحماس: خلاص قدمت ورقى واتقبل وحجزت كمان فى المدينه الجامعيه زى ما بابا طلب .
ربتت ماجده على يدها: كده احسن تبقى تبع الحكومه، وشرعا ده الصح تبقى فى رفقه امنه .
ضحكت وقبلت يدها: ماشى يا ست الكل اللى تقولى عليه .
نظرت ماجده الى يزيد: وانت عملت ايه ؟
نظر لها: قدمت الورق والدكتور قال هيشوفه، وان قبل انه يتابع الرساله بتاعتى، هنتسب للجامعه وابقى مع لمار بس مش هفضل، هروح كل فتره وارجع .
ماجده: وهيردو امتى ؟
يزيد وهو يشير بيده: خلال شهر بامر الله، حتى ابقى اسافر مع لمار اوديها واطمن عليها، واعرف النتيجه وارجع .
ماجده بسعاده: المهم انكم جيتو بالسلامه،( نظرت الى لمار)  حددو معاد الشبكه بتاعتكم بعد بكره بأذن الله .
لمار بفرح: وانا جبت فساتين حلوه قوى هفرج اخواتى عليها .
رمقتها ماجده بنظره مستفسره: رعد بيكلمك ؟
ابتسمت وهزت رأسها بالايجاب: اه كل شويه يتصل بيا ويكلمنى، ولما اروح اوضتى هكلمه اطمنه اننا وصلنا .
قام يزيد وقفا: هروح اوضتى بقا عن اذنكم .
قامت لمار هي الاخرى: خدنى معاك اروح اغير وارتاح وبالليل ابقى اورى اخواتى الفساتين .
خرجا الاثنان معا دخلت لمار الى غرفتها، طلبت رعد اخبرته بعودتها، لكنه لم يكثر معها فى الكلام، انهى معها المكالمه ونظر فى بعض الاوراق امامه، فهو فى مكتبه فى شركة والده، دق الباب 
دخل البراء وضع بعض الورق على المكتب دون النظر له: الاوراق اهى راجعتها كلها .
والتف ليخرج فنداه رعد وهو يشير له بالجلوس: اقعد يا صاحبى عايز اتكلم معاك .
لم يلتفت له عابسا: معلش مش فاضى .
نظر اليه مترجيا: اقعد انت صاحبى ولازم تسمعنى .
اخذ نفس وزفره والتف وجلس عابسا بنظرات تمتلاء عتاب ولوم: اتفضل قول .
واشاح بنظره بعيدا، نفخ رعد موضحا: اسمعنى يا صاحبى انا عارف انك زعلان منى بس ...
قاطعه غاضبا: انا زعلان عليك، زعلان على صاحبى الجدع اللى فجأه ملقتهوش .
ابتلع غصة في حلقه: انت الوحيد اللى حكيتلك كل اللى حصل ومتكسفتش .
نظر اليه غاضبا: ومتكسفتش وانت بتخطط تضحك على بنت عمك وتخون الامانه .
نفخ نظر بعيدا فبداخله صراع لم ينتهي بعد: انت معاك حق انا فعلا غلطان، بس معرفش ايه اللى خلانى افكر كده، عارف بعد ما انقذتنى اتكسفت من نفسي جدا، انى محمتهاش وهى اللى حمتنى، ولما قربنا من بعض وبقينا اصحاب، كان ديما جويا وجع وحاسس انى فى شرخ، كل ما افتكر اللى عملته فيا اتضايق منها، بس قولت لما هتبقا مراتى وفي بيتى ده هيتنسي والجرح هيلتأم، بس اللى عمله اخوها وجعنى قوى، حسيت انى هبقا الحيطه الميله بتاعتهم، فقررت انى ارجع لفكرة انتقامى تانى، وموضوع انى اخليها تحبنى واكسر قلبها، كان فى دماغى من زمان بس كنت رافضه، معرفش ليه لقيتنى بنفذها بدون وعى مني، بس لما اتخنقت معايا، حسيت انى ندل قوى وانى اخترت طريقه زباله للانتقام، وقررت انى ارجع عنها .
نظر اليه وابتسم: وهو ده الصح يا صاحبى، وهى فى الاخر بنت عمك بردو .
