رواية ماتشو الفصل السابع7والثامن8 بقلم هدي مرسي ابو عوف

رواية ماتشو الفصل السابع7والثامن8 بقلم هدي مرسي ابو عوف
الحلقه السابعه 
وتحرك نحو الباب ليخرج، لحق به هشام محاولا منعه، امسكه من ذراعه فنظر اليه محذرا وعينه تشتغل غضبا: سبنى والا هضربك انت كمان  .
فغضب هشام منه جدا وتركه متهكما: 
انت حر روح استلقى وعدك منها .
فالتف ونظر اليه غاضبا ولمعت عينيه بسحابة من الغيظ: انت بتقول ايه ؟
جلس على طرف السرير ونظر اليه : بقول اللى حصل، اه نسيت اقولك؛ بابا بعت وراك امبارح سيف، اصله كان خايف على لمار منك، وشاف اللى حصل كله، بس هو استخبى عشان ميحرجكش .
قبض على يده وخبط بها على الحائط غاضبا: يعنى حتة بت تخلينى مسخره قدام الناس .
نفخ ممتعضا:
 مفيش فايده لا حياة لمن تنادى، عموما انت حر .
زاد غضبه مزمجرا: انت كمان شايف انى انا اللى غلطان ؟
قام وقف واقترب منه متحديا: مش انا بس، بص يا بن عمى هى غلطت محدش ينكر ده، بس انت كمان غلط لما تهزقها قدام الكل تبقا غلطان، والغلط ركبك كمان ربنا ادنا حق القوامه، عشان نعاملهم بالمحبه واللين، مش بالزعيق والخناق، عمر الشده ما تبنى بيت .
نفخ واشاح نظره عنه مستأ: الكلام ده لما اكون هتجوزها بجد، لكن ده مجرد جواز على ورق، فتره وينتهى والكل عارف ده .
ابتسم ساخرا موجها نظرة لما يجهله: تصدق فعلا الكل فاكر معادا انت وهى .
فكر فى كلامه وشعر انها قد تتطاول عليه مره اخرى، فتصنع انه هدأ من كلامه وجلس ونظر له: تصدق معاك حق انا مش هعبرها اصلا، مش هديها اكبر من حجمها، ومتاسف لو احتديت عليك شويه انت اخويا الكبير .
ابتسم وربت على كتفه: ماشى ياسيدى اسيبك بقا وارح اغير هدومى، واشوف هيغدونا النهارده ولا ايه؟ هستناك نتغدى سوى، انت عارف اكيد محدش منهم هينزل .
هز رعد رأسه بالموافقه، ربت هشام على كتفه وتركه وخرج، فهو يعلم انه يسيارة فقط لينتقم في وقت اخر، لكن ما يهمه هو تهدأت الوضع في هذا الوقت، وترك الامر للوقت فهو كفيل في حل هذه الامور، جلس رعد يفكر فى كل ماحدث ونفخ عابسا وجز على اسنانه متوعدا: مؤقتا بس ولكى روقه يا لمار .
وكان ينظر بتوعد، تركه هشام وذهب الى غرفته . 
..............
واذا بلولو تسمع صوت انفجار، خرجت مسرعه رأت دخان يخرج من تحت عقب الباب، ففزعت واسرعت وفتحت الباب، فزاد فزعها وهى تصرخ مرتعبة: ايه الدخان ده جولناى ايفى جيهان يا جماعه حد سامعنى .
كان دخان كثيف أمام غرفتها، لا ترى منه شئ، طبقت وشاحها فهو فى يدها ووضعته على فاهها لتقى نفسها الدخان، وخرجت مسرعه وهى تنادى عليهم بقلق وخوف، عبرت الدخان وجدت المكان طبيعى ليس به شئ، نظرت الى الدخان خلفها فرأت مكينة دخان، وجدت ايفى يقف ينظر عليه ويضحك ففهمت انه يمزح معها، نظرت اليه بغضب واشاحت وجهها عنه، نزلت جولناى وجيهان نظرا اليه معاتبين، واقتربت منها جولناى مترجيه: لا تغضبى منه رجاًء هو يحب المزاح كثيرا .
نظرت اليه بعبوس معاتبة: لست غاضبه ولكنى قلقت عليكم وكاد قلبى يقف من الفزع .
اقترب منها ايفى وهو ينظر لها باعجاب: اعتذر لم اكن اعلم انكى ستفزعين هكذا .
فهزت راسها بالموافقه دون كلام 
فأكمل باعين تلمع بالاعجاب: لكن اتعرفى ان شعرك ناعم وجميل لما تخفينه اذن ؟
تنبهت انها عاريه الكتفين فهى ترتدى بدى حملات ووشاحها بيدها، فقد خرجت من الحمام مسرعه، وكانت قد فكته قبل دخول الحمام، وضعت يدها على صدرهاورأسها فى صدمه، ودخلت الى غرفتها مسرعه وهى تشعر بخجل شديد، نظر جيهان الى ايفى : الم اقل لك ان شعرها ناعم ؟
راى فى عينه نظرة اعجاب لها فاغضبته متهكما: وكأنك رأيته من قبل، ولا تلومنى لوم عليها، هى من ترتدى وشاح صغير، لو انها ترتدى الحجاب الشرعى مافكرت بهذا السؤال .
وتركهم وصعد الى الاعلى، نظر جيهان الى جولناى منبهرا: انها رائعة الجمال وشعرها منسدل على وجنتيها هكذا، بنفس طول شعرك تقريباً .
ضحكت ممازحة: مابك منبهر بها هكذا، واضح انها جميله منذ البدايه، فرغم ان لونها قمحى، الا ان ملامحها جميله وتملك جسد متناسق.
اومأ بكلمات تمتلاء بالاعجاب:
  نعم لاحظت ذلك الان رغم انى رأيتها كثيراً لكنى لم الاحظه من قبل .
كان ايفى كل هذا الوقت يصعد الدرج، وسمع كل ماقاله جيهان وكان غاضب جداً، فأغلق الباب بقوه، ففزع جيهان وجولناى ونظر للاعلى متعجبين، دخلت هى اليها لتتحدث معها، وصعد جيهان الى غرفته وهو شارد بعض الشئ، وجدتها تجلس عابسه: لما كل هذا الغضب الامر بسيط لم يحدث شئ .
نفخت بعبوس وخجل:
 انا لست غاضبه من ايفى فقد اعتدت على مزاحه، لكن غاضبه من نفسى كيف اخرج هكذا، لكنى فزعت ولم الاحظ انى عاريه وبشعرى .
ربتت على كتفها مهونه الامر عليها: لا تكبرى الامر انهم مثل اخوتك واعتبرى انهم لم يروكى .
زمتت شفتيها وهزت راسها بالموافقه دون كلام، ابتسمت جولناى وتركتها وخرجت، جلست على سريرها وفكرت بعدم اكتراس: معها حق الموضوع بسيط مش لازم اكبر الموضوع .
.............
فى صباح اليوم التالى استيقظ رعد غير ملابسه، وخرج من غرفته لينزل الدرج، فتعثر بشئ فى الارض فسقط على اوله، فظن انها لمار فضرب بقبضته على الارض وقام مسرعا، دخل عليها غرفتها،ونظر  لها غاضباً جز على اسنانه هادرا: انت مش هتبطلى حركاتك دى، عايزه تكسرى رقبتى، ولا عشان سكتلك لما علقتينى ؟! انت مفكره نفسك ايه ؟!
