اللهم صلي على سيدنا محمد وعلى اصحاب سيدنا محمد وسلم تسليماً كثيراً
مراد
اكيد بتضحكو عليا علشان اتعاطف معاها
رنا
بعياط لا والله زينه بتموت من الفئران عندها فوبيا منهم
مراد
يعني هي مبتكدبش ولا انتو بتخبو عليها
مها
لا يا بني مبنكدبش والله في سماء لو بنتي جراله حاجة ما هيكفيني فيكو القتل يلا يا رنا نخدها ونروح مستشفي
رنا
يلا يا خالتي
مراد
لا محدش هيطلع من هنا انا هبعت اجيب الدكتور يكشف عليها ويطمنا
انتصار
حرام عليك يا مراد وبعدين شكلها طيبه والله ودمها خفيف دي خليتني اختم الجزء الاول من القرآن في سري من الخوف
ماهر
دانا بقيت اخاف ادخل الحمام دلوقتي حاسس كل اما اجي ادخل الحمام هتطلعلي وتقولي ابقي ارفع السيفون يا ماهر بعد ما تخلص الحمام
الجد
دخل الاوضه وقال اخلص يا مراد شوف الدكتور اتاخر ليه
مراد
جاي في الطريق يا جدي
رنا
والله لو حصالها حاجة لوديك في داهيه
مراد
اكتمي يا بت انتي هي مش ناقصه قرف ياختي لو بتحبيها ولا خايفه عليها كنتي نصحتيها بدال ما انتي كنتي شريكه معاها في الي بتعمله
رنا
هي دي حياتنا مع بعض حتي لو في المصايب وبعدين الي يشوفو وانتو بتتشطرو عليها مش يشوفكو وانتو كنتو هتموتو من الرعب من حبه صوت اسكتو جاتكو خيبه
مها في اوضه زينه
قومي يا بنت الجزمه زمان الدكتور جاي وهيعرفو انك بتمثلي
زينه
اقفلي الباب كويس يا رنا وانتي يا مها افهمي كويس احنا علشان ناخد حقنا لازم نخلي الدكتور الي هيجي ده يقنعهم اني فعلا عيانه
رنا
ودي هتيجي ازي يا ام العوريف وهو الدكتور ده جايبه مراد يعني اكيد مش هيكدب عليهم
زينه
دي بقي سبهالي بس قربي طبق الفاكهه دي علشان هبطت من الي عمله الزفت مراد ده
مها
والله ما عارفه تصعبي عليا ولا هما الي يصعبو عليا من جبروتك يا مصيبه
رنا
معاكي حق يا مهاميهو
الدكتور ايجي فين المريضه
مراد
هنا يا دكتور اتفضل في الاوضه دي
دخل الدكتور وقفلت رنا الباب في وش مراد
رنا
اهي يا دكتور اختي الغلبانه اصلا الناس دول خاطفينها علشان عايزين ياخدو كليتها لابن عمها
مها
اه يا ابني شوفت الظلم والافتري
رنا
علشان كده انت زي الشاطر هتطلع تقولهم هي عيانه قوي وبلاش الزعل عليها لان حالتها صعبه
الدكتور
انا مش مقتنع بالكلام الي بتقولوه وبعدين محدش هنا عنده مرض كلوي انتو بتكذبو
زينه
نطت من علي السرير ومسكت السكينه الي كانت بتقطع بيها الفاكهه وحطتها علي رقبت الدكتور عارف يلا اني اساسا واخده معامله اطفال ولو كلمه مالي قولتها مش حصلت هروح فيك في ستين داهيه انتي هتطلع تقولهم انها عندها اكتئاب وياريت محدش يضغط عليها ولا يزعلها اني بقولك اهو واوعي تفكر لو خرجت من هنا وقولت الحقيقه مش هعرف اوصلك تبقي اهبل ايه رايك بقي
الدكتور
حاضر هعملك كل الي حضرتك تومري بيه اني تحت امرك بس سبيني الله لا يسئيك
