الخمس بنات
(الجزء الرابـع)
بقلم ايمان طايل
بدر يفضل قاعد جنب أميرة وبسبب الارهاق الشديد يسند رأسه ع الكرسي لورا وينام نوم عميق ...
(عند هدي بعد الفجر .. )
هدي خلصت العصير وتسيب الكوبايه وبحزن تقول: فلما أميرة كلمتنا وهي منهارة كدا كان لازم أروح واشوف فيه ايه ولقيتهم كانوا عايزين يجوزوها ..
ودموعها تنزل بشدة وتكمل.. بس هي ماستحملتش ضغطهم عليها والعذاب الي كانت فيه وبسببهم عملت كدا واخدوها المستشفي وانا كنت لوحدي واكيد مش هشوف أختي بتتعذب كدا وهتقتل نفسها وهسكت.. فهددت عمي وقولتله اننا عرفنا مكان المخدرات وانها تحت بيتنا ف الخندق.. وبعدها حصل كل دا.. وتنهار م البكا..
حسام يبصلها بنظرة حزن ويقرب منها: هدي ..انتو فكرتوا صح ف انكم تبلغوا عنه بعد ماتسيبوا البيت عشان تبعدوا عن القضية بس دلوقتي عمك نقل البضاعة م البيت خلاص ف مفيش دليل إدانه ولو اخواتك عملوا كدا هيدخلوا ف مشكلة تانية لاننا بالفعل عارفين ان عمك بيتاجر ف المخدرات..
بس اوعدك ان نهاية فساد عاشور وولاده هتكون ع ايديا قريب..
احنا كل المعلومات الي كانت عندنا انه مخزن البضاعة ف الوكالة لكن اول مرة اللغز يتحل ونعرف انه كان دافنها تحت الارض.. بس الي حصل دا هيبقا ف صالحنا لانهم بدأو يظهروا والجُحر الي كانوا بيداروا فيه أخيرا سابوه واللعب هيبقا ع المكشوف بعد كدا وهنوصل ان شاءالله للراس الكبيرة الي بتصدر لعمك البضاعة دي..
هدي تبصله بحزن وتوتر : طيب طيب انا واخواتي هيحصلنا حاجة!؟
حسام بتردد: هو المفروض انكم تتعاقبوا بسبب تستركم ع اللي شوفتوه ومش بعيد تبقوا مشتركين ف القضية لان المخدرات كانت متخزنه تحت بيتكم وليها باب عندكم وانتو عارفين دا..
هدي هتبصله بصدمة : مشتركين؟؟
حسام بإبتسامه : متخافيش.. عمك اخد البضاعة خلاص ودلوقتي انا عارف السبب الي دفعكم لكدا ولا يمكن هستغل كلامك ضدكم.. بالعكس انا هساعدكم ع قد ماقدر لانـ..
ويبصلها جامد ويتوتر وهو بيتكلم .. لانكم تستاهلوا بجد و وعندكم شجاعة وترابط غير عادي ..
هدي بحزن: طيب وعمي واولاده ايه مصيرهم؟
حسام بتعجب: انتي لسه مهتمة لأمرهم بعد كل الي عملوه معاكم!!
ويبتسم وهو بيقول ..سبحان الله.. اللي يشوفكم لا يمكن يتخيل أبدا ان عاشور دا يبقا عمكم ولا يقربلكم حتي..
انتو بنات اخلاقكم عالية وجواكم خير كتير وبتخافوا ع بعض وكل واحدة بيهمها مصلحة اخواتها قبلها.. اما عاشور وأولاده كل واحد فيهم بيدور ع نفسه ومستعد يضحي بأخوه كمان عشان مصلحته الشخصية.
هدي هتبتسم وبنظرة حزينة: احنا عمرنا ما اختلطنا بعمنا ولا ولاده ودايما فيه حاجز مابينا بالرغم انه كتير كان بيفرض نفسه علينا.. بس بعد ما ماما توفت وهو استغل اننا لوحدنا وفكر انه ممكن يسيطر علينا ..بس احنا مش هنسمحله بكدا ابدا..
