رواية لهيب أنتقام الملكة الفصل السادس والثلاثون36 بقلم بيري الصياد
صدموا الجميع من حديثها بشدة ونظرت ملك إليهم بعد أن ابتعدت عشق عن أحضانها ونهضت وذهبت وقفت أمام صورة تجمع جميع عائلتها وأغلقت عينيها بقوة وقالت: أيوه أنا مش أمكم أمكم هي نادية مش أنا
أنهت حديثها وهي تشير إلى نادية التي كانت بهذه الصورة نظر إليها مالك ونهض وذهب إلى ملك فعشق إلى الآن صامته بسبب هذه الصدمة التي لم تتوقعها وقال مالك إلى ملك: أنا عاوز أعرف كل حاجة وده من حقي دلوقتي
نظرت ملك إليه وتنهدت بقوة وقالت: عاوز تعرف إيه
مالك بهدوء: كل حاجة من يوم ما اتولدتي
أومأت له ملك بهدوء ونظرت إلى الصورة وبدأت أن تتحدث وهي تقول: أنا واحدة طلعت لقيت نفسي وسط ست إخوات أربع ولاد وبنتين أكبر واحد فيهم كان أكبر مني باثناشر سنة لا كان في أب ولا أم أبويا وأمي ماتوا وأنا عندي سنة بس لقيت كل الحب اللي بيتمناه أي شخص مفيش حاجة اتمنتها وماكنتش موجودة في ساعتها كان ليا أخ واحد وسط الستة دول معتز الجارحي
قالت هذا وهي تشير إلى معتز وأكملت: كان بيحاول دايما إنه يكون ليا كل حاجة بس أب وأخ وصاحب كان بيحاول يعوضني بس مكنش يعرف إن هيكون في حد تاني يحبني زيه ويمكن أكتر منه كمان وهيكون ليا الأب وأخ وأحبه نفس الحب اللي بحبه ليه والحد ده هو أسر يمكن يكون أسر مش أخويا بس كنت دايما بحس إنه بيخاف عليا أكتر من أي حد في الدنيا من كتر حبه فيا كان معتز بيغير منه أحيانا
عشت حياتي كلها تحت تربيت الست إخوات دول صحيح كانوا صغيرين لكن كانوا رجالة يعتمد عليهم كان معاهم فلوس تعيشهم ملوك طول عمرهم لكن قرروا يشتغلوا في سن صغير عشت طول عمري بشوف ده كله وهما يكبروا في عيني أكتر كانت الغيرة في دمهم كانوا يغيروا عليا من الهوا علشان كده
عشت طول فترة المدرسة الأول من غير صحاب مكدبش عليكم وأقول إني كنت مضايقة إني معنديش صحاب لا أنا حسيت إني كده أحسن لحد ما كان عمري 14 سنة كنت ماشية في المدرسة طلع عليا ولد يعاكسني وأنا شتمته وهو حاول يلمسني بس طلع واحد معرفش جه منين أنقذني منه وضرب الواد وبقينا صحاب من ساعتها كان اسمه أوس السيوفي كان أول وآخر صديق في حياتي كنت وقتها خايفة وبقول لنفسي يعني هما مخلنيش أصاحب أي حد ولا حتى أكلم حد معرفهوش ما بالك بأني أكون صاحبت ولد أكيد مش هتعدي على خير وفعلا اللي توقعته حصل دخلت عليهم في يوم وأنا معايا أوس علشان يتعرف على العيلة و
(فلاش باك)
دخلت ملك إلى القصر هي وأوس ونظرت حولها ونظرت إليه وقالت: بص يا أسطا انت لو موت أنا مش مسؤولة من حاجة اشطا
أوس باستغراب: وده ليه هي عيلتك من المافيا ولا انتي جايباني هنا علشان تاخدوا أعضائي وأنا اللي وثقت فيكي يا ملك
نفخت ملك بغضب طفولي وقالت: المشكلة إن اللي بتقوله غلط تعرف لو صح أنا كنت هستفاد منك لكن أنا هنا خسرانة زيي زيك بالظبط بص إخواتي هما
