رواية لهيب أنتقام الملكة الفصل الحادي والاربعون41 بقلم بيري الصياد
هبطت ملك مع مالك خطفت الأنظار إليها بفستانها الأزرق الذي يظهر بشرتها الناصعة
حيث كان فستان سهرة قصير ضيق باللون الأزرق الملكي مرصع بالترتر الفضي اللامع بقصة أوف شولدر بكتف ساقط وفتحة صدر على شكل قلب وقصة مجسمة بكشكشة جانبية وذيل قصير بكشكشة مع كلاتش بيج صغير في وشعرها الأشقر الطويل المموج منسدل فستان ملكي جريء يليق بملكة تسيطر بحضورها
مع حذاء كعب عالي بلاتفورم فاخر باللون الأزرق الملكي من الشمواه بمنصة أمامية سميكة عالية وكعب رفيع طويل جدا وسوار كاحل عريض مزين بالكامل بالكريستال الفضي اللامع واللؤلؤ الصغير تصميم ملكي فخم يبرز جمال القدم بكل هيبة حذاء لا ترتديه إلا ملكة تعشق الفخامة والسيطرة
رآها جميع العائلة بهذا الفستان التي تظهر بها لأول مرة وقال أسد في داخله بعد أن رآها بغضب: الله يخرب بيتك يا ملك إيه اللي انتي لابساه ده
نظر إلى فهد التي اصبحت عينيه حمراء من الغضب ليميل على أذنه وقال باستفزاز لكي يجعله أن يتحرك إليها: اهدى يا عم الوحش الناس هتاخد بالها
فهد بغضب ونظر إليه: تعرف يا أسد لو مسكتش هعمل إيه وبعدين انت اللي فارق معاك الناس وأختك دي إيه مش فارقة معاك خلاص
أسد ببرود: أختي عارفة هي بتعمل إيه وأنا واثق في اللي هي بتعمله يا فهد
نظر إليه فهد بغضب شديد وذهب إلى ملك وامسكها في يدها التي في يد مالك وسحبها معه إلى غرفتها قال مالك بغضب: هو إزاي ياخدها كده
أنس وضع يده على كتفه: اهدى يا مالك أكيد في حاجة
نظر مالك إليه بغضب فهو لا يعرف شيئا وذهب وجلس على الطاولة وقال أسد بهدوء وصوت لا يسمعه سواه: ده جوزها يا مالك يعني عادي
مالك بغيره: وهي أمي وأنا ليا فيها أكتر منه هو ملهوش دعوة بيها
أسد بابتسامة: انت عاوز أمك تكون مبسوطة ولا لا يا مالك
مالك: أكيد أنا لو أقدر أقدملها عمري علشان تكون سعيدة هعمل كده
ابتسم أسد على هذا الصبي بعقل رجل كبير وقال: يبقى سيبها مع فهد وخليك عاقل شوية علشان سعادتها يا مالك
نظر إليه مالك ولم يتحدث ونظر أمامه وهو يفكر بكل شيء
دخل فهد بملك إلى غرفتها وأغلق الباب بقوة خافت ملك منه لكن تخفي هذا ببرودها المعتاد وقالت: ممكن أعرف في إيه
فهد بغضب: أنا قولتلك إيه قبل ما أنزل
ملك باستغراب مصطنع: قلت إيه
امسكها فهد بقوة كبيرة من ذراعها وقال: مش قولتلك لو عملتي حاجة معجبتنيش انتي اللي هتزعلي
ملك ببرود: وأنا عملت إيه معجبكش
فهد بغيره: والفستان اللي انتي لابساه ده إيه
ملك بهدوء: ماله ما هو حلو أهو
فهد بغضب: ملك متعصبنيش هو أنا مشكلتي إنه حلو ولا وحش
ملك ببرود: فهد سيبني عايزة أنزل الناس تحت عيب مكنش موجودة
أغلق فهد الباب بمفتاح ووضع المفتاح في سترة البدلة وقال ببرود وهو يتسطح على الفراش: مفيش خروج باللبس ده عايزة تخرجي يبقى تقلعي قصدي تغيري يلا
