رواية ماتشو الفصل الحادي عشر11 والثاني عشر12 بقلم هدي مرسي ابو عوف

رواية ماتشو الفصل الحادي عشر11 والثاني عشر12 بقلم هدي مرسي ابو عوف
الحلقه الحاديه عشر 
اغمضت لولو عينها وعضت على شفتها السفلى، فتحتهم مره اخرى واستجمعت نفسها بعد ان شتتها بكلماته، ونظرت اليه فقد اذابتها نظراته: لا اعرف حقا لا اعرف لم افكر فى الامر .
 اقترب منها وقرب وجهه من وجهها  وهمس: انا احبك ولا ارى لحياتى معنى من دونك، ان كنتى تبادلينى هذا الشعور سأكن اسعد انسان فى العالم .
 وارتجفت وانتفضت وابتعدت عنه مسرعه، وشعرت ان جسدها يخرج صهدا، تنحنحت: ارجوك اتركنى استجمع نفسي لكى استطيع ان اجيب فكلامك شتت عقلى واربكنى .
اقترب منها ولمس وجنتها بيده، فانتفضت فأبتسم وهمس: سانتظر ولو كان الى اخر عمرى .
وخرج من الغرفه اغلقت الباب ووقفت خلفه، شعرت ان جسدها يتعرق وان قلبها يدق بصوتٍ عالً جدًا، وضعت يدها على خدها فشعرت انه ساخن جداً ويشبه الطماطم من شدة حماره، اخذت نفس وزفرته عدات مرات، وابتسمت وهى تحاول تصديق ما حدث، فقد قال انه يحبها، كيف ومتى وهل هى ايضا تحبه، تذكرت شجراهم معاً الدائم، وكيف كان لا يستطع ان يتركها غاضبه منه فيسرع اليها ويراضيها، كم مره لم يتحمل حزنها، نظراته لها دئما، غيرته عليها التى كانت واضحه جدا، وضعت يدها على قلبها فشعرت انه يضرب بقوه، وسألت نفسها هل هذا هو الحب ام انها تأثرت بكلماته، اخذت نفس وزفرته وابتلعت ريقها، فهى لا تعرف هل تحبه ام انه تأثير نظراته لها، وكلماته التى تسمعها للمره الاولى فى حياتها .
................  
دخل الاخوه الثلاثه الى المكتب واتى اليهم المحامى، وقدم اليهم الاوارق اتفق ان يأتى فى المساء هو والمزارعين للاتفاق الجديد، جلس الثلاثه بعد ان خرج نظر حازم اليهم : اخدتو قراركم فى المشروع، وصلتكم دراسة الجدوى واكيد قرأتوها ؟
نظر اليه عمر قلقا:دراسه رائعه وعجبتني جدا، والمشروع كمان جميل جدا، بس مش شايف ان يبقى تقيل شويه ان الاولاد يديروه لوحدهم ؟
 هز ياسر رأسه وزمت شفتيه: انا كمان كنت هكلمك فى النقطه دى، المشروع ممتاز بس الاولاد خبرتهم قليله، وده ممكن يضر المشروع .
ابتسم حازم موضحا: انا كمان معاكم فى النقطه دى، وهنكون احنا معاهم كمجلس اداره، بس هما المدرين .
فكر عمر مردفا: تقصد نحملهم المسؤليه واحنا معاهم .
اومأ حازم بالموافقه: بالظبط كده .
اومأ ياسر بالايجاب: خلاص تمام كده يبقا انا كمان معاكم .
ابتسم حازم بسعادة: تمام يبقا بالليل بعد ما نخلص مع المزارعين، نتكلم مع الاولاد ونشرح لهم الموضوع .
 وقف عمر: طب هسيبكم انا اروح اتكلم مع رعد وابقى ارجع لكم تانى .
تركهم وخرج وضع حازم يده على كتف ياسر ونظر له: مالك يا اخويا شكلك متضايق وزعلان ؟
تنهد بحسرة ووجع: صعبان عليا بناتى واللى حصل لهم ومش عارف اعمل ايه ؟
  هز حازم رأسه حزينا عليه وربت على يده: كلمهم وقرب منهم حسسهم بحبك ليهم وكل شئ هيتحل .
 نظر اليه رافضا فكبرياؤه يمنعه: معرفش ده حتى وهما صغيرين كنت بتعامل معاهم عادى، لكن اتكلم معاهم دى معرفش اعملها .
زفر حازم وزمت شفتيه: الله يسامحها جدتى هى اللى زرعت فيك الغلظه دى زمان، بس انت لازم تحاول تتغير عشان متخسرش ولادك .
نفخ متحسرا وقلبه يعتصر بالالم: ماخسرتهم وخلاص المهم انهم ميضيعوش .
نظر اليه مستنكرا: ايه اليأس ده ليه كده ؟ الموضوع فى ايدك انت، بس لازم تتكلم معاهم، لازم تواجه ولادك وتفهم اللى جواهم .
رافضا : مش هقدر مش هينفع، بص عموما انا هسكت دلوقتى، وهدي البنات مساحه من الحريه شويه، بس وهما تحت عينى، وهحاول انى متعصبش عليهم .
هز رأسه قلقا: حاول ومتستسلمش بسهوله، اللى زرعته فى سنين مش هيتغير فى يومين .
...........
قبضت لمار على يدها واغمضت عينها وفتحتها وزمتت شفتيها، فهي ستفتح صندوق الاسرار، لكنها لن تفعل ذلك من اجله ولكن لاجلها فهي تريد ازاحة هذا الهم القابع على صدرها، فقد اصبح عبء عليها وما عادت تتحمله، خرجت الكلمات من بين شفتيها ثقيله محملة بوجع وانين:
زياد يبقا ( ابتلعت ريقها) يبقا اااانا .
لم يسمع ماقالت جيدا فابتسم: زياد ماكنش صاحبى بالمعنى، انا عرفته فى الابتدائى وكمان اتقبلنا مرتين ولا ثلاثه فى الحوش، لانه كان اصغر منى، وبعدين انا اتنقلت من المدرسه اصلا، ومعرفتش حاجه عنه تانى، بس لانه ولد جدع منستهوش، لكن انت تعرفيه منين؟ وايه علاقته بيكى؟
اغمضت عينها واخذت نفس وزفرته عدت مرات وطأطات رأسها بصوت خفيض: انا زياد  (ورفعت عينها ونظرت ) فهمت ( واشارت بأصبعها على نفسها ) انا هو زياد .
ونظرت له تنتظر رد فعله لكنه لم يستوعب ما قالت ونظر مستنكرا: يعنى ايه انت زياد مش فاهم ؟!
نفخت وكانها تخرج دخان من داخلها وقبضت على يدها وبدأت تحكى: هحكيلك؛ زياد طفل اتحكم عليه يتولد فى بلد بتحب الولد وتفضله على البنت، اتولد بحاله نادره جدا لكن طبعا محدش هنا فهمها، وقالو انه ولد وخلاص لان كل اللى يهم الممرضات انها تاخد حلاوتها وبس، والدكتور وراه حلات كتير مش هيبص فى كل طفل، المهم انهم اخدوه، لكن امه هي اللي لاحظت انه مش طبيعى لكنها مفهمتش ده ايه، وكأى ام جريت بسرعه على الدكتور عشان تفهم، الدكتور قال ان ده ولد وبنت فى نفس الوقت، وان دى حاله نادره جدا، وقليل جدا لما تظهر، الام اتصدمت ومبقتش عارفه تعمل ايه، حتى انها مسألتش الدكتور الحل ايه، رجعت بيتها وهى فى حالة صدمه، حكت لابوه اللى اتصدم هو كمان، لكنه كان مسافر امريكا عنده شغل هناك، فقرر انه ياخدهم معاه ويكشف عليه هناك، وبالفعل اخدهم بس الدكتور هناك قال نفس الكلام، الاب مبقاش عارف يعمل ايه، سأل الدكتور قاله حالها الوحيد نشيل واحد منهم، الاب طبعا وبدون تفكير قاله شيل البنت.
