رواية ظننتك قلبي الفصل الثالث والعشرون23من الجزء الثاني2 بقلم رشا روميه

رواية ظننتك قلبي 
الفصل الثالث والعشرون23من الجزء الثاني2
بقلم رشا روميه
المستشفى التخصصي ....
تخبطتُ و عُدت أدراجي، ليت كان هناك وقت للغفران، فأنا على يقين تام بأنك لن تكون شيئًا يحزنني حتى لو قدموا لك الدنيا بأكملها ...
بقلم رشا روميه قوت القلوب

لكن متى ينفع الندم بعد فوات الأوان، إنهيار وحزن مظلم ساد قلب "عيسى" وهو يتشبث بـ"غدير"، لا يصدق خسارته وأنها تركته دون أن يسامحها وتسامحه، ليته لم يترك عقله للظن وصدق قلبه الذي أجزم بيقين أنها لن تفعل به ذلك ...

دلفت "سندس" بخطوات بطيئة لداخل الغرفة، مع سماع تلك الخطوات إنتبه "عيسى" لها بعينيه المحتقنتين دون حديث لكن مظهرهم قال كل شيء ...

صمتت "سندس" لبرهة ثم تنهدت تنهيدة طويلة حزينة ثم قالت ...
- ما تقلقش يا أستاذ "عيسى"، "غدير" ما فيهاش حاجة، أنا إللي إديتها حقنة منوم قوية شوية، وأنا إللي بعت لك الرسالة علشان تيجي وتحس إنك خسرتها، عشان تعرف الحقيقه كلها وتندم على ظنك فيها ...

تفاجئ "عيسى" بما فعلته "سندس" فهو مدرك تمامًا لمشاعرها تجاهه ليتسائل بشك ...
- معقول !!!! بقى إنتِ يا "سندس" حتساعديني أنا و"غدير" عشان نرجع لبعض، طيب أصدقها إزاي دي ؟!!!!

ضمت شفتيها المرتجفتين، فهي بما تفعله الآن تخسر حبها له للأبد ...
- أيوه أنا يا أستاذ "عيسى"، أنا عملت كده، لأني شوفت هي قد إيه بتحبك ومش قادرة تعيش من غيرك، شوف إنت كمان عامل إزاي وإنت مش قادر تعيش من غيرها، أنا أه بحبك وكنت أتمنى إني أكون موجودة في حياتك، بس أنا مش مؤذية، أنا في كل الأحوال ما أقدرش أأذيك، وأتمنى أشوفك سعيد، بس أنا ما كنتش أعرف إن إنتوا بتحبوا بعض أوي كدة، ما أقدرش أستحمل أشوف التعاسة دي في عينك، عشان كدة كان لازم أتصرف لما لقيت إن إنت بـ تظن فيها إنها خاينة وغدارة، وهي كمان ما قدرتش تستحمل إن إنت تشك فيها ...

ضغطت "سندس" زر إستدعاء التمريض، دلفت الممرضة على الفور لتطالبها "سندس" بجدية رغم تعاستها الظاهرة على ملامحها المتجهمة ...
- لو سمحتِ إديها حاجة تفوقها، لأنها واخدة مخدر علشان تنام لأنها كانت تعبانة جدًا، أنا كنت سألت الدكتورة وهي إللي قالت لي إن المخدر ده يناسبها، ما تنسيش إنها حامل ...

لوهلة توقف الزمن بـ "عيسى"، ليرفع عينيه بدهشة تجاه "سندس"، ليتسائل بعدم إستيعاب لما تفوهت به للتو ..
- هي مين إللي حامل !!!!! هي مش حامل، هي بنفسها قالت كدة في المكتب !!!!

نظرت له "سندس" مطولًا قبل أن توضح بإقتضاب شديد ...
- لأ يا أستاذ "عيسى"، "غدير" حامل فعلًا، هي نفسها ما تعرفش ده، لما تعبت في المكتب و إضطريت إني أجيبها على هنا، الدكتور عمل لها تحليل، إكتشفوا إنها حامل في شهر، هي كانت بتكذب عليك، مرة تقول لك إنها حامل، ومرة تقولك إنها مش حامل، هي كانت خايفة إنك تسيبها، لكن هي ما تعرفش إنها حامل أصلًا ..

بقلم رشا روميه قوت القلوب
إضطربت أنفاسه كما تتخبط أفكاره، لكن ما سيطر على هذه التيهة التي يشعر بها هو ملاحظة إستفاقة "غدير"، فبعد أن أعطتها الممرضه تلك الحقنة بدأت "غدير" بفتح عينيها بتخبط ...
برؤية مشوشة ناظرت وجه "عيسى" الحزين أمامها، ظنت لوهلة أنها تحلُم بوجوده معها لتغمغم ما بين الحلم واليقظة ...
- "عيسى"، إنت جيت يا "إيسو" ؟؟! أنا بحلم صح ؟؟

لم يدرك شعورًا بالراحة كما يشعر الآن وهو يراها معافاة لم يفقدها كما ظن، رفعها لتسكن أحضانه بقوة ليُشبع قلبه المشتاق المتألم لفقدها، لم يكن يظن أنها توغلت بروحه لهذه الدرجة، وأنه لا يمكنه العيش بدون "غدير" ...

إستكانت "غدير" تستكملُ حلمها بوجودها قُربه، فعقلها لم يهيئ لها أن ما يحدث هو واقع وليس خيال، تلك الغيبوبة الواقعة بين الحلم واليقظة جعلها تغمض عينيها مستمتعة بهذا الحلم الجميل بقرب "عيسى"، وأنه قد سامحها على أخطائها التي لم ترتكبها، وعلى كذبها وعدم صراحتها معه ...

صوته فقط من أعاد لها صحوتها حينما نطق "عيسى" بإسمها بوله ..
- فوقي يا حبيبه "إيسو"، فوقي خليني أشوف عينيكِ إللي وحشتني، سامحيني يا أغلى من روحي، أنا غلطان، ما كانش ينفع أظن فيكِ كدة أبدًا، وحتى لو ظنيت كان لازم آجي و أتكلم معاكِ الأول، وأفهم منِك قصدك إيه، إللي بينا أكبر من مجرد ثقة، الصدق إللي بينا هو إللي مخلي حبنا يعيش، سامحيني و إوعي تكذبي عليا تاني ...

فتحت عينيها بإجهاد لتناظره بعينيها الواسعتين، فغرت فاها للحظات تتيقن أنها واعية حقًا؛ ثم أجفلت بعينيها للحظات ثم تساءلت ...
- إيه ده، هو أنا صاحية ..؟!!

بأريحية توسط ثغر "عيسى" إبتسامة جذابة ثم عقب بمحبة ...
- صاحية يا حبيبة "إيسو" ...

إنتفضت تبتعد عن جسده وهي تعقد حاجبيها بغرابة، دنت بعينيها الواسعتين تقترب من عينيه بقوة، ثم أردفت بروحها المرحة ...
- طب عيني في عينك كدة، إحنا صاحيين بجد؟!! يعني ده مش الحلم بتاعي ولا الحلم بتاعك، أو يمكن الحِلمين منفدين على بعض ...

تعالت ضحكته التي لا تُسمع إلا معها فقط ...
- لا يا حبيبتي إحنا صاحيين وفي المستشفى، (ثم أكمل بجدية وتأثر)، حقك عليا ...

تلاشت إبتسامتها حين تذكرت ما حدث، تذكرت غضبه منها وكذباتها المتتالية دون داعي، نكست رأسها بخزي حزين ...
- إنت إللي حقك عليا، سامحني عشان كدبت عليك وقلت لك إني حامل، وأنا مش حامل ...

إقتحمت "سندس" حديثهم لتجيب "غدير" أولًا ..
- بس إنتِ حامل يا "غدير" ...

فغرت "غدير" فاها بقوة، ليرتفع حاجبيها بإندهاش وصدمة غير متوقعة، أسقطت وجهها محلقة بعينيها بإتجاه "سندس" بإستغراب شديد ..
- هي مين دي إللي حامل ؟!! أنا ؟!!!!!!! (ثم نظرت بإتجاه "عيسى" ترفع كفيها برفض قاطع، كما لو كانت تنفي تهمة عن نفسها)، لا والله أنا مش حامل يا "إيسو"، أنا مش حامل بجد ...

سحبت "سندس" مقعد لتجلس عليه فيبدو أن الأمر سيطول حتى تشرح لهم ما توصلت إليه بالضبط ...
- لأ يا "غدير"، إنتِ حامل، وعايزاكوا تسمعوني كويس، عشان أشرح لكم الحكاية كلها بالظبط ...

إعتدل "عيسى" بجلسته متسائلًا بجدية، فيبدو أن الأمر به خفايا لم يعلم بها ...
- هي إيه الحكاية يا "سندس"، واضح إن في حاجة أنا مش فاهمها ...

حركت "سندس" رأسها بالإيجاب، ثم قالت ...
- بالظبط يا أستاذ "عيسى"، فيه حاجة، وحاجة كبيرة كمان، لما "غدير" جت المكتب وحكت لي على إللي حصل بالتفصيل بعد ما جينا المستشفى هنا، حسيت إن فيه حاجة مش مظبوطة، إزاي في الأول الورق بتاع القضية يضيع بالشكل ده، من غير ما نعرف راح فين، كمان موضوع إللي إسمه "رشيد" ده مدخلش دماغي، أخدت إسمه من "غدير" ورحت دورت عليه، لقيت واحد بيشتغل معاه إسمه "محمد" حكى لي إن "رشيد" الأيام إللي فاتت ماكنش مظبوط، وكان في واحدة بتتصل بيه وإتفقت معاه إنه يوقع بينك وبين "غدير" بالصورة دي، طبعًا عشان تسيبوا بعض وهو يرجع لها، وقابلت "رشيد" فعلًا وعرفت منه إن البنت دي هي إللي أدت له الخاتم الغالي إللي إنت لقيته في شنطه "غدير" بعد ما هو حطهولها من غير ما تاخد بالها، وبعت لك بعد كده بيقول لك إنها باعت الورق بخاتم ماس ...

بقلم رشا روميه قوت القلوب

رفعت "غدير" عيناها تجاه "عيسى" قائله بتأسف ...
- والله "إيسو" أنا كنت عايزة أحكي لك على "رشيد" ده، بس خوفت من غيرتك، هو كان عاوز يتجوزني زمان ولما شافني في الحارة كلمني وقالي أنه عايز يرجع لي تاني، بس أنا ضربته بالشنطة وسبته ومشيت، إفتكرت الموضوع خلص على كده معرفش إنه حط لي الخاتم في شنطتي عشان إنت تلاقيه بعد كده وتفتكر كل ده ...

تابعتها "سندس" حتى توقفت ثم أكدت على ذلك موضحة بشكل أكثر دقة ...
- بالظبط كده يا "عيسى"، هو حط لها الخاتم من غير ما هي تاخد بالها، وهو إللي بعت لك رسالة عشان تشك فيها و تروح لها بيت أختها، وإتفق مع حد من الجيران يوقع عليها مياه مش نظيفة علشان تضطر إنها تطلع تدخل الحمام وتاخد دش، في اللحظة دي إنت شوفته لما عمل نفسه نازل من عندها ...

كان "عيسى" يسترجع تلك اللحظات بدقة أثناء إيضاح "سندس" للأمر بهذا الشكل، إغتاظ بإنفعال لما فعله هذا منحط مسببًا لهم كل تلك المتاعب، نهض "عيسى" بأعين يملأها الغضب هاتفًا بحدة و إنفعال ...
- لاااا، ده جابه لنفسه بقى، أنا حروح أعلمه الأدب ...

لحقته "سندس" تدفعه للتروي والهدوء ليستمع لبقية إيضاحها عن الأمر ...
- أصبر بس، الموضوع مخلصش عند كدة، الموضوع أكبر من كدة بكتير ..

عاد "عيسى" لموضعه متسائلا بتوجس دون فهم لمقصدها ..
- أكبر من كدة !!! قصدك إيه بالضبط ؟؟؟

- إللي إسمه "رشيد" ده كان أضعف ما يكون، ده ما أخدش في إيدي أكتر من عشر دقائق وكان قايل لي كل حاجة، (تطلعت "سندس" نحو أعينهم التي تتابع حديثها بشغف لتستكمل مرة أخرى)، "رشيد" ميعرفش مين البنت إللي كانت بتكلمه، و ليه هي كانت عايزة كدة، لكن أخدت منه رقم تليفونها، عملت بحث بإتصالاتي إللي إنت عارفها، وقدرت أعرف هي مين، و مع شوية بحث بسيط فهمت كل حاجة ...

لم يعد "عيسى" يتحمل كل ذلك الغموض ليهتف بها بحِدة لإيضاح هذا الأمر المبهم بشكل أفضل من ذلك ..
- إدخلي في الموضوع على طول يا "سندس"، أنا مبحبش المقدمات الطويلة دي و إنتِ عارفة ...

بتفهم لطبيعة "عيسى" العملية، وتملله من المقدمات التشويقية للحديث، بدأت "سندس" بإظهار كافة الحقائق التي توصلت إليها ...
- في واحد إسمه "جابر السويسي" الراجل ده داخل في كل العمليات المشبوهة، رشاوي، إختلاسات، قروض من البنوك، تجاوزات، أي حاجة، من فترة الشرطة قدرت تقبض عليه وحولته للمحاكمة، ومع الأدلة إللي هو حاول يخفيها والرشاوي إللي حاول يدفعها إلا إنه على كل ده إتحبس، وإتحكم عليه، المهم بقى في الموضوع إن القاضي إللي حكم عليه، كان والد حضرتك، المستشار "خالد"، و من يومها هو وأولاده بيحاولوا ينتقموا من حضرة المستشار عايزينه يخسر كل حاجة زي ما هم خسروا كل حاجة ودخل السجن ...

إقتضب وجه "عيسى" بوجوم دون إدراك ما يمكنه أن يفعل هذا الرجل بوالده ...
- يخسر كل حاجة ؟!! زي إيه يعني، إيه إللي ممكن يعمله خصوصًا إنه في السجن ؟؟!

- أفهمك، كان كل همهم وخططهم إن حضرة المستشار يخسر بيته وأولاده، ومراته، يخسر سمعته، يفرقوا ما بين ولاده وحبايبهم، يكسر قلوبهم ولو قدر كمان يكسرهم في شغلهم ويخسرهم، إستغلوا ناس كتير ودفعوا فلوس كتير، كان إللي بيحرك الإنتقام ده من بره السجن ولاده الإتنين، ولد وبنت ...

بقلم رشا روميه قوت القلوب

تجهم "عيسى" لبعض الوقت هو يدرك تمامًا أن "سندس" محامية ماهرة ذكية، تستطيع الوصول للمعلومات بدقة، ماهرة بعملها لا غبار عليها، وربما كان ذلك سببه الوحيد في الإبقاء عليها بالمكتب، لكنه أراد فهم الأمر بشكل أوضح وبدقة أكبر من مجرد أقاويل ...
- مين الولد والبنت دول ؟؟؟ ودخلوا لنا إزاي عشان يحققوا غرضهم ده ؟!!

مطت "سندس" شفتيها وهي تدفع بتلك المعلومة التى ربما ستسبب له التشكك والإمتعاض، فهو لا يتقبل فكرة أن يحاول أحدهم خداعه أو غفلته ...
- للأسف في حد إتزرع عندكم في البيت هو إللي كان بينقل كل المعلومات عنكم، وأخباركم كلها، وتفاصيل حياتكم ليهم ...

تطلع "عيسى" و"غدير" بعضهم البعض بدون فهم بدهشة، فمن هذا الشخص الذي إندس بينهم ليوشي بهم وبأخبارهم ليتسائلا معًا ...
- حد في بيتنا مين ده ...؟!!

أجابتهم "سندس" بإيجاز بكلمة واحدة ...
- "أم مجدي" ...

رغم تفاجئه الشديد بخيانة من لم يتوقع إلا أنه هتف متذكرًا ...
- معقول، "أم مجدي" !!!! "أم مجدي" معانا بقى لها سنة تقريبًا في البيت ...

أجابته "سندس" بتأكيد ...
- بالظبط كده، لأن الحُكم كان من سنة بالظبط، من بعدها بدأوا يزرعوا حد عندكم في البيت عشان يعرفوا أخباركم ويوقعوكم واحد واحد، وده عرفته لأن الست "أم مجدي" كانت هي وبنتها بيشتغلوا عند "جابر السويسي" قبل ما تيجي عندكم في البيت، في البداية حاولوا يوقعوا بين "نيره" وبين "رؤوف"، وبعد كده عرفوا موضوع "رشيد" ولعبوا عليه، علشان يوقعوا بينك وبين "غدير" وفيه الأكبر من كدة كمان ...

بطبع "عيسى" المرتاب سألها محاولًا أن يستشف كذبها من عدمه ...
- أكبر من كدة كمان !!!!! يعني خلال الكام ساعة دول بس قدرتي تجمعي كل المعلومات دي يا "سندس" ؟!! لأ ويطلع فيه الأكتر من كدة كمان !!!!!
بقلم رشا روميه قوت القلوب

فهمت "سندس" قصده بذكاء، لكنها أكملت إيضاحها بجدية تامة ولمحة من التعاسة أيضًا، فتوصلها لكل تلك المعلومات يَحكم بالإعدام على قلبها بإعلان براءة "غدير"، حركت رأسها بإيمائة خفيفةمستطردة ....
- لو كان العكس كان ممكن تفتكر إن ليا مصلحة، لكن أنا حكدب عليك ليه ..؟!! إيه مصلحتي دلوقتِ ؟!!!!!!! وبعدين ما إنت عارف إن أنا ليا قرايب كتير في الشرطة وفي المرور وفي الإتصالات، أنا عرفت أغلب المعلومات بالتليفون ..

رفعت عنقها تحاول جعل الأمر كما لو أنه لا يؤثر بها ...
- عمومًا، خليني أكمل لك، إبن "جابر السويسي" إتفق مع حد إسمه "فوزي" علشان يشغل المستشار "خالد" عندهم في الشركة ويحفروا له قضية رشوة، طبعًا علشان يسوء سمعته، ويظهره إنه قاضي سيئ السمعة، مرتشي، وفعلًا قدروا يعملوا ده، ووالد حضرتك في القسم دلوقتِ، وفيه كمان حاجة مهمة جدًا، العيادة بتاعة دكتورة "منار"، في البداية عرفوا موضوع تأجير العيادة، دكتور "أمين عبد الناصر" إللي أجر العيادة، ده دكتور مش كويس، فاتح العيادة للعمليات المشبوهة للأسف ..

ما تخبره به الآن لأمر صعب عليه تقبله وتصديقه، حيث ظلت علامات الوجوم والإندهاش والصدمة تعلو ملامحه وملامح "غدير" أيضًا، لكنه فضل الصمت لحين تنتهي "سندس" مما توصلت إليه والذي كان يظنه قصة روائية أو مشهد تمثيلي فبالتأكيد ليس واقعًا بحياتهم التي كانت هادئة تمامًا، أكملت "سندس" حديثها ...
- دكتور "أمين" أجر العيادة عشان يسوء سمعة دكتورة "منار" ويكونوا كدة إنتقموا من حضرة المستشار فيها، وطبعًا جت له الفرصة إنه ينتقم فيك إنت كمان عشان كدة عمل لك تحاليل غلط، عشان تفتكر إن إنت عقيم، ومفهومة يعني سبب ده إيه، علشان تشك في "غدير" ويبوظ لك حياتك، لأن "أم مجدي" بلغتهم بكل تفاصيل مشاكلكم، وهي إللي حطت الكارت قدامك عشان تشوف إسم دكتور "أمين" وتروح له العيادة وتعمل عنده التحاليل الغلط، وكل ده كانت بتحركه بنت "جابر السويسي" لأن مصدر معلوماتها ما كانتش "أم مجدي" بس، بنت "جابر السويسي" إسمها "إسراء" بتشتغل مع "نيره" في الإستور بتاعها، كان كل همها إنها تفسد حياتكم وبس، كانت بتعرف كل معلوماتها من "نيره" عشان تقدر توصل لتفاصيل حياتكم وتخربها ...