نظرت اليه بلامبلاه واجابت مستفزه: حركات ايه اللى بتتكلم عليها ؟
زاد غضبه مزمجرا: بتحطى صابون على السلم عشان اتزحلق، وقع ويبقا شكلى وحش صح ؟
نفخت فى غضب مستنكرة: انا معملش الحركات التافه دى،( متوعدة) انا لما احب اكسر رقبتك هكسرها بأيدى، مش ازحلقك، تلاقى حد تانى هو اللى زهق منك، ومن زعيقك فى البيت .
ساخرا بحنق: امال التعبان اللى حطتيه فى اوضتى، وشغل العفاريت ده كان ايه هااه .
اخذت نفس وزفرته ونظرت له متحديه بأستفزاز: ده كان قرصة ودن بس عشان تاخد بالك انى موجوده، لكن  لما حبيت أءدبك علقتك قدام الكل مش انا  اللى استخبى .
قبض على يده ونظر لها مهددا : تأدبى مين ما تتكلمى عدل .
نظرت اليه محذره: انت اللى اتكلم عدل، والزم حدودك ومتدخلش اوضتى كده مره تانيه منغير اذن، واوعى تفتكر حتة الورقه اللى بينى وبينك تديلك الحق ترفع صوتك عليا .
جز على اسنانه واحتد غير مباليا: انا ارفع صوتى زى منا عايز، وانت اللى تلزمى حدودك، انت قدام الناس مراتى، يعنى مش حتة ورقه ولا حاجه انت فاهمه .
بحده وهى تجز على اسنانها باستهزاء: لاء مش فاهمه ورينى هتعمل ايه .
كان هشام يمر بجوار غرفة لمار وسمع صوتهم يعلو فدخل اليهم، ولحق برعد وهو يرفع قبضته ليضربها فى وجه لمار، فأمسك يده محذرا: ايه ده معقول كده كل ما تتكلمو مع بعض تضربو بعض ده ينفع ؟!
نظر الى رعد لإمًا له، فنفخ ونظر الى الجه الاخرى،ونظر الى لمار التى كانت فى حالة تأهب لضربه، مترجياً لتهدأ فنفخت هى الاخرى ونظرت بعيداً، هز رأسه متاففاً بضجر: انا مشوفتش فى حياتى اثنين زيكم مينفعش كده .
رعد غاضبا : مانتاش شايف قلة أدبها واسلوبها المستفز .
نظرت بغضب هادرة: انا اللى مستفزه بردو ولا هو ؟
اشار هشام لهم بكلتا يديه : طب ممكن نقعد ونهدى ونتكلم، ولا هنفضل كده فى حرب على طول؟
انا اجلت سفرى عشانكم، ومش هينفع اسافر الا لما نعمل مبادرة صلح، وتوافقو عليها قولتو ايه؟
رعد رافضا فكبرياؤه يمنعه: مبادرة ايه بس وكلام فاضى ايه، متقول كلام معقول ؟ هى دى بنى ادمه الواحد يتعامل معها اصلا .
نفخت لمار بغضب ونظرت الى هشام، واشارت له على رعد مستنكره،فهز راسه مستسمحا: معلش يا لمار عشان خاطرى،وانت لو سمحت يا رعد ماينفعش كده، ولا عاجبكو فرجت الناس عليكو ؟
ضرب رعد على فخذه غاضبا بتعالي: قولها هى تتلم وتفهم انى جوزها، لازم تتعامل معايا باحترام .
فاراد هشام استفزازه مذكرا: ايوه صح مش مفروض ابداً تعلقك فى الطرقه بره، المفروض فى اوضة النوم ميصحش كده .
فأبتسمت لمار وزاد غضب رعد ونظر اليه محذراً: ما تتكلم كويس انت كمان فى ايه ؟
نظر اليه  هشام غاضبا معنفا اياه: انا اللى اتكلم كويس ولا انت عمال اكلمك وانت مفيش فايده، هى احترمت وجودى وانت لاء، احترم حتى انى اكبر منك .
نفخ رعد وخبط على الحائط بيده وخرج من الغرفه غاضبا، فنظر هشام ل لمار شاكراً، وخرج خلفه مسرعا لحق به فى الممر، قبل غرفته امسك ذراعه محتدا: ممكن تسمعنى ولا هتعند وتفضل تفرج عليكو الناس ؟
نفخ رعد ونظر اليه: عايز تقول ايه قول انا سامعك ؟
نظر اليه هشام مخاطباً عقله: فكرك يعنى عجابنى اللى انت فيه انت وهى ده؟! كل يوم خناق ومنظرك وانت متعلق قدام اخواتها البنات ده كان حلو، لازم تفكر بعقلك شويه وتبطل عند، لمار مش بنت ضعيفه هتسيبك تهزقها وتسكت .
ادار وجهه ونفخ فهو محق وماحدث اثبت ذلك لكنه لن يعترف : يعنى اعمل ايه يعنى، اسبها كده تعمل اللى هى عايزه ؟
شعر هشام انه بدأ يلين فاردف:
 لاء طبعا اولا انسى انها مراتك دى خالص، واعمل هدنه معاها، واتفقو تبقو اصحاب، هتسمع كلامك وتنفذ اللى انت عايزه برضاها، لكن بالعند (اشار ناحية  السقف على الجنش مذكرا اياه) انت عارف ايه اللى هيجرا لك، انا قولت اللى عندى وانت حر .
..................
استيقظت لولو وفتحت باب غرفتها لتخرج، واذا باأيفى يسند على الحائط بجوار الباب ويمسك بيده زهره،ما ان راها وابتسم وقدمها لها بنظرات اعتذار: تفضلى هذه زهره لك اعرف انك غاضبه منى .
نظرت اليه وعبست واشاحت بوجهها بعيداً،فرفع حاجبيه وزمت شفتيه متمتما: يبدو ان الزهره لم تعجبك، لم اجد غيرها فى الحديقه اعتذر (اقترب من اذنها هامسا) سأشترى لكِ بوظه ولكن لا تعبسى هكذا .
فابتسمت ونظرت اليه بحيرة: انت شخص غريب تفزعنى امس وتقدم لى الزهور اليوم ؟!
ضحك بنظرة ترجي: هذا انا احب المزاح مع احباى واصحابى، هل تقبلينى صديق ؟
وشخص اليها بنظره ينتظر ردها، فابتسمت ومازحته: وهل لمثلى الحق فى الرفض ايفى باشا .
ضحك ساخرا: الله الله تمازحينى يا بنت، (بنظره حانيه مغازلا) فمثلك يحق لها كل شئ .
ارتبكت وتنحنحت وهزت رأسها بالموافقه،خرجا الاثنان وجدا جيهان وجولناى قد استعدا للذهاب، وامضو اغلب اليوم فى العمل، وعادو مرهقين جدا تناولو الطعام ودخل كل منهم الى غرفته، واذا بجيهان يدق باب لولو ففتحت له متسائله: هل هناك شئ اخى جيهان ؟
ابتسم جيهان:
  هل يمكن ان ادخل اريد التحدث معك ؟
 ترددت قليلا ثم اشارت له دخل جلس على طرف السرير، تركت الباب مفتوحاً وجلست على كرسي المرآه، تردد للحظات ونظرلها مستفسرا:
 فى الصباح رايتك انت وايفى اتين من غرفتك، هل فعل لك شئ اخر ؟
تعجبت من سؤاله ولكنها اجابته بعفوية: لا الامر بسيط كان يحاول الاعتذار من ما حدث .
اخذ نفس وزفره فقد كان خائفا ان يكن ضايقها مرة اخرى: جيد انه فعل ذلك، فما فعله بالامس اغضبنى انا ايضا، لكنى اعتدت على مقالبه هذه .
