
بسم الله الرحمن الرحيم وبه نستعين اللهم اتنا فى الدنيا حسنه وفي الاخره حسنه وقنا عذاب النار
.............
ماتشو (Maço)
الحلقه الواحده والعشرين
ظل رعد واقفا لبعض الوقت يتابع الحفل لكنه لم يتحمل الامر، فكلما رأى جيهان وهو يقترب منها قلبه يحترق، توقف الغناء للحظات فأقترب من والده : بابا انا همشى الحفله خلاص بتشطب وانا مش عايز اسبب لهم اى احراج .
زفر عمر فهو يشعر به ويتفهم ما به: احراج ايه بس عموما انت حُر هما اصلا خلاص العرسان هيرقصو ونمشى .
جز رعد على اسنانه وقبض على يده مستنكرا: يرقصو وعمى ياسر وافق على كده؟
ابتسم عمر: ايوه ماهو خلا الحفله عائلى عشان كده، المهم قولى فهد فين مش شايفه؟
اشار رعد عليه بيده فهو يقف فى اخر القاعه مع شخص، فنظر والده عليه متعجبا: ده مين اللى واقف معاه ده ؟ وايه اللى جابه ده اصلا؟
رفع رعد كاتفيه وانزلهم: ده غالبا واحد من مواظفين الشركه لقيته قرب منه واخده يتكلمو بعيد، تلاقيه بيكلمه على الأجهزة الجديده اللى طالبها من الشركه عشان نستوردهاله .
هز عمر راسه حانقا: يادى الجم اللى واكل دماغه ده، المهم خلى بالك منه شكله مش عجبنى من ساعت ما شهندا اتخطبت وهو متغير ومش مظبوط .
ربت رعد على كتفه: متقلقش مرحله وهتعدى بس يارب يتغير ويتعلم الدرس، عن اذنك انا هروح قبل ما يبدأو الرقصه الاخيره.
اومأ عمر بالموفقه تركه رعد وخرج مسرعا اخذ سيارته وذهب، بدأت اغنية (ياللى كنتى فى بالى ديما انا بدعى ليكى ياللى كنتِ فى خيالى انتِ نصيبى مكتوب بسأل ربى فى صلاتى انه يعترنى فيكِ، ربى عالم بحالى جمع فرح قلوب، والليله جينا بالفرحه وعروسه فى احلى طرحه )
نظر جيهان الى لمار ومد يده لها لترقص معه، ابتسمت بخجل ووضعت يدها فى يده وقامت معه، مد ايفى هو الاخر يده ل لولو وقاما هما الاخران، ضمها اليه وتنهد وهمس فى اوذنها: ضممتك دون ان تغضبى فمنذ ان رايتك وانا اتمنى ان اخبأك بداخلى .
عبست لولو بخجل: اذا عندما امسكتنى عند حوض السباحه كنت تقصد ذلك .
ضحك مرواغا: ليس بالضبط ولكنى عندما احتضنتك شعرت انى امتلكت الكون كله، تمنيت ان تبقى معى الى الابد، وقد تحقق حلمى اخيرا لن نفترق ابدا .
زاد خلجلها ونظرت الى الاسفل: لا مازال امامنا فترة هل نسيت .
تنهد بسعاده واشتم رائحة عطرها: المهم انكِ معى ولى، وسأتحمل هذه الايام واصبر عليها، فانت اجمل احلامى .
احمر وجهها خجلا وضعت راسها على صدره وكانها تختبأ من نظراته، فقد وجدت به الامان والحنان الذان افتقدتهم منذ وفاة والدها، رأت لمار وهى ترقص هى وجيهان ابتسمت بسعاده وفرح لما اصبحت عليه.
نظر جيهان الى عين لمار قائلا بهمس: اعشقك يا اجمل فتايات الكون، لم اتخيل ان هذا اليوم سيأتى وتكونى لى هل انا احلم (فاومأت بخجل لا ) حتى لو حلم اتمنى ان يدوم، اتعرفى كم حلمت بهذه اللحظه، وكم اشتاق اليك وانتِ معى، لا استطع الانتظار اكثر متى تكونى فى بيتى، لاستيقظ ارى وجهك الجميل هو اول شيئ امام عينى .
زاد خجلها وقد احمرت وجنتيها: ايه الكلام الحلو ده كسفتنى .
ضحك وظل ينظر الى عينها كان هشام يتابعهم من بعيد، فهو من طلب من ياسر ان يرقصا معا ليرى حالة لمار، اقترب منه ياسر: انا شايفك مركز معاهم من اول ما بداو الرقص ها اطمنت ؟
ابتسم هشام: الحمد لله تجاوب لمار مع جيهان يطمن، معتقدش انها هتحتاج علاج، وكمان انا كلمت جيهان واتفقت معاه هقعد معاه قبل ما يسافر ونتكلم مع بعض .
زفر ياسر عابسا: طب تمام هقولهم بقا يخلصو كفايا كده لسه هيروحو يتعشوا عشان ميتأخروش.
اتسعت ابتسامة هشام: ياعمى سبهم دى الليله بتاعتهم وكمان مفيش حد غريب، وبعدين مش حضرتك قولت ان مفيش فرح فى الدخله، وهيبقا حنه بس خليهم يفرحوا بيها .
هز راسه بعبوس وعاد جلس على مقعده بجوار ماجده، فهم يجلسون على طاوله كبيره، ومعهم شهد وشهندا ومعهم خطابهم، اتت ايناس ربتت على كتف ماجده قائله: الف مبروك يا حبيبتى ربنا يتملكم على خير، معلش انا همشى انا ومرات هشام، لحسن الولد نام والقاعه سقعه وهى خايفه لحسن يتعب .
قامت ماجده وابتسمت مردفة: وماله ياحبيتى ربنا يبارك لكم فيه، وانا هاجى معاكى اسلم عليها وكفايا وقفتكم معنا من الصبح .
ايناس بسعاده: نتعب لحد اعز منكم دى لمار دى بنتى اللى مخلفتهاش، وبعدين بصراحه كلنا مبسوطين قوى بالتغير اللى حصل ل ياسر، بجد محدش كان يتوقع كده .
تنهدت ماجده بسعاده: الحمد لله فضل ربنا، انا لحد دلوقتى مش مصدقه انه وافق على كتب كتاب لمار على جيهان، ده كان رافض اى حد يكتب كتابه قبل الدخله، ده حتى مهند لما طلب منه من فتره رفض .
ربتت ايناس على يدها: هشام قالى ان ده ضرورى لها .
تنهدت ماجده بقلق: ربنا كريم يالا نروح نشوف الواد العسل ده .