قطع حديثها معتز ذهب إليها وضمها ولم يلاحظ وجود أوس وقال: حبيبتي اتأخرتي ليه ده كله
ملك ضمته: كان المستر بيعيد الشرح وكان لازم أفهمه علشان كده اتأخرت
معتز وقبلها من شعرها: مش مشكلة يا قلبي يلا تعالي علشان ترتاحي
ملك: معتز كنت عايزة أقولك على حاجة
معتز اخرجها من أحضانه: في إيه
قطع حديثه رأى أوس نظر إلى ملك وقال بهدوء مصطنع: مين ده يا ملك
ملك بتردد وتوتر شديد: ده ده ده أوس
معتز: لا والله طيب أوس بقى بيعمل إيه هنا
ملك: ما ما اسكت هو أنا مقولتلكش
معتز بنفاذ صبر وغضب: ملك انجزي وقولي ده بيعمل إيه هنا
نظرت ملك إلى أوس وقالت: طب هي نادية عملت أكل أصلي أنا جعانة موت
معتز بصوت عالي أتوا عليه جميع العائلة: مللللللللللك متعصبنيش وقولي مين ده
أسر بغضب شديد وذهب إلى ملك: انتي بتزعقيلها ليه أنا مسمحش إنك تزعقيلها كده يا معتز
معتز بغضب أشد: انت مش شايف جايبة واحد معاها البيت وتقولي متزعقش
نظروا الجميع إلى أوس ونظر أسر إلى ملك وقال: مين ده وبيعمل إيه هنا يا ملك
نفخت ملك بقوة كبيرة وقالت: ده أوس وأنقذني من
وسردت عليهم كل الذي حدث وانتهت وقالت: بس وأنا وهو دلوقتي صحاب
أسر بهدوء مصطنع: بس يا ملك مينفعش إنك تصاحبي ولد
ملك بعناد شديد: أنا قلت إنه دلوقتي صديقي وأنا ارتحت معاه هو طيب أوي انت بس تعرفه وهتحبوه أوي
معتز بغيره شديد: بس ده مينفعش يا ملك
ملك بغضب: أنا طول عمري وأنا بسمع كلامكم بس دلوقتي لا أوس يبقى صديقي وأنا مش هسيبه حتى لو قلتوا إيه
نادية ضمتها: خلاص يا قلبي اللي انتي عايزاه هيحصل بس اهدي انتي
معتز بغضب شديد وصوت عالي: هو إيه اللي هي عايزاه هيحصل مفيش حاجة من الكلام ده هيحصل فاهمين
أسد: معتز اهدى شوية في إيه البت لسه صغيرة
أوس بحرج: طب بعد إذنكم
ملك وخرجت من أحضان نادية: لا استني يا أوس متمشيش
أوس بنفي: لا أنا لازم أمشي اتأخرت على البيت أوي
ملك: استني ثانية
نظرت إلى معتز وأسر وقالت: هتقبلوا إن أوس يكون صديقي ولا لا
فهم أسر هذا التهديد الغير مباشر قال: تمام يا ملك أنا موافق
معتز بغضب شديد: موافق بإيه الكلام ده مينفعش يا أسر انت شكلك اتجننت خالص
أسر بتحذير: معتز أنا قلت كلمة خلاص ملك كبيرة وعارفة مصلحتها كويس
نظر معتز إلى ملك ورآها تنظر إليه نظرة فهمها جيد وبأنها سوف تفعل شيئا سيء في حالها إذا لم يوافق الآن قال: تمام اللي تشوفه صح يا أسر
ذهبت ملك إلى أحضان أسر وقالت: شكرا بجد مش عارفة أقولك إيه
أسر وقبلها وقال: ولا يهمك يا روحي
خرجت ملك من أحضانه وقالت إلى نادية: أنا جعانة وقلت لأوس إنك بتعملي أكل روعة وعزمته على الغدا
نادية بحنان: تعالوا يا حبايبي الأكل جاهز