ابتسمت متفهمة: لا تقلق كان لى اصدقاء بالمدرسه، وكانو يمزحون بطرق اصعب من هذه، واشكرك على اهتمامك انت شخص طيب .
نظر الى عينها باعجاب: وانت فتاه جميله ولك سحر خاص، لا اعرف ما سره ولكنه مختلف عن باقى الفتايات .
نظرت الى الاسفل واحمر وجنتيها خجلا، فابتسم ووقف : ساذهب الان واعتبرينى صديق لك ولا تترددى فى طلب المساعده فى اى وقت .
هزت رأسها بالموافقه مع ابتسامه، تركها وذهب اغلقت الباب ووقفت تنظر بتعجب  مستاءه:
 ايه المجانين دول شكلى مش هطول هنا .
زفرت ضجرا ودخلت الى الحمام .
........................
تركه هشام وذهب وعاد رعد الى غرفته يفكر فى كلامه فهو محق، كلما عاند معها كلما الحقت به الاذى، فهي ليست فتاة يمكن كسرها بسهوله، وقد فعلت هذا داخل المنزل، ولن تتورع ان تفعله خارجه، لو فعل معها شئ خارجً، وهو يعلم انه لا رادع لها، حتى والدها لا يستطع فعل شئ معها، فوجد ان كلام هشام صحيح فقرر عقد هدنه معها، وفكر ان هشام بكلامه معها قد مهد له الطريق، لكنه قرر ان ينتظر للمساء كى يحفظ بعض من كرامته، فكبرياؤه يؤلمه حتى لو كان ما سيفعله مجرد خدعة، خرج من الغرفه وذهب الى الارض يتابعها، حتى دون ان ينتظر احد ياتى معه، كان احد الرجال الذين هجموا على الفيلا يقف ورأه وهو يمر وحده، وسأل احد الفلاحين:
 مش ده واحد من احفاد الميهى ؟
الفلاح:
 ايوه اصل كلاتهم ميشو ومبقيش الا هو، وواحد كمان ويجى حرمه ولا اثنين .
اومأ برأسه وتحرك مسرعا، امسك الهاتف وطلب احد لحظات واجاب متوعدا: 
ايوه يا كبير الجماعه سابو الدار كلهم .
الهاتف: 
حلو كده يبقا نشوف حد منهم ونضربه علجة موت، احنا صح مش هناخد حاجه خلاص، بس لازما نعلم عليهم زى ما علمو علينا.
اجابه:
 طب انا لحالى دلوقت والرجاله كلهم بره اعمل ايه ؟ 
الهاتف:
 استنى بكره وتعملو حسابكم تكسرو عضموا، عايزن الكل يعرف ان محدش يعلم علينا، واننا منسبش تارنا ابدًا .
انهى معه المكالمه وتحرك مسرعا، كانت لمار بغرفتها ورات رعد وهو يخرج، لكنها لم تهتم بالامر وظلت مع اخواتها طوال اليوم، وفى المساء دخلت غرفتها، واذا برعد يدق الباب ويفتح مستاذن: ممكن ادخل، يعنى نتكلم زى الناس العاقلين ولا هنتخانق ؟
اخذت نفس وزفرته ممتعضه: اتفضل(نظرت اليه عابسه) انت اللى ديما تتنرفز وتزعق مش انا ؟
كاد يغضب ولكنه هدأ نفسه وقال : خلاص مش هزعق وهتكلم بهدوء، بس ممكن نعمل هدنه زى ما قال هشام الصبح ؟
صمتت للحظات ونظرت اليه واومأت برأسها بالايجاب: ماشى بس لو خالفت كلامك ...
قاطعه: انا عمرى ما ارجع فى كلمه 
قولتها .
  نظرت اليه بثقه: ولا انا، كلمتى بمية راجل .
   فابتسم ساخرًا :
 مية راجل ... ماشى يا ستى، اتفقنا عن اذنك .
   هزت راسها دون كلام مع ابتسامه خفيفه، تركها وعاد الى غرفته، وهو ينتوى ان يستغل هذه الفرصه لرد الضربه اليها، والثأر لكرامته .
...............
 استيقظت لولو واستعدت للخروج وقفت تنتظرهم فى البهو، لكنهم تاخرو قليلا، ونزل ايفى وجيهان وحدهم فنظرت لهم:
 اين جولناى الن تأتى ؟ 
عبس جيهان حزينا: انها مريضه ولن تأتى .
 فزعت متلهفة: ساصعد للاطمانان عليها .
 ايفى وهو يشير الى الخاج: سننتظرك بالسياره .
  هزت رأسها رافضه: لا لن اتى سابقى مع جولناى لن اتركها وحدها .
 هز راسهم بالموافقه وذهبا وصعدت هى اليها وجدتها نائمه، اطمأنت ونزلت اعدت لها شربه دافئه، وصعدت لها مره اخرى، وجدتها تجلس على سريرها ويبدو عليها الاعياء، فابتسمت: كيف حالك الان ؟
 نظرت اليها متألمه ووجها شاحب: بخير افضل من الصباح ولكن اشعر بألم فى كل جسدى .
 قدمت لها لولو الطعام: كلى هذا الطعام سيغذيكى لتسطتعيى التغلب على المرض.
اخذتها منها وبدأت تناوله باعجاب: سلمت يداك انه لذيذ .
  ابتسمت بحزن: بالهناء سانزل اعد لك كوب من الشاى، حالما تنتهى من تناول الطعام .
نزلت اعدت لها كوب من الشاى وصعدت لها به، وجدتها اكلت شئ بسيط فحزنت: لماذا لم تأكلى ؟
نظرت اليها بتعب وهي تضع يدها على معتدها: لم استطع ان اكمل معدتى تؤلمنى .
حزنت عليها: هذا ليس جيدا، اشربى الشاى وتأكلين بعد قليل .
هزت راسها بالموافقه وشربت الشاى، واستلقت على السرير بارهاق: سانام الان اشعر بالرغبه فى النوم .
  هزت راسها بحنان: نامى قد يفيدك النوم .
استلقت على السرير وضعت عليها لولو الغطاءوتركتها ونزلت الى الاسفل، اتى الاثنان من العمل نظر اليها ايفى : كيف حالها الان ؟
  تنهدت بحزن والم: نائمه منذ بعض الوقت سأصعد الان للاطمانان عليها .
  جيهان عابسا: افكر ان اطلب لها الطبيب فلست مطمأن عليها .
ايفى وهو يشير الى الاعلى: هيا نصعد مع لولو نطمان عليها ونرى .
صعدو معا لها اقتربت منها لولو، ووضعت يدها على رأسها وفزعت من شدة حرارتها فزعة: ان حرارتها مرتفعه جدا علينا الذهاب الى المستشفى فورا .
ايفى متلهفا: ساتصل بالطبيب واساله .
فوافقه جيهان٠ الرأى طلب الطبيب واخبره، فطلب منه عمل كمدات لها حتى ياتى هو للكشف عليها، اسرعت لولو واحضرت الماء وبدأت فى عملها .
..........   .
 نزلت لمار الى البهو، وجدت رعد ينتظرها هو وهشام للذهاب لرؤية الارض، القت التحيه وذهبو جميعا، كانو الرجال ينتظرون قدومه فى الارض، وعندما راوهم معا اختبأو حتى يكن وحده، وظلو يرقبوهم افترقو الثلاثه لكن لم يبتعدوا كثيرا، اتى اتصال هاتفى لهشام وبدى عليه الفرح الشديد، واتى اليهم مستبشرا: معلش يا جماعه انا لازم انزل القاهره حالا، مراتى دخلت المستشفى عشان تولد، ويادوب الحقهم، معلش بقا هكلم سيف يجى مكانى من بكره .