تحركتا الاثناتان وذهبتا الى زوجة هشام وجلستا معها، وقعت عين ماجده على فهد الذى يقف بعيدا وينظر عليهم بغضب شديد، تعجبت من نظراته التى لا تفهم سببها ولكنها لم تعطى الامر اهتماما،
اما هو كان يقف فى حالة غريبه يكاد ينفجر من الغصب، قبض على يديه وجز على اسنانه وزفر عدت مرات، تحرك خطوه للامام ثم تردد وتحرك مسرعا ركب سيارته، وظل يجوب الطرقات لبعض الوقت، وعاد الى المنزل، دخل وجد رعد يجلس على احد المقاعد حزينا، ينخل الهم ويسرده،
اقترب منه ورمقه بنظره ساخره: انت مزعل نفسك وحاسس بالندم على واحده متستهالش، حتى انك تفكر فيها كفاياك بقا وانساها .
عبس رعد ونظر له محذرا: انت بتقول ايه انت اتجننت دى بنت عمك ازى تتكلم عنها كده؟
قبض على يده وجز على اسنانه مزمجرا: عايز افوقك من اللى انت فيه ايه، انت مبتشوفش اكيد طبعا ماهو الحب اعمى .
زاد غضب رعد وقف امامه هادرا: انت شكلك اتجننت اصلا ومش عارف انت بتقول ايه اسكت احسن .
خبط بقبضته على فخذه ممتعضا: عندك حق اسكت احسن الكلام اللى سمعته مينفعش يتقال من اساسه .
نظر اليه رعد مستنكرا: كلام ايه ومين اصلا يستجرى يجيب سيرة لمار بنت ياسر الميهى؟!
زفر ورمقه بنظره غاضبه : كلهم زى بعض اصلا لمار ما تفرقش حاجه عن شهندا كلهم واحد .
فهم رعد انه غاضب من شهندا وان ما يقوله عنها، لكن لا يحق له ان يتحدث عنها بهذا الشكل، اخذ نفس وزفره وقال له محذر: انا مقدر حالتك النفسيه، بس ده مش معناه ابدا انك تتكلم على بنت عمك بالشكل ده، هى فى الاول والاخر بنت عمك فعيب الكلام ده.
صرخ به: العيب اللى هى عملته الهانم، اللى صيعه على شعرها مع البيه اللى عامل صاحبك، ولا مفكر ان عمى قبل يجوزها لواحد بيشتغل عنده ليه مثلا .
لم يتحمل رعد وامسكه من قمصيه وهزه بقوه صارخا: انت بتتكلم كدا ازى يا حيوان انت، ازى تقول كده عليها دى شرفك وعرضك، واللى يتكلم عنها انت اللى تقطع لسانه، مش تصدقه وتكرر كلامه فوق بقا وبلاش جنان .
امسكه فهد هو الاخر من ملابسه وصرخ به: شرف ايه دى حياله بنت عمى، وخلاص بعد اللى عرفته ده متلزمش، ولا عايز اعرفها تانى، وبدل ما تدافع عنها وتضربنى روح لمها هى واللى عامل صاحبك .
لم يتحمل رعد اكثر ولكمه فى وجهه فرد له فهد اللكمه، وبدأ كل منهم يضرب الاخر، دخل والدهم وما ان رأهم واسرع اليهم ابعدهم عن بعض وصرخ بهم: انتو اتجننتو بتضربو بعض انتو نسيتو انكو اخوات؟! ولا خلاص الدم اللى بيجرى فى عرقكم بقا ميه .
جز رعد على اسنانه وهو يلهث: معلش اسف مقدرتش امسك اعصابى من كلامه الخايب .
صرخ فهد وهو يعدل ملابسه ويمسك بوجنته اصر اللكمه: انا اللى كلامى خايب ولا انت اللى مش عايز تصدق عشان صاحبك، بس انا مش هسكت وهفضحهم فى كل مكان، ماهو مش انا اللى اتهزق عشان واحده زى ده .
لم يفهم عمر ونظر اليه محذرا: تسكت على ايه ومين ده اللى هتفضحه .
اشار بيده على رعد: صاحبه اللى ضحك على بنت عمى المصونه، ومشى معها من ورى عمى، واللى اضطره عشان يلم الموضوع خطبهاله الهانم اللى عامله ...
واذا بيد عمر تهوى على وجهه كانه جبل وقع فوق راسه وهو يصرخ به: قطع لسانك قليل الربايه ازى تتكلم كده عن بنت عمك(بدأ يلهث ويضع يده على صدره) يظهر انى فعلا معرفتش اربيك .
لاحظ رعد على والده التعب فامسك به بسرعه قائلا بفزع: بابا ..بابا مالك فيك ايه بتنهج كده ليه .
ابتلع عمر ريقه وهو يمسك صدره لاهثا: نفسى مش قادر اخد نفسى اه حاسس قلبى هيقف اه اه .
وظل يلهث يأخذ نفس ويخرجه بصعوبه، فزع فهد هو الاخر وامسك به وهو يقبل راسه متاسفا: انا اسف يا بابا مكنتش اعرف ان كلامى هيزعلك كده انا اسف .
صرخ به رعد: شيل معايا بسرعه نطلع على اقرب مستشفى يالا .
حملاه الاثنان وخرجا مسرعين ركبو سيارة رعد، وتحركو بسرعه وحالته تزداد سوء، وصلو الى احد المستشفيات الخاصه نزل رعد وصرخ: حد يلحقنا بسرعه ابويا تعبان قوى .
اسرع اليه بعض الممرضين واحضر واحد منهم سرير نقال وضعوه عليه ودخلو به بسرعه، استعدو الطبيب واتى وفحصه ونظر لهم قائلا: انا مشتبه ان عنده أزمه قلبيه ولازم يدخل الرعايه دلوقتى حالا، خلصو اجرات الدخول على ما ننقله .
هز رعد راسه بحزن شديد: اعمل اللازم كله واحنا هنعمل كل الاجرات بس ارجوك بسرعه .
وضعو له جهاز تنفس متحرك واسرعو به الى الداخل، تحرك رعد الى الحسابات واكمل اجرات الدخول وهو فى حالة فزع شديد، كان فهد واقفا للحظات يشعر بالذنب لانه اغضب والده الى هذا الحد، لكنه لا يعرف اين اخطأ ليصل والده الى هذه الحاله، فقد غطت عينيه غمامة سوداء، وزاد ظلامها كبرياؤه الذي جرح،
تحرك مسرعا خلف الطبيب وظل يتابعهم، حتى وصلوا به الى الرعايه ووضعوه بالداخل على الاجهزه، انهى رعد الاجرئات وعاد اليه نظر له غاضبا واشاح بوجهه بعيدا، ظلا واقفين فى حالة قلق وذعر حتى خرج الطبيب ونظر لهم مطمان: الحمد لله حالة والدكم هديت وشويه وهتستقر بامر الله ونخرجه من الرعايه، هو زعل زياده شويه وهو ده اللى سبب الأزمه، بس الموضوع كان بسيط واحنا لحقناه فى اوله .
رعد متلهفا: يعنى هو كويس وهيخرج بعد شويه ؟
الطبيب: مش بالظبط بس خلال ثلاث سعات ان فضلت الحاله زى ما هى هنخرجه من الرعايه، زى ما قولت الحاله بسيطه، هو بيشكى من اى امراض ضغط سكر قلب اى حاجه منهم ؟
رعد: لاء هو رياضى وديما يحافظ على صحته .