وذهبوا وهم لا يلاحظون هذا البركان الذي سوف ينفجر من الداخل قال أسر بهدوء مصطنع فهو لم يقتنع بهذا الحديث لكن فعل هذا لأجل ملك فقط: اهدى شوية على ملك ومتنساش إنها ممكن تعمل أي حاجة علشان تاخد اللي هي عايزاه حتى لو هتضر نفسها واحنا مش عايزين حاجة زي دي وكمان الواد شكله محترم
معتز بغضب: انت بتقول إيه يا أسر أنا عاوز حد يهديني وانت كده بتعصبني اسكت أحسن
حازم بغيظ واستفزاز: في إيه يا معتز ملك صغيرة وأكيد هييجي يوم وهتتعرف على حد تحبه ويحبها وهتتجوز وهتسيبكم كمان
قطع حديثه أسر ومعتز الذين قالوا بغضب شديد: حازمممممم اسكت خلاص
ذهب حازم بخوف شديد منهم فهما على أتم الاستعداد أن يقتلوا بهذا الوقت بالفعل فقال أسد باستفزاز أشد: تعالوا نشوف الواد يمكن يكون بيعمل حاجة دلوقتي وانتوا قاعدين في العسل هنا
ركضوا أسر ومعتز إلى غرفة الطعام ونظروا إلى ملك ورأوها تجلس على أول الطاولة وتأكل بشراهة شديدة وأوس يجلس على الناحية الأخرى ويأكل هو آخر وقالت ملك وفمها ممتلئ: أوس هات ورق العنب وخد الكوسة
أوس: لا أنا بحب ورق العنب أكتر
ملك بغيظ: طب هات أكله معاك وبطل طفاسة
أوس: قلت مفيش أنا جعان أوي
ملك: طب هات خمس صوابع بس
أوس وهو يمد يده بالطعام: خدي وهاتي الفلفل
ملك وأمسكت الطبق: خد
(باك)
ابتسمت ملك على هذه الذكريات والتفت إلى الجميع وقالت: ومن وقتها وأنا وأوس على طول مع بعض متجمعين على حاجتين يا الأكل يا المذاكرة وكان بياخد على طول نصيبه من معتز وأسر وفضلنا أنا وهو صحاب أربع سنين كان أفضل صديق وأخ ليا ولو عشت فوق عمري مية مرة هقول كده علشان مكنش في زيه في الدنيا كلها
قالت هذا ومسحت دموع نور التي تشتاق إلى أخاها الوحيد بشدة وأكملت ملك وقالت: وفي عيد ميلادي ال18 كانت أول كسرة في ملك وهي الاتنين من إخواتها هيمشوا ويسيبوها أول حاجة عملتها بعد ما مشيوا راحت لأوس وهو قالي إنهم في شغل ولازم يعملوا كده اقتنعت وبعدها بشوية أوس ابتدأ يتغير بطريقة أنا استغربتها وبعدها مات
قطعت نور حديثها وقالت: لا يا ملك انتي قولتي إنك هتقولي الحقيقة وأنا عايزة أعرف أخويا مات إزاي
نظرت ملك إليها بخوف عليها وقالت: بلاش يا نور على الأقل بلاش النهاردة
نور برفض: لا يا ملك النهاردة كل حاجة هتظهر حتى موت أوس يلا
نظرت ملك إليها وقالت ببرود: تمام بس لو عملتي أي ردة فعل معجبتنيش عقابك هيكون عندي تمام
نور ومسحت دموعها: تمام
وقفت خلف الكرسي ووضعت يدها على ظهره وقالت: بعد ما اتغير أوس ورحت سألته قالي بعد ما ضغطت عليه إنه مدمن مخدرات
شهقت نور بقوة وصدمة كبيرة ونهضت وقالت بصدمة: لا لا مستحيل أوس عمره ما يعمل كده
ملك بحزن شديد: هو فعلا معملش كده بمزاجه واحد صاحبه هو اللي خلاه يبقى مدمن غصب عنه قعد يحطله في الأكل والشرب لحد ما بقى مدمن علشان يشغله مع المافيا معاه بس أوس عمره ما كان كده ورفض حتى لو على حساب حياته بس صحابه هددوه وأوس اختار إنه
