
الحلقه الرابعه والعشرين
ذهب هشام الى فهد بالصالة الرياضيه الخاصه به ( الچم)، دخل له كان هذا الوقت مبكر ولا ياتى به احد، لكنه يحب ان يأتى به ليلعب وحده، ظل ينظر عليه من بعيد لبعض الوقت يتابع تحركاته، شعر انه غاضب ويحاول اخراج غضبه بالالعاب، اقترب منه وتنحنح قائلا: السلام عليكم ازيك يافهد .
كان فهد يرفع بعض الاثقال عندما راه تعجب ووضعهم: وعليكم السلام اهلا يا دكتور .
اقترب منه اكثر وابتسم: واضح انك بتحب تتمرن كتير؟
اخذ نفس وزفره: اه فعلا لان اهم حاجه فى حياتى هى الرياضه .
هز هشام راسه وهو يتفقد الالعاب بالمكان مرددا: المكان هنا كمان رائع والاجهزه واضح انها قويه جدا.
تعجب فهد متبرما: اكيد طبعا لكن ممكن اعرف انت جاى هنا ليه؟
فهم هشام مغزى سؤاله فنظر اليه: هو ده مش چم انا جاى العب فيه شويه، عايز اغير لوك جسمى شويه.
فكر فهد قليلا فهو لا يصدقه زفر مراوغا: تحب تبدأ بأيه؟
كان هشام يفهمه فأجابه: بص انا مش عايز مجانص وسكس بكس ولا حاجات من ديه، انا بقالى فتره كده حاسس انى جسمى ثقل، ففكرت ان الرياضه ممكن تفكه .
هز فهد راسه: تمام يبقا انت كده محتاج ايروبكس او تمارين سويدى، حاجات زى كده بس دى لسه معادها مش دلوقتى.
عبس هشام: بس انا وقتى ضيق انت عارف انا دكتور، ويادوب هفضى نفسي ساعه للتمرين .
شعر فهد انه صادق ولا يخدعه ففكر: طب شوف الوقت اللى يناسبك وتعالى وانا هكون معاك فى التمرين .
ابتسم هشام فقد وصل الى مبتغاه: تمام يبقا اتفقنا هجيلك كل مره زى دلوقتى، ده وقت فاضى بين العياده والمستشفى .
رمقه فهد بنظره مستفسره: تمام اتفقنا بس معلش انا عندى سؤال؟
تعجب هشام: سؤال ايه؟
اخذ فهد نفس وزفره: بصراحه كده انا كنت فاكرك جاى تكلمنى فى موضوع الكلام اللى اتقال فى الشركه، بس لقيتك مسألتش؟
زمت هشام شفتيه ورفع حاجبيه: لو عايز اتكلم فى حاجه زى دى مش هاجى هنا فى مكان شغلك، وكنت روحتلك البيت .
فكر فهد مستنكرا: هو ليه كلكوا مش مصدقنى والكل اتهمنى انا بأنى كداب؟
نظر اليه هشام محاولا اختراق عقله: بس انا لا كدبتك ولا صدقتك، وبعدين ممكن يكون ده عشان اتكلمت بطريقه وحشه وزعقت والصوت العالى بيضع حق صاحبه .
فكر فهد : تقصد انى لو كنت اتكلمت بشكل هادى كان ممكن يصدقونى ؟
فكر هشام ان يزعزع ثقته بالكلام: اكيد طبعا يعنى لو كنت اتاكدت الاول من الكلام، وروحت لعمى ياسر ووجهته بيه، مكنش هيقدر ينكره، لكن انت روحت زعقت ورميت تهم عليهم، وخليت الكل يشوفك بشكل وحش .
عبس فهد فبداخله غضب كامن: طب يعنى كنت اعمل ايه لما اعرف حاجه زى دى عن بنت عمى المحترمه؟
فكر هشام: بص انا لو مكانك مكنتش هاخد كلامه مصدق اصلا، مش عشان واثق فيها لكن عشان محبش ان حد يلعب بيا ويوقعنى فى الغلط .
زفر فهد ممتعضا: هو انا هشتغل كرومبو واقعد احقق فى الكلام؟
هز هشام راسه: معاك حق بردو بس لو طلع الكلام غلط هيبقا شكلك وحش قوى، وهيفكرو انك غيران منهم ومعتقدش ان ده صحيح .
تهرب فهد: اه طبعا مش صحيح اغير من ايه، هى متفرقش معايا اصلا ولا اى بنت تفرق معايا .
شعر هشام انه زعزع الامر بداخله: انا بردو قولت كده، وعموما الوقت لسه مفتش، تقدر تثبت لهم كلامك وتخليهم كلهم يعتذرو لك، وترجع حقك (نظر بساعته ) يظهر الوقت سرقنى انا همشى دلوقتى، وهجيلك بكره فى نفس المعاد بأمر الله، تكون جهزت ليا التمارين اللى هعملها، عشان هى ساعه واحده اللى هاجيه ليك.
ابتسم فهد: متقلقش هتلاقى كله تمام ان شاء الله، بس انت هتيجى كل يوم ولا يوم ويوم .
فكر هشام: حسب وقتى يعنى بكره فاضى فاهجى، وكل مره هقولك على معاد مجى المره اللى بعدها .
ابتسم فهد: تمام اتفقنا .
اشار له هشام: اتفقنا عن اذنك سلام .
تركه وذهب ظل فهد يفكر فى كلامه ويلوم نفسه على انه لم يحضر دلائل على كلامه، وبدأويفكر كيف يمكنه اثبات ما قال، ركب هشام سيارته وهو يشعر بسعاده فقد نجح باول خطوات علاجه لفهد، فقد زرع بذرة الشك بداخله دون ان يدري، شغل السياره وتحرك طلب عمه عمر لحظات واجاب: اهلا يا هشام يا بنى قولى ايه الاخبار ؟
ابتسم هشام: الحمد لله الخطوه الاولى نجحت، واقتنع انى جاى العب رياضه، والفترة الجايه هبدا كورس العلاج معاه، بس عايزكم تفضلو زى ما انتو معاه .
تعجب عمر: انا مش فاهم انت ليه عايزنا نفضل واخدين منه جنب؟
اتسعت ابتسامة هشام: بص يا عمى انا كنت عايز احشرو فى زوايه واخليه يحس بانه مش لاقى حد يتكلم معاه، خاصة انى عرفت انه ملوش اصحاب مقربين، وانه هيبقا محتاج حد يتكلم معاه وانا فتحتله باب الكلام معايا، وحسسته انى معاه مش ضده، وقدرت ازعزع ثقته فى الكلام اللى اتقال، ومع الوقت هخليه يفكر فيه تانى، وانتو لما هتضغطو على الكلب اللى قاله الكلام ده، هيضطر انه يلجأ له عشان يبتذه، وقتها هيفهم انه كان بيلعب بيه وهيبدا يفوق، وانا بقا وقتها هبقا معاه وان شاء الله اقدر اظبت العلاج .
زفر عمر: طب الكلام هياخد وقت مش هيعطلك كده، او ممكن يحس انك بتخدعه .
هشام: انا اصلا هتمرن معاه فعلا، وانا محتاج تمارين معينه وده مش هيخليه يشك فى الموضوع .
اطمأن عمر لكلامه: طب يا بنى خلاص، مدام انت مطمن يبقا كمل واحنا معاك يامر الله .
اومأ هشام بسعاده: بامر الله معلش هقفل مع حضرتك عشان وصلت المستشفى، هركن العربيه واطلع .
ابتسم عمر: ماشى يا حبيبى مع السلامه .