ابتسم ماكرا: عارف حتى لو مش بنت عمى، مقدرش اعمل كده فى واحده، متشكر لانك فوقتنى فى الوقت المناسب ( واكمل فى عقله ) بس دى مش واحده واللى هعمله ده هى تستحقه .
  لم يشعر البراء فى كلماته الصدق لكنه اراد ان يصدقه لانه لايتخيل انه بهذه النداله فنظر اليه: وناوى تعمل ايه ؟
 نظر رعد بعيد متهربا منه: هديها وادى نفسي فرصه حقيقيه، ان قربت منها ونسيت اللى حصل يبقا نكمل، مقدرتش يبقا خلاص لحد كده، بس تعرف اتعودت عليها كأصحاب، وهفتقدها وده اللى مخلينى خايف .
 ابتسم وهو يغمز له: ايه ده بدايه شكلها كده هتنفع ياصاحبى.
رفع كاتفيه لاعلى : مش عارف بس انا هدى نفسي فرصه واشوف .
قام وقف: وانا معاك يا صاحبى ديما طلما مش هتعمل حاجه تغضب ربنا .
نظر اليه مبتسما : انت صاحب جدع .
رفع يده عند راسه واشار له تحية: ماشى يا سيدى .
وخرج وهو يضحك فقد اراحه كلامه، نظر عليه هو الاخر وقد تاجح الصراع داخله، جزء منه يريد الانتقام لكبرياؤه وكرامته التي دهستها بعندها معه، وجزء يشعر بكل ما قاله لصديقه فبداخله شخص جيد يرفض هذه النداله، ورغم كل ما حدث بينهم فقد نبتت بداخله مشاعر لها لا يفهمها لكنها اتوجدت وهو نفسه لا يعرف الى اين ستاخذه، زفر بضيق وتمتم: 
مش قادر انسى افعالها وكلام صاحبي وجعني، ومش قادر اخد قرار صح، بس الاكيد انها مش بريئه وتستاهل اللي يتعمل فيها. 
اخذ نفس وزفره وامسك الاوراق وبدأ ينظر بها، متهربا من هذا الاعصار الذي يضربه . 
اتى يوم الافتتاح وحفل الخطوبه، بدأو واولا بقص الشريط، قصه الثلاثه معا، وبعدها اتت سياره بها الثلاث فتايات معا، وقف الثلاث عرسان بجوار اعماهم، فتح الباب ونزلت لمار اولاً، انبهر الجميع بجمالها، فالفستان باللون السماوى، وترتدى حجاب بنفس اللون لكن درجه اغمق قليلا ولا تضع اى مساحيق، مع ملامحها الهادئه الجميله،
 قبلها عمها حازم واوصلها الى رعد امسك يدها ووقف جانباً، وحدقتيه تلتهم ملامحها  فقد فتنته بهياتها، نزلت شهد وكانت رائعة الجمال بفستان بالون الوردى يشبه وجنتيها، لم يتحمل مهند واسرع اليها، كان طائر في السحاب هي نجمته التي اضاءت له الطريق، ارد ان يمسك يدها لكنها انزلتهم ونظرت للاسفل بخجل شديد، نظر له ياسر محذرا، وضحك الجميع فهو كاد يطير من سعادته بها، خرجت شهندا بفستان باللون الفضى لامع كانت اشبه بالاميرات، ازهلت الجميع بجمالها، امسك عمر يدها واوصلها الى جوار فهد الذى لم يعطى ردة فعل قويه، دخلو جميعا بعدها الى قاعه مجهزه للحفل، بدأ الحفل احضر كل عريس منهم طاقم ذهب، البس رعد لمار دبلتها اولا، وبعدها الاسوره وامسك العقد وضعه حول رقبتها وهو شبه يحتضنها، زغرت ليبتعد لكنه تجاهلها ونظر لها معتبا، تنهدت بعد ان ابتعد لكنها لم تعقب، ورغم ضيق والدها واخيها مر الامر بسلام، البست ماجده شهد شبكتها، وشهندا البستها ايناس، انتهى الحفل وعاد كل منهم الى منزله، فى اليوم التالى رنت لولو على لمار اجابتها بحرج شديد: لولو حبيبتى معلش نسيت خالص ابعت الصور هبعتهم حالا .
