
بسم الله الرحمن الرحيم وبه نستعين لا اله الا الله وحده لا شريك له له الملك وله الحمد وهو على كل شيء قدير
...............
ماتشو (Maço)
الحلقه الثالثه عشر
ولكن عليه الان اصلاح ما فعله ففكر مشاكسا: انا بهزر معاكى متخديش كلامى بزعل .
ابتسمت: ماشى هعديهالك .
ضحك وهو يلكزها بكتفها: حبيبى العسل ده .
عبست وزغرت له: ايه الكلام ده احنا بنا الحاجات دى .
ضحك مروغا: امال هتجوزك ازى؟ لازم تبقى حبيبتى قبل ما تبقى مراتى .
ونظر الى عينها شعرت لاول مره بنظره مختلفه فى نظرته، لكنها غريبه لم تفهمها،
فتهربت: بقالك كام يوم مش بتتصل ولا بتسأل ليه ؟
فهم انها تتهرب وابتسم: كان عندى شغل كتير .
تنهدت وابتسمت: خلاص يبقا نسامحك يا كبير، تعالى بقا لما افرجك على كل المدليات، واحكليك خدت كل واحده ازى .
ابتسم وتحرك معها وقفت تخرج كل مادليا وتخبره كيف فازت بها، ظل هو ينظر لها ويستمع الى ما تقول، حتى انتهت ونظر لها سألا: قوليلى يا لمار انت ليه اخترتى الاسم ده .
تعجبت انه لم يعقب على كل ما حكت وتحدث بأمر اخر، وابتسمت: اسم لمار معناه البنت القويه وعشان كده اختارته .
تعجب: وانت عرفتى معناه قبل ما تختاريه؟
زمتت شفتيها: ايوه لانه اسم لولو صاحبتى، اسمها لمار بس باباها ديما كان يدلعها لولو، عشان كده الكل بيناديها بيه .
نظر لها محاولا اختراق الحواجز التي بينهم: احكيلى عن لمار ايه اللى بتحبه؟ ايه احلامها؟ يعنى عرفينى عنها شويه ؟
صمتت للحظات ونظرت له فى صدمه ببلاه: وانت مالك ومالها عايزنى احكيلك عنها ليه، دى صاحبتى انا .
تنبه انها فهمت قصده خطأ وضحك بصوت مرتفع: انا اقصدك انتِ لمار مش صاحبتك يا مجنونه .
ضحكت ووضعت يدها على ثغرها وشعرت بالحرج من بلاهتها: معلش فهمتك غلط( بعبوس) بس انت اللى غلطان متقولى كلمينى عن نفسك .
تنهد محاولا تبيهها لانها تحاول دفن لمار: خوفت اقولك كده تكلمينى عن زياد .
فاجأها رده واربكها نظرت له متعجبه: طب ما انا زياد .
هز رأسه رافضا وهو ينظر الى داخل حدقتيها: لاء انتِ لمار اللى عرفتها بنت جدعه، رغم انى كنت بعاملها وحش مسابتنيش انضرب وجريت، وقفت تدافع عنى ولما تعبت مرضتنى، تعرفى البنت دى هى اللى عجبتنى وخلتنى اطلب اننا نكمل، لكن انت حبساه فى اللبس بتاع زياد .
نظرت اليه ولم تعرف ماذا تجيب، اخذت نفس وزفرته متمتمه بانكسار: انا نفسي مش عارفه انا مين فيهم انا لمار ولا زياد .
اشار عليها بأصبعه: الاختيار ليك عِندك مع باباكى خلاكى تشوفى خوفه عليكى وحبه ليكى كره، مفكرتيش ابدا ليه واحد زى عمى ياسر هو اللى يرفض انك تاخدى العلاج، ويعملك العمليه، لو انت مش فارقه معاه كان سابك تبقى ولد هيكل بس، ومش مهم انت تكونى ايه، المهم يكون ابنه ولد وبس .
رغم ان كلماته اصابة كبد الحقيقة إلا انها رفضتها، وقذفته بنظرة غاضبة:
لاء ده عمل كده عشان يدمرنى ويفرض رأيه عليا .
نظر الي داخل مقلتيها مستنكرا: يا سلام انتِ مصدقه الكلام ده، فوقى يا لمار انت كده بتفكرى غلط، ظلمتى نفسك قبل عمى، هو ظالمك انه مكلمكيش مفهمكيش، وانتِ بتظلمى نفسك باللى انت فيه ده .
نظرت اليه ولم تجيب فما قاله صحيح، تنهدت وعضت على شفتها السفله واشاحت وبوجهها عنه، اخذ نفس وزفره بعد ان ياس منها: انتِ حره انا قولتك وانت حره هسيبك دلوقتى وياريت تفكرى فى كلامى
ترددت بصوت ضعيف: بابا قال انك هتتغدى معنا .
ابتسم لانها تذكرت هذا الامر: معلش خليها المره الجايه عندى شغل ولازم امشى .
وتركها وخرج وهو يقول فى عقله ماكرا: لازم افوقها وارجعها عن اللى هى فيه، واخليها تحس انها بنت وحلوه كمان، عشان خطتى تنجح .
ونظر پاصرار وهو يبتسم بخبث،
اما هى ظلت بالغرفه تفكر بما قاله لها، فهو كلام منطقى لكنها لا تريد تصديقه، فهذا ما تهرب منه طوال الوقت، فهو بكلامه قد وضعها فى مواجه امام نفسها .
...................
فى اليوم التالى عادو جميعا من العمل، تعاملت لولو معه طبعيا او هذا ما حاولت ان تظهره، لكنه لم يترك فرصه ليتقرب منها، وقفت تعد قهوه فأت ووقف الى جوارها واقترب من اذنها هامسا: انا اعشقك وظأظل اعشقك الى اخر عمرى حتى لو رفضتى انتِ.
فابتعدت عنه دون حتى النظر له، فابتسم واعد كوب لنفسه وذهب، صعدت جولناى الى غرفتها صعد اليها، دق الباب ودخل نظرت اليه: ما الامر ارك بحاله غريبه هذه الايام .
ابتسم ووضع يده على قلبه متنهدا: انا عاشق ومتيم ولا اعرف ماذا افعل هل يمكن ان تساعدينى؟
تعحبت من طريقته الدراميه: اساعدك فى ماذا لا افهم ؟
اخذ نفس وزفره عابسا: الفتاه التى احبها ترفض ان نكن حبيبن، تريد ان نتزوج، وانا اريد ان نعتاد على بعضنا اولا .
عبست غاضبه: انتم هكذا ايها الرجال، ولكن اتعرف انا مثلها افضل ان اتزوج اولا، ولن اقيم علاقه الا مع الذى اتزوجه فقط .
تافف ضجرا: اوف اوف الن تساعدينى ؟
ابتسمت مازحة: الله الله ماذا هل قلت لن اساعدك، اخبرنى من هى وسأساعدك .
ابتسم بسعادة تملاء فاه: حقا ..انها لولو اعترفت لها بحبى امس، وهى ايضا تحبنى ولكنها تعاند .
فكرت: ولما لا تعرض عليها الزواج وتنهى الامر ؟
عبس رافضا: الله الله خطوه خطوه تكون حبيبتى وبعدها زوجتى .
زمتت شفتيها: مادمت ترفض ذلك لن تقبل وستغضب منك .
زفر حانقا: الله الله اتحبطينى بدل ان تساعدينى .
فكرت: اسمع الافضل ان تختصر الطريق، وتعرض عليها الزواج، وتأخذ فترة خطوبه تكن هذه الفتره هى الخطوه الاولى .
