
في بيت سراج سبعه صباحا
اسيا شافته بيركب الموتسكل سألته: انت رايح فين كده ياسراج؟
سراج: رايح مشوار مهم واتأخرت
اسيا: ايه المشوار المهم ده قولي
سراج انفعل: يعني مش عارفه بتعملي نفسك مش فاهمه اي حاجه
اسيا: انت هتتكلم ع طول ولا هتفضل تقول كلام مش هفهمه
سراج: استعبطي مش عارفه ان مايا اتهمت احلام اتهام منحط وقذر ورغم كده بتدفعي عنها مين الي وقعت في المشاكل بنتي احلام الاهانه والشك كان من نصيبها
اسيا: انا قولت لك الحقيقه انا بجد معرفش الا لما سلطان جه يقابلها هنا
سراج بدموع القهر: انا نفسي اموت من العار لان بنتك مش محترمه مش عارف عايزه توريني ايه تاني قبل ما اموت
اسيا: طب رايح فين لو لمايا بلاش تتهان قدام الشغالين كلهم ولو وصل الامر لـ انور مش هيتاخر وهيطلقها
سراج بحده : كل قلقكك ع بنتك الوضيعه مش قلقانه ع البريئه احلام ازاي عايشه مع مروان وهو بيشك فيها مستحيل يسامحها
اسيا: سامحها بدليل اخدها بيته وهي ذكيه هتتأقلم متقلقش
اسيا تلفونها رن بعدت وردت: نعم يا انور خير يابني بتتصل بدري كده ليه
انور:اسف جدا لو صحيتك لاني عارف ان مايا نايمه دلوقت حبيت ابلغها عن معاد الدكتوره اليوم بعد الدهر بلغيها متفوتهوش
اسيا سكتت بصدمه وانور كمل: الو حضرتك سمعاني
اسيا بتوتر: قلت ايه مسمعتش كويس
انور فهم سكوتها وقال بمغزي واضح: قلت ان بنتك معاكي من ليله امبارح تقدر تقعد زي ما هي عايزه لكن قوللها متفوتش معاد الدكتوره اليوم الدهر عشان كده ياريت حضرتك تفكريها
اسيا قفلت ولطمت ع خدها: نهار اسود اعمل ايه؟
.......................
الممرضه: يله عشان تاكلي
مايا: مش عايزه
الممرضه: انا عملته بنفسي عشانك الدكتوره موصياني اهتم بيكي والا احنا مش مسؤلين عن المريض هنا , له اهله يتولوه بس انا شايفه حالتك خاصه عندها
مايا بنرفزه : وانا قلت مش عايزه
الممرضه بصتلها باشمئزاز: انتي واحده غريبه الكل مهتم بيكي ورغم كده ضاربه البوز ( حطت الصنيه) الاكل اهوه لو عايزه تاكليه
سلطان دخل: مايا ليه رافضه تاكلي هتتضعفي اكتر ووشك اتغير
مايا بصتله بحده: انت وقعتني قاصد تعمل كده
سلطان قابل نظراتها ببرود : ليه اعمل كده اتجننت انا كنت بحاول احميكي قبل ما تقعي لكن وقعتي امر الله ونحمده انك متأذتيش
مايا بعصبيه: اتأذيت هو فيه اكتر من كده اذيه من عمق جرحي دلوقت
سلطان: انتي بتتعصبي من غير سبب , اه طبيعي تزعلي لكن لو فكرتي ربنا عطانا فرصه تانيه عشان نبدء حياتنا ودلوقت مبقاش فيه عقبه بينا وهنعرف ازاي نعيش حياتنا في سعاده انور مكنش يستاهل تديله اطفال
مايا رفعت حاجبها وقالت بحده قويه: عايزه اطلع من هنا
سلطان هز راسه: تمام استريحي طلبت لك اكل تاني منا مش هسمحلك ترفضيه عشان صحتك
.............................