بلعت ريقها وباغتتها دمعه فرت من عينها مسحتها سريعا واكملت:
طبعا لانه مش عايز بنات، لكن الدكتور رفض وقال ان مش انت اللى بتختار، لازم نستنى لما توصل سن البلوغ والهرمونات هى اللى هتحدد، قبل بالامر الواقع مكنش قدامه حل تانى، كانت الام هى الداعم الوحيد للولد ده، كانت ديما معاه، واول ما بدأ يفهم  عرفته وضعه، وعودته انه ميقلعش قدام حد ابداً، وميحكيش مع حد ولا يعرف حد ابداً، كان ولد ذكى جدا وشاطر ( بدأت فى البكاء) كل زمايله بيحبوه، رغم انه مكنش له اصحاب، لانه مكنش بيحب يصاحب الصبيان، عشان هزرهم رخم ومبيحبش اسلوبهم فى التعامل، متصاحبش غير على بنت واحده، وطبعا مكنش حد يعرف بيها، من ناحيه لانه مينفعش ولد ويصاحب بنات، ومن ناحيه تانيه ان ابوه كان ديما يزعقله عشان بيلعب مع اخواته البنات، (تنهدت ومسحت دومعها محاولاة استعادة رباط جأشها ) المهم مرت الايام والولد كبر، وصل ستاشر سنه ومظهرش عليه اى علامات بلوغ بناتى، فوالده فرح جدا خلاص هو ولد، وحدد معاد مع الدكتور عشان يعمله العمليه، وقبل السفر بشهر واحد، ظهرت كل علامات البلوغ عنده كبنت، الاب اتصدم ومبقاش فاهم ده ازى، لكن الام وضحت ان ده حاجه عندهم فى عيلتهم، البنات بتبلغ متأخر، او بمعنى اصح فجأه تتحول بنت بدون اى مقدمات، مكنش قدام الاب غير انه يسافر بيه على امريكا، والدكتور بعد ما عمل التحاليل اكد انها بنت، زياد رفض ( اغمضت عينها وفتحتهم بألم وهى تقبض على يدها) ، لانه كان شايف قسوة ابوه على اخوته البنات، شايف انه هيبقا مجرد بنت ملهاش لازمه، محبوسه ملهاش رأى فى الحياه، مجرد كمالة عدد( تنهدت بألم )، لف على اكتر من دكتور، لحد ما لقى واحد قاله انه ممكن يديله هرمونات ويفضل ولد، فرح وجرى على ابوه كان فاكر انه هيفرح له، لكن لاء هو عَند معاه ازى يعمل حاجه من وراه، كان ديما يحس ان ابوه مش بيحبه، بس فى اللحظه دى اتأكد من ده، اصر ورفض انه يعمل العمليه، لكن ابوه اتفق مع الدكتور وعملها من وراه،قتلو زياد وبين يوم وليله اتوجدت بنت رافضه لوجدها، رافضه انها تعيش فى عالم ذكورى،شايف المرأه مجرد عبده عنده، انهارت وحاولت تهرب من المستشفى، بس جابو دكتور نفسي اتكلم معاها،وبدأ يخليها تتقبل الامر، رغم احسسها بالظلم والالم والوجع، الا انها مكنش قدمها حل غير انها تقبل ده، ( جزت على اسنانها وزادت فى البكاء) اكتر شئ وجعنى لما اختار اسم( اغمضت عينها متألمه) زياده،(تنهدت وفتحت عينهت) عرفت وقتها انه شايفها مجرد زياده ملاهاش قيمه عنده، دخلت فى حالة غضب وثوره، ورفضت انه يكتب الاسم ده، فرضخ الاب لها وخلها لمار اللى هى انا، اللى لا هى بنت ولا ولد، عشت فى صراع كتير، تعبت قوى مبقتش عارفه اعيش، جويا انثى حاسه بيه وموجوده، لكن مش ممكن تطلع كاره وجدها، لانهم اجبروها انها تخرج، وهى مش ضعيفه عشان تقبل بالامر الواقع( مسحت دموعها التى لا تتوقف)، كنت كل يوم خناق معاه، ماهو مش قابل ان بنت تمشى كلامها عليه، وانه مش قادر يكسرها زى اخوتها، لحد اخر خناقه، خرجت من البيت واتفقت مع دكتور انه يعملى عمليه، واتحول راجل، بس مكنش معايا فلوس، ولما طلبت من صاحبتى رفضت، وراحت لبابا وفضحت الدنيا، بس من وقتها وهو يأس انه يكسرنى وبعد عنى، ومبقاش حتى يتكلم معايا، لما لولو حكت وفضحتنى اتخانقت معها وزعلت منها جدا، بس لما هو بعد عنى ومبقاش يتكلم معايا، اصطلحنا ورجعنا اصحاب تانى، هى دى حكايتى حكاية زياد اللى قتلوه منغير ذنب .
نظر لها رعد فى حالة صدمه فهو لا يعرف هل ما يسمعه حقيقه، هل ماقصته ممكن ان يكن واقع، توقف عقله عن التفكير: انا مش متخيل ان اللى حكتيه ده ممكن يحصل، انا كانى بتفرج على فيلم اجنبى ورعب كمان، كلامك شوش عقلى ومش عارف افكر، ممكن نأجل الكلام باليل اكون استجمعت عقلى اللى طيرتيه ده .
هزت رأسها بالموافقه دون كلام، وتركته وصعدت الى الاعلى، فما بها من الم كحمل الجبال، دخلت غرفتها وارتمت على سريرها، وانفجرت فى البكاء، اما هو ظل مكانه لبعض الوقت، يحاول ان يستوعب ما سمع .
 .................
صعد ايفى الى غرفته وهو سعيد، فقد شعر بالحب فى نظراتها، رغم انها لم تعترف به، الا انه شعر به فى صمتها، اما هى ظلت بالغرفه فى حالة ارتباك وتخبط، لا تعرف ماذا تفعل، اتت اليها جولناى: هيا سنتأخر على الشركه .
تذكرت العمل فأجابتها : حالا حالا هلبس واحصلك .
ضحكت جولناى فهى لم تفهم ماقالت: لم افهم ما قولتى لكن سأسبقك الى السياره لا تتاخرى .
خبطت على رأسها متذكره ونفخت، فقد اطاح ايفى بعقلها بكلماته، تحركت مسرعه غيرت ملابسها، ولحقت بهم فى السياره، جلست بجوار جولناى، كان ايفى يلاحقها بنظراته وهى تتهرب حتى وصلو الشركه، كان الاربعه فى غرفة الاجتماع بعد انتهاء اجتماع دام لساعتين، قام جيهان ونفخ: ساخرج احضر قهوه احضر لاحد منكم معى .
ابتسم ايفى وهو يحرك راسه يمنة ويسرة: احضر لى معك اشعر ان راسى قد انتفخ .
امسكت جولناى راسها : وانا ايضا اوف رأسي يؤلمنى بشده .
جيهان معترضا: الله الله وكيف ساحضر كل هذه الاكواب وحدى، تعالى معى .
