رواية معشوقتي المجنونة
الفصل الاول1من الجزء الاول1
بقلم ابتسام محمود الصيري
الشمس تشرق بالتحديد في مدينة الاسكندرية، والعصافير تزقزق بنشاط وحريه وسعاده علي شجره جنب عماره جديده.
شاب ينزل من عربيته الچيب بهيبه لابس بدلة ظابط، مشي بطوله اللى بيفزع اي حد يمشي جنبه، بملامحه الجاده القاسيه الحزينه وحواجبه العريضه، أول ما دخل باب عماره وقف ليه امن العمارة بسرعة من مكانه يفتح ليه باب الاسانسير بسرعة: صباح الفل يا باشا.
اكتفى بهز راسه و ابتسامه صغيره و دخل الاسانسير وأول ما الباب قفل سند راسه ورا علي المراية من كتر ارهاق الشغل، وقف الاسانسير عند الدور بتاعه فتح الباب ودخل شقته، وقف ثواني في الصاله وهو مغمض عينيه بيفتكر ذكريات مؤلمة، وبعدها اخد نفس طويل ودخل علي اوضته من غير اي امل في الحياه، اتفاجأ ببنت نايمه ملامحها رقيقه قصيره جدا وشعرها كان مفرود على المخده و دمها مالي السرير، وقف اتسمر مكانه من الصدمه و قال بصدمه: دينا! انتى عرفتي ترجعي ازاي؟!
دينا تفتح عينها و مصدقتش نفسها ان حبيبها اخيرا شافته قدام عينها، قامت بفرحه من ع السرير و الدم كان بينقط من رقبتها وتقول بحب: مهيمن.
تدخل امه اللي في الخمسينات عليهم الاوضه وتقول حنان بحب اللى شخصيتها اخدت جزء كبير من اسمها: مهيمن؟
دينا بصوتها الرقيق : مهيمن.
مهيمن كان متنح و فاتح عينه بعدم تصديق من اللى بيشوفه و يبص على كل واحده فيهم شويه.
حنان تحط ايدها ع كتفه بعطف: يابنى الساعه عشره.
مهيمن يغمض عينيه و يركز في صوت امه و يقوم بفزع من علي السرير اللي نايم عليه يبص ل نفسه لقى نفسه لابس شورت قطن اسود بدل البدله العسكرية اللي كان بيها من شوية، سند راسه ع ايده يستوعب هو فين، وبعد دقايق اتأكد انه نفس الكابوس اللى بيطارده على طول.
حنان بعطف تسأله: حبيبي مالك؟
مهيمن ينزل ايده من على وشه و بجديه : الساعه كام يا امي؟
حنان بزعل على حال ابنها : عشره.
مهيمن يقوم بسرعة من على السرير يفتح دولابه و ياخد طقم كاجول : ليه مصحتنيش بدرى يا امى؟
حنان : حبيبي انت رجعت امبارح تعبان اووي و بقالك كام يوم مطبق في الشغل اكيد مانمتش سبتك ترتاح.
مهيمن بهدوء : امي لو سمحتى لما اقولك صحينى بدري يبقى تصحيني بدري.
حنان بقلة حيله من عناد ابنها : حاضر يا ابنى.
و تسكت ثواني و تقول... مهيمن انت لسه مش ناوي تتجوز؟
مهيمن اول ما سمع كلام امه حس بهزه تحت رجله، قعد ع اقرب كرسى و الدنيا بقت تلف بيه.
حنان قربت منه وقالت بقلق عليه : مهيمن انت تعبان؟
مهيمن بنغزه في قلبه ومرار في حلقه: امى بالله عليكى ماتجبيش سيرة الموضوع ده تانى.
حنان بحزن : يابنى نفسى اشوفك مرتاح و اشوف عيالك.
مهيمن رد بحده عشان ينهي الكلام في أكتر موضوع بيقتله بسكينه باردة: انا لو تعبك اووي كده ، ممكن امشى و اقعد في شقتي.
حنان حاولت تمسك دموعها من اندافع ابنها في الكلام وقالت بحزن: مضايقنى !! ليه يابني بس بتقول كده انت عارف انى ببقى مبسوطه و انت جنبي ، و انا و اختك مش لينا حد غيرك.
مهيمن يتحكم في اعصابه ويقوم بيوس راس امه : امي سامحينى مقصدش ازعلك بس لو سمحتي انا مش هقدر اتجوز تانى، مش هقدر والله غصب عنى، اللى شوفته كان صعب اووي.
(قال كلامه وعينيه مرغرغه بالدموع ، بس هو دايما بيظهر انه قوي و صعب دموعه تنزل قدام حد حتى امه )
حنان تطبطب عليه : عارفه والله يابنى بس نفسى تنسى ، هي اكيد شهيده و في مكان احسن.
مهيمن كان دايما حاسس انه السبب في نهاية حياتها، كان بيتمنى أن القدر مش يرميها في طريقه، لكن القدر دايما بينفذ احكامه اللي بيصدرها بدون نقاش مع اي حد، غمض عينه بعذاب وألم وقال: والله نفسى انسى حتى ماتت ازاي ، بس مش قادر ادعيلي يا امى انتى عارفه هي اتعذبت قد ايه عشاني.
حنان بلوم نفسها: اخس عليا انا اسفه يا بني اني فكرتك حقك عليا يارتني ما كنت قلت اتجوز.
مهيمن بوجع جوه قلبه: امي انا مش بنسى من الأساس.
حنان تضم ابنها وهي تدعيله: ربنا يجعلك من الصابرين.
مهيمن فقد السيطرة على دموعه قام و خبي وشه من أمه وهو بينهي الكلام: اللهم امين ، بعد اذنك هدخل اخد شور.
حنان: اتفضل ...
(قلب حنان بيتعصر من الوجع قوى كل ما بتشوف ابنها و هو قلبه محروق علي مراته او حتى علي اخته مريم اللى بيتكسف يرفع وشه فيها او عينيه تقابل عنيها)
مهيمن دخل الحمام فتح الدش على اخره ووفف تحته، قفل عينه جامد وهو بيحاول ياخد نفسه من كتر ما الذكريات بتهجمه بوحشية.
.......فلاش باك .....
حنان بفرح : مهيمن اخيرا نزلت اجازه.
مهيمن : معلش يا امي كان عندى شغل كتير.
حنان : حبيبي عايزه اتكلم معاك في موضوع
مهيمن : اتفضلي يا امي
حنان بشوق : نفسى اشوف عيالك قبل ما ....
مهيمن يقوم بسرعه يحضن امه : بعد الشر عليكي
حنان بابتسامه : حبيبي طيب ممكن تتجوز
مهيمن يبتسم ابتسامه خفيفه : امى مفيش وقت ادور علي عروسه
حنان بفرحه : العروسه موجوده
مهيمن بابتسامه تملي وشه : و انا موافق و من غير ما اشوفها، كفايه انها عجبت ست الكل اكيد هتعجبنى
حنان بفرحه : بجد يا ابنى
مهيمن قعد تحت رجلها مسك ايدها باسها : بجد يا اغلى ما ليا و حط راسه علي رجلها.
.....باااك......
مهيمن يضرب الحيطه بقوه : يارتني ما اتجوزت ، يا رتنى قولت لا.
و ياخد نفس طويل و يطلعه بوجع وقهر و يقول: ا ا ا ا ا ا اه الوجع جوه قلبي نار بتولع فيا وكل يوم بتزيد عن اليوم اللي قبله، نفسي افقد الذكره عشان ارتاح من العذاب.
*********************
بره في الصاله
مريم بنت رقيقه جدا صوتها مش يتسمع لما تتكلم ملامحها صغيره جدا جسمها رفيع طولها مناسب ك بنت، تطلع من اوضتها برقه و عين حزينه : صباح الخير
حنان بحب : صباح الهنا
مريم : ماما هو ابيه مهيمن نزل
حنان : لا لسه بياخد دش ، خدي الاكل طلعيه ع السفره
مريم برقه : حاضر
طلع مهيمن بيحاول يتجاهل عين اخته وده دايما اللى بتلاحظه امه : صباح الفل ع احلى بنوته
مريم بأبتسامه رقيقه : صباح الخير يا ابيه
مهيمن بتهرب : انا هنزل عايزين حاجه
حنان : افطر معانا قبل ما تنزل
مهيمن : معلش مش هقدر
مريم قامت مسكت ايد مهيمن : ابيه مهيمن انت هتمشى و هتسيبنا تانى لوحدنا
مهيمن يمسك وش اخته : يا مريم يا حياتى انا عندى شغل اول مايخلص هرجع علي طول
مريم بخوف : ابيه انا عايزاك معايا
مهيمن : انتى لسه بتخافي
مريم تحضنه و تعيط : انا بخاف طول ما انت مش معايا انا مش عايزاك تسيبنا بليز يا ابيه خليك معانا
مهيمن يحضن اخته جامد و قلبه يتقطع من انه هو سبب في وجع كل حد بيحبه وقريب منه.
فلاش باااك
ظابط مخابرات : مهيمن الحق اختك مختفيه من الصبح و والدتك قلبه عليك الدنيا
مهيمن يقوم مفزوع : و هي متصلتش بيا ليه
الظابط : تليفونك مقفول
مهيمن مسك الفون و اتأكد انه مقفول ورماه في الارض وطلع يجري و هو بيجري،، صوت في الاسلكي : مهيمن باشا انت بتتحدانى انا، ده انا هندمك علي اليوم اللى جيت فيه وش الدنيا
مهيمن ركز مع الصوت : الضو .. شكلك ما بتفهمش لما تبقى عايز تصيب صيب هدفك علي طول مش تفضل تهدد و تلك كتير زي الحريم
الضو بضحك : كويس اووي انك لسه فاكر صوتي .. بس انا اتعلمت من درسك كويس اووي
مهيمن بعصبيه : انت عايز ايه و ازاي الجهاز وصل لايدك
الضو ببرود و ضحكه مستفزه : مش بقولك مهما تبقى شاطر برضه غبي زي ما اختك في ايدي الجهاز في ....
مهيمن قاطعه بجنون : اختى عندك !! اقسم بالله هيبقى اخر يوم في عمرك لو لمست شعره منها
الضو بضحك : مش بقولك غبي لسه بتهدد و اختك معايا ،، نسيت درسك ليا صيب علي طول
مهيمن سكتةثواني وحاول يتمالك نفسه ورد بضعف : خليك راجل و اتعامل معايا راجل لراجل.
الضو بضحك : سبق و قلت عليا مره و انا مره.
مهيمن حس بماية متلجه اتكبت عليه حط يده علي شعره و قعد على الارض بقلة حيله : طيب انت عايز ايه دلوقتى
الضو : ايوه كده نتفاهم، تعدي شحنة السلاح
مهيمن بنرفزه : انت مجنون
الضو مسك شعر مريم جامد
مريم صرخت بوجع
مهيمن يحاول يمسك اعصابه و يغمض عينيه جامد و يقفل يده و يقول بهدوء وطلع حروفه من حلقه بصعوبة: هعمل اللى انت عايزه بس بلاش تإذيها... لو عايز اركع تحت رجلك انا موافق بس اختي لأ.