ربت رعد على كتفه سعيدا: الف مبروك يلا بسرعه اجرى انت عشان تلحق طريقك  .
لمار بسعاده وحدقتيها تلمع بالفرح: ربنا يقومها بالسلامه ويباركلك فيه ابقا كلمنا طمنا .
نظر اليهم وتحرك مسرعا: الله يبارك فيكو سلام انا بقا .
وتركهم وذهب مسرعا، تطلعا الاثنان عليه بسعاده وعاد كل منهم الى متابعة الارض، ابتعدت لمار قليلا فوجدها الرجال فرصه وهجمو على رعد لضربه، التفو حوله وانهالو عليه بالعصى،حاول رعد الامساك بأحد العصى وجزبها من احد الرجال، لكنه تشبث بها وركله بقدمه اوقعه ارضا متوعدا: احنا هنعلم عليكم كيه ما علمتوا علينا، ولا فكرينا هنعديها اياك.
 اسرع الفلاحين اليه لنجدته، فصرخ بهم احدهم محذرا: ابعد انت وهو واللى هيقرب ميلُمش الا نفسه .
فخاف الفلاحين فهم كثر، وايضا معروفين لهم وقد يسببو لهم المشاكل بعد، اسرعت لمار اليه واخرجت المسدس من جيبها الخلفى وقفت بجوار شجره وحذرتهم متوعدة: ابعدو عنه وسبوه بدل ما اموتكم .
 وضربت عدت طلقات فى الهواء
واكملت محذرة: المره دى فى الهوا اللى جاى فى النفوخ عدل .
 كانت قد اتصلت بالشرطه، وتحاول مرواغتهم حتى تاتى، فمهما كانت قوتها لن تستطع وحدها التغلب عليهم، لم يهتم الرجال بكلامها واستمرو فى ضربه، واخرج احدهم مسدس من جيبه، واطلق عدة طلقات وهو متجه نحوها مستهينا: المره دى مش هنخاف، عاملين حسابنا ومعنا سلاح .
 اسرعت واختبأت خلف الشجره التى بجوارها، وصل الرجل عندها فهجمت عليه من الخلف، وضربته على رأسه عدة ضربات بالمسدس، فبدأ يفقد توازنه، فغضب احد الرجال وصرخ: انا اللى هاجى اجيبك من شعرك يا حرمه انتِ .
كان رعد يحاول ان يفعل اى شئ لابعادهم، فجذبه من قدمه واوقعه وبدأ يضرب فيه، امسكه باقى الرجال وابعدوه عنه، صرخ بهم: سيبونى يا كلاب بتتكترو عليا سيبونىىىىىىىى .
هجم الرجل عليه وبدأ يضربه بقبضته فى بطنه وصدره،وقع الرجل الذى عند لمار ارضا، وعاودت اطلاق النار عليهم قائله : سبيوه سبيوه .
اتى صوت سيارة الشرطه فأسرع الرجال هاربين، وقع رعد على الارض من شدة الالم، وجسده ينزف من اماكن عده، 
 اسرعت اليه لمار وتفقدته بهلع: رعد رعد انت كويس رعد سامعنى رد عليا رعد .
فاومأ برأسه وهو يجز على اسنانه من شدة الالم، اتت الشرطه وطوقت المكان واسرع اليهم الضابط: هربو واحنا هنحاول نجبهم بس ممكن نعرف ايه اللى حصل وضربوه ليه ؟
صرخت به لمار متعجلة: عربية اسعاف بسرعه لازم يتنقل مستشفى .
الضابط وهو ينظر بساعة اليد خاصته: الاسعاف قدمها وقت على ما تيجى، قولى لنا بس مين ده وليه الناس دول ضربوه ؟
لمار عابسه بحنق: ده رعد عمر الميهى، ودول حراميه حاولو يسرقو فيلة جدى قبل كده، واحنا اتصدينا لهم وبينتقمو منا .
سأت حالة رعد اكثر وبدأ يفقد الوعى فجزت على اسنانها: طب ممكن توصلنا للمستشفى باعربية البوليس عشان حالته سأت جدا ممكن .
الضابط : طب ماشى ده افضل بردو، بس عشان الاسعاف ممكن تتاخر .
نظرت الى رعد مرددة: رعد اسند عليا لحد العربيه هتقدر رعد رعد .
فانتبه لها ونظر لها فالرؤيا لديه مشوشه، هز راسه بالموافقه، امسكت يده وضعتها على كتفها، ولفت يدها الاخرى حول خصره واوقفته، انتابها رعشه غريبه وانتفض جسدها للحظه، لكنه انكرته وتصنعت عدم احساسها بهم، تنهدت بقوة تخرج كل ما به من هذه الاحاسيس رافضة لها، اغمضت عينها وفتحتهم لتستعيد رباط جأشها،
اشار الضابط الى احد العساكر ليسانده من الجه الاخرى، وقال: احنا هنوصلكم المستشفى وبعدين نبقا نعمل المحضر .
لمار فى عُجاله وهي تنفص عنها توترها: طيب ماشى هخلى بابا يكلم المحامى يجلكو القسم، ويخلص كل حاجه بس بسرعه لحسن جسمه كله بينزف .
تحركت به هى والعسكرى واركبته السياره، وتحركت بهم بسرعه اوصلتهم الى المستفى، كان قد فقد الوعى تمام، نزلت مسرعه نادت المسعفين اتو بالسرير النقال واخذوه الى الداخل، قامو له بالاسعفات الاوليه والاشعات اللازمه ونقله بعدها لغرفه عاديه، جلست معه لمار ات اليه الطبيب مطمان:
 الحمد لله مفيش اى كسور كلها كدمات وخدوش بس هتاخد وقت على ما تخف .
هزت راسها:
 الحمد لله طب مفيش اى نزيف داخلى ولا حاجه ؟
اجاب الطبيب:
 لاء مفيش واحنا هنخليكو هنا شويه لحد لما نطمن .
هزت راسها بالموافقه دون كلام، فهي لا تريد التفكير بما شعرت او حتى اتيانه الى عقلها، خرج الطبيب نظرت الى رعد وامسكت الهاتف، وطلبت والدتها واخبرتها بالامر،ففزعت متلهفه:
 ازى ده وانت كويسه فيكى حاجه حصلك حاجه ؟
لمار مطمانه:
  اطمنى انا بخير رعد هو اللى تعبان، وانا معاه فى المستشفى، بس هنفضل شويه لحد لما يفوق .
ماجده بحزن:
 طب انا هكلم ابوكى يكلم المحامى، ويخليه يشوف الموضوع ده .
لمار مذكره:
  متخليهوش يكلم عمى ويخضه عليه، هما لسه مسافرين امبارح .
 هزت راسها بالموافقه مؤكدة: ماشى يا بنتى عندك حق، وكمان اقوله يتصل يطمن على مرات هشام.
زمتت لمار شفتيها:
  وابقى طمنينى ومتقلقيش علينا، اول لما يفوق يبقا كويس هنرجع على البيت .
انهت معها المكالمه ونظرت الى رعد مره اخرى، فهى حزينه لاجله ولا تفهم ماذا بها، بدأ يفتح عينه ويغلقها عدة مرات بتثاقل شديد وقال متألما بصوت ضعيف:
 اه اه عينى مش قادر افتح عينى ليه كده، هى ايه الضلمه دى انا مش شايف ليه كده اه اه .