قالت ملك وذهبت إليه: فهد هات المفتاح وبطل لعب بقى
سحبها فهد على الفراش وأصبحت أسفله في ثانية وشهقت ملك فهي لم تتوقع هذا منه نظر فهد على شفتيها وقال: ومين قال إني بلعب
نظرت ملك إليه وحاولت إنها تبعده عنها: أوعى يا فهد أنا مبحبش الحركات دي
فهد وهو على نفس الوضع: أومال بتحبي إيه
ملك ببرود: مبحبش حاجة أوعى بقى
فهد واقترب من شفتيها: مش قبل ما أعاقبك على اللي انتي عملتيه
فهمت ملك وحاولت أن تبعده عنها بكل قوتها لكن لم يتركها فهد وهبط على شفتيها وقبلها بغضب وغيرة شديدة وقبل شفتيها بقوة وعض عليهم كأنه يعاقبهم على ما فعلته ولم تتحمل ملك كل هذا وضربته بكل قوتها على صدره ونهضت وركضت سريعا إلى الحمام وأغلقت الباب عليها وصدم فهد وذهب إليه وقال: ملك افتحي الزفت ده يلا يا ملك وإلا هكسره
استفرغت ملك كل الذى بداخلها وسمعت صوت فهد لتغسل وجهها سريعا وتحاول أن تخفي تعبها لكن يظهر عليها بشدة وقال فهد من الخارج: انتي اللي جبتي لنفسك أن
لم يكمل حديثه بعد أن رآها خرجت ورآها بهذه الحالة قال بخوف: ملك في إيه مالك عاملة كده ليه
لا ترد ملك عليها وتسقط بين أحضانه وضمها فهد بقوة وحملها وذهب بها إلى الفراش ووضعها عليه وذهب وسكب إليها ماء وساعدها أن ترتشف وارتشفت ملك القليل منها وبعدت رأسها ابعد فهد الماء وقال: ملك انتي كويسة
أومأت له ملك وهي تغلق عينيها بتعب واضح لكن قالت بصوت حاولت أن يظهر طبيعي لكن ظهر بتعب شديد: عايزة أنزل أسيل مينفعش تبقى لوحدها
فهد قبل رأسها: هشوف حاجة تلبسيها بدل اللي انتي لابساه ده
ملك: بس ده عجبني وأنا عايزة أنزل بيه
قال فهد وذهب إلى غرفة الملابس: ده عندها يا حبيبتي انسي إني أخليكي تنزلي بيه تاني كفاية إني سكت دلوقتي علشان انتي تعبانة بس
نظرت ملك خلفه ونهضت وأمسكت الشريط وابتلعت منه حبة واخفته قبل أن يراه فهد وعادت مكانها من جديد وبعد قليل أتى إليها فهد وهو يمسك فستان بلون أحمر وقال وهو يساعدها أن تنهض: قومي يلا البسي ده
وكاد أن ينزع عنها ملابسها لكن أمسكت ملك يده وقالت: انت بتعمل إيه
فهد برفعة حاجب: هساعدك تلبسي
ملك: وده ليه إن شاء الله يلا يا بابا من هنا أنا هلبس لوحدي
فهد بنفاذ صبر: يلا يا ملك علشان تلبسي مش عاوز كلام كتير وبعدين مش هشوف حاجة مشفتهاش قبل كده
أنهى حديثه بخبث شديد خجلت ملك بشدة وقالت بصوت منخفض: والله سافل وما حد عرف يربيك يا فهد
ونظرت إليه وقالت ببرود: أيوه ده لما كنا متجوزين لكن دلوقتي مش من حقك تعمل كده
فهد ببرود شديد: قولتلك إن أنا اللي أقول إيه اللي ينفع وإيه مينفعش يلا علشان تلبسي
نهضت ملك وأمسكت الفستان منه وقالت: وأنا قلت مينفعش انت دلوقتي مش جوزي
وذهبت ملك إلى غرفة الملابس وقال فهد: الصبر عليها يا رب دي هتجنني لحد ما أقتلها وأقتل نفسي واخلص من الحوار ده كله
وبعد قليل خرجت ملك من الغرفة وقد الفستان الذي اختاره لها فهد
