الحوش كله اتجمد.
لا صوت غير نهج عرفة اللي راجع من الموت، وصوت شريط الأنفاس بتاعي اللي طالع بصعوبة.
الهارد الصغير في ايد سعيد غرقان دم، بس بيبرق.. 18 سنة مستني اللحظة دي.
أحمد صرخ: "ده بتاعي! ده حقي!"
عرفة لف سلاحه عليه في ثانية: "حقك؟ حقك اللي دفنتوني عشانه حي؟ كنت 9 سنين يا أحمد.. شفت أبوك وهو بيقتل أمين المخازن عشان يسرق الشحنة.. وشفت أبوك يا سعيد وهو ساكت.. فقررتوا تدفنوني أنا عشان أسكت للأبد!"
عزت وقع على الأرض قدام عرفة: "يا ابني.. قالولي مت في المستشفى.. قالولي دفنتك.. أبوك كدب عليا؟!"
الغراب الكبير اللي مرمي بيحاول يقوم رغم رصاصة رجله:
"أيوه كدبت عليكم كلكم! أنا اللي قتلت أمين المخازن! وأنا اللي أمرت بدفن الواد! وأنا اللي خدت صباح غصب!"
صباح صرخت لأول مرة بصوت عالي والخرطوش في ايدها:
"يا كلب يا واطي.. دمرت حياتي! قولت لسعيد اني هربت معاك بمزاجي.. وانت اللي خطفتني وهددتني هتدبح بنتي لو ما جيتش!"
سعيد بص لصباح.. 18 سنة ظلم.. 18 سنة فاكرها باعته.
قام زحف لحد عندها.. مسك ايدها اللي ماسكة الخرطوش:
"سامحيني.. سامحيني يا صباح.."
ليلى كانت بتعيط وبتدوس على الجرح اللي في بطني بطرحتها عشان توقف النزيف:
"استحمل.. استحمل عشان خاطري.."
أنا بصيت لليلى وضحكت رغم الوجع:
"القرصة اللي في بطني.. مكنتش قرصة عقرب.. دي كانت مكان العملية.. مكان ما خبوني.."
في اللحظة دي أحمد استغل ان عرفة باصص لأبوه.. ونط خطف الهارد من ايد سعيد وطلع يجري ناحية باب الحوش.
بس اللي كان واقف على الباب مكنش تبعه.
كان الظابط بجد.
السرينة التانية وصلت.. البوليس الحقيقي.
القوة دخلت ورفعت سلاحها: "ارمي سلاحك!"
أحمد اتقبض عليه وهو بيصرخ: "ده ورث أبويا! فيه كل الفيديوهات اللي تثبت ان سعيد وعزت شركاء أبوي!"
الظابط خد الهارد من الأرض.. بص لسعيد:
"يا سعيد.. احنا بقالنا 18 سنة بندور على الهارد ده.. فيه تسجيلات صوت وصورة لكل عمليات الغراب الكبير.. وانت الوحيد اللي كان معاك دليل براءتك وانت متعرفش."
الغراب الكبير حاول يهرب وهو بيزحف.. عرفة داس على ايده برجله:
"رايح فين يا غراب؟ انت مدفنتش أمين المخازن بس.. انت دفنت أمي كمان وهي حية عشان شافتك.. أنا طلعت من القبر لوحدي.. هي مطلعتش!"
وهنا عزت فهم كل حاجة.. مسك طوبة من الأرض ونزل بيها على دماغ الغراب الكبير مرة واحدة.. وقعه
تمت بحمد الله