فزعت لمار ماذا اصاب عينه وضعت يدها على ثغرها ونظرت اليه: ......
 بسم الله الرحمن الرحيم وبه نستعين اللهم اتنا فى الدنيا حسنه وفي الاخره حسنه وقنا عذاب النار
..........
ماتشو (Maço)
الحلقه الثامنه
ظلت لولو معها تضع لها الكمدات حتى اتى الطبيب وفحصها، نظر لهم مطمأن: انها مصابه بالحمه لكن الحاله بسيطه، سأعطيها حقنه الان واكتب بعض الادويه تستمر عليها لعدة ايام، وان لم تهدأ الحراره لثلاث ايام تجلبوها للمشفى فورًا .
جيهان متعجبا بحنق: ولما ننتظر ان كانت الحاله تحتاج الى مشفى ننقلها فورا .
الطبيب موضحا: لا انها حمى عاديه وقد تنتهى غدا، ولكن انا اقول تحسبا لاى تطور للحاله .
هز ايفى رأسه متفهما: اذا الحاله مطمأنه ؟
اومأ الطبيب برأسه: نعم واهم شئ الكمدات يجب ان تستمر حتى تنخفض الحراره .
لولو وهى تنظر عليها بحزن: سابقى معها ولن اتركها حتى تهدأ .
الطبيب : تمام ساذهب انا الان .
خرج الطبيب اوصله جيهان واكملت لولو الكمادات، ذهب ايفى لاحضار الدواء، وبعد ان عاد دخل الى غرفة جولناى وجد لولو بجوارها فاقترب منهم متسائلاً: كيف حالها الان ؟
لولو مع ابتسامة بسيطه: بخير انخفضت حرارتها ساتوقف عن الكمدات وانزل اعد لها طعام .
اتى جيهان وكان قد سمع ما قالت فابتسم ببعض الاطمئنان: لا استريحى انت قليلا وانا ساعد لها الطعام .
لولو رافضة: لست متعبه سابقى معها .
ايفى وهو ينظر له بامتنان: انت معها منذ الصباح ارتاحى قليلا وتناولى شئ .
تنهدت لولو فهي حزينه على تعب صديقتها: ليست لى رغبه فى تناول شئ، سانزل اغير ملابسى فقط واعد بسرعه .
نظرا الاثنان اليها وقد استسلما مع اصرارها، نزلت الى غرفتها غيرت ملابسه وعادت الى غرفة جولناى وجدتها ماتزال نائمه، جلست الى جوارها،
 اتى اليها جيهان وقدم اليها بعض الشطائر مترجيا: رجاًء تناولى هذا لا اريدك ان تتعبى انت ايضا .
ابتسمت واخذتهم منه وامسكتهم بيدها، فعبس مصرا: لا افتحيه وكليه هيا لن اذهب حتى تتناولى جزء منه .
فهزت راسها وفتحته وبدأت تناوله، تركها ونزل وبعد بعض الوقت، وجدت حرارتها قد عادت للارتفاع، فتابعت عمل الكمدات لها، اتى ايفى ونظر لها متسائلا: الم تستيقظ بعد ؟
نظرت اليه عابسه بحزن: لا وبدأت اشعر بالقلق الا يجب ان تفيق ؟
فكر وهو ينظر على جولاني بحزن: سأتصل بالطبيب واسأله .
تركها وخرج اتصل بالطبيب فطمأنه وطلب منه ايقاظها واطعمها واعطاؤها الدواء، فاخبر لولو فايقظتها لكنها كانت غير مدركه لشئ، فاطعمتها واعطتها الدواء واكملت لها الكمدات .
...............
فزعت لمار ماذا اصاب عينه وضعت يدها على ثغرها، هجمت الظنون على عقلها
نظرت اليه مزعورة: رعد انت مش شايفنى رعد ؟
فتح عينه واغلقها وتأوه بوجع: اه شايفك تشاش كده حاسس ان المكان ضلمه، اه جسمى بيوجعنى قوى .
اخذت نفس وزفرته وتنفست الصعداء: حرام عليك خضتنى هروح اشوف الدكتور يجي يطمنا عليك .
تركته وذهبت نادت للطبيب اتى وبدأ فصحه متسائلا: استاذ رعد حاسس بدوخه او صداع ؟
  تأوه بصوت ضعيف: لاء كنت حاسس المكان مضلم بس نور بعد كده بس عضمى كله بيوجعنى .
هز الطبيب راسه مطمىنان:
  ده طبيعى واضح انهم كانو بيضربو بغل، انت تحمد ربنا اصلا ان مفيش كسور كلها كدمات .
 تأوه متألما وجز على اسنانه: طب ينفع اروح مبحبش قدعت المستشفيات دى .
الطبيب:
  هو الافضل انك تفضل لكن لو حابب تمشى ممكن اكتبلك على خروج، (نظر الى لمار) بس لازم تخلى بالك منه كويس، ولو سخن او داخ او اغمى عليه تجبيه فورا،  وهبعتلك الروشته عشان تجبيله العلاج، لازم ياخده ويتغذى كويس .
 هزت رأسها بالموفقة: حاضر .
الطبيب : اه وكمان الجروح لازم تغيرى عليها مرتين فى اليوم عشان يلمو بسرعه .
اومأت راسها متفهمة: تمام حاضر فى عربيات اجره هنا عشان نروح بيها .
زمت الطبيب شفتيه: للاسف لاء متلقيش .
فكرت كيف تحل هذا الامر اتتها فكرة: طب ينفع عربية الاسعاف توصلنا للبيت، معناش عربيه وانت قولت مفيش اجره هنا ؟
الطبيب: ماشى هكلمهم يوصلوكم عن اذنكم انا .
وتركهم وذهب نظر اليها رعد: هو انت دفعتى فلوس ازى ؟
بللت شفتيها مردفة:
 ماما كلمتنى وقالتلى ان المحامى جه ساب مبلغ تحت الحساب، بس كان عنده محكمه فمشى بسرعه، وقال هيعدى باليل .
تنهد متالما ببعض الحرج:
ماشى ممكن تساعدينى اقوم استعد عشان نمشى .
ترددت:
  استنى طيب لما الدكتور ...
 قاطعها رافضا بضجر: لاء مش قادر حاسس جسمى ملزق، عايز اروح اخد دش هتساعدينى ولا تنادى حد من التمرجيه .
استسلمت:
  هساعدك يالا اسند عليا .
اقتربت منه وضع يده على ظهرها، واستند عليها حتى جلس على طرف السرير، شعرت ببعض الارتباك لكنها تجاهلتهم، فهي لا تريد ان تعطي الامر اكبر من حجمه، عدلت له ملابسه اتى احد الممرضين ومعه كرسي متحرك قربه منه: اتفضلو هركبكم الاسنسير العربيه جهزت تحت عشان توصلكم .
رعد رافضا بامتعاض: لاء مش عايز الكرسي ده مبحبوش .
تنهدت لمار بقلة حيلة: خلاص انا هسندك لحد العربيه ( نظرت الى الممرض ) خليك معنا لحد مانركب .
استند عليها ونزلا ركبا السياره واوصلتهم حتى باب الفيلا، ظل رعد صامتا لم ينطق بشفا كلمه، لم تعطى لمار الامر بالا،
 نزلا الاثنان وهو يستند عليها ودخلا معا، نزلت ماجده من الاعلى هى والبنات اسرعت اليه متلهفة: عامل ايه دلوقتى يا بنى ؟ 
 رعد متالما بملامح جامدة: الحمد لله يا طنط، احسن شويه بس عايز اطلع اوضتى .