انهى عمر معه المكالمه ونظر ببعض الاوراق امامه على المكتب، دخل مهند عليه المكتب وجلس على الكرسي امامه: خلصت مراجعة الورق ولا لسه فى حاجه؟
نظر اليه عمر وابتسم: لاء كله تمام راجعت كله هو الاجتماع فاضل عليه قد ايه؟
ابتسم مهند: ربع ساعه اعمامى هناك بيظبطو المكان، ويتفقو على بعض الحاجات وبعتونى اسالك عشان عايزنك معاهم .
وقف عمر: طب خلاص يالا بينا وابقا اكمل بعد الاجتماع .
قام مهند هو الاخر وتحركا الاثنان نظر له مهند: فى مشروع هتقدمه لمار عن فتح سوق جديد لنا فى تركيا، عايزه تستغل وجدها هناك هى ويزيد .
فكر عمر: هى فكره كويسه والسوق التركى سوق كويس، بس لازم نعمل دراسة جدوى للموضوع .
ابتسم مهند: اكيد طبعا وهى عملتها فعلا، ورعد شافها وقال انها ممتازه .
ابتسم عمر : طب خلاص قولهم يجبوها الاجتماع ننقاشها هناك .
اشارمهند على مكتبهم: طب هعدى عليهم اقولهم واحصلك .
اشار له عمر بيده ان يذهب فتحرك مهند نحو مكتبهم، دق الباب ودخل فهو مفتوح نظر الاثنان اليه فابتسم قائلا: بابا وافق على مشروعك يا لمار، وتقدرو تقدموه فى الاجتماع، عشان نناقشه مع بعض.
رفعت لمار قبضة يدها قائله بحماس: ياس اهو كده الكلام .
ضحك رعد ورفع يده هو الاخر متحسا: اهو ده الكلام، اسمعى انا هاخد الورق اطبعه وانت خلصى الشغل اللى فى ايدك وحصلينا على الاجتماع .
اشارت باصبعها: اوك يا كبير .
ضحك مهند : يالا ياكبير نروح نطبع الورق .
ضحك رعد: انت هتقولى انت كمان يا كبير؟
ضحك مهند: يعنى جت عليا .
خرجا الاثنان وهم يضحكان نظرت لمار ببعض الاوراق على مكتبها، رن هاتفها نظرت به وجدته جيهان اجابته بسعاده: السلام عليكم .
تنهد جيهان بعشق يملاء كلماته: وعليكم السلام حبيبتى اشتقت اليكِ كثيرا، الا يكفى تعذيب اكثر من ذلك هيا تعالى بسرعه .
ابتسمت خجلا: بقى القليل على بدا الدراسه لا تتعجل .
جيهان بشوق: لم اعد استطع سأكلم والدك واقرب موعد الزفاف .
ضحكت: لكنه لن يقبل لانك لم تنهى تجهيز المنزل اين سنسكن؟
جيهان وهو يشير الى قلبه: انت تسكنين قلبى وسأخفيكى بين ضلوعى، واغلق عليك جفونى كى لا يراك احد غيرى يا احلى فتاه فى الكون.
اتسعت ابتسامتها واحمر وجهها خجلا: اخجل من كلامك الجميل، ولا اعرف ان اقل مثلك، وايضا انا بالشركه سأرتبك إن رأنى احد هكذا.
ضحك جيهان وهو يتخيل وجهها وهو يحمر خجلا: اذا سأكتفى بهذا القدر الان ولكن سنتحدث فى المساء.
هزت راسها: بامر الله .
دخل رعد المكتب فاتربتكت وابعدت الهاتف عن اذنها، اخذ ملف من على المكتب ونظر لها قائلا: خلصى المكالمه وتعالى عشان الاجتماع هيبدأ ومتنسيش تقفلى المكتب وراكى .
فنظرت اليه واومات بالموافقه: تمام يا كبير مش هتاخر .
فهم رعد ان جيهان معها على الهاتف فخرج مسرعا، عادت الى المكالمه: اعتذر منك كنت اجيب على رعد .
عبس جيهان وامتلاء وجهه بالغضب: كيف يدخل مكتبك هكذا دون استاذان؟
مازحته فهي تتفهم غيرته: وهل تستأذن قبل ان تدخل مكتبك، انسيت انا وهو نعمل بمكتب واحد .
زاد غضب جيهان: ماذا وكيف ذلك انت لم تخبرينى من الاساس .
عبست لمار وتذكرت انها لم تخبره عضت على شفتها السفلى بحرج: اعتذر منك حقا لقد نسيت اخبارك، ولم اظن انه امر مهم من الاساس .
قبض جيهان على يده هادرا: كيف ذلك تبقين مع الرجل الذى كنتى ستتزوجيه من قبل فى مكتب واحد، وايضا تناديه بهذه الكلمه كبير، وكان لم يحدث بينكم شيئ .
تعجبت لمار محاولة توضيح الامر: لما تكبر الامر انت تعرف ان ما كان بيننا ليس سوى ورقه، وقد اخبرتك سببها لايوجد ما يدعو للغضب؟
زاد غضبه وجز على اسنانه وقد اشتعل قلبه: اتمزحين هذا الرجل يحبك وينظر لك بنظرات حصره على ضياعك، كيف سأتحمل هذا وانت هناك معه وحدك، اسمعى انا لا اقبل بهذا .
زفرت لمار: انت تعطى الامر اكبر من حجمه اننا نعمل معا فقط .
زاد غضب جيهان لعدم اكتراسها: اذا انتِ ترين انى اضخم الامر، ولا تهتمين لكلامى اذا سانهى المكالمه .
ولم ينتظر ردها واغلق المكالمه، انزلت الهاتف من على اوذنها وهى عابسه جدا، فقد شعرت انها اغضبته بكلماتها، دق الباب كان احد العمال يناديها للاجتماع، فتحركت مسرعه الى هناك، اما هو فظل بمكانه يشعر بغضب شديد، ظل يخبط على مكتبه بقبضة يده عدة مرات ولم يستطع ان يبقى، خرج من الشركه وظل يجوب الطرقات لبعض الوقت، كان ينتظر منها ان تتصل به وتحاول ان تراضيه، لكنها لم تفعل فزاد غضبه، عاد الى المنزل وجدهم ينتظرونه بالبهو، نظرت اليه جولناى : اين كنت قلقنا عليك كثيرا؟
زفر جيهان متبرما: لا شئ شعرت ببعض الالم فى راسى فخرجت للسير فى الهواء .
نظر اليه ايفى: يبدو على وجهك الحزن الشديد ما الامر هل حدث شيئ للمار؟
قبض على يده وابتلع ريقه متمتما: لا انها بخير انا اشعر ببعض التعب ساصعد الى غرفتى لارتاح قليلا .
ولم ينتظر ردهم وصعد الى غرفته، تابعه ايفى بنظره حتى دخل غرفته واقترب من لولو لف يده حول خصرها وجذبها اليه: يبدو ان صديقتك اغضبته.
عبست لولو وهى تحاول ابعده عنها: وما ادارك لقد قال انه متعب .
قرب وجه من وجهها حك انفه بانفها: افهم شعور الحبيب عندما يكن غاضبا .
استطاعت الهرب من بين يديه مرواغه: هذا لانك اغضبتنى كثيرا .
واسرعت الى غرفتها دخلت واغلقت الباب ضحكت جولناى عليه: كف عن هذا ستخيف البنت وهى ايضا تخجل من وجدى .
زفر: اوف يا لم اعد اتحمل اكثر من ذلك اعشقها ورؤيتها امامى تثير جنونى .
ضحكت جولناى: اذا هى كانت محقه عندما رفضت ان تعد الى هنا، يبدو انها تفهمك جيدا .