الطبيب: يبقا زى ما قولت حاله عارضه وشويه وهيفوق ويبقا كويس عن اذنكم .
تركهم الطبيب قذف رعد فهد بنظره غاضبه: عجبك اللى حصل ده زعلت بابا لحد ما وصلته للحاله دى .
رمقه فهد بنظره رافضه: انا مقولتش حاجه غلط، هى ديما الحقيقه بتزعل وعموما انا هسكت خلاص طلما بابا زعل .
زاد غضب رعد وكاد يهجم عليه لولا ان احد الممرضات خرجت من الدخل منادىه: والدكم عايزكم جوا مش انتو ولاده؟
اسرع رعد الى الداخل وخلفه فهد اقترب رعد من والده وامسك يده وقبلها قائلا: الف سلامه عليك يا بابا الف سلامه عليك يا حبيبى .
ابعد عمر جهاز التنفس عن وجهه ونظر الى فهد بصوت خفيض وضعيف: اياك اسمع الكلام اللى قولته ده تانى انت فاهم ولا لاء .
اومأ فهد بحزن شديد: حاضر يا بابا مدام ده امرك انا هنفذه حتى لو على رقبتى .
اومأ له بعينه ونظر الى رعد: متعرفش حد من اعمامك انى تعبان، اول لما اتحسن نرجع البيت، مش عايز حد منهم يسمع باللى حصل مفهوم، ونبه على مهند ميغلطش بالكلام قدام خطيبته، وياريت متعرفهوش باللى حصل هو كمان .
هز رعد راسه بالموافقه فهو يفهم ما يقصده والده، اقترب فهد وامسك يد والده وقبلها معتذرا: ارجوك سامحنى يا بابا انا اسف، مكنتش اعرف ان الكلام ده هيزعلك كده .
ربت عمر على يده واومأ برأسه دون كلام، ووضع جهاز التنفس على وجهه مره اخرى واغمض عينه، فاقتربت منهم الممرضه قائله: لو سمحتو اخرجوا بقا عشان يستريح، انا ندهتلكم عشان هو اصر، وقال انه مش هيرتاح الا لما يكلمكم متسببوليش الازيه .
اومأ الاثنان برأسهم وخرجا وقفا امام باب الرعايه، واذا بهاتف رعد يرن نظر به وجده مهند فأجابه: ايوه يا مهند .
تعجب مهند: انتو فين مش لاقى حد منكم فى البيت، حتى بابا ولقيت الباب مفتوح .
تنهد رعد بحزن: احنا فى المستشفى بابا تعبان شويه .
فزع مهند هاتفا: ماله بابا الف سلامه عليه انا جاى حالا انتو فى مستشفى ايه ؟
اخذ رعد نفس وزفره وهو ينظر بغضب الى فهد: هو الحمد لله بقا كويس متقلقش، الحمد لله بس متعرفش حد من اعمامك، انت فاهم ده امر بابا ولما يفوق الدكتور قال هنرجع البيت .
اصابة مهند الدهشه من كلام رعد مستفهما: طب ليه مقولش لهم دول اخوته واكيد وجودهم معاه ...
قاطعه رعد: هو قال كده مش وقت مناقشه، وكلام خلص واكد على البواب انه يامن البيت، وشويه والشغالين هيجو قوله يخليهم يجهزو اكل لبابا .
وافقه مهند على طلبه رغم عدم فهمه السبب، وانهى المكالمه بعد ان اخذ اسم المستشفى من رعد، لكنه راى بين السطور كلمات مخفيه، اسرع مهند اخبر الحارس كما طلب منه اخيه، وذهب اليهم فى المستشفى، وجدهم عند غرفة الرعايه اقترب منهم لاهثا: طمنونى بابا عامل ايه دلوقتى؟
نظر اليه رعد بحزن شديد: الحمد لله بخير والدكتور عنده جوه.
اومأ براسه متفهما:طب هو ايه اللى حصل ممكن تفهمونى ؟
قذف رعد بنظره غاضبه الى فهد واشاح وجهه بعيدا مرددا: فهد وموضوع العرايس بتاعته نرفز بابا وزعقله وبعدين مسك صدره ووقع، جينا بيه على هنا والدكتور قال ازمه قلبيه، بس الحمد لله كانت بسيطه والحاله اتحسنت بسرعه .
شعر مهند من نظرات رعد وطريقته فى الكلام ان هناك امر اكبر من ذلك، وان رعد لا يريد اخباره به، فكر وقبل ان يتحدث خرج الطبيب نظر لهم: الحمد لله الحاله بقت كويسه، وتقدرو تاخدوا وتروحوا بس محدش يزعله ولا يضايقه، انا كنت عايز أقعده لحد بكره، بس هو رفض هكتب لكم اذن الخروج، وهتيجى الممرضات وحد منكم يدخل معها يساعده فى تغير لبسه .
قال رعد قبل ان ينطق اى منهم: انا هدخل معاهم جهز انت العربيه يافهد وانت خلص الاجراءت يامهند .
تحرك كل منهم بسرعه فعل ما عليه، وبعد انهاء كل الاجراءت خرجوا به وعادوا الى المنزل، سنده رعد ومهند الى غرفته استلقى على سريره، وضع له مهند وساده خلف ظهره اتكأ عليها ونظر لهم متسائلا: امال فهد فين من بعد من نزلنا من العربيه مشوفتهوش؟
مهند: كان طالع ورنا بس حاسس بالذنب ودخل اوضته على طول .
زفر عمر متحسرا: ربنا يهديه ياريت تخليكو جنبه، انا عارف انه موجوع بس رافض يعترف، واللى بيعمله ده كله مكابره .
ربت مهند على يده: حاضر يا بابا فهد اصلا من جواه نضيف بس فاهم الدنيا غلط .
اومأ رعد بالموافقه دون كلام اشار لهم عمر ليخرجو ويتركوه ليرتاح، خرجا الاثنان وذهب كل منهم الى غرفته، ارتمى مهند على سريره وهو يفكر فى كل ما حدث، وقد تيقن ان فهد فعل شيئ كبير، وامتلاء قلبه بالقلق غلبه النعاس من شدة التعب، حتى ان شهد رنت على هاتفه لكنه لم يسمع الهاتف، تعجبت هى من عدم رده عليها زمتت شفتيها متمتمه: غريبه ده عمره ما بيتاخر عن الرد، يمكن مشغول عموما شويه كده واطلبه تانى .
وضعت الهاتف جانبا خرجت شهندا من الحمام نظرت اليها متعجبه: ايه ده انت خلصتى كلام مع مهند بسرعه يعنى؟
زفرت شهد بعبوس: مش عارفه مردش عليا شويه كده واكلمه تانى .