ابستمت وقامت معه، كانت لولو تكتب على الحاسب ولم تنتبه لهم، وجدها ايفى فرصه لسؤالها، اقترب منها وقف الى جوارها، اقترب من اوذنها وهمس بها: اشتقت اليك كثيراً رغم انكِ معى طوال الوقت .
فزعت ونظرت له فنظر الي عينها وقرب وجهه من وجهها، فانتفضت مسرعه من على الكرسي، ومن شدة ربكتها كادت تقع، فامسك بها واصبحت بين ذراعيه، تمنى ان يتوقف الزمن بهم وتبقي بالقرب من قلبه، نظر اليها هامسا وهو يستنشق عطرها: اهدأى اهدأى كدتى تقعى لكنى لحقت بك، ليتك تظلي هكذا بجوار قلبي .
ابتعدت عنه مسرعه، عادت الى الخلف خطواتين والتصقت بالطاوله، ونظرت له بارتباك وتلجلجت فى الكلام، نظر الى عينها وحرك شفتيه عاشقا: احبك بل اعشقك .
بددت كلماته عقلها ولم تعد تتحمل وخرجت من الغرفه مسرعه، قابلها جولناى وجيهان وتعجبا لخروجها وحالة الارتباكها الشديد التى عليها، فقالت جولناى: الى اين .
نظرت اليها وهى متوتره واشارات ناحيه الخارج: الحمام الحمام .
وتحركت مسرعه وخرجت من الباب، تعجب الاثنان وقال جيهان متعحبا : الله الله اليس الحمام من الجه الاخرى اين ذهبت تلك .
ضحكت جولناى: امان يا ربى فقدت البنت عقلها مؤكد ايفى ضايقها .
دخلا الاثنان الغرفه وجدا ايفى يقف مبتسما وشاردا، خبطه جيهان على كتفه منبه: انت اين شردت هكذا ؟
تنبه له وضحك وتنهد: كنت ... لا عليك اين قهوتى .
رمقته جولناى بنظره مستفسره: ماذا فعلت ل لولو خرجت تجرى كالمجنونه .
تنحنح متهربا: لا شئ كادت تقع فامسكتها فخرجت تجرى .
عبست جولناى : لا تفعل هذا مع البنت انها خجوله جدا .
نفخ ايفى وهو يبتسم: الله الله اتركها تقع لترتاحى، قلت انى لحقتها لم اقصد يعنى .
لاحظ جيهان عليه غرابة تصرفه لكنه معتاد منه على ذلك، فترك الامر: هيا الى العمل وهى ستعد بعد ان تهدأ،( خبطه على كتفه بخفه) وانت خف عن البنت لا دعى لتشتيتها .
هز ايفى رأسه وهو يضحك، فقد طار الى عنان السماء وقلبه يرقص على انشودة عشقها، اخذ قهوته وجلس على مقعده، وعادو جميعا للعمل، بعد بعض الوقت عادت لولو، جلست تكمل ما كانت تكتب دون اى كلام، لم يحاول اى منهم التحدث اليها، كى لا يربكوها مره اخرى، ابتعد ايفى عنها ولم يحاول ان يكلمها هو الاخر، لكنه كان يلاحقها بنظراته وهى تتهرب،
انتهى العمل وعادو الى المنزل، ودخلت غرفتها لتغير ملابسها، وشعرت بأرتباك شديد وتوتر، وكلما تذكرت نظرات ايفى واقترابه منها بهذه الطريقه، زاد توترها وارتباكها واحمر وجهها خجلا، وتوقف عقلها عن التفكير، فقررت ان تبتعد عنهم يوما لتفكر بهدوء، جلست على طرف سريرها بغرفتها اخذت نفس وزفرته قائله لنفسها : ايوه فعلا لازم افكر منغير ما احس انى تحت ضغط نظراته، انا قربت ادوب منها ومش عارفه اعمل ايه، هكلم جولناى واطلب منها اجازه بكره، واخرج اتمشى الف فى الشوارع، اعمل اى حاجه المهم انى ابقى بعيد عنهم، صح هو ده اللى لازم اعمله .
...............
 ظل مهند جالسا يختلس النظر الى شهد، فكر ان يخرج الى الحديقه فقد تاتى ويتحدث معها، لكنه تذكر ما فعله عمه فى المره السابقه، ففضل البقاء مكانه والنظر اليها فقط، استأذن هشام وصعدو معا الى الاعلى ليتحدث مع شهندا، جلسو جميعا فى الغرفه نظر الى شهندا: اخبار الجميل ايه ؟
ابتسمت بسعادة: الحمد لله احسن كتير وحاسه انى بتغير وطريقة تفكير بتتغير .
ابتسم : وهو ده المهم لازم تتعودى انك متخفيش من حاجه .
ابتسمت ماجده التي تجلس معهم: الحمد لله حالها اتغير ربنا يجزيك خير .
  نظر اليها موضحا: أولاً دى اختى يعنى ده اقل حاجه اقدر اقدمها لها، ثانيا بقا انا دكتور ومقدرش اشوف حد محتاج مساعده واقف اتفرج، وكمان حالة شهندا بسيطه، بس هى اللى كانت خايفه حتى انها تخرج منها .
 تنهدت شهندا بوجع: انا لسه خايفه ومرعوبه كمان، بس انى بحاول اهرب من خوفى ده .
  هز رأسه رافضا: لاء طبعا الصح انك توجيه مش تهربى منه، بس المهم انك مش مستسلمه، مره تهربى ومره تواجهى وفى النهايه هتقدرى .
 هزت رأسها دون كلام، فمن داخلها مازل الخوف يسيطر عليها، لكنها تحاول ان تظهر انها تهرب منه، فهم هشام الامر لكن هذا لم يهمه، فهو ارد اخرجها من حالة الاستسلام اولا، قام وقف: طب يا طنط انا هنزل بقا اطمنت عليها ( نظر لشهندا) وهبعت لك كتب تانى، بس المره دى عايزك تكتبيلى ملخص لكل كتاب قرأتيه تمام .
هزت رأسها دون فهم، خرجت معه ماجده الى الخارج وقفت ونظرت اليه مستفسرة: هو ايه موضوع الكتب ده، وليه عايز منها ملخصات ؟
  اتسعت ابتسامته: ده بشغلها بيه عن التفكير من ناحيه، ومن ناحيه تانيه بيدها طاقه اجابيه، لانى بختار الكتب اللى ببعتها بشكل معين .
  هز رأسها متفهمه: شكر ليك يا بنى، وان شاء الله لما نرجع القاهره، نيجى نزوركم ونبارك على المولود .
ابتسم بسعاده: ان شاء الله احنا هنعمل عقيقه، واكيد طبعا انتو اول ناس هتيجى .
  اومأت بفرح: اكيد طبعا بامر الله، وحشتنى مامتك من زمان مقعدناش مع بعض، وعلى النصيب اليومين اللى كنا فيهم هنا الدنيا اتقلبت. 
 اخذ نفس وزفره: الحمد لله هى لولا تعبها كانت جت، بس مشوار عليها وبابا مرضيش .
 ربتت على كتفه: طلما تعبانه يبقا الصح متجيش، واحنا خلاص اتجمعنا ومفيش حاجه هتفرقنا تانى بأذن الله .
  هز راسه بالموافقه: بامر الله عن اذنك يا طنط .