قطعت حديثها ونظرت إلى نور وهي تخاف بشدة عليها وقالت نور بجمود: إنه إيه يا ملك كملي
نظرت إليها ملك وقالت: إنه ينتحر في اليوم ده أوس مجاش الجامعة واحنا متفقين إننا هنتقابل هناك وأنا استغربت وقتها ورحت على شقتكم القديمة وأول ما وصلت
(فلاش باك)
وصلت ملك إلى المنزل خرجت من السيارة ودقت الباب لكن لا أحد يرد عليها تذكرت ملك المفتاح الذي أسفل هذه السجادة هبطت وأخذت هذا المفتاح وفتحت الباب قالت: أوس أوس انت فين أو
صمتت ملك ورأت أوس على الأرض والدم حواليه في كل مكان صرخت ملك بقوة كبيرة وقالت: أووووووووووس
وركضت إليه وجلست على الأرض وقالت: أوس أوس قوم ليه تعمل كده أوس يلا قوم أوس
دق هاتف ملك في هذه اللحظة أمسكته بيد مرتعشة وفتحت على الرقم قالت بدموع شديدة: أسر أسر أوس أوس مش بيرد عليا تعال الحقوا بسرعة
أسر بخوف: ملك حبيبتي انتي فين
ملك: أنا في بيت أوس تعالى بسرعة علشان خاطري يا أسر
نهض أسر بسرعة وامسك المفاتيح وقال: حاضر يا قلبي مسافة الطريق وهكون عندك متخافيش أنا مش هتأخر عليكي
أغلقت ملك الهاتف ونظرت إلى أوس وقالت: ليه تعمل كده أنا عملتلك إيه حرام عليك يا أوس حرام
وانفجرت في البكاء وبكت بقوة كبيرة على هذا الصديق وبعد قليل وصل أسر ودخل لان الباب مفتوح وذهب إلى ملك ونظر إلى أوس وهبط إلى مستواه وامسك يده ولم يشعر بأن يوجد نبض فهو قد فارق الحياة بالفعل نهض أسر وسحب ملك بقوة من الأرض وضمها إليه بعد أن رأى حالتها وبكت ملك بين أحضانه بقوة كبيرة وقالت: أوس يا أسر أوس مات سيبني ااااااااه
أسر بحزن وهو يهديها: بس يا روحي اهدي هو أكيد في مكان أحسن دلوقتي ادعيله يا ملك هو محتاج ده دلوقتي مش لازم تضعفي يا ملك انتي فاهمة أم أوس وأخته محتاجين حد يبقى جنبهم والحد ده لازم يبقى انتي
ملك بنفي ودموع شديدة في أحضانه: لا مش هقدر مش هعرف
أخرجها أسر من أحضانه وقال بصوت قوي: مفيش حاجة اسمها مش هتقدري انتي تربية الأسود يا ملك يعني مفيش حاجة تقف في وشك انتي فاهمة اهدي شوية بقى
أنهى حديثه ومسح دموعها التي لا تتوقف وقال: يلا لازم نجهز للدفن
ملك ببراءة ودموع شديدة: انت هتاخده مني ليه يا أسر سيبه معايا شوية كمان علشان خاطري
أسر ضمها بيد واليد الأخرى امسك بها الهاتف: لازم نعمل كده أهل أوس فين
ملك بدموع: هما مسافرين
كاد أسر أن يتحدث لكن رأى ورقة توجد على الطاولة امسكها وقال: إيه دي
خرجت ملك من أحضانه ونظرت إلى الورقة وأمسكتها منه وقرأت ما بداخلها بصدمة شديدة ونظر إليها أسر وأخذ منها الورقة وقرأ محتواها وقال بهدوء: لازم اللي قاله يتنفذ يا ملك انتي لازم تعملي ده
مالت ملك برأسها بحزن شديد ودموع هبطت بغزارة شديدة
(باك)
نور بحزن شديد: كانت فيها إيه الورقة دي يا ملك