ضحك ايفى واطلق زفرة تمتلاء بالعشق: هذا مؤكد هيا لنصعد لنرى ماذا به جيهان .
اومأت براسها وصعدا معا له دقا الباب ودخلا وجداه بحالة غضب شديده اقترب منه ايفى: اهدأ يا صديقى ماذا حدث لكل هذا؟
زفر بغضب شديد وفتح يده واغلقها عدة مرات هاتفا: لا احتمل قلبى يشتعل من الغيره، كيف يبقى هذا الرجل معها بالمكتب، هل هى حمقاء ام انها لا تفهم انه يحبها .
اقتربت منه جولناى محاولة تهداته: هى فقط لم تفكر بطريقتك، الامر بنسبة لها ليس سوى عمل تقوم به، ولو انى لا اعرف من هذا الرجل .
جز جيهان على اسنانه: انه خطيبها السابق اعلم انها لم تحبه، ولكنى متاكد انه يحبها رايت ذلك بنظراته لها .
فكر ايفى: لا اظن ابدا انها تشعر بمشاعره تلك والا كانت ابتعدت .
ضرب جيهان بيده على الحائط: منذ اخبرتنى وعقلى لا يتوقف، لا استطع التفكير كلما تخيلت نظراته لها، سأشتعل من الغضب وهى لم تهتم وتتصل بى حتى .
ربتت جولناى على كتفه: مؤكد انها انشغلت بعملها انت قولت انها بالشركه .
ضرب بقبضته على فخذه وزفر: هذا الامر لا ينفع ساسافر اليها، واعجل بالزواج ولن ادعها تذهب الى هذه الشركه مره اخرى .
ايفى: اهدأ يا صديقى الا تثق بها؟
جولناى: وايضا لا يمكن ان تكن لا تثق بنفسك، ولو كانت تريد هذا الشخص ما تركته وتزوجت بك.
زفر محاولا اخرج بعض النار التي تستعر بداخله: انا اثق بها وبنفسى لكنى لا اثق بهذا الشخص اطلاقا، فقد رايته وهو ينظر علينا فى الحفل، وكيف كانت حالته، انه يغار عليها، اى انه يعشقها ولا اتحمل وجوده معها فى نفس المكان فهمتى .
شعر ايفى ان اى كلام لن يجدى نفعا فاشار لجولناى وخرجا الاثنان، فقد اصبح كفوة بركان على وشك الانفجار، ظل هو يجوب الغرفه وهو فى حالة غضب شديد، رن هاتفه فنظر به وجدها لمار فأجاب غاضبا: لما لم تتصلى كل هذا الوقت الست مهما لكِ الى هذا الحد؟
ابتلعت لمار ريقها: لا ولكن كان لدينا اجتماع ولم استطع ان اتحدث امام رعد، فخرجت من الشركه لاستطع التحدث اليك، لم استطع حتى التركيز بالاجتماع بسببك .
هدأ بعض الشيئ: حقا اذا هل ستتركى العمل مع ابن عمك هذا؟
ابتسمت: ساحاول لان الامر ليس سهل، ولكن اعدك انى لن ابقى معه بالمكتب مره اخرى، هل انت سعيد الان ؟
ابتسم فقد شعر في صوتها لهفتها على ارضأه: حبيبتى انا كنت اشتعل من الغيره منذ انهيت معاكى المكالمه، لا اعرف ماذا دهانى، كلما تخيلت نظرات هذا الرجل لكِ قلبى يحترق.
عبست لمار معاتبه: الا تثق بى انت تعلم جيدا انى لم افكر به حتى .
تنهد عاشقا: اثق بكِ واعلم انكِ لن تفكرى به حتى، لكنى اعشقك يا عمرى، لم اتحمل كدت اجن، ولن اتحمل ان اكن بعيدا عنك هكذا كثيرا، سأنهى المنزل بسرعه كى تكونى معى ما عدت احتمل الامر.
ابتسمت بخجل: لا اعرف ماذا اقول، ولكن ساتحرك بالسياره الان لاذهب الى المنزل سأغلق الهاتف .
ابتسم جيهان: اى انك لم تستطيعى الانتظار حتى العوده الى المنزل، واتصلتى بى فور خروجك من الشركه، لم اكن اعلم انكِ تعشقينى هكذا، ليتنى كنت امامك الان لكنت ضممتك وقبلتك.
صدمت لمار من الكلمه واحمر وجهها خجلا، وفتحت فاها ولم تستطع ان تنطق بأى شيئ، تنحنحت بصوت متحشرج: ساغلق الهاتف اربكتنى جدا ولن استطع القياده هكذا .
انهت المكالمه لم تنتظر ان يقل لها كلام اخر، زفر هو وظل يضحك وهو يتخيل وجهها والخجل يملاءه وهى تقف مرتبكه، ظلت تجلس بالسياره لبعض الوقت، تحاول استجماع نفسها بعد ان شتتها بكلامه، لاحظها رعد من نافذة المكتب، فأسرع اليها ظنا منه ان السياره بها شيئ، دق باب السياره فنظرت اليه وتفاجات: رعد فى حاجه حصلت .
اشار بيده انه لا يفهم ما تقول فهى تغلق زجاج السياره، فتحت الزجاج: معلش مختش بالى فى حاجه حصلت ؟
ابتسم رعد: لاء انا قلقلت عليكِ لما لقيتك لسه وقفه لحد دلوقتى.
ارتبكت فهي لا تعرف ماذا تقول: هاه اصل كان معايا تليفون قولت اخلصه واتحرك، شكرا ليك يا كبير .
واومأ بالموافقه وابتسم بحزن، فقد فهم من ارتباكها انها كانت تتحدث الى جيهان، تركها وعاد الى مكتبه، اخذت نفس عدت مرات حتى هدأت، وتحركت بالسياره عادت الى المنزل، وفى المساء بعد ان تناولو الطعام معا، تنحنح يزيد: بقول ايه بمناسبة الجوزات اللى عماله تكتر دى انا بفكر اتجوز اي رايكم .
فرح الجميع ومازحته لمار: ايه بمناسبه الجواز الكتير دى، قول انك عايز تتحوز وخلاص بلاش تلكيك .
ضحك يزيد: انا بتلكك عايزه ايه .
ضحك ياسر : مين دى بقا اللى حاطت عينك عليها؟
ابتسم يزيد: بنت عم سالم اللى كانت جايه معاه، عجبتنى وسالت عنها وعرفت انها مناسبه جدا .
ضحكت ماجده: ده انت كمان سالت يعنى واخد الموضوع على الحامى كمان .
ضحك يزيد: ايوه طبعا خير البر عاجله، وبعدين هستنا ايه الشقه خلاص جهزت .
ضحكت ماجده: لاء ده انت مستعجل صحيح .
ابتسم ياسر: خلاص نروح نخطبها لك الاسبوع الجاى، بس لازم تاخد فتره تعرفها كويس، عشان مينفعش شويه وتقولى اطلق اتاكد الاول .
ضحك يزبد: متقلقش انا عارف ده كويس وعامل حسابه .
اومأ ياسر بسعاده: على بركة الله لو كده يبقا نعمل حفل خطوبتك، مع فرح اخواتك البنات بامر الله .
عبس يزيد: ايه انت هتاخرنى كل ده ليه ده فرحهم فى اخر السنه .
ضحك ياسر وتنحنح: لاء ماهو عرسان اخواتك يا سيدى عايزين يعجلو بالموضوع، وانا شايف ان لو اخوتك معندهمش مشكله، يبقا نخليها فى اجازة نص السنه .
نظرن الفتيات الثلاثه كل منهن للاخر، ونظرن الى الاسفل دون كلام ضحكت ماجده: واضح انهم موافقين يبقا على البركه .