حسام هيبتسم : انا عمري ماكنت اتصور انك شجاعة اوي كدا يا هدي..
هدي بابتسامة ضعيفة : وليه يعني!
حسام بتوتر: يعني.. بنت جميلة زيك وهادية لا يمكن حد يتخيل ان جواها كل الشجاعة دي.
هدي اتكسفت ووشها بقا أحمر جدا وعينيها ف الارض وبصوت مهزوز: ولا حد بردو كان يتخيل ان حضرتك تبقا رائد.. وترفع عينيها عليه بابتسامة وتقول .. الا انا والله شكيت فيك من اول مرة اتكلمنا ..بس مش لدرجة رائد يعني.
حسام يضحك بصوت عالي وبتعجب: شكيتي فيا!! طيب ازاي بقا!
هدي : يعني.. شكلك مختلف وأسلوبك مختلف.. يعني انسان متعلم ومهذب اكيد هيبقا غير الي عند عمي دول.. اصلا اي حد يتكلم معاك هيشوف دا!
حسام بابتسامة : وانتي متخيلة اني اكلم بنت زي مابتكلم مع عمك ورجالته؟
هدي بتعجب: يعني انت كدا مع كل البنات!؟
حسام بضحكة: لا مش كلهم لاني بتعامل مع بنات مجرمات بردو..
هدي تبصله بتعجب وتوتر ..
حسام :هدي انتي لازم ترتاحي بقا وكفاية لحد كدا..
هدي بتعجب: ارتاح؟؟ ارتاح واخواتي معرفش عنهم حاجة؟؟ انا لازم اكلمهم الاول واطمـ..
حسام يقاطعها: ايوااا فكرتيني.. الرقم الي كلمتيهم منه اتصل عليا بس كنتي فاقدة الوعي وخفت أرد يخافوا ويحسبوني حد تبع عمك وما يردوش علينا تاني.
هدي بلهفة تقوم : بجد؟؟ طيب خليني اكلمهم ارجوك..
حسام بيطلع الموبايل :حاضر.. اتفضلي كلميهم..بس خدي بالك محدش يعرف عني أي حاجة.
هدي تاخد منه الموبايل بلهفة وهي بتقول :حاضر حاضر.
هدي تتصل ع الرقم وتلاقي فيه جرس..
هدي بلهفة: الووو..
رضوي بلهفة: هدي؟ كنتي فين! وحصل معاكم ايه! و..
هدي تقاطعها بتوتر : اهدي يا رضوى انا هحكيلك كل حاجة... انا انا كنت عمك وهربت ..
رضوي بلهفة: هربتي فين وحصل ايه اصلا؟؟
هدي دموعها تنزل: كانوا عايزين يجوزوا أميرة بالغصب انبارح وأميرة و.. و
هدي تبص لحسام وتلاقيه بيشاورلها وبيهمس: ماتقوليش انها حاولت تنتحر.. هدي هتهز راسها لتحت ..
رضوي بتوتر: وايه يا هدي؟؟ أميرة مالها؟؟
هدي بارتباك: و.. و عشان كدا كلمتنا وهي منهارة ..ولما روحت فقدت اعصابي وقولت لعمي اننا عرفنا ان في مخدرات تحت البيت وعمي حبسني انا كمان ف البيت وقال لاولاده ينقلوا البضاعة ويروحوا ياخدوكم كلكم عشان يجوزنا ليهم ونفضل معاهم علطول هناك..
رضوي ساكتة مصدومة مش بترد..
هدي بتردد: رضوي انتي سمعاني!!
رضوي بنبرة يأس وحزن شديد: كملي يا هدي.
هدي بحزن: و وبعدين هربت منهم و.. و ..وحمادة ساعدني.
رضوي بتعجب : حمادة مين؟؟
هدي بتوتر: الي كان بيقف قدام البيت.. اسمه حمادة وهو الي خرجني من عند عمك وبعدني عن البيت.. ودا موبايله الي بكلمكم منه.
رضوى بنبرة شك : انتي فين يا هدي دلوقتي؟؟
هدي بارتباك :انا انا معاه ف شقة ف الشارع الي جنب عمي.