لمار بعفوية:ماتقلقش انا هطلعك ومش هسيبك الا لما تبقى كويس .
هز راسه دون كلام فهو متعجب من تصرافها معه، وفي الوقت نفسه غير راضي عن مساعدتها له، فهو يانب نفسه بدلا من حمايتها هي التي تحميه وتساعدة، دخلا الغرفه اجلسته على السرير وغطته ونظرت الى ماجده : معلش يا ماما خليهم يجهزو له اكل، وخلى حد يجيب العلاج ده له عشان مهم جدا .
 اخذت منها الورقه ونظرت به: حاضر يا بنتى هنزل اقولهم .
 تركتهم ونزلت وذهبت اخواتها الى غرفتهم، جلست بكرسي بجوار السرير، غلفهم الصمت لبعض اللحظات، قطعه صوت رعد بصوت متحشرج: هو انت قولتى لبابا على اللى حصل ده ؟
  هزت رأسها رافضة: لاء انا قولت لماما متخليش بابا يقوله، لحد لما نطمن عليك بلاش تخضه عليك .
ابتسم رغم الصراع الذي بداخله: صح كده اتصرفتى صح، عموما انا متشكر ليكِ .
هزت رأسها فبداخلها مازلت متوترة: مفيش داعى للشكر .
تردد ببعض الحرج: ممكن تساعدينى ادخل الحمام عايز اخد شاور .
 هزت رأسها بالموافقه دون كلام،
 اقتربت منه استند عليها وسندته بيدها الاخرى، زاد الارتباك بداخلها رغم كل محاولتها الهرب منه، لكنها اصرت على تجاهله، اوصلته للحمام وادخلته بصوت خافت: على ما تاخد حمام هروح انا كمان اغير هدومى، واشوف اخبار الاكل ايه .
هز رأسه بالموافقه ودخل الى الحمام، ذهبت هى الى غرفتها، تنفض عنها الزوبعة التي اثيرت داخلها، فهي لا تفهم لما هذا التوتر، غيرت ثيابها متجاهلة كل التساؤلات التي تضرب عقلها، وخرجت وجدت والدتها تبحث عنها مردفة: روحت اوضة رعد ملقتكيش جيتلك هنا، خدى العلاج اهو، وجبولك قطن وشاش بزياده، عشان تغيرى على الجروح، بس هتعرفى ولا اخليهم يبعتو ممرض ؟
 اومأت لها قائله: متقلقيش اتعلمت كل الحاجات دى فى الكشافه.
نظرت ماجدة الى عينها فهي ترى بعض الاتباك بحدقتيها، لكنها تهربت منها فارجات الامر مرددة:
 ابوكى هيكلم عمك ويقوله عشان مايزعلش .
زمتت لمار شفتيها فهي لا تريد التفكير بأي شيء:
 تمام (بتذكر) وهشام صحيح مراته ولدت ولا لسه ؟ 
ابتسمت بسعادة: الحمد لله قامت بالسلامه جابت ولد وسماه شهاب .
بادلتها الابتسامه فرحة: الحمد لله عمامى هيفرحو قوى بالخبر ده، هروح اشوف رعد ومعلش قوليلهم يجبو الاكل على الاوضه .
ربتت على كتفها:
 وهقولهم يعملو حسابك معاه اكيد انت كمان جعانه .
هزت رأسها دون كلام وذهبت الى غرفة رعد، وجدته خرج من الحمام ويجلس على السرير فابتسمت: عامل ايه دلوقتى ؟ 
ابتسم ببعض الرحه: احسن كتير لما اخدت حمام حسيت انى فوقت وجسمى هدى.
هزت رأسها:
  الحمد لله الاكل هيجى دلوقتى، تاكل واغيرلك على الجروح وتريح شويه .
 دق الباب كان احد عاملى المنزل قدم لهم الطعام، وضعته له وتناولا معا والصمت كان سيد الموقف .
.................
ظلت لولو معها ولم تتركها، حتى انها نامت من كثرة التعب وهى جالسه الى جوارها، دخل جيهان وراها كهذا فاقترب منها وربت على كتفها بحنان: لولو استيقظى يا بنت .
فتحت عينها ونظرت وفزعت: ماذا هل حدث لها شئ ( وضعت يدها على راس جولناى) حرارتها هادئه الحمد لله افزعتنى .
عبس متمتما: اعتذر لم اقصد، هيا انزلى ارتاحى فى سريرك وانا سابقى الى جوارها .
هزت راسها رافضه: لا لست متعبه لن اتركها حتى تفيق .
  تعجب من اصرارها: الله الله لا تعندى يا بنت هيا انزلى سأبقا معها .
 هزت رأسها ممتنه: اذا شعرت بالتعب ساخبرك .
بدأت جولناى تفتح عينها ونظرت لهم قائله بصوت ضعيف: ماذا حدث ولما اشعر ان رأسى يؤلمنى .
ابتسمت لولو: الحمد لله اصابتكِ الحمه، وارتفعت حرارتك كثيرا ولكنها انخفضت بفضل الله .
ربت جيهان على يد جولناي: لولو ظلت تضع لكى الكمدات طوال اليوم ولم تتركى ابدا .
ابتسمت جولناى ونظرت بامتنان: حقا شكرا لكى اختى .
ربتت لولو على يدها وتنهدت: لا داعى للشكر طيبى اولا وعودى الى سابق عهدك .
اتى ايفى ونظر اليها: افاقت اخيرا، كيف حالك الان قلقتينا عليك كثيرا .
هزت جولناى راسها بتعب: الحمد لله اشعر انى افضل .
جيهان وهو يتحرك نحو الباب: سأنزل احضر لك طعام لتتناوليه، فقد اكد الطبيب انه يجب ان تتناولى طعامك ودوائك .
جولناى برفض: لا لست جائعه الان انتظر قليلا .
ربتت لولو على يدها: اذا ساعد لكى شاى ساخن فهذا جيد لكى .
اشار جيهان بيده: ابقى انت ساعده انا، واعد لك انت ايضا ؟
فهزت راسها بالموافقه، تركهم ونزل لاعداد الشاى، جلس ايفى الى جوار جولناى امسك يدها وربت عليها بقلق: هيا طيبى سريعا لقد اقلقتينا عليكى كثيرا .
ابتسمت جولناى: كنت اريد ان اعرف معزتى عندكم .
 ابتسم ايفى مشاكسا: الله الله ما هذا الا تعرفين حقا .
ابتسمت لولو بحب: مؤكد انها تعلم فهى اختى اليس كذلك ؟
نظر ايفى الى لولو كانه يجيب سؤال لم يسأل: تقصدى اختنا جميعا .
جولناى مؤكدة: هذا صحيح نحن اخوه من الدم منذ ولدنا واباؤنا جعلونا اخوه .
اكمل ايفى وهو مازال ينظر الى لولو: وتربينا معا منذ الصغر وما يربطنا اقوى بكثير من الصداقه .
نظرت جولناى الى لولو موجهة الحديث لها: ولولو هى الاخرى اصبحت اختنا اليس كذلك يا ايفى ؟
تغير وجه ايفى، ونظر الى لولو وهز راسه بالموافقه مع ابتسامه هزيله، كانها اصابت موقعا لا يريده، فبداخله مشاعر لا يريد البوح بها، اتى جيهان ومعه الشاى، جلست جولناى وبدات تناوله، وبدأو يتحدثو معا ويحكو ل لولو عن بعض مغامرتهم وهم اطفال، شعرت وستطهم بالالفه والمحبه، ما كان يوترها نظرات ايفى التي لاتفهمها،
 واحضر لها جيهان الطعام وتناولته واخذت الدواء ونامت وظلت لولو معها حتى الصباح .