حيث فستان سهرة طويل من المخمل الفاخر باللون الأحمر الناري بقصة ضيقة تحتضن القوام بأكمام طويلة بثلاثة أرباع ودرابيه أنيق ملفوف عند الخصر وقصة حورية بحر تنسدل حتى الأرض مع كلاتش أسود صغير في يدها وشعرها الطويل منسدل فستان ملكي فخم يليق بملكة تخطف الأنظار بحضورها
مع حذاء كعب عالي بلاتفورم فاخر باللون الأحمر الناري مرصع بالكامل بالجليتر اللامع بمنصة أمامية سميكة عالية وكعب رفيع طويل جدا معدني ومقدمة مفتوحة بأربطة متقاطعة وسوار كاحل رفيع ببكلة ذهبية تصميم جريء يبرز طول الساق بكل دلال حذاء ملكي لا ترتديه إلا من تعشق البريق والقوة
وذهبت إلى المرآة وقامت بتعديل هيئتها وقال فهد وهو يراقبها وهو يتسطح على الفراش: ما كان من الأول طب تصدقي إن كده شكلك أحلى
نظرت ملك إليه من المرآة وقالت بغضب: أنا بس لبسته علشان أعرف أنزل غير كده ميهمنيش يا سيادة المقدم
نهض فهد وذهب إليها ووضع يده على خصرها من الخلف ودفن وجهه في رقبتها وقال: انتي مبتعرفيش تعملي حاجة حلوة وتسيبيها متتكلمش بعدها يا ملك
ذابت ملك من حركته وأنفاسه التي تضرب عنقها بعنف وقالت بصوت يظهر به المشاعر التي تشعر بها: فهد أوعى كده عايزة أنزل
لاحظ فهد صوتها الذي به رغبة شديدة قبل رقبتها قبلة خفيفة وقال: يلا بينا
وامسك يدها وفتح الباب وخرجوا من الغرفة وقالت ملك وهم يذهبوا إلي الدرج بعد أن هدأت تماما: فهد سيب إيدي مينفعش ندخل على الناس كده هيقولوا إيه
نظر إليها فهد وترك يدها دون أن يتحدث وهبط هو إلى الأسفل ونظرت ملك خلفه بحزن شديد وأخذت نفس عميق وهبطت خلفه إلى الأسفل هي أخرى ورأت أسيل وأدهم يجلسون في مكانهم وذهبت إلى طاولة العائلة التي يجلس عليها الجميع إلا نصار وحازم الذين يستقبلون الضيوف وجلست بجانب أسد الذي يضع ندى على قدمه ويلاعبها وارتشفت ملك من العصير الذي أمامها وهمس أسد إليها وهي ترتشف: تستاهلي أنا فرحان فيكي أوي ونفسي أروح أهني فهد على اللي عمله بس انتي أختي مينفعش أعمل كده
ملك بغيظ: انت واقف معايا ولا معاه يا أسد
أسد بهدوء: واقف مع الحق اللبس اللي كنتي لابساه مكنش ينفع انتي كنتي لابساه ليه أصلا
ملك ببرود: كنت عايزة أغيظ فهد علشان هددني لو عملت كده هيزعلني وهيعمل حاجة متعجبنيش
قال أسد ونظر إليها: وعمل إيه
تذكرت ملك قبلته لتضغط على شفتيها بقوة فهم أسد وضحك بقوة كبيرة عليها ويجعل جميع العائلة تنظر إليه باستغراب حتى فهد ضربته ملك بقوة على صدره قالت ندى برقة: مامي متضربيش أونكل أسد هو حلو وأنا بحبه
ملك بغيظ: طب خلي أونكل أسد بتاعك يسكت علشان معملش حاجة تانية متعجبوش
عشق: طب الراجل عملك إيه كل ده علشان بيضحك هو الضحك حرام اليومين دول
أسد بضحك: إيه يا ملك قوليهم الضحك حرام عندك
نظرت ملك إليه بغضب ونظرت إلى فهد بغضب أكبر لأنه السبب في هذا الموقف الذي به الآن قال أسد بغمزة إلى فهد وهو يعطي له كأس من العصير: خد دي يا نمس