نظرت إليها ملك بشرود وغموض ونهضت وقالت: هتعرفي بس مش دلوقتي
مالك بهدوء: كملي يا ملك
نظرت إليه ملك بحزن فهو لا يقول إليها ماما منذ أن تحدثت وهذا الذي يجعلها تحزن بشدة واستكملت وقالت: بعدها بشهرين أو أقل عرفت أحلى خبر وحاجة حصلت في العالم كله وقتها أنا كنت منستش أوس وكنت راجعة من الجامعة و
(فلاش باك)
دخلت ملك القصر بتعب وحزن وجلست على الكرسي وامسكت رأسها بقوة من هذا الوجع الذي بها وأتى إليها معتز وعاد رأسها إلى الخلف وفعل إليها مساج وقال بهدوء: في حاجة عاوز أقولهالك يا ملك
نظرت إليه ملك وهمهمت بدون أن تتحدث فأكمل معتز وقال: انتي كان نفسك في إيه من فترة كبيرة يا ملك
ملك عينيها مغمضه: حاجات كتير لدرجة إني مش فاكراهم
معتز ومسح على شعرها بحنان وحب شديد: لا حاجة من نوع تاني
نفخت ملك بقوة بنفاذ صبر وقالت: معتز قول علشان بجد تعبانة وعايزة أرتاح شوية
معتز: نادية حامل
فتحت ملك عينيها بسرعة كبيرة ونظرت إليه وقالت بعدم تصديق: انت بتهزر صح
معتز وقبلها: لا والله انتي هتبقي عمتو وهيتحقق حلمك يا ملاكي
ملك بصدمة شديدة: يعني انت هتبقى الأب ونادية هتبقى الأم وأنا عمتو
نادية من خلفها: أيوه يا روحي انتي هتبقي أحسن وأحلى عمتو في الدنيا كلها
نهضت ملك بفرحة شديدة وضمت نادية بقوة وقالت: مبروك مبروك يا قلبي انتي هتبقي أم بعد ده كله أنا مبسوطة أوي بصي انتي اقعدي كده ومتعمليش حاجة خالص انتي لازم ترتاحي علشان تكوني كويسة
أنهت حديثها وجلستها على الأريكة وقالت بفرحة: انتو عرفتوا إزاي
ابتسمت نادية على فرحتها وقالت: باختبار المنزلي
ملك بحماس: أنا هتصل واحجز عند دكتور بسرعة علشان نروح ونطمن
معتز بغضب وغيرة شديدة: دكتور إيه انتي كمان دكتورة يا ملك دكتورة
قالت ملك وذهبت: ماشي دكتورة خلاص
(باك)
نظر إليها أنس وقال: للدرجة دي كان نفسك تكوني عمة
ملك بابتسامة حزينة: كان حلمي الوحيد اللي كان نفسي أحققه إن ييجي بيبي جديد في العيلة
حازم: إيه اللي حصل بعد كده
ملك: اللي حصل إن ملك اتكسر فرحتها للمرة الألف
أسيل: ليه اللي حصل
ملك نظرت أمامها: لما روحنا للدكتورة قالت إن الحمل ده خطر على نادية بنسبة كبيرة أوي
مالك ببرود: وانتي عملتي إيه
ابتسمت ملك وقالت: مفكر إني هخليها تكمل فيه أنا مش أنانية للدرجة دي يا مالك أنا حتى لو كنت هموت على الحمل ده من زمان مقدرش أخسر نادية نادية أكتر من أخت وأم بالنسبالي علشان كده روحتلها يومها و
(فلاش باك)
ذهبت ملك إلى غرفة معتز ودقت على الباب وفتح إليها معتز ورأى عينيها الحمراء بشدة من البكاء فهم ماذا بها على الفور وضمها إليه بقوة وأمسكت ملك نفسها لكي لا تبكي أمامه الآن وقالت بعد أن خرجت من أحضانه: نادية فين
معتز بهدوء: جوة تعالي