 هزت راسها بالموافقه تركها وذهب، عادت الى الغرفه وظلت مع البنات، فى المساء بعد ان انتهى اجتماع المزارعين، اجتمع الاخوه والابناء واخبرهم حازم بالمشروع، ونظر الى رعد: اما موضوع جوازك انت ولمار تقررو مع نفسكم، لكن هتبقو مع بعض فى الشغل، كولاد عم تمام .
هز رعد راسه بالموافقه، شرح لهم تفاصيل المشروع، صعد الجميع الى غرفهم، جلست لمار تفكر رعد لم يجبها، ولا تعرف ما سيحدث لهم، فكرت ان تطلب لولو وتتحدث معها، تأكدت من انها مستيقظه وطلبتها اجابتها لولو: ازيك يا قلبى وحشانى .
  ابتسمت لمار بتنهيدة: انت كمان وحشانى اخبارك ايه ؟
 لولو ببعض التوتر : يعنى تمام .
 شعرت لمار ان بها شيء: صوتك مش مظبوط، فى حاجه حصلت عندك ؟
اخذت لولو نفس وزفرته: اه ومتلخبطه خالص، ومش عارفه افكر، كويس اصلا انك كلمتينى، يمكن لما احكيلك اهدى شويه .
  شعرت لمار بالقلق عليها: احكى انا سمعاكى .
 قصت عليها كل ما حدث غضبت لمار غاضبه: ازى الكلب ده يدخل اوضتك، هو فاكر نفسه ايه، حظه انى مش عندك كنت كسرت رقبته .
زفرت ممتعضة: انت كمان مش وقت غيرتك دى، انا متلخبطه مش فاهمه مشاعرى هل انا ب ... مش عارفه مرتبكه .
اخذت لمار نفس وزفرته: دى مش غيره ده خوف وقلق عليكى، والمفروض متزعلكيش، وبعدين مشاعرك لازم انت اللى تحسمى الامر فيها، فكرى مع نفسك لوحدك، شوفى قلبك لما بتفكرى فيه، او تفتكرى اللى حصل بيكون ايه حاله .
فكرت به وتذكرت كلماته وزادت دقات قلبها، واحمر وجهها وشعرت بالتوتر والارتباك، فهزت راسها وحاولت ان تغير الكلام مازحه: وانت اش عارفك فى الحاجات دى يا ماتشو (Maço) ؟!
جزت على اسنانها عابسة: بلاش هيافه وفكرى فى الكلام .
 زفرت ممتعضة: دى مش هيافه بس الكلام ده كبير، وميقلهوس الا حد حب وقلبه داب وانت اصلا ماتشو (Maço) يعنى ازى ده .
 نفخت غاضبه : بلاش الكلام ده بدل ما اجى اضربك دلوقتى، واكدلك انى ماتشو بجد (Maço).
ضحكت بشوق: ياريت تعالى انت اصلا وحشانى جدا، بجد ماتيجى صحيح انت مش هتروحى امريكا قريب تعال. عدى عليا .
ابتسمت ساخره : تصدقى صح اصلها فركة كعب .
  ضحكت لولو: لاء بجد مش خلاص اخوكى خلص، ماتيجى تدرسي هنا فى تركيا .
 فكرت لمار وامسكت ذقنها: والله هى فكره هفكر فيها وارد عليكى، بس انت توهتى ومقولتيش هتعملى ايه مع الاخ ابو العيون السود .
ضحكت لتدارى خجلها وارتبكها : وانت اش عرفك ان عيونه سود مش يمكن خضر .
  ابتسمت متهكمه: لاء يا ناصحه انت قولتى وبعدين لما اجى ابقا اشوفه وهتشوفى .....
 قاطعها رعد غاضبا: ده مين ده ان شاء الله اللى انت عايزه تشوفيه ؟
فزعت وانزلت الهاتف الى الاسفل  ونظرت له : انت دخلت امتى ومخبطتش على الباب ليه ؟
جز على اسنانه وقبض على يده: الباب اصلا كان مفتوح وجوبى على سؤالى .
ابتسمت: ماشى هجوبك بس ثانيه( اعدت الهاتف على اذنها ) معلش يا لولو هقفل معاكى وهبقا اكلمك وقت تانى .
ضحكت مشاكسه: ولا يهمك كلنا لها يا ماتشو  (Maço).
غضبت: اقفلى بدل احدفك بطوبه دلوقتى .
انهت معها المكالمه ونظرت الى رعد مستنكرة: ايه فى ايه بهرج مع صاحبتى، وبتحكى على واحد بتشتغل معاه مكبر الموضوع ليه ؟
زاد غضبه وامسكها من ذراعها محتدا: يعنى تتكلمى على راجل ومش عايزنى اتضايق، وكمان بتقولى لها عايزه تشوفيه، هو انت مش شايفنى راجل قدامك .
ابتسمت بغير اكتراس: انت فاهم غلط ده بيحبها هى، وعشان كده قولت عايزه اشوفه، عشان اضربه فهمت سيب دراعى بقا .
هدأ وترك ذرعها وابتسم : اسف معرفش اول ماسمعتك بتتكلمى على راجل تانى عقلى طار .
اتسعت ابتسامتها: ولا يهمك مفيش مشكله، انما انت كنت جاى ليه ؟
نظر اليها وهو يعيد شعره الى الخلف: هو مش كان فى موضوع بينا المفروض نتكلم فيه ؟
تصنعت التذكر : اه صح افتكرت .
اخذ نفس وزفره وبدى عليه التوتر وتردد قائلا : 
بسم الله الرحمن الرحيم وبه نستعين اللهم صل وسلم واهدى وبارك على سيدنا محمد وعلى اله وصحبه اجمعين
...............
ماتشو (Maço)
الحلقه الثانيه عشر 
ارسل ياسر الى ماجده فذهبت اليه فى غرفته، نظر اليها معاتباً وحدقتيه تمتلاء شوقا: ايه هتفضلى مخصمانى كده كتير مزهقتيش ؟
نفخت ونظرت غاضبه: لا مزهقتش لانى مش مخصماك انت عارف انا زعلانه ليه وعشان ايه ؟
تنهد عابسا: ايوه عارف بس كمان البنت اتحسنت، ملوش لزوم تفضلى زعلانه منى بقا خلاص.
تنهدت فنظراته تحرق قلبها: ياسر انا عرفه انك عايز ترضينى، وزى العاده مش هتحاول تعتذر، ولا تطلع نفسك غلطان، وصدقنى انا مش عايزه منك اعتذار، ولا حتى كلمه حلوه، بس كله الا بناتى، مش هسيبك تضيع حياتهم، كفيا لمار واللى هى فيه .
قبض على يده وزفر فهو الاخر لم يعد يحتمل حالة بناته: ماشى وانا مش هقرب منهم، واتفقت مع حازم، هخليهم يشتغلو معنا فى الشركه، وهسبلهم مساحه من الحريه، زى ما انت عايزه اعمل ايه تانى .
اخذت نفس وزفرته متحيرة: اه زى كل مره تدينى وعد وتخلفه، تقولى مش هقرب منهم وهسيبلك التعامل معاهم، وترجع تانى لنفس الاسلوب والطريقه  .
  اخذ نفس وزفره بلل شفتيه: لاء المره دى خلاص وعد مش هتدخل، وكمان حازم حذرنى، وقالى ان هشام قاله ان اللى حصل ده انذار، مهما حصل هحاول اتحكم فى اعصابى، خلاص صديقنى المره دى، ولو حصل منى حاجه انا اللى هاخد حاجتى وامشى واسيبلك البيت .