امسك ذقنه وهي يقلب الامر في عقله: قد تكن فكره جيده، ولكن هل يمكن ان تساعدينى ؟
نظرت اليه متسأله: فى ماذا ؟
نظر اليها مترجيا: اريد التحدث اليها اولا، نادها هنا واتركينا واخرجى وساتحدث اليها .
هزت رأسها رافضه وجلست وضعت صاق على صاق: لا افعل هذا وحدك لا تشركنى فى الامر .
رمقها بنظره عابسه : امان يا ربى منك بنت، سافعل هذا وحدى لكن لا تخبرى احد ولا حتى جيهان .
وتركها وخرج وهو يفكر كيف سيتحدث اليها، لكنها دخلت غرفتها ولم تخرج منها ولم يستطع ان يتحدث اليها .
.................
اتصل عمر ب ياسر وحدد يوم لطلب يد بناته، واتى هو وابناؤه الثلاثه، وطلب من حازم ان ياتى معه هو وزوجته، واتى معهم هشام ليطمان على شهندا، جلسو جميعا فى بهو كبير يطل على شرفه (فرندا)، تنحنح عمر: بصراحه كده انا مليش فى الحاجات دى، وحتى لما خطبت امهم بابا الله يرحمه هو اللى اتكلم، وعشان كده قولت حازم كبرنا هو اللى يتكلم، وكمان هو عنده خبره سابقه .
ضحك حازم: ايه خبره متعمليش مشكله، دى هى مره واحده .
ضحك عمر: معلش بقا يا حازم عديهالى، وبعدين بردو ميصحكش اتكلم والكبير موجود .
ضحكو جميعا تنحنح حازم: بص يا سيدى احنا يشرفنا نطلب ايد بناتك، شهد وشهندا ل فهد ومهند ( واشار عليهم) .
ابتسم ياسر بسعادة: ده طبعا يشرفنا دول ولاد عمهم، ومش هنلاقى احسن منهم، بس طبعا لازم اخد راى البنات الاول .
حازم مؤكدا: اكيد طبعا بس ياريت تنده لهم، يقعدو ويتكلمو مع بعض يعنى يعرفو دماغ بعض .
عبس ياسر مستنكرا: ولزومه ايه ده يعنى ما هما شافوهم قبل كده ؟
هز حازم راسه ممتعضا: انت بتهرج يا ياسر ده حقهم، وبعدين هما شافوهم ومتكلموش معاهم لازم يتكلمو مع بعض .
اشار الى ماجده ان تناديهم: اندهى لهم يا ماجده وخلى لمار تيجى هى كمان، عشان خطيبها هنا .
ابتسمت ماجده: هما جاين اهم جايبن العصير والحلويات .
دخلت الفتاتان شهد تحمل العصير وشهندا الحلويات، وزعت شهد العصير وجلست بجوار والدتها، ووضعت شهندا الحلوا وجلست بجوارها، نظرت الفتاتان الى الاسفل ولم تنطق اى منهم، نظر مهند لشهد بشوق، وتنحنح بكلمات تقطر فرحا لرؤيتها: ازيك يا شهد .
هزت راسها بخجل مع ابتسامه، ولم ترفع عينها من على الارض، غمز مهند فهد ليتحدث، فقال بابتسامة باهته: ازيك يا شهندا .
ففعلت مثل اختها، ابتسم عمر مازحا: ايه يا بنات مالكم مكسوفين كده ليه، دول ولاد عمكم وان شاء الله يبقو اجوازكم .
زادت الفتاتان فى الخجل ولم تنطق اى منهم، ابتسم حازم: بقولك يا ماجده انت وايناس، خدو البنات والولاد وادخلو الفرندا، يتكلمو على راحتهم واحنا شايفنهم وانتو جنبهم .
كان ينظر الى ياسر ليفهم انهم لن يكونو وحدهم، فهز راسه بالموافقه، فقامت السيداتان ومعاهم الفتاتان وخلفهم مهند وفهد، وجلسو معا فى الشرفه، قام وقف رعد: ممكن يا عمى اطلع اشوف لمار مانزلتش ليه ؟
هز ياسر رأسه بالموافقه فصعد رعد الى غرفة لمار، نظر حازم الى ياسر متسائلا: اخباره ايه معاه ؟
تنهد ورفع كتفيه وانزلهم: امها بتقولى انهم كويسين .
تعجب: هو انت مش بتقعد تتكلم معها وتفهم منها ؟
عبس ممتعضا: لاء هى مش بترضى تيجى تكلمنى اصلا، والدكتور قالى خليك بعيد فتره .
تعجب هشام مستنكرا: دكتور ايه ده وازى يقولك كده ؟!
طأطأ راسه خجلا: الدكتور النفسى اللى كنت بساله عن حالتها، وهو ديما يقولى اعمل ايه؟
قبض هشام على يده متسائلا: هو قعد معها واتكلم وشافها ؟
هز ياسر راسه رافضا: لاء انا بكلمه على النت اصله دكتور امريكى .
زفر هشام مستنكرا: طب تسمحلى انا ابقى الدكتور بتاعها، واتابع مع حضرتك بداله ؟
ابتسم مرحبا: اكيد انت اخوها التانى .
بادله هشام الابتسامه وجدها فرصة جيده: شكرا لحضرتك على ثقتك، بس عايز اتكلم معاك شويه كده بس مش دلوقتى .
اومأ برأسه موافقا: خلاص ابقى شوف الوقت اللى يعجبك ونقعد ونتكلم .
توتر ياسر جدا منذ بدأ الحديث عن حالة لمار، فهو جرح ينزف بداخله والتعافي منه صعب، لاحظ عمر توتره ففكر ان يغير دفة الحديث: اخبار الشركه الجديده ايه ؟
فهم حازم انه يعير الكلام فتجاوب معه فهو الاخر يريد الخرج من حالته تلك: تمام ماشيه كويس ببعت لكم تقارير اول باول انت مش بتقراها ؟
ابتسم عمر بأحراج: بصراحه لاء عندنا شغل كتير وسايب الموضوع ده لرعد .
ابتسم حازم : ده احنا حددنا كمان معاد الافتتاح .
فكر عمر مقترحا: ايه رايكم لو ربنا اكرمنا وتم الاتفاق للبنات، نعمل الخطوبه يوم الافتتاح مع رعد ولمار.
تردد ياسر فهو لا يريد ان يسبق الاحداث: بأمر الله اشوف بس رأى البنات ونتفق .
ظلو يتحدثو عن العمل وكانت عين ياسر على البنات، يرقبهم ويخشى عليهم فرغم قسوته عليهم إلا انهم كنزه الثمين الذي يعتز به، هشام هو الاخر تابعهم فهو قلق على شهندا .
...............
حاول ايفى ان يكلم لولو اكثر من مره، لكنها لا تعطى له اى فرصه، فقد المها كثيرا ولم تعد تتحمل، حاولت التظاهر امام الجميع انها طبعيه، لكن بداخلها ينزف، تشعر بالندم لانها فكرت به، فهو لا يستحق مشاعرها تلك، تأكد هو انه لا سبيل له سوى اخذ خطوه كما قالت جولناى، فكل هذه الايام يحاول دون جدوى، ورغم خوفه وتردده إلا انه لم يعد يتحمل ابتعدها رغم وجودها امامه، اثناء تناول الطعام قام مبكراً، واختبأ بداخل غرفتها، وارسل الى جولناى انه قد خرج، بعد ان انتهو من تناول الطعام دخلت لولو الى غرفتها واغلقت الباب، واذا به يظهر امامها ويحدق بها مبتسما، ينظر لها بعشق ومقلتيه تصرخ بما لم ينطق به لسانه،فغضبت وتوترت بشده:
انت ازى تدخل اوضتى وانا بره اتفضل اخرج لو سمحت .