ظل وجه "عيسى"مقتضبًا لبعض الوقت، يحاول تخيل شدة سوء هؤلاء البشر و سواد قلوبهم، هل كل ذلك لمجرد الإنتقام، إفسادهم لحياتهم وأعمالهم وتشوية سمعتهم لمجرد إنتقام يحكمه أفكارهم الشيطانية ...

هل يُعاقب والده لأجل كلمة حق قالها بحُكمِه النزيه، لا عجب أن والدهم دومًا كان يشدد عليهم بتحمل الحق وكلمة الحق ولو وضع السيف فوق رقابهم، أردف "عيسى" ضاربًا كفًا بكف ..
- لا حول ولا قوة إلا بالله، ليه كل الأذى ده، دول ما خلوش حد ما أذوهوش !!! أذوني أنا و"غدير"، وأذوا "رؤوف" وفرقوه عن "نيره"، حاولوا يؤذوا والدي، وكمان والدتي بالعمليات المشبوهة إللي بيعملوها في العيادة، كذبوا عليا في التحليل وكنت حخسر "غدير"، الناس دي مش لازم تتساب، لازم كل واحد ياخد عقابه ...

بإبتسامة جانبية، وثقة متناهية أجابته "سندس" ...
- ما تقلقش يا أستاذ "عيسى"، كله تم خلاص، في الوقت إللي أنا بكلمك فيه دلوقتِ قوات الشرطة بتتحرك عشان تقبض على "إسراء" و"أم مجدي" ودكتور "أمين" وأخو "إسراء"، إللي إسمه "أسعد"، عشان كل واحد ياخد جزاؤه ..

بقلم رشا روميه قوت القلوب

صمت "عيسى" للحظات فكم كان يظن بـ"سندس" أنها من كانت تُفسد حياته كلها، وعمله أيضًا، لكن بعد الظن إثم، لم يجد بُد من الإعتذار عن ظنه بها طوال تلك الفترة ...
- حقيقي يا "سندس" مش لاقي كلام أقولهولك، أنا بعتذر لك عن سوء ظني فيكِ الفترة إللي فاتت كلها، حتى الورق كنت ظنيت إن إنتِ إللي أخذتيه ...

بتفهم حزين أومأت "سندس" بهدوء، إعتذاره عن سوء ظنه بها كان مؤلمًا لقلبها العاشق به ..
- أنا ما يهونش عليا أسمع كلمة آسف من حضرتك، أنا إللي بعتذر إني أخدت حجم أكبر من حجمي، كنت ببص لفوق، والظاهر إن أنا ما ينفعش أبص لفوق، صحيح نسيت أقولك إن الورق أكيد أخدته "أم مجدي" من عندك في الشقة وهي بتنظف البيت مع "غدير"، الورق حتبقى تستلمه من النيابة وأتمنى أكون عملت حاجه صح تخليك تفتكرني بيها، بعد إذنكم ...

أنهت "سندس" حديثها لتغادر مباشرة دون إنتظار أي تعقيب من "عيسى"، فيكفيها حزنًا ما فعلته لتُصلح الأمر بينهما، فهما يستحقا بعضهما البعض، لكنها رغم ذلك قبضت على قلبها المهشم متظاهرة بالتماسك، فكم كانت تعشق هذا الرجل، لكنها ليست متعمدة الأذى، لقد كانت فقط تحب، ظنت أنها ستسعد يومًا بقُربه لكن بعض الظن إثم ...
بقلم رشا روميه قوت القلوب

❈-❈-❈ــ

قسم شرطة الحي ...
ربما يتحمل الشاي الغليان حتى يلتقي بقطعة السكر خاصته، فالتحمل بمقدار الغلاوة، وصل الجميع لقسم الشرطة بعد القبض على عائلة الأسمر كاملة، ها هي كل الظنون تصبح ظاهرة أمام الجميع لتظهر الحقيقة التي أُخفيت لشهور عدة ...

ترقب وإنتظار بين الجميع، وصمت تام بين ألسنتهم، لكن عيونهم قالت ما لم تنطق به أفواههم، رمقتهم "عتاب" كل بدوره بحقد، أخذت تطالع كل منهم تارة، لا تدري من السبب في توريطها، هل هي أمها أم "محب" أم "وعد"، تلك التي تفاجئت أنها مازالت على قيد الحياة ...
بقلم رشا روميه قوت القلوب

نظرات متأرجحة بين "عتاب" و"محب" و"وعد" من "قسمت"، تناظرهم بإضطراب لما سيحدث الآن، بينما وقف "باسم" بهدوء شديد جعل الريبة تدب بقلب "عتاب" لشكها بأن رزانته وهدوئه الزائد عن الحد أمر ليس طبيعي بالمرة بهذا الموقف، لكنها أرجعت ذلك لتعوده على التواجد بهذه الأماكن لعمله كمحامي ...

نظرات من نوع آخر إحتلت أعين "محب"، لم تتشتت نظراته بينهم كالجميع بل كانت عيناه تعلمان وجهتهما دون حياد، سلط نظراته على "وعد" و"زين" فقط، تكاد "وعد" تجزم بأن ما تراه بعينيه هو عشق خالص وقلق مضطرب وإهتمامًا بها دون غيرها، إلتزمت "وعد" الصمت حتى دلف وكيل النيابة لبدء التحقيق معهم ...

بعد مرور بعض الوقت وتناوب دخول بعضهم وخروجهم طلب وكيل النيابة من الجميع الوقوف أمامه بمواجهة بعضهم البعض ...

مع بداية التحقيقات بدأ وكيل النائب العام بسؤاله لـ"وعد" أولًا عما تعرفه ....
- أنا دخلت البيت ده زوجة لـ "عاطف"، قبل ما يموت حصلت بينا مشاكل كتير أوي، لحد ما في يوم "عاطف" وقع من على السلم، بس هو وقع لوحده، أنا ما قصدتش أموته، هو مات لوحده، أه إحنا إتخانقنا، بس أنا ما زقتهوش هو إللي وقع لوحده من بعدها "عتاب" قالتلي لو ما إتجوزتش "محب" حياخدوا مني "زين"، ويبلغوا عني إن أنا إللي قتلت "عاطف"،( تطلعت نحو "محب" المنصت بإهتمام شديد ثم أكملت )، من بعد جوازي بـ"محب" بدأت تحصل حاجات غريبة في البيت، حاجات خلتني أحس إن "عاطف" لسه مماتش، عملت نفسي مش بسمعهم ومش بشوفهم عشان أتأكد من نواياهم ليا، سمعت "عتاب" وهي بتتفق مع "محب" إنهم يمضوني على تنازل عن الفلوس إللي كتبها عمي "محفوظ" لـ"زين"

سألها وكيل النائب العام برسمية لإستكمال التحقيقات ...
- هل "محب" كان متواطئ مع أخته في موضوع التمثيل عليكِ وخداعك، وهل وقعتي فعلًا ورق التنازل ؟؟؟

وجودها بقسم الشرطة هو إنتصار لنفسها الضعيفة أولًا، فيكفيها مدى القوة التي أصبحت تتحلى بها للمواجهة، لكن رغم ذلك كان هناك إحساس يعتريها بالتوتر والخوف، نظرت "وعد" بإتجاه "محب" أولًا قبل أن تجيب الضابط ...
- لأ، أنا موقعتش على حاجة، ولا شربت السم إللي "عتاب" إديتهوله عشان يحطهولي في العصير ...

إعترافها بأنها لم توقع بنفسها ولم تشرب السُم جعل "عتاب" ترمق "محب" بغيظ وسخط، فكيف يخالف أمر طلبته منه، فلولا ذلك ما كانت وقفت اليوم متهمة أمام تلك الوضيعة، باشر الضابط أسئلته لـ"محب" ...
- وإنت يا "محب"، إيه أقوالك في إللي قالته زوجتك ؟؟؟

رغم هدوئه المعروف إلا أن هناك نظرة تربعت فوق مقلتيه، ليست نظرة التخوف ورهبة هذا المكان المحفز للتوتر، بل إحساس بالقلق من أن تكون "وعد" ظنت به السوء، أن تكرهه وتخشى قُربها منه، عاد بنظره تجاه الضابط يجيبه بإسهاب شديد ...
- أنا عرفت نية "عتاب" من الأول، كنت خايف على "وعد" منها، إضطريت أجاريها علشان أعرف هي ناوية تعمل لها إيه، وما أسيبهاش تواجه "عتاب" لوحدها، إضطريت أعمل نفسي بساعدها في كل حاجة، عشان أعرف هي حتعمل إيه، وساعتها ألحق أنقذ "وعد" قبل ما تتأثر، لأنها حساسة بزيادة وممكن يجرى لها حاجة ...

تحدث كما لو كان يوضح لها هي ما فعله لأجلها، لم يهتم للضابط والتحقيق، بل كان إهتمامه منصبًا أن يوضح لها ويخبرها بكل ما حدث وقد فعله لأجلها ...
- يعني لما كانت "عتاب" بتطلع تعمل حاجة في الشقه تخلي "وعد" تشك إن "عاطف" لسه عايش، أرجع بسرعة من المعرض علشان ألحقها قبل ما يجرى لها حاجة،(نظر نحو "وعد" بأعين محبة نادمة تصرخ عشقًا لم تنطق به شفتيه)، أنا مش وحش، أنا ما كنتش عايزها تتأذى من "عتاب"، لأن الشر إتملك منها، ومبقتش شايفة غير الفلوس ...

إعتراف جعل "وعد" تنتبه لما يقوله، تذكرت أن بعد كل موقف بالفعل كانت تجد "محب" أمامها، يبسط لها الأمور، كما لو ان هذا أمر عادي، يساعدها حتى لا تنفعل بصورة تؤذيها وتحطم ثبات أعصابها، زاغت عينيها بتخبط، هل بالفعل كان يساعدها من البداية ؟ هل تواجد بحياتها لأجل حمايتها فقط كما يقول ؟؟ هل ظنت به ما ليس به ؟!!!!

دائرة من الأسئلة تحتاج لتوضيح ومواجهة، وها هو جاء دور المتلونة "عتاب"، والتي بدورها حان سؤالها أمام الجميع ...
- إيه رأيك في إتهامهم ليكِ بإنك هددتي "وعد" إنها لازم تتجوز "محب"، وإنك كنت عايزة تجننيها وتمضيها على تنازل أملاك إبنها ليكِ ؟!!

فرصة ينتظرها كل كاذب، وهي القسم كذبًا لتراوغ هاربة من إتهام ملفق، فلا دليل على أقاويلهم، رفعت أنفها بشموخ دون أن تبالي، ثم أردفت نافية حديثهم بالكامل ...
- محصلش يا حضرة الظابط، الكلام ده كله من دماغهم، مفيش دليل واحد على كل إللي بيقولوه ده، هم من كيدهم مني بيتبلوا عليا، أنا معملتش حاجة لحد، أنا إنسانة مسالمة وعايشة في حالي، ماليش دعوة بحد، بربي بناتي وبس ...

إنتهت من نبرة الدفاع وكسب تعاطف الضابط إلي الإستكانة والإشفاق ...
- هم إللي عايزين يظلموني ويبعدوني عن سِكتهم، مش عارفه ليه، هم إللي طمعانين في البيت وفي أملاكنا، أنا معملتش لحد حاجة ده ظلم هم كدابين ...
رشا روميه قوت القلوب
صمت الضابط لبرهة متطلعًا بتفحص تجاه "عتاب"، ثم تحول بإتجاه "قسمت" التي كانت تقف بصحة كما لو كانت لا تعاني من أي تعب أو مرض، وجه لها سؤاله بهدوء ...
- وإنتِ يا ست "قسمت"، إيه أقوالك في إللي سمعتيه ؟!!

عادت "قسمت" لتلك السيدة القوية شامخة الكلمة، تلك التي إهتزت من داخلها لموت زوجها، ولحقها إبنها الأكبر العزيز على قلبها "عاطف"، رغم قوتها إلا أن الدموع تجمعت في محجريها قبل أن تبدأ بإظهار الحقيقة كاملة ....
- أيوه يا حضرة الظابط، أنا جاية أتكلم وأقول إللي لساني إتربط بيه وما كنتش عارفة أتكلم وأقوله، موت جوزي "محفوظ" كان صعب عليا أوي، وفي يوم إتفاجئنا كلنا بصوت حد بيقع على السلم، وسمعنا صوت "وعد" بتنادي على "عاطف"، خرجت بسرعة أطمن على إبني، لكن ..

لم تستطع "قسمت" السيطرة على شهقاتها وبكائها لفقدان لولدها بتلك الصورة، لتستكمل بتأثر بالغ ...
- لكن إللي عيني شافته ما قدرتش أستحمله، مش بس إني أشوف إبني واقع قدامي بيموت، لأ ، ده أنا شوفت بنتي هي إللي بتخنقه بإيديها، بتكمل عليه، بدل ما تاخد بإيده وتنادي الإسعاف، تقوم هي إللي تخلص عليه بإيديها، ما قدرتش أستحمل، وقعت من طولي وبقيت لا قادرة أتحرك، ولا قادرة أتكلم، بعد كام يوم لما قدرت أتكلم وقلت لـ"محب" على إللي حصل، مبقتش عارفة أتصرف، خصوصًا لما قالي على الإتفاق إللي إتفقت عليه "عتاب" معاه علشان يرجعوا الفلوس إللي كتبها أبوهم بإسم "زين"، بقينا مش عارفين نثبت إزاي إن هي إللي قتلت "عاطف" ...

أشارت "قسمت" تجاه"محب" موضحة مخططهم للإيقاع بـ"عتاب" لإثبات ما فعلته بولدها ...
- "محب" إتفق معايا إنه حيجيب لي دكاتره في البيت، ولازم أعمل نفسي لا بتكلم ولا بسمع ولا بتحرك، عشان هي تصدق وتتصرف على حريتها لحد ما تغلط، بس في نفس الوقت لازم نحمي "وعد" منها عشان ما تأذيهاش وإنه فعلًا لازم يتجوزها زي ما "عتاب" قالت ...

أمواج من الحقائق المفزعة تتوالى بشكل لا يصدق، تشتتت أعين "وعد" فتحملها لكل ما تراه من غلظة القلب لا يمكنها تقبله بالمرة، كم أن "عتاب" ظهرت بوضوح ليست قاسية القلب بل معدومة الإحساس، تدعي الإنسانية وهي بعيدة عن ذلك بُعد السماء عن الأرض، تسببت بقتل "عاطف" وتهددها بأن تبلغ عنها الشرطة !!!! تتهمها بقتلِها إياه لتجبرها على الزواج من "محب" ..

انها ليست قساوة، إنه تبجح لقلب موازين الحق، لكن يأتي يومًا يخرج الضوء ليشع بنوره مظهرًا الحقوق ويحل موعد القصاص ...

لم تنتهي التحقيقات بعد فما زال هناك شخص آخر غريب عنهم، يتواجد بينهم لم يُستمع لأقواله، هنا طلب وكيل النائب العام من "باسم" توضيح سبب وجوده ببيت الأسمر وعلاقته بهذه العائلة ...
- وحضرتك يا أستاذ "باسم"، إيه أقوالك، وإيه سبب تواجدك في البيت ؟!!

جفل "باسم" بنظراته التي خصها نحو "عتاب"، نظرات ساخرة مشمئزة، تقدم نحو وكيل النيابة ليخرج محفظته يسحب منها هويته الشخصية ثم تقدم بها تجاهه قائلا بصوت جهوري واضح ...
- أنا إسمي مش "باسم المحمدي"، أنا "هشام أبو الفتوح"، وأنا مش محامي أنا صاحب توريدات ديزل زي ما مكتوب عند حضرتك في البطاقة ...

إتسعت عينا "عتاب" بصدمة، حتى أن جفنيها كادا يؤلمانها من شدة إتساعهما، حدقت به بقوة لبعض الوقت، ثم نظرت تجاه "محب" متذكرة اسم "هشام أبو الفتوح"، هذا الإسم الذي تردد كثيرًا ببيتهم بأنه صديق "محب" المُقرب الذي لم تراه يومًا، فغرت فاها بذهول فقد وقعت بمكيدة بالتأكيد دبرها "محب" ...

أكمل "هشام" -باسم- قائلًا ...
- أنا إضطريت أعمل كدة بالإتفاق مع "محب" ووالدته علشان نثبت جرايم "عتاب"، (ثم أخرج هاتفه المسجل عليه كل إعترافاتها وتفاخرها بما إقترفته ومعه الأوراق التي وقعت عليها "عتاب" كاملة)، ده تليفون متسجل عليه كل حاجة بصوتها، وده ورق هي مضت عليه وفيه الإعتراف بكل جرايمها وإنها هي إللي قتلت "عاطف"، وحاولت تسمم "وعد" وتجننها عشان توصل للميراث، وده الورق إللي المفروض إنها مضت عليه "وعد" عشان تتنازل عن ميراث إبنها لـ"عتاب" ...

تشتت نظرات "عتاب" بذهول فقط أُثبتت كل التهم عليها، سيكون ذلك إقرار بأنها قاتلة أخيها وحاولت عمدًا قتل زوجته، وإفتعال مواقف للضغط النفسي عليها، كما أن كل الإعترافات بصوتها والتي كانت تتفاخر بها من قبل أصبحت الان دليل إتهام واضح على جرائمها ...

بقلم رشا روميه قوت القلوب
هتفت "عتاب" بنبرة مهتزة تنفي الأمر عن نفسها ...
- لأ لأ، كذب، وبعدين مفيش أمر نيابة عشان تسجل لي، إنت كذاب ...

بإبتسامة ماكرة أجابها "هشام" -باسم- ...
- ولا تزعلي نفسك ...

ثم أخرج تصريح مطوي بجيب سترته ليشير به تجاه وكيل النيابة ...
- ده تصريح كنت أخدته من الضابط "سعيد محمود"، لأني قدمت بلاغ بكدة يا فندم ...

قبل وكيل النائب العام تلك الأدلة بالمحضر وتم تسجيلها وثبوت إقتراف "عتاب" لتلك الجرائم ...

هوت "عتاب" بصدمة أرضًا، فلم تحتملها قدميها لتجلس جاثية فوق ركبتيها أمام مكتب وكيل النائب العام، تقطعت أنفاسها بقوة، فبتلك الأدلة التي ظهرت ستتهم بالقتل العمد ...

بلحظة ظهور الحقيقة تلاشت كل أحلامها الكاذبة بالحصول على المال، فكم ظنت أنها ستعلو شأنًا وتحصل على كل ما تريد، لكن الله له تدبير آخر يناسب نواياها، فكل عقاب بقدر الخطيئة وهي تمادت وغفلت بأن الله لم يكن غافلًا عما تعمل، ان الله عادل سيأتي كل ذي حق حقه ولو بعد حين ...

أمر وكيل النائب العام بالتحفظ على"عتاب" وحبسها إحتياطيًا على ذمة التحقيق، كما تم الإفراج عن بقية العائلة لعدم الثبوت أي التهم ضدهم ...
جزء منا رغمًا عنا سيء، فلا داعي لإدعاء الفضيلة، أو التشمت بنواقص الآخرين، لا تفقد أحد قبل أن تقاتل للبقاء، تجنب منه السيء وتظاهر بأنه مكتمل، فلا أحد بلا عيوب، لكن من المحبة التغاضي عنها والتظاهر بأنه كاملًا، تداوى بالتغافل فالأذى يأتي من عِلة الظن، إترك لله الخفايا ولنا حسن الظنون ...

