رواية ديون النبض
الفصل السادس والخسون56
بقلم مروة صياح
من بعد اللي حصل، مجد ما كانش مصدق إن أنا فعلاً بقيت واقفة على رجلي. وأخد قرار إننا هنسافر زي ما إحنا، ومش هنأجل سفرنا. بالعكس، كان شايف إن دي فرصة إننا نسافر مع بعض ونقضي شهر عسل .
وكان مصمم إنه يعمل لي فرح، وإني ألبس فستان أبيض، وأحس بفرحتي زي أي بنت.
لكن أنا كانت فرحتي مختلفة. وجودي معاه كان كفاية بالنسبة لي. ما كانتش كل مظاهر الفرح دي هي اللي تهمني، ولا كانت مهمة عندي بالشكل ده.
كل اللي كان يهمني فعلاً إني أكون موجودة معاه، وإنه هو كمان يكون مرتاح وسعيد معايا. ده كان هدفي الحقيقي.
فضلنا يومين تقريباً في شقتنا، لدرجة إني ما كنتش بشوف ماما ولا رغد ولا حازم ولا ياسين. سابونا براحتنا نقضي وقتنا مع بعض.
كانت لحظاتنا كلها حب ورومانسية، وكأننا بنعوض الحرمان اللي إحنا حسينا بيه قبل كده.
بالنسبة لي، كنت عايزة أعوض مجد عن حياتنا مع بعض اللي اتأخرت، وعن كل اللحظات اللي اتحرمنا منها.
ما كنتش شايفة إن عجزي سبب يمنعنا نعيش سعادتنا، لكن كان فارق جداً بالنسبة لي إني أكون موجودة معاه في كل تفاصيل حياتنا.
حتى إني أكون في حضنه وأنا واقفة، أو هو يشيلني وأكون في حضنه وأنا مش قادرة أتحرك.
كنا بنستغل كل لحظة وإحنا مع بعض، حتى اللحظات البسيطة اللي كنا بنحلم بيها، زي إني أكون في حضنه ونرقص رقصة هادية مع بعض.
ما كناش بنضيع أي فرصة نعيش فيها اللحظات دي.
مجد فعلاً قفل تليفوناته، وكان مهتم بيا وبكل تفاصيلي أكتر من الأول. حسيت فعلاً قد إيه أنا غالية جداً عنده، وإن أنا بالنسبة له رقم واحد، وأهم من نفسه.
عدى اليومين، وكان فاضل تقريباً اتناشر ساعة على معاد الطيارة.
خرجت أنا ومجد من أوضتنا على العصر، وكنت حاسة إني جعانة جداً.
بصيت لمجد وقلت له:
وعد: يا مجد، أنا جعانة قوي.
بص لي وضحك وقال:
مجد: قلت لك كده امبارح، نطلب أكل بزيادة.
ضحكت وقلت له:
وعد: لا، أكيد ماما محضرة لنا غدا، وعاملة حسابها إن إحنا هنتغدى معاها النهارده قبل ما نسافر.
بص لي وقال:
مجد: معاكي حق. إحنا النهارده عايزين نقضي معاهم اليوم قبل ما نسافر، براحتنا ونقعد قعدتنا زي ما كنا بنتمناها. تعرفي، بالرغم إني عمري ما بشبع منك، ولا من وجودي معاكي، لكن بصراحة وجودنا مع بعض كلنا ليه مذاق تاني وسعادة تانية.
بصيت له وابتسمت وقلت:
وعد: تعرف يا مجد، لما بشوفك وسطنا بكون مبسوطة جداً وسعيدة، وبحس فعلاً إن أنت كمان سعيد.
بص لي وقال:
مجد: اللي اتحرم من حاجة بيبقى مشتاق لها قوي يا وعد.
بصيت له وقلت:
وعد: وبعدين يا مجد؟
كنت عايزة أكلمه في الموضوع، لكن سكت.
بص لي وقال:
مجد: وعد، سيبيني بعد إذنك... مش عايزين نفتح أي موضوع يعكر صفونا دلوقتي.
قلت له:
وعد: مجد، أنا مش هفتح معاك موضوع، بس ممكن أسألك سؤال؟
بص لي، وكان حاسس إني عايزة أسأله عن إيه بالضبط.
قلت له:
وعد: أنت ما حسيتش إنك هديت ناحية مامتك وسارة؟
بص لي وسكت شوية، وبعدها قال:
مجد: وعد، يلا علشان نقعد معاهم.
حسيت إنه لسه زي ما هو، وإن قراره في الموضوع ده ما اتغيرش.
لكن مسكت إيده وقلت له:
وعد: مجد، أنت عارف أنا قد إيه بحبك، وصدقني أنت لازم تاخد قرار في الموضوع ده. إحنا بقالنا تقريباً شهرين من بعد ما اتجوزنا، والشهرين دول ما كانوش كافيين إنك تعاقبهم. هما فعلاً حسوا بغلطهم وندموا.
بص لي وقال:
مجد: لا يا وعد، مش كافيين. عايزاني أعتبر سنين الحرمان، وسنين التعب والعذاب والصد، مجرد شهرين؟
بصيت له وقلت:
وعد: بس أنت قلبك أكبر من كده بكتير يا مجد. صدقني، قلبك مش هيستحمل يفضل بعيد عنهم بالشكل ده. في الأول والآخر دي أمك، وسارة بنت خالك من ناحية، ومن ناحية تانية هي زوجتك.
بص لي وقال بحسم:
مجد: أنا ليا زوجة واحدة بس، وهي أنت. وحبيبة واحدة بس، وهي أنت. وعد، أنا بعشقك أنت، ومش شايف نفسي مع أي حد غير معاكي.
وطيت راسي وسكت.
كان نفسي أقوله إن سارة تعبانة ومحتاجاك جنبها، ومحتاجاك تكون موجود في حياتها، لكن ما قدرتش أتكلم دلوقتي.
كنت عارفة إن الكلام في الوقت ده مش هيكون سهل، لكن كان في بالي إني لازم أخليه يعرف مع الوقت.
يمكن مع الأيام يرق لحالها، ويحن عليها، ويقدر يتجاوز اللي حصل.
أنا فعلاً كنت قلقانة جداً وخايفة عليها، وكل اللي كنت بتمناه إن مجد يقدر يهدى، وإن الأيام تكون سبب في تغيير قراره، قبل ما المسافة اللي بينه وبينهم تكبر أكتر.
ديون النبض
بقلم الكاتبة مروة صياح

اتحركت أنا ومجد، واتجمعنا في شقة ماما لأول مرة بعد يومين عدّوا من غير ما نشوفهم.
اتغدينا مع بعض، وكانت ماما عاملالي كل حاجة بحبها، ليا أنا ومجد. كنت حاسة إني جعانة جداً، وعايزة أشبع من أكلهم، والأهم من قعدتنا ولمتنا مع بعض.
فضلنا نضحك ونهزر كعادتنا. كانت لمتنا وضحكنا وهزارنا ليهم طعم مختلف، وفضلنا قاعدين مع بعض لحد الساعة اتناشر بالليل.
كان فاضل ست ساعات على معاد الطيارة، وساعتها مجد قال لي:
مجد: يلا يا وعد، علشان تلحقي ترتاحي شوية قبل معاد الطيارة.
وبالفعل اتحركت أنا ومجد على شقتنا.
وبمجرد ما دخلنا الشقة، شالني بين إيديه.
بصيت له وضحكت وقلت:
وعد: على فكرة، أنا خلاص بقيت بتحرك لوحدي.
ضحك وقال:
مجد: بس أنا مش بشيلك علشان الحركة دلوقتي، أنا بشيلك علشان أدللك وأدلعك.
بصيت له وقلت:
وعد: بس أنا خايفة أخد على كده.
ضحك وقال:
مجد: ومين قالك إني مش عايزك تتعودي على كده؟ بالعكس، أنا عايزك دايماً تعرفي إن مجد عمره ما هيقصر معاكي، وهيفضل يحبك ويدلعك على طول. ربنا يعيني وأسعدك دايماً يا وعد، يا أجمل حاجة في حياتي كلها.
بصيت له وابتسمت، ودخلت في حضنه.
ودخلنا مع بعض أوضة النوم، وبمجرد ما الباب اتقفل، حسيت وكأننا قفلنا معاه على كل أحزاننا ووجعنا وتعبنا.