ابتسم فهو لم يفهم شئ تكلمت بالعربيه، ركع امامها عل ركبه ونصف، واخرج علبه قطيفه وبها خاتم به فص الماظ، وقدمه لها بكلمات محمله بالشوق والهيام: اتقبلين الزواج وبى .
صدمت منه ولم تعرف ماذا تجيب، فتحت فاها ووضعت يدها عليه، ونظرت له بعدم تصديق، اتسعت ابتسامته مرددا: اتقبلين ان تكونى رفيقة دربى، وان تكونى حصنى وسكنى، روحي وحياتي والهواء لقلبي .
ابتسمت بسعاده وهزت راسها بالموافقه دون كلام، قام وقف ووضع الخاتم فى اصبعها وقبل يدها وجزبها اليه واحتضنها، وهو يشتم عبيرها بعشق اضاع لب عقله،
نظر الى عينها واقترب ليقبلها فوضعت يديها الاثنان على وجهها بكلمات ضعيفه تمتلاء بالخجل: مش دلوقتى استنى شويه .
ضحك من خجلها وتوترها الذي جعله يهيم بعشقها: يا بنت لا افهم ما تقولين اتريدى ان تجنينى .
تنبهت انها تحدثت بالعربيه فضحكت وابتعدت عنه بصوت متلعثم: اعتذر فانت اربكتنى عندما احتضنتنى ( نظرت اليه محذره ) لا تفعل هذا مره اخرى .
اقترب منها مره اخرى فعادت الى الخلف فابتسم وزفر بكلمات محملة بالشوق: ساصبر ولكن ليس كثير، فأنا لا اطيق ان تكن حبيبتى معى، ولا المس شفتيها واحتضنها.
كانت حدقتيه مثبته على شفتيها ووجنتيها، يلتهمهم بها، زاد ارتباكها وتوترها اسرعت نحو الباب، فتحته ووقفت بالخارج، فهي لن تتحمل هذه النظرات اكثر، ولا تريد ان تضعف امامه، فهم انها تطلب منه الخروج، نفخ وخرج وهو ينظر لها بعبوس طفولى، كأنه يعاتبها، ظلت تنظر عليه حتى صعد الدرج، ودخلت غرفتها اغلقت على نفسها، وظلت تقفذ كالاطفال من السعاده، وتنظر الى الخاتم بعدم تصديق، وارتمت على السرير وهى تبتسم بسعاده وفرح، اما هو صعد الى غرفته وهو يرقص فوق السحاب ويفكر بها .
فى اليوم التالى فى الصباح ركبو جميعا السياره، رأت جولناى الخاتم فى اصبعها فتعجبت وسألتها وهي تنظر الى ايفى: ما هذا الخاتم هل تمت خطبتك دون علمنا .
نظرت اليه بسعاده وقبل ان تنطق سبقها ايفى متهربا: انه خاتم اعجبها واشترته امس .
صدمت من كلامه وشعرت ان سهم اصاب قلبها، لكنها تصنعت البسمه وهي تقذفه بالكلمات: صحيح هذا ما حدث حتى انى اخطأت لارتدائى له فى العمل، فهو لا يستحق ان ارتدية .
وخلعته من اصباعها ووضعته فى جيبها، شعر بالحزن فى كلامها، اطلق زفرة وجع على كم الالم الذي رأها بمقلتيها، لكنه لم يرد ان يخبر احد بالامر فى هذا الوقت، فهو لم يستعد بعد لخطوة كهذه، لكن عشقه لها اجبره عليه، ارسل لها رساله يعتذر عن ما قال، فاجابته لا داعى للاعتذار وانسي الامر، وسأعيد لك خاتمك لم يعد يناسبني .
نفخ غاضبا وظل يحاول ان يتحدث اليها طوال اليوم فى العمل، حتى نظراته التي حاصرها بها طوال الوقت، لم تكن تراها فبداخلها بركان على وشق الانفجار،لم تكن تعطى له اى فرصه، وعندما عادو الى المنزل، بعد ان دخلت غرفتها وقف ينتظرها امام الباب، وما ان خرجت اقترب منها بندم شديد: اعتذر لما قولته ولكن فقط اريد بعض الوقت للاعلان ارجوكى افهمينى .
اخذت نفس وزفرته ونظرت اليه بكل ما بها من غضب والم يعتصر قلبها: اكيد طبعا معك كل الوقت ( وضعت العبله وبها الخاتم فى يده ) لا داعى لان تعتذر انا لن اجبر احد على الزواج بى .
صدم من كلماتها ونظراتها المتألمه، حتى انه لم يستطع ان يخرج الحروف بين شفتيه، ورغم ذلك حاول ان يشرح لها، لكنها لم تكن تمتلك القدرة على سماعه، فتركته وعادت الى غرفتها مسرعة، جلست خلف الباب وانفجرت في البكاء، وهي تنتوي الذهاب وتركهم، فلم يعد لها مكان بينهم،
.............
جلست ماجده بجوار ايناس وجلستا الفتاتان بأريكه صغيره، والشابان بجوارهن من الاتجاهين بكرسيين، نظرت ماجده الى فهد متسائله: قولى يا فهد انت فى كلية ايه ؟
ابتسم واجابها بحماس متفاخرا: كلية تربيه رياضيه، انا بحب العاب القوى وعندى جيم انا المسؤل عنه،كنت حكيت ليزيد عنه، هو فين صحيح مشوفتوش .
ابتسمت رغم القلق الذي بداخلها: كان هيبقا موجود بس حصل مشكله فى الشركه فاضطر يروح شويه ويجى بأذن الله .
نظرت ايناس الى مهند مردفة: وانت يا مهند بتحب الرياضه زيه ؟
ابتسم وعينيه تختلس النظر الى شهد: اه بس مش زيه، انا بحافظ على جسمى بس منغير العاب القوه اللى بيلعبها دى، بشوف انه مش بكتر العضلات ( موجه الحديث الى شهد ) ولا ايه رايك يا شهد .
ارتبكت نظرت اليه وعادت للنظر الى الاسفل بصوت ضعيف: اه طبعا اكيد .
ضحك مهند من خجلها: هو ايه اللى اكيد، كنت حابب اعرف رايك انه الافضل العضلات الكتير، الضخم يعنى ولا العادى .
زاد ارتباكها من نظراته وكلماته زمتت شفتيها: هاه معرفش بس يزيد ديما يقول انه نفسه عضلاته تكبر .
فهد متفاخرا وهو يشد جسده: يزيد ده بيفهم .
ابتسم مهند وعينه لم تفارق وجهها: بس انتِ بردو مقولتيش رأيك، انا عايز اعرف يعنى ان كان شاب عضلاته عاديه زى يعجبك ولا لاء .
تنحنحت ولم تستطع ان تنطق من شدة الخجل، فقد اشتعلت وجنتيها فازادت جمال، ضحك مهند من خجلها، قالت ايناس : وانت يا شهندا مش هتقولى لنا رايك؟
ارتبكت بكلمات متلعثمه بصوت ضعيف يكاد يسمع: مش عارفه انا مليش فى الحاجات دى .
انتظرت ايناس ان يوجه فهد الكلام لها، ويسألها كما فعل مهند، لكنه صمت فسالتها هى: يعنى انت توافقى تتجوزى واحد عنده عضلات وضخم كده زى فهد .
زاد ارتباكها بلعت ريقها بصعوبه وخرجت الكلمات مهتزه: هاه اللى بابا يشوفه انا معرفش .
ابتسم فهد فرحا فهو ما يهمه ان تكن مطيعه وعديمة الرأى، هزت ايناس راسها تريدها ان تخرج من خوفها: بس انت اللى هتتجوزى يبقا لازم توفقى .