 قالت فى عقلها: والله انا خايفه تعمل زى كل مره، وترجع تانى بس المره دى مش هسمحلك حتى لو فيها طلاقى منك، تنهدت ونظرت له: يعنى انت عارف بناتك وتربيتهم كويس، يبقا لزومه ايه الكلام من الاول، وتكسر خاطر البنت لحد ما وصلتنا للى احنا فيه .
زفر غاضبا: يوه بقا خلاص الموضوع وياريت مايتفتحش تانى، تمام.
هزت رأسها مع ابتسامه حزينه، وهى تقول فى عقلها: ربنا يسترها بقا هو عنده الحل .
  نظر لها ببعض الشوق والحنين مترجيا: هدخل اخد حمام ياريت تجى تنامى هنا معايا النهارده .
  اومأت وتنهدت: حاضر هروح اطمن على البنات واجى .
تركته وخرجت مرت بجوار غرفة لمار، وجدت الباب مفتوح ورأت رعد يقف معها ويتحدث اليها، فقلقت عليها وقفت تستمع اليهم بترقب .
نظر رعد الي لمار: هو مش كان فى موضوع بينا المفروض نتكلم فيه ؟
تصنعت التذكر: اه صح افتكرت .
اخذ نفس وزفره وبدى عليه التوتر وتردد زمت شفتيه: الفتره اللى قربنا فيه من بعض، شوفت جواكى حد طيب بس انتِ حبساه، وانا يا ستى هخرجه(مازحا) يالا عدى الجمايل، اهو على الاقل اكون ردتلك الدين اللى فى رقبتى، اما بقا موضوع كونك كنتى ولد ده مش فارق معايا .
ابتسمت وتنهدت ونظرت الى عينيه نظرة خاطفة: اه يعنى رد دين مش اكتر يعنى .
ضحك : حاجه زى كده، وبعدين احنا هنبقا مع بعض فى الشركه، وده هدينا فرصه نقرب اكتر .
 رمقته بنظره محذرة وهى تشير بأصباعها: اه بس هنفضل صاحب زى ما احنا .
 ضحك مؤكدا: ده اكيد مش محتاجه كلام، وبعدين انتِ صاحب جدع .
هزت رأسها ضاحكه: ماشى يا سيدى .
اومأ هو الاخر برأسه ضاحكا: ماشى اسيبك بقا هبلغ عمى بكره بقررنا اوك .
اتسعت ابتسامتها ورفعت ابهامها: اوك يا كبير .
ضحك وتحرك وقبل ان يخرج من الباب توقف والتف اليها: اه صح كنت عايز اسألك على حاجه .
نظرت اليه اكمل بترقب: انت ليه قولتى انهم قتلو زياد؟
اخذت نفس وزفرته وامتلاءت عينها بالدموع فقد قلب عليها المواجع: لانهم قتلوه بابا قال ان زياد مات يبقا هو اللى قتله .
تحير ولم يفهم فهي تقول احجيه: مش فاهم مات ازى مش انت زياد؟ ايه اللخبطه دى بقا؟!
ابتلعت ريقها بكلمات تمتلاء بالوجع: افهمك بابا لما كشف فى امريكا واتأكد له الكلام، الشركه اللى كان مقدم لهم المشروع، كانو مقدمين له عرض انهم يدولو الجنسيه الامريكيه، فهو فكر وشرط انهم يدوها لولاده كمان، انا ويزيد ودخلنا مدارس انترناشيونال، ولما عملت العمليه عمل اجرأت التغير فى امريكا، وبناءً عليه غير الورق هنا فى مصر، ومحدش عرف بأنى انا زياد، ولانى كنت بروح معاه الشركه، وفى كتير من اللى بيشتغلو معاه كانو بيشوفنى معاه، فقال ان ابنه زياد مات واحنا فى امريكا واندفن هناك، وانى انا اخته التوأم، ولانه محدش يعرف حاجه عن بناته اصلا، كان سهل جدا ان الكل يصدق  .
نظر اليه منبهرا: عمى ذكى جدا انه عمل حاجه زى دى، هو كده بعد عنك مشاكل كتير المفروض متزعليش منه .
جزت على اسنانها وقبضت على يدها: لاء ازعل؛ ليه اصلا يختار هو ويقرر عنى، هو قتل زياد وانا مجرد شبح طلع لهم .
شعر رعد ان الامر مؤلم لها جدا، فقرر ان لا يتحدث فيه حينها: اه عشان كده بتدرسي فى امريكا مش هنا .
هزت رأسها بالموافقه فابتسم واكمل : طب تمام اسيبك شكلك تعبان ونكمل بعدين، ما احنا هنبقا ديما مع بعض .
ونظر الى عينها فتهربت ونظرت بعيدا: ماشى الكلام .
هز رأسه مبتسما وخرج عاد الى غرفته، جلست هى على طرف السرير ونظرت بحزن وعينها تمتلاء بالدموع، كانت ماجده قد ذهبت، فور قال انه سيخرج فى المره الاولى، فقد اطمأنت عليهم، وهذا هو ما يهمها، ذهبت الى غرفة البنات لتطمأن عليهم .
................   .
 استيقظت لولو وخرجت فكانت قد ابلغت جولناى انها ستخرج باكراً، استعدو هم للذهاب للعمل تجمعو عند الباب وهمو بالخروج، نظر ايفى الى جولناى متسائلا: الن ننتظر لولو ؟
ابتسمت: لا لقد ذهبت منذ الصباح اخذت اليوم عطله .
عبس مصدوما: ماذا ؟! لما واين ذهبت ؟ 
نظرت اليه متعجبه: عطله لما انت متعجب هكذا ؟! اليست انسانه ومن حقها ان ترتاح ؟
تنحنح فهو لا يريد ان يخبر احد بالامر قبل ان تجيبه: ليس كذلك، الامر انها كانت اخذتها يوم عطلتنا، لدينا الكثير من العمل اليوم .
تعجب جيهان من غضبه: الله الله اى عمل؟! اليوم لايوجد الا مراجعه لبعض الاشياء، لا تضخم الامر البنت فى حاجه الى الراحه، هيا كى لا نتأخر .
هز رأسه بالموافقه وخرج وهو يشتعل غضباً، فهى لم تخبره بالامر ارسل لها رساله على النت، كانت تسير فى الطريق وشعرت بالهاتف يهتز، فاخرجته ونظرت به وجدتها رساله منه فابتسمت: يعنى انا طفشانه منك تقوم تبعت رسايل ( قرأتها ) عايز تعرف انا فين( اتسعت ابتسامتها)  مش هقولك.
ارسل رساله اخرى، نظرت بها واحمر وجهها خجلا، فقد كتب لها: اشتاق لكى كثيرا ولا اشعر بالحياه الا وانتِ معى، اجبينى اعيدى اليا روحى .
 عضت على شفتها السفلى وابتسمت وقد زاد خجلها، وضعت الهاتف فى جيبها، وهى تقول لنفسها بصوت خفيض: يعنى اعمل ايه دلوقتى، انا عايزه افكر بهدوء وهو مش عايز يسكت .
تنهدت وظلت تسير وتلف بالطرقات، اشترت البوظه وتذكرت عندما احضر لها ليصالحها، تذكرت شجارتهم ومزاحهم وغيرته التي لم تكن تفهمها في البدايه، كل شيء يفعله معها زادت حيرتها فهي لا تعلم هل احبته ام لا، ابتسمت تناولت الطعام فى احد المطاعم، وظلت حتى اقترب المساء عادت، كانو جميعا بغرفهم يغتسلون بعد عودتهم من العمل، دخلت الى غرفتها وارسلت الى جولناى انها عادت، استلقت على سريرها فهى تشعر بالتعب من كثرة السير، جلس الثلاثه لتناول الطعام، نظر ايفى الى جولناى وقد اكل الشوق قلبه: اين لولو الم تأتى بعد ؟
نظرت اليه وابتسمت: بل اتت منذ قليل لكنها تناولت الطعام فى الخارج .