زينه
ظبطت ليقه قميصه وقالت اطلعي معاه يا رنا علشان لو لوش في الكلام اعرف
رنا
انتي تومري يا كبيره
رجعت علي السرير وهي بتمثل انها عيانه
خرج الدكتور الي تشاهد علي روحه انها سابته وقال زي ماهي قالتلوه
الدكتور
صح يا انسه مش هو ده الي حصل
رنا
يا حبيبتي يا صحبتي كنتي شمعه منوره فضلو وراكي لما طفوكي وخلوكي زي الميته علي السرير هههههي اه يا اني يا اني يا حبيبتي وقفلت الباب في وشهم كلهم
الجد
مراد تعالي ورايا علي مكتبي
مراد
حاضر يا جدي
الجد
انت ايه الي عملته ده يا بيه شوفت اخر تهورك وصلنا لايه احنا كنا بنحاول انها تتاقلم معانا بس تفتكر هي لم تخف هترفض تعيش معانا وهترجع بيتها تاني وهيكون معاها حق
مراد
بس هي الي غلطت يا جدي انتي مش شوفت عملت ايه
الجد
عذر اقبح من ذنب لازم نخليها تسامح في الي حصل وترفض تسبنا وتمشي انا عايز اموت وانا مطمن عليها
مراد
بعد الشر عليك يا جدي ربنا يديك طولت العمر
الجد
طال ولا قصر زي ما قولتلك
فضل الكل بيدلع فيها علشان ترجع تاني تهزر وتضحك بس هي كانت متقنه الدور كويس
بالليل كانت بتلعب بابجي مع جاسر
جاسر
يعني انتي يا حبيبتي اهلك طلعو اغنياء
زينه
اه يا جاسر بس انا هاخد ميراثي منهم وارجع القاهره وهناك نتجوز ونعيش في ثبات وبنات ونخلف صبيان وبنات
جاسر
بس هيطلعلك كام يعني في الميراث ده
زينه
مالك يلا ما تظبط بدال ما اشق بطنك وبعدين انت مالك يا اخويا انت اه هتكون جوزي بس انا ملزومه منك يعني انت الي تصرف عليا مش العكس انا بقولك اهو
جاسر
اكيد يا حبيبتي وبعدين انا مش من الرجاله الي طمعانه فيكي زي ابن عمك الي حبسك في اوضه الفئران دي
زينه
ملكش دعوه وبعدين دي مشاكل عائليه يعني مش يخصك والزفت مراد انا هعلمه الادب بس اصبر عليا يلا بقي علشان اقفل الجيم سلام يا جاسر
فضلت زينه لحد اما عدي اسبوع وهي قاعده في اوضتها مش بتكلم حد والكل عمالين يعملو ليها كل الي يخطر علي بالكو علشان ترجع تضحك وتاكل زي الاول مش يعرفو انها مخلصه علي خزين البيت
انتصار
ولا يا ماهر انت كل يوم القيك مخلص الاكل الي في التلاجه وبقول مش مشكله انما كده يابني غلط عليك انت الشوكلاته بتعملك حساسيه يعني مش تاذي نفسك بسبب طفاستك يا بني
ماهر
اكل ايه يا انتصار انا مش باكل اساسا باليل بقالي فتره علشان مدرب الجيم نبه عليا حتي اسالي مراد
انتصار
اومال مين
شرقت زينه علشان هي الي بتاكل الاكل باليل بس رنا نقذتها
رنا
انا يا طنط اصلا بجوع بالليل
انتصار
بالف هنا وشفا علي قلبك يا حبيبتي
رنا
يعني انتي مش زعلانة
انتصار
لا يا بنتي وايه الي يزعلني انا كنت خايفه عليه بس علشان عنده حساسيه من الشوكلاته
مراد
وهو يبيص علي زينه وهي قاعده مسالمه ومش بتكلم حد
جدها
خد زينه معاك هي ورنا يا مراد تتفرج علي الشركه