امسكت شهندا ذراعها وجذبتها بحماس: طب تعالى يلا زمان لمار صحيت تعالى نسالها عملت ايه امبارح هى وابيه( كلمه تركى تعنى اخى الكبير) جيهان .
ضحكت شهد: لو سمعتك وانتِ بتقولى ابيه دى كانت علقتك .
ضحكت شهندا براخمه: ماشى يارخمه يالا تعالى بقا .
ضحكت شهد: طيب خلاص متزوقيش كده جايه معاكى اهو .
خرجتا وهما تضحكا دق باب غرفة لمار ودخلا، وجدها تجلس على طرف السرير بنعاس تتثأب، نظرت اليهم وهى تتمطع: صباح الخير يا بنات .
اسرعتا الاثنتان وجلستا كل واحده منهم بجوارها من جه، مالت عليها شهد مشاكسه: احكلينا بقا عملتو ايه امبارح وروحتو فين .
مالت عليها شهندا هى الاخرى: ايوه عايزين نعرف كل حاجه بالتفصيل الممل .
رفعت ذراعيها ابعدتهم عنها وهى تضحك بخجل: ابعدى يابنت انتِ وهى سبونى فى حالى، ايه الكلام الغريب ده يالا امشو من هنا .
ضحكتا الاثنان وامسكت كل منهم ذراع قالت شهد: مش ماشين انتِ مفكره انك هتعدى .
اكملت شهندا وهى تهز راسها بضحك: لاء طبعا ده بعدك .
ضحكت لمار متهربه: ماشى يارخمه انتِ وهى تعالو ننزل نعمل قهوه عشان افوق كده واعرف اركز .
نظرت اليها شهد ورفعت حاجبيها وانزلتهم مره اخرى: متتعبيش نفسك مش هتعدى مننا، انا هقول ل دادا تعملك القهوه احكى بقا وبطلى رخامه .
ضحكت لمار: مش برخم انا لسه مفوقتش اصلا طب هدخل اغسل وشى كده واجلكم .
شهد : ماشى ياستى بس بسرعه .
دخلت لمار الحمام، ونادت شهد على احد العاملات وطلبت منها عمل قهوه، جلست لمار على طرف السرير وتنهدت بخجل متذكره: بصى يا ستى بقا احنا روحنا مطعم كبير فخم كده كان يزيد حاجز لنا فيه، قعدنا احنا ولولو وايفى مع بعض، نزل لنا اكل كان يزيد موصى عليه مخصوص لنا، اكلنا واتكلمنا شويه وبعدين شغلو مزيكا رقصنا وبعدها روحنا بس كده .
نظرتا الاثنتان لها بعبوس ووضعت كل منهم يدها فى خصرها، فضحكت لمار مستأه: ايه هقول ايه تانى هو ده اللى حصل مفيش حاجه تانى .
امسكتها شهد من ذراعها: طب احكى جيهان قالك ايه واتكلمتو فى ايه ؟
عبست لمار: وانتو مالكم انا بسالكم مهند ولا البراء قالكم ايه بطلو رخامه بقا .
ضحكتا الاثنتان قالت شهندا: ماشى يا ستى خلاص عفينا عنك، يالا ننزل نفطر سوا ونشوف حد غيرنا صحى ولا لسه .
اكملت شهد: اه طبعا ماهو السهره كانت صباحى وكله نام متاخر .
ابتسمت لمار: طب اسبقونى انتو وانا هحصلكم .
جزبت شهد شهندا : ماشى يا ستى يالا بينا هخليهم يبعتولك القهوه .
تركتها وخرجتا جلست هى على السرير، وتذكرت رقص جيهان معها وكلامه لها واحمر وجهها خجلا وتنهدت، فقد تركت العنان للانثى التي لطلما حبستها داخلها،
ظ دق الباب ادخلت لها العامله القهوه، وبعد ان شربتها نزلت الى مكتب والدها، دقت الباب ودخلت اقتربت من المكتب قائله: ممكن استاذنك نخرج انا وجيهان انهارده وبكره، عشان هو هيسافر بعد اربع ايام وكان عايز يتفسح فى مصر هو وايفى .
عبس ياسر وفكر قليلا: يعنى هتبقوا انتو الاربعه مع بعض ( اومأت بالموافقه) ماشى بس متروحش اماكن مغلقه، واعملى حسابك بعد ما يسافر تنزلى الشغل عشان فى حاجات متاخره لازم تخلصيها قبل ما تسافرى .
ابتسمت بسعاده: حاضر اللى تأمر بيه .
وتركته وخرجت وهى سعيده، وخلال اليومين ذهبوا معا الى اماكن كثيره وكانو فى قمة السعاده والفرح، وقبل سفر جيهان بيوم دعا ياسر اخوته وابناؤهم ليقضو اليوم معه، ودعا جيهان ولولو وايفى ايضا ليتعرفو عليهم اكتر، حضر الجميع ماعدا عمر وفهد ورعد، وتحجج عمر انه لا يريد ان يسبب المتاعب لهم، وفى اليوم التالى لسفر جيهان ذهبت لمار الى الشركه هى واخوتها، كانت تجلس على مكتبها تراجع بعض الاوارق، ورعد بالمكتب المجاور لها، قامت وضعت بعض الاوراق امامه قائله: ممكن توضيح ياكبير على الكلام ده؟
نظر رعد بالورق: اه سيبك منه ده ورق لسه اصلا مترجعش رجعى لهم تانى .
تنحنحت : بقولك ايه بمناسبة ان انا هعيش فى تركيا، فانا بقترح اننا نفتح لنا سوق هنا عن طريق شركة جيهان .
تضايق رعد من ذكرها اسمه لكنه تصنع الابتسامه: اعملى دراسة جدوى وقدميها فى اجتماع بكره .
ضحكت: ودى تفوتنى بردو ( احضرت ملف من على مكتبها وضعته امامه ) اتفضل ياعم شوفه وقولى لو محتاج حاجه .
بدات تفتحها وتريه فيها بعض النقاط وهى تقف بجوار كرسيه، فأذا بفهد يدخل عليهم ويرمقهم بنظرة احتقار هاتفا: عشان كده كنت بتدافع عنهم، طبعا ماهى مظبطه معاك يااستاذ، وانا اللى كنت مستغرب انت ليه لسه باقى عليها، متخيلتش انكو بالقذاره دى .
نظر الاثنين له بغضب شديد
بسم الله الرحمن الرحيم وبه نستعين لا اله الا الله وحده لا شريك له له الملك وله الحمد وهو على كل شيء قدير
...........
ماتشو (Maço)
الحلقه الثانيه والعشرون
أذا بفهد يدخل عليهم ويرمقهم بنظرة احتقار هادرا: عشان كده كنت بتدافع عنهم طبعا ماهى مظبطه معاك يااستاذ، وانا اللى كنت مستغرب انت ليه لسه باقى عليها متخيلتش انكو بالقذاره دى .