بقلم رشا روميه قوت القلوب

❈-❈-❈ــ

نيرة إستور لمستحضرات التجميل ...
مرافقة المنافقين جريمة في حق نفسك، فهو يأكل مع الذئب و يبكي مع الراعي، حتى العتاب لا يستحقونه، فعليك إصلاح الميزان ولا تعطي أحد أكثر من قَدره ...
بقلم رشا روميه قوت القلوب

جلست "نيره" بعد انتهاء مكالماتها لـ"رؤوف" مهمومة صامتة مما أثار فضول "إسراء" التي دنت منها تسألها، وربما تستخلص منها بعض المعلومات الجديدة ...
- مالك يا "نيرو" قاعدة كدة ليه ..؟!!

تخوفت "نيره" من أن تخبرها بمكالمتها مع "رؤوف"، فقد نهرتها من قبل عن عودتها له، إبتسمت مجاملة حتى لا توبخها على مكالمتها له ...
- لا، ولا حاجة مصدعة بس شوية ..

سحبت "إسراء" مقعدها، لكن قبل أن تجلس عليه كانت قوات الشرطة تقتحم المتجر ليلتفوا حولهما حين هتف بهم الضابط ...
- مين فيكم "إسراء جابر" ؟!!!

أشارت "نيره" بتخوف تجاه "اسراء" لتُبعد نفسها عن رجال الشرطة، تخوفًا من إقتحامهم للمكان، ورهبة لوجودهم الذي يوتر الأعصاب ...
- دي "إسراء" أنا "نيره" ...

على الفور طلب ضابط الشرطة من أحد الشرطيين المصاحبين له ...
- أقبض عليها بسرعة، إتفضلي معانا يا "إسراء" ..

توسعت عينا "نيره" بفزع من قبضهم على صديقتها بتلك الصورة وبدون توضيح، حاولت الدفاع عن "إسراء" بتخوف ونفس مهتزة ...
- عاوزينها ليه هي ما عملتش حاجة !!!

ذمت "إسراء" فمها بإمتعاض فهي لا تعلم لم تكن القبض عليها، لكنها تتوقع أسباب ذلك بالتأكيد، ورغم ذلك قاومت بإستنكار ...
- ممكن أفهم حضرتك بتقبض عليا ليه، تهمتي إيه يعني ؟!! مينفعش كدة أنا ليا حقوقي ...

أخرج الضابط أمر القبض عليها وهو يطالب الشرطي بالتحرك تجاه سيارة الشرطة ...
- ده أمر من النيابة بالقبض عليكِ، واتفضلي قدامي وإنتِ حتعرفي كل حاجة في القسم ...

إضطرت "إسراء" بالإنصياع لهم، بينما أسرعت "نيره" تلحق بهم تحاول مساعده صديقتها فلن تتركها بأزمتها بمفردها ...
- إستنى بس بالله عليك حد يفهمني هي عملت إيه، يا "إسراء" إيه إللي حصل عشان يقبضوا عليكِ ؟!!!!!

نظرت "إسراء" نحو "نيره" لوهلة بنظرات جامدة لم تستطع "نيره" فهمها، ظنت أنها مستاءة من قبض الشرطة عليها، لكنها لم تعلم أن بداخل "إسراء" حقد و كراهية للجميع بمن فيهم هي، رغم ذلك رفعت "إسراء" كتفيها وأهدلتهما قائله مدعية قلة الحيلة ..
- مش عارفة يا "نيرو"، مش عارفة ليه كدة ..؟!!

أسرعت "نيره" تلحق بسيارات الشرطة بسيارتها الصغيرة، فقط لتبقى مساندة لصديقتها "إسراء"، التي إختفت عن نظرها فور أن دلفت لداخل قسم الشرطه، على الفور إتصلت "نيره" بأحد المحامين لمساعدة "إسراء" ...

حضر المحامي الذي أرسلت "نيره" بطلبه ليحضر التحقيقات مع "إسراء"، تعجبك بالطبع ألوان جلود الأفعي ونعومة ملمسها، لكن حين تدرك لدغاتها تشعر بمدى غبائك في الوثوق بها ...

بعد مرور بعض الوقت وخروج المحامي من غرفة التحقيقات، أوضح لها سبب القبض على من أحضرته للدفاع عنها ومساندتها، فاهت "نيره" بصدمة لم تكن في حسبانها فلم تشكك يومًا بنوايا "إسراء" مدعية المحبة والصداقة...

علمت بما قامت به إنتقامًا لوالدها من عائله دويدار بأكملها، علمت كيف دبت الشك بقلبها تجاه "رؤوف" وأفعاله، لأكثر من مرة حاولت إبعادهم عن بعضهم البعض بشتى الطرق، أقنعتها بأن تتخلى عنه بمحنته، وأن هذا هو الأفضل لها، لقد كانت تتعمد تتلون لتخدعها حتى تفرق بين قلبيهما، أدركت أخيرًا أنها ما كانت سوى مغفلة منساقة خلف تلك الفتاة دون أدنى تفكير منها، لقد تركت عقلها لصديقتها ظنًا منها أنها تريد مصلحتها، لكنها لم تعلم أن بعض الظن إثم ...
بقلم رشا روميه قوت القلوب

ساذجة سطحية التفكير، تم خداعها بكل سهولة، لم تصدق ما أخبرها به المحامي، فعقلها لم يستوعب مكرها وخبثها لشهور طويلة إدعت لهم صداقتها، جلست بتشتت تناظر وجوه الناس من حولها، إنها مغفلة بالفعل لتصديقها بتلك الصورة ..

أثناء تواجد "نيره" بقسم الشرطة، وجدت السيدة "أم مجدي" التي تعمل لدى عائلة دويدار كمساعدة لهم، وقد تم القبض عليها، تيقنت بأن الأمر كان أكبر من خدعة إنطالت عليها فقط، بل خدعة كبرى وقعوا بها جميعًا ...

هوت "نيره" فوق أحد المقاعد بصدمة دون تصديق قائله لنفسها ...
- معقول إنتِ يا "إسراء" سبب كل ده، معقول إنتِ إللي فرقتي بيني وبين "رؤوف"، "رؤوف" حبيبي إللي كان بيحبني، وكان باقي شهور على جوازنا، يا ترى يا "رؤوف" حتسامحني وتعرف إن كل إللي حصل ده مكانش ذنبي، وإن هي إللي كانت بتفرق ما بيننا، يا ترى ممكن تديني فرصة تانية نرجع زي ما كنا، أنا مش لازم أفوت فرصتي، أنا لازم أروح له و أعتذر له، لازم أفهمه كل حاجة، أكيد "رؤوف" حيفهم ويقدر موقفي وإني اتخدعت فيها ....

همت "نيره" بالإسراع لتلك الزيارة الهامة لـ"رؤوف" بالبيت لتخبره بتفاصيل ما حدث لعله يسامحها ويعود كل شيء كما كان ...
بقلم رشا روميه قوت القلوب

❈-❈-❈ــ

تلك لحظات من الحقيقه التي تجلت بوضوح، كما لو أن الشمس سطعت ببريقها لتذيب ثلوج الباطل، وتظهر الحق الذي كاد أن يختفي تمامًا عن الأعين ...

لا توجد أشخاص عبثية في الحياة، بل لكل شخص درس وحكمة، حتى وإن كان درسًا قاسيًا، لكنه يضعنا بطريق الصواب ...
بقلم رشا روميه قوت القلوب

وصلت "منار" لقسم الشرطة بعد أن طلبها الضابط للتحقيق معها، تخبط بأفكارها عن سبب هذا الإستدعاء العاجل، وإزداد إضطرابها وجود الدكتور "أمين" بنفس الوقت ...

لولا إعتراف "إسراء" و "أمين" و "أم مجدي" لكان موقف "منار" لا تحسد عليه، بل جاء لحسن حظها القبض عليهم أولًا بمصلحتها فهي تعتمد الآن شاهدة لا متهمة ...

وقفت "منار" ببعض الإرتباك رغم ثباتها، فما علمته من تورط "أمين" بعمليات مشبوهة داخل عيادتها و إحاكة المكيدة بمكره لتوريطها بها، إلا أن الظابط تفهم الأمر وأن ليس لها أي دخل مطلقًا بذلك، فما كان من "أمين" إلا بإستغلال إسم "منار" للإنتقام من "خالد" بعد أن زج بوالد "إسراء" بالسجن ....

سألها الضابط بحِلم وتروي ....
- حضرِتِك كان عندك فكرة بالتجاوزات إللي قام بيها دكتور "أمين" ...؟!!

نظرت "منار" بإندهاش تجاه "أمين" الذي نكس رأسه بخزي من أعماله التي توارى بها خلف إسم "منار" الرنان، بغرض التربح بالتأكيد وأيضًا تلويث سمعتها لمساعدة "إسراء" في الإنتقام من "خالد" وأسرته، أجابت "منار" بالنفي القاطع ...
- لأ طبعًا أنا عمري ما أعمل كده، ولا أعرف إنه بيعمل عمليات مشبوهة زي دي، أنا دكتورة ليا إسمي وسمعتي، أنا عرضتها للإيجار على النت، وهو تواصل معانا، وللأسف ظنينا إنه دكتور محترم له سمعة محترمة ...

بعد التحقق من كل إعترافات "أمين"، وإقراره بأن لا دخل لـ"منار" بتلك العمليات، تم إخلاء سبيل "منار"، وإحالة "أمين" إلى الحبس الإحتياطي لحين إستكمال التحقيقات معه ....
بقلم رشا روميه قوت القلوب

❈-❈-❈ــ

عطاره النجار
في قوانين العلاقات يشردُ الطير لعدم إحساسه بالأمان، يخافوا من الغدر وتقلب الرأي، في حين عندما يشعر بالأمان يعود لعُشهم مرة أخرى، فكم من طائر شريد يبحث عن الأمان والإحتواء ..
بقلم رشا روميه قوت القلوب

كاد قلب "زكيه" يتراقص فرحًا حين رأت إبنتها "شجن" قد عادت مرة أخرى لأحضانها، أسرعت بخطوات متعجلة تفتح ذراعيها عن آخرهما لتستقبل طائرتها الشريدة بعد أن غابت عنها، قلق وتوجس وخيفة بغيابها لكنها بالتأكيد كانت على حق، فلو كانت تفكر مثلها ما ضاع حقها وما ضاعت "نغم" ...

أسرعت "زكيه" تهتف بإسم إبنتها التي إشتاقت إليها ...
- "شجن"، بنتي حبيبتي، أخيرًا رجعتِ لحضن أمك ...

إرتمت "شجن" بحضن والدتها بإشتياق وتلهف، تستمد إحساس تتوقت له منذ لحظة غيابها الأولى -شعورها بالأمان-، تلك الراحة التي دأبت بقلبها بعد غياب طال لأيام ...
- وحشتيني أوي يا ماما، و"نغم" كمان وحشتني أوي، إيه إللي حصل ؟!! إيه إللي أنا سمعته ده ؟!!!

ضغطت "زكيه" بذراعيها تشتم رائحة إبنتها، تضمها بقوة لداخل أحضانها ...
- طالما رجعتِ يا بنتي، كل شيء حيبقى بخير، بس نلاقي "نغم" ...

تراجعت "شجن" خطوة إلى الوراء، وهي تناظر والدتها بأعين جادة مستفسرة ...
- إيه إللي حصل يا ماما إحكي لي ؟؟؟

- حـ أحكي لك كل حاجة بس نلاقيها، من ساعة ما إتجوزت "مأمون" وإحنا مش عارفين راحت فين ..؟؟!

تحولت "شجن" بنظراتها الحادة ونبرة إتهام تجاه عمها "فخري" وولده لتنهرهم بقوة ...
- وديت أختي فين ..؟؟! إبنك ودى أختي فين يا عمي ..؟؟!

سحبت "زكيه" ذراع "شجن" تهدئ من إنفعالها وتوضح لها الأمر ...
- ولا عمك ولا "فريد" لهم ذنب في حاجة، ده عمك هو إللي واقف جنبي في محنتي إللي فاتت، إحنا مش عارفين "مأمون" عمل كده ليه ..؟!! وإختفوا راحوا فين !!!

شعور ملح بالذنب لتركهم بمفردهم، تخبط عجيب وعدم فهم لما حدث فيبدو أن بتلك الأيام الكثير من الأحداث لم تكن "شجن" حاضرة بها مازالت لا تعرف عنها شيئًا، إضطرت لإبتلاع كلماتها وإلتزام الصمت دون إنفعال لكن عليها إيجاد "نغم" بأي صورة ...

بقلم رشا روميه قوت القلوب
إنتظرت "راويه" هدوء الجميع لتندفع موضحة ...
- أنا عرفت إن نية "مأمون" مش تمام، وإنه أكيد بيدبر حاجة لـ"نغم"، عشان كدة وأنا جايه هنا روحت لـ"بحر" المكتبة، وقلت له يروح يلحق "نغم" ...

تفاجئهم مرة بعد مرة بما فعلته "راويه" لأجلهم، فكم كانوا يظنون بها السوء، لكن تسقط ظنونهم ببئر حُسن نفسها النقية، فرغم ما ظنوه بها إلا أنها الوحيدة التي تنقذهم من كل عقباتهم التي تعثروا بها ...

إستدارت "شجن" بإتجاه "راويه" مستفهمة منها عن الأمر ...
- وهو "بحر" عارف مكانها ؟!!

قلبت "راويه" شفتيها بمعنى لا أدري، ثم أجابتها..
- مش عارفة، أنا لما قلت له، قال لي أنا حتصرف ...

لم تنتظر "شجن" لأكثر من ذلك، أسرعت بإخراج هاتفها لتبحث عن رقم "بحر" الذي كانت قد سجلته من قبل، لتدق به وتطمئن على أختها،
مع أول دقات الهاتف أجابها "بحر" بدون تأخير ...
- السلام عليكم، إزيك يا "شجن" ؟؟

- وعليكم السلام، أستاذ "بحر"، طمني، "نغم" معاك ؟!!!

كانت إجابته بنبرته الهادئة إعلان تام للإطمئنان ...
- ما تقلقوش عليها، هي كويسة جدًا، وحتجي البيت، مسافة الطريق حنكون عندكم في البيت تقلقوش ...

أثنت عليه "شجن" بسكينة ...
- شكرًا يا أستاذ "بحر"، إحنا حنكون في إنتظاركم في البيت ...

أنهت مكالمتها لتحث والدتها على العودة لبيت النجار، لمقابلة "نغم" هناك ...
- هي كويسه خالص يا ماما، ما تقلقيش عليها، يلا بينا نروح البيت عشان هم جايين على هناك، وهناك حنفهم كل حاجة ...

تحرك الجميع نحو بيت النجار القريب لإستقبال عودة "نغم"، وفهم ما حدث من "مأمون" وسبب إبعاده لها عنهم بهذا الشكل ...
بقلم رشا روميه قوت القلوب

❈-❈-❈ــ

قد يحقق هذا اليوم أكثر الأيام قساوة على الجميع، فحتى من كان يعلم ما هو مُقدم عليه ويستعد لذلك، إلا أن تحقيق الأمر بذاته لأمر مُنهك للغاية، وقف "خالد" أمام بيته يزفر بقوة لإنتهاء هذا اليوم أخيرًا أو كما يظن ذلك، شعر بأن اليوم كان عصيبًا ثقيل الهم فقد أنهى للتو تحقيق النيابة معهم وما "فوزي"، بعد أن خدعا "أحمد علام" بتلك المكالمة الهاتفية بالإتفاق مع ضابط الشرطة وإظهار بأن "معتصم" قد فصل إنقاذ والده وتسليم الفلاشة ليطمئن بأن مخططه يسير وفقًا لما حدد، سهل ذلك بالفعل القبض على رجال "أحمد علام" الذين كانوا يحاوطون شركة عسرانكو لمنع "خالد" من التحرك ...
بقلم رشا روميه قوت القلوب

صعد نحو شقته بهدوء يتمنى لحظة راحة بداخل بيته، فهو بحاجة ماسة لها بعد هذا اليوم الشاق، فوجئ بـ"منار" تقابله قرابة باب الشقة عائدة من الخارج ليناظرها "خالد" بإندهاش فهي لم تخبره بخروجها اليوم وبهذا الوقت المتأخر ...

لم يحركه تسلط او غيرة وشك بل توجس بقلق ..
- "منار" !!!! كنتِ فين لحد دلوقتِ، ومقولتيليش ليه ؟!!

تنهدت "منار" بملامح متجهمة وضيق شديد ...
- رنيت عليك كتير أوي يا "خالد" تليفونك كان مقفول، وكان فيه مصيبة نزلت لها ...

إتسعت عيناه بتخوف فيكفيهم ما حدث حتى الآن ...
- أعوذ بالله، مصيبة إيه تاني ..؟!!

حركت "منال" رأسها يمينًا ويسارًا مردفه بضيق ...
- موضوع كان كبير أوي يا "خالد"، تصدق إن دكتور "أمين" طلع مش أمين خالص، "أمين" كان بيعمل عمليات مشبوهة في العيادة بإسمي، وكمان "أم مجدي" إتقبض عليها عشان كانت هي بتنقل أخبارنا لبنت واحد إسمه "جابر السويسي" ..

زم "خالد" شفتيه بضيق في قد تعامل هو وعائلته بمنتهى التلقائية مع تلك السيدة، فقد كانوا يشعرون أنها مصدر ثقة وليست خائنة واشية ..
- صحيح، مش كل الناس معدنها أصيل، تعالي عشان أحكي لك إللي حصل، وإنتِ كمان تحكي لي إيه إللي حصل، ونرجع زي زمان ما فيش حد يخبي عن حد حاجة تاني ...

دلف كلاهما لداخل الشقه ليقص لبعضهما البعض عما حدث بالأيام الماضية، والتي إضطر بها "خالد" إخفاء أمر الرشوة عنها، بينما أخبرته بما حدث مع "أم مجدي" و"أمين" بالقسم والقبض عليهم والتحقيق معهم لتسأله "منار" بفضول ...
- أمال إنت جبت فلوس خطوبة "رؤوف" منين ..؟!!

أجابها هذا الرجل النزيه الذي يُعد قامة بالنزاهة والشرف ...
- حكون جبتهم منين يعني يا "منار"، كان عندنا حتة أرض في البلد فاكراها، طلبت من ولاد عمي يبقوا علشان يبيعوها عشان جواز "رؤوف"، وبعتوا لي العربون بتاعها ...

عقبت "منار" بثقة تامة في زوجها ...
- أنا واثقة طبعًا من غير ما أفكر، أنا بس بسألك عشان أعرف، لكن من غير حتى ما تقول لي، أنا متأكدة إن إنت عُمرك ما تعمل الغلط، إحنا كمان ربينا ولادنا على كدة يا "خالد"، عمر ولادنا ما يعملوا الغلط أبدًا ...

إن الكرامة والعزة وراثة، كما الشجاعة طبع، والأصل غلاب، فنحن ننشئ بقيمنا وأفكارنا أبناؤنا ليكونوا صورة طبق الأصل من أخلاقنا وعزتنا ...
بقلم رشا روميه قوت القلوب

❈-❈-❈ــ

موقع نفايات السيارات ...
لم أحدق بك عمدًا، فكل ما بك تعمد إغوائي، لقد منحتني الضوء بحلكة أيامي، رغمًا عني فقد سكنت روحي، وسكنت أنا قلبك، لقد رفضت كل شيء بشدة وكنت أنت قبولي الوحيد ...
بقلم رشا روميه قوت القلوب

مجرد إختيار "معتصم" لها، شعرت بأنها إنسانة مختلفة، تبدلت تمامًا فقد أتى بما لم يستطع أحد الإتيان به، لقد إمتلك قلبها وعقلها، أمانها وإطمئنانها، لقد أصبح صورة أصيله لكل شيء لم تراه بسواه، كان له الحق بأن يكون الوحيد الذي يجلس متربعًا على عرش قلبها ...