دخلت ملك الغرفة ورأت نادية تجلس على الفراش بهدوء ونظرت إليها وفتحت يدها ركضت ملك إلى أحضانها وضمتها نادية إليها بقوة كبيرة وقالت ملك بهدوء مصطنع: احنا بكرة هنروح للدكتورة وهتعملي العملية خلاص أنا مش عايزة الواد ده
نادية بحنان وضعت يدها على شعرها: وانتي مفكرة إني هعمل حاجة زي دي
ابتعدت ملك عنها وقالت: إزاي يعني
نادية بهدوء: أنا قررت إني هكمل الحمل ده يا ملك
نهضت ملك بغضب شديد وقالت: انتي بتقولي إيه انتي أكيد اتجننتي انتي لازم تنزلي الواد ده وأنا خلاص مش عايزاه
نادية: بس أنا خدت قراري يا ملك أنا عايزة الواد ده ده ابني وأنا مستحيل أكسر فرحتك بيه
ملك ونظرت إلى معتز: قولها إني عاوزاها هي أكتر مش عايزة الواد ده يا معتز أرجوك
معتز: اهدي يا ملك وأنا مش هقدر أمنعها علشان حتى لو نزلته هيكون خطر عليها برضو
ملك ومسحت دموعها: لا هي بس تسمع الكلام ومش هيحصل حاجة
نهضت نادية وقالت: وأنا خدت قراري يا ملك أنا مش هموت ابني حتى لو هموت أنا
ملك بغضب شديد: أنتوا أكيد اتجننتوا أنا هروح لأسر أكيد هو هيمنعكم من الهبل ده
وخرجت ملك من الغرفة وذهبت إلى غرفة أسر ودقت الباب بقوة وفتح إليها أسر ورآها بهذه الحالة وقال بخوف شديد عليها: ملك مالك يا حبيبتي في إيه
ملك بدموع: تعالى قول لنادية تنزل الواد ده أنا مش مستعدة أخسرها هي كمان يا أسر خليها تسمع الكلام والنبي
ضمها أسر بقوة كبيرة وقال: اهدي يا ملك اهدي علشان نعرف نتكلم
وادخلها إلى الغرفة وجلس بها على الفراش وبعد قليل هدأت ملك قليلا قال أسر: نعرف نتكلم دلوقتي
أومأت له ملك دون أن تتحدث قال أسر بهدوء: مينفعش تيجي تقولي لأم تعالي اقتلي ابنك مهما حصل يا ملك
خرجت ملك من أحضانه وقالت: انت موافق على إنها تسيب الواد ده وهو ممكن يموتها يا أسر
ابتسم أسر بهدوء وقال: دي أم يا ملك وأم مهما هتخسر بسبب ابنها مش هتتخلى عنه فلازم ندعمها بدل ما نعمل اللي انتي بتقوليه ده
ملك بغضب شديد: انت بتقول إيه انت كمان
أسر بتحذير: ملك افتكري إنك قدام أخوكي الكبير وكمان انتي كده مش هتكسبي حاجة وهتزوديها على نادية أكثر بلاش اللي بتعمليه ده انتي كبيرة دلوقتي
ذهبت ملك إلى أحضانه ضمها أسر بقوة كبيرة وبعد قليل شعر بانتظام أنفاسها عرف أنها نامت فهي دائما تفعل هذا وتنام في أحضانه بهذه السرعة حملها ووضعها على الفراش ويغطيها
(باك)
ملك بشرود: بعدها تابعنا عند دكتورة كويسة واستمر الحمل بانتظام لحد خمس شهور بس
حازم باستغراب وحزن: ليه إيه اللي حصل يا ملك
لفت ملك بعيد عنهم وأغلقت عينيها هبطت هذه الدمعة التي تحرقها بشدة ومسحتها ملك بسرعة كبيرة فهي تعلم بأنها إذا ما فعلت ذلك سوف تنهار الآن وهي لا تريد هذا الآن وأكملت وقالت: وقتها جه الخبر اللي دمر ملك على الآخر ونهى على آخر أمل ليها
مالك بهدوء: إيه هو
أغلقت ملك عينيها بقوة كبيرة وقالت: