الحلقة السادسة: والمصحف شاهد
التليفون لسه بيرن في ايد زين وصوت ابوه بيتكرر بغضب بيقول بقولك كتب الكتاب الليلة بعد العشا هتيجوا ولا آجي اجرّكم من شعركم وورد كانت واقفة متجمدة ودموعها نازلة من تحت النقاب لاول مرة مش قادرة تمسكها وبتبص على البوكيه المرمي في صندوق الزبالة اللي تحت السلم ورد بلدي احمر ملفوف بجورنال لسه فيه ريحة ايد الست الغلبانة اللي زين جابه منها وقالت له بصوت مخنوق طب والورد اللي رميته زين من غير ولا كلمة نزل على ركبه في الارض ومد ايده جوه الصندوق والناس في الشارع بتبص عليه وطلع البوكيه نفضه من التراب وورقة جرنال اتقطعت منه وقال لها الورد لو اترمى في الزبالة يموت بس لو اترمى من ايد حبيبته يفضل ورد قومي نضفيه معايا ورد قعدت جنبه على الرصيف وبدأت تشيل التراب من على الوردة وردة وهي بتعيط.
في البلد الدنيا كانت مقلوبة ابو زين قاعد في المندرة وجنبه ابو ورد وبينهم المأذون مستني وفريدة قاعدة جوه مع الستات لابسة عباية جديدة وعاملة نفسها بتعيط وبتقول يا خالتي والله ما اكدب الشات عندي اهو زين هو اللي كان بيقولي يا فريدة انتي اللي تستاهليني وام ورد شدت النقاب على وشها وقالت لها اخرسي بقى لما ييجوا هنعرف الحقيقة.
الساعة سبعة ونص باب المندرة اتفتح زين داخل ماسك ايد ورد وهدومه متربة وفي ايده نفس البوكيه المترب والكل سكت وابو زين قال ايه اللي انت جايبه ده يا موكوس زين حط البوكيه قدام ورد على الطبلية وقال بصوت عالي يسمع كل الرجالة ده ورد اشتريته من ست غلبانة قاعدة بتبيع ورد على كوبري الجامعة قولتلها اديني ورد على قد حبي لورد فادتلي كل اللي معاها وورد رميته في الزبالة عشان شافت شات مفبرك وطلع تليفونه وفتح الصورة اللي فريدة بعتاها لورد وقال يا رجالة يا مشايخ الصورة دي معمولها ايديت وباين اوي شوفوا التاريخ اللي فوق وقرب التليفون من ابو ورد ابو ورد لبس نضارته وقال التاريخ تلاتين فبراير المندرة كلها ضحكت مرة واحدة وزين بص لفريدة اللي كانت واقفة على باب المطبخ بتتصنت وقال لها فريدة يا بنت خالتي مفيش شهر في السنة فيه تلاتين فبراير ربنا فضحك بنسيانك ولو كنتي ذكية شوية كنتي خليتيه تمانية وعشرين فريدة وشها جاب الوان ووقعت الشاي من ايدها وورد لاول مرة من ساعات رفعت وشها وبصت لزين وضحكت وسط دموعها.
ابو ورد قام وقف وقال قومي يا فريدة لمي هدومك وروحي على بيت ابوكي وكلمة تانية مش عايز اسمع صوتك في بيتنا تاني اللي تعمل كده في بنت خالتها متستاهلش تبقى مننا فريدة جريت بتعيط وامها وراها والمأذون ضحك وقال يعني نكتب الكتاب ولا نكتب محضر ابو زين قال نكتب الكتاب طبعا بس قبلها بص لزين وقال قولت هتحلف على المصحف في الجامع زين قال هحلف بس مش عشان ورد مش مصدقاني هحلف عشان ربنا وخدوا بعض وطلعوا على الجامع اللي جنب البيت المغرب كان لسه مخلص والجامع فاضي زين مسك المصحف وورد واقفة ورا العمود بتعيط وابوها وابوه واقفين وزين قال وحق كتاب الله ده وحق الآية اللي جواه عمري ما لمست ست غير ورد ولا قولت كلمة حب لغير ورد ولو كدبت في حرف واحد ربنا ياخدني دلوقتي ورد مقدرتش تمسك نفسها جريت عليه ومسكت المصحف معاه وقالت صدقتك والله صدقتك من الاول بس الشيطان وابو ورد دمعته نزلت وقال خلاص يا ولاد ربنا يهديكم.
رجعوا البيت المأذون كان فارش الدفتر والانوار اللي متعلقة في الشارع اتفتحت والستات زغردت والمأذون قال على بركة الله وورد كانت قاعدة قدام زين لابسة عباية بيضا بسيطة والنقاب مرفوع نص رفعة وعينيها حمرا من العياط وزين كان بيبص لها ومش مصدق ان بعد كل ده هي بقت مراته والمأذون قال قولي ورايا يا ورد وورد بصت لزين وقالت موافقة موافقة من قبل ما اتولد حتى زين ضحك ودمعته نزلت غصب عنه اول مرة يعيط قدام حد وبعد ما مضوا ابو زين شال البوكيه المترب اللي على الطبلية واداه لورد وقال لها خدي يا بنتي اول وردة في بيت جوزك حتى لو متربة فهي من راجل بيحبك وورد خدت الوردة وحضنتها وفي نفس اللحظة تليفون فريدة نور برسالة من رقم غريب كان مكتوب فيها شكرا على الفبركة الرخيصة بس المرة الجاية اتعلمي التقويم قبل ما تبوظي جوازة وكان اللي باعت الرسالة ام الست بتاعة الورد.