الضو ضحك بشر و قفل
مهيمن قام عمل كل حاجه عايزها الضو في وقت قصير و اتصل عليه : عملت كل اللى انت عايزه اختي فين
الضو ببرود و ضحك : هتلاقيها مرميه علي الدائري ،،،، بس سامحنى بقى البت مزه و صحت الشباب اللى مدفون جوايا من تانى
مهيمن بحده : و الله حتى لو بتقول كلامك استفزاز لهندمك عشان فكرت وطلعت كلامك الوسخ.
الضوه بمتعه بعذاب مهيمن: الله بقولك حصل.
مهيمن بعصبية وجنون: وربي هموتك اوسخ موته
الضو باستهزاء : سلام يا نانوس و افتكر كلامك انك بتنفذ و بتصيب علي طول و مش عندك وقت تهدد و يضحك ببرود
مهيمن رمى الفون و امر بتغير كل اشارات اللاسلكي و نزل و لقى اخته في نفس المكان بس للأسف مش عليها قطعة هدوم واحده، فقد توازنه ووقع على الارض وكان زي التايه عقله وقف لثواني، لحد ما طلع كلمة اه من قلبه هدت الصحرا كلها، حاول يقف وهو بيتمنى انه كان اتقتل ابشع موته و ماكنش حصل ل اخته كده ، ستر اخته وشالها حطها ف العربيه ، مريم كانت فاقده الوعي خالص مش حاسه بالدنيا كلها، مهيمن كان اول مره في اليوم ده تنزل دموعه و مش اي دموع دموع زي المطر من الحرقه اللي كانت في قلبه.
باااك
فاق مهيمن علي ايد امه علي كتفه
حنان تطبطب عليه و تبص لمريم : ايه يا مريم ما انا معاكي
مريم بدموع : ماما انا خايفه علي ابيه اكتر ما اكون خايفه من اي حاجه تانية
مهيمن بحنان : مريم يا قلبي ماتخفيش عليا .. انتى بس ادعيلي و انا هرجعلك بالسلامه ان شاء الله و يمسحلها دموعها ويهرب ينزل بسرعه قبل ما دموعه متخونه
حنان اخدت مريم في حضنها وفضلت تطبطب عليها
مهيمن في العربيه يحط ايده علي راسه و يغمض عينيه
فلاش باك
مريم تفوق و تصوت و كانت في مستشفى و الكل حاول يهديها لكن كان عندها حاله هستريه من اللى شافته
مهيمن مقدرش يقف و يتفرج علي اخته طلع بره الاوضه و الدكاتره حاولوا يدوها مهدئ
فون مهيمن يرن
يرد بسرعه : عرفت مكانه؟
: ايوه يا باشا بعد ساعه هيكون في المطار
مهيمن قفل و نزل يجري بس صاحبه قابله ع السلم
محمد : انت رايح فين و بتجري كده ليه
مهيمن : من هنا للمطار ياخد وقت قد ايه
محمد : تقريبا نص ساعه او اكتر لو في زحمه
مهيمن بحده و عصبيه : انا لازم الحقه نزل يجري
محمد نزل وراه
مهيمن راح عند عربيته وكان زي المجنون وفجأة وقف بص لمحمد: عايز الموتسكل بتاعك
محمد طلع المفاتيح وقال: طب هسوق أنا.
مهيمن شد منه المفاتيح وركب واتحرك بسرعة، لكن محمد بلياقه بدنيه نط وراه قبل ما يتحرك، كان الطريق شويةيقف و شويه يمشي لكن مهيمن كان بيتصرف ويطلع ع الرصيف ويدخل بين العربيات بجنون و عدي من الوقت ساعه الا ربع من كتر الزحمه
و ع بوابة المطار الطريق كان واقف خالص ومافيش مكان يدخل منه بالموتوسكل نزل وسابه في الطريق و فضل يجرى و كانه بيسابق الوقت، ومحمد كان وراه.
دخل مهيمن القاعه و كان زي المجنون لمح الضو عند شباك التحقيق من الشخصيات.
موظف الجوازات : نتمنالك رحلة سعيدة تقضي وقت ممتع ان شاء الله و بيرفع ايده عشان يختم الجواز
مهيمن بسرعة البرق يشد الضو من قفا ويقول من بين أسنانه : من جهة هيقضي وقت ممتع هو هيقضي و ضربه بالراس و فضل يضرب فيه
محمد بيحاول يبعده : كفايه كده اقبض عليه وسلمه.
مهيمن يزق محمد : انا لازم اقتله
الضو بضحك مستفز : اضرب كمان بس عمرى ما هنسي نعومة جسم اختك
مهيمن في الوقت ده نسي كل حاجه و ضربه تحت الحزام بكل قوته
الضو فضل يصوت لحد ما طلعت روحه
محمد بحده : انت مجنون ازاي عملت كده
مهيمن بوجع : مجنون !! كل النار اللى جوه قلبي دي وتقولي مجنون ، علي العموم معايا اذن بالقبض عليه و احضاره ميت او حي
بااك
يفوق مهيمن من ذكرياته المألمه يمسح وشه وهو بيستغفر ربه ويتحرك بالعربية
***********************
اما في بيت نايا بيت مكتمل و شيك جدا بنت دايما تلبس فساتين كاجول متهوره والجنان والعب بأعصاب الناس هواية عندها و بيتها في مكان راقي
هاله ام نايا تدخل علي نايا الاوضه و تفتح الشبابيك : اصحي يا نايا اصحي بقى كفايه نوم حد في اول يوم شغل ليه ينام لحد العصر يا بت قومي، اشوف فيكي يوم زي ما انتي مطلعه عيني
نايا بنوم ترفع يدها للسما بحركات مسرحيه : يارب يارب اقول ايه بس ، انتي ام انتي حرام عليكى حد بيصحي حد كده اعتبريني بنتك
هاله بنرفزه : يا بت هتشلينى قومي ، صحيتك اربع مرات زي ما الناس بتصحى و انتي ولا انتي هنا
نايا تقوم تربع رجلها و بمشاكسه : ان شاءلله عشره ،، بس ماتفتحيش الشباك كده ،، و تقوم ترفع صباعها السبابه في وش مامتها و تقول: شكلك عايزه ابن الجيران يشوفني ،، انتي ام انتي ها ها ردي
هاله كانت بترجع بضهرها و تقول بنرفزه : يااااااالهوي منك يا بت اسكتي هتشلينى
نايا تمثل الزعل : لا اوعي تقولى كده يا ماميتو بعد الشر عليكي .. و تقول بهزار انتي جميله و زي الحصان اهو و ركبتها الهوا و طلعت تجري
هاله بعصبيه : ماشى يا نايا ، يا رب خليها تتجوز و تمشى من قدامي البت دي يارب ابعدها عني شويه اخد نفسي ياااارب
نايا ترجع الاوضه : ماميتو انتي بتدعيلي،، يا حبيبتى يا ماميتو
هاله بصويت : اااااه يا فرستي منك يا رب ادعي عليها بايه دي
نايا بضحك و تغني : امايا ياما ،، بحبك ياما ،، ادعي اتجوز ياما
هاله تمسك ازازه و ترميها بيها
نايا تطلع تجري و تدخل التواليت و تاخد شور و تخرج تقعد علي السفره : ماما الساعه كام
هاله تستغرب انها متأخره ولا لسه ليها نفس تاكل فتقول بقرف و ضحكه صفرا : الساعه واحده ، كده كويس معاكى ولا تدخلي تكملي نوم
نايا بخضه حقيقية : يالهوي الشغل
هاله بتريقه : يا فرحتى بيكى اول يوم شغل وصاحيه الضهر
نايا بتمثيل الزعل : ماميتو ليه مصحتنيش بدري ليه ها
هاله تحط ايدها علي دقنها بغيظ : لا والله ،، ده علي اساس اني كنت بلعب جولف،، ترفع يدها للسما و تقول يارب يا نايا يا بنت بطني اشوفك في الجيش و تصحي من الفجر و تتمرمطي و يطلع عينك زي ما مطلعه عيني
نايا بمشاكسه وضحك : جيش مين يا حجه انا وحيده ،،اقصد بنت قولي بس اتجوز و انا همشي من قدامك خالص و مش هخليكي تشوفيني
هاله بتصميم : لا جيش ، جيش يا نايا
كرم اخو نايا يطلع من اوضته و بضحكته اللى مش بتفارق وشه و جماله الرجولي : صوتكم واصل لاخر الشارع مالكم يا بشر
هاله بصوت عالي : اختك الهانم لسه فاكره تنزل الشغل
كرم بضحك : مش معقول دي منظر واحده اول يوم ليها شغل
نايا تعوج و ترفع شفتها اللى فوق : خليك في حالك يا لذيذ
كرم بهزار : و انا مش هخلينى ،،يارب يرفدوكي و تتعقدي و تجيلي اعلجك
نايا بحده : انت يا عم الدكتور النفسي ارحم نفسك انت جاي تطلع عليا عقدك ..والله ده انت مجنون مش عارفه ازاي واحد مجنون بيعالج مجانين
كرم يشاور علي نفسه : انا مجنون!؟ طب و الله ما انا سايبك
هاله بغيظ : يالهووووي جتها نيله اللى عايزه خلف زيكم
نايا تقف عند باب الشقه و تقول بضحك: طااااه اسيبك تدعيلي و اروح علي الشغل اللى مش عارفه هروحه ازاي دلوقتى بأنهي وش
قفلت الباب و نزلت ركبت الاسكوتر بتاعها (نوع موتيسكل )
*******************
في بيت نضال ملازم اول في الشرطه و مطلوب للقوات الخاصه
ساره ام نضال : نضال يالا الفطار
نضال متوتر بيفكر ازاي يستعد للمرحله الجديده
ساره : نضال بكلمك يلا
نضال يبصلها : بتكلمينى يا حجه
ساره : اه يلا الفطار
نضال : لا مش عايز انا هنزل عشان اتأخرت و قام سرحان وماشي عكس اتجاه الباب
ساره تضرب ايد علي ايد : الباب من الناحيه التانيه
نضال يخبط راسه ب ايده : اه صح ده من الناحيه التانيه،، دعواتك ياما
ساره : ربنا يقويك يابني
نزل نضال و هو ساكن في قريه زراعيه قريبه من اسكندريه
*******************
في مقر مركز القوات الخاصه في اسكندريه
اللواء يحيى : ازيك يا مهيمن
مهيمن بجديه : تمام سيادتك
اللواء يحيى : مهيمن انا مقدر اللى انت فيه بس فيه فرقه جديده جايه تتدرب و انت اكتر واحد بتعرف تدرب انا محتاج الرجالة دي قريب اووى،، و عايز اسد زيك يدربهم
مهيمن بجديه : و انا تحت امر سيادتك ، تؤمر بأي حاجه تاني
اللواء يحيى : لا اتفضل
مهيمن قام : بعد اذنك
***********************
نايا كانت راكبه علي الاسكوتر و وراها صاحبتها دانيه و فريده
دانيه كانت لابسة بنطلون و تشيرت : يا بت اهدى شويه هنعمل حادث
نايا بثقه : انتى مش عارفه انتي راكبه مع مين
دانيه بخوف : ما النصيبه اني عارفه ، اهدى بقى عبووو شكل اللى يركب معاكي تاني
فريده لابسه فستان كاجول واسع : وااااو سرعي يا نونه ماتسمعيش كلامها
دانيه بخوف : يا مجنونة منك ليها ايه اللي ركبني معاكم
نايا توقف الاسكوتر : انتي هتعيطي ، خلاص وصلنا حصلك حاجه، انزلي بقى اقفى هنا انتى و فيفي عقبال ما اشوف هيحصل فوق ايه
دانيه تميل تسند ع ركبتها بتعب : لا براحتك خالص، هروح اقعد في الجنينه اروق اعصابي اللى ادمرت
فريده تشوف شاب عضلات جسم رياضي طويل وحلاوه داخل عليهم ولابس نظاره
فريده تشد نايا : اوووبا انتى كل يوم بتشوفي طبق الرز بلبن ده
نايا ترفع شفتها اللي فوق و تشاور عليه بقرف : ده رز بلبن!!