نفخ ايفى وتناول بعض الطعام وقام صعد الى غرفته، ظل يجوبها يمينا ويسارً يكاد عقله يطير، ارسل اليها رساله لكنها لم تجب، نزل وهو غاضب وقف فى الحديقه بجوار نافذة غرفتها، حاول ان يرها لكنها تغلق الستائر دئما، فنافذتها تطل على الحديقه مباشرة، دق على النافذه عدة دقات، استيقظت لولو فقد غفت وهى مستلقيه، دق مره اخرى ففزعت ظنن منها انهم ليلا وهذا سارق يحاول فتح النافذه، اسرعت اخرجت علاقة الملابس، وتحركت ببطئ واقترتب من النافذه، وقفت اسفلها ودخلت خلف الساتر وظهرت فجاة وصرخت به، ففزع منها توقفت فور ان رأته ايفى، زفر غاضبا ونظر لها: هل انت مجنونه ماهذا؟
ابتسمت: اعتذر ظننتك سارق .
ابتسم هو الاخر ونظر لها معاتبا: هيا افتحى النافذه لاستطيع التحدث اليك .
فتحتها ونظرت اليه والخجل يكتسح وجهها: ماذا هناك لما اتيت الى هنا ؟
نظر الى عينها بحب: اشتقت لكِ، وقلقت لانك لم تجيبى على رسائلى .
نظرت الى الاسفل متهربة من نظراته: اعتذر كنت اريد ان افكر بهدوء لهذا لم اكن انظر للهاتف .
  نظرلها وهو يلتهم وجهها بنظراته: وهل وجدتى الاجابه؟
 تنهدت ورفعت كاتفيها وانزلتهم ونفخت: مازلت لا اعرف .
اخذ نفس وزفره ورمقها بنظره عاشقه : سانتظر المهم انى رأيتك وملاءت عينى برؤيتك .
ازاد احمرار وجهها وتلجلجت متهربة: سأدخل الان اصعد الى غرفتك .
تنهد وهو ينظر لها بنظارت مليئه بالعشق مترجيا: بل ابقى معى قليلا .
نظرت بعيدا وابتلعت ريقها مرتبكة: لا سادخل اريد ان ارتاح الى اللقاء .
واغلقت النافذه والساتر، ووقفت بجاور النافذه وهى تستند الى الحائط، فقد اطاحت نظراته وكلماته بما بقي من عقلها، شعرت ان قلبها قد ذاب بين كلماته، وعقلها طاح من نظراته ولم تعد تتحمل ولا تعرف ماذا تفعل، وقف هو الاخر يستند على الحائط من الجه الاخرى، فقد هدأت النيران بداخله، فقد احترق من الشوق اليها هذه الساعات، فقد اخذت هذه الفتاة قلبه وعقله، اخذ نفس وزفره وصعد الى غرفته .
................
فى الصباح استعد الجميع للذهاب وحزمو حقائبهم، واخبر حازم العمال ان يذهبوا ويغلقوا المنزل، فهم لا يعلمو متى سيعودو مره اخرى، خرج الجميع وودعو بعض، وقبلها ودعو اركان المنزل فرغم بساطة المدة التي قضوها به، الا انه ترك بداخل كل منهم ذكرى، حفرت بداخلهم وستظل كنقش على جدران قلوبهم، اخبر رعد ياسر انه سيبقى هو لمار لفتره اخرى، كخطوبه ليتعرفو اكثر على بعض، فرح ياسر جدا بهذا الخبر فهو يتمنى ان تتغير لمار، وقبلوها لهذا الامر يعنى انها بدأت تتقبل كونها فتاه، فكل ما حدث لها كسرهم جميعا، ركبو جميعا السيارات كان مهند ينظر على شهد، ويتمنى يسلم عليها قبل الذهاب، لكنه كان يعلم انها سترفض، فظل ينظر لها ويملاء عينه بالنظر اليها قبل الذهاب، فقد طبعت صورتها بداخل قلبه، لكنه يهدأ عاصفة الشوق التي ضربته حتى قبل ان يفترقا، تحركت السيارت وذهب كل منهم الى منزله، دخلت ماجده هى والبنات اولا، وخلفهم لمار وياسر كُلاً على حدى، 
المنزل عباره عن بهو كبير مقسم الى ثلاث اماكن مفروش بأحدث تراظ، وهناك مطبخ وحمام بجوار الباب الموصل للحديقه، وغرفه صغيره كمكتب بجوار الدرج، والطابق الثانى به غرف النوم، كانت ماجده تنظر الى المنزل بشوق، وعنينيها تحتضن كل ركن به، فهو منزلها عاشت به سنوات كثيره ويمتلاء بذكريتها، ورغم خوفها على بناتها، الا انها كانت تشعر بسعاده لعودتها اليه، اما الفتاتان كانتا خائفتين، فحدقتيهم تمتلاء بخليط من الشوق لذكريات الطفوله والصبا، ورهبه وخوف من سجنهم الذي حبسا به لاعوام،وعودتهم لنفس المعامله القاسيه مره اخرى، لمار الوحيده التى لم تكن تشعر باى شئ، داخلها فتور شديد، صعدت الى غرفتها مباشرة، وضعت حقائبها ونظرت الى ارفف من الزجاج، موضوع عليها مادليات والجوائز التى كان قد حصلها زياد، وكانها تشاق له، غادرتها دمعة حزينة عليه،
 نظرت فى مرأتها لصورتها وكانها لاتعرف هل هى صورتها حقا، ام ان هذا شخص لا تعرفه، فداخلها مرتبك وكأن عاصفة بعثرته، جلست على سريرها وفتحت حسوبها، وفتحت ملف به مكتوب عليه خاص جدا، مغلق برقم سري، ملئ بصور زياد وهو يستلم جوائزه، وشهادت تكريم من المدارس، وتساقطت الدموع من عينها، وزادت حيرتها والمها، قاطعها صوت رنت الهاتف نظرت به وجدته رعد، تعحبت من اتصاله ومسحت دموعها واجابت بصوت هادئ فهي لا تريده ان يشعر بألمها: اهلا يا كبير .
مازحها مشاكسا: حبيبى قلبى يا ناس وصلتو ولا لسه ؟
ابتسمت بحزن: وصلنا من شويه وانتو ؟
  ابتسم وهو يطوق غرفته بحدقتيه بشوق وحنين: من بدرى احنا اقرب منكم، بس قولت اكملك واطمن عليكى .
  ه‍زت رأسها: انا تمام .
  اومأ بالموافقه: طب هقفل معاكى دلوقتى، واكلمك باليل عشان بابا بينده سلام .
انهى معاها المكالمه واذا بوالده يدخل عليه: عايز اتكلم معاك .
  گان رعد مضجعا على سريره فاعتدل وجلس على طرفه طالعه باهتمام: اكيد اتفضل انا كنت نازل لك تحت .
  اشار بيد: خلينا هنا احسن انت متأكد من قرارك فى موضوع لمار؟
ابتسم ونظر بعيدا: اكيد انا اتكلمت معها، وبعدين احنا بقينا اصحاب والعلاقه بينا اتغيرت .
  جلس الى جواره: انا عارف بس فى فرق بين انكو تبقو اصحاب، وانك تتجوزاها .