رغم إنهاكها وتعبها الشديد إلا أنها حين رأته تناست كل شيء، فهو ليس إنسان عادي لتكون مشاعرها عادية، إنه أسطورة، لو كان كل ثنائي يربط بينهما رباط عشق من المحبة، فهي بالتأكيد مشاعرها مختلفة القوة، فجفاء مشاعرها لسنوات عجاف أثرى في داخلها طوفان من العشق والمحبة ستمنحه له، فليس له قرين أو منازع أو شريك، لا يوجد إلا "معتصم دويدار" واحد فقط ...

بقلم رشا روميه قوت القلوب

جلسا لبعض الوقت الوقت فوق كومة من التراب تلتقط به "عهد" أنفاسها بعد صراع يوم طويل، تورمات مختلفة إحتلت وجهها لتخفي نعومته التي إعتاد عليها، لكنه رغم ذلك كان يراها أجمل من بالكون ...

نظر "معتصم" تجاه وجهها المنتفخ يشعر بألمها رغم أنه ليس مصاب مثلها ليردف بتأثر ...
- عاملة إيه دلوقتِ، الألم شديد ؟؟!

لم تكترث "عهد" بتلك الآلام، فيكفيها وجوده، ويكفيها إدراكها المتأخر لمشاعرها بعد طول فترة التخبط الماضية ...
- لا مش تعبانة، أنا لحد دلوقتِ مش مصدقة إنك موجود هنا، أنا حاسة إن في اكيد حاجة غلط ...

غريبة هي عن شعور الأمان الجديد عليها، المساندة التي يحققها لها "معتصم" كان دربًا من الخيال بالنسبة لها، دفع "معتصم" بزفير قوي دفعة واحدة، ثم طالعها بوله عاشق متناسيًا كونه ضابط جسور عليه التحكم بقوته ومشاعره ...
- تعبتيني أوي يا "عهد"، إنتِ عارفة، أنا كنت متخيل إني مشدود ليكِ، طبعك مختلف، ملامحك مختلفة، قوية، لكن لما قربت لك حبيتك، غيرتي فكرتي عن نفسي، حسيت إني فعلًا أقدر أحب زي ناس كتير ما بتحب، فجأة حسيت بحد تاني، وأنا طول الوقت محستش غير بنفسي وشغلي وبس، مش عايز غيرك حواليا، مش عايز غيرك في حياتي ...

تحولت بتلك اللحظة من الشرسة القوية، ذات التعامل الخشن، الغاضبة التي لا يسيطر عليها أحد، لأنثى ناعمة طالما تمنت أن تُخرج تلك المشاعر والأحاسيس، أن تخرج ضعفها وأنوثتها و رقتها أيضًا لمن يستحق، ولن تجد سوى هذا القوي الذي إمتلك كل مشاعرها وقلبها، الذي أثبت بجدارة أنه يحارب الدنيا كلها لأجلها فقط ...

نعم كانت بحاجة للشعور بالطمأنينة والسند والأمان، لكن يبدو أن "معتصم" سيمنحها ما لا قد تتخيل يومًا، سيمحنها معاني أخرى لم تدركها سوى اليوم ...

وجدت نفسها تخرج كلماتها بتلقائية دون حساب ودون تفكير ...
- أنا كمان مش مصدقة إني قاعده معاك، إنت غير أي حد يا "معتصم"، روحي حبتك يا "معتصم"، دون عن كل الناس أنا حبيتك وده إللي مخوفني، عشان كده أنا بطلبها منك دلوقتِ، متكسرنيش يا "معتصم"، متكسرش قلبي ...

قبض كفيها بين راحتيه متمسكًا بها بقوة ولين، مزيج غريب إخترق كيانها بصدق شعوره، حين تحدث بجدية ممزوجة بالعشق ...
- عهد عليا يا "عهد" قلبي، إني عمري ما أتخلى عن قلبك، ولا أكون في يوم سبب إني أكسره أو أخذلك في يوم من الأيام، أو إني ما أكونش السند ليكِ، مهما حصل إنت في عيني وجوه قلبي، ولا يمكن أي حاجة في الدنيا تخرجك من جوايا، أنا محبتكيش مرة واحدة، ولا إتنين، أنا بحبك ثلاث مرات ...

نظرت له "عهد" بتعجب متسائلة بدون فهم ..
- تلات مرات !!! ليه تلات مرات ؟!! ليه مش بتحبني مرة واحدة وكفاية ؟!!!!!!

رفع سوداتيه يذوب عشقًا بسارقة قلبه ...
- مرة حبيتك فيها، المرة التانية حبيت نفسي فيها، وتالت مرة حبيت الحياة إللي حتجمعنا سوا، قولي لي بقى، لما أحبك مرة وإتنين وتلاته حقدر أبعد عنك أو أكسر قلبك إزاي ؟!!

نكست رأسها بخجل لتتحلى شفتيها الرقيقتين ببسمة خجلة، لتتعالى دقات قلبها بقوة تعلنها دون خجل من نفسها، لقد سقطت ببحور العشق، ظنت قلبها لن يدق مطلقًا، لكنه الآن سيحطم ضلوعها من شدة خفقانه يصرخ بإسم واحد فقط - "معتصم" - ..
بقلم رشا روميه قوت القلوب

مازال القلق يتمكن من هذا العاشق لينظر تجاه حبيبته التي كادت عينيها أن تغلق من شدة تورمهما ...
- مش يلا بينا بقى نروح المستشفى عشان أطمن عليكِ ..

أفاقت من غيبوبة حبها وعشقها الذي حلق بها فوق السماء لتسقط بأرض الواقع متسائله بعمليه لتعود للشخصيتها القيادية ...
- إحنا إزاي نسينا "أحمد علام" ؟!!!

إبتسم "معتصم" بخيلاء قائلا ...
- نسيتي إني القائد ولا إيه ؟؟!!!! "أحمد علام" إتقبض عليه أول ما خرج من هنا، لما خيرني بينك وبين والدي، وأنا عرفت طريقي إللي أنا المفروض أمشي فيه، إتفقت مع "نظمي" بيه إزاي نقبض على "علام"، ورتبت كل خطوة طبعًا، و أول ما وصلت هنا، كانت القوات محاصرة الموقع من بره، لكن أنا قصدت إني أدخل لك لوحدي جوه، ما كنتش عايز غيري يقدر يوصل لك، ما كنتش حقدر أرتاح إلا لما تبقي بين إيديا، وطبعًا سلمت الفلاشة إللي عليها التسجيلات الصوتية للجهاز ودي كانت أهم خطوة للقبض على "علام" ...

ثم طالعها برجاء يشبه الأمر متحليًا بقلق على حالها ...
- المهم دلوقتِ نرجع نطمن على صحتك الأول وأول ما تقومي بالسلامة لازم نتجوز فورًا ...

دفعته "عهد" بخشونة ممازحة ...
- ما قلنا موافقة، شكلها عجبتك كل شوية ...

صفق "معتصم" بكفيه بقوة ليجاريها بمزاحها ...
- حمد الله على السلامة يا "عم فتحي"، أيوه كده أنا بقول برضه الرومانسية دي جاية منين ...

ضحكت بقوة مما زاد من ألم وجهها المتورم ...
- رومانسية إيه وأنا واخدة علقة موت، بقى بذمتك ده شكل واحدة رومانسية، ما تاخدش على كده كتير ...

- حتى لو متكسرة برضه عجباني، تطلعي "فتحي" تطلعي "حنفي"، برضه عجباني . .

رفعت حاجبيها وأهدلتهم بمشاكسة
- إنت إللي قلت، يلا بينا بقى عشان أنا بجد تعبت ...

خرجا من الموقع ليستقلا سيارة "معتصم" متجهين لأقرب مستشفى للإطمئنان على حالة "عهد" لتلقي العلاج اللازم ...
بقلم رشا روميه قوت القلوب

❈-❈-❈ــ

بيت عائلة النجار ....
حين تحاول العبور لشاطئ النهر بسلام، فلا يجب عليك أن تختبر عُمقه بكلا قدميك، فإن كنت واثقًا حق الثقة، يجب عليك أن تتوخى الحذر، أن تحترس من الغريب تارة، ومن القريب ألف، فالطعنة الخفية لا تأتي إلا ممن ظننت أنهم لن يغدروا، فإحذر دون ظن فإن بعض الظن إثم ..
بقلم رشا روميه قوت القلوب

بشقة "زكيه"، تلك الشقة المتهالكة المهمشة التي لم يفكر أحدهم يومًا بطرق بابها لزيارتهم، سنوات طويلة إضطرت هي وبناتها البقاء كالأشباح، لا صوت ولا حياة، لا يمكنهم العيش بحرية أو راحة، ها قد إلتف الجميع يتخذون مقاعدهم بصالة إستقبالهم الرثة، بل يتزاحمون أيضًا لإنتظار عودة "نغم" ...

"فخري" وولده "فريد" ينتظرون بقلق معرفة ما فعله "مأمون" حتى يتم إنقاذ "نغم" بيد هذا الغريب المدعو "بحر"، "راويه" و"عشري" هذا الثنائي الجديد كليًا على تلك المجموعة بموافقة والدها، أمر محير أن من كانوا يظنونها سبب من أسباب ضيق معيشتهم هي سبب تجَمُعهم وإنقاذهم جميعًا الآن، فلله الخفايا ولنا حسن الظنون، وهذا الشاب الوسيم الذي رافق "شجن" بحضورها ولا يعلم أحدهم من هذا الشاب بعد، لكن لهفتهم على إطمئنانهم بـ"نغم" لم يتيح الفرصة لمعرفته بعد، وبالطبع "زكيه" القلقة التي تنتظر حضور إبنتها مع "بحر" وليس "مأمون"، الذي ظنته يومًا سيصبح سندًا وعونًا حاميًا لإبنتها في غيابها ...

ترقب صامت سُمع له خطوات صاعدة فوق درجات السُلم، أسرعت لها "زكيه" بالتلبية لتهرع تجاه باب الشقة تفتحها بقلب مضطرب هشًا للإطمئنان على "نغم" ...

رويتها تصعد تجاهها أراح قلبها المتعب لتهتف بمحبة...
- "نغم"، قلقتيني عليكِ يا بنتي ...

ذراعيها هم الملجأ والعاصم لها من قسوة الدنيا، رؤيتها وهي توسعهم عن آخرهما بإستقبال إبنتها كانا بمثابة بوابة العبور للأمان والطمأنينة، ركضت "نغم" تجاه أمها بقلب مفطور وجسد منتفض لتلقي بنفسها بداخل أحضانها منخرطة ببكاء تحسر على تجربتها المريرة وإختيارها السطحي ...
- ماما، حبيبتي يا ماما، شوفتي إللي حصلي ..؟؟؟!!!!

ملست "زكيه" على شعرها بحنان وهي تتعمق بداخل أحضانها تزيح عن إبنتها حزنها وحسرتها ...
- إيه يا بنتي إللي حصل ؟!!! ربنا ما يوجع قلبك ابدًا يا حبيبة أمك ...

سحبت "نغم" نفسًا عميقًا كما لو كان الهواء قد وصل لرئتيها للتو لتستعيد الحياة، ثم هتفت أثناء بكائها بصوت متهدج متقطع الأنفاس ...
- "مأمون" مكانش بيحبني يا ماما، ده إتجوزني عشان طماع وبس ...

هدأت "زكيه" من روعها بتربيتة خفيفة على ظهرها ...
- إهدي بس وتعالي جوه إحكي لنا كل حاجة ...

تمالكت "نغم" أنفاسها المتهدجة لتنسحب ببطء من بين ذراعيها لتمسح دموعها دالفة نحو الداخل، بينما دعت "زكيه" لـ"بحر" بمشاركتهم ...
- إتفضل يا إبني، متقفش كدة، تعالى جوه ...

أومأ "بحر" بتقبل ليتبع "نغم" التي ولجت للتو ثم لحقتهم "زكيه" قبل أن تغلق الباب ..

تجمع غريب من كل صوب لم تكن لتتخيل أن هؤلاء سيتجمعون يومًا ببيتها، جلست بأحد المقاعد تدور بعينيها بين الجميع بينما أسرعت "نغم" تجاه "شجن" المنتظرة لقائها بنفس حنان أمها السابق ...
- "شجن" !!!!!! أختي حبيبتي، إنتِ جيتي ؟!!! يا ريتني سمعت كلامك، يا ريتني ما إتجوزت "مأمون" ....

بعد أن إستكانت "نغم" بعض الشيء بأحضان أختها، سألتها "شجن" مستفسرة ...
- هي إيه الحكاية ؟!!!! عمل إيه إبن "صباح" ..؟!!!!!

قالتها "شجن" بتهكم فلم تعد تهتم لما يفضل الآخرون سماعه، لأنه بالفعل إبن "صباح" بأفعاله المنحطة، جلست "نغم" إلي جوار أختها بينما تتوق الجميع لمعرفة ما حدث، حتى والده وأخيه الذين التزما الصمت لحين معرفة ماذا إقترف "مأمون" ...

دارت "نغم" بعينيها بين الجميع ترى هذا التجمع المنصت لها، لكن عليها أن تتحلى بالشجاعة لتخبرهم بما حدث ...

سحبت نفسًا عميقًا ثم إستطردت قائله ...
- "مأمون" ما كانش بيحبني، "مأمون" متجوزني علشان يضغط عليا وعلى ماما وعلى "شجن" عشان نمضي تنازل عن بيتنا، وعلشان ندي له عقد البيت، هو بيقول إن فيه مشتري حيشتري البيت بفلوس كثير أوي، بس هو ما صدقنيش لما قلت له إن إحنا مش لاقيين العقد، حبسني هو و"ريهام" لأنهم كانوا متفقين مع بعض ومفهمينا إنهم حيتطلقوا بالكذب عشان يضحكوا علينا، و"ريهام" راحت لماما من شوية علشان يضغطوا عليها و يخلوها تجيب العقد ...

صدمه بهذا الرجل الذي ظُن إنه مثال للرجولة والشهامة، ألم يكن هذا من كان يدافع عنهم أمام جبروت "صباح" !!!! ألم لم يكن هذا من أنقذها حين تطاولت عليهم وخاضت في أعراضهم تلك الليلة !!! لم يتوقعوا أن يكون "مأمون" بهذا القدر من الخبث والمكر، ليخدعهم جميعًا خاصة والده و أخيه، ليوهمهم بأن علاقته بـ"رهام" أصبحت مضطربة، وهم يتفقون سويًا على خداعهم جميعًا ...

ردد "فخري" بذهول ...
- معقول ده "مأمون" يعمل كده ؟!!!!!! بيكذب علينا ويقول إن هو "ريهام" بينهم مشاكل وهم إللي متفقين سوا، معقول "مأمون" يعمل كده في بنت عمه ؟!!!!

بقلم رشا روميه قوت القلوب

قلبت "نغم" شفتيها للأسفل بحزن وتلقائية فهي أبسط من أن تكون معقدة كالجميع، إنها واضحة بسيطة، لم تكن تجربة هينة على قلبها المسكين، تجربة لن تمر مرور الكرام ..

تأثرها بهذا الشكل جعل "بحر" يزداد غيظًا من الذي ندعوه مأمونًا، يود لو أنه لم يتركه من بين يديه، لكان لقنه درسًا لن ينساه بعمره كله، يكفيه تلك النظرة التعيسة التي إستوطنت عيون حبيبته وتلك الدموع التي تهوى بقلبه ألمًا وضيقًا ...

أعقبت "ذكيه" بقلة حيلة ..
- طب ليه، ليه يعمل كدة، والله لو معايا العقد أنا كنت إديتهوله ولا إنه يأذي واحدة فيكم، لكن أنا مش معايا العقد (ثم أكملت بتحسر على عمر مضى وتقبل تلك المذلة لسنوات تذوقوا بها مرار الإنهزام والرضوخ)، وهو إحنا لو معانا العقد كنا قعدنا طول العمر ده مش عارفين نطلع من البيت، لو إحنا معانا عقد كنا مشينا من هنا ولا سمعنا يوم كلمة ولا شوفنا ذل منكم ، لكن حنروح فين ؟!!! نترمي في الشارع !!!!، ( وبعد أن ظهر عدم ملكيتهم للشقة بعقد موثق، رفعت "زكيه" رأسها تتحلى بقوة لم تواجهها لعمر مضى أمام عائلة النجار، فعليها الآن إختيار بناتها ولن تتركهم يواجهن ظلمًا من جديد بسبب خنوعها وإستسلامها)، إعمل إللي تعمله يا حاج "فخري"، إحنا مش معانا عقد، عايز تقعدنا قعدنا مش عايز تمشينا مشينا، لكن عمري ما حقبل تاني حد ييجي على بناتي، دول هم كنزي في الدنيا، هم عندي أغلى من كل حاجة وأغلى من نفسي كمان، لو على قعدتنا هنا، خلاص، بلاها، ولا إنهم يتضروا تاني ....

إندهاش كبير وصدمة أكبر جعلت "فخري" بالبداية يرفض طلب "زكيه" بترك شقتهم ...
- ده بيتكم يا "أم شجن" قبل ما يكون بيتنا، بس ...

عقدت "زكيه" ملامحها بتجهم، ثم تساءلت بتوجس ...
- بس إيه ؟!!!

أكمل "فخري" بتعجب لما سمعه من "نغم" ومن "زكيه" ...
- إنتِ بتقولي مش معاكم عقد، طيب إزاي ده ..؟!!! ، أنا أبويا الحاج "على النجار"، الله يرحمه قال قدامي وقدام ولادي كلهم كمان إنه كتب البيت بإسمكم، قال أنا حعوض إبني على إللي عملته معاه وكتبت البيت كله بيع وشراء، قالها ساعة ما مات والكلمة مراحتش من بالنا كلنا ...

إمتعض وجه "زكيه" بعدم فهم لتشير بكفيها بإستغراب ...
- كتب لنا البيت إزاي يا أخويا ؟!!!!!! إحنا ما إتكتبش بإسمنا حاجة، أخوك بس إللي جه وقال إن إنتم كتبتوا لنا الشقه دي بإسم البنات، احنا لا إتكتب لنا بيت ولا دياوله !!!!!

همهة وتعجب ونظرات حيرة علقت بأعين الجميع دون إدراك ما يحدث، فإن لم يتم تسجيل البيت بإسم "زكيه" وبناتها، ولا يملك أحدهم عقد هذا البيت !!!! فأين هذا العقد وأين صاحبه ؟!!!

بعد صمت طال بعض الوقت، سحب "بحر" نفس عميقًا مضطرًا للإجابة قائلًا ...
- البيت ده بتاعي مكتوب باسمي ...

صدمة رآها بأعينهم جميعًا، فقد تقبل الجميع على مضض فكرة أن البيت قد سُجل بإسم بنات "زكيه" فيما مضى لشعور والد "فخري" بالذنب تجاه ولده كما قال، فلم يسجل بيتهم بإسم هذا الرجل الغريب !!!! إستقام "فخري" بضيق متسائلًا بانفعال شديد ...
- مكتوب بإسمك إزاي يعنى !!! مالك إنت ومال بيتنا، ده إسمه حتى بيت النجار، إنت مالك ومالنا، ومين إللي كتب لك البيت ؟!!!!!