عبست مازحة: ماشى يا ستى نعديهالك المره دى بس بقا لو نسبتى تانى هعلقك .
ضحكت مشاكسه: ده انت بردو ماشى ياستى لما اجيلك بس .
فتحت حاسبها وبدأت تشاهد الصور منبهرة: ايه القمر ده ده انت غلبتيهم كلهم بجد الفساتين تحفه عليكو .
ابتسمت لمار: اه بصراحه زوقهم عالى جدا جولناى صاحبتك دى ملهاش حل .
  ضحكت بتفاخر: خلاص هبقا اخليها تختار لكم فساتين الفرح .
  تنهدت ببعض القلق: مش عارفه فهد شكله مش مريحينى وخايفه فعلا يكون مش بيحب شهندا .
تعجبت لولو: ليه بتقولى كده ؟
  فكرت وهى تتذكر: بصى على الصور هتلاقى نظرات مهند لشهد كلها حب كان طاير بيها، لكن فهد كان عادى محستش الفرحه فى عنيها، فرحة رعد كانت اكبر من فرحته .
  زمتت شفتيها: ممكن بس عشان مهند بيحبها من الاول لكن فهد متجوزها جواز عقل .
  هزت رأسها برفض: لاء مش دى النقطه عموما هيبان .
بللت لولو شفتيها:
 المهم قوليلى هتيجى امتى ؟
زمتت لمار شفتيها:
  على اخر الشهر عشان الدراسه خلاص على الابواب، وانا مش عايزه اتاخر .
  عبست لولو معاتبة: بردو هتقعدى فى المدينه الجامعيه ؟
  زفرت لمار مستأه: بابا مصر على كده .
  ابتسمت متنهدة: خلاص امرى لله اللى يريحك المهم ماتتأخريش سلام يا ماتشو (Maço).
 انهت معها المكالمه ودخلت غرفة اخوتها، جلست معهم، وفى اليوم التالى اتى عمها وابناؤه الثلاثه لزيارتهم، جلسو جميعا معا كان مهند عينه على شهد يمطرها بنظرته العاشقه، اما فهد نظر لشهندا وحياها ولم يعد النظر اليها، لاحظ عمر ذلك ففكر انه قد ان يترك لهم فرصه للحوار قام وقف قائلا: ماتيجى ندخل المكتب نراجع الشغل على ما الولاد يتكلمو براحتهم شويه .
نظر اليه ياسر عابسا وقام دخل معه المكتب، جلس رعد بجوار لمار ونظر لها مرددا: محكتيليش عملتى ايه فى تركيا .
ابتسمت: خلصت الورق بتاع النقل خلاص واتفسحنا هناك واتصورنا، هفرجك على الصور على التليفون .
بدأت تريه الصور من هاتفها، تنحنح مهند ببعض الحرج: طنط ممكن نقعد فى الفرندا .
ابتسمت ماجده بسعادة: ماشى يا حبيبى ولو حابب انت كمان يافهد تقعد هناك روح .
هز فهد راسه بالموافقه وقامو ودخلو معا جلس كل منهم بكرسي بجوار الاخر،ونظرمهند لشهد بشوق: وحشتينى جدا وكنت هتجنن واجيلك .
ابتسمت فى خجل ونظرت الى الاسفل، فاكمل: ايه موحشتكيش ؟
هزت رأسها بالموافقه وقد احمر وجهها خجلا، فضحك متنهدا: تعرفى يوم الشبكه كان نفسى اخدك فى حضنى والف بيكى، بس مرضتش عشان احنا لسه مخطوبين، بس انت كنتى جميله قوى .
عبست مشاكسه: يعنى دلوقتى خلاص مبقتش جميله ؟ 
ضحك وهو ينظر لها بعشق: بالعكس انت وقتها كنت جميله قوى، انما دلوقتى القمر يتكسف من جمالك ويتدرى .
زاد خجلها وعضت على شفتها السفلى ونظرت الى الاسفل : طب اسكت بقا لحسن بابا يسمعك ويزعق .
 تنهد متمنيا: بكره لما نتجوز اقولهولك فى كل وقت ومش هنخاف من اى حد، امتى بقا يجى بكره ده .