رضوي بغضب : لوحدكم يا هدي؟؟؟!!!
هدي تبص لحسام بتوتر وتلاقيه مركز معاها توطي صوتها: متخافيش..
تقاطعها رضوى بغضب: يعني ايه مخافش دي؟؟ انا اهون عندي تفضلي عند عمك ..وانتي ليه وثقتي فيه كدا؟ هو اصلا بيشتغل عنده ومش بعيد يكون هياخدك لعمك وبيضحك عليكي..
حسام ياخد الموبايل من هدي: الو.. آنسة رضوى!
رضوى: لو سمحت قولي مكانكم فين بالظبط وانا هاجي اخد هدي.. شكرا ليك لحد كدا.
حسام بهدوء: طيب ممكن تسمعيني!.. انا عارف انك خايفة عليها بس والله انا مش هأذيها ودا الحل الوحيد الي كان قدامنا لان عمك ولاده بيدوروا عليكم ف المنطقة وكان لازم تداري..
ان شاءالله لما الوضع يهدي انا هوصلها لحد عندك..
رضوي تقاطعه: لا وانا هستني لما الوضع يهدي! انا هاجي اخدها حالا..
يقاطعها حسام: لو مصممة تعالي خديها وخلي ولاد عمك يشوفوكي وياخدوكم كلكم ويبقا كل الي عملتوه راح ع مفيش ..
صدقيني انا لو مش كويس مكنتش ههربها وأعرض نفسي للخطر مع عمك لانه كان موقفني ع الباب لما مشي واكيد هيشك فيا وعشان تطمني انا هخرج من الشقة واختك تفضل هنا..
رضوى بحدة: طيب اديني هدي..
حسام يعطي هدي الموبايل :ايوا يا رضوى!
رضوى بتعجب: وهو طالما ساعدك.. مجبتيش أميرة معاكي ليه؟!
هدي بتوتر: اصل..اصل..انا كنت تحت وأميرة كانت فوق ومعاها البنات.. وبعدين انا هربت بمعجزة ولولا هو كنت هفضل هناك علطول.. وكان لازم الاقي طريقة احذركم بيها قبل ولاد عمي ما يوصلوا عندكم.. وصحيح مقولتليش انتو مشيتوا قبل ما يوصلوا؟؟
رضوى: لا.. بس اتصرفنا ومشينا علطول ودلوقتي اسمعي الي هقولهولك..كمان ساعتين هيكون النهار طلع وانا واخواتك هنروح الموقف عشان لازم ابعدهم عن هنا..
هدي تقاطعها: هتروحوا فين؟
رضوي بشك: لما تيجي هتعرفي.. انا عيزاكي تطلعي تقابلينا لوحدك من غير حمادة دا.. انا مش عايزة مخلوق يعرف احنا هنروح فين.. سامعة!
هدي بتوتر: حاضر.
رضوي: اوعي تنامي يا هدي ..خليكي صاحية وتقابلينا كمان ساعتين عند الموقف ماتنسيش.
هدي : حاااضر.. بس .. وأميرة؟!
رضوي : انا هوصلكم وهرجعلها علطول وهتصرف.. اهم حاجه ان عمك مايطولش ولا واحدة فينا تاني..
هدي بهدوء: حاضر يا رضوى.
تقفل معاها وتبص لحسام..
حسام بإبتسامة: ليها حق تشك فيا.. انا عاذرها.
هدي بتعجب: ليه خلتني معرفهاش الي حصل لاميرة؟
حسام يقعد وهو بيقول : اختك دلوقتي ف مهمة صعبة وهي انها تنقذكم من عمك والجوازة والحياة الي هتتغصبوا عليها وعليها حمل اكبر عشان سابت البيت وعشان انتو متفرقين ..
ف لو عرفتيها ان أميرة ضعفت وحاولت تئذي نفسها كانت ممكن القوة الي عند اختك تتحول ف لحظة لضعف وتستسلم للامر الواقع وتبدأ تحميكم من انكم متتضعفوش وتنسي المهمة الاساسية..