فهم فهد الآن على ماذا يتحدثون وأخذ من أسد الكأس وابتسم بخبث إلى ملك التي نظرت إلى الباب بصدمة وقالت: نهار أبوك أسود يا أدهم الكلب
عند أدهم الذي كان يجلس بجانب أسيل وهم يتحدثون ونظر إلى الباب وامسك يد أسيل وقال: تعالي معايا
وذهبوا إلى الطاولة الخاصة بالعائلة ورآها ملك قالت بغضب: ممكن أفهم إيه ده
أدهم بهدوء: ده مأذون
ملك بسخرية: لا والله تصدق كنت فاكراه إنه الطباخ بتاع الحفلة
وغيرت نبرة صوتها وقالت بغضب: وده بيعمل إيه هنا احنا متفقناش على كده يا ابن الشرقاوي
أدهم بهدوء: ممكن تهدي احنا هنكتب الكتاب بس والفرح بعد أسبوع زي ما انتي عايزه
ملك بغضب شديد: وأنا مش موافقة على الهبل ده
وكادت أن تذهب لكن امسك يدها أسد وقال بهدوء: اهدي شوية يا ملك واسمعي وبعد كده اتكلمي
ملك نظرت إليه وقالت: وأنا قلت مش موافقة وهو اللي عمله غلط ومكنش ينفع يتعمل من الأول
أدهم بغيظ: مش انتي اللي مش عاوزاني أتكلم معاها غير لما تكون مراتي وأنا عاوز أتكلم معاها يبقى أتجوزها
ملك بعصبية: آه وعلشان أنا قولتلك مش هتتكلم معاها روحت قلت تلوي دراعي قدام الناس وتجيب المأذون
فهد بهدوء: اهدي شوية يا ملك وبعدين كده كده هيتجوزوا إذا كان دلوقتي أو بعد أسبوع يبقى مش فارقة
نظرت إليه ملك وقالت وذهبت: اعملوا اللي انتوا عايزينه أنا مليش دعوة بحاجة
وذهبت ملك وقال أسد بهدوء: خلاص اكتبوا الكتاب دلوقتي وهي بعدين هتراضي
أسيل بهدوء: بس أنا مش هعمل حاجة ملك مش موافقة عليها
أدهم بغضب: انتي بتقولي إيه انتي كمان هي مش راضية احنا هنتجوز وبعدين نراضيها
أسيل بعناد وجلست على الكرسي: وأنا قلت اللي عندي مادام ملك مش موافقة أنا مش هتجوز حتى لو إيه اللي هيحصل
نظر أسد إلى فهد بمعنى من سوف يذهب إلى ملك فأومأ له فهد بأنه سوف يذهب وذهب إليها في الخارج ورآها تجلس على الأرجوحة وتنظر إلى السماء بشرود وذهب وجلس بجانبها وقال: انتي مش موافقة ليه
نظرت ملك إليه بخضة فهي لم تشعر به وقالت ملك: في إيه يا فهد خضتني
فهد بخبث رفع يده على شعرها: سلامتك من الخضة يا قلب الفهد
نظرت ملك إليه ونظرت إلى يده وابتعدت عنه وقالت: خير جاي هنا ليه
فهد بهدوء: ليه مش موافقة إن أدهم يتجوز أسيل دلوقتي
ملك ببرود: علشان صاحبك فاكر إنه لما يجيب المأذون قدام الناس هيجبرني إني أوافق
فهد بهدوء: هو مفكرش كده وانتي كده هتكسري قلبهم يا ملك بلاش تعملي كده فيهم مش هيبقى احنا وهما
نظرت ملك إليه وعادت رأسها إلى الخلف وربعت يدها أمام صدرها وقالت ببرود: ليه هما مش كتبوا الكتاب دلوقتي
فهد بنفي: لا أسيل موافقتش غير لما انتي تكوني موافقة
نظرت ملك إليه ونظرت إلى السماء وأتى من خلفها أسد وقال : يلا يا ملك حرام عليك تعملي كده
نظرت ملك إليه وهي على نفس الوضع وقالت ببرود: المشكلة إن انت اللي بتتكلم وانت عارف كل حاجة