...................
فى المساء اتى عمر وابناؤه الاثنان، صعدو الى غرفة رعد دخل ونظر اليه متلهفا وهو يتفحصه بحدقتيه:عامل يا بنى دلوقتى ورينى انت سليم انت كويس ؟
ابتسم رعد مطمان: اطمن يا بابا الحمد لله بخير .
لمار بابتسامة: متقلقش ياعمى الدكتور طمنا مفيش كسور هى كلها كدمات بس .
 اطمأن عمر وزفر: الحمد لله طلما كدمات هتاخد وقتها وتروح.
جلس فهد بجواره على طرف السرير وربت على يده: عاش يا وحش بس ازى ده حصل ومين دول ؟
مهند وهو يجز على اسنانه: مسكوهم ولا لسه ؟
تنهد رعد حانقا: دول الجماعه اللى هجمو على الفيلا، عشان يسرقوها اول يوم جينا، بينتقمو عشان هزقناهم .
فهد غاضبا وهو يقبض على يده: بس احنا مش لازم نسكت لازم نجيب حقك .
مهند مستنكرا : يعنى البوليس معرفش يمسكهم هتعرف انت .
عمر رافضا: بلاش الكلام ده احنا عملنا محضر وان شاء الله القانون يجيب حقنا .
هزت لمار رأسها ونظرت لعمها: انا كمان مع الراى ده .
نظر لهاعمر بأمتنان وشكر: مش عارف اقولك ايه يا بنتى، المحامى قالى انك انت اللى ساعدتيه ولولاكى يمكن كانو قتلوه .
ابتسمت لمار: ده كلام ياعمى رعد أبن عمى، ولو انا اللى مكانه كان هيعمل نفس الشئ، مش كده ولا ايه.
ونظرت الى رعد الذي عبس وجهه ونظر الى الاسفل، فبدلا من ان يحميها هى من حمته، فبداخله صراع وغضب لا يريده ان يخرج، شعر مهند بحزنه فهو يعرف اخية، فنظر الى لمار: اكيد انت تعبانه معاه من الصبح، روحى ارتاحى فى اوضتك واحنا هنفضل معاه للصبح .
ابتسمت لمار فهي الاخرى تريد ان تهرب من التوتر التي لا تفهم سببه: تمام انا غيرت على الجروح كلها، وليه علاج بعد ساعه يأكل كويس وبعدين ياخده، وانا هاجى الصبح ان شاء الله عن اذنكم .
خرجت نظر عمر لرعد وهو يحدق في اثارها: بنت جدعه وواضح انها قاعدم جنبك من بدرى .
رعد ممتعضا: مسابتنيش من ساعت ماروحنا المستشفى لحد ما انتو جيتو .
 تعجب فهد: متوقعتش  ده منها صراحه .
لكز مهند فهد في ذراعه رافضا: ازى يعنى ان مكنش عشان جوزها، يبقا عشان عمها انت بتهرج .
جلس عمر الى جواره على طرف السرير بجوار فهد: المهم انك بخير الحمد لله، اول معرفت مقدرتش استنى للصبح جيت جرى، واخوتك مرضيوش سيبونى اجى لوحدى .
ابتسم فهد : رعد اخونا الكبير .
ابتسم مهند وربت على يد رعد: اكيد طب مش محتاجه كلام .
خرجت لمار عادت الى غرفتها كانت متعبه جدا، ولا تريد فتح باب تسؤلتها التي تهرب منها، اخذت حمام ونامت حتى انها لم تمر على غرفة شهندا .
.................
استيقطت جولناى وهى تشعر ان حالتها افضل، نظرت الى جوارها وجدت لولو نائمه وهى جالسه على الكرسي، ابتسمت وغطتها بالشراشف ودخلت الحمام، استيقظت لولو لم تجدها فى السرير، ففزعت وبحثت عنها وجدت الحمام مغلق فهمت انها به، زفرت واخرجت بعض الهواء لتهدأ، انتظرتها حتى خرجت نظرت اليها: كيف حالك الان ؟
ابتسمت براحة: أفضل بكثير اشعر وگانى لم اكن مريضه .
  ابتسمت لولو بسعاده وهمت للتحرك: الحمد لله سأنزل اعد لك طعام .
هزت رأسها رافضه وامسكت يدها: لا ابقى معى عندما اريد ساخبرك .
اومأت  لولو بالموافقه اتى جيهان وايفى، نظرا الى جولناى وهى تجلس وفرحا بتحسن حالتها، ابتسم ايفى بسعاده: حمدًا لله على سلامتك انت اليوم افضل كثيرا .
جيهان وهو ينظر على لولو: نعم لقد اعتنت بك لولو جيدا .
ابتسمت جولناى وهو تنظر الى لولو بامتنان: هذه حقيقه استيقظت وجدتها تنام جالسه الى جوارى لا افرط بكى ابدا اختى .
نظر جيهان الى لولو ممتنا : حقيقى لم اتخيل انها تحبك هكذا .
اتسعت ابتسامة جولناى: انا ايضا احبها فقد اصبحت اختنا .
 لولو بسعاده وخجل احمرت وجنتيها: هذا كثير علي لم افعل سوي واجبى اخجلتمونى .
ضحك جيهان ممازحا: الله الله لقد احمر وجه البنت  ما هذا الجمال .
غضب ايفى من كلام جيهان، فهو لا يطيق نظرته لها او حديثه معها، ولكنه تصنع الابتسامه كى لا يلاحظ احد مردفا: على ما تشكرونها هذا عملها، وايضا اين تذهب لو حدث مكروه لها لا تكبرو الامر .
تلاشت البسمه من على وجه لولو وحزنت من كلامه، فهي لا تفهمه فنظراته لها وتصرفاته دائما غريبة، نظرت الى الاسفل، غضبت جولناى وعنفته: ما هذا الكلام يا ايفى ان لم يكن لديك كلمه جيده فلتسكت .
غضب ايفى لانه جرحها لكنه زاد الامر مرددا: اليس ما قلته حقيقه الله الله .
ابتلعت لولو غصة فى حلقها وقذفته بنظرة معاتبه: لا دعى لان تغضبى منه لاجلى سانزل لاغير ملابسى .
وامتلأت عينها بالدموع ونزلت مسرعه الى غرفتها، نظر جيهان اليه غاضبا وزفر بضيق: ماذا بك لما تفعل هذا بالفتاه ؟
نظرت له جولنا هى الاخرى غاضبه واشاحت وجهها عنه محتدة: اهذا هو جزاءها لانها بقيت الى جوارى فى مرضى انت حقا احمق .
اكمل جيهان وهو يقف: سانزل خلفها لاراضيها فمؤكد انها حزينه جدا .
غضب ايفى وتحرك ناحية الباب قبله: انا سانزل انا من اغضبها لست انت .
ونزل مسرعا، تحرك جيهان ليلحق به: سالحق به كى لا يضايقها مره اخرى .
اومأت جولناى بالموافقة: اذهب وانا ساخذ حمام واغير ملابسى حتى تعودا .
 نزل مسرعا، وجد ايفى يقف عن باب غرفة لولو، وقف بعيداً يتابع ما سيحدث، دق ايفى الباب وهو يشعر بالندم: لولو رجاء افتحى الباب اريد ان اعتذر منكِ لم اكن اقصد ان احزنك .