زيك كدا انتي لما شوفتي أميرة ف موقف صعب لسانك خانك وحاولتي تحميها بأي طريقة لدرجة انك وقفتي قدام عمك وهددتيه بحاجة اخواتك حذروكي منها..
وبالرغم م كل دا لازم رضوى تفضل قوية قدامكم عشان تشجعكم تقاوموا وتقويكم ..
هدي واقفة بصاله باستغراب ومش بترد..
حسام هيرتبك من نظرتها : انا قولت حاجة غلط!
هدي بهدوء : بالعكس.. كلامك مظبوط.
حسام بلهفة: طيب ها؟ هتروحوا ع فين؟
هدي تسرح وهي بتقول: ماعرفش لسه.. هعرف لما اقابلهم..
حسام يبصلها وبابتسامة : بجد رضوى ذكية جدا..
لا وبتفكر ف كل كلمة بتقولها بس خوفها عليكم ممكن يبقا نقطة ضعفها وعشان كدا عايزك لما تقابليها تحاولي تخليها تفكر اكتر قبل ماتروح لعمك عشان اميرة.. عمك هيستغل أميرة ف انه يرجعكم كلكم.. خدي بالك يا هدي وحذري اخواتك.. عمك لو اتمكن منكم واخدكم عنده انتو هتعيشوا ف جحيم لاننا مراقبينه وقريب اوي هيتمسك وولاده وبعديها بيته والعز دا كله هيروح وانتو مستقبلكم هيضيع وهيبقا لا منكم اتجوزتوا وعيشتوا حياة طبيعية ولا منكم كملتم طريقكم سوا..
هدي هتسرح ف كلامه وتقعد بشويش وهي بصاله مش بتنطق ونظراتها كلها خوف وقلق ودمعتها هتنزل..
حسام هيقرب منها ويقعد جنبها وبحزن : انا مش بقولك كدا عشان تضعفي او تبكي.. انا بوضحلك عشان يبقا عندك دافع اكبر انك مترجعيش هنا تاني ولا تسمحي لاخواتك بكدا..
ويطلع منديل من جيبه ويمسح دموعها وهدي عينيها عليه وسرحانة وبعدين بشويش ترفع ايديها تاخد منه المنديل وتمسح دموعها..
حسام بهدوء: اهدي يا هدي.. كله هيبقا تمام ان شاءالله.. انا هراقبلك الشارع كويس الصبح وهجيبلك تكتك تبعنا وهياخدك للمكان الي هتقابلي فيه اخواتك..
هدي تبصله وبصوت مكتوم: طيب وانت! هتقول ايه لعمي؟
حسام : متقلقيش.. هحلها انا.. بس هحتاج منك خدمة بسيطة!
هدي بتعجب: خدمة ايه!
حسام يقوم يجيب حاجة م المطبخ تقيلة..
حسام بلهفة: عايزك تضربيني بدا..
هدي بتعجب : انت بتقول ايه؟؟
حسام : اسمعي الكلام يا هدي.. هو دا الحل.. ويلا لازم تخبطيني وبقوة وكانك بتدافعي عن نفسك بس حالا عشان أعالج الخبطة..
هدي بتعجب: تعالجها؟؟
بقلم إيمان طايل.. Eman stories
(ف المستشفي...)
النهار بدأ يطلع ..
وبدر يفوق م النوم لما يسمع صوت الممرضة بتكلم أميرة بعد ما خلصت المحلول وبتطمنها انها بقت كويسة ..
يفتح عيونه ع أميرة الي رجعت زي الزهرة الجميلة تاني ورجعت ليها الحياة ولكن لسه فيه بعض الضعف الي ممكن يتعالج بالانتظام ع الادوية.
بدر بصوت ضعيف:عاملة ايه دلوقتي!
أميرة تبصله بحزن ومش هترد وتغير وشها لناحية الممرضة..
الممرضة هتبصله:هي كويسه بس لازم تنتظم ع العلاج.
بدر :طيب نقدر نمشي دلوقتي!
أميرة تقاطعهم :انا عايزة اروح دورة المياه.
بدر يقوم بلهفة: هصحي نسمة تروح معاكي.