فريده بتوهان: يبقى بسبوسه بالقشطه
و تغني وهي بتعاكسه يا جامد انت اه يا واد يا معدي
الشاب بصلهم و التلات بنات بصو الناحيه التانيه و كملو الاغنيه كلهم مع بعض : خلتنى اجى عندك و اهدي و فضلو يغنو لحد ما مشي
نايا زقت فريده : وسعى كده عطلتينى. وطلعت تجري أول ما طلعت المختبر اللى بيعملو فيه اختراعات فضلت تدور على المدير بعينها.
*******************
دانيه بنرفزه : ايه قله الادب اللى انتى فيها دي عجبك كده لما بص علينا
فريده بهزار: انتى هتفضلى تزعقيلى و تعملى عليا الكبيره لحد امتى ،، وسعيلى كده اروح لامي
دانيه تكلم نفسها بغيظ : واحده هتموت علي كل رجالة العالم و التانيه بجنانها هتقضى علي كل العالم يارب لا اسألك رد القضاء و لكن اسألك اللطف فيه، أنا كان مالي ومالكم انتوا الاتنين.
*******************
نايا تدخل للمدير بابتسامه مصطنعه وبهزار : صباح الخير يا دوك
المدير يقلع النظاره الطبيه : نعم
نايا بهزار : صباح الخيرات يا دكتووور
المدير بحده : خيرات من فين يا انسه ، ايه اللى جايبك
نايا بهزار : اكيد حضرتك مش واخد بالك انا الدكتوره نايا
المدير بجديه : لا واخد بالى ،، بس الظاهر ان انتى مش واخده بالك من الساعه ، انتى يا انسه جايه دلوقتى تعملى ايه
نايا تمثل الجديه وتمسك ملفات على المكتب وتعمل نفسها مهتمه وبتقلب فيها : اشتغل يا دكتور
المدير اخد من ايدها الملف بعصبية : جايه بعد الظهر و عايزه تشتغلى
نايا بمشاكسه : يا دكتور ده انا شطوره و بخلص الشغل في منت
المدير بضيق : لا انا شايف ان حضرتك تروحى ترتاحي النهارده و نشوف وشك بكره ان شاء الله ما المعمل مش هيطير خدى راحتك خالص
نايا بهزار : و الله كلك ذوقك فعلا عندك حق هو المعمل هيطير
المدير بعصبيه : امشى اطلعي بره
نايا بلا مبالاه : علي فكره انا طالعه من غير ما تتحايل عليا
و تبص بره المكتب اهلا دوك زيزو فينك يا راجل و تطلع من المكتب
زياد بضحك : نايا انتى مشكله حتى هنا هتفرسى المدير يا بنتى انتى ماينفعش تقعدى في مكان غير لما تشلي كل اللى فيه انتى فاكره نفسك لسه في الكليه ودي محاضره
نايا : ايه لوكلوك لوكلوك لوكولك اهدا شويه هما اللى بيحبكوها اووي و انا مالى ايه يعنى اجي الشغل متأخره، دي حتى ميزه أن الفت انتباه المدير عليا وافضل شغله باله.
زياد بضحك : نايا فوقي من جنانك احنا خلصنا الكليه خلاص، ولا هي دي محاضره كمان ولا ايه حكايتك ، نايا انا مش مصدق انك طلعتي بامتياز
نايا بتريقه : لا صدق و صدق قوى المكان ده محدش بيدخله غير اللى جايبين امتياز يعنى صدق يا عسل و وسع كده امشى
زياد : مجنونه بس حتة عسلية
نايا بأبتسامة ثقه : عارفه و تديله ضهرها
زياد بحب : نايا
نايا تبصله
زياد بتردد : نايا هقولك لاخر مره، انا ،،، معجب بيكى ،،،،و عايز اخطبك
نايا تقلب الموقف هزار لان هي بتعتبره اخوها : معجب ولا عايز تخطبنى
زياد بحب : الاتنين
نايا بجديه : بص يا زياد مع أني قلت ليك كذا مره بس هقولهالك تاني، انا و انت مجانين ماننفعش نتجوز ولا يبقي بينا اي حاجه اكتر من صداقه حاول تركز مع و بصت علي بنت رقيقه
زياد بص للبنت و رجع بص لنايا و قلبه مكسور : ده اخر كلام
نايا : زيزو انت عارف أنا بحب الصراحه ولا كنت تحب اقولك افكر و لسه مفكرتش طيب ادينى فرصه و افضل اعلقك
زياد بتهرب من الكلام في الموضوع : شكل الجو بيقلب نكد ، خلاص انسي يا صديقتى المجنونة
نايا : حبيبي يا زيزو اخلع انا احسن الدوك لو شافنى هيعلقني
زياد : ماشي يا مجنونة
نزلت نايا و ركبت علي الاسكوتر و دانيه ركبت وراها
دانيه : ها عملتي ايه؟
نايا بتفاخر : اول ما شافني المدير فضل يرحب بيا و اد ايه انا هنفع المكان و مبسوطين جدا انى هبقى معاهم و قالي لو تحبي ترتاحي النهارده ارتاحي
دانيه تنحت و فتحت بقها
نايا بصت عليها : اقفلى بقك ده لاحسن جراده تدخل فيه
دانيه : بجد عمل كده؟!
نايا بغيظ : راجل رخم طردني
دانيه بشماته و ضحك : احسن هو حد بيروح الشغل دلوقتى لا و كمان اول يوم
نايا : نفسي اعرف هي فين المشكله و زودت السرعه و طلعت علي الدائري
*******************
عند نضال
كان راكب مع خاله علي حنطور و طالع من وسط الاراضي الزراعيه
نضال : باااااس كفايه اووى لحد هنا يا خال انا مش عارف لو حد شافني هيبقى وضعي ايه
خاله : اوصلك قدام شويه كمان
نضال : لا كفايه اوووي كده تشكر
نزل و طالع من بين الزرع و واقف مستني اي حاجه معديه يركب فيها
نايا كانت معديه باقصى سرعه
دانيه بصويت : هدى شويه
نايا تبص وراها : يا بت خلى عندك ثقه فيا
وفجأه نايا تخبط نضال بالاسكوتر و تنطره
وقفت نايا الاسكوتر : يا نهار بنفسج
دانيه تنزل و تجرى ع نضال : كابتن يا كابتن
نايا بخوف : احيه ده شكله مات يا لهوووى هنعمل ايه
دانيه بخوف و دموعها نزلت : بس مش تقولي كده هو عايش عايش ان شاء الله يا كابتن رد عليا يا كابتن
نايا خوفها سيطر عليها : انتى هتفضلى تعيطي كتير عليه ده مات قومى اخلصي نهرب
دانيه بدموع و عصبيه : انتى مش بتاعة مشاكل و بس لا كمان قلبك ميت ، و هتهربي فين يا نصيبه ده لابس لبس ظباط احنا ممكن نتنسف و مسكت الشنطة اللي جنبه فتحتها لقت سي في (السيرة الذاتية) و بتقرأ
يا لهووى يا نايا ده مش ظابط عادى لا ده كمان رايح قوات خاصه ده احنا هنتعلق لا هنطحن لا هنتفحت
نايا اخدت من ايدها الورق و فضلت تعيط : تعالى نسحب الاستاذ ده جوه شويه بعيد عن الطريق و شده ورا حجر كبير و فضلو هما الاتنين يعيطو
نايا تبص لدانيه : دانيه انا مش حمل ادخل السجن
دانيه : نعم ياختى بتبصيلي ليه
نايا بعياط : ماقصدش تدخلي بدالي بس ممكن نسلم نفسنا و تشهدي ان هو اللى رمى نفسه قدامنا
دانيه : لا انتي مش طبيعيه واحد زي الاخ ايه اللى يخليه ينتحر
نايا تعيط اكتر : لا اصل انا مش هدخل السجن مستحيل و فضلت تعيط اكتر
نايا من توترها وخوفها مجاش في دماغها تجس نبضه عشان تشوفه فعلا مات ولا عايش ومجرد فاقد الوعي
و بعد عياط وقلق ورعب لمدة ساعتين، فجأه نايا تضحك ضحكه شريره
دانيه باستغراب : لا اكيد مش اتجننتي اكتر ما انتي مجنونة
نايا تغمزلها : لقيتها. بصي الظابط ده مطلوب في قوات خاصه و اول يوم يعني محدش يعرفه هناك
دانيه بغيظ : و عرفتى من فين بقى
نايا ورتها جواب : من ده مكتوب ان اول يوم ليه هو تاريخ النهارده و المكان اللى هيتجمع فيه الظباط و كمان مكتوب هما تعمدو ان محدش يعرف حد لاسباب خاصه
دانيه بعدم فهم : ما المشكله انه مش هيروح في ميعاده يا ناصحه
نايا بكل ثقه : و مين قال انه مش هيروح في ميعاده ؟
دانيه بعصبيه : يالهوى عليكى و هيروح ازاي و هو ميت
نايا بكل ثقه : هروح انا
دانيه بخوف من نايا : لا لا اكيد انتى اتجننتى و مش طبيعيه اه ما الكل قال عليكى كده و انا مكنتش مصدقه
نايا بجسم مرتعش : بت انتى اهدى هفهمك
دانيه : هسمع كلامك لحد ما اعرف انتى بتفكرى في ايه
نايا سرحت
دانيه خبطتها : اتفضلى قولى بتفكرى في ايه
نايا : اسمعى ده اول مره يروح المكان ده و اللى فهمته من الورق ان كل ظابط مايعرفش اي ظابط تاني و فيه كتير هيروحوا من مدن مختلفه يعنى محدش يعرف حد هناك
دانيه : اه و بعدين بقى يا فريكيكو
نايا : و بعدين بقى انا هاخد كل حاجه تخص الظابط و تبص في الكارنيه بتاعه نضال و هاخد لبسه و هروح مكانه
دانيه بصدمه : لا انتى مجنونة فعلا
نايا بخوف حقيقي: قديمه اتقالتلى كتير .. و سبينى في حالى انا خايفه اكتر منك
دانيه : نايا انتى عارفه ده اسمه ايه
نايا : اللى انا اعرفه ان لما حد يشوف الجثه دي محدش هيعرفه بما ان كل حاجه تخصه معايا
دانيه بغيظ : طب محدش هيعرف الاخ ده هناك و محدش هيعرفه هنا طب يا ذكيه الصوره اللى في الكارنيه و بتقرب الكارنيه عند وش نايا في اختلاف السما من الارض
نايا ببرود : دي بقى اسهل حاجه
دانيه : ازاي بقى
نايا وهي جسمها بيتنفض : هتعرفى بعدين و اخدت كل حاجه تخص نضال و قلعته البدله و مشيت و سابته
دانيه فضلت تعيط
نايا علي الاسكوتر : بت انتى بطلى عياط هتخلينى اعمل حادثه تانى
دانيه : ايه انا اللى هخليكى لا لا لا انتى مش طبيعيه خالص نزلينى
نايا : عارفه لو ماسكتيش هوديكى عند نضال و اصوت و اقول انتى اللى خبطيه
دانيه بعياط : بس يا رخمه اسكتى و امشى ساكته و انا هخرس خالص و هسكت رفعت ايدها حطتها علي بقها
نايا وصلت مكان غريب : انزلى
دانيه : انزل فين احنا هنا فين
نايا : تعالى ورايا و هتعرفى
طلعت نايا و دانيه و خبطت علي باب شكله مخيف و دانيه خايفه جدا: انت تعرفي الاماكن دي من فين؟
نايا: ده واحد بيسلك ناس بره البلد اتعرفت عليه بالصدفة.