حتى مجد، اللي كنت بحس بإرهاقه وضغط شغله طول الوقت، كان محتاج ينسى كل حاجة ويعيش اللحظات دي معايا.
وقضيت معاه أجمل ليلة من ليالي عمري، وكأني فعلاً في أول يوم أكون فيه في حضنه ومعاه.
كانت ليلة مختلفة في كل حاجة؛ في قربه مني، وفي تفاصيله، وفي رقته معايا وحنّيته.
وبعدها غلبنا النعاس.
صحيت على صوته وهو بيقول:
مجد: يا وعدي...
فتحت عيني، وكانت ابتسامة مرسومة على شفايفي، وقلت له:
وعد: مجدي انا ، أنت صحيت؟
قال لي:
مجد: يلا علشان هنتأخر على الطيارة.
ومسك إيدي وطبع عليها قبلة طويلة، وقال:
مجد: صباح الخير يا أحلى حاجة حلوة حصلت لي في حياتي.
ابتسمت ودخلت في حضنه وقلت له:
وعد: تعرف إن أنت وحشتني قوي؟
بص لي وابتسم وقال:
مجد: حتى وأنا معاكي؟
ضحكت وقلت:
وعد: حتى وأنت معايا.
وبصيت له وسألته:
وعد: هي الساعة كام؟
بص لي وقال:
مجد: هو إحنا المفروض دلوقتي نكون في المطار، لكن إحنا لسه في البيت.
بصيت له وضحكت وقلت:
وعد: ومين قالك إنك تصحينا متأخر؟
بص لي وهو بيحضنني وقال:
مجد: يعني أعمل إيه؟ بصراحة أنا مش عايز أسيب حضنك أبداً. حاسس إني هتحرم منه لحد ما نوصل سويسرا.
بصيت له وقلت:
وعد: يعني الناس كلها بتقضي شهر عسل في الغردقة ولا شرم الشيخ، وأنا أروح سويسرا مرة واحدة؟
ضحك وقال:
مجد: ده حظك ونصيبك، علشان أنت دايماً قلبك طيب وبيحب الخير لغيره. ربنا يقدرني وأسعدك يا وعدي أنا.
وفعلاً اتحركنا ولبسنا، وكانت ماما ورغد، وحتى حور، صاحيين وكأنهم مستنيينا علشان يودعونا قبل ما نسافر..... وجاهزين علشان يوصلونا.
وفعلاً وصلنا المطار.
كانت دي أول مرة في حياتي أفارق فيها حازم وأبعد عن ماما وياسين ورغد. ما كنتش عارفة إزاي فعلاً هبعد عنهم الفترة دي.
كان الفراق صعب عليا جداً، ودموعي نزلت من غير ما أحس.
لكن مجد مسكني بقوة وقال:
مجد: هنطمن عليهم باستمرار يا وعد.
بصيت له وقلت:
وعد: أنا ما بحبش لحظة الفراق دي، ولا بحب أبعد عن اللي أنا بحبهم.
بص لي وقال:
مجد: هنتطمن عليهم كل يوم، وهنكلمهم باستمرار يا وعد.
وبعدها سلمت عليهم، وسيبناهم واتجهنا لصالة السفر.
بدأنا نخلص إجراءات السفر والأوراق المطلوبة، وبعدها ركبنا الطيارة.
بصيت لمجد، وهو كمان بص لي، وبعدها غمضت عيني، وبدأت الطيارة تتحرك فعلاً.
فضلنا فترة طويلة وهو ماسك إيدي، وكنا قاعدين جنب بعض، وبعدها غلبنا النعاس.
صحينا قبل ما نوصل بنص ساعة، بص لي وقال:
مجد: وعد، أنت مش جعانة؟
هزيت راسي وقلت:
وعد: لأ.
قال لي:
مجد: طب لما نوصل هنجوع أكتر، لازم تاكلي حاجة دلوقتي.
وبدأ يفتح لي عصير ويديني بعض السندوتشات، وفعلاً أكلنا سوا.
وبعدها وصلنا، ونزلنا من الطيارة واتجهنا للأوتيل.
أول ما دخلنا الغرفة، مجد أخدني في حضنه وضمني بقوة، وبعدها قال لي:
مجد: هنفضل هنا في الأوتيل نرتاح شوية، وبعدها عايز ألف بيكي الدنيا كلها. مش عايز أحرم نفسي منك في أي حاجة، ولا من سعادتي معاكي.
وفعلاً ارتحنا شوية، وبعدها بدأنا نخرج ونزور أماكن كتير.
ما كنتش حتى متوقعة إن أول سفر ليا خارج مصر تكون بالشكل ده!
كل مكان خرجنا فيه أنا ومجد كان مختلف. أماكن واسعة ومفتوحة، فيها خضرة وشمس وهوا نقي، ومناظر كنت أفضل أتأملها بالساعات.
لكن مجد ما اكتفاش إننا نخرج ونستمتع بوقتنا وبس، كان مهتم كمان يتابع حالتي الصحية ويتأكد إن كل حاجة بقت كويسة.
وفي يوم قال لي:
مجد: تعالي، هنزور الدكتور اللي كنت متفق معاه، علشان يطمني على حالتك أكتر.
وفعلاً رحنا للدكتور، وكان مندهش جداً من فترة التعافي اللي حصلت في وقت قصير.
وبدأ يتكلم مع مجد عن حالتي، وكنت فاهمة كل كلمة بيقولها بحكم إني دكتورة.
وفي نهاية الكشف، قال له إن الخطر زال نهائياً، وإن حالتي تسمح لي إني أبدأ أمارس حياتي بشكل طبيعي، وأتحرك وأجري زي ما أحب، وإن المرحلة الصعبة اللي مريت بيها بقت من الماضي.
كنت مبسوطة جداً بكلام الدكتور، وحسيت من جوايا إن كل الموانع اللي كانت واقفة قدامي وبتمنعني أكمل حياتي بشكل طبيعي، خلاص ما بقتش موجودة.
وإن عندي فرصة أبدأ من جديد من غير خوف.
وفعلاً الأيام كانت بتعدي بسرعة رهيبة، وأنا ومجد مع بعض.
وكأننا فعلاً لسه بادئين حياتنا من أول يوم وصلنا فيه سويسرا.
لحظات الحب اللي بينا ما كانتش بتنتهي، ولا لحظات الرومانسية. خروجنا مع بعض بالنهار وبالليل، وكل تفصيلة صغيرة كنا بنعيشها سوا كانت بتتحول لذكرى جميلة.
وكنا دايماً بنشارك أسرتنا اللحظات اللي إحنا فيها، ياسين وماما ورغد وحازم، ونتواصل معاهم باستمرار ونطمن عليهم.
وفي أوقات كتير كنت ببقى قاعدة سرحانة في الطبيعة الخلابة اللي حواليا، وببص للمناظر الساحرة، وأتأمل جمال كل حاجة.
كنت حاسة إن ربنا عوضني كتير عن كل اللي مريت بيه.
عوضني عن وجعي، وعن خوفي، وعن الأيام اللي كنت فاكرة إنها مش هتعدي.
عوضني بمجد...
الإنسان اللي وجوده في حياتي كان أجمل فرحة ربنا رزقني بيها.
ديون النبض
بقلم الكاتبة مروة صياح

كل مكان كنت بروحه مع مجد، كنت بحس إنه مختلف، بغض النظر عن جمال المكان وطبيعته الساحرة، لكن كان فيه جمال تاني بالنسبالي، لأني كنت بشوف كل حاجة بعيوني ومجد معايا.
زرنا مدينة رومانسية جداً اسمها لوسيرن، فيها جسر خشبي قديم وبحيرة محاطة بالجبال.
فضلت أنا ومجد نتمشى على الجسر، وركبنا مركب في البحيرة، وفي آخر اليوم، وقت الغروب، اتعشينا على ضفاف البحيرة.
كنت واقفة على المركب، والهوا بيطير شعري، ومجد واقف جنبي، ماسكني ومحاوطني بدراعاته، وبيحكيلي عن أحلامه وهو معايا.
وبعدها زرنا مكان تاني اسمه لاوتربرونين.
ودي كانت من أجمل الأماكن اللي شفتها في حياتي. وادي أخضر، والجبال اللي حواليه عالية، وشلالات نازلة من ارتفاعات مختلفة.