زينه
هزت راسها وقالت اني مش رايحه في مكان يا جدي شكرا انا طالعه اوضتي
مراد
انا اسف يا زينه مكنش قصدي ازعلك
زينه
انا مسمحاك يا ابن عمي وانا كمان اسفه وسابتهم وطلعت علي السلم وهي بتغني في سرها اغنيه مصطفي كامل
اسف جدا علي اخطاي اسف علي بركان اشواقي انتو لسه شوفتو حاجه
طلعت فوق لقيت تليفونها بيرن
زينه
ايه يا جاسر من امتي وانت بترن عليا افرض حد كان جنبي ولا امي ردت عليك
جاسر
اني اسف بس اصلا انا عيان وجيت اسكنديه عند واحد صاحبي علشان اكشف عند الدكتور وقولت اكلمك يعني نتقابل بس خلاص انتي معاكي حق بس كان نفسي اشوفك بس خلاص متشغليش بالك انا مش عايز اعملك مشاكل
زينه
صعب عليها قالت الف سلامه وبعدين مفيش مشاكل خلاص ابعتلي العنوان واني ساعه وهكون عندك
نزلت تجري علي السلم
جدي خلاص انا قررت اسمع كلامك واسامح مراد واروح معاه الشركه اشم شويه هواء
جدها
حبيبتي يا بنتي ايوه كده فرحي قلبي
مها
ناويه علي ايه يامصيبه
زينه
والله ما حاجة انا بس هتفسح شويه بس لو حد هيتضايق مفيش مشكله
مراد
لا وعلي ايه يلا تيجي معانا يا رنا
رنا
لا انا هروح مع ماهر النادي علشان العب شويه في الجيم
مراد
طيب يلا ومشي هو وزينه
جاسر
يلا بقولك باين عليها ورثت ملايين يعني لازم ينولنا من الحب جانب
رامي
بس انت تفتكر اهلها هيسكتو
جاسر
وانت اهبل انا مخطط كويس وهما مش هيرضو بالفضيحه يعني هيوافقو علي جوازنا وانا بعد كده اخد كل حاجة واقب علي وش الدنيا واخلع بقي في الخلعون
رامي
طيب انا همشي ومش تنسي اني ينولني من الحب جانب معاك يا صاحبي
وصل مراد وزينه وطلبت تروح الحمام
مراد
تمام هو في اخر الكريدور ده وانا مكتبي برضو الناحيه التانيه لما تخلصي تعاليلي
زينه
تمام روح انت المكتب وانا اول ما اخلص هاجي علي مكتبك
دخل مراد المكتب وهي طلعت تجري علي بره وركبت تاكسي وكلمت رنا وحكتلها علي انها رايحه تقابل جاسر في شقه صاحبه في العنوان ده وطلع قريب من الشركه بتاعت جدها
رنا
بلاش يا زينه ليحصل حاجة
زينه
متخافيش عليا يا حبيبتي سلام بقي
ماهر
مالك يا رنا
رنا
حاسه ان في حاجة هتحصل
ماهر
ايه يعني
رنا
بصراحه زينه شكلها هتقع في مشكله كبيره قوي هي صحبتي تبان مفتريه وكده بس طيبه والله وهبله
ماهر
قلقتيني يا رنا في ايه
رنا قالت لماهر الي زينه عملته
ماهر
يا نهارها زي وشها الفحمه والله ماشي بقي بتستغفلنا تمام ورن علي مراد وقاله علي الي زينه هتعمله
مراد
وانت عرفت ازي هي في الحمام
ماهر
هي خرجت من الشركه وانا رايح علي العنوان بس الحقها انتي لاني انا بعيد هي لسه مكلمه رنا
مراد
طيب وطلع يجري من الشركه ركب العربيه ووصل قدام العماره
زينه
وهي قاعده علي الكرسي ورابطه جاسر بقي يلا يا معفن فاكر انك هتقدر تعمل فيا حاجة دانا زينه والاجر علي الله