دانيه سابتها ورجعت ورا: نعم ياختي.
نايا وهي بتخبط وبتشد ايد دانيه: يابنتى تعالى وانشفي شوية
فتح ليهم راجل اربعيني شكله مخيف.
الراجل : اهلا نايا
نايا برعب وهي بتبص يمين وشمال: اهلا يا راجل يا طيب عايزه منك خدمه
الراجل : اؤمرينى
نايا تطلع السى في : عايزه تصورنى صوره دلوقتى حالا و تحط صورتى بدل الاخ ده
دانيه : انتى يا نصيبه بتقولى ايه ده راجل و مش ينفع تروحى المكان ده بتاع رجاله هتروحي ازاي
نايا تبص للراجل : سيبك منها انت فهمتنى صح
بندق وهو بيضحك: فهمتك ده مقلب جديد منك، البسى البدله و تعالى و انا هبهرك
دانيه بخوف : يا رب استر يا رب انا ايه اللى خلانى اشوف وشك النهارده استر يارب صدقت امي لما قالت عليكى نصيبه و مجنونة
نايا دخلت لبست البدله بتاعة نضال و لمت شعرها و لبست الكاب و كشرت
دانيه اول ما شفتها : ايه ده ياخربيت عقلك
نايا : كده بقى انفع و لا مانفعش ادخل
دانيه بأنبهار : اوباااااا يخربيت شيطانك نصيبه نصيبه
و صورها عم بندق و طلع الصوره و زور الورق كله و حط صورة نايا بدل صور نضال على أساس أنه مقلب جديد.
عم بندق : تؤمر بأي خدمه تانى يا نضال بيه
نايا بصوت ذكرى : لا خلاص حلو اووى كده و ضحكت
قامت اخدت كل الورق و نزلت
دانيه : تعالى هنا لسه في مشكله
نايا : و ايه هيا
دانيه : هتقولى ايه لامك و اخوكى
نايا : امي دي بقى اسهل حاجه ، تعالى نروحلها
نايا من جواها كانت خايفه جدا من اللى بتعمله لكن خوفها من السجن هو اللى خلاها تتصرف بجنون و من غير تفكير
*******************
في فيلا فوزي هو راجل ديمقراطي و بيحب بناته
ويزو تنزل علي السلم بجسمها المليان و تقول : ماما انا هنزل اقابل احمد و هندور علي ديزاينر تعملى فستان الفرح
رانيا : ماشى يا حبيبتى
في اوضة رنا اختها بتتكلم في الفون : حبيبي عامل ايه
مدحت : الحمدلله يا حبيبتي وحشانى
رنا بحب : انا هتجنن عليك ، عملت ايه بقى في فرنسا من غيري
مدحت : و الله كنت زهقان، طول ما انتى مش معايا مش بعرف افرح
رنا بفرحه : حبيبي منحرمش منك ابدا
مدحت : ايه يا قلبي اختك خلاص هتتجوز
رنا : اها عقبالنا
مدحت : طيب ما تكلمى باباكى و قوليله نعمل الخطوبه في يوم فرح اختك
رنا : تصدق فكره انا هقوله يارب يوافق
مدحت بضيق : و ميوافقش ليه مش هو قال لما اختك الكبيره تتجوز و اهي هتتجوز خلاص
رنا : نفسي اكون في حضنك النهارده قبل بكره
مدحت : مش اكتر منى ماتعرفيش قد ايه بتعذب لما اي حد يبصلك او لما افكر انك هتضيعى مني
رنا : حبيبي انا ليك انت و بس
رانيا مامتها تدخل عليها الاوضه : رنا يالا الفطار
رنا : اووكى يا مامى.
وقالت لمدحت: هقفل دلوقتى و هكلمك بعدين
مدحت : ماشى يا حبيبتي بااي
رانيا بعصبية : بتكلمى مين؟
رنا : ده مدحت
رانيا بضيق : و بعدين معاكى مش باباكي قالك مافيش جواز من اللي اسمه مدحت ده
رنا بنرفزه : انا مش عارفه بابي رافض مدحت ليه مع انه شاب قمر و غني و حنين اووي عليا
رانيا بعصبيه : علي فكره بابا مش بيفرق معاه القمر و الغني
رنا بصوت عالي : لما ده كله مش فارق امال ايه اللى فارق معاه
رانيا بهدوء : ممكن اعرف فين اهل مدحت هو ليه مش باينله اهل
رنا : والده و والدته مسافرين ع طول و يوم الفرح هيجو
رانيا : علي العموم الكلام في الموضوع ده مع باباكى يالا اتفضلى الفطار
رنا بنرفزه : اوكي
********
نايا وصلت بيتها تخبط جامد
هاله بغيظ : يارب الصبر من عندك و فتحت ، انتى يابنتى لحقتى تروحى و ترجعى
نايا : طبعا احنا في عصر السرعه
كرم : اكيد اتكرشت و انتى الصادقه
نايا : اشوف فيك يوم يا ابن امى و ابويا
كرم بضحك : ما تتكسفيش قولى الصراحه
هاله بحده : جيتى بدرى ليه
نايا بجديه : ما انتى لو تبطلى تدعى عليا كنت بقيت احسن واحده في العالم
هاله : ربنا يهديكى يا بنتى و يصلح حالك ، حلو كده يا فرساني
نايا ترفع شفتها : بعد ايه خلاص اللى حصل حصل
كرم بضحك : اترفدتى
هاله بقلق : حصل ايه
نايا تضرب اخوها : بس يا رخم ، يا ماميتو انا اقصد ان المدير و دانى فرع تانى امسكه كله لوحدى في الواحات
كرم يضيق عينه: انا مش مطمنلك
هاله بجديه : بس يا كرم ، و تبص ل نايا ليه ؟ ده مكان بعيد اووي
نايا تمثل الزعل : ما انا وافقت عشان اريحك منى شويه
هاله : اه انا عايزه ارتاح منك ، بس يوم يومين ، كده هتاخدى وقت طويل اوووى عقبال ما تنزلى
نايا بهزار : بجد يا ماميتو مش عايزانى اروح
هاله بحب : صحيح انتى مطلعه عينى بس بردو انتى بنتى حبيبتى
نايا تحضنها : ربنا يخليكى ليا يا ماميتو مش هتأخر عليكى ، معلش بقى لازم انزل حالا
دخلت الاوضه و عملت نفسها بتلم
هدوم عشان هي اصلا مش محتاجه هدوم بنات هتلبس هدوم نضال
كرم دخل عندها و بجديه : ممكن افهم في ايه بالظبط
نايا : ما انا قولتلك عايز تفهم ايه تانى
كرم بحده : ازاي اول يوم شغل و ازاي ينقلوكى و وافقتى ليه تروحى
نايا بتحاول متتوترش : نقلونى عشان انا اكتر واحده بتفهم في القسم اللى طالبينه هناك و وافقت ليه بقى عشان ده هيفدنى
كرم يحضنها : مع أني قلقان، بس لو فيها مصلحتك خلى بالك من نفسك يا مجنونة
نايا بحب : حاضر و انت خلى بالك من نفسك و من ماميتو
كرم : دي في عينيا
نايا : يالا سلاموز يا رخم
طلعت سلمت علي مامتها
هاله حضنتها : ربنا معاكى يا بنتى خدى بالك من نفسك
نايا بدموع في عينها : بالله عليكى يا ماميتو ادعيلى الايام دي و بلاش تدعى عليا تانى خالص
هاله بنغزه في قلبها: نايا حبيبتى انا لما بدعى عليكى بيبقى من ورا قلبي ، انا بدعيلك دايما من جوايا
نايا بجديه : بس ممكن ابواب السما تكون مفتوحه في الوقت اللى بتدعى عليا فيه و ربنا يستجيب لازم دايما تدعي و تقولى الخير
هاله بزعل من نفسها : معلش بس انتى بتفرسينى
نايا بهزار : الجو قلب نكد فجأه ليه، اضحكى بقى و اتبسطى محدش هيفرسك تانى غير المجنون ده
كرم : انا مجنون
و لسه هيمسكها جريت و قفلت الباب وراها و نزلت ل دانيه : يالا يا دانيه
دانيه تسلم عليها : يالا ربنا معاكى ، الحق اخلع انا
نايا تمسكها من هدومها : تعالى هنا تخلعى فين انتى هتوصلينى
دانيه تتنح : ايه
نايا تشدها : زي ما سمعتى كده انتى شريكتى في الجريمة ماليش فيه و هتبقى تزورينى كمان علي طول هناك
دانيه: هو انتى مسجونة ده انتى ظابط قوات خاصة قد الدنيا.