أخرج "بحر" هويته الشخصية ليشير بها تجاه "فخري" قائلًا ...
- جدي يبقى "علي النجار"، يعني إنت تبقى عمي، جدي الله يرحمه إتجوز جدتي في السر على والدة حضرتك، وطبعا حصل خلاف وإضطر إنه يطلقها ويرميها بره، ولما خلفت والدي حاولت إنها تيجي لجدي علشان ياخد إبنه ويربيه معاكم، لكن هو رفض وطرادها، عيشنا لوحدنا وجدتي ربت أبويا لوحدها بعد ما تعبت وشقيت عشان تصرف عليه، أبويا كبر وفتح القهوة بتاعته و إتجوز أمي لكن منسيش أبدًا إن جدي نكره وطرده هو وجدتي ومرضيش يصرف عليه ولا جنية واحد، لما جدي ندم وحاول يطلب من أبويا يسامحه، أبويا مقدرش، لأن جدتي ماتت بتعبها وذلها وهي بتحاول تشتغل وتربيه، مقدرش ينسى مرمطه فكل مكان عشان لقمة، إحنا مكناش عايزين نقرب منكم، مش عايزين أي مشاكل من ناحيتكم، ولا كنا عايزين نعرفكم، لكن جدي قبل ما يموت حس بالذنب ناحية والدي، وإنه إبنه إللي عُمره ما حس منه بحنان، ولا صرف عليه، فكتب له البيت كتعويض، ومن يومها والعقد عندنا بس إحنا مش عايزين نتدخل ما بينكم، مش عايزين نبقى لينا أي علاقة من قريب أو من بعيد بيكم، حتى بعد ما والدي إتوفى إعتبرت إن ورقة عقد البيت ده، ولا ليها أي قيمة، ولا عمري كنت حطالبكم بيه، لأن إحنا كنا عايزين نعيش وسط عيلتنا مش مجرد فلوس وبس، لكن مشاكلكم الكتير وسط الحارة كانت بتخوفنا نقرب منكم، قلبت القهوة مكتبة و اشتغلت فيها وخلاص ...

بقلم رشا روميه قوت القلوب

إتسعت عينا "فخري" بصدمة أخرى، لم يستطع تصديق أن والده قد تزوج بالسر وأنجب أخ له لم يخبرهم به من قبل ...
- معقول ده، إنت إبن أخويا أنا ؟!!!!

تعمق"فخري" بهويته الشخصية مصدقًا للأمر فهو يحمل نفس الإسم ونفس العائلة، إنه بالفعل إبن أخيه الذي لم يعرف به من قبل، خطيئة أخفاها والده عنهم يدفع الجميع ثمنها اليوم ...

رغم شهقات البعض وتفاجئ الآخرين، إلا أن إعلان أن "بحر" هو إبن عمهم كان أمر صادم مفاجئ بشكل غير متوقع، حقيقة غائبة عنهم لكنها واضحة له منذ البداية ...

سألته "نغم" بإندهاش كما لو كانت تشاهد مشهد عبثي بأحد الأفلام...
- إنت إبن عمي ..؟!!! يعني إنت عارف من الأول إنك إبن عمي ؟!!!!!!!!!

أجابها بتخوف من أن يزيد هذا الأمر الصدع بينهم ...
- أيوة، لكن إحترامًا لوالدتي ووالدي، إللي رفضوا من سنين إنهم يقولوا ده سكت، والدتي لحد النهاردة مش عايزة تقرب خوف من المشاكل، ياما حاولت أقولها دول اهلنا لكن كان ردها واحد، فيه أهل بيعملوا في بعض زي ولاد النجار حنقرب ليه ونقول ليه، إنتوا نفسكم تعبتوا من بعض ...

طأطأ الجميع رأسه بخزي فما يقوله صحيح لا تعقيب عليه، أنهم أسوأ عائلة يمكن أن يطلق عليها لفظ عائلة، فكيف سيلومونه على تهربه منهم ...

تعجبت "نغم" وقارنت بداخلها لمرة أخرى زادت على العديد من المرات بين "بحر" و"مأمون"، "مأمون" كاد ينهي حياتها لأجل هذا البيت، و"بحر" الذي تنازل عنه وعن طلبه له منعًا لإقتحام المشاكل، تَرَفع عن التلذذ والإستمتاع بحقه الذي لن يلومه عليه أحد مقابل راحة نفسه و أمه، قارنت بين الطمع والإيثار، بين من حاول التخلص منها، ومن أسرع لإنقاذها، وليس لمرة واحدة بل تعددت أزماتها لتجده دومًا أمامها وليس غيره كما ظنت ...

لقد ظلمت نفسها وظلمته بإختيارها الخاطئ السطحي، إن "بحر" إسم على مسمى، فهو بحر يفيض بالشهامة والمحبة، بحر من العطاء والرجولة، بحر من العشق الذي لم تقدره حق قدره ...

حاول الجميع إستيعاب الأمر بتروي وتفكير ليضطر "فخري" و"فريد" و"روايه" و"عشري" بالمغادرة بحثًا عن "مأمون" خزيًا من أفعاله التي يحب أن يعاقب عليها ...

إنتبهت "زكيه" متأخرًا لـ"رحيم" لتسأل "شجن" سؤالها المتأخر ...
- مش تقولي لنا مين الأستاذ يا "شجن"، موال "نغم" خلاني ما أخدش بالي ؟!!!

أشارت "شجن" بشقاوة لتأخرها بالأمر ...
- ده الأستاذ "رحيم"، كان شغال معايا في نفس المكان إللي سافرت ليه، وحصلت قصص كدة حبقى أحكيها لكم (ثم نظرت تجاه "رحيم" ممازحة)، وإنت جاي وقاعد ساكت كدة برضه، مش تقول يا راجل إنت، إنت مين وجاي ليه، ولا هو أي حد يقولك تيجي تروح !!!!

ضحك الجميع من مزاح "شجن" بينما توهج وجه "رحيم" خجلًا لتلحق به "شجن" ...
- آسفه والله القافية حكمت، ده إنت مشرفنا والله ...

رحبت به "زكيه" وإندمجوا جميعًا بأحاديثهم عن تفاصيل الفترة الماضية والتي كانت ثقيلة على قلوب الجميع ..
بعد يوم طويل حل المساء وأُسدل الليل أستاره، لتمر بضعة ساعات إستقرت بهم أحوال القلوب، لا تحتفظ بما لا يجبر لك كسرًا ولا يُهديك فرحًا ولا يكون لك عونًا وسندًا ولا يشعرك بالأمان ..

حتى وإن ظننت أنك تمرر القسوة لتصل لحياة الإستقرار، فلا إستقرار بدون طمأنينة، تخلى عن سبب بكائك المخفى خلف إبتسامة مزيفة حتى لا يشمت بك الشامتون ...

بقلم رشا روميه قوت القلوب

❈-❈-❈ــ

بيت المستشار خالد دويدار ...
رغم حالة التوتر التي أصابت هذا البيت طيلة اليوم إلا أن بعد القبض على "أم مجدي" و"أمين"، وعودة "خالد" و"منار" للبيت لكان أمر مبهج للنفس يدعو للراحة والسكينة بأن جمعتهم لم تتفرق ولم يصيبهم أي أذى بفضل إستقامتهم وقيَّمهم التي تميزوا بها وأنشأوا أبنائهم عليها ...

بقلم رشا روميه قوت القلوب

خرج "رؤوف" من غرفته ليقضي الوقت مع والديه بغرفة المعيشة ليسمع دقات بالباب فقد جاءت "موده" مرة أخرى ومازال القلق يعلو ملامحها اللطيفة ...
- مساء الخير، أنا كنت جاية اسألكم على "عيسى"، لأن أنا لحد دلوقتِ مش عارفة أوصل لـ"غدير"، ومش عارفة هي فين من الصبح ...

أشارت "منار" تلقائيًا تدعوها للجلوس معهم أولًا لحين عودة "غدير" و"عيسى" ...
- تعالي أقعدي، أنا حكلم "عيسى" أسأله على "غدير" ونطمن عليها، ونقضي شويه وقت لحد ما يبقى يرجعوا ...

إتصلت "منار" بـ"عيسى" ليطمئنها بأنه سيأتي برفقة "غدير" بعد قليل فلا داعي للقلق ...

جلست "موده" بحرج من غياب "غدير" وبقائها طيلة اليوم بمفردها مع عائلة "رؤوف"، لكن ذلك لم يمنع سعادتها بقربهم وشعورها بدفء العائلة التي تمنت أن تحصل عليها بيوم من الأيام ...

لكن كما يقال تأتي الرياح بما لا تشتهي السفن فقد دق الباب مرة أخرى وبالطبع لم يكن "عيسى" أو "غدير"، فقد حدثتهم "منار" للتو، عرضت "موده" بأن تفتح الباب حتى لا ترهق "منار" و"خالد" فـ"رؤوف" بالطبع لن يتمكن من فتح الباب ...
- خليكم إنتوا أنا حفتح الباب ...

ليتها لم تفعل ذلك، فمبجرد رؤيتها لمن تقف به شعرت بثورة لدمائها تندفع لقمة رأسها على الفور لتردد بهمس وضيق ...
- "نيره" ...!!!!

إمتعض وجه "نيره" لرؤيتها لـ"موده" فمازالت لم تتغير بردود أفعالها الباردة ....
- أها، فين "رؤوف" ...؟!!!

قالتها وهي تدلف للداخل كما لو كان لها الأحقية بوجودها بهذا البيت، تيبست "موده" بموضعها بينما دلفت "نيره" لغرفة المعيشة بوجه آخر مختلف عما قابلت به "موده" للتو، أرخت ملامحها بتأثر لهيئة "رؤوف" المتعبة ...
- "رؤوف"، حمد الله على سلامتك ...

ضيفة غير مرحب بها ببيتهم، لكنهم لن يتعاملوا بوقاحة أو عدم لياقة، لترحب بها "منار" برسمية مصطنعة ...
- "نيره"، أهلًا يا بنتي، إتفضلي ...

مط "رؤوف" شفتيه بضيق من دعوة والدته لها فهذا سيزيد من ضيق "موده" وهو أمر لا يود حدوثه بالمرة ليزفر بضيق وهو يشيح وجهه بالإتجاه الآخر ...

رد فعل "رؤوف" التجاهل جعل "نيره" تشعر بالضيق الذي سببته له، لتندفع بالحديث دفعة واحدة حتى تبرر موقفها، وإيضاح ما حدث حتى يتفهم "رؤوف" الأمر وتعود الأمور إلى سياقها ...
- شوفت إللي حصل يا "رؤوف"، شوفت "إسراء" كانت هي ورا كل المشاكل دي كلها، تصدق هي إللي كانت بتقول لي إني لازم أسيبك، دي كمان كانت دايمًا بتقنعني إن إنت مش كويس معايا، وإنك ممكن تسيبني وتروح لأي واحدة تانية غيري، هي إللي كانت دايمًا بتوقع بينا، و خليتنا نبعد عن بعض شوفت إزاي هي فرقتنا ...!!!

أعاد "رؤوف" وجهه تجاهها، وقد ظهرت إبتسامته الساخرة من تلك السطحية معدومة الشخصية ...
- لا بجد !!!!!! بقى هي السبب في كل ده ؟!!!!!!!

كعادتها بالتهرب من إعترافها بالخطأ وإسقاط أخطائها على غيرها، وأن تظهر نفسها بأنها لا تخطئ، أسرعت "نيره" بتأكيد ما قاله "رؤوف" ...
- طبعًا، شوفت بقى إللي حصل ...

أشار "رؤوف" تجاه والديه كما لو كان يشرح لهم الأمر ...
- "نيره" بتقول إن "اسراء" هي السبب، وهي إللي فرقت ما بينا،( ثم عاد موجهًا حديثه لها بإنفعال ونفور منها، يلوم نفسه على أن إختارها بيوم من الأيام لتشاركه حياته)، وإنتِ كانت دماغك فين ؟!!!! وليه بتدخلي حد في حياتنا الشخصية وتعرفيه كل التفاصيل، وحتى لو هي ضحكِت عليكِ وطلبت منك تبعدي عني، إنتِ إخترتي وإتخليتي عني، زي ما أنا إخترت دلوقتِ وسعيد جدًا بإختياري ...

إبتسمت "نيره" وسعادة فقد ظنت أنه سامحها وإنتهى خلافهم وعودتهم لبعضهم البعض، لم تفهم بأنانيتها أنه لا يقصدها، فهي تظن أن الكون كله يتمحور حولها فقط، وأنه بالتأكيد سيسارع للعودة إليها، خاصة وهي متيقنة بأن "رؤوف" سطحي، هوائي، تستطيع إستمالته وقتما تريد ...

لكن تلك الإبتسامة تلاشت بصدمة حين أشار تجاه الواقفة من خلفها بصمت تام قائلًا ...
- "نيره" هانم، أحب أعرفك على خطيبتي وزوجتي المستقبلية "موده" ....

إستدارت "نيره" تجاه "موده" لتعود مناظرة "رؤوف" مرة أخرى تجاه بإنفعال، مستنكرة إختياره لـ"موده" وتركها ...
- خطيبتك مين ؟!! دي ..!!!!! يعني حتسيبني أنا، وتتجوز البنت دي ؟!!!

هتف بها "رؤوف" بإنفعال غاضب ....
- لو سمحتِ كلميها بإسلوب أفضل من كدة، يا إما تسيبي البيت ده وتمشي حالًا، لأن ملكيش مكان فيه، وبس أقف على رجلي، وإنتِ أكيد معزومة على فرحنا أنا و"موده" ...

كزت "نيره" أسنانها بقوة لا تتمالك ضيقها وغيظها، لتخرج مباشرة بإندفاع من بيت دويدار، لقد ظنت أن "رؤوف" سهل تاثير عليه، وأنها إن تركته وأرادت العودة إليه سيكون الأمر سهلًا للغاية، لم تدرك أنها خسرت كل شيء بإنسياقها خلف تلك المخادعة "إسراء"، لقد خسرت حبها لإنسان طيب القلب كـ "رؤوف" ...

جميل إحساس الإنتصار خاصة عندما يأتي من الحبيب دون أن تطالبه بذلك، ذلك ما مرت به "موده" برفقه معسول الحديث لطيف القلب "رؤوف" ...
بقلم رشا روميه قوت القلوب

❈-❈-❈ــ

المستشفى التخصصي ...
بعض الحب خلق ليبقى رغم الظنون والعقبات، رغم إستحالة النسيان، ذلك الرباط الذي يَعبُر بسلام لن يمكن لأحد أن ينتزعه، فأنت الإستثناء والمحبة، فقد خابت الظنون في زعزعتها لهذا الحب، ربما نغضب ونقطع الآف الأميال لكن تعيدنا كلمة، فأنت كوني وعالمي وما الحب حبًا إلا معك ...
بقلم رشا روميه قوت القلوب

هدأت الحركة ولازم السكون بداخل أروقة المستشفى، ليبقى طائري الحب بمفردهما بعد أن طال بقاء "غدير" للإطمئنان على حالتها الصحية خاصة بعد معرفة خبر حملها، وأن ضعفها لن يؤثر على الجنين ...

تركتهم "سندس" بعدما تحرت عن الأمر كافة وأظهرت براءة "غدير" من الظنون، لكن "عيسى" بعد فتره من التخبط لم يكن ينتظر تبرئة "غدير" فقد سامحها لثقة قلبه بها قبل معرفته بما أخبرته به "سندس"، ربما مال لبعض الوقت وحاد عن الطريق، لكنه عاد ليلوم نفسه عن تركه للظنون تعبث به ..

نظرت "غدير" لـ"عيسى" وهي تمط شفتيها متظاهرة بالإستياء ...
- إنت لسه زعلان مني يا "إيسو" ؟!!!

تنهد "عيسى" بعمق فقد مر اليوم بتجربة لم يظن أنه سينجو منها مطلقًا، إحساسه بفقدان "غدير" كان أعظم من أن يمر بسلام على قلبه، فليتغاضى عن أية خطأ ستقوم به بيوم من الأيام حتى لا يشعر بأنه قد يخسرها يومًا، نظر نحوها بإشتياق لحبيبته التي غابت عنه لعدة أيام، لم يرتوي بها بغدير إحساسها وحلاوة وجودها، تحسر عن أفكاره المتخبطة وظنونه الخاطئة ...

جلس إلى جوارها محدثًا إياها بقلب منهك وعشق خالص ...
- أزعل منك، أنا من النهاردة ما أقدرش أزعل منك أبدًا، أنا كنت حموت من بعدك يا "غدير"، بالله عليك ما تعملي فيها كدة تاني ...

طأطأت رأسها بخجل شاعرة ببعض الذنب لعدم صراحتها، لتردف بتأسف مغلف بمزاح شقي ..
- سوري يا "إيسو"، مش حموت من غير ما أقول لك ...

ضحك "عيسى" لخفة ظلها، ثم أردف بإشتياق يذوب بمحبوبته ...
- وحشتيني يا مجنونة ...

إبتسمت بخفة مستكملة بشقاواتها المحببة ...
- لأ بجد، أنا خلاص حرمت، أنا حدخلك في كل التفاصيل علشان ما فيش في يوم من الأيام تفكر حاجة ما حصلتش، أنا برضه كنت غلطانة، أنا لو كنت قلت لك إن أنا ضربته على دماغه بالشنطة، يمكن كنت إتأكدت وعرفت إن أنا ما فيش بيني و.....

قاطعها "عيسى" فهو لا يريد أن تتحدث عن الأمر بهذه الصورة، يكفيه شك وظنون لقد أخطأ بحق نفسه مرة وحق "غدير" العديد من المرات، إنها أرفع من أن يشك بها بهذه الأفكار المتدنية، لقد أخطأ وتوجب عليه الإعتذار ...
- إوعي تكملي، الغلط مش عندك لوحدك، أنا كمان غلطان، أنا عارف ومتأكد منك كويس، إزاي دماغي تروح في السكة دي ..!!! إنتِ "غدير" قلبي، أشك فيكِ يعنى أشك في روحي يا "غدير"، هو في حد بيشك في روحه، أنا الغيرة بس عمت عيني، بس أوعدك الموضوع ده مش حيتكرر تاني ...

إنتفضت تجلس فوق ركبتيها فوق الفراش قائله بشقاوة صوتها العالي ...
- أيوه، ما يصحش إللي إنت عملته ده، بهدلتنا معاك يا شيخ، إوعى، إوعى تعمل كده تاني، أحسن والله ما أخليك تشيل البيبي ...

سحبها "عيسى" برفق فلا داعي لتلك الحركات الفجائية بحالتها الآن حتى يستقر وضع الجنين ...
- بالراحة على نفسك بقى بلاش جنان هو فيه أم مجنونة كدة ...!!!

رفعت حاجبيها بقوة لتنتبه بإدراك لأن حملها أمر حقيقي ...
- إيه ده تصدق صح، أنا حبقى ماما بجد، أنا مش مصدقه يا "إيسوووو" ...

ألقت بجسدها فوقه تحيط رقبته بذراعيها، بينما عقد "عيسى" وجهه محذرًا إياها ...
- أنا لسه بقول إيه، ما ينفعش حركات الجنان دي ....

مالت برأسها قليلًا لتتحرك خصلات شعرها المموجة بلطافة ...
- خايف على البيبي يا "إيسو" ؟؟

بقلم رشا روميه قوت القلوب

حاوط وجهها الصغير بكفيه متحدثًا بمحبة وهيام بتلك التي سرقت قلبه دون رحمة ...
- أنا كل إللي يهمني إنتِ وبس، أي حاجة ثانية لأ، أه أنا سعيد ومبسوط أوي بالبيبي، بس مش أكتر منك إنتِ، إنتِ كل حاجة في حياتي، إنتِ بنتي إللي أنا ما خلفتهاش، لا يمكن حد حياخد مكانك أبدًا، أنا خايف على صحتك الأول، ولما يبقى يشرف البيبي، ساعتها حـ أحبه علشان حيبقى حتة منك بس ...

أغمضت "غدير" عيناها بإستكانه لتضع رأسها فوق كتفه براحة تمنتها منذ بداية تلك الأحداث البغيضة، قُرب كانت تتمناه ليزيل عن قلبها تلك الآلام، لقد تعلمت درسًا لن تنساه، ولن تسقط بهذا المستنقع مرة أخرى بسهولة ...
- حبيبي يا "إيسو"، إنت عارف أنا عاوزة إيه دلوقتِ ...؟؟

- إيه يا حبيبة "إيسو" ؟؟

رفعت عينيها الواسعتين تجاهه بتمنى ...
- عايزة أروح البيت، وحشني أوي بيتنا وإنت معايا فيه ...