أميرة بارتباك: لا لا خليها انا هروح مع الممرضة.
الممرضة تبصله :متقلقش ..انا هروح معاها وهجيبها.
بدر بنظرة شك: طيب.
الممرضة تسند أميرة ع دراعها ويطلعوا م الأوضة..
بدر يجري ع نسمة ويفوقها ويقولها تروح وراهم وتفضل معاها وتجيبها.
الممرضة هتوصل أميرة وتقف تستناها..
أميرة هتبصلها وبارتباك :انا انا بقيت كويسة خلاص.. هخلص وارجع لوحدي .
الممرضة بابتسامة :طيب مش هتحتاجي اي حاجه!
أميرة : لا شكرا ليكي.
تمشي الممرضة وتروح اميرة تبص م الباب بشويش تلاقي نسمة جاية..
هتدخل بسرعة وتستخبي ورا الباب..
نسمة هتدخل ع جوا علطول ف دورة المياه وتروح عشان تغسل وشها..
أميرة هتتسحب من ورا الباب ونسمة مش شيفاها وتطلع تجري بسرعة وهي قلبها بيدق جامد ومرعوبة ومتوترة..
هتوصل عند سلم المستشفي وبتجري بسرعة وبتبص وراها تتأكد انهم مش شايفينها ..
وهي بتنزل شعرها يجي ع وشها وبسبب لهفتها وارتباكها تتكعبل ع السلم ولسه هتقع تلاقي حد مسكها بسرعة وسندها..
أميرة ترفع عينيها بلهفة وتتخض وتبعد وهي بتقول:بدر؟!!!
بدر يمسكها بقوة من ايديها الي بترتعش وبغضب :كنتي رايحة فين؟؟
أميرة بتحاول تشد ايديها وتبعد عنه لكن قبضته أقوي دموعها هتنزل وهي بتقول بغضب: أنا مش هرجع معاكم ..انا مش هرجع البيت دا تاني.
بدر يشدها جامد وبعصبية: امشي يا أميرة والا همد ايدي عليكي..
يمشي وهو بيشدها وراه بقوة ناحية بوابة المستشفي وأميرة بتبكي وبتحاول تفلت من ايديه وهتيجي عند البوابة وهتبكي بشدة وهي بتقول: ايدي وجعتني ..سيبني وانا همشي لوحدي..
بدر هيقف مرة واحد ويلتفت ليها وعينيه كلها غضب: لو حاولتي تعملي اي حاجة حسابك هيبقا شديد معايا.. سامعة!
أميرة بخوف وارتباك :حـ حاضر ..
بدر يسيب ايديها ويمشوا يطلعوا من البوابة وبعد خطوتين وبدر بيطلع مفاتيح العربية وبيفتحها أميرة هتجري بسرعة تبعد عنه..
بس هو هيجري ويلحقها بسرعة ويشيلها بغضب ع دراعه وهي بتحاول تنزل بس مش عارفة وايديه مكتفاها بقوة..
يمشي وهو بيقول بغضب شديد: بقا كدا ؟؟طيب ماااشي!
أميرة بتبكي بشدة وهو سامع قلبها ع صدره بيدق جامد وحاسس بخوفها بين ايديه..
ترفع عينيها الغرقانة دموع عليه: ارجوك يا بدر بلاش ترجعني البيت.. بالله عليك ماترجعني.. بالله عليك يابدر..
بدر يوصل للعربية و يدخلها وهي لسه بتتوسل ليه وهي منهارة : ابوس ايديك يا بدر بلاش ترجعني..
للحظة هيقف ويبصلها بغضب وبتوتر يقول: حسابنا بعدين.. واسكتي بقاا.
وهيقفل باب العربية عليها وهي قاعدة بتبكي..
يطلع الموبابل ويكلم نسمة : ايوا يا نسمة.. تعالي عند العربية.. يلا بسرعة.
يركب العربية ويستني نسمة ويبص م المراية ع أميرة بحزن ويلاقيها وشها كله دموع وعنيها ع الشباك ومش طايقة تبصله..