نظر الاثنين له بغضب شديد ولمعت عين لمار، وكأنها تطلق شرار وقبضت على يدها مزمجرة: انت بتقول ايه يا كلب انت سامع الى انت بتقوله
قبض رعد على يده وتحرك من مكانه وقذفه بنظره مستنكره: واضح انك اتجننت ولا عقلك اتلحس وشكلك عايز اللى يفوقك .
امتعض وجه فهد: اه طبعا انا اللى مجنون عشان كشفتكم وهفضحكم قدام الكل مش كده، وانا اللى كدبت عقلى ومصدقتش الكلام اللى قاله الراجل فى الفرح.
اسرع اليه رعد وامسكه من ياقة قمصيه وهزه بقوه: فوق بقا وبطل جنان انت داخل علينا فى المكتب، مش فى اوضة نوم وكمان الباب مفتوح، انت ايه خلاص مبقاش عندك مخ وبعدين كلام ايه اللى قاله هاه.
امسك فهد يديه محاولا فك يده صارخا: اه هو كداب وانا كمان هكدب عنيا، اصلا انا اهبل وانت مكنتش بتضحك وتهزر انت وهي .
لم تتحمل لمار وهجمت عليه هى الاخرى ولكمته فى وجهه بغضب: انت مينفعش معاك الكلام اللى زيك لازم يتضرب .
ولكمته مره اخرى، تجمع الموظفين امام باب الغرفه بعد سماع صوت صراخهم وشجارهم، فالشرارة عندما تبدأ تشتعل منها النيران، واسرع حازم وياسر وعمر، امسك ياسر لمار وابعدها عنه قبل ان تركله فى بطنه بقدمها وصرخ بها: انت اتجننتى يا بنت ازى تضريى ابن عمك؟ ( ونظر الى رعد ) وانت واقف تتفرج مش تحوش عن اخوك؟
صرخ فهد بكل ما به من الم وغل: لا طبعا البيه كان بيضربنى معاها عشان كشفت وسختهم وقفشتهم مع بعض فى المكتب .
صرخ به عمر: انت بتقول ايه يا حيوان، ازى تقول كده على اخوك وبنت عمك، انت مفيش فيك فايده عايز تموتنى اكيد .
زاد غضب فهد وصرخ: هو عشان فضحتهم ابقا كلب، ولا هتسكتنى فى دى كمان، زى ما سكتنى على فضيحة شهندا هى والبيه اللى مشيت معاه، وعمى خطبها له عشان يلم الفضيحه، انا مش هسكت خلاص وهفضح كل حاجه .
لطمه عمر على وجهه هاتفا: اسكت يا كلب بنات عمك محدش يقدر يجيب سيرتهم بكلمه، وانا اللى هقطع لسانك لو نطقت بالكلام ده مره تانيه، انت فاهم (ولطمه مره اخرى وامسكه من ذراعه وابعده ) غور من هنا يا كلب واياك اشوفك هنا تانى، وانا هعرف ازى اربيك .
فقلبه ينفطر عليه رغم غضبه الشديد منه، فهو يفهم انه مغيب ولا يرى حقيقة الامر، اتبع غضبه وسارى خلفه دون تفكير، رمقه فهد بنظره غاضبه ولم ينطق فهو والده ولن يستطع الرد عليه، اسرع مهند وجذبه من ذراعه ليخرجه من المكان، فقد اتى على صوت الشجار وراى كل ما حدث، وانزاحت الغمامه من امامه، وفهم سبب غضب والده منه المره السابقه، ضرب رعد بقبضة يده على الحائط من شدة الغضب، واسرع حازم الى عمر مهدأ له فهو فى حالة غضب شديت الغضب، اقترب منه وربت على كتفه: اهدى يا عمر وكل شيئ يتحل بهدوء، نفهم بس ايه الكلام الفاضى ده ونحلها بأمر الله .
ونظر على ياسر الذى كان يقف وكأن الكون قد هدم فوق راسه، وهو فى حالة جمود وصدمه، كانه زرع مكانه، واذا بشهندا تفقد الوعى فتسندها شهد فقد كانتا تقفا وسمعتا كل ما حدث، ورات شهندا وجه والدها ولم تتحمل الامر، فقد عادت لها كل ذكرياتها المؤلمه دفعة واحدة، وتسلل الخوف الى قلبها ان يعد والدها لما كان عليه، فهي لاتستطع ان تتحمل هذا مرة اخرى، فبعد ان رأت النور لا تستطع العودة الى الظلام، صرخت شهد: شهندا شهندااااا الحقونى بسرعه .
اسرع اليها يزيد حملها ووضعها على الاريكه، اسرعت اليها لمار وهى تحمل زجاجة عطر وبدأت تحاول افاقتها، فتحت شهندا عينها نظرت حولها، ورأت والدها وهو ينظر لها بنظرات غريبه، لم تفهمها فانفجرت فى البكاء بشكل هستيرى، فهى تخاف ان يصدق ما قاله فهد، اسرع اليها حازم: اهدى يا بنتى ومتخفيش كلنا معاكى، ومحدش منا ممكن يفكر فى اللى هو قاله حتى اطمنى .
اسرع عمر اليها هو الاخر رغم احساسه بالغزي من ولده: انا اسف يا بنتى سامحينى معرفتش اربى ابنى، حقك عليا انا .
كانت عينها متعلقه بوالدها تنتظر اى ردة فعل منه، لكنه ظل صامتا بشكل غريب، حتى انهم جميعا لم يفهموا سبب هذا الصمت، جلست لمار وشهد الى جوارها من الجانبين، امسكتها شهد واحتضنتها وهى تحاول تهدأتها ولمار تربت على ظهرها، خيم الصمت على المكان لاشيئ سوى صوت نحيب شهندا، كان الكل ينتظر كلمه من ياسر لتهدأها لكنه ظل مكانه وكأنه جزع نخلة قد جف، شعرت لمار ان بقاؤهم يزيد الامر سوء ابتلعت غصه فى حلقها قائله: انا هاخد اخواتى واروح عشان شهندا ترتاح فى البيت.
نظر حازم تجاه ياسر عله يقل اى شيئ لكنه لم يفعل، قبض على يده: الافضل بردو وانا هكلم هشام يروح لكم على هناك عشان يطمنا عليها.
قامت الفتيات الثلاثه وبدأن فى التحرك، نطق ياسر اخيرا بصوت حزين مكسور يكسوه الهم: يزيد روح مع اخوتك متسبهمش لوحدهم.
نظر اليه حازم مستنكرا فهو لا يفهم مابه، خرجن الفتيات وخلفهم يزيد وكان قد تفرق الموظفين من امام الباب، اقترب حازم من ياسر وقال له معنفا: انت ايه مفيش فيك فايده، البنت كانت محتاجه منك كلمه تطمنها، وانت ساكت اوعى تقولى انك مصدق الكلام الفاضى ده؟!
ابتلع ياسر غصه فى حلقه والكلمات تخرج كأشواك من بين شفتيه: انا تعبان حاسس انى مخنوق عايز اخرج عايز ابقى لوحدى .