أسد وضع يده على شعرها بحنان: وعلشان أنا عارف بقولك وافقي يا ملك وتبقي تعملي اللي انتي عايزاه بعدين
نظرت ملك إليه وقامت وذهبت إلى الداخل قال أسد: تعالى علشان تكون شاهد من الشهود
فهد باستغراب: ليه هي على كده وافقت
قال أسد ذهب: ملك مادام متكلمتش يبقى وافقت يلا بينا
ذهبوا إلى الداخل ورأوا ملك تذهب إلى الطاولة وتجلس ببرود ونظروا إليها الجميع قالت ببرود وهي تأكل قطعة فاكهة من التي أمامها: اكتب يا شيخ
ابتسموا الجميع بسعادة كبيرة وقال أدهم: يعني انتي وافقتي
ملك بهدوء: أيوه يلا ابدأوا
ذهبت أسيل إليها وضمتها بفرحة شديدة ضمتها ملك بهدوء وقالت: يلا يا قلبي
خرجت أسيل من أحضانها وقال المأذون: أين وكيل العروس
ملك ببرود وهي تشير إلى خالد: خالد اللي هيبقى الوكيل
نظر خالد إلى ملك بامتنان وبدأ المأذون الإجراءات وقال بعد أن انتهى: بارك الله لكما وبارك عليكما وجمع بينكما في خير
اطلقت صباح الزغاريط بفرحة شديد وضم أدهم أسيل بحب شديد وقال في أذنها: بحبك
أسيل: وأنا كمان
أدهم بخبث: انتي كمان إيه
أسيل بخجل: بحبك
حملها والتف بيها وصفر الجميع بتشجيع وصفقوا بقوة وابتسمت ملك بهدوء ونظرت إلى السماء وقالت في سرها: أنا كده نفذت اللي انت عاوزه بس لسه ناقص شوية وأخلص
ونظرت إليه أسد الذي ذهب إليها نهضت وذهبت إلى أحضانه وضمها بقوة وشعر بمن يسحبها من أحضانه نظر لمن فعل ذلك رأى فهد ابتسم وهو يراه يسحبها بجانبه ويقف هو بينها وبين أسد الذي ابتسم وجلس على الكرسي بجانبها وحاولت ملك أن تبتعد عن يده لكن لا تعرف قالت بغيظ: فهد سيبني الناس واقفة
نظر إليها فهد وقال بغضب مكتوم: والناس ماكنتش واقفة وانتي بتحضني
نظرت ملك إليه وابعدت يدها منه وذهبت إلى آسيل التي ضمتها لتبادلها ملك وقالت وهي تمسح على شعرها: مبروك يا قلبي
أسيل ابتعدت عنها وقالت: الله يبارك فيكي شكرا يا ملك شكرا إنك دايما معايا
ملك وضعت يدها على وجهها: مفيش داعي للكلام ده أنا بعمل واجبي مش أكتر
أسيل والدموع تلمع في عينيها: بس ده مش واجبك يا ملك
عشق بمرح: انتي عايزه تاخدي أمي مني يا ست أسيل لا والله ما يحصل أنا عايزة أمي لوحدي
أسيل بمرح هي أخرى: طب لو عطيتك شوكولاتة من اللي أدهم جايبهم
عشق وهي تصفق يدها بيد أسيل: موافقة يا أسطا خديها اهي ويلا هاتي
ملك بغيظ: انتي يا بت بعتي أمك علشان حاجة زي دي
عشق: لو سمحت يا والدتي إلا دي أنا أبيع الدنيا كلها علشانها
أسد بضحك: أمك برضو كانت كده إي حد يعوز منها حاجة يديها شوكولاتة حتى زمان حازم ك
قطع حديثه حازم وهو يضع يده على فمه وقال: يخرب بيتك انت هتقول إيه
أبعد أسد يده وقال: علشان تعرف إن نيتك سودة أنا كنت عايز أقول إنك دايما كنت بتتخانق معها
ملك بخبث: وأنا كمان فهمتها كده بس انت علشان عمايلك مهببة خايف تتكشف يا زوما
إياد: تعرفوا إني نفسي أعرف إيه اللي عمله بابا زمان
ملك: قول يا حازم لابنك إيه اللي انت كنت بتعمله زمان