ضحك ياسر هو الاخر: على البركه شوف انت كمان موضوعك عشان اكلم اعمامك ونروح نخطبها .
وقف يزيد: طب انا هروح اكلم اخوها واتفق معاه .
تركهم وذهب قامن الفتيات لحقن به وامسكن به قالت شهد: رايح فين هو احنا هنسيك تعالى احكى ايه اللى حصل بسرعه .
ضحك وصعد معهن الى غرفته ليكملوا حديثهم، نظر ياسر الى ماجده مشاكسا: خلاص العيال هيتجوزو والدنيا هتفضى علينا .
ابتسمت ماجده: الحمد لله ربنا يتملهم على خير على قد ما فراقهم هيزعلنى؛ بس نفسى اشوفهم مرتاحين ومبسوطين فى بيوتهم .
زفر ياسر: الحمد لله ربنا اكرمهم برجاله بجد، وان شاء الله ربنا يصلح لهم الحال .
ماجده متذكره: هو جيهان كلمك هو كمان ؟
ابتسم: هو اكتر واحد كلمنى اصلا، وبعدين انا شايف ان ده احسن عشان الكلام اللى قاله فهد ميتفتحش تانى .
اومأت ماجده بالموافقه، وبعد بعض الوقت تجمع الفتيات فى غرفة شهد وشهندا، دخلت اليهم ماجده وجلست معهم قائله: هاه يابنات فى حد منكم عنده مشكله فى المعاد اللى بابا قاله ؟
اومأن بالرفض ابتسمت واكملت: طب الحمد لله الفتره دى بقا عايزكم توفقو بين مذاكرتم والتجهيز للجواز ماشى .
ضحكت شهد: حاضر يا ماما متخفيش بناتك جدعان .
ضحكت شهندا: احنا قدها وقدود متقلقيش انتِ بس .
نظرت ماجده الى لمار: بصى انت بقا هتسافرى انتِ ويزيد بعد اسبوع، ابوكى قالى هنبقا نسافر لكم اسبوع هناك، نجهز كل حاجه محتاجها ونرجع، وان شاء الله نعمل لكم حنه كبيره، وكل واحده تروح على بيتها. شهد بحماس: ايوه انا بقا هجهز لكم الحنه دى على زوقى، قريت على النت عن اشكال كتير للحنه بتتعمل دلوقتى .
تحمست شهندا: ايوه فعلا حضرت حنة واحده صاحبتى من فتره كانت روعه، وميزتها انها بنات بس، وايه بقا بتبقا اخر حلاوه .
ضحكت ماجده: اه تمام بس مفيش واحده منكم هتلبس عريان ولا قصير .
عبست شهد: ليه بقا محنا هنبقا بنات بس؟
ضحكت ماجده: لاء طبعا ياحبيتى حتى لو بنات بس، مينفعش حد يشوف جمسك، عشان في منهم ممكن متبقاش امينه، وتخرج تقول انا شوفت كذا وكذا وده حرام، غير بقا اللى قالو ان الجن بيبقا موجود، وبيلحس اجسام البنات العريانه وده سبب ان منهم كتير بيعيا بعدها .
فكرت لمار: ماما عندها حق ليه نلبس عريان، وحد غريب يشوف اجسامنا، حتى لو مفهاش حرمنيه انا مش حباها، بس ممكن نلبس بناطيل جنز وبضهيات ضيقه، ونولعها بردو ونرقص ونهيص، وانا هخلى لولو تيجى هى كمان، وتبقا معنا وهتبقا حنه ملهاش زى .
ضحكن الثلاثه وفرحن كثيرا وبدأن يخطتن لما سيرتدونه بها، وبعدها تركتهم لمار وعادت الى غرفتها واستلقت على سريرها، رن هاتفها كانت مكالمة نت نظرت وجدته جيهان، ففتحتها ووضعته الى جورها كى لا يرى صورتها،
عبس مشاكسا: ارنى وجهك يا فتاه مالى انا وهذا السقف الممل .
ضحكت لمار وقالت بدلع: لاء مش هجيب الكاميرا عليا انا زعلانه منك اصلا .
ضحك: تحاولى اغاظتى وتتحدثين بالعربيه ايضا، ( عبس بطفوليه) ساخاصمك ولن اتحدث اليكِ .
ضحكت: لا الامر انى سانام اشعر انى متعبه من كثرة العمل .
ابتسم واتنهد: بعد ان نتزوج لن ادعك تتعبى ابدا ولا حتى من العمل .
ضحكت وتنهدت: ماشى ياعم بقولك صحيح،مارايك سننقل جزء من عمل الشركه لديكم بتركيا، لاكن معك دائما وسترسل الشركه لكم دراسة الجدوى لهذا .
تنهد: لا احتاج الى دراسة جدوى يكفى ان ترسليه فقط، ساشم راحتك به هذا يكفى .
ضحكت : هذا عمل ولا يجب ان تخلط الحب بالعمل .
هز راسه : كما تريدى هيا ارنى غرفتك كامله لم ادخلها عندما كنت بمصر .
ابتسمت ورفعت الهاتف وبدات تريه كل مابالغرفه وظلت تتحدث معه لبعض الوقت،
وبعد مرور اسبوع تجمع الاخوه الثلاثه فى المكتب وجلسو يتحدثوا، نظر عمر الى حازم: هشام مقلش حاجه عن اخبار علاج فهد؟
ابتسم حازم: هو مش بيكلمك على طول ويعرفك الاخبار؟
هز رأسه بالموافقه: ايوه طبعا بس قولت يمكن يكون قالك حاجه تانيه.
ابتسم ياسر: هو وصل لحد فين دلوقتى ؟
زفر عمر: لسه فى الاول يعنى بيقولى يادوب بدا يقتنع انه غلطان، خصوصا ان الموظف الكلب ده اتصل بيه وحاول يبتذه، وده خلاه يشك فى كلامه، وجه اتكلم معايا وحسيت انه بدا يفوق وبيمهد عشان يعتذر .
ابتسم حازم: طب الحمد لله الموضوع ماشى كويس، اصبر عليه الموضوع بياخد وقت، متقلقش يعنى انا بعد السنين دى كلها اتغيرت هو مش هيتغير .
تنهد عمر: كله على الله قولى الشركه بتاعت جيهان وافقت على الشغل معنا .
ضحك ياسر: اكيد طبعا وحط شرط ان لمار هى المسؤله عن المشروع .
ابتسم حازم: ولد كويس وبيحبها قوى ربنا يتملهم على خير .
ابتسك ياسر: الحمد لله ربنا اكرمنى بالثلاثه عرسان كلهم ميتخيروش عن بعض .
ربت حازم على كتفه: ربنا يتملهم على خير .
ظلو معا لبعض الوقت وبعدها ذهب كل منهم الى مكتبه، ومرت الايام وتزوجت الثلاث فتايات وبعد مرور ستة اشهر تجمعن فى منزل والدهم لحضور حفل زفاف يزيد، اتت شهد اولا لانها تسكن بمنزل قريب منهم، اتت شهندا هى والبراء اسرعت اليها شهد واحتضنتها: وحشتينى جدا جدا جدا كده بقالك يومين متكلمنيش انا زعلانه منك .
ضحكت شهندا: معلش انت عارفه بقالى يومين دايخه ونفسى غمه عليا، وماما بتقولى ده عادى بسبب الحمل.
امسكت ذراعها واجلستها: طب اقعدى استريحى يالا انا فرحانه بيه اكتر منك هبقا خالتو .
دخلت لمار هى الاخرى اسرعت اليهم احتضنت شهندا: وحشتينى جدا يا ام عتريس فرحتلك جدا ربنا يتملك على خير .