مروان عطش جدا جه يمسك العكاز وقع منه نزل يجيبه وقع بكل جسمه فضل يسحف لحد التربيزه يجيب شفشق الميه لكنه مقدرش من الجبس اتألم لكنه عافر لكن التربيزه وقعت بكل الي عليها
احلام فتحت الباب وشافت المنظر جريت ملهوفه عليه: مروان ايه الي حصل اتأذيت
مروان زقها بغضب: سبيني انا بكره حياتي وانا عاجز هو انا لازم استناكي طول اليوم عشان اموري الصغيره
احلام: الاتوبيس اتأخر وغبت ع ما لقيت تاكسي
مروان عيونه دمعت ونطق بعصبيه : قولي الي تقوليه مش هقدر اروح وراكي واجباري اصدق الي بتقوليه لما تحبي تمشي امشي وارجعي مين انا عشان اعترض لازم اشكرك بتتحملي عبئ واحد عاجز زي لا له اخ ولا اهل مفيش غيرك بتهتم بيا وتصرف عليا
احلام قامت وفضلت تعيط ع شكله وهو بيكي ودخلت الغرفه وقفلت الباب واتصلت برنا تشكلها
رنا بغيظ: مروان وقح جدا المفروض يتكسف قبل ما يقولك كده ويخاف من ربنا
احلام مسحت دموعها بكفها : بقي كده بسبب تعبه والا هو مش كده
رنا: مش بسبب مرضه هو محاصر جوه شكه وسوء فهمه قلبه مش نضيف ليكي ولو كان مش تعبان( سكتت)
احلام: ايه كملي ليه سكتي كملي ارجوكي يا رنا
رنا : اقول ايه هترفضي لكن واضحه لو بصحته كان خرجك بره حياته الراجل مش بيسامح الخيانه بسهوله
احلام: يعني عايزه تقولي ان مروان مخليني معاه عشان بس عاجز ومش عايزني في حياتة تفتكري طلعني من قلبه وسقط في نظره
رنا : انا مش عايزه ازعلك بس لازم تقوليله الحقيقه رغم عارفه انك هترفضي انتي حره , اه نسيت اقولك النهارده شوفت سلطان طليق مايا
احلام : شوفتيه فين وكانت معاه
رنا: لا مكنتش معاه كنت رايحه ازور خالتي مع حماتي وشوفته داخل العياده الي جنبها معرفش بيعمل ايه هناك يعني راجل مليونير في عياده بسيطه وصغيره
احلام : مراه خالي بتتصل هشوفها واكلمك تاني
رنا: ماشي طمنيني
احلام : الو يامراه خالي
اسيا : الحقيني يا احلام البت دي مش هتخلينا نبص في وش حد لا حافظت ع بيتها ولا سمعتها سابت انور وتلفونها مقفول ومش عارفه راحت في انهي داهيه
احلام : مشت دقيقه واحده انا متاكده انك فاهمه غلط مين قالك كل ده
اسيا : انور اتصل قال انها قالت له جايه هنا وهو مفكرها هنا
احلام: وقولتي لخالي
اسيا: لا مقلتش لخالك مش هيتحمل البت دي قهرتنا كتير وجابت اخرنا
احلام : تمام متقلقيش يمكن راحت لواحدة صاحبتها متقوليش خالص لخالي حاجه دلوقت, ارجوكي لحد ما نلاقيها
اسيا : ربنا يستر عرضك متشكره اوي يابنتي
*******قصص منه محمد كاتب******
دخلت تتسند ع نفسها وفتحت الباب
سلطان شافها جري عليها مسكها: مايا رجعتي امشي ع مهلك كان المفروض تتصلي بيا اجيبك بنفسي وكنت عملت حفله ارحب برجوعك في بيتك ليه جيتي كده
مايا ابتسمتله: عايزه ارجع بيتي مفيش داعي لحفله عشان رجعتله بصراحه محتاجه مكان ارتاح فيه كان صعب عليا اكمل ليله واحده في المستشفي حاسه اني عملت جريمه كبيره والمفروض اتعاقب عليها
سلطان: ليه بتتوهمي من غير داعي انتي وقعتي غصب عنك هو كان بأيدك والحمد لله انك بخير ومحصلكيش حاجه ع العموم انسي انتي لازم ترتاحي اطلعي حياتي نامي محدش هيزعجكك
مايا: عارف انا برتاح هنا حتي كنت في احلامي بشوف نفسي معاك انت
سلطان: طبعا مش حبيبك حياتي هروح اجيب حاجه مهمه وراجع هنا الخدم هيهتموا بيكي
مايا: انت رايح فين
سلطان وهو ماشي ناحيه الباب: راجع ياحبيبتي
.............قصص منه محمد كاتب............