ردت من خلف الباب بعد ان مسحت دموعها: بالفعل لم تقصد ان تحزننى، بل قصدت اهناتى اذهب لا اريد الحديث معك .
حزن وجز على اسنانه غاضبا من نفسه لما يفعله بها: لا لن اذهب ارجوكى افتحى، واعدك انى لن افعل هذا مرة اخرى رجاء.
مسحت دموعها محاولة منع دموعها من النزول، ونظرت الى الجه الاخرى وقبضت على يدها وتنهدت: لا لن افتح اذهب لا اريد منك اعتذار، لتعد بعدها وتهنينى مره اخرى اتركنى وشأنى .
اعتصر الالم قلبه فهو لا يتحمل حزنها: اسمعى ان لم تفتحى سابقى واقفا هنا عند الباب ولن اتحرك، افتحى الباب ارجوكى .
زاد غضبها وقامت فتحت الباب ونظرت له هادرة: ماذا تريد منى الا يكفيك ما فعلت اذهب من هنا هيا، وان كان وجودى يضايقك ساذهب ولن اعد مره اخرى .
نظر اليها نادما باعين تمتلاء بالالم: ارجوكى سامحينى واعدك انى لن اغضبك مرة اخرى، ولكن لا تبكى ارجوكى، سافعل اى شى تطلبين ولكن سامحينى، لا اتحمل هذه الدموع .
قذفته بنظرة غاضبه: من اكون انا لتطلب منى الصفح انا مجرد فتاه تعمل لديكم، لا داعى لان تتعب نفسك معى اكثر .
امسكها من ذراعيها ونظر الى عينها وحدقتيه تقل الكثير: انت صديقتنا ولا تقولى هذا الكلام مره اخرى اتفهمين، ولن اسمح لكى ان تذهبى، واعتذر منك مره اخرى ( وقبل راسها ) هيا سامحينى، واعدك انى لن افعل هذا ولو فعلت اضربينى لن اغضب اتفقنا .
فزعت وارتبكت من مسكه لها وتقبيل راسها، شعرت كأنها تجمدت مكانها واحمرت وجنتيها، ولم تعرف ماذا تفعل او تقول فهزت رأسها بالموافقه، وجذبت ذراعيها من يديها وعادت الى الخلف خطوه، فارتطمت بالحائط فابتسم من ارتباكها: هل سامحتنى اذا ؟
هزت راسها بالموافقه واشارت بيدها لتدخل غرفتها، فاشار لها فدخلت مسرعه واغلقت الباب، وقفت خلفه فما فعله اربكها جدا ووترها، اخذت نفس واخرجته عدة مرات لتهدأ ودخلت الى الحمام، ظل ايفى واقفا هو الاخر للحظات وتحرك نحو البهو، فوجد جيهان يقف ينظر له متعجبا : انت شخص غريب، لما تغضب الفتاه من الاساس لما ؟! لا افهمك .
نفخ ونظر اليه متحيرا: انا ايضا لا اعلم حقيقةً، لا افهم لما افعل معها هذا؟! فجأه اشعر نفسى غاضب جدا، ولا استطيع التحكم فى نفسي، ولا اتحمل حزنها .
نفخ جيهان غير مباليا: اسمع جيدا لا اظنها ستسامحاك مره اخرة، فاحترس جيدا .
وتركه وصعد الى جولناى ليخبرها بما حدث، ظل هو مكانه فهو يعلم انه لو فعل هذا مرة اخرة قد تذهب فعلا، ونفخ ونظر الى الاعلى ليهدأ الزلازل الذي ضرب قلبه: يا الله ارزقنى الصبر كى لا افعل هذا مره اخرى ( واكمل فى عقله ) فلا اعلم ما بى ولما افعل هذا معها ولما افكر بها كثيرا .
ونفخ وصعدا الى غرفته .
.............
استيقظت لمار متأخره فهى كانت متعبه جدا، لا تريد لتساؤلات ان تعد وتهاجمها،
 ذهبت الى غرفة رعد لتذكرهم بدواءه، فوجدت والدها وعمها قد اتو، القت التحيه اقترب منها حازم ابتسم: اهلا يا بنتى بصراحه اى كلام مش هيكفى شكرك .
ابتسمت: تشكرنى على ايه يا عمى، رعد قبل ما يكون خطيبى هو بن عمى، وبعدين يعنى لو هو مكانى كان هيعمل نفس الشئ مش كده ولا ايه ؟ 
ربت على كتفها مؤكدا: اكيد بس بردو ده حقك .
هزت رأسها بالموافقه متذكرة: صحيح ياعمى هو اخد علاجه ولا لسه ؟
ابتسم رعد: اخدته مهند ادهونى الصبح .
  اومأت بالموافقه: طب هروح اطمن على شهندا وارجع اغيرلك على الجروح .
اشار عمر لها بيده: خليكى انتِ لبليل انا بعرف، وكمان هنضطر نمشى عشان الشغل وانت هاتفضلى معاه .
 ابتسمت فهي تريد الهروب من هذا الارتباك: حاضر ياعمى اللى تقول عليه عن اذنكم .
تركتهم وخرجت وظلو هم معه لبعض الوقت، ونزل الثلاثة اخوه ودخلو المكتب للحديث معا، دخلت لمار الى غرفة اخواتها وجدتهم مستقظين ابتسمت: صباح الورد على احلى ورد فى الدنيا .
نظرت لها شهد بسعاده: احلى صباح ده ولا ايه ؟
مازحتها لمار: حبيبى يا ناس وحشانى انت وهى بقالى يوم بحاله مشوفتكوش .
ضحكتا الاثنتان وقالت شهندا : انما ايه الجدعنه دى بقا من يومين تعلقيه وامبارح تنقذيه؟
ابتسمت: ما انتِ قولتى جدعنه وبعدين مهما كان هو بن عمى بردو .
غمزت شهد مشاغبه: أبن عمك ولا قلبك دق ؟
القتها بنظره غاضبه ونظرت بعيدا متهربه: بلاش الهزار ده عشان مزعلش منك .
ربتت ماجده على ظهرها: بلاش انت الزعل من كلمه عاديه، وبعدين مسير قلبك يدق .
نظرت اليها مستنكره بكلمات محمله بوجع مكبوت بداخلها: تفتكرى ممكن يدق لاى راجل بعد اللى حصل؟
عم الصمت المكان وكأن سهمًا وقع عليهم، اغمضت لمار عينها ونفخت وجزت على اسنانها، وهى تقبض على يدها غاضبه، تمنع دموعها من النزول، فقد فتحت جرح اغلق على ما به من قيح، وخرجت مسرعه الى غرفتها اغلقت على نفسها، نظرت شهد الى والدتها: يظهر اننا قلبنا عليها المواجع .
تنهدت ماجده بألم على حال ابنتها: لازم نقلبها عشان تفوق وتعقل بقا، انا تعبت مش قادره اتحمل اشوفها كده قلبى وجعنى .
وانفجرت فى البكاء وبدات الفتاتان فى البكاء هما ايضاً، اما لمار دخلت غرفتها وهى غاضبه، نظرت لنفسها فى المرآه وبدأت تكسر بعض الاشياء بالغرفه وهى غاضبه، وعضت على شفتيها وضربت بيدها على فخذها عدة مرات، وهى تجز على اسنانها مزمجرة: الله يسامحك يا بابا انت السبب فى ده كله انت السبب .
وجلست فى الارض على ركبتيها وجهشت فى البكاء .

تعليقات



<>