شهندا بسعاده: وانتِ كمان ربنا يتملك على خير انت فى الشهر الكام .
ضحكت لمار: الثالث بس الدكتور قالى اقدر اسافر، عشان كده جيت جيهان مكنش راضى نجى، لكن لما الدكتور طمنه وافق .
شهد بسعاده: انا فرحانه بيكم قوى اوعى تولدى هناك يا لمار تعالى هنا معنا .
عبست لمار : معرفش بقا جيهان هيوافق ولا لاء .
ظللن تتحدثن معا ويمزحن، وجلس البراء مع مهند وجيهان وظلوا يمزحوا معا هما الاخرين، نزل يزيد من الاعلى واقترب من اخوته، وسلم عليهن واقترب منه ازوجهم سلموا عليه، ووقف كل منهم الى جوار زوجته، وهو يمسك بيدها ويلف يده حول خصرها، وبداوا جميعا يمازحوا يزيد ويضحكو معه، وقف ياسر يشاهدهم وكل واحده منهم تقف الى جوار زواجها، وكيف يحبها ويخاف عليها، وحمد الله على ان هداه واعاد اليه عقله واصلح ما افسده
الحلقة الخامسة والعشرين
دخل هشام الصاله الرياضيه الخاصه بفهد واقترب منه: السلام عليكم.
نظر اليه فهد متعجبا: وعليكم السلام اهلا يا دكتور متوقعتش انك هتيجى تانى! بعد ما خلصت تمرين .
ابتسم هشام: ليه يعنى ده احنا ولاد عم اصلا، وبعدين انا جايلك فى شغل، بصراحه التمارين اللى عملتها معاك الفتره اللى فاتت فادتنى جدا، واستخدمتها مع بعض المرضى اللى عندي، وبفكر انى اجبهم هنا عندك الجيم لان ده هيفدهم جدا .
تفاجأ فهد فهو كل هذا الوقت لديه شك انه ياتى فقط لمحاولة علاجه، فهو مقتنع ان عمله كطبيب جعله يرى كل من حوله مرضى وعليه علاجهم، لكن طلبه هذا جعله يتيقن انه مخطأ، ظل صامتا لبعض الوقت وهو شارد الذهن، فتنحنح هشام وطرقع بأصابعه امام وجهه منبها: ايه يا عم روحت فين؟ بص لو انت مش عايز او مفيش وقت عندك، انا ممكن اشوف چيم تانى مفيش مشكله يعنى.
تنبه فهد له: لاء طبعا تروح فين انا بس كنت بفكر، يعنى بصراحه انا كنت مفكر انك بتيجى الفتره اللى فاتت بناء على طلب من بابا، يعنى بصفتك دكتور وهو شايف انى مريض ومحتاج علاج، فأستغربت لما طلبت ده .
فكر هشام انها فرصه جيده له ليتحدث معه بشكل اوضح: طب وانت شايف انك مريض؟
ونظر اليه ينتظر رده تردد فهد: مش عارف سعات بحس ان تفكيرى غلط، يعنى مكنش المفروض انى اصدق كلام الكلب ده وامشى وراه بدون تفكير، حاسس انى كنت غبى قوى وزعلت الكل منى، وتهمت بنت عمى تهمه بشعه، رغم ان فترة تعاملى معها تقول عكس الكلام .
زفر هشام فقد بدأ يحصد ما زرعه: انت مش مريض بس كبرياءك وجعك، واحساسك انها رفضتك خلاك تتصرف منغير تفكير، وده كان غلط بس اعتقد انك اتعلمت الدرس كويس، وده المهم اننا لم نغلط نتعلم من غلطنا .
اخذ فهد نفس وزفره: فعلا اتعلمت درس عمرى ما هنساه، بس الموظف المتخلف اللى قالى الكلام ده اغبى مما كنت اتخيل، تصور انه جاى يبتنزنى ويقولى لو مرجعونيش مكانى فى الشركه انا هفضحهم، وهقول ان انت اللى قولتلى اقول كده، كنت متوقع انه هيتهرب منى ويقولى مقولتش .
ابتسم هشام: هو اصلا شخص غبى يعنى، كان فى موقع كويس جدا فى الشركه، يسبها ويتنقل الشركه الجديده ليه، ده اكتر شيئ لفت نظرى وخلانى احس انه غبى جدا، تعرف الموظف بتاعك لو كان راح لعمك واعتذر، وقال انه مكنش يقصد اللى قاله، وانك فهمته غلط كان الكل هيسامحه، بس للاسف هو اختار انه يكمل فى طريقه وجاه يبتزك غبى .
زفر فهد متبرما: بس تعرف لما قالى الكلام ده، الدم درب فى نفوخى وكنت عايز اموته، بس وقتها حسيت بأحساس رعد ويزيد وعمى، ومن وقتها وانا متضايق ومش عارف اعمل ايه عشان الاحساس ده يروح، وكمان نظرات بابا ورعد ليا بتوجعنى نفسي نرجع زى الاول .
اتسعت ابتسامة هشام: الحل فى ايدك وجايه من عند ربنا، بكره فرح يزيد والكل هيبقا متجمع انهارده عند عمى، اعتذر لهم قدام الكل وهتلاقى الكل سعيد برجوعك لهم .
امتعض فهد ببعض الحرج: يعنى صعب عليا بصراحه مش عارف هقدر ولا لاء؟
فكر هشام: انا واثق من قرارك ومتاكد انك هتعمل الصح لانك راجل بجد، وعموما الاختيار ليك وانت صاحب القرار، اه متنساش موضوع المرضى، هيجلك دكتور من المستشفى بكره يتفق معاك على كل حاجه عن اذنك .
تركه هشام وخرج وهو سعيد فقد وضعه امام نفسه، ظل فهد ينظر له ويفكر فى الامر فهو لا يعرف ماذا يفعل، وهو بالفعل يتمنى ان يصلح علاقته بكل من حوله، فشعور الوحده مؤلم خاصة والكل حولك،
انهى تدريبه وعاد الى المنزل وجد والده ورعد يستعدا للذهاب الى عمه، جلس على احد المقاعد وتذكر يوم زفاف الفتايات، عندما تركه الجميع وذهب اليهم، تنهد بحزن فقد ظل وحده وشعر وكانه شخص منبوذ، زفر وهو يرى نفسه مره اخرى بهذا الشكل، وفكر انها بالفعل فرصه جيده له لتصليح علاقته بهم،
نزلا الاثنان من الاعلى، راه والده فحزن لاجله وتنهد: بردو مش هتيجى تحضر معنا حنة ابن عمك يا فهد؟
تردد فهد: يعنى هما هيبقو مبسوطين لو جيت؟ مش عايز اضايق حد او ابوظ فرحة يزيد.
هز عمر راسه رافضا: ايه الكلام الفاضى ده محدش هيتاضيق من وجودك، وكلهم هناك بيحبُك، ممكن يكونو زعلانين منك او عليك، لكن محدش ممكن يتضايق من وجودك .
كان عمر سعيد بنظرة الندم التى يراه فى عين فهد، نظر له مطمأنً وداعمًا له اخذ فهد نفس وزفره واومأ بالموافقه: طب هطلع اخد شاور واغير هدومى واجى معاكم .
ابتسم عمر وربت على كتفه مشجعا: عين العقل يا بنى .
ابتسم رعد هو الاخر: طب يالا يا استاذ بسرعه كده عشان متعطلناش .