احلام رجعت بعد يوم شاق وطويل من اللف ع مايا وعرفت انه فيه واحده جات مع راجل مليونير واجهضت بنفس مواصفات مايا لكن الممرضه رفضت تديها اي بيانات عشان كده مبقتش متاكده
احلام دخلت من غير ماتبصله : سلامو عليكم
مروان بهدوء: وعليكم السلام
احلام فتحت الشنطه وسحبت الموبيل وسابتها مفتوحه وشكلها مزعوجه
مروان بصلها: ايه الي حصل قوليلي
احلام: لاء قولي انت
مروان اتنهد بحزن : اقولك ايه بتكلم مع الجدران وعايش في وحده كل يوم معنديش حاجه جديده عشان اقولها
احلام لفت بصتله وشافت العذاب والقهر الي في عيونه وقالت : مروان كل ده هينتهي قريب قابل الناس لو خرجت هتغير جو ولما ترجع الشغل هتتحسن
مروان بسخط وغضب : متسمعنيش قصيده مقدرش اخرج لما بخرج بحس الناس بتبصلي بعين الشفقه ويقوله شوف ياعيني شاب وعاجز وعايش عاله ع فلوس مراته ومشغلها
احلام: اسفه اعمل الي انت شايفه صح هديلك العلاج معاده دلوقت
مروان بص للشنطه وشاف ورقه مطبقه طالعها بالعكاز واخدها وفتحها واتصدم وكورها في كف ايده
احلام طالعه وفي ايدها كوبايه ميه: يله الدواء
مروان قام : ايه الشيك ده
احلام: ده عطهولي ابيه انور جالي المدرسه بس انا رفضت وقولتله انك هتبقي مضايق لو انا اخدته لكن
مروان قطعها بغضب اسود: لكن برغم ده اخدتي الصدقه منه طبعا تقدر واحده ست تعمل ايه لواحد عاجز مش هتعمل حاجه غير تمد ايدها وتاخد صدقه من الناس
احلام : انت فاهم غلط ده فلوس مرتبك انت كنت شغال هناك خمس شهور دي مش صدقه
مروان صرخ: بتخدعي مين انا ولا نفسك لما كنت شغال عنده خمس شهور مفكرش يديني مرتبي لكن النهارده لما بقيت مريض وعاطل في البيت عطاكي صدقه باسم المرتب وانتي اخدتيها اخويا جه بنفسه يقابلك في المدرسه وانتي مقولتليش اكيد فكرتي وحسبتيها لو قولتيلي مش هتاخدي الملبغ الكبير مش كده , ده الي في نيتك وجواكي بعد الحادثه مبقاش معايا الا حاجه واحده هي احترامي لنفسي واليوم محتيه بالصدقه انتي زيك زي باقي الستات
احلام اتجمعت الدموع في عيونها: انتي بتظلمني يا مروان
مروان بصوت كله غضب : قوليلي مين اتذللتيله وطلبتي منه صدقه مين ميساعدتش ست شابه جوزها عاجز
احلام صرخت فيه بكل عصبية : بس كفايه وارحمني لوجهه الله متوقعش نفسك وتوقعني معاك
مروان: انا كنت غلطان لما رجعتك هنا لكن الغلطه تتصلح ربما دي نهايه علاقتنا سوي
احلام بخوف: تقصد ايه
مروان : مش عايز اشوفك في البيت ارجعي بيت خالك وورقتك هتوصلك انا مش عايزك معايا انتي بالنسبه لي عذاب انتهت حكايتنا امشي من هنا
احلام : قولها تاني انت فعلا مش عايزني واني امشي من هنا
مروان مسك دمعته بصعوبه ولف وشه وهي مسكت دقنه بجنون: بصلي وقولها يامروان قوللللها
مروان بصلها وصرخ بجنون: اه امشي من هنا سبيني لوحدي واخرجي بره حياتي انتي جحيم امشي من هنا
احلام مشت بسرعه بعيد عنه وهي بتقاوم دموعها وطلعت تجري وراحت لبيت خالها خبطت وسراج فتحلها ومره واحده وقعت اغمي عليها
بقلمي منه محمد كاتب
مايا نايمه سمعت صوت بكاء طفل اتحركت بنزعاج وفتحت عيونها : سلطان