حازم: لا خلاص أنا همشي أحسن
وذهب بعيد عنهم قال عمر بضحك: حرام عليكم انتوا ماسكين إيه على الراجل
أسد: لا دي حاجات مينفعش تتقال
ملك ببرود إلى أدهم: أسيل أمانة معاك لو في يوم نزلت دمعة منها هتقف في وش الملكة
أدهم بهدوء: أنا عمري ما هزعل أسيل حتى من غير ما تقولي ثقي فيا
ملك بهدوء: أنا لو مكنتش واثقة فيك مكنتش دخلتك بيتي من الأول وبعدين عطيتك واحدة مننا بس زيادة تأكيد مش أكتر
صباح بابتسامة: اطمني يا بنتي أسيل في عيونا وأنا عمري ما هسمح إنها تتظلم أبدا
ملك بابتسامة: عارفة إنك هتعتبريها بنتك بس أسيل أختي برضو وحقي أخاف عليها بعد إذنكم
وذهبت وجلست على الكرسي الخاصة بها وأمسكت هاتفها وكتبت شئ ونظرت إلى أسيل الذي يباركون إليها جميع العائلة وأرسلت رسالة إلى شخص ووضعت الهاتف على الطاولة ونظرت إلى جميع العائلة بشرود ولم تنتبه على شئ غير على منظم الحفل وقال في مكبر الصوت: كل الكابلز على المسرح للرقص
واشتغلت أغنية رومانسية وذهبوا أدهم وآسيل وحازم وسارة وكل الكابلز الذين بالحفلة وأتت فتاة إلى فهد وقالت بمياعة: ممكن نرقص
كاد فهد أن يرفض لكن نظر إلى ملك ورآها سوف تنفجر من الغيرة الشديدة ابتسم بتصنع نظر إلى ملك وقال: أكيد
وامسك يدها وذهب إلى المسرح وضغطت ملك على الكأس بقوة كبيرة ونظر إليها أسد وقال بهمس: ملك اهدي وسيبي الكوباية دي هتتكسر في إيدك أوعي
امسك أسد منها هذا الكأس ونظرت ملك إليه بغضب شديد وأتى إليها شخص ومد يده إليها وقال: تسمحيلي بالرقصة دي
نظرت ملك إلى فهد وابتسمت بخبث شديد ونهضت وأمسكت يده وذهبت إلى المسرح وقبل أن يلمس الشخص خصرها ورأت نفسها بين يد هذا الفهد وأعطى فهد الفتاة التي كانت معه إلى الشخص ووضع يدها على كتفه وسحبها من خصرها بقوة وقال بغضب مكتوم: بتعنديني يا ملك وانتي مش قد ده
ملك ببرود وهي تضع يدها الإثنين مع بعض حول رقبته: انت اللي ابتديت وأنا برد مش أكتر
فهد بغضب: هو علشان أنا رقصت مع واحدة انتي كمان تروحي ترقصي مع حد غريب
ملك ببرود شديد: انت عملت اللي انت عاوزه ليه أنا كمان معملش اللي أنا عايزاه أرقص مع حد أو أعمل أي حاجة دي تخصني أنا مش انت
ضغط فهد على خصرها بقوة كبيرة وقال بغضب شديد: انتي كلك تخصيني حتى لو مش مع بعض ده ميسمحلكش إنك تقربي من حد غيري انتي فاهمة
ملك بغضب: وانت حقك ترقص مع البت دي وأنا لا ليه يعني انت كده أناني يا فهد
كاد فهد أن يصرخ بها لكن قال وهو يحاول أن يهدأ قليلا: اعتبريها أي حاجة بس المهم إنك طول ما أنا بعيد متقربيش من حد يا ملك فاهمة
نظرت ملك إليه ولا تتحدث وانتهت هذه الرقصة ذهبت ملك إلى الطاولة وتجلس مع الجميع
وأتى إليها شخص وقال إليها: أنا فريد النشار ممكن أتكلم معاكي شوية يا ملك هانم
ملك ببرود: خير في إيه
فريد بحرج: كلمة على انفراد
ملك ببرود: دي عيلتي قول اللي انت جاي علشانه
فريد بهدوء: أنا طالب القرب منك