ضحك فهد فهو يرى سعادته لاجله، صعد فهد الى غرفته اخذ حمام سريع وغير ملابسه ونزل لهم، خرجوا معا ركبو السياره وتحركت بهم، رغم خوف فهد من ردة فعل عمه، الا انه اتخذ قراره فكلمات هشام ترن فى اوذنه، وهو يعلم جيدا انه اخطأ فيما قال وفعل، وصلوا الى منزل عمه نزل الثلاثه من السياره تقدمهم عمر، وخلفه رعد اما فهد كان متردد خائف رد فعل عمه عند رؤيته، كان الباب مفتوح رحب ياسر بهم وسلم على عمر ورعد بسعاده، وعندما راى فهد تلاشت الابتسامه من على وجهه، لكنه تمالك نفسه فهو فى منزله هز راسه دون كلام، شعر فهد بالحزن كان يتمنى ان يرى نظرة سعاده فى نظرة عمه لوجوده معهم، دخل وهو يشعر بالحرج ما ان راه هشام الا واسرع اليه رحب به: انا مبسوط جدا انك جيت .
تنهد فهد متبرما وامتلاء وجهه بالحزن: بس انا ندمان حاسس انى غير مرغوب فيا بصت عمى ليا وجعتنى قوى .
ربت هشام على كتفه: متزعلش منه متنساش الكلام اللى قولته كبير وصعب انه ينساه .
زفر فهد والندم يقطر من كلماته: انا غلط اصلا اني جيت انا همشى بكرمتي احسن .
فكر هشام: هو انت كنت جاى ليه اصلا؟
تردد فهد: مش عارف بصراحه كلامك خلانى اجى كنت عايز اصلح علاقتى مع عمى وكل الموجودين بس خايف .
شعر هشام بالسعاده لكنه درى ابتسامته: تبقا دي فرصتك وأوعى تضيعها، معنى ان عمك قبل دخولك بيته يعني هيقبل اعتذارك، والوقت مناسب جدا الستات كلهم فوق مع بعض، ومفيش هنا غيرنا احنا حتى ازواج لمار وشهندا مش موجودين .
نظر فهد اليهم وهم يجلسوا معا فى البهو فأعمامه الاثنان يجلسا واخوته ويزيد وسيف، ربت هشام على كتفه مشجعا له وتركه وجلس معهم، فهو يريده ان يأخذ قراره دون اى تأثير عليه، وقف فهد يراقبهم للحظات، وبعد بعض التردد استجمع شجاعته وتحرك نحوهم، وقف امام عمه ياسر فأنتبه ونظر له، اخذ فهد نفس وزفره: عم ياسر ممكن اقولك حاجه؟
اومأ له ياسر بالموافقه دون كلام،شخصت اليه ابصار الجميع ينتظرون ما سيقول، ابتلع ريقه: انا اسف على الكلام اللى قولته فى الشركه، وبعتذر عن انى صدقت كلام زى ده وقولته، ومستعد لاى ترضيه حضرتك تطلبها منى عشان تسامحنى .
وقف ياسر واقترب منه قبض فهد على يده، وجز على اسنانه وامتلاء قلبه بالخوف ان يصفعه او يهنه امام الجميع، ابتسم ياسر وربت على كتفه بحنان: وانا مسامحك يا بن اخويا يابنى اللى مخلفتوش، بس عايزك تتعلم انك متصدقش اى كلام يتقال، لان ممكن كلمه تقولها تكسر بيها قلب انسان، وتعيش بسببها بقيت عمرك ندمان .
كلمات ياسر كانت نابعه من داخله فهو قد عاش هذا الندم، ومازال ندبته تؤلمه،
اومأ فهد بالموافقه وهو يشعر بالندم الشديد: انا فعلا اتعلمت درس عمرى ما هنساه، وحسيت انى كنت غلطان انى صدقت كلام الكلب ده .
زفر ياسر: الحمد لله اننا كشفناه على حقيقيته وطردنا من الشركه .
زمت حازم شفتيه: ده بنى ادم غبى جدا ولولا انى مش عايز شوشره ولا فضايح كنت حبسته .
قبض رعد على يده ممتعضا: ده جه يقولى ان فهد هو اللى قال الكلام ده، وانه طلب منه ينشره فى الشركه كلها وانه رفض .
غضب فهد: ماهو لما حاول يبتزنى وانا رفضت راح لكم انتو .
حازم لينهي الامر: المهم ان الموضوع خلص خلاص، قفلوا على الكلام ده بقا ويالا تعالى اقعد معنا يا فهد، عشان تسمع هشام وهو بيحكى على التجديدات اللى عملها فى المستشفى .
جلس فهد الى جوار والده وجلس ياسر هو الاخر، ابتسم هشام : ربنا اكرمنا واشترينا مبنى جنبنا، وضمناه للمستشفى وعملنا اقسام جديده، وهنستعمل كل الطرق الحديثه فيها، وعشان كده كلمتك يا فهد عن موضوع الچم .
حازم بسعاده: انا شايف ان ده جميل جدا .
ياسر : انا بقترح نعمل جزء مجانى نعالج فيه المرضى الغير قادرين .
ابتسم هشام وامأ بالموافقه: ده فعلا احنا بدأنا فيه متقلقش يا عمى .
اتى البراء وجيهان وجلسا معهم وانضما الى حديثهم، وبعد بعض الوقت جهز الطعام وقام الجميع وجلسو على المائده، وتناولوا الطعام معا، شعرت شهندا بالغضب عندما رات فهد لكنها اخفت الامر كى لا يشعر البراء به ويعرف بما حدث، لاحظ فهد غضبها وفكر ان عليه الاعتذار لها هى الاخرى، لكن هذا الامر صعب جدا على نفسه، وايضا لا يريد فعل ذلك امام كل هؤلاء الناس، فكر ان يرجئ الامر لوقت اخر، وبعد تناول الطعام جلس الجميع وتبادلو الحديث وبعدها ذهب حازم واولاده، وعمر وفهد ورعد وذهب معهم مهند وترك شهد لتبقى مع اختها، ذهب البراء هو الاخر ولم يبقى سوى جيهان، الذى صعد مع لمار الى غرفتها فقد شعرت ببعض التعب، استلقت على السرير وجلس هو بجوارها امسك يدها قبلها: حبيبتى سلامتك هيا ارتاحى وانا سابقى الى جوارك .
ابتسمت: انا بخير لكن يبدو انى ارهقت لا تقلق علي .
نظر الى عينها: وعلى من اقلق غيرك انت حبيبتى وعمرى كله، اتمزحين سأبقا معك حتى ترتاحى ( نظر الى الغرفه يتفحصها) كم ان غرفتك جميله وزوقها رائع .
اتسعت ابتسامتها: بجد تعرف انها من زمان مغيرتهاش .
ابتسم وهو ينظر الى كل اركنها وقال فى عقله: وهذا يؤكد انكى لم تكون يوما رجل، بل انتى اجمل انثى عرفتها تملكى اجمل قلب عرفته .
اعتدلت لتقوم نظر اليها رفضا: الى اين ابقى فى السرير؟
ضحكت: سأحضر لك ملابس لتنام انت متعب منذ الصباح .
قبل يدها رافضا: لا تتعبى نفسك ساحضر انا اين الحقائب؟
مطت شفتيها بعبوس طفولى: لكنى كنت اريد ان احضرها لك، ما رايك ان احضر لك من ثياب زياد .
ضحك: اتريدنى ان ارتدى ثيابك ايتها الماكره، احبك ولكن لا داعى لذلك ساخذ من حقيبتى، رايتها انها هناك لا تتحركى، وساحضر لك انتِ ايضا ملابس خفيفه لتنامى .