سلطان لف وبصلها: اسف يا قلبي صحيتك كنت بتحرك بحذر عشان متصحيش
مايا بستغراب: هو كان فيه طفل هنا بيعيط كأنه جعان
سلطان ابتسم: اي طفل هنا متقلقيش شكله بيتهيئلك استريحي
مايا: انا متاكده سمعت صوت عياط طفل
سلطان قعد جنبها: يمكن كان حلم شوفي جبتلك ورد عارف انك بتحبيه
مايا: روحت فين وانت عارف اني تعبانه ومحتجالك
سلطان : انا معاكي ياقلبي _ مسك ظرف) كنت بجبلك ده
مايا اخدت الظرف منه وفتحته: اوراق خلع
سلطان بابتسامه واسعه : طلبت من المحامي يجهزها وروحت عشان اجبهالك دلوقت مبقاش بينا عقبه انك تطلبي الخلع وحالا خدي وقعي عليها
مايا وقعت: كده مش محتجاله واستني يطلقني مجبور يطلق بس لما يعرف ان قـ تلت ابنه
سلطان: بدئت تعيد نفس الكلام كان غصب عنك انتي متخلصتيش منه عن عمد صدقيني
مايا : مش عايزه واجهه انور عايزه افضل هنا يومين لو معندكش مانع
سلطان ببتسامه كبيره: قرارك صح جدا وارجوكي عشان خاطري ما تقوليش كده وتحرجيني هبعت الاوراق مع المحامي لـ انور وهتوصله الصبح
مايا سرحت بنظراتها لبعيد!!!
سلطان لعب في خصلات شعرها وقالها : بتفكري في ايه
مايا : بفكر في الوقت الي بيتغير بطريقه غريبه فريال نجحت تطردني من بيتك وحياتك لكن دلوقت ماتت وانا رجعت تاني لمكاني واقوي من الاول بكتير وحره كمان
سلطان حط ايده ع كتفها وحضنها : متتكلميش في الماضي انسي مرارته
مايا: انا كمان نفسي انسي _ نامت ع صدره) انا مش عايزه افتكر اي حاجه منه
سلطان: مين بيتصل
مايا: امي
سلطان: كل شويه تتصل وانا اعمل صامت بقولك ليه متقولهاش قرارك مره واحده انتي حره وممكن اخدي قرارك بنفسك رودي عليها وبلغيها
مايا: عندك حق لازم تعرف بس الاول ابلغ احلام وتعرف منها ومحدش يتهمني
سلطان: فكره كويسه يله حبي اتصلي
مايا سجلت فويس بكل جراه : ايوه يا احلام اسمعيني كويس اوي ومفيش داعي تقولي لحد انا في بيت سلطان وسقطت ابن انور وخلصت منه
استوب ياتري حصل ايه لاحلام ان شاء الله يبقي خير
مين صوت الطفل الي سمعته مايا؟
انور هيعمل ايه لما يعرف بالخلع واللاجهاض خبطتين في الراس توجع
الفصل الخامس والثلاثون الاخير
سراج بصلها : بتتعبي نفسك ع الفاضي لو عايزه تتكلم معاكي ليه قفلت تلفونها ليه مش قادره تفهمي
اسيا : اعمل ايه انا ام ووقلبي مش مرتاح وانا معرفش اي صاحبه راحتلها
سراج : انتي مصدقه انها عند صاحبتها انا مش عارف المصيبه الجديده الي قررت تفاجئنا بيها انا خايف بستمرار اتصلي بجوزها يمكن تكون رجعت بيته
اسيا : عايزه اتصل بيه اطمن لكن افرض مرجعتش البيت الامر هيكبر احسن حاجه استني احلام تصحا يمكن تعرف صاحبتها الي مايا راحت لها
سراج : سيبي احلام في الي هي فيه مشاكلها مش قليله وبعدين مش شايفه حالتها
اسيا : هي كويسه وهي تعبانه عشان حامل وانا بدعلها دي بنتي
سراج : ومش ملاحظه ان جوزها مجاش عارفه لو طلع مزعلها مش هسكتله بنتي مش جماد انا هطلقها منه
اسيا حطت الموبيل بملل: ليه يابنتي قفلتي تلفونك ردي بقي
...........................قصص منه محمد كاتب....................