نايا وهي بتجز على سنانها: دانييييه.
دانيه برعب: امري لله.
شاب ينزل من عربيته الچيب بهيبه لابس بدلة ظابط، مشي بطوله اللى بيفزع اي حد يمشي جنبه، بملامحه الجاده القاسيه الحزينه وحواجبه العريضه، أول ما دخل باب عماره وقف ليه امن العمارة بسرعة من مكانه يفتح ليه باب الاسانسير بسرعة: صباح الفل يا باشا.
اكتفى بهز راسه و ابتسامه صغيره و دخل الاسانسير وأول ما الباب قفل سند راسه ورا علي المراية من كتر ارهاق الشغل، وقف الاسانسير عند الدور بتاعه فتح الباب ودخل شقته، وقف ثواني في الصاله وهو مغمض عينيه بيفتكر ذكريات مؤلمة، وبعدها اخد نفس طويل ودخل علي اوضته من غير اي امل في الحياه، اتفاجأ ببنت نايمه ملامحها رقيقه قصيره جدا وشعرها كان مفرود على المخده و دمها مالي السرير، وقف اتسمر مكانه من الصدمه و قال بصدمه: دينا! انتى عرفتي ترجعي ازاي؟!
دينا تفتح عينها و مصدقتش نفسها ان حبيبها اخيرا شافته قدام عينها، قامت بفرحه من ع السرير و الدم كان بينقط من رقبتها وتقول بحب: مهيمن.
تدخل امه اللي في الخمسينات عليهم الاوضه وتقول حنان بحب اللى شخصيتها اخدت جزء كبير من اسمها: مهيمن؟
دينا بصوتها الرقيق : مهيمن.
مهيمن كان متنح و فاتح عينه بعدم تصديق من اللى بيشوفه و يبص على كل واحده فيهم شويه.
حنان تحط ايدها ع كتفه بعطف: يابنى الساعه عشره.
مهيمن يغمض عينيه و يركز في صوت امه و يقوم بفزع من علي السرير اللي نايم عليه يبص ل نفسه لقى نفسه لابس شورت قطن اسود بدل البدله العسكرية اللي كان بيها من شوية، سند راسه ع ايده يستوعب هو فين، وبعد دقايق اتأكد انه نفس الكابوس اللى بيطارده على طول.
حنان بعطف تسأله: حبيبي مالك؟
مهيمن ينزل ايده من على وشه و بجديه : الساعه كام يا امي؟
حنان بزعل على حال ابنها : عشره.
مهيمن يقوم بسرعة من على السرير يفتح دولابه و ياخد طقم كاجول : ليه مصحتنيش بدرى يا امى؟
حنان : حبيبي انت رجعت امبارح تعبان اووي و بقالك كام يوم مطبق في الشغل اكيد مانمتش سبتك ترتاح.
مهيمن بهدوء : امي لو سمحتى لما اقولك صحينى بدري يبقى تصحيني بدري.
حنان بقلة حيله من عناد ابنها : حاضر يا ابنى.
و تسكت ثواني و تقول... مهيمن انت لسه مش ناوي تتجوز؟
مهيمن اول ما سمع كلام امه حس بهزه تحت رجله، قعد ع اقرب كرسى و الدنيا بقت تلف بيه.
حنان قربت منه وقالت بقلق عليه : مهيمن انت تعبان؟
مهيمن بنغزه في قلبه ومرار في حلقه: امى بالله عليكى ماتجبيش سيرة الموضوع ده تانى.
حنان بحزن : يابنى نفسى اشوفك مرتاح و اشوف عيالك.
مهيمن رد بحده عشان ينهي الكلام في أكتر موضوع بيقتله بسكينه باردة: انا لو تعبك اووي كده ، ممكن امشى و اقعد في شقتي.
حنان حاولت تمسك دموعها من اندافع ابنها في الكلام وقالت بحزن: مضايقنى !! ليه يابني بس بتقول كده انت عارف انى ببقى مبسوطه و انت جنبي ، و انا و اختك مش لينا حد غيرك.
مهيمن يتحكم في اعصابه ويقوم بيوس راس امه : امي سامحينى مقصدش ازعلك بس لو سمحتي انا مش هقدر اتجوز تانى، مش هقدر والله غصب عنى، اللى شوفته كان صعب اووي.
(قال كلامه وعينيه مرغرغه بالدموع ، بس هو دايما بيظهر انه قوي و صعب دموعه تنزل قدام حد حتى امه )
حنان تطبطب عليه : عارفه والله يابنى بس نفسى تنسى ، هي اكيد شهيده و في مكان احسن.
مهيمن كان دايما حاسس انه السبب في نهاية حياتها، كان بيتمنى أن القدر مش يرميها في طريقه، لكن القدر دايما بينفذ احكامه اللي بيصدرها بدون نقاش مع اي حد، غمض عينه بعذاب وألم وقال: والله نفسى انسى حتى ماتت ازاي ، بس مش قادر ادعيلي يا امى انتى عارفه هي اتعذبت قد ايه عشاني.
حنان بلوم نفسها: اخس عليا انا اسفه يا بني اني فكرتك حقك عليا يارتني ما كنت قلت اتجوز.
مهيمن بوجع جوه قلبه: امي انا مش بنسى من الأساس.
حنان تضم ابنها وهي تدعيله: ربنا يجعلك من الصابرين.
مهيمن فقد السيطرة على دموعه قام و خبي وشه من أمه وهو بينهي الكلام: اللهم امين ، بعد اذنك هدخل اخد شور.
حنان: اتفضل ...
(قلب حنان بيتعصر من الوجع قوى كل ما بتشوف ابنها و هو قلبه محروق علي مراته او حتى علي اخته مريم اللى بيتكسف يرفع وشه فيها او عينيه تقابل عنيها)
مهيمن دخل الحمام فتح الدش على اخره ووفف تحته، قفل عينه جامد وهو بيحاول ياخد نفسه من كتر ما الذكريات بتهجمه بوحشية.
.......فلاش باك .....
حنان بفرح : مهيمن اخيرا نزلت اجازه.
مهيمن : معلش يا امي كان عندى شغل كتير.
حنان : حبيبي عايزه اتكلم معاك في موضوع
مهيمن : اتفضلي يا امي
حنان بشوق : نفسى اشوف عيالك قبل ما ....
مهيمن يقوم بسرعه يحضن امه : بعد الشر عليكي
حنان بابتسامه : حبيبي طيب ممكن تتجوز
مهيمن يبتسم ابتسامه خفيفه : امى مفيش وقت ادور علي عروسه
حنان بفرحه : العروسه موجوده
مهيمن بابتسامه تملي وشه : و انا موافق و من غير ما اشوفها، كفايه انها عجبت ست الكل اكيد هتعجبنى
حنان بفرحه : بجد يا ابنى
مهيمن قعد تحت رجلها مسك ايدها باسها : بجد يا اغلى ما ليا و حط راسه علي رجلها.
.....باااك......
مهيمن يضرب الحيطه بقوه : يارتني ما اتجوزت ، يا رتنى قولت لا.
و ياخد نفس طويل و يطلعه بوجع وقهر و يقول: ا ا ا ا ا ا اه الوجع جوه قلبي نار بتولع فيا وكل يوم بتزيد عن اليوم اللي قبله، نفسي افقد الذكره عشان ارتاح من العذاب.
*********************
بره في الصاله
مريم بنت رقيقه جدا صوتها مش يتسمع لما تتكلم ملامحها صغيره جدا جسمها رفيع طولها مناسب ك بنت، تطلع من اوضتها برقه و عين حزينه : صباح الخير
حنان بحب : صباح الهنا
مريم : ماما هو ابيه مهيمن نزل
حنان : لا لسه بياخد دش ، خدي الاكل طلعيه ع السفره
مريم برقه : حاضر
طلع مهيمن بيحاول يتجاهل عين اخته وده دايما اللى بتلاحظه امه : صباح الفل ع احلى بنوته
مريم بأبتسامه رقيقه : صباح الخير يا ابيه
مهيمن بتهرب : انا هنزل عايزين حاجه
حنان : افطر معانا قبل ما تنزل
مهيمن : معلش مش هقدر
مريم قامت مسكت ايد مهيمن : ابيه مهيمن انت هتمشى و هتسيبنا تانى لوحدنا
مهيمن يمسك وش اخته : يا مريم يا حياتى انا عندى شغل اول مايخلص هرجع علي طول
مريم بخوف : ابيه انا عايزاك معايا
مهيمن : انتى لسه بتخافي
مريم تحضنه و تعيط : انا بخاف طول ما انت مش معايا انا مش عايزاك تسيبنا بليز يا ابيه خليك معانا
مهيمن يحضن اخته جامد و قلبه يتقطع من انه هو سبب في وجع كل حد بيحبه وقريب منه.
فلاش باااك
ظابط مخابرات : مهيمن الحق اختك مختفيه من الصبح و والدتك قلبه عليك الدنيا
مهيمن يقوم مفزوع : و هي متصلتش بيا ليه
الظابط : تليفونك مقفول
مهيمن مسك الفون و اتأكد انه مقفول ورماه في الارض وطلع يجري و هو بيجري،، صوت في الاسلكي : مهيمن باشا انت بتتحدانى انا، ده انا هندمك علي اليوم اللى جيت فيه وش الدنيا
مهيمن ركز مع الصوت : الضو .. شكلك ما بتفهمش لما تبقى عايز تصيب صيب هدفك علي طول مش تفضل تهدد و تلك كتير زي الحريم
الضو بضحك : كويس اووي انك لسه فاكر صوتي .. بس انا اتعلمت من درسك كويس اووي
مهيمن بعصبيه : انت عايز ايه و ازاي الجهاز وصل لايدك
الضو ببرود و ضحكه مستفزه : مش بقولك مهما تبقى شاطر برضه غبي زي ما اختك في ايدي الجهاز في ....
مهيمن قاطعه بجنون : اختى عندك !! اقسم بالله هيبقى اخر يوم في عمرك لو لمست شعره منها
الضو بضحك : مش بقولك غبي لسه بتهدد و اختك معايا ،، نسيت درسك ليا صيب علي طول
مهيمن سكتةثواني وحاول يتمالك نفسه ورد بضعف : خليك راجل و اتعامل معايا راجل لراجل.
الضو بضحك : سبق و قلت عليا مره و انا مره.
مهيمن حس بماية متلجه اتكبت عليه حط يده علي شعره و قعد على الارض بقلة حيله : طيب انت عايز ايه دلوقتى
الضو : ايوه كده نتفاهم، تعدي شحنة السلاح
مهيمن بنرفزه : انت مجنون
الضو مسك شعر مريم جامد
مريم صرخت بوجع
مهيمن يحاول يمسك اعصابه و يغمض عينيه جامد و يقفل يده و يقول بهدوء وطلع حروفه من حلقه بصعوبة: هعمل اللى انت عايزه بس بلاش تإذيها... لو عايز اركع تحت رجلك انا موافق بس اختي لأ.