أومأ ببسمته الهادئة قائلًا بحزم ...
- يلا بينا ...

وجودك جنة الدنيا، تكفيني إبتسامتك لتحلي أيامي، فأنتِ قطعة السكر بين أشيائي المره ...
بقلم رشا روميه قوت القلوب

❈-❈-❈ــ

ظنت أنها وحيدة بتلك الدنيا وحطامها، ظنت أن لا أحد يهتم لأمرها، ظنت أن دقات القلب أمر مخجل، ظنت أن الحب أمرًا مستحيلًا ...

لكن يبدو أن كل ما ظنته كان خاطئًا تمامًا، فلم تدرك أن بعض الظن إثم، نظرت "عهد" حولها بأعينها المتورمة ووجهها المنتفخ بتلك الوجوه التي تحيط بها، لم يكن فردًا واحدًا أو إثنين، بل وجدت مجموعة عملها كاملة تلتف حولها بغرفة المستشفى يطمئنون على سلامتها بعد ما علموا بما فعله "أحمد علام" معها ....
بقلم رشا روميه قوت القلوب

عبارات معتادة بتلك المواقف بتحمدهم على سلامتها، كانت تقابلهم بإيمائة دبلوماسية كمجاملة لوجودهم، هذا التواجد الذي لم تتوقعه بالمرة، لكن من بين كل تلك الوجوه كان يقف سارق قلبها بتلك الزاوية لا يثني سوداوتيه الثاقبتين عنها، بعض نظراته تخبرها بأنها قد ملكت قلبه دون منازع، وبعضها يشعرها باغنها ليست وحيدة وأنه إلى جوارها لن يتركها مهما حدث، وأخرى تناظرها فخر بها وبقوتها وجسارتها في مواجهة اليوم ...

تقدم منها "نظمي" مشيدًا بتحملها وقوتها ومساعدتهم على القبض على "أحمد علام" ومعاونيه ..
- حمد الله على السلامة يا "عهد"، بس دي حاجة مش جديدة عليكِ، إن شاء الله تقومي بالسلامة وترجعي الجهاز أحسن من الأول ...

إجابتها كانت بهدوء ودبلوماسية، فتلك هي المرة الأولى التي يشيد بها "نظمي" على الإطلاق ...
- بإذن الله يا "نظمي" بيه ...

أشار "نظمي" تجاه الباب بكفه لينهي تلك الزيارة ...
- ماشي، يلا بينا يا شباب نرجع نشوف أشغالنا ولا إيه ؟؟!

تحرك الجميع مغادرين الغرفة يتحمدون على سلامة "عهد" مرة أخرى قبل مغادرتهم، تلك المغادرة التي لم تخلو تمامًا الغرفة منهم، فقد بقي هو فقط معها، حين خرج الجميع إعتدل بوقفته المائلة التي كان يستند بها إلى الحائط، عاقد ذراعيه أمام ...

أهدل ذراعيه الطويلان ليتقدم نحوها بخطواته الواثقة ليثير بداخلها أحاسيس ممزوجة بين التفاخر بقوته وبين سعادتها بفوزها به فهي الوحيدة التي إختارها لتتربع فوق عرش قلبه وإختياراته معًا ...
بقلم رشا روميه قوت القلوب

أرواح متشابهة حين تلاقت ترممت وتعافت وإكتملت، الآن فقط تشعر بأنها تمتلك كل شيء، ليست أقل من أحد، ليست مُنفرة أو سيئة المعشر ليست قبيحة ولا عانس كما أُطلق عليها، ليست باردة المشاعر، إنها فتاة عادية لها قلب مرهف أحبت وتحبت ...

تطلع بها "معتصم" لبعض الوقت ثم قال ...
- إيه رأيك أوصلك البيت، أنا مش مرتاح إن إنتِ تفضلي في المستشفى لوحدك، يا إما لو أصريتي تقعدي هنا أنا مش حسيبك وحفضل معاكِ لحد ما تخرجي عشان قلبي يكون مطمن عليكِ ...

حركت "عهد" رأسها بالنفي ...
- لأ طبعًا، تقعد معايا فين، أنا حروح بيتي ...

رفع حجيب الأيمن بإستنكار، يناظرها بتلك النظرة يغلفها الحزم والتي تجبرها دومًا على التراجع ...
- بيتك !!!! فين بيتك ده ؟!!! كلمة بيتي دي مش حتتقال إلا على بيتنا، إللي أنا وإنتِ حنعيش فيه، إللي إنتِ ساكنة فيه ده خلاص مش بيتك، و من هنا لحد يوم جوازنا مش حتقعدي فيه لوحدك أبدًا، اختاري لك حل، يا نتجوز على طول، يا تقعدي عند خالتك، لكن قعاد لوحدك في الشقة دي تاني لأ ...

تذكرت "عهد" خالتها "زكيه" لتضع أصابعها فوق فمها، و قد تشدقت بعينيها بصدمة ..
- أنا نسيت خالتي خالص، دي كانت بتدور على بنتها، أنا لازم أكلمها حالًا ...

مدت "عهد" ذراعها لتسحب هاتفها حين مد "معتصم" ذراعه معترضًا تحركها، يمنعها من التهور فهي تحتاج للراحة حتى لو بالإجبار، تقدم بوجهه يحدق بثاقبتيه بوجهها بصرامة، قرب وجهه منها إلى هذا الحد جعل قلبها يتخبط بين ضلوعها وروحها كما لو كانت تسحب منها لقربه الشديد، بحزم أوقفها قائلًا ...
- إنتِ حتعملي إيه !!!! إنت في إيه، ولا في إيه ...؟!! مش لما ترتاحي الأول ...

- عايزة أطمن على خالتي وأختي "وعد"، هم كمان من غيري مش حيعرفوا يتحركوا أو يتصرفوا ....

- في حالتك دي يا "عهد" ...

إبتلعت ريقها بتوتر من قربه، لكنها أرادت أن توضح له أهمية نساء عائلتها لديها ...
- هم دول إللي ليا في الدنيا، وأنا لازم أخد بالي منهم، كلهم ضعاف ومحتاجين حد قوي في حياتهم، محتاجين أمان وسند ...

زفر "معتصم" ليرضخ لطلبها، ليس لإقتناعه، لكن لرؤية نظرة الطلب بعينبها، وهو لن يثني طلب تطلبه، ترك لها الهاتف لتطمئن عليهم حتى ترتاح أولًا تجاههم، لكن عليها ترتيب حياتها المتخبطة معه بعد الآن، فلن يتركها تتعامل مع كل شيء بنفسها، فعليها منذ الآن فصاعدًا أن تعتمد على وجوده وتشاركه بكل أحزانها وأفراحها وحاجتها أيضًا ...
بقلم رشا روميه قوت القلوب

❈-❈-❈ــ

بيت محفوظ الأسمر ...
ربنا لم تنقذنا إختياراتنا، لكن أنقذنا لطف الله، قلوبنا الطيبة تستحق أن تُحمل على كفوف من الحب، تستحق ألا نهون، وألا يستهان بنا، أن نعيش شروق الحياة ونحيا مع الأمل ....
بقلم رشا روميه قوت القلوب

جلست "قسمت" فوق المقعد بعد عودتها من قسم الشرطة وما زالت لا تصدق بعد أنها من سلمت إبنتها بيديها للقصاص منها ...

نظرت نحو "محب" الذي وقف بأعين زائغة وفكر مشتت بتلك التي صعدت نحو شقتها منذ قليل بعد إصرار والدته ليستمع لحديثها أولًا ...

أخذت "قسمت" تحدثه كما لو كانت تحدث نفسها، تبرر موقفها وفِعلتها، وأن ما فعلته هو الصواب لتريح ضميرها من تانيبه ...
- كان لازم يا "محب" أعمل كدة، صح ولا أنا غلطانة ...؟!!

أومأ بخفة رغم إنشغال فكره بـ"وعد" ...
- أه طبعًا يا ماما، إحنا ما عملناش غير الصح ...

أكملت "قسمت" مبررة ما حدث ...
- أختك الشر جواها، ما كانش ينفع نسكت ده هي السبب في موت أبوك، وهي إللي قتلت "عاطف" قدام عيني، لا وكمان كانت عايزة تسمم "وعد" وتتهمك فيها، وتدخلك السجن، دي كانت عايزة تدخلني مصحة، دي قلبها مات دي شر ماشي على الأرض، إحنا رحمنا نفسنا و رحمناها من شرها ...

رفع "محب" مقلتيه نحو الأعلى منشغلًا بـ"وعد" التي يريد اللحاق بها، ليجيبها بذهن مشدد مشتت ...
- أه طبعًا، أكيد يا ماما ...

تفهمت "قسمت" ما يشغل ولدها لتشير بإتجاه الباب ...
- روح لها يا "محب"، روح لها ...

لم ينتظر لأكثر من ذلك، بل أسرع يركض درجات السلم ليلحق بها، كانت تستكمل مكالمتها بجدية وملامح من القلق ...
- أنا جاية لك على طول يا "عهد"، لازم أطمن عليكِ ...

- متقلقيش أنا كويسة، خدي بالك إنتِ من إللي عندك، كفاية كدة يا "وعد" ...

سحبت "وعد" نفسًا متهدجًا تكتم عبرتها التي كادت تغلبها وتبدأ بالبكاء، لتردف بنبرة تعيسة ...
- صح يا "عهد"، كفاية كدة، لولا إنك إتصلتي بالشرطة مكنتش عارفة حعمل إيه، أنا جاية لك الأول أطمن عليكِ، وبعد كدة كل حاجة لازم تتغير، سلام ...

حملت "وعد" حقيبتها تستعد للمغادرة لتذهب إلى المستشفى لزيارة أختها الوحيدة، لكنها حين إستدارت تفاجئت بوجود "محب" يقف أمامها بصدر ناهج وتأثر غريب، تحركت مقلتيه المتوسلتان دون التفوه بذلك متعلقة بها، ثم أردف بنبرة مهتزة ...
- رايحة فين ؟!!!

ربما لم يؤذيها وكان يساعدها ويأمن مكر "عتاب" لها، بل كان صمام الأمان دون أن تدري، لكنها تشعر بخيبة داخل قلبها الذي أحبه، فقد كان يفعل ذلك لحمايتها وحماية ولدها من شرور "عتاب" لا أكثر ولا أقل، رفعت عينيها التعيستين بتهرب بعيدًا عن خاصتيه المثبتة عليها ...
- رايحة لأختي المستشفى، وأظن خلاص كل حاجة خلصت، "عتاب" اتقبض عليها، يعني أنا كويسة أهو ومش محتاجه مساعدتك ليا تاني، يا ريت نتطلق ونقفل الصفحة دي، أنا حاجي آخذ حاجتي وأروح بيت أختي أعيش هناك ...

بقلم رشا روميه قوت القلوب

تخطته لتخرج من باب الشقة تنهي هذا اللقاء المؤلم لقلبها، لكنه منع ذلك حينما مد ذراعه يمنعها عن الحركة بعشق حزين ...
- لا يمكن أسيبك تخرجي من هنا، أنا عايز أقولك حاجة مهمه أوي ...

لملمت "وعد" شفتيها المرتعشتان، وهي تحاول بإستماتة حبس دموعها من الإنهمار، فما حدث خلال تلك الأيام الماضية وإن حاولت التحلي بالقوة، إلا أنه كان أقسى مما يمكنها تحمله ...
- بلاش يا "محب"، كفاية لحد كدة، أنا تعبت ومش قادرة أكمل، خليني أعيش بـ إللي باقي من كرامتي، لو على الفلوس إللي عمي "محفوظ" كتبها "زين"، أنا بجد مش عاوزاها، وحعمل لكم فعلًا تنازل عنها لأنها مش حقنا، سيبوني أعيش في حالي أنا وإبني ...

تمسك "محب" بمرفقيها ليثبتها أمامه وهو يمد برقبته أمام وجهها، يناظرها بتعمق ويجبرها على التطلع نحوه بدلًا من نظراتها الزائغة المتهربة منه، تفوه بنبرة مهتزة حقيقية دون تزييف أو خداع، فلا داعي لذلك بعد الآن ...
- إفهمي بقى، إفهمي أنا عايز أقولك إيه، عايز أوضح لك كل حاجة، لو على الفلوس على فكرة لو كنت رفعت قضية، كنت حكون الوصي على فلوس "زين" لأني عمه، يعني ليا حق الوصاية خصوصًا بعد وفاة والدي، ولو كان عشان آخد بالي منك ومن "زين"، برضه كان سهل عليا من غير ما أطلب منك نتجوز ...

أثار توضيحه إدراكها المتأخر بأنه بالفعل يحق له حق الوصاية دون زواجه منها، وأيضًا رعايته لهم لم يكن بالأمر الصعب إذا لم يطالب بزواجها، أثار فضولها لمعرفة السبب الحقيقي وراء زواجه منها لتناظره بإنصات تام حين أكمل ...

- أنا مرضتش أوضح كدة قدام "عتاب" لأني حسيت دي فرصتي الوحيدة، مقدرتش أخسرها، أنا عملت عشان أقدر أقرب منك، لأني كنت متأكد إنك عمرك ما حتوافقي تتجوزيني بعد وفاة "عاطف"، إنتِ ما كنتيش شايفاني يا "وعد"، كان لازم أخليكِ تشوفيني وتحسي بيا ....

تسلطت عيناها المقتضبة نحوه تحاول فهم ما يحاول الوصول إليه، رغم تسارع دقات قلبها من إحساسها الذي يؤكد لها أنه يحبها، لكن عقلها يرفض تصديق ذلك تتساءل بعد فهم ...
- قصدك إيه، أنا مبقتش فاهمة حاجة خالص ...؟؟؟!!!

لمعت عيناه بوميض دمعة خفية وهو يهتف بعشق متحسر تشوب نبرته إرتجاف منكسر متمسكًا بآخر أمل بتوضيح ما بقلبه ...
- أنا بحبك يا "وعد"، بحبك من قبل ما "عاطف" يتجوزك، كنت بشوفِك وإنتِ معدية الشارع، قلبي كان بيطير من الفرحة لما أشوفك معدية من قدام المعرض، حسيت إن الدنيا كلها بقت حلوة أول ما أشوف وشك، قلت لـ"عاطف" إني عايز أتجوزك،(ثم أكمل بغيظ مكتوم)، بس أخويا طلع أناني أوي، كان عايز ياخد كل حاجة لنفسه، حتى إنتِ طمع فيكِ، وقبل ما أكلم بابا وأقوله إني عايز أتقدم لك، كان "عاطف" سبق طبعًا، عشان كده كنت بتهرب إني أقعد معاكِ في نفس المكان، خوفت تحسي بأني بحبك فعلًا ...

تذكرت "وعد" إتهام "عاطف" المتكرر لها بأنها لها علاقة بـ"محب"، تذكرت كم تكرر شكه بحديثها معه أو مقابلته سرًا ...

أكمل "محب" يخرج كلماته الحبيسة منذ سنوات طويلة لم يستطع إظهارها لأي منهم حتى هي ....
- كان "عاطف" بيتعمد إنه يهينك، أو يأذيكِ قدامي، عشان عارف إنه كده زي ما بيأذيكِ كان بيأذيني أنا كمان، "عاطف" كان إنسان مريض عايز يشوفنا كلنا مكسورين قدامه خصوصًا أنا، كان عايز يبقى هو الوحيد إللي مالك كل حاجة في الدنيا، عشان كده فضلت إني دايمًا أفضل لوحدي، ماليش دعوة بحد، أنا بحبك من زمان، من زمان أوي، وفجأة، لقيت الفرصة جت لحد عندي بإجبار "عتاب" ليكِ عشان نتجوز، مقدرتش أبعد، قلت دي فرصة نقرب من بعض، و أحسسك قد إيه أنا بحبك ...

بقلم رشا روميه قوت القلوب

حفل بعينيه بلحظة إدراك وإيثار محافظًا بمشاعره مقابل سعادتها، ليهمس بضعف ...
- لكن لو بعد كل ده، إنتِ مش متقبلاني، ومش عاوزاني، أنا عمري ما حضغط عليكِ، أنا بحبك لدرجة أتمنى أشوفك سعيدة، حتى لو مش معايا، بس عايز أقولك حاجة أخيرة، أنا كل ذرة في كياني بتتمنى بس إني أكون معاكِ، فرحة عمري لما نبقى سوا، ما تحرمنيش منك يا "وعد" ، لو حسيتي بحبي وإنك بتحبيني ما تحرمنيش منك ...

كانت تضغط شفتيها بقوة بأسنانها تكتم شهقاتها من الخروج من بينهما، رفعت خضراوتيها نحو الأعلى تضغط عيونها بأن تكف عن البكاء، بلحظة من الصمت لو كانت العيون تتحدث لأخبرته أنها متيمة عشقًا به، حتى وإن كان قد عاون "عتاب" حقًا، كانت على إستعداد لمسامحته، لكنه أثبت لها أنه ليس عاديًا، إنه طريق الزهور الذي نبت بحياتها القاحلة ...

تساقطت دموعها رغم تلك الضحكة المقهقة التي خرجت منها، إنها ليست حزينة، إنها سعيدة، لقد إكتشفت اليوم بنفسها دموع أخرى مختلفة تمامًا عن دموعها الحزينة السابقة، إنها دموع السعادة والفرح، إحساس بالقوة فهي لا تشفق على حالها وترضخ للأمر الواقع، إنها قوية بذاتها، إستطاعت معرفة الحقيقه بنفسها، تنازلت عن ضعفها، وأصبح لها الإختيار وهي بموضع القوة، ليست مجبرة أو مستسلمة، لم يعد الضعف والإنكسار موضع بحياتها بعد الآن ...
- عاوزني أختار يا "محب"، إنت لو خيرتني حقول لك حاجة واحدة، إن أنا معنديش غير إختيار واحد من يوم ما عرفتك بجد، من يوم ما حسيت بحبك لما إتجوزنا، أنا اخترتك قبل ما أختار نفسي، عارف ليه عشان إنت جوه روحي ...

لقد اعتادت القلق حتى ظنت أن الطمأنينة كمين، بداخل نفسها كانت متيقنة من حبه لها، لكنها مع ذلك كانت متخوفة منه، لكنها الآن علمت أن بعد الظن إثم ...
بقلم رشا روميه قوت القلوب

❈-❈-❈ــ

بيت النجار (شقه زكيه) ...
أخبر من تود أن توده بكل ود، ففي بعض الأحيان يغادر حياتك الكثيرون لتدرك ان تأخرك كان لتقابل من يستحق روحك ...
بقلم رشا روميه قوت القلوب

جلسة طيبة وعائلة لطيفة إستطاع "رحيم" أن يشعر بالألفة وسط عائلة "زكيه" وبناتها، حتى "بحر"، هذا الشاب اللطيف، كان مهذبًا للغاية محببًا للنفس ..

إستمع"رحيم" للكثير من الأحداث مرت بهم بالأيام الماضية، علم مشكله "زكيه" وقتل "صباح" لتلك السيدة التي إقترضت منها "زكيه" المال للإنتقام منها، كذلك زواج "نغم" من إبن عمها "مأمون"، وإنقاذ "بحر" لها، كما إستمع أيضًا بقصة "شجن" وسفرها لـ"أيوب" وما حدث بين أبناء عمومته، حتى عودتها برفقته إلى هنا ...

بعد صمت طال منه لوقت طويل يستمع لأحاديثهم بإستمتاع، بدأ "رحيم" حديثه بسؤال إستكشافي يستفسر بجدية عن الأمر ...
- إنتِ بتقولي، إن الحاج "أيوب"، كان عمل حادثة هنا، وكان بيدور على إبنه ؟!!!