يوم جديد باحداث جديده
اسيا بعتاب : ليه بس قومتي من فرشتك اقعدي الدكتوره قالت ممنوع تتحركي استريحي
احلام : انا كويسه ليه تعبتي نفسك كنت انا اعمل الفطار
اسيا حطت وشها لتحت: عارفه انك جامده وبتهتمي بغيرك وقلبك كبير اوي لكن حظك شويه وانا معرفتش قيمتك ولا اعدل معاكي ولما بفتكر معاملتي بتكسف اوي من نفسي
احلام مسكت ايدها برجاء: متقوليش كده انتي وخالي كل حاجه بالنسبه لي انت امي لو مأخدتونيش ومسحتوا ع راسي الله اعلم كان حصلي ايه اوعديني متقوليش الكلام ده تاني
اسيا طبطبت عليها: ربنا يفرحك ويكملك ع خير انتي الي زيك برد وسلام ونور عين لـ اهلها والتانيه حطت نار ع قلوبنا مش عايزه تنطفي وبتحرق في قلوبنا
احلام : مفيش حاجه بتفضل ع حالها مسيرها تتغير مع الوقت وهتراجع نفسها لما اقوم اسال خالي يشرب شاي
اسيا: لاء هو بيقرء قران قعد طول الليل يصلي ويدعي قلق عليكي اوي قال لو مروان زعلك مش هيرجعك
احلام : لاء يا مراه خالي متخانقناش انا قلت اجي اقعد معاكم يومين
اسيا : طيب قوليلي ومتخابيش عني فين مايا ع الاقل اكلمها ع التلفون عشان قلبي يطمن انا كدبت ع انور وقلت له هي هنا اعمل ايه كدبت عشان بنتي
سراج دخل بغضب : مفيش داعي تكدبي تاني كل الي حصل بسببك لو مخبتيش عيوبها مكناش هنشوف اليوم ده
اسيا وقفت : بتقول ايه بنتي معملتش حاجه
احلام : تلفوني معاك ليه يا خالي
سراج حدفه ع الكتبه: الفاجـ ره اتصلت بيكي بالليل
اسيا وشها اتخطف: حصل ايه لبنتي وفاجره ليه كانت عملت ايه
سراج :بنتك عايشه مع سلطان في الحرام واجهضت ابنها
احلام وسعت عيونها بصدمه : انت متاكد يا خالي
سراج احتقن وشه من شدة الغيظ : ايوه المكالمه عندك خلاص خسرت كل حاجه لانها فجرت زياده عن اللزوم ضيعت كل حاجه من ايدها حتي ابنها
احلام حركت دماغها بعدم تصديق: لاء مش ممكن
اسيا مسكت قلبها ومره واحده وقعت في الارض
احلام صرخت : الحقني يا خالي
سراج نقل نظراته عليهم وبص علي اسيا من فوق لتحت ومشي
احلام بتضرب خدها بخفه: مراه خالي فتحي عنيكي خالي اتصل بالدكتور
✿ قصص منه محمد كاتب ✿
سلطان قرب منها واخدها في حضنه : حياتنا هتبدء تاني وايدك في ايدي لكن المره دي حاسس بمتعه الفوز
مايا : والمره دي مفيش واحده تاخدك ولا تخطفك مني
سلطان : كويس ان انور طلع من حكايتنا شخص قذر مكنش يستاهلك
مايا خرجت من حضنه وبصتله : وفريال كانت قذره كمان وانا مقدرتش اخدك منها استحملت اهانه كبيره وانت معملتش اي حاجه
سلطان : حياتي ايه لزومه نقلب في الي فات انا قلت لك ان فريال مش هتيجي خلاص هنا مشت بعيد عننا
مايا : هو انت جبت شغاله جديده
سلطان : ايوه الطقم كله جديد المره دي مجابتهمش من القريه ومش هسمح لحد يجي مش عايز حد يدخل في حياتي تاني
مايا : عملت الصح هو انور هتوصله ورق الخلع النهارده
سلطان زادت إبتسامته وقال : ايوه زمانها وصلتله وكان مني عيني اشوف شكله لما يتغير اكيد هيتقهر ويعيط كتير اني اشوف راجل محترم بينهار مشهد ممتع
مايا : والراجل المحترم كان بارد وممل جدا كنت بتخنق معاه
سلطان سمع صوت عربيه وقفت خرجها من حضنه ووشه اتغيير بخوف لانها لو فريال وراحت حكت لـ اخواتها هياخده منه كل حاجه
مايا بستغراب: ايه الي حصل مالك اتجمدت ليه
سلطان قام: هشوف مين
مايا :سلطان فيه ايه , معقول انور جه يتخانق
سلطان لسه بيشوف مين لقاها داخله بأبنه واتصدم: فريال مش كنتي في كندا ايه الي رجعك دلوقت كنت جايلك بنفسي اخدك