الضو ضحك بشر و قفل
مهيمن قام عمل كل حاجه عايزها الضو في وقت قصير و اتصل عليه : عملت كل اللى انت عايزه اختي فين
الضو ببرود و ضحك : هتلاقيها مرميه علي الدائري ،،،، بس سامحنى بقى البت مزه و صحت الشباب اللى مدفون جوايا من تانى
مهيمن بحده : و الله حتى لو بتقول كلامك استفزاز لهندمك عشان فكرت وطلعت كلامك الوسخ.
الضوه بمتعه بعذاب مهيمن: الله بقولك حصل.
مهيمن بعصبية وجنون: وربي هموتك اوسخ موته
الضو باستهزاء : سلام يا نانوس و افتكر كلامك انك بتنفذ و بتصيب علي طول و مش عندك وقت تهدد و يضحك ببرود
مهيمن رمى الفون و امر بتغير كل اشارات اللاسلكي و نزل و لقى اخته في نفس المكان بس للأسف مش عليها قطعة هدوم واحده، فقد توازنه ووقع على الارض وكان زي التايه عقله وقف لثواني، لحد ما طلع كلمة اه من قلبه هدت الصحرا كلها، حاول يقف وهو بيتمنى انه كان اتقتل ابشع موته و ماكنش حصل ل اخته كده ، ستر اخته وشالها حطها ف العربيه ، مريم كانت فاقده الوعي خالص مش حاسه بالدنيا كلها، مهيمن كان اول مره في اليوم ده تنزل دموعه و مش اي دموع دموع زي المطر من الحرقه اللي كانت في قلبه.
باااك
فاق مهيمن علي ايد امه علي كتفه
حنان تطبطب عليه و تبص لمريم : ايه يا مريم ما انا معاكي
مريم بدموع : ماما انا خايفه علي ابيه اكتر ما اكون خايفه من اي حاجه تانية
مهيمن بحنان : مريم يا قلبي ماتخفيش عليا .. انتى بس ادعيلي و انا هرجعلك بالسلامه ان شاء الله و يمسحلها دموعها ويهرب ينزل بسرعه قبل ما دموعه متخونه
حنان اخدت مريم في حضنها وفضلت تطبطب عليها
مهيمن في العربيه يحط ايده علي راسه و يغمض عينيه
فلاش باك
مريم تفوق و تصوت و كانت في مستشفى و الكل حاول يهديها لكن كان عندها حاله هستريه من اللى شافته
مهيمن مقدرش يقف و يتفرج علي اخته طلع بره الاوضه و الدكاتره حاولوا يدوها مهدئ
فون مهيمن يرن
يرد بسرعه : عرفت مكانه؟
: ايوه يا باشا بعد ساعه هيكون في المطار
مهيمن قفل و نزل يجري بس صاحبه قابله ع السلم
محمد : انت رايح فين و بتجري كده ليه
مهيمن : من هنا للمطار ياخد وقت قد ايه
محمد : تقريبا نص ساعه او اكتر لو في زحمه
مهيمن بحده و عصبيه : انا لازم الحقه نزل يجري
محمد نزل وراه
مهيمن راح عند عربيته وكان زي المجنون وفجأة وقف بص لمحمد: عايز الموتسكل بتاعك
محمد طلع المفاتيح وقال: طب هسوق أنا.
مهيمن شد منه المفاتيح وركب واتحرك بسرعة، لكن محمد بلياقه بدنيه نط وراه قبل ما يتحرك، كان الطريق شويةيقف و شويه يمشي لكن مهيمن كان بيتصرف ويطلع ع الرصيف ويدخل بين العربيات بجنون و عدي من الوقت ساعه الا ربع من كتر الزحمه
و ع بوابة المطار الطريق كان واقف خالص ومافيش مكان يدخل منه بالموتوسكل نزل وسابه في الطريق و فضل يجرى و كانه بيسابق الوقت، ومحمد كان وراه.
دخل مهيمن القاعه و كان زي المجنون لمح الضو عند شباك التحقيق من الشخصيات.
موظف الجوازات : نتمنالك رحلة سعيدة تقضي وقت ممتع ان شاء الله و بيرفع ايده عشان يختم الجواز
مهيمن بسرعة البرق يشد الضو من قفا ويقول من بين أسنانه : من جهة هيقضي وقت ممتع هو هيقضي و ضربه بالراس و فضل يضرب فيه
محمد بيحاول يبعده : كفايه كده اقبض عليه وسلمه.
مهيمن يزق محمد : انا لازم اقتله
الضو بضحك مستفز : اضرب كمان بس عمرى ما هنسي نعومة جسم اختك
مهيمن في الوقت ده نسي كل حاجه و ضربه تحت الحزام بكل قوته
الضو فضل يصوت لحد ما طلعت روحه
محمد بحده : انت مجنون ازاي عملت كده
مهيمن بوجع : مجنون !! كل النار اللى جوه قلبي دي وتقولي مجنون ، علي العموم معايا اذن بالقبض عليه و احضاره ميت او حي
بااك
يفوق مهيمن من ذكرياته المألمه يمسح وشه وهو بيستغفر ربه ويتحرك بالعربية
***********************
اما في بيت نايا بيت مكتمل و شيك جدا بنت دايما تلبس فساتين كاجول متهوره والجنان والعب بأعصاب الناس هواية عندها و بيتها في مكان راقي
هاله ام نايا تدخل علي نايا الاوضه و تفتح الشبابيك : اصحي يا نايا اصحي بقى كفايه نوم حد في اول يوم شغل ليه ينام لحد العصر يا بت قومي، اشوف فيكي يوم زي ما انتي مطلعه عيني
نايا بنوم ترفع يدها للسما بحركات مسرحيه : يارب يارب اقول ايه بس ، انتي ام انتي حرام عليكى حد بيصحي حد كده اعتبريني بنتك
هاله بنرفزه : يا بت هتشلينى قومي ، صحيتك اربع مرات زي ما الناس بتصحى و انتي ولا انتي هنا
نايا تقوم تربع رجلها و بمشاكسه : ان شاءلله عشره ،، بس ماتفتحيش الشباك كده ،، و تقوم ترفع صباعها السبابه في وش مامتها و تقول: شكلك عايزه ابن الجيران يشوفني ،، انتي ام انتي ها ها ردي
هاله كانت بترجع بضهرها و تقول بنرفزه : يااااااالهوي منك يا بت اسكتي هتشلينى
نايا تمثل الزعل : لا اوعي تقولى كده يا ماميتو بعد الشر عليكي .. و تقول بهزار انتي جميله و زي الحصان اهو و ركبتها الهوا و طلعت تجري
هاله بعصبيه : ماشى يا نايا ، يا رب خليها تتجوز و تمشى من قدامي البت دي يارب ابعدها عني شويه اخد نفسي ياااارب
نايا ترجع الاوضه : ماميتو انتي بتدعيلي،، يا حبيبتى يا ماميتو
هاله بصويت : اااااه يا فرستي منك يا رب ادعي عليها بايه دي
نايا بضحك و تغني : امايا ياما ،، بحبك ياما ،، ادعي اتجوز ياما
هاله تمسك ازازه و ترميها بيها
نايا تطلع تجري و تدخل التواليت و تاخد شور و تخرج تقعد علي السفره : ماما الساعه كام
هاله تستغرب انها متأخره ولا لسه ليها نفس تاكل فتقول بقرف و ضحكه صفرا : الساعه واحده ، كده كويس معاكى ولا تدخلي تكملي نوم
نايا بخضه حقيقية : يالهوي الشغل
هاله بتريقه : يا فرحتى بيكى اول يوم شغل وصاحيه الضهر
نايا بتمثيل الزعل : ماميتو ليه مصحتنيش بدري ليه ها
هاله تحط ايدها علي دقنها بغيظ : لا والله ،، ده علي اساس اني كنت بلعب جولف،، ترفع يدها للسما و تقول يارب يا نايا يا بنت بطني اشوفك في الجيش و تصحي من الفجر و تتمرمطي و يطلع عينك زي ما مطلعه عيني
نايا بمشاكسه وضحك : جيش مين يا حجه انا وحيده ،،اقصد بنت قولي بس اتجوز و انا همشي من قدامك خالص و مش هخليكي تشوفيني
هاله بتصميم : لا جيش ، جيش يا نايا
كرم اخو نايا يطلع من اوضته و بضحكته اللى مش بتفارق وشه و جماله الرجولي : صوتكم واصل لاخر الشارع مالكم يا بشر
هاله بصوت عالي : اختك الهانم لسه فاكره تنزل الشغل
كرم بضحك : مش معقول دي منظر واحده اول يوم ليها شغل
نايا تعوج و ترفع شفتها اللى فوق : خليك في حالك يا لذيذ
كرم بهزار : و انا مش هخلينى ،،يارب يرفدوكي و تتعقدي و تجيلي اعلجك
نايا بحده : انت يا عم الدكتور النفسي ارحم نفسك انت جاي تطلع عليا عقدك ..والله ده انت مجنون مش عارفه ازاي واحد مجنون بيعالج مجانين
كرم يشاور علي نفسه : انا مجنون!؟ طب و الله ما انا سايبك
هاله بغيظ : يالهووووي جتها نيله اللى عايزه خلف زيكم
نايا تقف عند باب الشقه و تقول بضحك: طااااه اسيبك تدعيلي و اروح علي الشغل اللى مش عارفه هروحه ازاي دلوقتى بأنهي وش
قفلت الباب و نزلت ركبت الاسكوتر بتاعها (نوع موتيسكل )
*******************
في بيت نضال ملازم اول في الشرطه و مطلوب للقوات الخاصه
ساره ام نضال : نضال يالا الفطار
نضال متوتر بيفكر ازاي يستعد للمرحله الجديده
ساره : نضال بكلمك يلا
نضال يبصلها : بتكلمينى يا حجه
ساره : اه يلا الفطار
نضال : لا مش عايز انا هنزل عشان اتأخرت و قام سرحان وماشي عكس اتجاه الباب
ساره تضرب ايد علي ايد : الباب من الناحيه التانيه
نضال يخبط راسه ب ايده : اه صح ده من الناحيه التانيه،، دعواتك ياما
ساره : ربنا يقويك يابني
نزل نضال و هو ساكن في قريه زراعيه قريبه من اسكندريه
*******************
في مقر مركز القوات الخاصه في اسكندريه
اللواء يحيى : ازيك يا مهيمن
مهيمن بجديه : تمام سيادتك
اللواء يحيى : مهيمن انا مقدر اللى انت فيه بس فيه فرقه جديده جايه تتدرب و انت اكتر واحد بتعرف تدرب انا محتاج الرجالة دي قريب اووى،، و عايز اسد زيك يدربهم
مهيمن بجديه : و انا تحت امر سيادتك ، تؤمر بأي حاجه تاني
اللواء يحيى : لا اتفضل
مهيمن قام : بعد اذنك
***********************
نايا كانت راكبه علي الاسكوتر و وراها صاحبتها دانيه و فريده
دانيه كانت لابسة بنطلون و تشيرت : يا بت اهدى شويه هنعمل حادث
نايا بثقه : انتى مش عارفه انتي راكبه مع مين
دانيه بخوف : ما النصيبه اني عارفه ، اهدى بقى عبووو شكل اللى يركب معاكي تاني
فريده لابسه فستان كاجول واسع : وااااو سرعي يا نونه ماتسمعيش كلامها
دانيه بخوف : يا مجنونة منك ليها ايه اللي ركبني معاكم
نايا توقف الاسكوتر : انتي هتعيطي ، خلاص وصلنا حصلك حاجه، انزلي بقى اقفى هنا انتى و فيفي عقبال ما اشوف هيحصل فوق ايه
دانيه تميل تسند ع ركبتها بتعب : لا براحتك خالص، هروح اقعد في الجنينه اروق اعصابي اللى ادمرت
فريده تشوف شاب عضلات جسم رياضي طويل وحلاوه داخل عليهم ولابس نظاره
فريده تشد نايا : اوووبا انتى كل يوم بتشوفي طبق الرز بلبن ده
نايا ترفع شفتها اللي فوق و تشاور عليه بقرف : ده رز بلبن!!