اتمشينا وسط الخضرة، ووقفنا قدام الشلال، وبعدها قعدنا في مكان هادي نتفرج على الجبال.
كنت مستمتعة جداً بالهوا، لدرجة إني وقفت وفتحت دراعاتي وغمضت عيني، وأخدت نفس عميق، وقلت لمجد:
وعد: أنا حاسة إن الدنيا واسعة قوي وجميلة بالشكل ده.
وبعدها رحنا مكان تالت، بحيرة برينز.
المياه هناك لونها فيروزي وصافية جداً، والجبال الخضرا محاوطاها من كل ناحية.
ركبنا مركب وسط المياه، وزرنا قرية إيزلتفالد الموجودة على ضفاف البحيرة، وقعدنا على الرصيف الخشبي نتأمل المنظر.
مجد ما كانش بيضيع أي لحظة من غير ما يصورني، علشان تبقى ذكرى حلوة لينا.
وقعد جنبي، وكان كل شوية يقولي إن كل اللحظات دي عمره ما هينساها، وإن كل لحظة عدت من أيامنا بتتحفر جواه، مش مجرد ذكرى، لكن أمل جديد نعيش بيه ونكمل حياتنا.
وبعدها رحنا القرية الجبلية جريندلفالد.
كانت وسط الطبيعة، بيوتها خشبية وشرفاتها مليانة زهور، وخلفها جبال الألب.
ركبنا التلفريك، وكنت خايفة جداً، لكن مجد كان مطمني طول الوقت.
وزرنا منطقة فيرست كليف ووك، واتمشينا وسط الخضرة، وشفت بحيرة باخالبسي.
ومجد كان كل شوية يفاجئني بنزهة مختلفة، مرة فوق الجبال، ومرة قدام البحيرة، ومرة نقف نتأمل انعكاس الجبال على المياه.
وبعدها رحنا إنترلاكن، المدينة الجميلة الموجودة بين بحيرتين، وفيها مساحات واسعة من الخضرة وإطلالات بتكشف جمال جبال الألب.
فضلنا نتمشى ونزور الأماكن من مكان للتاني، وننتقل من حديقة للتانية.
وكنا بنقعد على العشب الأخضر مستمتعين بكل حاجة حوالينا.
لدرجة إني في مرة فردت ضهري على الخضرة، ومجد عمل زيي، وعيوننا اتقابلت، وفضلنا نبتسم لبعض وإحنا مستمتعين بالمنظر اللي حوالينا.
ومش بس كده، ما كناش بنكتفي إننا نقضي وقتنا في الأوتيل، لكن كنا بنحاول نزور كل مكان نقدر عليه.
زرنا قرية جبلية ساحرة اسمها زيرمات، وكان بيميزها جبل ماترهورن.
ركبنا القطار الجبلي، وشوفنا انعكاس الجبل في البحيرة، وبعدها في آخر اليوم اتعشينا في مطعم جبلي هادي.
كنت واقفة هناك ببص للجبل، وقلت لمجد:
وعد: الدنيا دي جميلة قوي، والكون اللي ربنا خلقه فيه من الجمال والطبيعة الساحرة حاجات كتيرة جداً. مهما شوفنا، عمرنا ما هنقدر نشوف كل جمال خلقه ربنا.
وبعدها زرنا مدينة هادية على بحيرة جنيف اسمها مونترو.
كان فيها ممشى طويل، والزهور والمناظر الخلابة في كل مكان.
اتمشينا على الكورنيش، وزرنا قلعة شيلون، وركبنا مركب وقت الغروب.
وكالعادة، مجد كان بيفاجئني إننا نقضي سهرة رومانسية مختلفة في كل مكان بنزوره.
زرنا الأماكن دي كلها، وكنا مستمتعين بكل لحظة في شهر العسل.
كانت التجارب بالنسبة لي جميلة جداً، لكن الأجمل من كل الأماكن اللي شفتها، إن مجد كان موجود معايا فيها.
كنت بحس إن ربنا مش بس عوضني عن الأيام الصعبة اللي عدت، لكنه اداني فرصة أعيش لحظات كنت فاكرة إني ممكن ما أعيشهاش أبداً.
وكل ما كنت ببص لمجد، كنت بحس إن سعادتي الحقيقية مش في المكان اللي أنا فيه، لكن في الإنسان اللي بيشاركني كل لحظة فيه.
ديون النبض
بقلم الكاتبة مروة صياح

الأيام كانت بتعدي بسرعة رهيبة، وكأننا لسه واصلين من شوية، رغم إننا كنا بنعيش تفاصيل كل يوم بكل لحظاته.
كنا مقيمين في منطقة إنترلاكن، وقريبة من جريندلفالد ولاوتربرونين، ومن هناك كنا بننطلق كل شوية نزور الأماكن القريبة مننا.
رحلة مركب وقت الغروب، ونزهة وقت الشروق، والليلة اللي قضيناها في الشاليه الجبلي وسط الطبيعة والهدوء.
الأيام دي كلها كنت حاسة إني بستمد من الطبيعة الخلابة اللي حواليا طاقة تساعدني أتعافى، وأقدر أقف على رجلي من جديد. كان لكل مكان سحره الخاص، وكل منظر كنت بشوفه كان بيخليني أحس إن الحياة لسه فيها حاجات جميلة كتير مستنيانا.
قضينا فعلاً في سويسرا أحلى أيام عمرنا.
ومش بس كده، إحنا زرنا كل الأماكن اللي قدرنا نزورها في سويسرا، وما كانتش بالنسبة لي مجرد خلفية سياحية بنلتقط قدامها الصور، على قد ما كنت مستمتعة بكل لحظة، وبكل مكان زرته، وبكل تفصيلة عشتها مع مجد.
كل مكان كان ليه ذكرى، وكل ذكرى كانت بتاخد مكانها جوا قلبي، وكأن الرحلة دي ما كانتش مجرد شهر عسل، لكنها انعكاس لبداية جديدة لحياتنا مع بعض.
ديون النبض
بقلم الكاتبة مروة صياح

الشهرعدي بسرعة رهيبة، وبدأت أنا ومجد نجهز نفسنا للسفر علشان نرجع مصر تاني.
بعد ما قفلنا الشنط، وكنا خلاص هنتحرك من الأوتيل، بصيت حواليا للغرفة اللي كنا مقيمين فيها، وحسيت إن كل حاجة فيها هتوحشني. كل ركن فيها كان وراه ذكرى حلوة عشتها مع مجد.
مجد بصلي وقال:
مجد: مش هتكون آخر مرة إن شاء الله هنيجي هنا، وهنكرر الزيارة باستمرار. المكان هنا عجبك؟
ابتسمت وقلت له:
وعد: كل حاجة هنا عجبتني، والأحسن من كل ده إن إنت موجود معايا. أنا حاسة إن أي مكان هروحه هيكون جنة بالنسبة لي لمجرد إنك معايا يا مجد. أنا مبسوطة جداً لأنك في حياتي، ومبسوطة إن قلبي بيحبك إنت.
قربت منه ودخلت في حضنه وقلت له:
وعد: أنا بعشقك أوي يا مجد.
هو كمان ضمني لحضنه أكتر، وأخد نفس طويل وقال:
مجد: وعد، أنا حاسس إني مبسوط وسعيد جداً علشان شايف السعادة في عينيكي، وحاسس بيها في قلبك.
فضلنا واقفين فترة، وكأن حضننا هو اللي بيحكي عن كل السعادة اللي إحنا حسيناها مع بعض، وبعدها اتحركنا علشان نرجع مصر مرة تانية.
وبعد ساعات طويلة وصلنا مصر.
كنت مشتاقة جداً أشوف ماما وياسين ورغد وحازم وحور. والأجمل من كل ده إن رجلي كانت رجعت لطبيعتها، بقيت بتحرك وبمشي وبجري زي زمان.
الشهر ده فرق معايا كتير، مش بس في نفسيتي، لكن كمان في رحلة التعافي اللي كنت بدأتها. لدرجة إني حسيت إني مش محتاجة علاج طبيعي ولا أي حاجة تانية، وإن كل اللي كنت محتاجاه إني أعيش وأستمتع بحياتي من جديد.