فريال حطت العيل علي الكنبه وبصتله: انا عايشه هناك لوحدي وانت ولا سائل فيا ومش هاين عليك ترد ع اتصالي ولا رسالتي ايه السبب وقولي الحقيقه
سلطان برتباك واضح: انا ( مسك دراعها) يله نرجع القريه دلوقت اكيد اهلك وحشوكي وتستريحي تعالي
فريال: انا راجعه من سفر طويل الاول اخد نفسي واستريح هنا
سلطان بيجرها ع بره: اسمعي الكلام
مايا بدهشه وصدمه : فريال
فريال بصريخ: جبت الولية دي تاني لبيتي ورجعتها الله يلعنك
سلطان :فريال انا مجبتهاش هي جات بنفسها
مايا: انت بتقول ايه
سلطان: قولت لك يا مايا معيش حاجه ادهالك لافلوس ولا بيت ولا عربيه بس فضلتي تجري ورايا ليه بتعملي كده اتفضلي امشي من هنا
مايا صرخت في وشه بعصبية وبتمسكه من ياقه قميصه: ايه الجنان ده ازاي تعمل معايا كده كدبت عليا كل ده كان كدب مستحيل تقدر تسبني بصلي انت بتحبني مش كده
فريال شدتها عنه وزقته في الحيط وقالت: جري ايه يا شمال يا زباله اظن رماكي قبل كده لو عندك ذره كرامه واحترام لنفسك مش هتبصي في وشه اطلعي من بيتي حالا غوري من هنا
مايا اتنرفزت من اسلوبها وبكل عصبية: ماشيه من نفسي تعال معايا يا سلطان وقولها انك بتحبني انا وبس مش عايزه فلوسك عايزك انت وتنقذ شرفي ارجوك
فريال مسكت دراعها بحده: هو انتي مبتفهميش انه ميقدرش يستغني عني وانتي لو محترمه ارجعي بيتك اطلعي من بيتي مش سامعه غوري يله هو محبكيش اصلا كنتي مجرد لعبه رخيصه وكسرها وبيتفرج عليها وهي مكسوره لانه انسان مريض
مايا صرخت بجنون : سلطااااااان
فريال سحبتها لبره : يله غوري يا رخيصه هي النسوان الي بتتكسف وتختشي ع دمها انقرضت ولا ايه
..........................
✿ قصص منه محمد كاتب ✿
ماسك موبيله ع صورتها ولنفسه : وري الوش الجميل ده وش شيطان اخد مني كل حاجه كنت اتمني لو محبتكيش ولا كنت قابلتك خلاص كل حاجه بينا خلصت وانتهت وابني هو الي دفع التمن
مروان دخل: مالك يا خويا
انور بصله بدموع : مروان تعال اتفضل
مروان كان هيقع وانور جاي عليه هو قاله : خليك مكانك متخافش انا اتعلمت اقف بصعوبه ع رجلي مش عايز اعتمد ع حد لاني اتعودت اساعد نفسي فخليك مكانك امسك ده الشيك الي اخدته منك احلام مش محتاجله
انور: احلام ماخدتش مني حاجه انا الي عطتهولها بالعافيه واخدته بعد محايله كتير
مروان : نفسي الشئ اصل اي انسان بيضعف قدام الفلوس واحلام اخت مايا لازم تاثر عليها
انور : بلاش تقارن احلام بمايا لان احلام مراتك الي بتحبك وشريكه معاك ع الحلوه والمره بلاش تقول كلمه وحشه عنها
مروان بنفعال: اسكت انا هنا مش عشان اسمع نصحتك سمعت كلام اشعار في اخلاقها واحنا خلاص علاقتنا انتهت رجعتها لبيت خالها
انور : ليه كل ده انت اتجننت في عقلك ايه ذنب المسكينه انها بتحبك
مروان : كل ده كان لمصلحه هي مش بتحبني هي جشعه وطماعه وخداعه
انور: يا اخويا حرام عليك متقولش الصفات دي عليها احلام احسن بنت في الدنيا وهترجع تندم كتير لما اوريك الوش الحقيقي للطمع والخداع الارض هتتحرك من تحت رجلك لما تشوف
انور حط ورق قدام عيونه وقال بدموع: شايف ابني المجرمه اجهضته عشان تبعده عني انا اتدمرت اخدت مني كل حاجه وكل ذنبي اني حبيتها من قلبي والمقابل دمرتني جايز كنت استاهل ده انا وحش اوي
مروان حط ايده ع كتفه يطمئنه: لا انت كويس اوي مفيش حد زيك امسك نفسك لايمكن تضعف كده انا اخوك وجنبك
انور : روح رجع احلام البيت هنا تاني خلينا نرجع نفس الاول ونعيش كلنا سوي
...............................