جاسر
طمعت انا اسف
زينه
لا انت عيان وانا هخليك تكون زي الرهوان انت جيتلي في جمل ومسكت سلك الشاحن الي قطعته وخلته عريان من ناحيه وبقت تزغزغ فيه
جاسر
انا اسف الله يخليكي
زينه
لا انت عيان وانا هخليك تخف يا جسوره
جاسر
كل اما السلك يوصله يصرخ
مراد وصل وسمع الصريخ افتكر بيعمل حاجة فيها راح كاسر الباب
بس شاف الي خلاه يبرق
مراد
ايه الي بيحصل
زينه
ولا حاجة يا مراد خضتني الزفت ده عيان وانا بعمله جلسات كهرباء علي عنده هبل واني قررت اعلاجه
مراد الي قعد علي الكرسي
مراد
وانا الي بقول الحقكي اني مفروض الحقه هو
ماهر دخل هو ورنا وشافو جاسر وهو مربوط وزينه بتزغزغ فيه بالكهرباء
ماهر
انتي بتعملي ايه مفتريه
مراد
دي الي بتقولي الحقها علشان خايف عليها وهي مستقنيصه وقاعده تعذب فيه ولا الي بيشتغلو في السجون الحربيه
زينه
المعفن قال ايه كان عايز يصورني علشان يبتزني فاكرني بت سيس مش يعرف انه جاب لنفسه مصيبه هتخلص عليه
جاسر
ابوس ايديكو خليها تسبني والله ماهتشوفو وشي تاني
ماهر
اكيد انت عامل ذنوب كتيره علشان ربنا يبتاليك بغراب البين دي
زينه
ماهر انت اكيد مش تقصدني صح
ماهر
لا يا كبير بقول علي البت رنا
مراد
بصوت عالي خلاص خلصنا وفك جاسر وهدده لو قرب منها ولا كلمها تاني هو الي هيخلص عليه
مراد
مسكها من دراعها وقال وانا بتستغفليني يا بنت عمي يلا يا ماهر رن علي الماذون والله لتكوني علي ذمتي انهارده
زينه
بس انا مش موافقه ايه رايك بقي
مراد
طيب انا بقي هقول لامك الي انتي عملتيه وانك جاتي لواحد في شقته
زينه
مش هتصدقك
مراد
اظن هتصدق رنا ايه يا رنا هتكذبي تلني وتضيعي صاحبتك
رنا
مراد معاه حق يا زينه
زينه
ماشي بس مترجعش تزعل من الي هيحصل
مراد
اعملي ما بدالك انا كنت هموت وانا بفكر عمل فيكي ايه او هلحق اوصلك ولا لا
زينه
انت بتتكلم ازي كده
مراد
مش يمكن اكون حبيتك حبيت جنانك
زينه
وانا مش بحبك
مراد
انا مطلبتش منك تحبيني لانك انتي بنفسك هتيجي تقوليلي انك حبيتيني
زينه الي لاول مره تسكت قدام حد
عرفت رنا ان صحبتها مبسوطه بكلام مراد
رجعو علي القصر وقالو للجد انهم موافقين علي الجواز ويوم الخميس هيعملو الفرح وماهر قال لجده انه هو كمان عايز يتجوز رنا
وجده وافق وراحو طلبوها من اهلها وسافرو اسكندريه كلهم علشان يحضرو فرح مراد وزينه ورنا وماهر
مراد
واقف هو وماهر مستنين العرايس الي هما مبسوطين بيهم
نزلت زينه ورنا واول ما رفع مراد وماهر الطرح شافو زينه ورنا مورنشين وشهم باللون الاسود رجعو لوراء
مراد
ياشيخه عمرك ماهتتغيري بس بحبك
زينه
بس ايه رايك
ماهر
رنا لو بتفكري في الخلفه بعد لما شوفت وشك كده انسي
ضحكت رنا علي كلامه
مراد
فعلا انتي مجنونه
زينه
لا اني مجنونه رجعت بيت العيله
تمت بحمد الله