تيجي نسمة وتركب جنبها ومستغربة هما وصلوا هنا امتي وازاي وتلاقي اميرة منهارة..
بدر هيمشي وعينيه كل شوية تروح عليها ف المراية..
نسمة بارتباك: مالك يا أميرة؟ ايه الي حصل؟
أميرة هتبصلها وبتوتر : انتي ترضي يا نسمة تتجوزي واحد مش عايزاه وبتكرهيه؟!
نسمة بتعجب : انتي بتقولي ايه!
أميرة بغضب: بقول الي ابوكي واخواتك عايزين يعملوه فيا..
بدر يقاطعها: وبعدين معاكي.. اختي مش بتعصينا لانها عارفة اننا عايزين مصلحتها..
أميرة بغضب هتزعق : وانا مش أختك وبكرهكم كلكم ومش طايقة اكون وسطكم او اسمع اي كلمة منكم ومش هسمع كلامكم ولا هتجوز ولو قتلتوني..
بدر بغضب وهو عنيه عليها ف المراية :هو دا الي اتعلمتيه ف المدرسة الي انتو متمسكين بيها؟؟
أميرة تبصله وبغضب شديد: لا اتعلمنا ان الاجبار والغصب عمره ما كان ف دين ولا اخلاق.. وانتو ولا عندكم دين ولا عندكم اخلاق..
بدر هيوقف العربية فجأة ويلتفت يبصلها وعينيه حمرا : والله لولا انك تعبانة انا كنت مسكتك قتلتك حالا..
أميرة بنظرة انكسار: مش هتفرق ..بل بالعكس انا بقيت اتمني الموت علي اني ارجع عندكم او اتجوز من اخوك..
بدر هيسكت شوية ويرجع يبص قدامه وبياخد نفس عميق ويرفع ايديه ويمشيها ع شعره وهو بيفكر..
نسمة بارتباك: وقفت ليه يا بدر؟!
بدر هيلتفت بشويش ويبص لأميرة : مش هتتجوزي طارق..
أميرة هتهدا فجأة وتبصله وبارتباك : بـ بجد!
بدر يهز راسه لتحت بشويش : خلاص مش هتتجوزيه.. ممكن تهدي بقا.
أميرة بارتباك : و.. ولا هتجوز خالص حد منكم!
بدر بحدة : ايوا.. مش هتتجوزي حد خالص مننا.
أميرة تمسح دموعها وبتوتر :طيب أوعدني بكدا!
بدر بنظرة قوية : انا عطيتك كلمة راجل خلاص.. بس هترجعي معانا وتبقي هادية وتاخدي علاجك وتبطلي تفكير ف انك تهربي.. تمام!
أميرة بتوتر :تـ تمام.
ويلتفت بدر ويكمل سواقة ..
اميرة قاعدة سرحانة وبتحمد ربنا انها خلصت من العقدة دي بس ليه بدر فجأة قالها كدا! وترجع تفكر ف اخواتها وياتري هترجعلهم امتي ولا مين راحلها لما كلمتهم..
(عند هدي..)
حسام دايخ وبيتوجع: آااه
وهدي بتعمله كمادات وبخوف: والله آسفة انت الي استفزتني وقولتلي اضربك جامد.
حسام بصوت ضعيف: بس مش جامد أوي كداا.
هدي تقرب عليه أوي وتشوف الجرح وبتوتر: خلاص خفت شوية..
حسام يحس بنفسها قريب منه ويفتح عنيه ويبصلها فجأة ويبقوا قصاد بعض بالظبط وبهدوء : هي اي دي الي خفت!
هدي عينيها ف عنيه ومتوترة وترد بارتباك وصوت هادي: الـ الـ الـجرح خلاص بـ بيخف وهتبقا كويس ..
حسام بصوت هادي: الجرح خف عشان انتي الي عالجتيه..
هدي بصاله ومتوترة ومش بترد ..
يقطع الصمت موبايله بيرن..
يقوم حسام وايديه ع راسه وهو بيقول: وهو دا وقته!!
حسام : آلوو.. حالا!!.. طيب كله تمام؟؟..طيب .. يلا سلام.