اومأت بالموافقه دون كلام، قام هو فتح الحقائب واخرج ملابس له ولها، وفى اليوم التالى فى الصباح، اتت ماجده ودقت الباب استيقظ جيهان وقام مسرعا فتح الباب وتكلم بصوت خفيض: اهلا يا امى هل هناك شيئ؟
ابتسمت ماجده فهى لا تجيد التركيه: مش عارفه انت قولت ايه، بس لما تصحى لمار تعالوا تحت عشان نفطر سوى، ولو هى تعبانه خليكو ونبعت لكم الفطار هنا؟
اوما لها بالموافقه: عندما تستيقظ ساخبرها .
لم تفهم ما قال ولكنه استنبطت انه يوافق على كلامها، فتركته ونزلت وجدت يزيد بالاسفل اقتربت منه: ايه اللى مصحيك بدرى كده يا عريس؟
ضحك يزيد: مش عارف قلقان انتِ عارفه انهارده يوم مهم وفى مية حاجه فى دماغى .
ضحكت: ربنا يسعدك يا حبيبى امتى هتروح تجيب عروستك عشان تروحو القاعه ؟
اشار بيده: مش عارف هتصل بيها بعد شويه كده واسألها واعرف واقولك .
ربتت على كتفه: طب هروح اشوف الفطار على ما اخوتك يصحو، لو عايز حاجه اندهلى .
ابتسم واومأ بالموافقه تركته ودخلت المطبخ، وبعض الوقت استيقظ كل من فى المنزل، وتجمعوا على طاولة الطعام، نظرت ماجده الى لمار: عامله ايه دلوقتى ياحبيبتى؟
ابتسمت لمار مشاكسه: الحمد لله دول كانو شوية تعب وراحو بتدلع عليكو شويه .
ابتسمت بقلق فوجهها شاحب ويبدو عليها التعب، رمقها ياسر بنظره حانيه: لو تعبانه خليكى ومتجيش الفرح باليل.
ابتسمت وهى ترفع قبضتها وكأنها تستعرض عضلاتها: متقلقش يا بابا بنتك جامده برده .
ضحكو جميعا نظرت الى اخواتها متذكره: بعد الفطار يا بنات تعالو نطلع اوريكم الفساتين اللى جبتها لكم معايا، ونقسها عشان نستعد للفرح منقايهم انا ولولو وجولناى .
عبست ماجده: انا زعلانه منها ازى متجيش هى وجوزها وجولناى كمان يعنى ينفع كده؟
ابتسمت لمار: معلش غصب عنها حامل فى اول شهر، والدكتور قال النزول فى خطر عليها، وجولناى مسافره اصلا بتقضى شهر العسل هى وجوزها، ومرضتش بقا اعطلهم .
ابتسمت ماجده: ربنا يتملها على خير ويسعدها هى وجولناى .
نظر ياسر الى جيهان: واخبار شغل الشركه معاكم ايه يا جيهان؟
اومأ جيهان: انها فى تقدم ونود زياده التوسع فى العمل معكم وارسلنا دراسة جدوى لذلك .
ترجم يزيد ما قاله جيهان لياسر فهو لايفهم اللغه التركيه، هز ياسر راسه: اه ما احنا هنعمل اجتماع قريب، عشان ننقاش الدارسه فيه وبامر الله نبعت لكم الرد قريب، هنستغل وجود لمار هنا ونخلص الحاجات المتعلقه كلها .
زمت جيهان شفتيه: لكننا لن نبقا كثيرا، سنعد بسرعه لدينا الكثير من العمل الهام .
فكر يزيد: خلاص مش مشكله نبقا نعمله اون لين مع لمار مش هتفرق .
هز ياسر راسه رافضا: مش هينفع فى اوراق لازم تمضيها .
ربت يزيد على يد والده: ابقا اخدهم لهم واسافر على هناك، اهو نتفسح انا وعروستى اعوض شهر العسل اللى هتكالو عليا .
ضحك ياسر: شهر عسل ايه اللى هناكله عليك، انت واخد اسبوعين اجازه وهتسافر تتفسح عايز ايه تانى .
ضحك الجميع مازحتهم شهد: بصراحه بقا حقه شهر، ايه اسبوعين ده .
نظرت شهندا الى يزيد مازحه: اعمل اعتصام على باب الفرح وقول مش هتجوز الا لما تدونى الاجازه بتاعتى .
ضحك يزيد ومازحها: شكلك بتلبسينى فى الحيط .
اكملت لمار ممازحه: افرضي بقا قالو له اتفلق .
اكمل يزيد: يبقا انا لبست يا معلم .
ضحكو جميعا ظلوا يمزحوا معا حتى انتهى الطعام، خرج ياسر هو ويزيد ليتاكدا من كل تجهيزات الحفل، صعدن الفتايات الى غرفة شهد وشهندا، واحضر لهم جيهان الحقيبه ليجربن الملابس، وجلس هو بغرفة لمار يتحدث الى ايفى على الحاسب، وفى المساء استعد الجميع ونزلو للذهاب الى الحفل، راى يزيد اخواته وهن ينزلن يرتدين الثياب التى احضرتها لمار، وبدأ يطلق السفير معجبا بهن: اه الجمال ده لاء مينفعش كده انتو شكلكو عايزين تبوظو الفرح، جاين تغطو على العروسه بجمالكم ده مينفعش( نظر الى جيهان) ماتحوش مراتك عنى يا جدع انت مالها ومالى .
ضحكو جميعا وضع جيهان يده حول خصر لمار وضمها اليه: حبيبتى تفعل ما تشاء، وايضا لا توجد امراه على وجه الارض تتضاهى جمالها، او حتى بعضا منه .
قالت شهد وشهندا فى نفس واحد: اوه ياعم .
ضحكت ماجده رغم انها لم تفهم ماقال جيهان لكن عينه ترجمة ما قال، اشار يزيد لهم بالخروج: بقول ايه يالا بينا لو فضلنا كده هنتاخر على العروسه .
ضحكو جميعا وخرجوا وجدت شهد وشهندا ازواجهم بالخارج قد اتو بسيارتهم، ركبا معهم واعطى ياسر لجيهان مفتاح سياره لبذهب بها هو ولمار، وتحركو جميعا احضرو العروسه وذهبوا الى الحفل، دخلوا الى قاعه كبيره مجهزه، استقبلهم بعض الشباب بالمشاعل واوصلوهم الى مقاعدهم، وبدأ الحفل حضر عمر وابناؤه، وحازم وابناؤه وزوجته وجلسوا جميعا على الطاولات، اتى وقت الطعام ودخل العروسان الى قاعه صغيره لهم وحدهم، ودخل الجميع الى مكان الطعام، وقف رعد الى جوار فهد ونظر له عابسا: ايه ده ياعم كل واحد واخد مراته وقاعدين على جنب عاملين حبيبه وانا وانت زى قرد قطع .
ضحك فهد: ماشى ياعم خلينا كده بلا جواز بلا وجوع قلب السنحله جنتله .
مازحه رعد: دى حجة البليد هو احنا لقينا من اصله، اتنيل انا هقوم اجيب اكل اهو اشغل نفسي احسن .
ضحك فهد: ماشى ياسيدى انا مش هاكل عشان مبوظش النظام بتاعى .