وبمجرد ما وصلنا، لقيت حازم ورغد وماما وياسين مستنيينا في المطار.
أول ما شفتهم جريت عليهم، لدرجة إن مجد اتخض من جريي بالطريقة دي، لكن أنا كنت حاسة إني قادرة أجري وأتحرك وأتنطط بطبيعتي زي زمان.
ارتميت في حضن ماما، كانت وحشاني جداً، وفضلت أبوسها في كل حتة، على وشها، وأبوس إيديها.
ولما شفت ياسين أخدته في حضني وقلت له:
وعد: وحشتني جداً يا ياسين.
وبعدها سلمت على حازم، اللي ضمني بقوة وقال لي:
حازم: وحشتيني يا وعد. إنتي فارقة فعلاً، ووجودك كان فارق معانا جداً.
ولما شفت رغد لقيت عينيها مليانة دموع، وقالت لي:
رغد: فعلاً يا وعد، إنتي ومجد وحشتونا جداً. كنا حاسين بفرق وجودكم وبُعدكم عننا، حتى لو كنا بنكلمكم في التليفون.
وبعد كده مسكت حور وشيلتها وضمّيتها لحضني بقوة. كنت حاسة إن جزء من روحي كان مفقود ورجع لي تاني.
مجد سلم عليهم كلهم، وبعدها رجعنا سوا. كانت ماما مجهزة لنا الغدا، واتجمعنا كلنا حوالين السفرة. كنا رافضين نرتاح قبل ما نقعد معاهم وقت كفاية، وكأننا عايزين نعوض كل اللحظات اللي فاتتنا وإحنا بعيد عنهم.
وبعد ما قضينا معاهم وقت طويل، اتحركنا ورجعنا شقتنا تاني.
رجعت لحياتي مع مجد في بيتنا، لكن المرة دي كان قدامي هدف جديد. كنت عايزة أبدأ حياتي معاه من جديد، أروح المستشفى وأبدأ أساعده في العيادة، وحتى لو كان لسه قدامي شهور علشان أرجع أكمل دراستي وتخصصي، كنت مصممة إني ما أسيبش مجد، وأكون جنبه وأساعده في كل حاجة.
ومجد بدأ بالفعل يخليني أكون جزء من يومه وشغله.
عدت الأيام، وبدأت أتواجد معاه في العيادة. وأول يوم دخلت فيه كنت عاملها له مفاجأة.
دخلت لقيته قاعد على مكتبه ومشغول في شغله. خبطت على الباب، فقال لي:
مجد: ادخل.
فتحت الباب وبصيت له وابتسمت.
ومجرد ما شافني، ابتسم ابتسامة عريضة، وقام من مكانه بسرعة، وقفل الباب، وبعدها أخدني في حضنه.
ضمني لحضنه، وطبع قبلة طويلة على شفايفي، وقال:
مجد: وحشتيني أوي! إيه المفاجأة الجميلة دي؟
ضحكت وقلت له:
وعد: بجد مبسوط؟
مجد: طبعاً يا وعد.
وعد: طب أنا جاية علشان أساعدك.
بصلي وقال:
مجد: بس أنا كنت عايزك ترتاحي شوية.
هزيت راسي وقلت له:
وعد: أنا ارتحت معاك، ودلوقتي عايزة أكون جنبك.
وبالفعل فضلت موجودة معاه، ولبست البالطو وبدأت أساعده في الكشف على المرضى الموجودين.
وفي آخر اليوم رجعنا البيت سوا.
كنت قاعدة وسرحانة، وحسيت إني محتاجة أرتب أفكاري وأنظم تفاصيل يومي، ما بين دوري كزوجة، ودوري إني أكون موجودة مع مجد في المستشفى، وإني أشاركه كل تفصيلة من تفاصيل حياته.
كانت الأيام بتعدي بسرعة رهيبة، ومع ذلك كنت حريصة إني أتواصل مع دكتورة جيهان وسارة. كانوا مبسوطين جداً لما عرفوا إني وقفت على رجلي ورجعت أمشي من جديد.
لكن حالة سارة الصحية كانت بتتأثر أكتر، وبدأت تسوء مع الوقت.
وقررت إني أفتح الموضوع مع مجد.
وفي يوم خرجت من البيت، وكان هدفي إني أزور سارة وأطمن عليها.
ركبت تاكسي ووصلت، ومجرد ما شفتها لقيتها قاعدة على سريرها، وتعبانة جداً. الحمل كان واخد من صحتها، ونفسيتها تقريباً كانت مدمرة بسبب بُعد مجد عنها وعدم وجوده جنبها.
في اللحظة دي حسيت قد إيه هي بتتعذب، لأني شايفاها قدامي بتتألم، وفي إيدي أمل بسيط إني أحاول أغير الوضع ده.
وقلت لنفسي: ليه ما أحاولش أستغل الأمل ده وأتكلم مع مجد؟
بعد ما اطمنت عليها، قررت إني فعلاً أتكلم معاه.
خرجت من الفيلا واتجهت للمستشفى. ولما وصلت، دخلت على مجد، وأول ما شافني قال:
مجد: اتأخرتي النهارده كده ليه؟
ابتسمت وقلت له:
وعد: كان في حالة زرتها النهارده، وكنت بتابعها من فترة.
بصلي وقال:
مجد: أنا أعرفها؟
هزيت راسي وقلت له:
وعد: أيوه، بس هي محتاجة لك أوي يا مجد.
قام من مكانه وخلع البالطو وقال:
مجد: طب ليه ما قلتيليش نروح لها سوا؟
بصيت له وقلت:
وعد: توعدني فعلاً إنك تكون موجود معايا ونزورها سوا؟
بصلي وقال:
مجد: وعد، أي مريض محتاج مساعدة ومحتاج وجودنا جنبه، إنتي عارفة إني مش هتأخر في كده.
بصيت له وابتسمت، وقربت منه وحضنته، وقلت له وأنا ببكي:
وعد: مجد، أنا عايزة أقولك على حاجة... هي فعلاً محتاجة لك جداً.
بصلي باستغراب وقال:
مجد: مالك يا وعد؟ إنتي ليه متأثرة أوي كده؟ هو طبعاً مش غريب عليكي إنك تتأثري بحالات المرضى، بس هي تهمك أوي كده؟
مسكته وقلت له:
وعد: تهمني وتهمك يا مجد، وتهمنا كلنا.
بصلي وقال:
مجد: مش فاهم يا وعد... حد أنا أعرفه كويس؟ حد أعرفه أوي؟
قلت له:
وعد: أيوه، هي محتاجة إن إحنا نتابع حالتها.
قال لي:
مجد: طيب، هي مش قادرة على العلاج؟ محتاجة عملية؟
هزيت راسي وقلت له:
وعد: القصة مش قصة فلوس، هي فعلاً عايزة تحس إنها مش لوحدها، وخصوصاً إنها حامل.
وقبل ما يرد، بصيت له وقلت:
وعد: مجد، ممكن توعدني إن إحنا نزورها مع بعض؟
بص في ساعته وقال:
مجد: لو كان في وقت النهارده كنا روحنا سوا، طب ممكن نخليها بكرة؟ وأنا بوعدك إن إحنا نزورها مع بعض.
بصيت له وابتسمت وقلت:
وعد: خليك فاكر إن إنت وعدتني. المريضة دي محتاجة لنا جداً يا مجد.
بصلي وابتسم وقال:
مجد: حاضر يا وعدي أنا. أنا وعدتك، وإن شاء الله هنفذ وعدي.
وفعلاً رجعنا البيت، وكان قرب الساعة ستة. اتغدينا مع بعض، لكن بالي كان مشغول جداً بسارة.
مجد كان واخد باله من شرودي، فقرب مني ومسك إيدي وقال:
مجد: مالك يا وعد؟ حاسس إنك النهارده سرحانة. لدرجة إن الحالة دي شاغلة بالك بالشكل ده؟ طب احكيلي تفاصيل أكتر.
بصيت له وقلت:
وعد: هي عندها مرض كهرباء زيادة في القلب.
بصلي، وحسيت إنه اتضايق، وقال:
مجد: إنتي عارفة طبعاً المرض ده أعراضه إيه، بس اكتشفوه متأخر؟
قلت له:
وعد: لأ، هي اللي عرفت متأخر، لكن أهلها كانوا عارفين من وهي صغيرة، بس خبّوا عليها. وهي دلوقتي..... وسكت ..