هدي بلهفة: فيه ايه؟
حسام : التكتك وصل وهيستناكي اخر الشارع.
هدي بتوتر: هنزل لوحدي!
حسام بحزن :انا مش هعرف أنزل معاكي.. النهار طلع وهتبقا مشكلة لو مشيت معاكي وحد شافني وعاشور هيبدأ يسأل عليا انا كمان ولازم اكون مستعد.
هدي بحزن: انا خايفة لاكون سبب ف مشكلة تحصلك مع عمي او يشك فيك!
حسام بابتسامة: لا متقلقيش.. روحي انتي يلا عشان توصلي لاخواتك بسرعة .
هدي بابتسامة ضعيفة: تمام..
هدي تتحرك بشويش وهي عينيها عليه وتفتح الباب وتنزل..
حسام يروح يبص م الشباك عشان يشوفها يلاقي واحد م رجالة عاشور جاي من بعيد..
يجري بلهفة وينزل..
هدي لسه بتطلع م باب البيت حسام يشدها لورا بسرعة ويوقفها ورا الباب وهو قصادها وبيقول بهمس: هششش.. واحد تبع عاشور ف الشارع.
هدي واقفة ايديها ع قلبها م الخضة وبتاخد نفسها بصعوبة وخايفة جدا..
حسام يهمس : متخافيش..اهدي.
وبشويش يبص من ورا الباب يلاقيه جاي عليهم..
حسام بسرعة هيشد هدي وهو بيهمس: تعالي بسرعة..
ويطلعوا الدور التاني وحسام يهمس لهدي: اخلعي الشوز واطلعي ع السطح بدون صوت ..ويبص من ع السلم يلاقيه بيدخل البيت.. هيبص لهدي بتوتر.. بسرررررعة يلاا.
و يدخل الشقة بسرعة..
الباب يخبط وحسام مش بيرد.. يخبط تاني وتالت وبعدين يفتح حسام..
حسام بصوت تعبان وماسك راسه وبيتوجع : فيه ايه يسطا.. براحه شوية كنت نايم.
:مالك يسطا؟ ايه الي حصل؟
حسام بصوت ضعيف: زي ما انت شايف مخبوط ف راسي وطول الليل بعمل كمادات ومفيش فايدة..
:الف سلامة ..بس انا كنت جاي اقولك المعلم عاشور عايزك ضروري وبيكلمك ورقمك مقفول.
حسام : ماشي ياعم.. الموبايل كان فاصل م انبارح هشحنه واجي وراك علطول..
:متتأخرش بقا عشان متعصب من انبارح وطلب الرجالة كلهم و..
يقطع كلامهم صوت الموبايل بيرن..
:الله! الموبايل مش فاصل يعني؟؟
حسام بتوتر: ياعم قولتلك بشحنه.. تلاقيه شحن شوية.
:امممم طيب يلا متتأخرش وشوف مين بيكلمك سلام احمادة.. ويمشي.
حسام يقفل الباب ويراقبه م الشباك لحد مايطلع م البيت ويمشي لآخر الشارع.
بسرعة هياخد الموبايل ويعمل اتصال : ايوا يا زفت.. هو دا الي الشارع متأمن؟؟
وطالما لسه شايفه م شوية متصلتش ليه عليا علطول؟ جاي تتصل وهو واقف معايا يا غبي! طيب يلا اقفل وخد بالك وحسابنا بعدين.
يطلع بسرعة ويروح ع السطح يلاقي هدي واقفة تبص ع الشارع من فوق.. يقرب منها وهي مش حاسه بيه هيلمس كتفها: هدي!
هدي هتصوت وتلتفت مرة واحدة :رعبتني !
حسام بتريقة: وانا الي كنت بقول عليكي شجاعة.. طلعتي خوافة اوي.
هدي بتوتر: خوافة جدا جدا كمان.. هعمل ايه دلوقتي! انا مرعوبة وخايفة انزل الشارع.
حسام : انا مش عارف اقولك ايه.. بس رجالة عاشور انتشروا ف المنطقة وبيظهروا فجأة وخايف اقولك انزلي حد تاني يجي ويشوفك..والصراحة انا مش عايزك تمشي.