 زاد خجلها واتسعت ابتسامتها، كان فهد يجلس بالكرسي المجاور لشهندا نظر لها قائلا: قوليلى انت بتعرفى تطبخى ايه ؟
تعجبت من السؤال وابتسمت : يعنى حاجات كتير .
ابتسم ابتسامة باهته: كويس عشان مش بحب اكل الشغالين، وكمان احب ان اللى اتجوزها تكون شاطره .
هزت راسها بأبتسامه حزينة ونظرت الى الاسفل، اكمل : انتِ ليكى فى الكوره ؟
نظرت اليه رافضة: لاء مبحبهاش .
 هز راسه : احسن بلاش وجع دماغ .
رن هاتفه اتته رساله، امسك الهاتف ونظر به وبدأ محادثه، نظرت شهندا تجاه شهد ومهند ورأت نظرات مهند العشاقه لها، تنهدت ونفخت بضجر، ونظرت تجاه لمار ورعد وجدتهم يتحدثان، نظرت الى فهد مازل ينظر بالهاتف، فقامت وقفت هاتفة: ماما هدخل الحمام .
وتركتهم وصعدت الى الاعلى، نظرت لمار على فهد الذى لم يلاحظ ذهابها حتى، ونفخت غاضبه نظر اليها رعد متسائلا: هى اختك طلعت ليه فى حاجه ؟ 
لم ترد ان تخبره قائله: مفيش عادى يعنى انما مقولتليش ايه رأيك فى الصور بتاعتنا .
فهم انها تغير الكلام : جميله بس قليله ليه كده ؟
بللت شفتيها فبداخلها تساؤلات كثيره لم يحن وقتها بعد،ترددت : ده جزء منها الباقى فوق على اللاب .
تعجب: طب ليه مش مخلياهم على تلفونك ؟
تنحنحت بحرج: عشان  المساحه بتاعت التليفون متخلصش .
  هز راسه: ليه هو مساحته كام لو صغيره اجبلك واحد جديد ؟
  اومات بالرفض : لاء ابدا كبيره بس عشان بحب احط برامج كتير يعنى ده شغلى .
  اشار بيده الى الاعلى: طب تعالى نطلع نشوف الصور على اللاب فوق ولا يزيد هيجى يزعق لنا تانى .
 وجدتها فرصة للتحدث معه باريحة اكثر:  
  هو مش هنا اصلا فى الشركه ومش هيجى دلوقتى وعموما استاذن من ماما ونطلع عادى .
استاذن من ماجده وسمحت لهم بالصعود، دخلا معا الغرفه وتركت الباب مفتوح، جلسا على المكتب وشغلت الحاسوب، فتحت ملف الصور لاحظ ملف مغلق مكتوب عليه خاص جداً فقال : ايه الملف الخاص جدا ده ؟
نفخت عابسه: ده ملف صور زياد ومبحبش افتحه فبلاش تطلب لو سمحت ؟
فكر: تمام ورينى الصور .
اخذت نفس وزفرته ونظرت اليه بلعت ريقها: بص سيبك من الصور انا اصلا عندى كلمتين عايزه اقولهم .
قلق شك ان تكن شكت فى شئ فهز راسه بالموافقه، فأكملت: انت ليه جبت شبكه غاليه كده ؟ احنا متفقين اننا ممكن منكملش يبقا ليه تكلف نفسك .
تعجب: حتى لو كان فيها ايه يعنى انت مكبره الموضوع ليه ؟
نفخت غاضبه ونظرت له بعتاب: عشان مسكت ايدى وحضنتنى وانت بتلبسنى الكليه، وانا مكنتش حابه ده ؟
 زفر غاضبا فهو شعر بالامر منذ وقتها: لمار انت مراتى ليه مش عايزنى اقرب منك؟
زاد غضبها وقبضت على يدها: اوعى تكون فاكرنى هابله وهصدق كلامك، ايه غرضك من اللى بتعمله ده ؟ اوعى تكون مفكر انى هصدق انك ممكن تكون مشاعرك اتغيرت بالسرعه دى ؟ ممكن تفهمنى انت بتعمل كده ليه ؟
نفخ رعد ونظر اليها: ....

تعليقات



<>