نظرت الى الاسفل ولم تنطق فابتسمت ماجده: متقلقيش هسألها بينى وبينها واعرف رأيها .
نظرت ايناس الى مهند وفهد قائله: ماتتكلمو كده معاهم يا شباب، اتعرفو على بعض بلاش الكسوف ده، احنا فتحنا لكم الكلام وانتو يالا كملو .
مهند بسعاده وهو ينظر الى شهد يحتضنها بحدقتيه: والله يا طنط انا نفسي اقول كلام كتير قوى، بس خايف عمى يقلب علينا .
ضحكت ايناس: خلى الكلام الكتير بعدين، اتكلمو دلوقتى واعرفو بعض الاول .
تنحنح مهند ونظر الى شهد وبدأ يسالها عن دراستها، وعن ما تحبه وما تكره، كانت نظراته لها مليئه بالحب والشوق، قالت نظراته ما لم ينطق به لسانه، اما فهد كان يتحدث مع شهندا وهو ينظر لها ليتعرف على ملامحها، فهو لم يتحقق منها فى السابق، ورغم اعجابه بها لكنه لم يكن يظهره، او حتى يجعلها تراه بل اظهر لها الفتور، ظلو يتحدثو عن الامور العامه فى الدراسه وغيرها، نظرت ايناس لماجده: وحشانى جدا وكان نفسي اقعد معاكى من زمان .
ابتسمت ماجده: وانا كمان وحشنى الكلام معاكى بس معرفناش نقعد خالص فى البلد .
تنهدت ايناس حزينة: الحمد لله انا تعبت وخدت الفتره كلها فى السرير، وكملت بتعب شهندا .
هزت ماجده رأسه بالم: الحمد لله ربنا كريم .
نظرت على شهندا: شيفاه اتحسنت كتير بس حساها مش مبسوطه .
تنهد ماجده بحزن فهي تشعر بابنتها: هى خايفه يعنى انت شايفه ابوها بيعملهم ازى، خايفه لما تتحوز تتعامل نفس المعامله .
لاحظت ايناس فتور فهد استشعرت سبب قلقها، لكنها فضلت السكوت وغيرت دفة الحديث، زمتت شفتيها: انا فاكره ان ياسر ساق على عمى كل حبابيه عشان يتجوزك، وعمى كان رافض بس لما لاقه مصر وانت وافقتى وافق .
تنهدت ماجده متحيره: بس انا مش فاهمه هو كان رافض ليه، ده هو كان صاحب بابا وكان ديما يقولى انا مكان ابوكى .
ترددت ايناس موضحة: كان خايف عليكى من ياسر، يعنى هو عارف انه عصبى ومتشدد جدا .
تنهدت ماجدة بحزن: مش عارفه اقول ايه، ياسر كان كويس وبيتعامل عادى مع البنات، واول ما وصلو عشر سنين قلب، بقا بيتاعمل معاهم بفظاظه جدا، عملت معاه اكتر من مشكله ووصلت لانى اشتريت شقه، وكنت هخاد البنات وامشى، وهو وعدنى انه هيبعد عنهم، ومش هيتعامل معاهم، بس رجع تانى وزعق لهم واتخانق، بس وقتها حصل مشكلة لمار وانشغلنا فيها، وبدأت حالة شهندا تسوء، والدكتور قال وقتها ان تحول المعامله بتاع باباهم هو سبب حالتها، وعدنى انه مش هيقرب منهم تانى، بس بردو خلف وعده، وحصل اللى حصل فى البلد، وانا تعبت مش عارفه اعمل ايه، فكرت اخدهم وامشى، بس مش عايزه اعمل فضايح .
ربتت ايناس على كتفها محاولة طمانتها: اصبرى هشام ابنى هيتكلم معاه، انت عارفه موضوع رباب هو السبب فى ده كله .
تنهدت ماجده: ماهو عشان انا عارفه ده بديله عذر واصبر عليه، بس تعبت واللى حصل مخلاش عندى صبر .
اومأت لها ايناس: خلاص لو ربنا كرم البنات واتجوزه، الموضوع هيخلص وهو وقتها يمكن يرجع تانى زى الاول .
ماجده بأمل: ربنا يسمع منك يارب .
ابتسمت ايناس وربتت على يدها: ربنا ديما عنده الفرج .
ابتسمت ماجده لتخرج خارج هذا الحديث: احكيلى انت بقا اخبارك ايه وبنوتك عامله، ومرات ابنك عامله معاكى ايه .
ضحكت ايناس متذكره: اه فكرتينى دى خطوبتها بعد يومين، وانتو كلكو معزمين .
نظرت لها ماجدة بسعاده: الف مبروك ربنا يتمالها على خير، بس ده حصل امتى ؟
ايناس بكلمات تمتلاء بالفرح: كان متقدم من فتره واحنا كنا بنفكر وابوها بيسأل عنه، ولما اطمن واتفقنا قولنا نعمل شبكه كده على الضيق، عشان الحداد وكده .
اتسعت ابتسامة ماجدة: اسراء بنت جميله وتستاهل كل خير طالعه لامها .
ربت ايناس على يدها: تسلميلى حبيبتى يارب .
وظلتا تتحدثان وهما تراقبا الحوار بين البنات والشباب، اما رعد بعد ان ترك اعمامه وصعد الى غرفة لمار وجدها تجلس على السرير امام الحاسب، تنحنح ودق على الباب : قاعده لوحدك منزلتيش مع اخواتك ليه ؟
نظرت اليه وابتسمت: عادى مفيش سبب، بس كنت بخلص بحث مهم لازم ابعته للكليه بتاعتى .
دخل وجلس الى طرف السرير بالقرب منها، ونظر الى الحاسب: ورينى بحث عن ايه يمكن اساعدك .
ضحكت وهي تغلق الحاسب: لاء انا خلصته اصلا، وكنت ببعته اصلى هسيب الكليه وانقل.
تعجب ونظر اليها: تنقلى ليه انت فى سنه تانيه، هتضيعى سناتين من عمرك ؟
ابتسمت موضحة: لاء انت فهمت غلط انا هنقل تركيا عند صاحبتى لولو، اصل يزيد خلص خلاص ومش هيسافر تانى، وانا فكرت انى بدل ما ابقى لوحدى هناك اتنقل معاها، وبابا وافق وهسافر مع يزيد نخلص الاجرأت قريب، بس قولت اعرفك يعنى .
عبس ونظر لها معاتبا: ماشى بس يعنى مكنش ينفع بدل ما تعرفينى تاخدى رأى، بأعتبار اننا اصحاب يعنى مش هقول انى خطيبك ولا حاجه .
شعرت بالخجل منه وقالت بأحراج شديد : معلش يا كبير فاتتنى دى، بس اوعدك بعد كده مش هعمل حاجه الا لما اخد رايك .
ابتسم وهز رأسه متفهما: ماشى يا صاحبى.
ضحكت: اخبار شغلك ايه ؟
هز راسه ضجرا: تمام رغم ان اليومين دول الشغل فيهم كتير قوى، اه صحيح سمعت حاجه وعايز اقولك عليها لحسن دى حاجه مهمه .
نظرت اليه بانتباه : حاجة ايه دى .
مد يده امسك الطقيه من على شعرها وخلعها مرواغا: بيقولو ان لبس الكاسكتا كده على طول، يوقع الشعر وانا خايف عليكى تصلعى .
ضحكت وهى تعدل شعرها بيدها فقد
انسدل على وجنتيها وبقيت بعض الخصل على جبينها: لا ياراجل دى معلومه مهمه فعلا، وبعدين تبقى مصيبه لو بقا صاحبك اقرع .
ضحك مشاكسا: حبيب قلبى يا عسل انت .