أكدت "شجن" بإيمائة شقية ...
- أيوة، هو حكى لي قصة بنت خاله، هي دي بقى مراته الأولانية، إسمها "نعمة"، وإنها كانت زعلت منه وطلقها، عشان هو إتجوز غيرها، ولما عرف إنها كانت حامل وقت ما طلقها قعد يدور عليها، ومعرفش يوصل لإبنه، هي مرضتش تقوله مكانه أو مكانها، عم "أيوب" لحد دلوقتِ مبعرفش هو ولد ولا بنت ....

إبتسم "رحيم" بخفة، و ربما بتهكم، لم تستطع "شجن" فهم سبب تلك الإبتسامة الغريبة لكنه لم يتركها تظن للكثير من الوقت ليجيب تساؤلها الذي لم تسأله ....
- أنا إبن "نعمة"، أنا إبن "أيوب" ...

إتسعت الأعين بإندهاش لتلك القنبلة التي ألقاها "رحيم" بوجوههم، ليستكمل بإيضاح ...
- لما والدتي قالت لي إنه جالنا البيت عشان يسأل عليا، وهي طردته من البيت، كان نفسي أشوفه، كان نفسي أسأله سؤال واحد، هو عمل فينا ليه كده ..؟!!! وليه ما سألش عننا طول السنين دي كلها ؟!!! والدتي كانت خايفة إني أروح له وأسيبها، لكن السؤال فصل جوايا، وروحت المزرعة فعلًا، لكن خوفت، خوفت أوضح له أنا مين ؟!!!! كنت خايف ما أحبهوش أو إنه يرجع ينكرني، ده واحد سابني طول عمري، عمره ما سأل عليا، كنت عايز أعرف منه ليه سابني، مكنتش واثق إنه يستحق إني أقول له إني إبنه، كنت عايز أعرفه هو الأول، و أدي لنفسي فرصة وأفكر كويس أقوله ولا لأ ...

نهضت "شجن" بإنتفاضة وذهول ....
- إنت بتتكلم بجد !!!!!! إنت إبن عم "أيوب" ؟!!!

- أه والله، وأنا حكذب ليه ؟!!!

كان "رحيم" من البساطة لعدم إدراك أن له ميراث من المال يفوق تخيله، ذلك المال الذي سبب هذا الصراع بين أبناء عمومة "أيوب" ربما يصل للقتل أيضًا ...

- ليه ؟!! إنت لسه بتسأل ليه ؟!! عشان الفلوس يا "رحيم" ؟!!!

قضي حاجباه بعدم فهم ...
- فلوس إيه يا "شجن" ؟؟!

بضحكة تهكمية أجابته ...
- فلوس عم "أيوب"، طبعًا، ما إنت شوفته ولاد عمه كانوا حيعملوا فيه إيه عشان الفلوس ...

حرك "رحيم" رأسه بسخرية قائلًا ...
- بقولك متوقع ينكرني زي ما أنكر وجودي عمري كله، ده واحد ولا حتى يعرف أنا ولد ولا بنت، عمره ما سأل في يوم حتى عن بنت خاله إللي كانت مراته وأقرب حد ليه، أنا رحت هناك عشان إجابات أسئلة في دماغي من وأنا طفل صغير، وعارف إنه ممكن لو عرف يطردني بره بيته، حفكر ساعتها في ورث وفلوس ؟!!!! الراجل ده أنا عمري ما كنت في حساباته يا "شجن"، أنا لما رحت المزرعة، رحت أدور ليه أبويا سابني، مش بدور على فلوس، اه أنا حالتي المادية على قدها بس مش رايح طمعان فيه، أنا كان نفسي في أب، مش فلوس ...

صدقه إقتحم قلبها بدون منازع، دون ظن أو شك، إنه حقيقي ذو مشاعر حقيقة، نبرة الألم بصوته تحكي معاناته لسنوات وحيدًا فقيرًا، لا تحتاج لدليل آخر لتصديقه ، قفزت "شجن" بحركة رشيقة تجاه الطاولة الخشبية وهي تسحب حقيبتها، أخرجت منها الأوراق التي سجلها "اعيوب" بملكية ولده لكل ما يملك، أشارت بها بإتجاه "رحيم" قائله ...
- ظنك مش في محله يا "رحيم"، الراجل ده أول ما عرف بوجودك جه يدور عليك، كان نفسه يشوفك ويعوضك عن غيابه، ويعوض قلبه بيك، ده حتى كتب كل حاجة بإسمك، وصاني إن أنا ارجع لك حقك، لأنه معرفش يوصل لك، الورق ده أنا كنت مخبياه، كنت حدور عليك، أنا مكنتش أعرف إن إنت تبقى إبن عم "أيوب"، بس إللي أقدر أقولهولك، إنه نفسه أوي يشوفك، دور عليك كثير ووالدتك رفضت انها تعرفوا طريقك، هي اكيد كانت خايفه منه أو مش عايزه تقولك، بس هو ندمان، وكان نفسه إنك ترجع لحضنه وتاخد حقك وتعيش معاه ...

ببساطته التي عرفتها عنه في الفترة الماضية أجابها بلا إكتراث ...
- أنا مش عايز فلوس، أنا كنت عايز أعرف أبويا ...

عقبت "شجن" بشقاوة ...
- وماله زيادة الخير خيرين، إعرف أبوك وخد الفلوس ...

ضحك "رحيم" على خفة ظلها، أيام مرت شعر بالفعل بالقرب من هذا الرجل وطيبته، قلق على صحته ومرضه وتخوف من أن يؤذيه أحدهم، لقد أحبه بالفعل فقد عامله "أيوب" برفق دون أن يعلم أنه ولده، كان "رحيم" من لين القلب ليسمح بإعطائه فرصة للتكفير عن خطأه وقربه منه فهو ذو قلب رحيم بالفعل ...

أسرعت "شجن" تميل لإقناعه بالعودة لـ"أيوب" ...
- إدي له فرصة واحدة يا "رحيم"، هو مكانش يعرف إنك موجود، ولما عارف قلب عليك الدنيا، ومعرفش يوصل لك، اديك شايف هو قد إيه تعبان، إرجع له خليه يفرح بيك، أخدت الفلوس بقى أو ما اخدتهاش مش دي المشكلة، إرجع لأبوك و إسمع منه إعتذاره، إديه فرصة يعوضك، إنت حتى إللي قولت لي إن بعد الظن إثم، خليه يدافع عن نفسه وإفهم منه ...

أومأ بتفهم ليفكر بالأمر ويقنع والدته بالعودة للمزرعة للبقاء مع أبيه بأيامه الأخيرة ...
بقلم رشا روميه قوت القلوب

❈-❈-❈ــ

بعد ستة أشهر .....
أُعلن اليوم وبعد عدة شهور حُكم نهائي بالإعدام لـ"صباح الجزار" لقتلها عمدًا مع سبق الإصرار للسيدة "خيرية"، كما حُكم ببراءة "زكيه" مما نسب إليها من إتهام به، وزاد حُكم آخر لـ"صباح" لتشوية زوجة إبنها "ريهام" بعد أن القت عليها ماء النار بغير قصد، لكنها كانت تتعمد إيذاء "زكيه" و"فخري" بالتأكيد ...

بقلم رشا روميه قوت القلوب

حُكم قضائي تستحقه تلك السيدة التي لم تترك أمر شنيع إلا وقد فعلته من كذب وتضليل وأعمال السحر و الأذى، تطاولت على الجميع، عنفت كرهت فرقت بين الأحبة خدعت بكل سُبلها لتحقيق مصالحها الشخصية فقط، غِلظة قلبها جعلتها لا تحزن على فراق إبنها "مأمون" الذي توفي إثر هذا الحادث عندما صدمته تلك السيارة بذات الليلة التي تم بها القبض عليها أثناء هروبه وتخوفه من أن يتم الإمساك به من قِبل الشرطة ...

تدهورت حالة "حنين" بشكل كبير لكن ذلك لم يمنع "فريد" من السؤال عنها بين الحين والآخر فهي بالنهاية أم أولاده، لكنه رفض بشكل قاطع أن يعود زواجهما فيكفي ما لاقاه بتلك الزيجة وما تعاني منه بسبب سعيها لأذى غيرها ....

باشر "فريد" العمل بالعطارة بعد أن أعطى له والده مساحة كبرى بإدارة العمل بها لما وجده به من إلتزام وإستقامة وإهتمام بالعمل ومصلحتهم محافظًا على أموالهم بأمانة أثارت إعجاب "فخري" وقربت بينهم الى حد كبير ...

تزوجت "راويه" من "عشري" بحفل زفاف بسيط للغاية بحضور والدها وأخيها منذ ثلاثة أشهر وها هي تعيش ببيت زوجها بحياة منعمة مستقرة بعيدًا عن بذخ المال، لكنها حياة ستبدأها بالمحبة والتفاهم والإنسجام، لتطوي صفحة سوء والدتها إلى الأبد متمنية بداخلها ألا يتغير "عشري" ويذكرها بما فعلته والدتها من أفعال مقيتة والزج بها في السجن ...
بقلم رشا روميه قوت القلوب

طلب "فخري" من "زكيه" الزواج لتحقيق أمنية تمناها منذ زمن بعيد لتوافق "زكيه" على طلبه لكنها إشترطت عليه بأن تسكن ببيت آخر بعيدًا عن بيت النجار فيكفيها ما رأته به من ضيق نفسي وإذلال، لتدور حياتها بمنعطف جديد مغمورًا بالراحة والسكينة ورغد العيش، فما رأته من "فخري" كان بمثابة عوض وجبر لحياتها ومعاناتها طوال عمرها الماضي ...

لم تحبذ "زكيه" إستقرار حياتها بعيدًا عن بناتها، لكنها إطمئنت على حال "شجن" بعد أن طلبها "رحيم" للزواج وتم عقد قرآنهما بالشهر الماضي ببيت الأيوبي بالنوبارية بعدما وافقت والدة "رحيم" -نعمة- بالعودة إلى هناك ليعقد عليها "أيوب" مرة أخرى بعد أن طلب منها مسامحته على خطئه الذي لا يغفر، فقد ندم أشد الندم لفقدانها ...

تحسنت أحوال "أيوب" الصحية بشكل ملحوظ ربما عاد ذلك لسعادته بعودته للحياة بوجود "نعمة" وإبنه "رحيم" وزوجة إبنه الجميلة "شجن" والتي يعتبرها بمثابة إبنة له أيضًا ...

إضطرت "نغم" للعيش مع عمها ووالدتها بعد تركهم لبيت النجار، فهي لم تستطع تجاوز ما حدث معها من "مأمون" بتلك السهولة فقد تأثرت نفسيتها الهشة بذلك المخطط الشيطاني لـ"مأمون" و "ريهام"، وبرغم محاولات "بحر" المتعددة للتقرب من "نغم" إلا أنها مازالت متخوفة رغم ما تشعر به من إنجذاب تجاهه، ليطلب منها العودة للعمل معه بالمكتبة ليساعدها تعاملها مع الناس بتحسن أحوالها النفسية، وهي فرصة له أيضًا للتقرُب منها بشكل أفضل حتى يستطيع إستمالة موافقتها على الزواج منه ...

بخروج جميع أفراد عائلة النجار من البيت أصبحت فرصة "بحر" سانحة للحصول على بيته وبيعه لهذا المستثمر الأجنبي لتنتعش أحواله المالية بثراء شرعي حلال، لكنه تمنى أن تكلل أحلامه بوجود "نغم" زوجة له، لهذا أعد بيتًا رائعًا فاخرًا للغاية بإنتظار سماع موافقتها بيوم من الأيام ....
بقلم رشا روميه قوت القلوب

❈-❈-❈ــ

بعد القبض على "إسراء السويسي" وأخيها "أسعد" بعد فشل مخططهم بإفساد حياة "خالد دويدار" وتلفيق التهم له، ومساعدة أعداء الوطن كـ المدعو "أحمد علام"، تم الحكم عليهم بالسجن سبع سنوات، كما تم الحكم على "فوزي" و"أم مجدي" بالإشتراك معهم، تم زج الطبيب "أمين عبد الناصر" بالسجن لأعماله المنافية لشرف المهنة وشطبة من نقابة الأطباء لقيامة بعمليات مشبوهة بعيادة الطبيبة "منار الهواري" ...

لم تستطع الشرطة الوصول لمحل إقامة "رشيد" فقد إختفى تمامًا بعد كشف خُدعته دون التوصل إليه، لكن هناك أقاويل بأنه قد سافر للعمل بأحد المدن الساحلية هاربًا من أن يتم القبض عليه ...
بقلم رشا روميه قوت القلوب

❈-❈-❈ــ

ستة أشهر قضتها "عتاب" بداخل السجن بعد أن حُكم عليها بالمؤبد لشروعها بقتل أخيها "عاطف" ومحاولة قتل زوجته "وعد"، فقد أعتبر القاضي أن "عاطف" قد صُدم بسقوطة مما جعل وفاته أمر محتوم، لكن "عتاب" حاولت رغم ذلك بإنهاء حياته بخنقه بيديها للتخلص منه، خمس وعشرون عامًا ستقضيهم خلف أسوار السجن كعقاب على ما إقترفته ...

تولت "قسمت" الإهتمام برعاية بنات "عتاب" بعد أن حُكم بالسجن على أمهم، وربما هي فرصة لها لإنشائهم تنشئة سوية صحيحة، تتدارك فيها أخطائها التي وقعت بها بتربية "عاطف" و "عتاب" ...
بقلم رشا روميه قوت القلوب

شقة وعد ومحب ...
دارت "وعد" حول نفسها تنظر لملامحها بالمرآة بأنف معقوص وشفتين ممطوتتان بضيق، ليطل هذا الوسيم من خلف كتفها يميل تجاهها بمحبة ...
- الجميل زعلان ليه ؟!!!

أشارت "وعد" لفستانها الفضي الملفوف حول جسدها بقوة مردفة بإستياء ...
- الفستان إتحشر يا "محب"، أنا بقيت زي الفيل، شوف وشي تخن إزاي كمان !!!!!

إتسعت إبتسامته ليقبل وجنتها بعشق متلذذ بجمالها مهما تغيرت ...
- ده إنتِ كنتِ قمر، بقيتي قمرين ...

إلتفت تجاهه تلومه ...
- إنت بتضحك عليا يا "محب"، أروح الفرح إزاي دلوقتِ، ده فرح أختي ينفع أروح بالشكل ده !!!!

ضحك "محب" بجاذبية وهو يعبث بانفها الدقيق ...
- ما هو لازم يا حبيبي، مش إنتِ حامل في "زعتر" إبننا لازم يكبر في بطنك ويبان كدة قدام الناس هو إبن أي حد ولا إيه ...

إندهشت "وعد" بنفور من هذا الإسم العجيب ...
- "زعتر"، حنسمي إبننا "زعتر" يا "محب" ...؟!!!

- مش إنتِ بتتوحمي على "زعتر" عاوزاني أسميه إيه بس ...

تفكرت "وعد" قليلا ثم أجابته بنعومتها التي يعشقها ...
- أنا عاوزاها بنت وأسميها "حور"، "حور محب" ...

- يا عيني على التاريخ، فرعوني كمان، وأنا كمان نفسي في بنت تكون شبهك أوي، إن شاء الله المرة الجاية لما تروحي للدكتورة نشوف هي بنت ولا ولد ...

إلتفت تطالع فستانها لمرة أخيرة بالمرآة ...
- إن شاء الله بنت، إن شاء الله "حور محب"، ثم إنتبهت للوقت، يلا يا "محب" حنتاخر على فرح "عهد" إحنا ما صدقنا وافقت تتجوز ...

إنتهيا من التانق وإرتداء ملابسهما المناسبة للسهرة والتوجة للقاعة التي سيتم بها زفاف "عهد" الليلة ...
بقلم رشا روميه قوت القلوب

❈-❈-❈ــ

ورود بيضاء متدلية متداخلة باللون الأرجواني بدرجاته الخاطفة للأنفاس بشكل خلاب، حاوطتها مصابيح تتألق باللون الأبيض الكريستالي بشكل مبهج رائع، تجهزت تلك القاعة الكلاسيكية الفخمة لهذا الإحتفال الغير عادي، زين ممشى من الورود البيضاء يحفها من الجانبين باقات من الورد الچوري الأرجواني ومصابيح كريستالية أيضًا، سعادة حفت الحضور جميعًا فهذا اليوم مميز للغاية، إنه يوم تتويج عروسين كانا من الصعب أن يلتقيا، عشق تولد وسط المعارك وضربات الرصاص، تآلفت قلوبهم صعبة المراس بصورة أقوى من أن تهتز، لقد بنيت بينهم ثقة وروابط كالفولاذ، ليسا مجرد حبيبن عابرين، إنهما "عهد" و"معتصم" ...

بقلم رشا روميه قوت القلوب

إن كانت جميع حفلات الزفاف عادية، زفافهم ليس عاديًا بالمرة، جميع المدعوين كانوا يظنون أن من قوة شخصية كلا منهما لن يقعا بالغرام مطلقًا، ظنوا أنه لن يُحضر زفاف لهم، فهم أصعب من أن يختار كل منهم شرك لحياته، كانت الفكرة السائدة هي أن "عهد" لن تجد من يرضى بها لخشونتها و عدائيتها، لن تقبل الزواج بعد خذلانها من والدها وما رأته من معاناة بجميع نساء عائلتها، أما "معتصم" فلم تكن هناك من تلفت أنظاره وتجعله يفكر يومًا بالإرتباط، بل ظن أنه ليس هناك وجود للعشق ...

لكن اليوم تُحطم تلك الظنون ويتوج عشقهم الصعب بزواج ميمون، يحضره الأهل والأصدقاء والأحبة ...

موسيقي هادئة تموج بالأجواء بإنتظار وصول العروسين، لتعلو إبتسامات ومباركات بين الجميع ...

جلست "زكيه" بأحد الطاولات المزينة بورود بيضاء وأنوار متلألئة حول زجاجها بمشهد أنيق مبهج للنفس، إرتدت فستان أسود بسيط يناسب شخصيتها الهادئة المُحبة، يظهر جمالها رغم كِبر سنها فمازالت تتمتع بحُسن رائع جذب هذا الجالس إلى جوارها، المحب صاحب الزيجة المتأخرة -"فخري"-، حضرت "شجن" برفقة "رحيم" زواج إبنة خالتها اليوم فلن تفوت تلك المناسبة السعيدة مهما كان بُعد المسافة بين بيت الأيوبي الذي تقطن به الآن مع زوجها "رحيم" وبين أهلها، جلست إلي جوارهم أيضًا تلك اللؤلؤة اللامعة "نغم" وقد رسمت فوق شفتيها إبتسامة بسيطة تسترجع ليلة زفافها من "مأمون"، تلك النظرة الحزينة التي توسطت مقلتيها ولم يفهمها سوى "بحر" الذي لم ينتظر لأكثر من ذلك وإقتحم هدوئها بطلب مباشر ...
- مش كفاية بقى تعب، ننسى إللي فات و إللي المفروض منفكرش فيه أصلاً ونتجوز بقى ...

رفعت عينيها التي تخفي بهما نظراتها الحزينة ...
- إنت إزاي كدة ؟؟! ليه مزهقتش مني طول الست شهور دول ؟!!

- أزهق منك !!!!! ده أنا لو أطول حفضل طول عمري مستنيكِ ...

إبتسمت "نغم" بخجل لتطأطئ عينيها قليلًا حين إستكمل "بحر" ...
- أظن كفاية كدة، يلا نتجوز يا "نغم"، يلا نفرح وننسى أي زعل فات، بلاش تفضلي تعاقبي نفسك على إختيار واحد غلط، مينفعش نوقف حياتنا عشان فشل تجربة ...

تنهدت "نغم" بتخوف ...
- خايفة يا "بحر" ...