وتركهم وخرج لحق به عمر امسكه: انت رايح فين اوعى تكون صدقت ...
قاطعه ياسر بكسره وحسره: ارجوك انا تعبان قوى وعايز اخرج من هنا .
شعر عمر بوجوع شديد فى صوته لم يفهم سببه لكنه لم يستطع تركه فى هذا الوقت، فسار خلفه لحق بهم حازم، فشكل ياسر لا يطمأن ولم يرد تركه فى وقت هكذا، فنظرت الالم التي بعينة صعبه عليهم اسيعابها، ظل رعد بالمكتب وهو بحاله غضب شديد ظل يجوب المكتب ذهبا وايبا، ويخبط بقبضته على الحوائط والمكتب، دق الباب ودخل مهند اقترب منه: ايه اللى حصل شوفت بابا واعمامى خارجين مع بعض، وركبو العربيه وحالة عمى ياسر صعبه قوى؟
جز رعد على اسنانه: معرفش عمى ماله خايف يكون مصدق كلام المجنون ده .
زفر مهند حانقا: هى كل شويه تتعقد ليه كده انا مش فاهم، وبعدين فهد جاب الكلام الفاضى ده منين؟ فهد ميفكرش بالقذاره دى، اكيد حد هو اللى قاله على الكلام ده.
سكت رعد للحظات وتذكر الشخص الذى كان يقف معه، فى الفرح نظر الى مهند: ايوه هو قال ده بنفسه فى وسط الكلام، ويوم الفرح كان فى واحد وقف يتكلم معاه من مواظفين الشركه .
تعجب مهند: وده ايه اللى جابه اصلا، الحفله كانت عائلى ومكنش فيها حد غريب، حتى اهل ايفى وجيهان حضرو الكتاب ومشيو عشان كانو جاين ترنزيت !
قبض رعد على يده وفتحها عدة مرات وهو يفكر: يمكن كان جايب موظف السفاره لانه مكنش عارف مكان القاعه، وعمى ياسر بعتله حد يجيبه، والكلب ده اصلا كان شغال معنا فى الشركه من زمان، ولما جينا هنا جه معنا، بس هناك كان له مكانه، عشان قديم لكن هنا ملوش اى لازمه برق مغطى عليه.
تعجب مهند: طب وجه ليه اصلا هنا ؟
رعد متبرما: هو اللى طلب يجى مش ده المهم، ليه قال كده وازى فهد صدقه بالبساطه دى ؟
زفر مهند : فهد اصلا بيدور على اى حاجه عشان ميبقاش هو اللى وحش، وطبيعى جدا ان الكلام ده يجى على هواه .
ضرب رعد بقبضته على يده: الكلب ده لازم يتأدب وبتحاسب على الكلام اللى قاله، اما فهد ده سيبه دلوقتى له روءه .
اشار مهند بيده رافضا: خلى بالك انه ممكن ينكر الافضل نكلمه بالراحه ونلعب عليه عشان ميحورش علينا .
اومأ رعد بالموافقه: تمام اىً يكن المهم نتحرك دلوقتى قبل ما برق يرجع من بره، هو بيخلص اتفاق مع شركه، انت عارف انه هو المسؤل عن الحاجات دى، وانا مش عارف رد فعله هيكون ايه .
اخرج مهند الهاتف من جيبه: طب هكلم شهد اطمن عليهم زمانهم وصلول البيت وبعدين نتحرك .
لم يتنظر رده وطلب شهد تابعه رعد وهو ينظر الى الهاتف متلهفا على اجابة شهد، وتعجب فى عقله: هو ملهوف عليها كده ليه هى بعيده عن الكلام ؟!
لم تجب لكنه لم يهدأ وحاول طلبها مره اخرى، ابتسم رعد وهو يقول لنفسه: هو ده الحب بيخليك هتتجنن على اللى بتحبه عايز تتطمن عليه، وخايف عليه ديما وبتسال عنه فى كل وقت، وبتربط حياتك بيه حتى فى الصلاه بتخصص جزء من دعاءك ليه، امال انا ليه مش بحس كده ناحية لمار، يبقا اكيد اللى جوايا ناحيتها ده مش حب، هو ممكن يكون امتنان لانها غيرت جويا حاجات كتير، وممكن يكون رغبه فى تجربه حاجه مختلفه كونها عاشت كذا سنه ولد يخلى .
قطع تفكيره صوت مهند وهو يجيب على شهد متلهفا: طمنينى عليكِ وعلى اخواتك انا كنت هتجنن لما مردتيش؟
ابتسمت شهد حزينه: الحمد لله بالعافيه لما سكتنها عن العياط، معلش مش هطول معاك عشان افضل معاها واول ما الاقى فرصه هكلمك .
تنهد مهند: لاء انا هكلمك اول ما اخلص متتصليش انتِ .
اومأت بالموافقه: حاضر مع السلامه .
انهت معه المكالمه وعادت الى غرفتهم جلست بجوار شهندا، دق باب الغرفه ودخل يزيد ومعه هشام، نظر لها هشام قائلا: ممكن اتكلم معاكى شويه يا شهندا ؟
هزت راسها بالموافقه دون كلام، خرجت لمار هى وشهد وبقى معه يزيد وجلسا معها، وقفت لمار وشهد امام باب الغرفه رن هاتف لمار فنظرت به: ده جيهان هدخل اوضتى اكلمه عشان احاول اكون هاديه وميحسش بحاجه.
اومأت لها شهد بالموافقه دخلت لمار غرفتها وفتحت الهاتف: الو ايوه يا جيهان .
تعجب من ردها فهى دوما تبدأ بالسلام ولا تتحدث بالعربيه: حبيبتى اشتقت لكِ كثيرا هل اشتقي لى ايضا؟
اخذت نفس وزفرته وتصنعت الابتسام : اكيد طبعا قولى اخبارك ايه وعامل ايه ؟
تأكد ان بها خطب فهى لم تلاحظ انها تتحدث بالعربيه فزع عليها: ماذا بكِ لمار صوتك ليس بجيد، هل حدث شيئ سأحجز واتى اليك فورا .
لمار رافضه: لاء ملوش لزوم انا كويسه بس شهندا تعبانه جدا وعشان كده انا متلخبطه .
سكت للحظات وقال: هل حزنك عليها يلخبطك الى هذا الحد، انتِ لم تلحظى انكِ تتحدثى بالعربيه حتى الان (فهو يفهم اللغه العربيه جيدا لكنه لا يتحدث بها) .
ضربت بيدها على راسه واغمضت عينها وزمتت شفتيها زفرت: اعتذر منك حقا لم الحظ ذلك، انا احب واخواتى كثيرا ولا اتحمل رويتهم يتألمون، اعتذر مره اخرى. ابتسم فقد هدأ بعض الشيئ: سانهى المكالمه الان واعد واتصل بكِ بعد بعض الوقت، تكونى قد اطمأننتى على شهندا واطمان انا عليكِ، فقد اوقعتى قلبى .