ضحكت برخامه : هاهاهاها ايه حبيبى قلبى دى، فى حد يقول صاحبه كده ؟
فكر وهو يمسك ذقنه: امال يقوله ايه انا بقول كده لاصاحبى عايزه ايه ؟
ضحكت هى الاخرى وهي تشير بيدها: ماشى يا كبير، بقولك ايه وسع كده خلينى اعدى عايزه واوريك حاجه .
قام وقف ونزلت هى من على السرير، فتعثرت وكادت تقع فأمسك بها واصبحت بين ذراعيه، وقبل ان يتحرك اي منهم
اذا بيزيد يقف امام الباب غاضبا ويصرخ بهم محتدا: ايه المصخره دى انتو قاعدين هنا لوحدكم بتقرتصونا .
فزع رعد ولمار من كلامه وابتعدا عن بعضهم، ونظر اليه رعد بغضب هادرا: ....
بسم الله الرحمن الرحيم وبه نستعين لا اله الا انت سبحانك اني كنت من الظالمين
..................
ماتشو (Maço)
الحلقه الرابعه عشر
فزع رعد ولمار من كلامه وابتعدا عن بعضهم، ونظر اليه رعد غاضبا: ايه الكلام الفاضى اللى انت بتقوله ده؟ دى كانت هتقع وانا سندتها متكبرش الموضوع .
جز يزيد على اسنانه مزمجرا: لاء بقا هو اصلا كبير قاعدين لوحدكم ليه اصلا، ها ولا فاكرنى مش فاهم، هاه يا استاذ يا محترم .
زاد غضب رعد وهدر به: انت تحترم نفسك وتتكلم عدل، احنا قاعدين وباب الاوضه مفتوح، يعنى مفيش حاجه اصلا تدعو للشك .
قذفته لمار بنظرة غاضبه: شك في مين ؟! انت تشك فيا ليه اصلا ؟ وبعدين انت بتتكلم كده ازى اصلا ؟ اتكلم عدل واحترم نفسك .
قبض يزيد على يده وهجم عليها ليضربها : انا اخوكى الكبير ولازم تتحرمينى انت فاهمه .
وقف رعد بينهم ومنعه من ان يقترب منها، صعد الجميع على صوت الشجار، وقفو امام الباب ورأو يزيد وهو يحاول الهجوم عليها،صرخ به ياسر غاضبا: يزيد اتلم ازى ترفع ايدك على اختك اتلم انا لسه ممتش .
نظر اليه يزيد محتدا: وهو ينفع اللى بنتك عملته ادخل الاقيها فى حضن البيه ؟
نظر اليه ياسر مستنكر: مين دى اللى فى حضنه قول كلام يتصدق، انت عارف كويس قوى ان مش لمار اللى تعمل كده .
نفخ رعد محاولا شرح الامر: والله ياعمى مافى حاجه من دى، هى كانت هتقع وانا مسكتها، ده حتى الباب كان مفتوح، يعنى مفيش اى حاجه من اللى فى دماغه .
كانت لمار تقف مصدومه متألمه، فكلمة ياسر المتها كثيرا، فهى تعلم ما يقصده، كانت كسهم اصابها به، فى هذه اللحظه تمنت لو انها ولدت بنت كانت كلمه كهذه تكن فخرا لها، اما الان فهى جرحتها، لاحظ هشام ردة فعلها بعد ان قال والدها كلمته، وشعر انها احزنتها والماتها، فهم حازم هو الاخر الم لمار واراد محاولة اصلاح الامر مردفا: عيب قوى لما تقول كده على اختك اللى انت عارف تربيتها كويس قوى، وعيب كمان لم تشك فى ابن عمك، وبعدين متنساش انها مراته، يعنى حتى لو اللى شوفته صحيح مش من حقك تلومها عليه .
شعر يزيد انه اخطأ فكان عليه تذكر هذا الامر قبل ذلك، هدأ واخفض نبرته نادما:معلش ياعمى متحملتش المنظر لما شوفته مكنش قصدى، لسه متعودتش على موضوع انهم متجوزين ده، متزعلش منى يا رعد مقصدتش يعنى .
رعد عابسا وهو يحز على اسنانه: خلاص حصل خير بس ياريت تفكر قبل ما تزعق وتفرج علينا الدنيا .
اشار ياسر بيده عابسا: خلاص بقا الموضوع خلص يالا ننزل الغدا زمانه جهز .
لاحظ حازم ان لمار صامته وكانها مكسوره، فقال: يزيد اعتذر لاختك وبوس راسها قبل ماتنزل .
تافف يزيد رافضا: انا اعتذرت وخلاص لزومه ايه اعتذر تانى .
كاد ينطق ياسر وهو يشير له لينزل، لكن حازم اصر: لازم تتعلم تتعذر لما تغلط مش عيب انك تتعذر لاختك، العيب انك تهنها قدام الكل وتستكبر انك تعتذر لها .
شعر يزيد بالخجل من نفسه لكنه استكبر ان يعتذر لها امام الجميع، فقال لينهى الامر دون حتى ان يلتفت لها: انا اسف يا لمار .
وتركهم وذهب الى غرفته، غضب حازم وانتظر ان يناديه ياسر، لكنه وجده غير مهتم ويشير لهم لينزلوا، فاسرع ونزل ولحقو بهم جميعا ماعدا لمار ظلت بغرفتها، كان رعد لازال معها نظر لها: يالا عشان ننزل ؟
تنهدت وهزت راسها بالرفض: لاء مش عايزه، انزل انت انا مليش نفس اكل اصلا .
رأى الدموع بعينها تحبسها عنه، فاقترب منها وربت على ظهرها محاولا التخفيف عنها: متزعليش من اللى قاله يزيد دى حماسة الشباب .
هزت رأسها دون كلام، فما المها ليس كلام يزيد انما كلمة والدها، فهم رعد ما يجول بخاطرها لكنه لا يعرف ماذا يفعل او يقول، نظر لها متألما: مش هاين عليا انزل واسيبك وانت متضايقه، متزعليش من كلام عمى، وتأخديه بنيه وحشه هو اكيد واثق فيكى وتربيتك، مش كده ولا ايه ؟
اخذت نفس وزفرته وهزت راسها دون كلام، وقعت شعره على وجهها فرفعها بيده وضعها خلف اذنها، فنظرت له عابسه : لم ايدك فى ايه .
ابتسم : عرفتى ليه عمى متاكد من اخلاقك، لانك حتى مع الراجل اللى المفروض انك مراته، مش سامحه له انه يلمس شعرك .
فنظرت له وابتسمت: ماشى يا كبير .
تركها ونزل وهو لاول مره يشعر ناحيتها بشعور مختلف، رغم رفضه لكنه لم يستطع انكاره، شعر ان كلماته التى قالها سابقا حقيقه، فقد خرجت منه عفويه، فاقترابه منها حرك الماء الركد بداخله، رغم حقدة عليها بسبب ما فعلته به، وظلت هى بغرفتها لم تخرج منها
..............
اسرع ايفى الى جولناى اخبرها بكل ما حدث، فنهرته معنفة: هل انت مجنون كيف تكسر قلب البنت هكذا؟ كيف تفعل بها هذا،( قبضت على يدها ) اظنها لن تنتظر وستترك المنزل والعمل .
انتفض فزعا:
ماذا لا استطيع، لا تتركيها ترحل انزلى اليها وامنعيها رجاًء .
نفخت وقذفته بنظرة غضب: اوف ياه، كيف سافعل ذلك، ماذا ساخبرها ها الم تفكر فى ذلك قبل ان تفعل ما فعلت احمق .
مترجيا وكأن قلبه سيخرج من صدره: انزلى انت فقط وتحدثى اليها وانا لديا ما اخبرها به ارجوكى لطفا .