تركه رعد وذهب الى طاولات الطعام، اخذ طبق كبير وبدأ يضع به بعض اللحوم، مد يده لاخذ قطعة دجاج فاخذتها فتاه اخرى، فعبس ونظر اليها لكنه لم تلحظه من الاساس، اخذت بعض الاشياء الاخرى وملأت طبق كبير وتحركت به، فغضب منها وسار خلفها ليعنفها على ذلك، فأذا بها تضعه على طاوله لبعض الاشخاص كبار السن، وتعاود تملاء اطباق اخرى وتضعها لهم، ولفتت نظره بصنيعها هذا، وبدأ يتابعها وهى تفعل ذلك مع الكثير من اقارب العروسه، فتوقع انها من اقاربها، ظل يتابعها من بعيد كى لا تلاحظه، اقترب منها احد الشباب وبدأ فى مغازلتها، كانت تقف وتعطيها ظهرها، التفت له ففزع الشاب وابعتد عنها وهو يعتذر ويطلب منها ان تسامحه، فتعجب رعد من تصرفه فتابعه ليفهم الامر، فسمعه يتحدث الى احد اصداقاؤه مرتعبا: الحمد لله انى لحقت نفسي واعتذرت، دى اخت العروسه الصغيره .
الشاب الاخر: وانت يعنى قفلت معاك، ملقتش غير بنت صاحب الشركه وتعاكسها، انت عارف ابوها شديد قد ايه ولو عرف يبقا هيقطع عيشك .
ابتسم رعد وتحرك وبدأ يبحث عنها بعينه، ولم ينتبه امامه فارتطم بفتاه، فابتعد وبدأ يعتذر: انا اسف جدا اسف مختش بالى .
فإذا بها هى نظرت اليه وزفرت وتحركت دون اى كلام، فابتسم ولحق بها محاولا توضيح الامر: يا انسه انا مش بعاكس، انا فعلا مختش بالى ارجو انك تقبلى اعتذرى .
نظرت اليه بصرامه: خلاص الموضوع خلص ملوش لزوم الكلام .
ابتسم: طب طلما كده تسمحيلى اعرفك بنفسي انا رعد ابن عم العريس .
شعرت ببعض الحرج وعبست: انا اسفه مقصدتش اضايقك فكرتك بتعاكس .
اتسعت ابتسامته: ولا يهمك لكن معرفتيش باسمك .
تنحنحت: انا اخت العروسه عن اذنك .
وأومات له وتركته وذهبت، زفر ضجرا وقبض على وهو ينظر عليها بغضب، وعاد الى طاولته وجلس الى جوار فهد، الذى تعجب من طبقه الخالي: ايه فين الاكل اللى كنت رايح تجيبه .
لم يسمعه رعد كان شارد فطرقع فهد امام وجهه: ايه يا بنى روحت فين ؟
تنبه له رعد: هروح فين يعنى منا معاك اهو .
ابتسم فهد: امال فين الاكل اللى كنت هتجيبه ايه ملحقتش .
ابتسم رعد: لاء يا سيدى نفسي اتسدت .
تعجب فهد: ايه فى حاجه حصلت؟
زفر رعد: ابدا شوفت بنت عجبتنى، وبعدين طلعت اخت العروسه وجيت اتعرف عليها، خبط فيها فكرتنى بعاكس، اعتذرت لها بس حسيت انها مصدقتنيش .
ضحك فهد: عادى ياعم كبر دماغك ياما هتقابل كتير .
اومأ رعد بالموافقه دون كلام اتى هشام وجلس على طاولتهم ونظر الى فهد: الدكتور جالك انهارده واتفق معاك؟
اوما فهد بالموافقه: ايوه واتفقت معاه على مواعيد هاجى فيها المستشفى، ادرب ناس هناك .
فكر هشام: فى بعض حالات السيدات ممكن تساعدنا فيها؟
تردد فهد: احاول اصل انا كل التمارين عندى رجالى، بس عموما مفيش مشكله الموضوع سهل .
ابتسم هشام: تمام يبقا على بركة الله .
نظر رعد الى هشام: فين المهي الصغير اول حفيد للعيله عايز اشوفه .
اشار هشام بسعاده على والدته وهى تحمله وتجلس بجوار ماجده: هناك اهو مع ماما وطنط ماجده، من اول ما دخلنا وهما شايلنه .
وقف رعد: طب هروح اخده منهم كده واشيله شويه .
قام رعد وذهب الى طاولتهم مباشرة تنحنح: طنط ماجده ممكن الولد الكميل ده اشيله شويه .
نظرت اليه ماجده وابتسمت: اكيد طبعا يابنى وعقبال ما نشيل ولادك .
اخذه ولم يعقب بدأ يلاعبه ويقبله وتجاوب معه الطفل وضحك، ضحكت ايناس: واضح انه اتصاحب عليك مش بيضحك مع اى حد .
مازحها رعد: وهو انا بردو اى حد ده انا رعد بردو .
ضحكت ايناس: ربنا يسعد قلبك .
واذا بأخت العروسه تقترب منهم تسلم على ماجده: ازى حضرتك يا طنط .
ابتسمت ماجده: اهلا بالقمر اخت القمر .
ابتسمت الفتاه بخجل: شكرا ليكِ يا طنط ينفع ناخد الولد القمر ده يزيد عايز يتصور معاه هو وروميساء .
ابتسمت ماجده: اكيد طبعا رعد ادهولها بعد اذنك .
سمع رعد صوتها والتف لها وتفاجأ انها هى،
كانت تقف خلفه ولم ترى وجهه، وعندما التف ونظر لها شعرت ببعض الحرج ونظرت الى الاسفل، ابتسم: تسمحيلى اوصلك لحد عندهم ولا هتفكرينى بعاكس بردو .
احمر وجهها من الاحراج ونظرت الى الاسفل ولم تجد ما تقول، فهمت ايناس وماجده انه قد حدث بينهم سوء فهم فقالت ماجده: معقول يا رعد يا بنى حد يفكر فيك كده، واكيد ريماس مكانتش تقصد .
تنحنحت ريماس بحرج: هو فعلا انا مكنتش اقصد، بس يادوب قبل نتخبط بلحظات كان فى شخص قليل الزوق بيعاكسنى، عشان كده حصل اللى حصل انا اسفه مقصدتش .
ضحك رعد من خجلها: ولا يهمك حصل خير اتفضلى بقا اوصلك لمكان التصوير وارجع .
كانت تريد ان ترفض لكن بعد ما قال لم يترك لها مجال للرفض، اومات بالموافقه وتحركت على بعد مسافه منه وصلا الى مكان العرسان نظر لها رعد: هو انت بتشتغلى فى الشركه مع والدك حاسس انى شوفتك قبل كده؟
هزت راسها موافقه: سعات يعنى انا مصممة اعلانات، لما بيكون فى اعلان بصممه .
هز راسه متذكرا: يبقى عشان كده وانا بقول الاعلانات بتاعتنا بقت استايل ولها رونق جديد .
ابتسمت بخجل: شكرا ليك بعد اذنك الولد عشان ادخل .
قرب الطفل منها وتعمد ابعاد يده عن يدها، كى لا يلمسها بالخطأ فتظن به شئ، لاحظت هى هذا واسعدها كثيرا، لكنها اخفت ابتسامتها كى لا يرها، اخذت الطفل ودخلت اليهم وقف يراقبها لبعض الوقت، وتحرك وهو مبتسم بخطوات بطيئه، وصل الى طاولته وجلس شارد، يحاول تذكر اى شيئ عنها، وضع اصبعه على شفتيها وقال بعقله: صح افتكرت لمار كانت قالت عنها هى اللى عملت اغلب التصميمات الاخيره، كده تبقا اتحلت ابقا اكلم لمار وهى اكيد هتساعدنى .
وبعد انتهاء الحفل واوصلو العرسان الى شقتهم، وعادت كل واحده من الفتايات مع زوجها الى شقتها، وذهبت لمار وجيهان مع والديها الى منزلهم، دخلوا من الباب وكان يبدو عليها التعب طوال الطريق امسكت بطنها قائله بتاوه: اه بطنى اه مش قادره اه اه .
فزع جيهان: ..