ابتسمت: لم اكن اعلم انى مهمه الى هذا الحد لأوقع قلبك .
عبس جيهان مشاكسا: من قال انكِ مهمه انتِ لستِ مهمه لقلبى، ولكنك كل شيئ له بل انت قلبى نفسه، ولا يمكن ان اتخيل ان يصيبك شيئ وانا هنا قد اموت فى هذا .
احمر وجهها خجلا: كسفتنى بكلامك وانا مش بعرف اقول كلام حلو .
ابتسم جيهان: يكفى ان اتخيل وجهك الان وهو يحمر خجلا، وعينك وهى تصرخ بكلمات عشقك لى، فهذا هو ما يهون علي بعدك عنى .
ازداد خجلها وارتبكت ولم تعرف ماذا تقول، تنحنحت: مش عارفه اقولك ايه انا مكسوفه قوى .
اتسعت ابتسامته: لا تقولى شيئ افتحى الكاميرا وارنى وجهك هذا يكفينى .
عبست بطفوليه: لاء مش هينفع دلوقتى خليها وقت تانى، فى ناس كتير بره ولازم اخلص معاك عشان اروح اطمن على شهندا .
زفر حزينا: امرى لله الصبر ياربى، سأتصل بكِ فى المساء ولكن لن اقبل اى اعذار وقتها مفهوم .
ابتسمت: مفهوم .
تنهد بعشق: مع السلامه حبيبتى .
انهى معها المكالمه ودخل الى المكتب وجد جولناى تنتظره: هل انتهيت اريد التحدث معكم انت وايفى؟
اوما بالموافقه وجلس بالمقعد امامها: اسمعك قولى ماشأتى .
وقفت لولو ببعض الحرج: ساذهب الى الحمام .
امسكت جولناي ذراعه رفضة: لا تذهبى لقد اصبحتى واحده منا واريدك ان تسمعى ما ساقول .
اومأت بالموافقه وجلست، ترددت جولناى وابتسمت بخجل باعين لامعة: اتذكرون الشاب مدير الشركه الذى اتى الشهر الماضى، لتقديم مشروع لنا للتعاون معه؟
تعجب جيهان: نعم اذكره ولولا اننا ليس لدينا وقت، ما كنت رفضت مشروعه فهو جيد جدا .
تعجب ايفى: ما الذى ذكرك به هل اتى مره اخرى ؟!
ابتسمت بخجل وقد تلاءلاء وجهها: لا انما انا وهو منذ ذلك الوقت ونحن اصبحنا اصدقاء، وقد صرح لى بحبه منذ عدة ايام، وطلب منى ان نكون حبيبين، وعندما اخبرته انى لا احب ذلك ولا اريد ان تبدا علاقتى به دون زواج، عرض علي الزواج وانا وفقت، وهو يريد ان يتحدث اليكم فى هذا الامر .
فرح جيهان: سنراه ونتحدث معه وان شعرت انه صادق فى حبه لكِ ساقبل، ولكن لو لم اجد انه صادق هل ستتركيه ؟
عبست وفكرت رفعت كتفيها وانزلتهم: لن اكذب عليك لكنى لا اعلم الان واظن انى متاكده من صدقه .
ضحك ايفى: اظن ان الامر منتهى يا جيهان، ولكن نحن يجب ان نتاكد لاننا نحبك ونريد لكِ السعاده .
اومأت بالموافقه اسرعت اليها لولو احتضنتها فرحة: انا سعيده جدا لاجلك وساستعد من الان لحفل زفافك .
فرحت جولناى هى الاخرى: وهل يمكن ان يقام زفاف بدونك يا بنت .
اسرع اليها ايفى وهنأها هو الاخر ووضع يده حول خصر لولو وجذبها اليه: اسمعى يجب ان تعودى لتعيشى معنا، ولن اقبل اى رفض منكِ .
عبست وهى تحاول فك يده: لا لن اتى وابعد يدك عنى هل انت احمق .
ضحك هامسا: نعم احمق لانى تركتك تذهبى ولن ادعك تبقى بعيدة عنى مفهوم .
ابتسم جيهان: هو محق لما لا تعودى للحياه معنا انتِ الان زوجته .
زفرت بحيره: لا اعلم سافكر بالامر واخبركم غدا .
امسكت جولناى بذراعها: كفى عن العبث معنا، وهى عودى نحن نشتاق الى تجمعنا مره اخرى .
ابتسمت لولو: سافكر الامر ليس بالسهل وساخذ راى لمار .
فرح جيهان: جيد هيا اذهبى وتحدثى اليها واخبريها ونحن ننتظرك .
تعجبت وعبست: ولما العجله ساتحدث اليها فى المساء ؟!
ايفى برفض: لا اذهبى الان هيا يابنت الله الله، تريدى ان تاخرى الامر انا افهمك .
ضحكت: امرى لله ساذهب الان ولكن اترك خصرى كى استطع التحرك .
ضحكو جميعا وتركها ايفى وقبل ان يبتعد خطف قبله من وجنتها، فاحمر وجهها خجلا وخرجت مسرعه، ضحكو جميعا ابتعدت عنهم وطلبت لمار لتتحدث اليها، لكنها لم تجب فاعادت الطلب مره اخرى لكنها لم تجب، فكرت انها قد تكن فى الشركه فارجأت الامر الى وقت اخر، اما لمار كانت قد رات الهاتف وعلمت انها لولو، ولكن هشام كان قد خرج من غرفة شهندا فأسرعت اليه للاطمانان عليها، نظر اليهم هشام: متقلقوش يا جماعه هى بخير الحمد لله بس وجدكم جنبها مهم جدا .
ترددت ماجده: طب ليه كانت بتترعش زى ما كان بيحصل لها قبل كده؟
هشام: متقلقيش هى اتغيرت وبقت اقوى، لكن رد فعل عمى كان غريب وده خضها .
طاطات راسها حزنًا عليها: ربنا يهديه .
هشام ببعض الحرج: ممكن ننزل تحت نتكلم شويه عايز اسالك عن شوية حاجات؟
شعرت بالقلق فقد يكن هناك شيى لا يريد ذكره امام اخوتها، اومأت بالموافقه ونزلت معه، جلست فى البهو وجلس بالكرسي المجاور لها زفرت قائله: قول يا بنى انا سماعك .
شعر من نظراتها انها قلقه على شهندا فابتسم: اطمنى مفيش حاجه تقلق انا عايز اسالك عن لمار .
تعجبت: لمار مالها يابنى ايه اللى قلقاك عليها؟
تنحنح : انا عارف بموضوع حالتها وكنت عايز اسالك على شوية حاجات، عشان اتأكد انها مش هتحتاج اى علاج قبل الجواز .
هزت راسها: تمام اسال .
زمت شفتيه قائلا: لمار فى الفتره اللى عاشت كولد كان ليها اصحاب صبيان، وهل كنتى بتلاحظى ميلوها اكتر للبنات ولا الصبيان .