سلطان طالع عشان يسافر القريه يهدي الاجواء
مايا وهي في قمة إنهيارها: سلطان انت بجد هتسبني اروح فين, خدني معاك منين ماتكون هعيش ع اي وضع ابوس ايدك خدني معاك
سلطان: انتي منحوسه وحظك فقر , ونحسك دمرني معاكي انا رايح القريه اهدي الدنيا فريال قدري ارجعي بيتك انور راجل محترم والراجل المحترم هيهتم باسمه وهيسامحك
مايا مسكت ايده برجاء : سلطان لاء متيبنيش
سلطان شد نفسها منها وركب العربيه وطار بيها من المكان وهي اخدت بعضها ومشت بين العربيات لحد ما لقت عربيه رجعتلها بدهرها
مايا: شكرا انك جيت يا انور _ رايحه تلف تركب جنبه)
انور شاورلها بحزم شديد : اقفي
مايا وقفت: عارفه انك الوحيد الي هتغفرلي اخطائي سامحني انت قلبك كبير وهيسامح
انور: كنت عارف ان الطريق من الاول غلط بس كملت عشانك ودلوقتي بدفع تمن غلطتي بهدوء مع نفسي عشان محدش اجبرني احبك اصل الانسان لما يحب من كل قلبه بيكون فعلا اعمي لدرجه مش بيشوف عيوب واخطاء في الشخص الي بيحبه لكن الحب ده خرج من قلبي وبيقفل قلبه لدرجه مش بيتحمل يبص في وشه
مايا: ايه معني كلامك
انوربصلها ببرود: حبك خرج من قلبي ملكيش مكان فيه خدي ( رماه عليها) اوراق الخلع انا طلقتك
مايا ببكاء هستيري: لاء يا انور ارجوك سامحني ربنا يخليك انا بعتذرلك انا اتعاقبت كفايه ارجوك
انور كان لسه واقف مكانه عشان يشوف الذل والانكسار في عيونها وبصلها بكره وغل وحرك العربيه
مايا طلعت تجري وهي بتصرخ : انور لاء يا انور
مايا لقت نفسها خسرت كل حاجه ومبقاش معاها اي حاجه فضلت ماشيه لحد ما وصلت للكوبري وقررت تموت نفسها
...........................
مروان: عامله ايه يا احلام
احلا: الحمد لله انا كويسه اتفضل
مروان: لاء انا مش جاي ادخل انا جاي اقولك كلمتين احيانا الانسان بيبقي اناني في الحب وصدقيني انا كنت اناني علي نفسي كنت خايف تعيشي مع واحد عاجز واظلمك بس عرفت اني غلطان ومقدرش اعيش من غيرك ارجعي لحياتي وسامحيني ارجوكي
احلام: انا عمري ما زعلت منك ابدا عشان اسامحك
مروان لمس خدها بحنيه: انتي احن واحده في الدنيا وانا عارف انك زعلانه مني وانا عارف كمان اني بزعلك كتير بس مهما حصل ملناش غير بعض
احلام: وانا مقدرش اعيش من غير يا ابو ابني حتي لو بينا اختلاف او عتاب او زعل
مروان باس ايدها :مبروك يا حبيبتي لما عرفت كنت هطير من السعاده لاني هخلف من اجمل ست حبيتها
احلام : وانت عمري وحياتي كلها ومفيش قوه هتقدر تطلعك من قلبي
مروان: هو انا لو دخلت خالك هيتعصب عليا مش كده
احلام ابتسمت و لمعة الدموع في عينيها: انا قولت له جايه زياره
مروان مسك ايدها بين ايديه: بحبك اوي يله نرجع بيتنا
احلام ابتسمتلو: يله
مروان اخدها من ايدها وراحوا يعيشوا اجمل ايام حياتهم
تمت بحمد الله