 فكر رعد وحك في ذقنه النابته: متقلقش يا بابا احنا معنا سنه خطوبه، هنعرف فيها بعض، قدرنا نتأقلم هنكمل حصل مشاكل تانى خلاص .
 اخذ نفس وزفره: تمام اخواتك الاثنين عايزين يخطبو اخواتهم، وانا مرضتش اكلم عمك الا لما نرجع واتكلم معاك الاول .
 ربت على كتفه مطمان: ده ملوش دعوه بده حتى لو مكملناش هما ليهم حياتهم .
 ابتسم لاجابته العاقله: عين العقل يا بنى، عموما انا هبقا اكلم عمك بعد فتره كده، واحدد معاه معاد نروح نخطبهم .
  اومأ بالموافقه: وانا ولمار كمان محدش هنا يعرف بخطوبتنا، لازم نعمل حفله والكل يعرف .
  وقف ليخرج: اكيد فتره كده بس واظبت مع عمك اسيبك بقا .
  نظر اليه مترجيا: متكلمش عمى فى موضوع اخواتى، الا بعد ما اكلمه انا الاول واخلص معاه موضوع لمار ممكن ؟ 
 هز رأسه بالموافقه وربت على كتفه وخرج، كان يريد سؤاله ان كانت لمار اخبرته بالحقيقه لكنه فضل عدم التدخل بينهم .
...............
مرت عدت ايام ولولو تحاول فهم مشاعرها، وهو طوال الوقت يلاحقها بنظراته، فقلبه قد ذاب في عشقها،
 لم يتحمل اكثر وقرر التحدث اليها، فى المساء دخلت غرفتها واستلقت على سريرها، فدق الباب عليها، قامت فتحت بعد ان وضعت الوشاح على رأسها، نظر اليها وابتسم بأعين تقطر عشقا: هل يمكن ان ادخل ؟
فتذكرت دخوله الى غرفتها المره السابقه، فاسرعت بالخروج وقفت بجوار الباب بارتباك: الافضل ان نتحدث فى الخارج .
فابتسم وهز رأسه بالموافقه وقرب وجهه من وجهها هامسا: لما تتهربين منى هذه الايام ؟
اشتعلت وجنتيها من الخجل من لهيب انفاسه التي لفحت وجهها، عادت خطواتين للخلف وتنهدت وزمتت شفتيها ونظرت اليه متلعثمة: ولما انت تحاصرنى بنظراتك هذه الايام ؟
اتسعت ابتسامته وقرب منها مره اخرى وعنييه تلتهم ملامح وجهها: احبك يا اجمل من رأت عيناى، اعشق النظر اليكِ يا من تشتاق الى نطق اسمها شفاتى، وانتظر لحظة اقول لكل الدنيا هذه حبيبتى انا .
زاد احمر وجهها من شدة الخجل، واشاحت بنظرها بعيدا عنه، فعبس رافضا: لا تبعدى نظرك عنى اريد ان ارى الاجابه بعينيكِ، هيا انظرى الى وقولى مشاعرك نحوى .
زاد خجلها وتوترها، ولم تستطع ان تنظر اليه، وظلت تنظر الى الاسفل وهى تبتسم .
تنهد ولم يعد قلبه يتحمل اكثر: رغم انكِ لم تنظرى، لكنى رأيت ما اريد معرفته، ولكن اطمع ان اراهم فى عينك انظرى لى رجاءً ..رجاءً .
حاولت رفع عينها لكن لم تستطع من الخجل، فامسك ذقنها بيده ورفع وجهه امام وجهه، فشهقت عندما لمس ذقنها، حاولت ان تبتعد لكنها لم تستطع، فقد اذابها بكلماته، وفتحت فمها وحركت شفتيها، لكن لم يخرج منها اى كلام، نظر الى عينها وتاها فى نظرتها، واحتل قلبها ايضا بعشقه لها، اغمض عينه وقرب وجهه لوجهها واقترب ليقبلها، فوضعت يدها امامه هامسة بضعف: لاء ارجوك بلاش .
وابعدت نفسها عنه بصعوبه ووقفت وهى تلهث، محاولة استجماع قوتها، فتح عينه وقبض على يده: لم افهم ماذا تقصدى ؟
اخذت نفس وزفرته واستجمعت نفسها قليلا: لا اريد هذا الان انتظر قليلا .
عبس معاتبا: الا تحبينى كما احبك لما ترفضى .
ابتلعت ريقها وزفرت نفس طويل: انا لا ارفض ولكن ليس الان اصبر قليلا .
تنهد ونظر الى عينها وقد استبد به الشوق: الى متى اصبر، لم يعد لديا صبر فقد اخذتى قلبى منى، واحلم باللحظه التى تكونين فيها معى .
تلجلجت بصوت مترعش: لكل شئ معاد .
نظر اليها مترجيا عله يحنن قلبها عليه: ومتى هذا المعاد انا انتظر من زمن، وايضا اريد سماع كلمة احبك وهى تخرج من بين شفتيك، لتزهر حياتي هيا اسمعينى اياه .
ابتسمت ونظرت الى الاسفل، رفع ذقنها بيده ونظر الى عينها: قوليها بشفتيك اريد ان اسمعها ولو مره واحده هيا .
ابتلعت ريقها تنهدت بصوت يكاد يسمع: ايوه ب.. بحبك .
وعاودت النظر الى الاسفل فهى لم تلحظ انها نطقت بالعربيه، ورغم انه لم يفهمها، الا انه شعر بها وقرأها فى عينها، وضع يده على وجنتها، فشهقت وارتجفت وعادت الى الخلف والتصقت بالحائط، فزالت الابتسامه عن وجهه مستأ: لماذا ابتعدت عنى اريدك ان تقتربى، انت لى، حبيبتى لا تبتعدى .
اخذت نفس وزفرته واغمضت عينها وفتحتها ونظرت له بكلمات تمتلاء بالضعف: لا احب ان افعل ذلك قبل الزواج .
نظر لها مستنكرا: لكنى لا افكر فى الزواج الان .
 تلاشت البسمه من على وجهها ونظرت اليه فى صدمه فقد صفعها بكلماته: ماذا تريد منى اذاً ؟ لما اخبرتنى بمشاعرك ؟ ولما احببتنى من الاساس ؟
نظر لها متعجبا: وما علاقة الحب بالزواج ( اخذ نفس وزفره )، لا تكونى راجعيه وتفكرى بالطريقه القديمه، اريدك حبيبتى ونخبر الجميع بذلك اليس هذا كافى؟ 
اغمضت عينها وقبضت على يدها فتحتهم مره اخرى، ونظرت له متألمه فهي تشعر انها تهوي الى سابع ارض: لا، لا يكفى انك احببتنى، فلا سبيل لحبى سوى الزواج اعتذر منك .
صدم من ردها ونظر لها محاولا اقناعها: لكن الزواج نظام فاشل ويقتل الحب، وانا لا اريد لحبنا ان يمت .
اغمضت عينها بحزن وقلبها يعتصر الما: الزواج ليس فاشلاً، انما من فشلو لم يكونو صادقين فى حبهم، وايضا لا يوجد فى شرع الله شئ فاشل وانا اتمسك بشرع الله .
 تحركت لتدخل غرفتها وهى حزينه متألمه، فبعد ان صعد بها الى عنان السماء، انزلها الى تحت التراب، مزقها بكلماته، امسكها من ذراعيها مترجيا : لا تتركينى هكذا انا احبك وانت تحبينى اذا لما ترفضين ؟
انتزعت ذراعيها منه ونظرت اليه مستنكرة: انا لا ارفضك، ولا ارفض حبك، ولكن ارفض ان تكن علاقتنا خاطأه، وهذا امر نهائى ان كنت تحبنى حقا تعرف ما عليك .