تفهمت سبب اسالته: هى ديما كانت بتخاف من الصُبيان، حتى يمكن مكنش لها اصحاب خالص، ولعبها ديما كان مع اخوتها البنات، ويمكن ده كان بيزعل ابوها جدا لان ده كان بيخليه يحس انها بنت .
فكر: طب لما كانت تتفرج على التلفزيون بتختار افلام رومنسى ولا رعب .
ابتسمت: انا فاهمه سؤالك بس لمار كانت حاسه بميولها ناحية البنات اكتر، وده كان بيخليها تلعب اى لعبه قتاليه، عشان جسمها ياخد شكل الرجاله،وكانت بتزعل قوى لما تبص فى المريا وتلاقى عضلاتها عاديه، مش ضخمه زى بتاعت الرجاله رغم انها قويه، يمكن كلنا كنا ملاحظين انها بتهرب من احساسها، بس كنا بنهرب زيها من مواجة الامر لخوفنا من الحقيقه .
هز راسه متفهما: كنت متوقع ده عموما هى مش هتحتاج علاج بالمعنى، يعنى اعتقد انها اتاقلمت مع وضعها بسرعه، ومش هتحتاج جلسات او ماشابه، وانا كلمت جيهان ولقيته فاهم كل حاجه، وسأل كمان دكتور نفسانى هناك، وقالى انه لو احتاج حاجه هيكلمنى .
اخذت نفس وزفرته: الله يطمنك يا بنى مش عارفه من غيرك كنا عملنا ايه .
ابتسم: ملوش لزوم الكلام دول اخواتى، وان مكنتش اساعدهم هما اساعد مين يعنى، ( وقف ) عن اذنك انا همشى دلوقتى وهبقى اتصل اطمن على شهندا .
وقفت هى الاخرى: اتفضل .
تركها وخرج وصعدت هى الى غرفة شهندا، رات يزيد ولمار يخرجا من الغرفه ويغلقا الباب بهدوء، اقتربت منهم: هى نامت ؟
هزت لمار راسها: ايوه نامت وشهد فضلت جنبها، واحنا خرجنا سبناهم يرتاحو .
هزت راسها: طب الحمد لله هنزل انا اشوف الاكل .
ترددت لمار: بابا كلمك او عرفتى ايه اللى حصل بعد ما مشينا ؟
زفرت ماجده: لاء معرفتش حاجه، ومش عايزه اتصل ولا اسال مش فاهمه ابوكى اتصرف كده ليه، كان بقا كويس ايه بس اللى حصل .
ربت يزيد على كتفها: يمكن له عذر الافضل انك تتكلمى معاه وتسمعيه .
تنهدت ماجده: ماشى يا بنى حاضر هنزل دلوقتى اشوف الاكل وبعدين اكلمه .
تركتهم ونزلت، نظرت لمار الى يزيد: بقولك ايه كلم رعد كده اعرف منه ايه اللى حصل فى الشركه بعد ما مشينا؟
اومأ بالموافقه واخرج الهاتف من جيبه وطلب رعد لحظات واجاب: اهلا يا يزيد طمنى شهندا عامله ايه دلوقتى ؟
يزيد : الحمد لله احسن هى نايمه دلوقتى، بس طمنى انت ايه اللى حصل بعد ما مشينا؟
زفر رعد: بابا وعمى وابوك خروجوا ومن ساعته محدش منهم رجع، ومش بيردو على التليفون، واحنا عرفنا مين الكلب اللى طلع الكلام ده وهنعرف ازى نعلمه الادب .
قبض يزيد على يده وجز على اسنانه: قولى مين هو وانا هقطعه بسنانى، الكلب اللى اتجرأ وجاب سيرة اختى، انا اصلا لولا ان فهد يبقى ابن عمى كنت قطعت لسانه .
زفر رعد بغضب: وانا قبل منك بس فهد اخويا غبى، وصدق الكلام لكن عمره ما يفكر يعمل حاجه زى كده، انا عارفه كويس بيطلع يطلع وينزل على مفيش،وبابا عمل معاه الصح .
هز يريد راسه: هو يستاهل اكتر من كده، بس خلاص احنا سيبنو لكم انتو، المهم لو عرفت حاجه عن بابا واعمامى كلمنا طمنا .
هز راسه: حاضر بامر الله هكلمه دلوقتى واطمنك عليهم .
انهى معه رعد وقبل ان يطلب والده اذا بالبراء يدخل عليه المكتب غاضب جدا: ايه الكلام اللى سمعته ده، وازى ده يحصل وعمى ازى سكت على الكلام ده؟
زفر رعد محاولا تهدأته: طب اقعد اهدى كده وفهمنى، انت سمعت ايه بس عشان افهمك .
جلس على الكرسي امامه: الناس بتتكلم ان فهد دخل عليكم المكتب انت ولمار، وانه قال عليكو كلام مش كويس، هو بصراحه كل اللى بيتكلم مش مصدق، خصوصا ان السكرتيره قالت انكم بتسيبو الباب مفتوح ديما .
اخذ رعد نفس وزفره: ده كلام فاضى كبر دماغك منه، ومتفكرش فيه واللى يجيب سيرتى اقطع لسانه، انت عارف فهد متهور وبقاله فتره مش مظبوط، ونفسيته تعبانه وبابا قام معاه بالواجب وضربه، المهم قولى عملت ايه مع الشركه .
ابتسم: الحمد لله كله تمام انت عارف صاحبك كويس .
رعد : طب تمام .
قام البراء وقبل ان يخرج نظر الى رعد قائلا: صحيح فين عمى والباقين ملقتش حد منهم راحو فين ؟
رعد متبرما: عمى اتضايق من اللى حصل وخرجو كلهم .
البراء مستفهما: يعنى الاجتماع بتاع الساعه ٢ كده اتلغى .
زفر رعد: للاسف طبعا اجله لبكره او اقولك خليه بعده .
هز البراء راسه بالموافقة: تمام اروح اشوف شغلى انا .
تركه وخرج طلب رعد مهند واخبره بما قال البراء فكر مهند قائلا: طب الحمد لله، كده يبقا لما قفلنا الباب ومشينا السكرتيره، محدش سمع باقى الكلام ولا فهم اللى حصل .
فكر رعد: طب اسمع يبقا موضوع رفد الجدع اللى قال الكلام ده لفهد، هيضر مش هيفيد احنا سالنا عنه لقيناه اجازه ومعرفناش نكلمه، وكنا ناوين نرفده الافضل اننا نمشيه من هنا، نرجعه الشركه القديمه، وبعد فتره نبقا نرفده، وقتها هيكون الموضوع اتنسى خالص وانتهى .
مهند: كلامك صح عندك حق، تمام كلمت بابا او حد اعمامى تطمن عليهم .
زفر رعد قلقا: محدش منهم بيرد وانا ابتديت اقلق عليهم، خايف يكون حد منهم حصله حاجه .
تنهد مهند: انا كمان قلقان عليهم قوى مش عارف اعمل ايه .