فريده بتوهان: يبقى بسبوسه بالقشطه
و تغني وهي بتعاكسه يا جامد انت اه يا واد يا معدي
الشاب بصلهم و التلات بنات بصو الناحيه التانيه و كملو الاغنيه كلهم مع بعض : خلتنى اجى عندك و اهدي و فضلو يغنو لحد ما مشي
نايا زقت فريده : وسعى كده عطلتينى. وطلعت تجري أول ما طلعت المختبر اللى بيعملو فيه اختراعات فضلت تدور على المدير بعينها.
*******************
دانيه بنرفزه : ايه قله الادب اللى انتى فيها دي عجبك كده لما بص علينا
فريده بهزار: انتى هتفضلى تزعقيلى و تعملى عليا الكبيره لحد امتى ،، وسعيلى كده اروح لامي
دانيه تكلم نفسها بغيظ : واحده هتموت علي كل رجالة العالم و التانيه بجنانها هتقضى علي كل العالم يارب لا اسألك رد القضاء و لكن اسألك اللطف فيه، أنا كان مالي ومالكم انتوا الاتنين.
*******************
نايا تدخل للمدير بابتسامه مصطنعه وبهزار : صباح الخير يا دوك
المدير يقلع النظاره الطبيه : نعم
نايا بهزار : صباح الخيرات يا دكتووور
المدير بحده : خيرات من فين يا انسه ، ايه اللى جايبك
نايا بهزار : اكيد حضرتك مش واخد بالك انا الدكتوره نايا
المدير بجديه : لا واخد بالى ،، بس الظاهر ان انتى مش واخده بالك من الساعه ، انتى يا انسه جايه دلوقتى تعملى ايه
نايا تمثل الجديه وتمسك ملفات على المكتب وتعمل نفسها مهتمه وبتقلب فيها : اشتغل يا دكتور
المدير اخد من ايدها الملف بعصبية : جايه بعد الظهر و عايزه تشتغلى
نايا بمشاكسه : يا دكتور ده انا شطوره و بخلص الشغل في منت
المدير بضيق : لا انا شايف ان حضرتك تروحى ترتاحي النهارده و نشوف وشك بكره ان شاء الله ما المعمل مش هيطير خدى راحتك خالص
نايا بهزار : و الله كلك ذوقك فعلا عندك حق هو المعمل هيطير
المدير بعصبيه : امشى اطلعي بره
نايا بلا مبالاه : علي فكره انا طالعه من غير ما تتحايل عليا
و تبص بره المكتب اهلا دوك زيزو فينك يا راجل و تطلع من المكتب
زياد بضحك : نايا انتى مشكله حتى هنا هتفرسى المدير يا بنتى انتى ماينفعش تقعدى في مكان غير لما تشلي كل اللى فيه انتى فاكره نفسك لسه في الكليه ودي محاضره
نايا : ايه لوكلوك لوكلوك لوكولك اهدا شويه هما اللى بيحبكوها اووي و انا مالى ايه يعنى اجي الشغل متأخره، دي حتى ميزه أن الفت انتباه المدير عليا وافضل شغله باله.
زياد بضحك : نايا فوقي من جنانك احنا خلصنا الكليه خلاص، ولا هي دي محاضره كمان ولا ايه حكايتك ، نايا انا مش مصدق انك طلعتي بامتياز
نايا بتريقه : لا صدق و صدق قوى المكان ده محدش بيدخله غير اللى جايبين امتياز يعنى صدق يا عسل و وسع كده امشى
زياد : مجنونه بس حتة عسلية
نايا بأبتسامة ثقه : عارفه و تديله ضهرها
زياد بحب : نايا
نايا تبصله
زياد بتردد : نايا هقولك لاخر مره، انا ،،، معجب بيكى ،،،،و عايز اخطبك
نايا تقلب الموقف هزار لان هي بتعتبره اخوها : معجب ولا عايز تخطبنى
زياد بحب : الاتنين
نايا بجديه : بص يا زياد مع أني قلت ليك كذا مره بس هقولهالك تاني، انا و انت مجانين ماننفعش نتجوز ولا يبقي بينا اي حاجه اكتر من صداقه حاول تركز مع و بصت علي بنت رقيقه
زياد بص للبنت و رجع بص لنايا و قلبه مكسور : ده اخر كلام
نايا : زيزو انت عارف أنا بحب الصراحه ولا كنت تحب اقولك افكر و لسه مفكرتش طيب ادينى فرصه و افضل اعلقك
زياد بتهرب من الكلام في الموضوع : شكل الجو بيقلب نكد ، خلاص انسي يا صديقتى المجنونة
نايا : حبيبي يا زيزو اخلع انا احسن الدوك لو شافنى هيعلقني
زياد : ماشي يا مجنونة
نزلت نايا و ركبت علي الاسكوتر و دانيه ركبت وراها
دانيه : ها عملتي ايه؟
نايا بتفاخر : اول ما شافني المدير فضل يرحب بيا و اد ايه انا هنفع المكان و مبسوطين جدا انى هبقى معاهم و قالي لو تحبي ترتاحي النهارده ارتاحي
دانيه تنحت و فتحت بقها
نايا بصت عليها : اقفلى بقك ده لاحسن جراده تدخل فيه
دانيه : بجد عمل كده؟!
نايا بغيظ : راجل رخم طردني
دانيه بشماته و ضحك : احسن هو حد بيروح الشغل دلوقتى لا و كمان اول يوم
نايا : نفسي اعرف هي فين المشكله و زودت السرعه و طلعت علي الدائري
*******************
عند نضال
كان راكب مع خاله علي حنطور و طالع من وسط الاراضي الزراعيه
نضال : باااااس كفايه اووى لحد هنا يا خال انا مش عارف لو حد شافني هيبقى وضعي ايه
خاله : اوصلك قدام شويه كمان
نضال : لا كفايه اوووي كده تشكر
نزل و طالع من بين الزرع و واقف مستني اي حاجه معديه يركب فيها
نايا كانت معديه باقصى سرعه
دانيه بصويت : هدى شويه
نايا تبص وراها : يا بت خلى عندك ثقه فيا
وفجأه نايا تخبط نضال بالاسكوتر و تنطره
وقفت نايا الاسكوتر : يا نهار بنفسج
دانيه تنزل و تجرى ع نضال : كابتن يا كابتن
نايا بخوف : احيه ده شكله مات يا لهوووى هنعمل ايه
دانيه بخوف و دموعها نزلت : بس مش تقولي كده هو عايش عايش ان شاء الله يا كابتن رد عليا يا كابتن
نايا خوفها سيطر عليها : انتى هتفضلى تعيطي كتير عليه ده مات قومى اخلصي نهرب
دانيه بدموع و عصبيه : انتى مش بتاعة مشاكل و بس لا كمان قلبك ميت ، و هتهربي فين يا نصيبه ده لابس لبس ظباط احنا ممكن نتنسف و مسكت الشنطة اللي جنبه فتحتها لقت سي في (السيرة الذاتية) و بتقرأ
يا لهووى يا نايا ده مش ظابط عادى لا ده كمان رايح قوات خاصه ده احنا هنتعلق لا هنطحن لا هنتفحت
نايا اخدت من ايدها الورق و فضلت تعيط : تعالى نسحب الاستاذ ده جوه شويه بعيد عن الطريق و شده ورا حجر كبير و فضلو هما الاتنين يعيطو
نايا تبص لدانيه : دانيه انا مش حمل ادخل السجن
دانيه : نعم ياختى بتبصيلي ليه
نايا بعياط : ماقصدش تدخلي بدالي بس ممكن نسلم نفسنا و تشهدي ان هو اللى رمى نفسه قدامنا
دانيه : لا انتي مش طبيعيه واحد زي الاخ ايه اللى يخليه ينتحر
نايا تعيط اكتر : لا اصل انا مش هدخل السجن مستحيل و فضلت تعيط اكتر
نايا من توترها وخوفها مجاش في دماغها تجس نبضه عشان تشوفه فعلا مات ولا عايش ومجرد فاقد الوعي
و بعد عياط وقلق ورعب لمدة ساعتين، فجأه نايا تضحك ضحكه شريره
دانيه باستغراب : لا اكيد مش اتجننتي اكتر ما انتي مجنونة
نايا تغمزلها : لقيتها. بصي الظابط ده مطلوب في قوات خاصه و اول يوم يعني محدش يعرفه هناك
دانيه بغيظ : و عرفتى من فين بقى
نايا ورتها جواب : من ده مكتوب ان اول يوم ليه هو تاريخ النهارده و المكان اللى هيتجمع فيه الظباط و كمان مكتوب هما تعمدو ان محدش يعرف حد لاسباب خاصه
دانيه بعدم فهم : ما المشكله انه مش هيروح في ميعاده يا ناصحه
نايا بكل ثقه : و مين قال انه مش هيروح في ميعاده ؟
دانيه بعصبيه : يالهوى عليكى و هيروح ازاي و هو ميت
نايا بكل ثقه : هروح انا
دانيه بخوف من نايا : لا لا اكيد انتى اتجننتى و مش طبيعيه اه ما الكل قال عليكى كده و انا مكنتش مصدقه
نايا بجسم مرتعش : بت انتى اهدى هفهمك
دانيه : هسمع كلامك لحد ما اعرف انتى بتفكرى في ايه
نايا سرحت
دانيه خبطتها : اتفضلى قولى بتفكرى في ايه
نايا : اسمعى ده اول مره يروح المكان ده و اللى فهمته من الورق ان كل ظابط مايعرفش اي ظابط تاني و فيه كتير هيروحوا من مدن مختلفه يعنى محدش يعرف حد هناك
دانيه : اه و بعدين بقى يا فريكيكو
نايا : و بعدين بقى انا هاخد كل حاجه تخص الظابط و تبص في الكارنيه بتاعه نضال و هاخد لبسه و هروح مكانه
دانيه بصدمه : لا انتى مجنونة فعلا
نايا بخوف حقيقي: قديمه اتقالتلى كتير .. و سبينى في حالى انا خايفه اكتر منك
دانيه : نايا انتى عارفه ده اسمه ايه
نايا : اللى انا اعرفه ان لما حد يشوف الجثه دي محدش هيعرفه بما ان كل حاجه تخصه معايا
دانيه بغيظ : طب محدش هيعرف الاخ ده هناك و محدش هيعرفه هنا طب يا ذكيه الصوره اللى في الكارنيه و بتقرب الكارنيه عند وش نايا في اختلاف السما من الارض
نايا ببرود : دي بقى اسهل حاجه
دانيه : ازاي بقى
نايا وهي جسمها بيتنفض : هتعرفى بعدين و اخدت كل حاجه تخص نضال و قلعته البدله و مشيت و سابته
دانيه فضلت تعيط
نايا علي الاسكوتر : بت انتى بطلى عياط هتخلينى اعمل حادثه تانى
دانيه : ايه انا اللى هخليكى لا لا لا انتى مش طبيعيه خالص نزلينى
نايا : عارفه لو ماسكتيش هوديكى عند نضال و اصوت و اقول انتى اللى خبطيه
دانيه بعياط : بس يا رخمه اسكتى و امشى ساكته و انا هخرس خالص و هسكت رفعت ايدها حطتها علي بقها
نايا وصلت مكان غريب : انزلى
دانيه : انزل فين احنا هنا فين
نايا : تعالى ورايا و هتعرفى
طلعت نايا و دانيه و خبطت علي باب شكله مخيف و دانيه خايفه جدا: انت تعرفي الاماكن دي من فين؟
نايا: ده واحد بيسلك ناس بره البلد اتعرفت عليه بالصدفة.