وتركته ودخلت الى غرفتها، اغلقت الباب وجلست على سريرها، تحاول تهدأت نفسها وتجميع افكارها، تشعر بالغضب الشديد من نفسها، كيف لها ان تكن بهذا الضعف أمامه.
اما هو ظل واقفا مكانه للحظات، يفكر بها ويتذكر نظرتها، وارتجافها حين لمس ذقنها ووجنتها، وتأكد انها تحبه كما يحبها، وماهى الا بعض الوقت تستسلم له  .
..............
اتى رعد لبيت عمه ياسر، جلس معه نظر اليه: عمى ممكن اتكلم معاك على ما لمار تنزل؟
تعجب : اسأل يا بنى ؟
 تنحنح مترددا : لمار حكتلى كل اللى حصل، بس عايز اعرف ليه عملت العمليه بسرعه، ومستنتش لما تاخد فترة العلاج اللى قبل العمليه؟
عبس فهذه القصة مؤلمه: مكنش ممكن استنى لان الدكتور قال لازم تتعمل خلال اسبوعين .
 قطب رعد جبينه مستنكرا: طب ليه حضرتك مقولتش لها وعرفتها .
  زفر عابسا: بعد العمليه مكنتش عايزه تسمع منى اى كلام وبصراحه مقدرتش انى ...
  وزمت شفتيه وهز رأسه، ففهم رعد ان كبرياؤه منعه من النزول لمستوى طفله، 
تردد مستفهما: ليه حضرتك اخترت الاسم الغريب ده زياده ؟
جز على اسنانه: كنت بحاول اختار اسم قريب من زياد، عشان متحسش انها خسرته، مفكرتش فى المعنى اللى وصلها .
  زمت شفتيه: طب مسالتش دكتور نفسانى وطلبت منه انه يساعدك ؟
  هز رأسه بالايجاب: لاء طبعا سألت وبتابع معها على طول، بس هى رافضه تسمعنى، اوحتى تفكر بعقل وتفهم انى كنت خايف عليها وعلى مصلحتها .
  نظر اليه متسائلا : معقول حضرتك حاولت تكلمها وهى رفضت ؟
  نظر بعيدا متعاليا: لاء طبعا انا محاولتش، بس استنيت انها تسألنى لكن هى عندت ورفضت تيجى تكلمنى .
فهم رعد فهو رجل ويتفهم هذه النظرة الذكوريه المتعاليه، فكر بلل شفتيه: ليه مرضتش انها تاخد العلاج الهرمونى وتفضل ولد ؟
 زفر موضحا: يا بنى هى بنت واى حاجه مش هتغير ده، انا رضيت بقضاء ربنا، ولما قالت عليها سألت عنها عرفت انها مجرد تجربه، يا تفشل يتنجح، ونسبه نجحها ضعيفه وليها اضرار رهيبه عليها، وممكن توصلها لحالها لتبقى لا راجل ولا ست مسخ، مكنش ممكن اسبها تضيع نفسها، دى بنتى وبحبها، ومش عايز الا مصلحتها لكن هى اللى مش فاهمه .
 نظر اليه رعد متفهما: ياريت حضرتك تقول لها الكلام ده، لانها محتاجه تحس بحبك لها .
 رفض متعاليا: انا مش هروح اتحايل عليها عشان تسمعنى، انا ابوها وفى احترام للكبير .
 غضب رعد  قائلا لكن دون ان يرفع صوته : للاسف ياعمى حضرتك بعندك ده اللى وصلتها للحاله دى، دورك كأب انك تتكلم معاها وتفهمها، ولو هى مجتش انت تروح لها، لانك اكبر منها وفاهم اكتر منها، هى مش فاهمه وانت اللى لازم تحتضنها، مش عيب ابدا ان الاب يتكلم مع بناته ويسمعهم، مش عيب ابدا ان الاب ياخد بناته فى حضنه ويحسسهم بحبه، البنت ديما محتاجه لحضن ابوها عشان تستخبى فيه تتحامه بيه، انت خليتها تخاف منك وتدور على الامان بعيد عنك، تخاف تجرى عليك، فى فرق بين الخوف مع المحبه والهيبه، والخوف لحد الرعب والهلع .
نفخ غاضبا واشاح بوجهه عنه، فهو يشعر ان ما يقوله صحيح، تمنى ان يجد نظرة حنين وشوق له فى اعين بناته، بعد ان غاب عنهم لفتره، لكن ما رأه كان خوف وزعر، جبال من الجليد هو من وضعها بيديه، جز على اسنانه وقبض على يده،اتت لمار سلم عليها رعد، وجلست بكرسي قريب منه، ابتسم موجه الحديث الى عمه: عمى انا كنت عايز نحدد معاد حفلة خطوبه، لان محدش هنا يعرف .
 هز رأسه موفقا: شوفو المعاد اللى يناسبكم واتفقو سوا انا معنديش مشكله .
لمار وهي تتحشى النظر الى والدها: طب ايه رأيك لو نخليها يوم افتتاح الشركه، مش انتو بدأتو فيها خلاص .
 فكر ياسر: التجهيزات شغاله، عمك لسه مكلمنى، وخلال شهر بالكتير هتجهز ونعمل الافتتاح .
ابتسم رعد: خلاص يبقا فعلا نخليها معها هتبقا احسن .
 وقف ياسر: تمام اتفقنا هسبكم شويه وارجع لكم تانى .
 نظر اليه رعد: بعد اذنك ممكن اطلع فوق معها عايز اشوف اوضتها .
نفخ ياسر: ماشى ماشى بس الباب ميتقفلش مفهوم .
وتركهم ودخل الى المكتب، قاما الاثنان وصعدا الى الاعلى دخل غرفتها ونظر لها بأعجاب وهو يطوفها بحدقتيه: تعرفى انها جميله دى زوقك انتِ ولا زوق زياد ؟
تعجبت من السؤال: هتفرق فى ايه ؟!
ابتسم: عندك حق متفرقش .
نظر الى الارفف والجوائز التى عليها: ايه ده كل دى جوايز، تعرفى انا بلعب رياضه من وانا صغير، ماخدتش نص الجوايز دى، مش حاجه غريبه .
تنهدت فاسئلته تنبش جروحا داخلها: يمكن لانى كنت عايزه ديما اثبت انى راجل .
شعر ان الرد خرج منها دون ادراك له، لكنها الحقيقه فهى طوال الوقت تقوام فكرة انها انثى، فكر ان يعزف على هذا الوتر،
اقترب منها وهمس فى اذنها تعرفى انك انت كمان حلوه، مش اوضتك بس .
ضحكت متهكمه: يا راجل طب كنت قول كده، قبل ما تعرف انى زياد كنت هصدقك .
ابتسم وهو ينظر الى حدقتيها: بس انا مشوفتكيش ابدا ولد ديما اشوفك بنت، وبنت حلوه كمان، بس تعرفى دى تبقا كارثه لو شوفتك ولد، ده هتجوزه ازى ده ؟
تنهدت ورفعت كتفيها وانزلتهم وشعرت بأحباط، شعر انه اخطأ وكان عليه اختيار كلمته، لكنه تأكد انها من داخلها تتمنى ان تكن انثى، وتجد من يحبها وتحبه، ولكن عليه الان اصلاح ما فعله ففكر: ...
تعليقات



<>