إنت أكيد عارف وفاهم، ممكن تموت في أي لحظة....
أنا خايفه عليها جدا يا مجد...
وكان مصمم إنه يعمل لي فرح، وإني ألبس فستان أبيض، وأحس بفرحتي زي أي بنت.
لكن أنا كانت فرحتي مختلفة. وجودي معاه كان كفاية بالنسبة لي. ما كانتش كل مظاهر الفرح دي هي اللي تهمني، ولا كانت مهمة عندي بالشكل ده.
كل اللي كان يهمني فعلاً إني أكون موجودة معاه، وإنه هو كمان يكون مرتاح وسعيد معايا. ده كان هدفي الحقيقي.
فضلنا يومين تقريباً في شقتنا، لدرجة إني ما كنتش بشوف ماما ولا رغد ولا حازم ولا ياسين. سابونا براحتنا نقضي وقتنا مع بعض.
كانت لحظاتنا كلها حب ورومانسية، وكأننا بنعوض الحرمان اللي إحنا حسينا بيه قبل كده.
بالنسبة لي، كنت عايزة أعوض مجد عن حياتنا مع بعض اللي اتأخرت، وعن كل اللحظات اللي اتحرمنا منها.
ما كنتش شايفة إن عجزي سبب يمنعنا نعيش سعادتنا، لكن كان فارق جداً بالنسبة لي إني أكون موجودة معاه في كل تفاصيل حياتنا.
حتى إني أكون في حضنه وأنا واقفة، أو هو يشيلني وأكون في حضنه وأنا مش قادرة أتحرك.
كنا بنستغل كل لحظة وإحنا مع بعض، حتى اللحظات البسيطة اللي كنا بنحلم بيها، زي إني أكون في حضنه ونرقص رقصة هادية مع بعض.
ما كناش بنضيع أي فرصة نعيش فيها اللحظات دي.
مجد فعلاً قفل تليفوناته، وكان مهتم بيا وبكل تفاصيلي أكتر من الأول. حسيت فعلاً قد إيه أنا غالية جداً عنده، وإن أنا بالنسبة له رقم واحد، وأهم من نفسه.
عدى اليومين، وكان فاضل تقريباً اتناشر ساعة على معاد الطيارة.
خرجت أنا ومجد من أوضتنا على العصر، وكنت حاسة إني جعانة جداً.
بصيت لمجد وقلت له:
وعد: يا مجد، أنا جعانة قوي.
بص لي وضحك وقال:
مجد: قلت لك كده امبارح، نطلب أكل بزيادة.
ضحكت وقلت له:
وعد: لا، أكيد ماما محضرة لنا غدا، وعاملة حسابها إن إحنا هنتغدى معاها النهارده قبل ما نسافر.
بص لي وقال:
مجد: معاكي حق. إحنا النهارده عايزين نقضي معاهم اليوم قبل ما نسافر، براحتنا ونقعد قعدتنا زي ما كنا بنتمناها. تعرفي، بالرغم إني عمري ما بشبع منك، ولا من وجودي معاكي، لكن بصراحة وجودنا مع بعض كلنا ليه مذاق تاني وسعادة تانية.
بصيت له وابتسمت وقلت:
وعد: تعرف يا مجد، لما بشوفك وسطنا بكون مبسوطة جداً وسعيدة، وبحس فعلاً إن أنت كمان سعيد.
بص لي وقال:
مجد: اللي اتحرم من حاجة بيبقى مشتاق لها قوي يا وعد.
بصيت له وقلت:
وعد: وبعدين يا مجد؟
كنت عايزة أكلمه في الموضوع، لكن سكت.
بص لي وقال:
مجد: وعد، سيبيني بعد إذنك... مش عايزين نفتح أي موضوع يعكر صفونا دلوقتي.
قلت له:
وعد: مجد، أنا مش هفتح معاك موضوع، بس ممكن أسألك سؤال؟
بص لي، وكان حاسس إني عايزة أسأله عن إيه بالضبط.
قلت له:
وعد: أنت ما حسيتش إنك هديت ناحية مامتك وسارة؟
بص لي وسكت شوية، وبعدها قال:
مجد: وعد، يلا علشان نقعد معاهم.
حسيت إنه لسه زي ما هو، وإن قراره في الموضوع ده ما اتغيرش.
لكن مسكت إيده وقلت له:
وعد: مجد، أنت عارف أنا قد إيه بحبك، وصدقني أنت لازم تاخد قرار في الموضوع ده. إحنا بقالنا تقريباً شهرين من بعد ما اتجوزنا، والشهرين دول ما كانوش كافيين إنك تعاقبهم. هما فعلاً حسوا بغلطهم وندموا.
بص لي وقال:
مجد: لا يا وعد، مش كافيين. عايزاني أعتبر سنين الحرمان، وسنين التعب والعذاب والصد، مجرد شهرين؟
بصيت له وقلت:
وعد: بس أنت قلبك أكبر من كده بكتير يا مجد. صدقني، قلبك مش هيستحمل يفضل بعيد عنهم بالشكل ده. في الأول والآخر دي أمك، وسارة بنت خالك من ناحية، ومن ناحية تانية هي زوجتك.
بص لي وقال بحسم:
مجد: أنا ليا زوجة واحدة بس، وهي أنت. وحبيبة واحدة بس، وهي أنت. وعد، أنا بعشقك أنت، ومش شايف نفسي مع أي حد غير معاكي.
وطيت راسي وسكت.
كان نفسي أقوله إن سارة تعبانة ومحتاجاك جنبها، ومحتاجاك تكون موجود في حياتها، لكن ما قدرتش أتكلم دلوقتي.
كنت عارفة إن الكلام في الوقت ده مش هيكون سهل، لكن كان في بالي إني لازم أخليه يعرف مع الوقت.
يمكن مع الأيام يرق لحالها، ويحن عليها، ويقدر يتجاوز اللي حصل.
أنا فعلاً كنت قلقانة جداً وخايفة عليها، وكل اللي كنت بتمناه إن مجد يقدر يهدى، وإن الأيام تكون سبب في تغيير قراره، قبل ما المسافة اللي بينه وبينهم تكبر أكتر.
ديون النبض
بقلم الكاتبة مروة صياح
اتحركت أنا ومجد، واتجمعنا في شقة ماما لأول مرة بعد يومين عدّوا من غير ما نشوفهم.
اتغدينا مع بعض، وكانت ماما عاملالي كل حاجة بحبها، ليا أنا ومجد. كنت حاسة إني جعانة جداً، وعايزة أشبع من أكلهم، والأهم من قعدتنا ولمتنا مع بعض.
فضلنا نضحك ونهزر كعادتنا. كانت لمتنا وضحكنا وهزارنا ليهم طعم مختلف، وفضلنا قاعدين مع بعض لحد الساعة اتناشر بالليل.
كان فاضل ست ساعات على معاد الطيارة، وساعتها مجد قال لي:
مجد: يلا يا وعد، علشان تلحقي ترتاحي شوية قبل معاد الطيارة.
وبالفعل اتحركت أنا ومجد على شقتنا.
وبمجرد ما دخلنا الشقة، شالني بين إيديه.
بصيت له وضحكت وقلت:
وعد: على فكرة، أنا خلاص بقيت بتحرك لوحدي.
ضحك وقال:
مجد: بس أنا مش بشيلك علشان الحركة دلوقتي، أنا بشيلك علشان أدللك وأدلعك.
بصيت له وقلت:
وعد: بس أنا خايفة أخد على كده.
ضحك وقال:
مجد: ومين قالك إني مش عايزك تتعودي على كده؟ بالعكس، أنا عايزك دايماً تعرفي إن مجد عمره ما هيقصر معاكي، وهيفضل يحبك ويدلعك على طول. ربنا يعيني وأسعدك دايماً يا وعد، يا أجمل حاجة في حياتي كلها.
بصيت له وابتسمت، ودخلت في حضنه.
ودخلنا مع بعض أوضة النوم، وبمجرد ما الباب اتقفل، حسيت وكأننا قفلنا معاه على كل أحزاننا ووجعنا وتعبنا.
حتى مجد، اللي كنت بحس بإرهاقه وضغط شغله طول الوقت، كان محتاج ينسى كل حاجة ويعيش اللحظات دي معايا.
وقضيت معاه أجمل ليلة من ليالي عمري، وكأني فعلاً في أول يوم أكون فيه في حضنه ومعاه.
كانت ليلة مختلفة في كل حاجة؛ في قربه مني، وفي تفاصيله، وفي رقته معايا وحنّيته.
وبعدها غلبنا النعاس.
صحيت على صوته وهو بيقول:
مجد: يا وعدي...
فتحت عيني، وكانت ابتسامة مرسومة على شفايفي، وقلت له:
وعد: مجدي انا ، أنت صحيت؟
قال لي:
مجد: يلا علشان هنتأخر على الطيارة.
ومسك إيدي وطبع عليها قبلة طويلة، وقال:
مجد: صباح الخير يا أحلى حاجة حلوة حصلت لي في حياتي.
ابتسمت ودخلت في حضنه وقلت له:
وعد: تعرف إن أنت وحشتني قوي؟
بص لي وابتسم وقال:
مجد: حتى وأنا معاكي؟
ضحكت وقلت:
وعد: حتى وأنت معايا.
وبصيت له وسألته:
وعد: هي الساعة كام؟
بص لي وقال:
مجد: هو إحنا المفروض دلوقتي نكون في المطار، لكن إحنا لسه في البيت.
بصيت له وضحكت وقلت:
وعد: ومين قالك إنك تصحينا متأخر؟
بص لي وهو بيحضنني وقال:
مجد: يعني أعمل إيه؟ بصراحة أنا مش عايز أسيب حضنك أبداً. حاسس إني هتحرم منه لحد ما نوصل سويسرا.
بصيت له وقلت:
وعد: يعني الناس كلها بتقضي شهر عسل في الغردقة ولا شرم الشيخ، وأنا أروح سويسرا مرة واحدة؟
ضحك وقال:
مجد: ده حظك ونصيبك، علشان أنت دايماً قلبك طيب وبيحب الخير لغيره. ربنا يقدرني وأسعدك يا وعدي أنا.
وفعلاً اتحركنا ولبسنا، وكانت ماما ورغد، وحتى حور، صاحيين وكأنهم مستنيينا علشان يودعونا قبل ما نسافر..... وجاهزين علشان يوصلونا.
وفعلاً وصلنا المطار.
كانت دي أول مرة في حياتي أفارق فيها حازم وأبعد عن ماما وياسين ورغد. ما كنتش عارفة إزاي فعلاً هبعد عنهم الفترة دي.
كان الفراق صعب عليا جداً، ودموعي نزلت من غير ما أحس.
لكن مجد مسكني بقوة وقال:
مجد: هنطمن عليهم باستمرار يا وعد.
بصيت له وقلت:
وعد: أنا ما بحبش لحظة الفراق دي، ولا بحب أبعد عن اللي أنا بحبهم.
بص لي وقال:
مجد: هنتطمن عليهم كل يوم، وهنكلمهم باستمرار يا وعد.
وبعدها سلمت عليهم، وسيبناهم واتجهنا لصالة السفر.
بدأنا نخلص إجراءات السفر والأوراق المطلوبة، وبعدها ركبنا الطيارة.
بصيت لمجد، وهو كمان بص لي، وبعدها غمضت عيني، وبدأت الطيارة تتحرك فعلاً.
فضلنا فترة طويلة وهو ماسك إيدي، وكنا قاعدين جنب بعض، وبعدها غلبنا النعاس.
صحينا قبل ما نوصل بنص ساعة، بص لي وقال:
مجد: وعد، أنت مش جعانة؟
هزيت راسي وقلت:
وعد: لأ.
قال لي:
مجد: طب لما نوصل هنجوع أكتر، لازم تاكلي حاجة دلوقتي.
وبدأ يفتح لي عصير ويديني بعض السندوتشات، وفعلاً أكلنا سوا.
وبعدها وصلنا، ونزلنا من الطيارة واتجهنا للأوتيل.
أول ما دخلنا الغرفة، مجد أخدني في حضنه وضمني بقوة، وبعدها قال لي:
مجد: هنفضل هنا في الأوتيل نرتاح شوية، وبعدها عايز ألف بيكي الدنيا كلها. مش عايز أحرم نفسي منك في أي حاجة، ولا من سعادتي معاكي.
وفعلاً ارتحنا شوية، وبعدها بدأنا نخرج ونزور أماكن كتير.
ما كنتش حتى متوقعة إن أول سفر ليا خارج مصر تكون بالشكل ده!
كل مكان خرجنا فيه أنا ومجد كان مختلف. أماكن واسعة ومفتوحة، فيها خضرة وشمس وهوا نقي، ومناظر كنت أفضل أتأملها بالساعات.
لكن مجد ما اكتفاش إننا نخرج ونستمتع بوقتنا وبس، كان مهتم كمان يتابع حالتي الصحية ويتأكد إن كل حاجة بقت كويسة.
وفي يوم قال لي:
مجد: تعالي، هنزور الدكتور اللي كنت متفق معاه، علشان يطمني على حالتك أكتر.
وفعلاً رحنا للدكتور، وكان مندهش جداً من فترة التعافي اللي حصلت في وقت قصير.
وبدأ يتكلم مع مجد عن حالتي، وكنت فاهمة كل كلمة بيقولها بحكم إني دكتورة.
وفي نهاية الكشف، قال له إن الخطر زال نهائياً، وإن حالتي تسمح لي إني أبدأ أمارس حياتي بشكل طبيعي، وأتحرك وأجري زي ما أحب، وإن المرحلة الصعبة اللي مريت بيها بقت من الماضي.
كنت مبسوطة جداً بكلام الدكتور، وحسيت من جوايا إن كل الموانع اللي كانت واقفة قدامي وبتمنعني أكمل حياتي بشكل طبيعي، خلاص ما بقتش موجودة.
وإن عندي فرصة أبدأ من جديد من غير خوف.
وفعلاً الأيام كانت بتعدي بسرعة رهيبة، وأنا ومجد مع بعض.
وكأننا فعلاً لسه بادئين حياتنا من أول يوم وصلنا فيه سويسرا.
لحظات الحب اللي بينا ما كانتش بتنتهي، ولا لحظات الرومانسية. خروجنا مع بعض بالنهار وبالليل، وكل تفصيلة صغيرة كنا بنعيشها سوا كانت بتتحول لذكرى جميلة.
وكنا دايماً بنشارك أسرتنا اللحظات اللي إحنا فيها، ياسين وماما ورغد وحازم، ونتواصل معاهم باستمرار ونطمن عليهم.
وفي أوقات كتير كنت ببقى قاعدة سرحانة في الطبيعة الخلابة اللي حواليا، وببص للمناظر الساحرة، وأتأمل جمال كل حاجة.
كنت حاسة إن ربنا عوضني كتير عن كل اللي مريت بيه.
عوضني عن وجعي، وعن خوفي، وعن الأيام اللي كنت فاكرة إنها مش هتعدي.
عوضني بمجد...
الإنسان اللي وجوده في حياتي كان أجمل فرحة ربنا رزقني بيها.
ديون النبض
بقلم الكاتبة مروة صياح
كل مكان كنت بروحه مع مجد، كنت بحس إنه مختلف، بغض النظر عن جمال المكان وطبيعته الساحرة، لكن كان فيه جمال تاني بالنسبالي، لأني كنت بشوف كل حاجة بعيوني ومجد معايا.
زرنا مدينة رومانسية جداً اسمها لوسيرن، فيها جسر خشبي قديم وبحيرة محاطة بالجبال.
فضلت أنا ومجد نتمشى على الجسر، وركبنا مركب في البحيرة، وفي آخر اليوم، وقت الغروب، اتعشينا على ضفاف البحيرة.
كنت واقفة على المركب، والهوا بيطير شعري، ومجد واقف جنبي، ماسكني ومحاوطني بدراعاته، وبيحكيلي عن أحلامه وهو معايا.
وبعدها زرنا مكان تاني اسمه لاوتربرونين.
ودي كانت من أجمل الأماكن اللي شفتها في حياتي. وادي أخضر، والجبال اللي حواليه عالية، وشلالات نازلة من ارتفاعات مختلفة.
اتمشينا وسط الخضرة، ووقفنا قدام الشلال، وبعدها قعدنا في مكان هادي نتفرج على الجبال.
كنت مستمتعة جداً بالهوا، لدرجة إني وقفت وفتحت دراعاتي وغمضت عيني، وأخدت نفس عميق، وقلت لمجد:
وعد: أنا حاسة إن الدنيا واسعة قوي وجميلة بالشكل ده.
وبعدها رحنا مكان تالت، بحيرة برينز.
المياه هناك لونها فيروزي وصافية جداً، والجبال الخضرا محاوطاها من كل ناحية.
ركبنا مركب وسط المياه، وزرنا قرية إيزلتفالد الموجودة على ضفاف البحيرة، وقعدنا على الرصيف الخشبي نتأمل المنظر.
مجد ما كانش بيضيع أي لحظة من غير ما يصورني، علشان تبقى ذكرى حلوة لينا.
وقعد جنبي، وكان كل شوية يقولي إن كل اللحظات دي عمره ما هينساها، وإن كل لحظة عدت من أيامنا بتتحفر جواه، مش مجرد ذكرى، لكن أمل جديد نعيش بيه ونكمل حياتنا.
وبعدها رحنا القرية الجبلية جريندلفالد.
كانت وسط الطبيعة، بيوتها خشبية وشرفاتها مليانة زهور، وخلفها جبال الألب.
ركبنا التلفريك، وكنت خايفة جداً، لكن مجد كان مطمني طول الوقت.
وزرنا منطقة فيرست كليف ووك، واتمشينا وسط الخضرة، وشفت بحيرة باخالبسي.
ومجد كان كل شوية يفاجئني بنزهة مختلفة، مرة فوق الجبال، ومرة قدام البحيرة، ومرة نقف نتأمل انعكاس الجبال على المياه.
وبعدها رحنا إنترلاكن، المدينة الجميلة الموجودة بين بحيرتين، وفيها مساحات واسعة من الخضرة وإطلالات بتكشف جمال جبال الألب.
فضلنا نتمشى ونزور الأماكن من مكان للتاني، وننتقل من حديقة للتانية.
وكنا بنقعد على العشب الأخضر مستمتعين بكل حاجة حوالينا.
لدرجة إني في مرة فردت ضهري على الخضرة، ومجد عمل زيي، وعيوننا اتقابلت، وفضلنا نبتسم لبعض وإحنا مستمتعين بالمنظر اللي حوالينا.
ومش بس كده، ما كناش بنكتفي إننا نقضي وقتنا في الأوتيل، لكن كنا بنحاول نزور كل مكان نقدر عليه.
زرنا قرية جبلية ساحرة اسمها زيرمات، وكان بيميزها جبل ماترهورن.
ركبنا القطار الجبلي، وشوفنا انعكاس الجبل في البحيرة، وبعدها في آخر اليوم اتعشينا في مطعم جبلي هادي.
كنت واقفة هناك ببص للجبل، وقلت لمجد:
وعد: الدنيا دي جميلة قوي، والكون اللي ربنا خلقه فيه من الجمال والطبيعة الساحرة حاجات كتيرة جداً. مهما شوفنا، عمرنا ما هنقدر نشوف كل جمال خلقه ربنا.
وبعدها زرنا مدينة هادية على بحيرة جنيف اسمها مونترو.
كان فيها ممشى طويل، والزهور والمناظر الخلابة في كل مكان.
اتمشينا على الكورنيش، وزرنا قلعة شيلون، وركبنا مركب وقت الغروب.
وكالعادة، مجد كان بيفاجئني إننا نقضي سهرة رومانسية مختلفة في كل مكان بنزوره.
زرنا الأماكن دي كلها، وكنا مستمتعين بكل لحظة في شهر العسل.
كانت التجارب بالنسبة لي جميلة جداً، لكن الأجمل من كل الأماكن اللي شفتها، إن مجد كان موجود معايا فيها.
كنت بحس إن ربنا مش بس عوضني عن الأيام الصعبة اللي عدت، لكنه اداني فرصة أعيش لحظات كنت فاكرة إني ممكن ما أعيشهاش أبداً.
وكل ما كنت ببص لمجد، كنت بحس إن سعادتي الحقيقية مش في المكان اللي أنا فيه، لكن في الإنسان اللي بيشاركني كل لحظة فيه.
ديون النبض
بقلم الكاتبة مروة صياح
الأيام كانت بتعدي بسرعة رهيبة، وكأننا لسه واصلين من شوية، رغم إننا كنا بنعيش تفاصيل كل يوم بكل لحظاته.
كنا مقيمين في منطقة إنترلاكن، وقريبة من جريندلفالد ولاوتربرونين، ومن هناك كنا بننطلق كل شوية نزور الأماكن القريبة مننا.
رحلة مركب وقت الغروب، ونزهة وقت الشروق، والليلة اللي قضيناها في الشاليه الجبلي وسط الطبيعة والهدوء.
الأيام دي كلها كنت حاسة إني بستمد من الطبيعة الخلابة اللي حواليا طاقة تساعدني أتعافى، وأقدر أقف على رجلي من جديد. كان لكل مكان سحره الخاص، وكل منظر كنت بشوفه كان بيخليني أحس إن الحياة لسه فيها حاجات جميلة كتير مستنيانا.
قضينا فعلاً في سويسرا أحلى أيام عمرنا.
ومش بس كده، إحنا زرنا كل الأماكن اللي قدرنا نزورها في سويسرا، وما كانتش بالنسبة لي مجرد خلفية سياحية بنلتقط قدامها الصور، على قد ما كنت مستمتعة بكل لحظة، وبكل مكان زرته، وبكل تفصيلة عشتها مع مجد.
كل مكان كان ليه ذكرى، وكل ذكرى كانت بتاخد مكانها جوا قلبي، وكأن الرحلة دي ما كانتش مجرد شهر عسل، لكنها انعكاس لبداية جديدة لحياتنا مع بعض.
ديون النبض
بقلم الكاتبة مروة صياح
الشهرعدي بسرعة رهيبة، وبدأت أنا ومجد نجهز نفسنا للسفر علشان نرجع مصر تاني.
بعد ما قفلنا الشنط، وكنا خلاص هنتحرك من الأوتيل، بصيت حواليا للغرفة اللي كنا مقيمين فيها، وحسيت إن كل حاجة فيها هتوحشني. كل ركن فيها كان وراه ذكرى حلوة عشتها مع مجد.
مجد بصلي وقال:
مجد: مش هتكون آخر مرة إن شاء الله هنيجي هنا، وهنكرر الزيارة باستمرار. المكان هنا عجبك؟
ابتسمت وقلت له:
وعد: كل حاجة هنا عجبتني، والأحسن من كل ده إن إنت موجود معايا. أنا حاسة إن أي مكان هروحه هيكون جنة بالنسبة لي لمجرد إنك معايا يا مجد. أنا مبسوطة جداً لأنك في حياتي، ومبسوطة إن قلبي بيحبك إنت.
قربت منه ودخلت في حضنه وقلت له:
وعد: أنا بعشقك أوي يا مجد.
هو كمان ضمني لحضنه أكتر، وأخد نفس طويل وقال:
مجد: وعد، أنا حاسس إني مبسوط وسعيد جداً علشان شايف السعادة في عينيكي، وحاسس بيها في قلبك.
فضلنا واقفين فترة، وكأن حضننا هو اللي بيحكي عن كل السعادة اللي إحنا حسيناها مع بعض، وبعدها اتحركنا علشان نرجع مصر مرة تانية.
وبعد ساعات طويلة وصلنا مصر.
كنت مشتاقة جداً أشوف ماما وياسين ورغد وحازم وحور. والأجمل من كل ده إن رجلي كانت رجعت لطبيعتها، بقيت بتحرك وبمشي وبجري زي زمان.
الشهر ده فرق معايا كتير، مش بس في نفسيتي، لكن كمان في رحلة التعافي اللي كنت بدأتها. لدرجة إني حسيت إني مش محتاجة علاج طبيعي ولا أي حاجة تانية، وإن كل اللي كنت محتاجاه إني أعيش وأستمتع بحياتي من جديد.
وبمجرد ما وصلنا، لقيت حازم ورغد وماما وياسين مستنيينا في المطار.
أول ما شفتهم جريت عليهم، لدرجة إن مجد اتخض من جريي بالطريقة دي، لكن أنا كنت حاسة إني قادرة أجري وأتحرك وأتنطط بطبيعتي زي زمان.
ارتميت في حضن ماما، كانت وحشاني جداً، وفضلت أبوسها في كل حتة، على وشها، وأبوس إيديها.
ولما شفت ياسين أخدته في حضني وقلت له:
وعد: وحشتني جداً يا ياسين.
وبعدها سلمت على حازم، اللي ضمني بقوة وقال لي:
حازم: وحشتيني يا وعد. إنتي فارقة فعلاً، ووجودك كان فارق معانا جداً.
ولما شفت رغد لقيت عينيها مليانة دموع، وقالت لي:
رغد: فعلاً يا وعد، إنتي ومجد وحشتونا جداً. كنا حاسين بفرق وجودكم وبُعدكم عننا، حتى لو كنا بنكلمكم في التليفون.
وبعد كده مسكت حور وشيلتها وضمّيتها لحضني بقوة. كنت حاسة إن جزء من روحي كان مفقود ورجع لي تاني.
مجد سلم عليهم كلهم، وبعدها رجعنا سوا. كانت ماما مجهزة لنا الغدا، واتجمعنا كلنا حوالين السفرة. كنا رافضين نرتاح قبل ما نقعد معاهم وقت كفاية، وكأننا عايزين نعوض كل اللحظات اللي فاتتنا وإحنا بعيد عنهم.
وبعد ما قضينا معاهم وقت طويل، اتحركنا ورجعنا شقتنا تاني.
رجعت لحياتي مع مجد في بيتنا، لكن المرة دي كان قدامي هدف جديد. كنت عايزة أبدأ حياتي معاه من جديد، أروح المستشفى وأبدأ أساعده في العيادة، وحتى لو كان لسه قدامي شهور علشان أرجع أكمل دراستي وتخصصي، كنت مصممة إني ما أسيبش مجد، وأكون جنبه وأساعده في كل حاجة.
ومجد بدأ بالفعل يخليني أكون جزء من يومه وشغله.
عدت الأيام، وبدأت أتواجد معاه في العيادة. وأول يوم دخلت فيه كنت عاملها له مفاجأة.
دخلت لقيته قاعد على مكتبه ومشغول في شغله. خبطت على الباب، فقال لي:
مجد: ادخل.
فتحت الباب وبصيت له وابتسمت.
ومجرد ما شافني، ابتسم ابتسامة عريضة، وقام من مكانه بسرعة، وقفل الباب، وبعدها أخدني في حضنه.
ضمني لحضنه، وطبع قبلة طويلة على شفايفي، وقال:
مجد: وحشتيني أوي! إيه المفاجأة الجميلة دي؟
ضحكت وقلت له:
وعد: بجد مبسوط؟
مجد: طبعاً يا وعد.
وعد: طب أنا جاية علشان أساعدك.
بصلي وقال:
مجد: بس أنا كنت عايزك ترتاحي شوية.
هزيت راسي وقلت له:
وعد: أنا ارتحت معاك، ودلوقتي عايزة أكون جنبك.
وبالفعل فضلت موجودة معاه، ولبست البالطو وبدأت أساعده في الكشف على المرضى الموجودين.
وفي آخر اليوم رجعنا البيت سوا.
كنت قاعدة وسرحانة، وحسيت إني محتاجة أرتب أفكاري وأنظم تفاصيل يومي، ما بين دوري كزوجة، ودوري إني أكون موجودة مع مجد في المستشفى، وإني أشاركه كل تفصيلة من تفاصيل حياته.
كانت الأيام بتعدي بسرعة رهيبة، ومع ذلك كنت حريصة إني أتواصل مع دكتورة جيهان وسارة. كانوا مبسوطين جداً لما عرفوا إني وقفت على رجلي ورجعت أمشي من جديد.
لكن حالة سارة الصحية كانت بتتأثر أكتر، وبدأت تسوء مع الوقت.
وقررت إني أفتح الموضوع مع مجد.
وفي يوم خرجت من البيت، وكان هدفي إني أزور سارة وأطمن عليها.
ركبت تاكسي ووصلت، ومجرد ما شفتها لقيتها قاعدة على سريرها، وتعبانة جداً. الحمل كان واخد من صحتها، ونفسيتها تقريباً كانت مدمرة بسبب بُعد مجد عنها وعدم وجوده جنبها.
في اللحظة دي حسيت قد إيه هي بتتعذب، لأني شايفاها قدامي بتتألم، وفي إيدي أمل بسيط إني أحاول أغير الوضع ده.
وقلت لنفسي: ليه ما أحاولش أستغل الأمل ده وأتكلم مع مجد؟
بعد ما اطمنت عليها، قررت إني فعلاً أتكلم معاه.
خرجت من الفيلا واتجهت للمستشفى. ولما وصلت، دخلت على مجد، وأول ما شافني قال:
مجد: اتأخرتي النهارده كده ليه؟
ابتسمت وقلت له:
وعد: كان في حالة زرتها النهارده، وكنت بتابعها من فترة.
بصلي وقال:
مجد: أنا أعرفها؟
هزيت راسي وقلت له:
وعد: أيوه، بس هي محتاجة لك أوي يا مجد.
قام من مكانه وخلع البالطو وقال:
مجد: طب ليه ما قلتيليش نروح لها سوا؟
بصيت له وقلت:
وعد: توعدني فعلاً إنك تكون موجود معايا ونزورها سوا؟
بصلي وقال:
مجد: وعد، أي مريض محتاج مساعدة ومحتاج وجودنا جنبه، إنتي عارفة إني مش هتأخر في كده.
بصيت له وابتسمت، وقربت منه وحضنته، وقلت له وأنا ببكي:
وعد: مجد، أنا عايزة أقولك على حاجة... هي فعلاً محتاجة لك جداً.
بصلي باستغراب وقال:
مجد: مالك يا وعد؟ إنتي ليه متأثرة أوي كده؟ هو طبعاً مش غريب عليكي إنك تتأثري بحالات المرضى، بس هي تهمك أوي كده؟
مسكته وقلت له:
وعد: تهمني وتهمك يا مجد، وتهمنا كلنا.
بصلي وقال:
مجد: مش فاهم يا وعد... حد أنا أعرفه كويس؟ حد أعرفه أوي؟
قلت له:
وعد: أيوه، هي محتاجة إن إحنا نتابع حالتها.
قال لي:
مجد: طيب، هي مش قادرة على العلاج؟ محتاجة عملية؟
هزيت راسي وقلت له:
وعد: القصة مش قصة فلوس، هي فعلاً عايزة تحس إنها مش لوحدها، وخصوصاً إنها حامل.
وقبل ما يرد، بصيت له وقلت:
وعد: مجد، ممكن توعدني إن إحنا نزورها مع بعض؟
بص في ساعته وقال:
مجد: لو كان في وقت النهارده كنا روحنا سوا، طب ممكن نخليها بكرة؟ وأنا بوعدك إن إحنا نزورها مع بعض.
بصيت له وابتسمت وقلت:
وعد: خليك فاكر إن إنت وعدتني. المريضة دي محتاجة لنا جداً يا مجد.
بصلي وابتسم وقال:
مجد: حاضر يا وعدي أنا. أنا وعدتك، وإن شاء الله هنفذ وعدي.
وفعلاً رجعنا البيت، وكان قرب الساعة ستة. اتغدينا مع بعض، لكن بالي كان مشغول جداً بسارة.
مجد كان واخد باله من شرودي، فقرب مني ومسك إيدي وقال:
مجد: مالك يا وعد؟ حاسس إنك النهارده سرحانة. لدرجة إن الحالة دي شاغلة بالك بالشكل ده؟ طب احكيلي تفاصيل أكتر.
بصيت له وقلت:
وعد: هي عندها مرض كهرباء زيادة في القلب.
بصلي، وحسيت إنه اتضايق، وقال:
مجد: إنتي عارفة طبعاً المرض ده أعراضه إيه، بس اكتشفوه متأخر؟
قلت له:
وعد: لأ، هي اللي عرفت متأخر، لكن أهلها كانوا عارفين من وهي صغيرة، بس خبّوا عليها. وهي دلوقتي..... وسكت ..
إنت أكيد عارف وفاهم، ممكن تموت في أي لحظة....
أنا خايفه عليها جدا يا مجد...
الفصل السابع والخمسون من هنا