- معايا مش عايزك تخافي أبدًا، إوعي تظني كل الناس زي بعضها، لأ، زي ما الدنيا فيها "مأمون" فيها برضه "بحر"، ها قولتي إيه ؟؟!...

تطلعت نحوه لبعض الوقت لتفكر لما لا تعطيه وتمنح نفسها فرصة لبدء مرحلة جديدة مع شخص مثل "بحر"، يتتوق لفرصة ليسعدها بها ...
سحبت شهيقًا طويلًا ثم أومأت بالإيجاب لرد بالموافقة، إشارة دبت السعادة بقلب "بحر" الذي إنتظر هذا الرد منذ شهور عدة ...
- أخيرًا حبيبي ...

إتسعت إبتسامتها خجلًا لتزيد من حُسنها وطلتها الساحرة، أشار نحو "زكيه" بعينيه ثم همس بتعجل ...
- أنا حطلبك دلوقتِ حالًا من والدتك ومن عمك، كفاية كدة بقى ...

حركت رأسها بالإيجاب ليسرع محدثًا "زكيه" قبل أن تتراجع "نغم" ..
- خالتي "زكيه"،من غير مقدمات وكلام كتير، وقبل ما "نغم" تغير رأيها تاني، أنا طالب منكم إيد "نغم" حالًا، بس تقولوا أنكم موافقين حنتجوز فورًا، البيت جاهز وكل حاجة جاهزة مستنية بس موافقتكم إنتوا و"نغم" ...

فرحة زادت فرحة بطلب "بحر" الذي أشرقت له ملامح "نغم" المنطفأة، أجابت "زكيه" و "فخري" بالموافقة ...
- يا ريت يا إبني، هو فيه منك، ده يوم المنى ...

عقب "فخري" بسعادة ...
- إنت ونعم الرجال يا "بحر" يا إبن أخويا، وإحنا موافقين يا إبني ...

رفع "بحر" كفيه يطالبهم بسرعة قراءة الفاتحة ...
- نقرا الفاتحة بقى كلنا ...

سعادة حفت تلك العائلة بقراءة الفاتحة وخطبة "نغم" بعد موافقتها أخيرًا بـ"بحر" ، وسيحدد موعد بالقريب لزواجهم السعيد، جلس "بحر" إلي جوار "نغم" بسعادة فقد إقترب من تحقيق أملًا حلم به منذ لقائها لينتظرا مع بقية المدعويين حضور العروسين ...

بقلم رشا روميه قوت القلوب

وصلت "وعد" برفقة "محب" والصغير "زين" لتحيي بالبداية خالتها وبناتها بمحبة لتدعوها "زكيه" لمشاركتهم طاولتهم الكبيرة ..
- تعالي حبيبتي أقعدوا معانا، ما شاء الله إنتِ في الكام دلوقتِ يا "وعد" ؟!!

تلمست "وعد" بطنها المستديرة بمحبة قائله ...
- في الثالث يا خالتي، إدعيلي ...

- ربنا يتمم حملك على خير ويقومك بالسلامة يا رب ...

شاركتهم "وعد" الطاولة ليجلس "محب" إلي جوارها متفاخرًا بوجودها بحياته، فحياته أصبح لها طعم جديد بوجود "وعد" بها، وها هو طفل صغير سيأتي بالقريب ليتوج حياتهما السعيدة بوجوده مع "زين"، حين تلتف الأعين بين هذا وذاك، لم تحيد عيني "محب" العاشقة عمن سرقت قلبه "وعد" ...
بقلم رشا روميه قوت القلوب

❈-❈-❈ــ

دارت "منار" هنا وهناك ترحب بالمدعويين من الأهل والأصدقاء وأسرة "زكيه" وبناتها و "وعد" و"محب" برقي يناسب تلك السيدة التي لها عظيم الشأن، دورها الهادئ بتنشئة أبنائها خلق منهم نفوس سوية، لا تكبر أو جبروت، يقدرون قيمة زوجاتهم وعائلاتهم بسبب وجود إمرأة كـ "منار" ورجل ذو مبادئ كـ "خالد" ...
بقلم رشا روميه قوت القلوب

مرت "منار" بـ"رؤوف" و"مودة" قائله بسعادة ...
- خلاص بقى الدور عليكم، نخلص فرح "معتصم" و"عهد" ونحضر لفرحكم بقى، وأدينا كتبنا الكتاب يا "رؤوف" عشان كنت متضايق أوي إننا أجلنا معاد فرحك بعد فرح "معتصم" ...

تطلع "رؤوف" ببسمته الشقية بين "موده" حبيبته والتي تم عقد قرآنهما بالشهر الماضي وفي إنتظار تحديد موعد مناسب لحفل الزفاف، وبين والدته مُحبته الأولى بحياته ..
- ربنا مبحرمناش منك يا أحلى حاجة في الدنيا ...

ضحكت "منار" وهي تشير تجاه "رؤوف" محذرة "موده" ..
- شوفتي، مش حيبطل أبدًا كلامه الحلو ده ...

ببسمة رائعة توسطت وجه الجميلة "موده" ...
- الصراحة يا طنط لو الكلام الحلو ده كله عليكِ أنا موافقة جدًا ...

ضحكت "منار" معقبة ..
- إيه ده، ده علمك الكلام الحلو أهو برضه، مؤثر أوي يا "رؤوف"، بس زي العسل إنتوا الإتنين، ربنا يفرح قلوبكم يا ولاد ...

رفعت "منار" عنقها بتساؤل ..
- أمال فين "عيسى" و"غدير"، مش شايفاهم من بدري ؟!!

ضحكت "موده" بشقاوة ...
- بيتخانقوا هناك أهم ...

فُجعت "منار" من مناوشتهم تخوفًا من أن يتكرر معهم ما حدث في السابق، تركتهم "منار" متجهة نحو "عيسى" و "غدير" ليبقى "رؤوف" و "موده" يستكملان حديثهما المتناغم دون الإهتمام بمن حولهم كما لو كانوا لا يرونهم بالمرة، حتى تلك العيون المراقبة لهم بتحسر، لم يشعرا بها وهي تقف بتلك الزاوية وقد علقت عبرة خانقة باهدابها لخسارتها التي تستطع تجاوزها ...

وقفت "نيره" بضيق نفس تطالع هذا الإنسجام بين "رؤوف" وتلك الفتاة، لم يختلفا أو يتذمر أحدهما من الآخر كما كان يحدث معهما من قبل، حتى بحديثهما ترى "رؤوف" منسجم، مبتسم طيلة الوقت، تكاد عيناه تشرق من سعادته الواضحة على ملامحه اللطيفة، وهي أيضًا لم تثني عيناها عنه بل كانت تضحك وتتسامر معه بإنسجام لم تحظي "نيره" به مع "رؤوف"، ترى هل بعد ما رأته بعينيها ستتعلق بأمل عودته لها، بالطبع لا، جرجرت "نيره" ساقيها بتحسر فقد فقدت قلب لن يمكنها تعويضه حتى وإن ظننت ذلك، فإن بعض الظن إثم ...
بقلم رشا روميه قوت القلوب

أسرعت"منار" متجهة نحو "عيسى" و "غدير" بعجالة، وجدت "غدير" مقتضبة بشكل كبير بينما وقف "عيسى" يزم شفتيه بإنهاك ...
- مالكم يا ولاد، زعلانين ليه تاني ؟!!!

أشار "عيسى" تجاه "غدير" يشكوها لوالدته ...
- شوفي يا ماما بتقول إيه ..؟!! ده حتجنني !!!

- مالك يا "دورا"، إيه إللي حصل ؟؟!!

مطت "غدير" شفتيها بإستياء وهي تشير لبطنها المنتفخة ...
- "عيسى" مش راضي يخليني أرقص رقصة البطريق، ينفع كدة يا "منووور" !!!!

إرتخت ملامح وجه "منار" المقتضبة لتضحك لشقاوة "غدير" التي لن تنتهي ...
- البطريق !!! إنتوا بتتخانقوا على رقصة البطريق ..!!!

عقب "عيسى" بإنفعال رغم ضحكاته التي يحاول إخفائها ...
- بطريق إيه بس، هو يعني عشان بطنك المكورة دي وإنتِ قصيرة كدة تقوليلي عايزة ترقصي رقصة البطريق ؟!!

- شايفة يا طنط، طب والله لما ييجوا البيبهات مش حخليك تلعب معاهم، هاه !!

إنها ألطف المناوشات على الإطلاق، فحتى بإنفعالها مضحكة، تعالت ضحكات "عيسى" ليردف بحنو ..
- طب خلاص، متزعليش، إرقصي البطريق، ولو إني مش عارف حتتحركِ إزاي كدة أصلًا ...

وقفت "غدير" بتثاقل وهي تحرك ذراعيها فقط فلم تستطع السير لخطوة واحدة ...
- أهو، شايف الخفة ...

ربتت "منار" بلطف على ذراع "غدير" ..
- إنتِ جميلة على طول، هو فيه مامي حلوة كدة، بس خدي بالك الحمل في التوأم محتاج هدوء في الحركة شوية، خصوصًا إنك دخلتي السابع، وإحنا عاوزين نعدي النهاردة على خير ومتولديش في الفرح ...

ربتت "غدير" فوق بطنها تُحدث ولديها ...
- لأ هم بيسمعوا الكلام وحيناموا لحد ما الفرح يخلص، "تيمون" و"بومبا" بيسمعوا كلام مامي ...

فاه "عيسى" بالأسماء التي أطلقتها "غدير" على ولديه ...
- مين دول اللي "تيمون" و"يومبا" ..؟!! ولادي أنا إسمهم "تيمون" و"بومبا" ؟!!!!!!!

دفعت "غدير" بعنقها للأعلى بتحدي ..
- أيوة، ولادي وأنا إللي حسميهم، "تامر" يبقى "تيمون"، و"بسمة" تبقى "بومبا"، إيه عندك مانع !!!!!

نظر "عيسى" لوالدته لتساعده بما تستفزه به "غدير" ..
- ردي إنتِ يا ماما، قال "تيمون" و"بومبا" قال !!!!

ضحكت "منار" لتنهض مبتعدة عنهما ...
- والله إنتوا الإتنين دمكوا شربات، أنا حروح أشوف "خالد" عشان هو إللي حيجيب العروسة ويسلمها لـ "معتصم"، عشان ملهاش حد يوصلها ليه ...

بقلم رشا روميه قوت القلوب
كما لو أنه كُتب عليهم أن يكونوا عائلة لثلاث فتيات أيتام، يطوقونهن برعايتهم وحنانهم وإهتمامهم، فبعد "غدير" و "موده"، أتت "عهد" لتأخذ محلًا بين عائلتهم بمحبة وليس تفضل ...

عادت "غدير" لمقعدها بإنهاك قائله بجدية ..
- أنا تعبت، (ثم أكملت بمزاح) الظاهر مش حعرف أرقص رقصة البطريق ..

دفع "عيسى" مقعده مقتربًا من مقعدها قائلًا بمحبة ..
- أحلى بطريق في الدنيا ..

- حبيبي يا "إيسو" (ثم تذكرت أمرًا لتسأله)، صحيح إنت معزمتش "سندس" ولا إيه ؟!!

- كلمتها، بس تقريبًا من ساعة ما سابت المكتب شكلها مش عاوزه يكون فيه تداخل بينا كتير ..

رفعت "غدير" حاجبيها وأهدلتهما مكتفية بذلك فقد بدأت تشعر بتوعك على غير العادة لتتمنى أن تنقضي الليلة على خير، فهي لا تود أن تلد بشهرها السابع أو اليوم بالتحديد فهو يوم زفاف "معتصم" الذي ينتظره الجميع ولن تفسد الأمر ...

تذكر "عيسى" رفض "سندس" البقاء للعمل معه بالمكتب بعد إعترافها له بحبها، وأنها لن تستطيع البقاء بلا أمل، وفضلت العمل بمكتب آخر لكنها أكملت معه قضية "رمزي" بعدما وجد الورق بحوزة "أم مجدي" وتسليمه له عن طريق الشرطة، إستطاع "عيسى" ربح القضية والحكم ببراءة موكله، تلك القضية التي رفعت من إسمه وسمعة مكتبة لتنهال عليه القضايا الهامة الواحدة تلو الأخرى بفضل إستقامته ونزاهتة كوالده تمامًا ...
بقلم رشا روميه قوت القلوب

تعالت دقات الطبول والأضاءات الحماسية معلنة قدوم العروسين، وقف "خالد" برفقة "عهد" يخطو معها خطوات لبداية مستقبل جديد كزوجة لولده "معتصم"، هذا الضابط الهمام ..

كما لم تكن من قبل وقفت "عهد" ترتدي فستان زفاف أبيض ناصع مرصع بكريستالات كنجوم تضئ بسماء الليل الصافي، فستان مخملي محدد بجسدها الممشوق وطولها المميز، ملحق به جزء خلفي طويل للغاية ليعطيها لمحة أرستقراطية أنيقة لبقت لشموخها، جميلة بشكل هادئ كملكة توهجت بهالة من الضياء، تدلت خصلات شعرها المصفف بعناية كلوحة من العصر الفيكتوري، لتظهر كأميرة للأحلام، لكن أكثر ما ميز ملامحها إختلافًا تلك الإبتسامة الرائعة التي تحلت بثغرها لسعادتها اليوم ...

شعرت بدقات قلبها تعلو صوت دقات الموسيقى وهي تخطو ببطء تجاه هذا الوسيم، فقد إنتظرها "معتصم"، إنتظرها بشوق حتى قبل أن تقع عيناه عليها، إنتظر أن تخطف قلبه وتمتلكه، إنتظرها لعقود حتى تأتي إليه، إرتدى حلته الرسمية السوداء ليزيده وسامة قميصه الأسود وربطة عنقه السوداء، أكسبته تلك الطلة فخامة وقوة ورونق مع حدة عينيه وملامحه الخاطفة للانفاس، لكن لمن يهتم سواها ...

تسلطت سوادوتيه على جمال ملكته التى تربعت بعرش قلبه، لقد ظن أن قلبه يملكه، لكنها سلبته منه وبإرادته، لقد ظن أنه لن يعشق و سقط صريع الهوى، لكن بعض الظن إثم ...

كل خطوة إقتربت بها "عهد" كانت تزيد من ضربات قلبه المتصاعدة حتى حان الوقت وسلمها له والده، وقفت إلي جواره بهدوء يختلف عن هذا الإضطراب بداخلها، وجدت نفسها تلقائيًا تمد كفها لتتخلل أصابعها الطويلة كفه القوي الحنون، شدد من ضغطته على كفها يخبرها بلمسة دون حديث (أنا معك وأحبك)، رفع كفه المتشبث بأصابعها الرقيقة ليقبلها بعشق وهو يحني رقبته قليلًا ، حرر كفها من شفتيه الممتلئتان واضعًا إياه فوق ذراعه، ثم ضغط بكفه فوق كفها الرقيق يتأكد أنها برفقته حقًا وأن هذا ليس مجرد حلم جميل، نظر تجاهها فلم يعد يرى سواها، هي فقط ...

تناست "عهد" المحيطين بهما لتنظر بعسليتها بداخل تلك البؤرة السوداء التي إخترقت نفسها منذ لقائهما الأول، كادت أن تبكي فهل تستحق تلك السعادة ..

مال "معتصم" فوق أذنها قائلًا بصوته الشجي ..
- بحبك ...

تنهدت بقوة فقد كاد قلبها يخلع من صدرها ثم همست بدورها ...
- بحبك ...

أشار لهم أحد المختصين بترتيب حفل الزفاف ..
- إتفضلوا على القاعة عشان كتب الكتاب ...

مع أنغام موسيقى حماسية دلف العروسين لداخل القاعة فقد إنتظرهم الشيخ لعقد القرآن وسط هؤلاء المتجمعين لزفافهم اليوم ...

دقائق وأعلن "معتصم" و"عهد" زوجًا و زوجة لتنتهي مراسم عقد القرآن قائلًا بهمس ..
- أخيرًا بقيتي ليا، يا متوحشة ...

رفعت حاجبها بنوع من التحدي فهي ليست من يرضخ بسهولة، إنها بطبعها شخصية متمردة وإن أحبته، ستظل على قوتها فالمحبة قوة وليس ضعف ...
- لو كان عاجبك ..

إبتسم "معتصم" بثقة فهو أيضًا له قوة وحدة وهي فقط من إستطاعت إستثناسه ..
- من ناحية عاجبني، عاجبني، بس إستحملي بقى ...

إن كانت إستطاعت إستئناس هذا النمر الشرس، فهو من إستطاع ترويضها ...
- مش حتقدر عليا ...

إلتف لها بجسده كاملًا قائلًا بتهكم من إدراكها المتأخر ..
- مش حقــــــدر عليـــــــكِ !!! أنا قدرت خلاص، كفاية إن النهاردة فرحنا ..

للحظة غلبت الأنثى لتتقبل بعض من الرضوخ وليس كل الرضوخ، فمهما كانت قوية، إلا أنها تحتاج لمراوغ أقوى، يقف حاميًا لها يكسبها من قوة حنانه، وقسوة دفاعه عنها، وليس تحطيم قوتها وكسر أنفها، القوة تتعاظم بالمحبة وليست بالكسر، القوة قيادة النفس وليست قهر الآخرين ...

كونها إمرأة قوية فلا يعني ذلك أنها لا تخطئ، لا تحترم شريكها، لا تملكه القيادة، فكل ذلك أفكار خاطئة، قوة المرأة القوية في الحفاظ على مكانتها و رأيها وإعطاء زوجها زمام الأمور، أن تحترم شريكها فيبادلها الإحترام بنفس القوة، إنها ليست عادية لكنها فارقة مميزة لا تشبه غيرها من النساء فهي أجمل إستثناء ...
بقلم رشا روميه قوت القلوب
تقدم "نظمي" تجاه "معتصم" و"عهد" يبارك لهما على زواجهم السعيد ..
- مبروك، حياة سعيدة إن شاء الله ...

ثم طلب منهما الإنزواء قليلًا عن بقية المدعويين ..
- ممكن لحظة عاوزكم ضروري ...

تحرك "معتصم" و"عهد" برفقة "نظمي" الذي زفر بقوة قبل أن يبدأ حديثه ...
- أنا عارف إنه مش وقته خالص، بس فيه مُهمة معقدة أوي وحساسة جدًا ومفيش غيركم إنتوا الا؟تنين إللي ممكن يقوموا بيها، ها إيه رأيكم ؟!!

نظر كلاهما لبعضهما البعض يكتمان تلك الضحكة لحظهما العثر، ليجيبا بحماس أيضًا فلا يمكنهما التراخي عن مهمة لصالح وطنهم ..
- تحت أمرك يا فندم ...

حرك "نظمي" رأسه بقبول ...
- كنت متأكد من ده، أنا حكون في الجهاز، شوفوا حتقدروا تتحركوا إمتى، وبعتذر لكم مرة تانية، سلام ..

غادرهم "نظمي" لينظر "معتصم" لـ"عهد" ممازحًا ...
- بقولك إيه، مهمة مش مهمة إحنا حنتجوز الأول، ده أنا طلعت عيني عقبال ما وافقتي، ده أنا ما صدقت النهاردة فرحنا، ولا يمكن حسيبك أبدًا ...

ضحكت "عهد" معقبة ...
- تحت أمر القائد، إللي يقوله عليا السمع والطاعة، وأنا إللي كنت فاكرة إن الدنيا خلاص ضحكت لي، أما صحيح - إن بعد الظن إثم - ...

ليس للحياة قيمة إلا إذا وجدنا ما نحارب لأجله، فحتى وإن أحاطت بنا الهزائم فما خلقنا لننهزم، لا يجب علينا أن نستسلم لظلم الظنون، فنخسر حلو حياتنا لأجل وهم بعقولنا ..
تعليقات



<>