دانيه سابتها ورجعت ورا: نعم ياختي.
نايا وهي بتخبط وبتشد ايد دانيه: يابنتى تعالى وانشفي شوية
فتح ليهم راجل اربعيني شكله مخيف.
الراجل : اهلا نايا
نايا برعب وهي بتبص يمين وشمال: اهلا يا راجل يا طيب عايزه منك خدمه
الراجل : اؤمرينى
نايا تطلع السى في : عايزه تصورنى صوره دلوقتى حالا و تحط صورتى بدل الاخ ده
دانيه : انتى يا نصيبه بتقولى ايه ده راجل و مش ينفع تروحى المكان ده بتاع رجاله هتروحي ازاي
نايا تبص للراجل : سيبك منها انت فهمتنى صح
بندق وهو بيضحك: فهمتك ده مقلب جديد منك، البسى البدله و تعالى و انا هبهرك
دانيه بخوف : يا رب استر يا رب انا ايه اللى خلانى اشوف وشك النهارده استر يارب صدقت امي لما قالت عليكى نصيبه و مجنونة
نايا دخلت لبست البدله بتاعة نضال و لمت شعرها و لبست الكاب و كشرت
دانيه اول ما شفتها : ايه ده ياخربيت عقلك
نايا : كده بقى انفع و لا مانفعش ادخل
دانيه بأنبهار : اوباااااا يخربيت شيطانك نصيبه نصيبه
و صورها عم بندق و طلع الصوره و زور الورق كله و حط صورة نايا بدل صور نضال على أساس أنه مقلب جديد.
عم بندق : تؤمر بأي خدمه تانى يا نضال بيه
نايا بصوت ذكرى : لا خلاص حلو اووى كده و ضحكت
قامت اخدت كل الورق و نزلت
دانيه : تعالى هنا لسه في مشكله
نايا : و ايه هيا
دانيه : هتقولى ايه لامك و اخوكى
نايا : امي دي بقى اسهل حاجه ، تعالى نروحلها
نايا من جواها كانت خايفه جدا من اللى بتعمله لكن خوفها من السجن هو اللى خلاها تتصرف بجنون و من غير تفكير
*******************
في فيلا فوزي هو راجل ديمقراطي و بيحب بناته
ويزو تنزل علي السلم بجسمها المليان و تقول : ماما انا هنزل اقابل احمد و هندور علي ديزاينر تعملى فستان الفرح
رانيا : ماشى يا حبيبتى
في اوضة رنا اختها بتتكلم في الفون : حبيبي عامل ايه
مدحت : الحمدلله يا حبيبتي وحشانى
رنا بحب : انا هتجنن عليك ، عملت ايه بقى في فرنسا من غيري
مدحت : و الله كنت زهقان، طول ما انتى مش معايا مش بعرف افرح
رنا بفرحه : حبيبي منحرمش منك ابدا
مدحت : ايه يا قلبي اختك خلاص هتتجوز
رنا : اها عقبالنا
مدحت : طيب ما تكلمى باباكى و قوليله نعمل الخطوبه في يوم فرح اختك
رنا : تصدق فكره انا هقوله يارب يوافق
مدحت بضيق : و ميوافقش ليه مش هو قال لما اختك الكبيره تتجوز و اهي هتتجوز خلاص
رنا : نفسي اكون في حضنك النهارده قبل بكره
مدحت : مش اكتر منى ماتعرفيش قد ايه بتعذب لما اي حد يبصلك او لما افكر انك هتضيعى مني
رنا : حبيبي انا ليك انت و بس
رانيا مامتها تدخل عليها الاوضه : رنا يالا الفطار
رنا : اووكى يا مامى.
وقالت لمدحت: هقفل دلوقتى و هكلمك بعدين
مدحت : ماشى يا حبيبتي بااي
رانيا بعصبية : بتكلمى مين؟
رنا : ده مدحت
رانيا بضيق : و بعدين معاكى مش باباكي قالك مافيش جواز من اللي اسمه مدحت ده
رنا بنرفزه : انا مش عارفه بابي رافض مدحت ليه مع انه شاب قمر و غني و حنين اووي عليا
رانيا بعصبيه : علي فكره بابا مش بيفرق معاه القمر و الغني
رنا بصوت عالي : لما ده كله مش فارق امال ايه اللى فارق معاه
رانيا بهدوء : ممكن اعرف فين اهل مدحت هو ليه مش باينله اهل
رنا : والده و والدته مسافرين ع طول و يوم الفرح هيجو
رانيا : علي العموم الكلام في الموضوع ده مع باباكى يالا اتفضلى الفطار
رنا بنرفزه : اوكي
********
نايا وصلت بيتها تخبط جامد
هاله بغيظ : يارب الصبر من عندك و فتحت ، انتى يابنتى لحقتى تروحى و ترجعى
نايا : طبعا احنا في عصر السرعه
كرم : اكيد اتكرشت و انتى الصادقه
نايا : اشوف فيك يوم يا ابن امى و ابويا
كرم بضحك : ما تتكسفيش قولى الصراحه
هاله بحده : جيتى بدرى ليه
نايا بجديه : ما انتى لو تبطلى تدعى عليا كنت بقيت احسن واحده في العالم
هاله : ربنا يهديكى يا بنتى و يصلح حالك ، حلو كده يا فرساني
نايا ترفع شفتها : بعد ايه خلاص اللى حصل حصل
كرم بضحك : اترفدتى
هاله بقلق : حصل ايه
نايا تضرب اخوها : بس يا رخم ، يا ماميتو انا اقصد ان المدير و دانى فرع تانى امسكه كله لوحدى في الواحات
كرم يضيق عينه: انا مش مطمنلك
هاله بجديه : بس يا كرم ، و تبص ل نايا ليه ؟ ده مكان بعيد اووي
نايا تمثل الزعل : ما انا وافقت عشان اريحك منى شويه
هاله : اه انا عايزه ارتاح منك ، بس يوم يومين ، كده هتاخدى وقت طويل اوووى عقبال ما تنزلى
نايا بهزار : بجد يا ماميتو مش عايزانى اروح
هاله بحب : صحيح انتى مطلعه عينى بس بردو انتى بنتى حبيبتى
نايا تحضنها : ربنا يخليكى ليا يا ماميتو مش هتأخر عليكى ، معلش بقى لازم انزل حالا
دخلت الاوضه و عملت نفسها بتلم
هدوم عشان هي اصلا مش محتاجه هدوم بنات هتلبس هدوم نضال
كرم دخل عندها و بجديه : ممكن افهم في ايه بالظبط
نايا : ما انا قولتلك عايز تفهم ايه تانى
كرم بحده : ازاي اول يوم شغل و ازاي ينقلوكى و وافقتى ليه تروحى
نايا بتحاول متتوترش : نقلونى عشان انا اكتر واحده بتفهم في القسم اللى طالبينه هناك و وافقت ليه بقى عشان ده هيفدنى
كرم يحضنها : مع أني قلقان، بس لو فيها مصلحتك خلى بالك من نفسك يا مجنونة
نايا بحب : حاضر و انت خلى بالك من نفسك و من ماميتو
كرم : دي في عينيا
نايا : يالا سلاموز يا رخم
طلعت سلمت علي مامتها
هاله حضنتها : ربنا معاكى يا بنتى خدى بالك من نفسك
نايا بدموع في عينها : بالله عليكى يا ماميتو ادعيلى الايام دي و بلاش تدعى عليا تانى خالص
هاله بنغزه في قلبها: نايا حبيبتى انا لما بدعى عليكى بيبقى من ورا قلبي ، انا بدعيلك دايما من جوايا
نايا بجديه : بس ممكن ابواب السما تكون مفتوحه في الوقت اللى بتدعى عليا فيه و ربنا يستجيب لازم دايما تدعي و تقولى الخير
هاله بزعل من نفسها : معلش بس انتى بتفرسينى
نايا بهزار : الجو قلب نكد فجأه ليه، اضحكى بقى و اتبسطى محدش هيفرسك تانى غير المجنون ده
كرم : انا مجنون
و لسه هيمسكها جريت و قفلت الباب وراها و نزلت ل دانيه : يالا يا دانيه
دانيه تسلم عليها : يالا ربنا معاكى ، الحق اخلع انا
نايا تمسكها من هدومها : تعالى هنا تخلعى فين انتى هتوصلينى
دانيه تتنح : ايه
نايا تشدها : زي ما سمعتى كده انتى شريكتى في الجريمة ماليش فيه و هتبقى تزورينى كمان علي طول هناك
دانيه: هو انتى مسجونة ده انتى ظابط قوات خاصة قد الدنيا.
نايا وهي بتجز على سنانها: دانييييه.
دانيه برعب: امري لله.