نفخت وقبضت على يدها: اوف يااااه الصبر يا ربى .
ونزلت دقت باب غرفتها منادية: لولو انا جولناى افتحى .
مسحت دموعها واجبتها بصوت مبحوح: لست بخير اتركينى الان رجاًء .
حزنت على كم الالم التي شعرت به في صوتها: ايفى اخبرنى بما فعل افتحى ارجوكى، لا يمكن ان اتركك بهذه الحاله .
اخذت نفس وزفرته وحاولت التوقف عن البكاء، فقلبها متألم كأن سكين غرز به، فتحت لها الباب دخلت امسكتها من يدها، جلست على طرف السرير واجلستها الى جوارها، ومسحت دموعها عابسة: افديكى حبيبتى لا تبكى انفطر قلبى عليكى، لقد ندم كثيرا على ما فعل، ويريد ان يعتذر منكى ويشرح لكى الامر .
رافضه بصوت يمتلاء بالوجع: لا داعى للشرح الامر انتهى هو يريد ان يتسلى وانا لن اكن تسليه لاحد .
وقف امام الباب فهو كان يقف بعيد ويستمع اليهم، نظر لها مترجيا وحدقتيه تمتلاء بالندم فرؤيتها على هذا الحال اوجع قلبه: ارجوكى اسمعينى قد تلتمسي لى العذر رجاًء .
نظرة اليه غاضبة: ليس لك اى عذر، عندما رفضت ان اكن على علاقه معك اردت خداعى بخاتم .
قاطعها بنظرات تمتلاء بالعشق: لا لم اقصد هذا اطلاقا، انا عاشقٌ لكِ، ولكنى لديا فوبيا من الزواج، ولم استطع ان اخبرك بهذا خوفا من ان اخسرك .
زاد غضبها: اتسخر منى اتظننى حمقاء .
نظر لها مترجًا محاولا شرح الامر وبداخل حدقتيه حزن دفين: حاشه وكلا، كيف تقولين ذلك ارجوكى صدقينى، اسألى جولناى لقد تزوج والداى عن حب، وبعد زواجهم بعام واحد انفصلو وانتهى هذا الحب، وايضا والدها ووالدا جيهان، وصديقى المقرب جيم، تزوج حبيبته بعد قصة حب كبيره، انفصلا بعد ثلاثة اشهر وانتهى الحب بينهم.
تنهد بوجع يخرج من بين ضلوعه واكمل:
خفت ان اخسرك بعد ان نتزوج، لهذا طلبت منك ان نعيش فتره اولا، لكنكِ رفضتى ولانى لا استطيع العيش بدونك، فكرت ان اعرض عليك الزواج، لكنى لم استطع ان اخبر الناس بالامر، ارجوكى صدقينى وسامحينى، سامحي قلب عشقك حتى الجنون.
شعرت بالصدق فى كلامه ونظراته، اخذت نفس وزفرته فقلبها يصدقه: اذا ساسامحك ولكن لى شرط .
رن هاتف جولناى فاشارت لهم انها ستخرج لتجيب، وتركتهم وخرجت نظر لها وقد اعادت اليه الحياة: قولى وسأقبله .
ترددت باصرار: لن تلمس حتى يدى سانتظر حتى تشفى، لكن لن يكن بينى وبينك اى تلامس نهائى، انا لن اغضب الله لاجل اى شخص، لقد اخبرتك سابقا انى متمسكه بشرع الله، حتى لو ...
قاطعها بعدم فهم: عن اى شرع تتكلمين وما علاقتك انتِ بهذه الشرع ؟! منذ ان قولتى انك متمسكه بشرع الله، وكاد عقلى يقف، بحثت على النت عنه، وشكل الفتاه المسلمه، لكنى لم اجد بشكل لبسك ولا طريقة تعاملك معنا ايً منها، لم تتحدثين عن شئ انت لا تفعلينه، انا لا اعيب بك حبيبتي لكن اريد ان افهم .
صدمت وبلعت غصة في حلقها مرددة بصوت متحشرج: ماذا تقول .
اكمل مستفهما: بنطالك هذا الذى يظهر اكثر مما يخفى ما علاقته بهذه التعاليم، ها ووشاحك الذى تظهر منه رقبتك، وقميصك الذى يجسم صدرك وخصرك، والبرفان الذى تضعيه اشُمه وانا اتى من غرفتى، وضحكك ومزاحك معنا، اعرفى تعاليم هذا الدين اولا وتحدثى عنها .
ظلت تنظر له فى ذهول ولا تعرف بماذا ترد، فهى دوما كانت تقول ان الايمان فى القلب، واللبس ليس له علاقه ارتدى ما اريد مدام قلبى عامر بالايمان، وما ارتديه به بعض الحشمة حتى لو لم يكن كامل،
شعر انه جرحها تحرك خطوه ليقترب منها فاشارت بيدها، ان يبقى وقالت بصوت ملئ بالوجوع والالم كأنه اشواك تقطع جوفها: اخرج رجاًء اريد ان اكون وحدى .
حاول ان يتحدث فاشارت له ونظرت له مترجيه: رجاًء ان كنت تحبنى حقا اتركنى وحدى .
كانت تحاول منع دموعها من النزول امامه، استسلم امام اصرارها وخرج، اغلقت الباب وانهارت على الارض فى البكاء، فقد ازاح عنها ورقة التوت التي كانت تختبئ تحتها، واصبحت تشعر انها عارية بلا غطاء، فالحقيقه دوما مؤلمه.
............
ظلت لمار بغرفتها حتى ذهب الجميع، ودخل اخوتها ووالديها الى غرفهم، وذهبت الى غرفة يزيد دقت الباب ودخلت نظر اليها مستهينا: عايزه ايه منى، ولا تكونى جايه عايزنى اعتذرلك زى ما عمى كان عايز .
نظرت اليه غاضبه: عايزه افهم انت بتعمل معايا كده ليه؟ زمان كنت بتغير عشان زياد ولد زيك، لكن دلوقتى بتغير ليه ؟
نفخ غاضبا بكلمات تمتلاء بالحقد: طول عمرك وانت قرفانى فى حياتى، محدش شايف نفسه غيرك، بابا ديما يقول زياد زياد وكأنه مخلفش غيره مع انا الكبير، بس لاء ازى لازم تظهرى نفسك وتعملى بطولات، عشان الكل يتكلم عنك، وفى البيت تهزرى وتضحكى مع البنات عشان تحبك هى كمان، وماما تبقا راضيه عنك، وانا افضل نكره خفى محدش شايفنى .
جزت على اسنانها وقذفته بنظرة مستنكرة: وادينى بقيت لمار عملت ايه ها، فضلت زى ما انت، كام مره طلبت منك تيجى تقعد معنا، حتى لما جبت اخوتى وجينا نقعد احنا معاك عملت ايه، فاكر ..
طأطأ راسه واشاح وجهه بعيدا عنها اكملت:
طردتنا من اوضتك وقولت جاين تعطلونى عشان مذاكرش، نصحتك كتير تبطل اسلوبك ده مع اخواتك، هزر معاهم واضحك، بس انت خلاص بقيت راجل مينفعش، مش كده اعملك ايه العيب فيك انت اللى مغرور، مش شايف حد غيرك، وياريتك تتعلم وتتغير لاء بالعكس عمال تزيد سوء .
زاد غضبه فكبرياؤه يمنعه من الاعتراف بخطأه: انا اللى مغرور لا انتِ اللى مش شايفه حد غيرك فى الدنيا، قرفتينى سواء وانت ولد ولا بنت، انا زهقت منك امتى بقا تغورى من هنا ونخلص منك .
قبضت على يدها ونظرت له عابسه متهكمة: انا فعلا نفسي اخرج من هنا واسيبلك الدنيا كلها عشان ترتاح .
قذفها بنظره غاضبه واشاح وجه عنها متمتما: يكون احسن تريحينى منك .
كانت ماجده تمر بجوار الغرفه وسمعت حوارهم، ودخلت ونظرت الى يزيد غاضبه : انت هتفضل كده لحد امتى، هاه هتفهم امتى ان اللى انت بتعمله ده غلط، مفيش فيك فايده بقيت شبه ابوك.
خرجت الجمله ثقيله على لسانها لكنها اثقلت كاهلها، وتتمنى ان تيوقظه قبل فوات الاوان اكملت بحده اكبر:
انا تعبت منك ومنه، عايز تعيش طول عمرك كده، عجبك انك تبقى موجود ومش موجود، ( ونظرت الى لمار ) وانت كمان امتى هتفهمى انك بنت مش ولد، وان ابوكى معملش كده عشان بيكرهك، هو كان مجبر على ده، يا اما تعيشى كمسخ لا انت ولد ولابنت، فوقى انت كمان حرام عليكو تعبتونى، تقدر تقوليلى هتقولى ايه لربنا لما تقابليه، هاه هتقوليه مش عاجبنى قضاءك مش راضيه بيه.
كانت الكلامات كانها حمم بركانيه ضربت رأسها، صدمت لمار وامتلاءت عينها بالدموع، وخرجت تجرى على غرفتها، راها والدها فاسرع الى غرفة يزيد ليرى ماذا هناك، فوجد ماجده تتحدث الى يزيد بغضب :
اسمع كويس انا مش هسيبك تتحول وتبقا زى ابوك، ابوك خلاص مبقاش فيه فايده، ومش هيفوق ولا يتغير، بس للاسف خسر حب اخواتك ليه، مبقاش فى غير خوفهم منه، عايزهم يخافو منك بدل ما يحتمو بيك، الاخ يعنى امان سند حنان وانت ابعد ما يكون عن ده، اللى كان كده زياد، فهمت ليه اخواتك كانو بيحبه، فوق يا ريت تفوق .
وتركته وخرجت نزلت الى الاسفل، فقلبها يحترق على فلذة اكبدها، تراهم كل منهم تائه في طريق يصارع رياح وهميه، رغم ان الطريق الصحيح امامه لكنه لا يراه،
كان ياسر قد ابتعد عن الغرفه قبل ان تخرج، فهو فى حالة صدمه، فهذا اخر شئ توقعه، ان يسمع هذا الكلام من ماجده، انها تكره ان ترى ابنها مثله، كيف اوصل نفسه الى هذه الحاله، وقف امام باب غرفة نومه ولم يستطع ان يدخل، فكلمتها ترن فى اذنه كأنها طنين مؤلم، نزل مسرعا ودخل الى مكتبه واغلق على نفسه، يفكر فى ما وصل اليه، ويتذكر نظرات بناته له، كيف انها خوف وزعر فقط، وتذكر ما حدث لاخته، وكلام جدته التى كانت دوما تقول له، البنت يجب ان تعامل بخشونه، ( اكسر للبنت ضلع يطلع لها اربعه) وتذكر حالة لمار وغضبها منه، وخوفها الذى تحول الى تمرد، حتى ابنه الوحيد دئما يجده حزين شارد، وضع يده على رأسه ونفخ بغضب، وضرب بقبضة يده على المكتب غاضبا، فقد افسد زرعته بيده، ولا يعلم هل هناك سبيل للاصلاح ام قد فات الاون .
ظلت ماجده بالاسفل حتى هدأت وصعدت مره اخرى، فكرت ان تذهب الى غرفة لمار لكنها تراجعت، لتتركها بعض الوقت فقد تفيق، اما لمار كانت بغرفتها حزينه تبكى فكلامها اوجعها جدا .
...............
ظلت لولو منهاره لبعض الوقت، ثم قامت تنظر الى المرآه، ورأت كيف ملابسها تجسم جسدها كما وصفها بالفعل، وتذكرت بعض البرامج على شاشات التلفاز كانت تقول ان المهم القلب وليس القالب، فأسرعت الى الحاسب وفتحته، وبحثت عن الزى الاسلامى الشرعى كيف يكن شكله، فظهر لها ان كل العلماء قد وصفوه، بأن يكن واسع فضفاض لا يشف ولا يصف، وان يكن ساتر للجسم كله، وان لا يكن زينة فى نفسه، ولا يكن ملفت للنظر، وازدادت فى البكاء فقد اخذت بكلمات تماشت مع هواها، وتركت الصحيح، واذا بهاتفها يرن نظرت به وجدتها لمار، تذكرت حالها، ففتح المكالمه دون كلام،
كانت لمار هى الاخرى حزينه بسب كلام والدتها، لكنها طلبتها علها تخفف عنها، فقالت بحزن تخفيه
: لولو حبيبتى وحشتينى اخبارك ايه ؟
اجابتها وهى تبكى فبداخله عاصفه تدمر كل شيء: انا تعبانه قوى يا لمار، تعبانه قلبى وجعنى قوى، حاسه انى هموت من الوجع اللى جويا .
فزعت من صوتها متلهفه: سلامه قلبك مين اللى زعلك قوليلى مالك ؟
ببكاء وندم: انا مش زعلانه من حد، انا زعلانه من نفسي عشان مشيت وراى هويا، واخترت اللى يرضى نفسي، وسبت الصح ومعملتوش مفكرتش انى كده بغضب ربنا .
زاد فزعها وبلعت ريقها بصعوبه فقد اكل عقلها الظنون: فهمينى بس ايه اللى حصل ؟ انتِ كده خضتينى ؟
قصت عليها كل ماحدث وهى تبكى، توقفت الكلمات بين شفتيها، وبدأت الدموع تتساقط من عينها، اكملت لولو بالم يعتصر قلبها: قوليلى اعمل ايه انا مش قادره، حاسه بوجع شديد قلبى بيوجعنى قوى، وخايفه من غضب ربنا عليا انتِ صاحبتى الوحيده قوليلى اعمل ايه؟
شعرت لمار ان الكلام موجه لها هى الاخرى، بل هي اسواء حالا، وكأن ايفى كان يقصدها هى اكثر منها،اخذت نفس وزفرته وقالت بصوت ضعيف خائف مرتعش: اهدى ومتخفيش مدام ربنا هو اللى خلاه يقولك الكلام ده، يبقى اكيد بيحبك وعايزك ترجعى عن الغلط اللى انت فيه .
بلهفه وهو تبكى: بجد يعنى ممكن ربنا يسامحنى ويقبلنى تانى؟
تنهدت والدموع تنهمر من عينها فهي احرج ان تسمع هذه الكلمات: اكيد .. اكيد ربنا غفور رحيم والتوبه تهدم ما كان قبلها ،استغفرى وتوبى وارجعى عن الذنب، وان شاء الله ربنا يقبل توبتك .
مسحت دموعها بلعت ريقها مترجيه: وانت كمان يا لمار ارجعى عن عندك، وفوقى انت مش بتعترضى على كلام باباكى، انت كده بتعترضى على امر ربنا، واسألى دكتور واثنين، ولو كان فعلا فى امل واحد انك كنتى تفضلى ولد يبقا لك الحق، انا نفسي نبقا مع بعض فى الجنه .
ابتسمت ببكاء وقلبها ينفطر: وانا كمان، انا كمان نفسي نبقا مع بعض فى الجنه، (مسحت دموعها ) يالا كفايا عياط، قومى اتوضى وصلى واطلبى من ربنا انه يسامحك ويسامحنى .
هزت رأسها بالموافقه مع ابتسامه حزينه: عندك حق هو ده الصح، وانت كمان فكرى صح وخدى قرارك، وانا هدعيلك واوعى تنسينى انتِ كمان فى دعاءك .
انهت معها المكالمه وكلا منهم تشعر بالندم وقلبها يؤلمها، فقد كانت كل منهم تختبأ في كهف مظلم، لكن الله انار لهم طريق الخروج، ظلتا تبكيان بعض الوقت، قامت لولو ودخلت توضأت وقفت تصلى، اما لمار نظرت الى المرآه وتأملت جسدها وتذكرت كلام والدتها، وازدادت فى البكاء، ونظرت الى ارفف الجوائز وكأنها تودع زياد الى الابد، ودخلت توضات وصلت هى الاخرى، وفى صباح اليوم التالى دخلت الى غرفة اخواتها ونظرت لهم بأعين تتلاءلاء من الفرح: بنات ممكن تيجو معايا مشوار ؟
تعجبتا الاثناتان وقالت شهد : هنروح فين ؟
اتسعت ابتسمتها: نشترى شويه لبس ممكن ؟
زفرت شهندا بضجر: انت عارفه ان بابا هيرضى؟
لمار باصرار: ملكيش دعوه انا هتصرف بس انت موافقين ؟
فكرت الاثناتان وقالت شهد متحمسه: اه موافقين يالا البسى واحنا هنلبس .
هزت رأسها بالموافقه وتركتهم وخرجت ذهبت الى والدتها واخبرتها فقالت: طب استنى اخلص اللى بعمله واجى معاكو .
ابتسمت: خليكى انت احنا هنروح ونرجع على طول بس قولى لبابا .
فكرت : ماشى خلاص روحى وانا هكلمه واقوله (واكملت فى عقله) مع انى مش عارفه ماله، واخد منى جنب ومش بيتكلم خالص، وزى ما يكون فى حاجه مزعلاه .
تركتها وذهبت استعدت ومرت على اخواتها، وخرجن جميعا اشترت بعض الفساتين والاطقم الطويله والمحتشمه ولكل طاقم حجابه المناسب له، واتفقت هى واخواتها الا يخبرن احد فهى تريد مفاجأة الجميع، فاليوم التالى سيكون خطوبة ابنه عمها، امسكت لمار هاتفها وطلبت لولو لتخبرها بالامر لحظات واجابت بصوت حزين : اهلا لمار .
تعجبت: ايه مال صوتك زعلان ليه كده ؟
زفرت فى حزن والدموع تملاء عينيها: مش عارفه اعمل ايه، اجيب فلوس منين عشان اشترى لبس جديد، ومش هينفع افضل باللبس ده لحد القبض، والفلوس اللى كانت معايا سددت بيه اخر جزء لصاحبة السكن اللى كنت فيه .
فكرت للحظات ولمعت فكرت بعقلها قائلة:اسمعى انت مش عندك فساتين وجيبات البسيهم وانا هبعتلك مبلغ كملى بيه الباقى .
عبست بخيبة امل:مينفعوش كلهم قصيرين تبع الموضه بتاعت الدرسات القصيره .
ابتسمت لمار بسعاده: امممم اقولك البسى تحتهم بنطالون زى اللبس الهندى .
اعجبت بالفكره ورفعت حاجبيها وانزلتهم: تصدقى فكره وانا عندى بناطيل كتير، يعنى كده دى اتحلت باقى الطرح .
هزت رأسها مسترسله: عندك طرح طويله اللى كنتى بتلبسيها متنيه افرديها .
عبست متمتمه: بس دى خفيفه.
بللت لمار شفتيها:
البسى تحتها طرحه من الصغيرين، ولفيها مرتين هتبقا طبقتين .
ضحكت باعجاب: فكره حلوه خلاص هقوم اظبط الهدوم مع بعضها ربنا ما يحرمنى منك ابدا يا ماتشو (Maço).
ابتسمت لمار وعينها تمتلاء بالفرح: وانا كمان قولت افرحك انت اول واحده، انا كمان قررت افاجأهم كلهم فى شبكة بنت عمى بكره والبس الحجاب .
فتحت لولو فمها بفرح هاتفه: يااه انا فرحانه قوى .
اتسعت ابتسامة لمار: وان شاء الله نبقا مع بعض فى الجنه .
ابتسمت ببعض الحزن وامتلاءت عينها بالموع: يارب يارب بس بتهيألى كده خلاص لازم اسيب البيت هنا، واشوفلى سكن تانى .
هزت لمار رأسها: ده الصح بعد اللى حصل، هبعتلك بكره فلوس، وان شاء الله تلاقى سكن كويس .
لولو ببعض الحرج: مش عارفه اقولك ايه بس .
ابتسمت مشاكسه: بقولك ايه بلاش الكلام ده، وبعدين ايه هو انت مش هترديهم ولا ايه ؟
ضحكت مازحة: لاء طبعا ارد مين السلف تلف والرد خساره يا ماتشو (Maço) .
ضحكت متهكمه: يا سلام على الامثال الجميله، خليهم منا خلاص قولتلهم هانقل تركيا واجى ادرس عندك وبعدين بطلى ماتشو دى بقا بدل ما اضربك .
بسعاده وقد طار قلبها فرحا: بجد فرحتينى جدا بس بردو هفضل اقولك يا ماتشو (Maço ).
ظلتا تتحدثان لبعض الوقت، وبعدها استعدت لولو وخرجت، فقد اخدت اجازه من العمل هذا اليوم، بحثت عن سكن جديد حتى وجدت شقه صغيره فى منزل قريب من الشركه، واتفقت عليه واخبرة صاحبه انها ستنتقل اليه فى اليوم التالى، وعادت الى المنزل كانو لم يعودو من العمل بعد، دخلت الى غرفتها وظلت بها ،بعد ان عادو من العمل حاول ايفى ان يتحدث اليها لكنها رفضت، وذهبت لها جولناى جلست معها، نظرت لها فهي قلقه عليها: كيف حالك الان ؟
ابتسمت وقد امتلاء وجهها بالرحة والسكينه: انا بخير ولكنى اتخذت قرار، وبصفتك صديقتى عليك ان تساعدينى عليه .
لم تفهم: ماهو هذا القرار ؟
تنهدت : ساخبرك به غدا بعد عودتى من العمل .
هزت راسها بعدم فهم: رغم انى لا افهم ولكن سأدعمك، ولكن اريدك ان تعطى فرصه اخرى لايفى هو يحبك حقا .
ابتلعت ريقها وتنهدت: وانا اعرف واعدك ان افكر فى الامر .
نفخت متمتمه: اتعرفى ان هناك الكثير هنا يكره الزواج لنفس الاسبابه .
ابتسمت متفهمة: افهم ذلك ولا الوم عليه في هذا، لكن انا غضبت منه لانه لم يخبرنى بذلك من البدايه .
رمقتها بنظره متسائله: الله الله يعنى لو كان اخبرك كنت ستصدقيه ؟
اومأت بالموافقه: مؤكد وكنت ساساعده وانتظر حتى يشفى، لكن ما فعله المنى .
نظرت لها مترجيه: حبه لكى جعله يخاف ان يخسرك .
هزت راسها بالموافقه دون كلام قامت جولناى وتركتها وخرجت، كان ينتظرها ب ردالخارج فاخبرته بما قالت، ففكر وقلبه يعتصر الما: ماذا سيكون هذا الامر .
رفعت كتفيها وانزلتهم: لا اعرف، ولكن الغد ليس بعيد .
وضع يده على شعره واعده الى الخلف ونفخ ضجرا: اوف يا ربى ليمر الوقت بسرعه اوف اوف .
وصعد الى غرفته وهو غاضبا .