هدي بنظرة شك: وليه بقا!!
حسام : لو نزلتي وحد شافك نازلة من عندي مش بس هترجعي لعمك.. انا كمان هخسر القضية لان وقتها هتكشف وهبعد بعد مابقيت واحد من الرجالة الي بيثق فيهم عمك..
هدي بخوف : طيب وبعدين!
حسام بتردد: ممكن تفضلي انهارده وانا الي هخرجك بنفسي!
هدي : واخواتي؟؟
حسام بتردد: احكيلهم الي حصل وقوليلهم الشارع متراقب ..بس اوعي تعرفيهم اني ظابط او ليا دخل ف دا!
هدي بتردد: حاضر..
حسام يطلع موبايله بلهفة: خدي كلميهم بسرعة عشان هشغل الخط التاني ولازم اروح لعاشور.
هدي بتوتر : تمام..
وتتصل بيهم وتبعد عن حسام شوية وهو واقف يراقبها من بعيد ومش سامعها وهي بتتكلم وبتحاول تقنعهم بس واضح ع ملامحها الحزن..
ترجع هدي وتقرب منه وبغضب تعطيه الموبايل: اتفضل.
حسام : موافقوش صح!
هدي بحزن: لا وافقوا.. بس هما هيمشوا انهارده ورضوى هترجع تاني تاخدني وتاخد أميرة.
حسام : متقلقيش.. اختك هتبعدهم عشان يبقوا ف آمان.
هدي هتبصله بيأس: ربنا يسترها معاهم ومعانا.
حسام بلهفة: طيب يلا بسرعة ننزل عشان هروح لعمك حالا..
بقلم إيمان طايل.. Eman stories
(عند البنات..)
التلاتة واقفين ف الموقف ..
سميرة بغضب : يعني خلاص هتسيبها يا رضوى!
رضوى بحزن شديد ومش قادرة تتكلم: سميرة ..لازم نتحرك الاتوبيس هيمشي خلاص.. وتاخد الشنطة وتنادي لأمل وتروح وراها..
سميرة بيأس شديد وحزن تشيل شنطتها وتروح وراهم ويركبوا ويروحوا ع اسكندرية..
(ف بيت عاشور...)
عاشور قاعد مع بدر ف الصالون..
عاشور بغضب : انت بتقول ايه يا بدر؟؟؟
بدر بلهفة: أميرة هي الوحيدة الي هترجع البنات ولازم نحافظ عليها.. ولو صممنا نجوزها لطارق هتحاول تموت نفسها تاني وتالت وبعدها مش هنوصل ليهم خالص.
عاشور بيأس: بس لو فضلنا بردو سيبنها كدا اخواتك هيضايقوها وع عينك الي حصل من طارق.. البت دي لازم حد يتجوزها مش هينفع تقعد وسطنا كدا زي الغريبة..
بدر: ماشي بس مش دلوقتي.. لما البنات يرجعوا ونتجوز كلنا وقتها هتوافق.. وبعدين يا حج البنت لسه قاصر مش هينفع تكتب كتابها..
عاشور: ورقة عرفي هتحل المسألة..
يدخل صابر وأشرف ويقاطعوهم
عاشور بلهفة: عملتوا ايه؟؟
صابر بغضب : مش لاقيين البنات.. اختفوا م المنطقة خالص.. احنا دورنا ف كل حتة ومفيش ليهم أي آثر..
أشرف: وانا بعت رجالة ف كل حتة وبردو مفيش اي اخبار..
عاشور عينيه تحمر ويزعق: يعني ايه! شوية بنات هيحطوا راسنا ف الارض.. والله لو ع رقبتي ماهسيبهم الا لما اربيهم واحدة واحدة ولاد ال..
ويبص لبدر بغضب.. والبت دي هنجوزوها بالذوق بالعافية ونربطها بالبيت ووقتها هيظهروا لاني مش هستني اكتر من كدا وصبري نفذ ع البنات دول..
بدر بعصبية : بس يا حج..
عاشور يقاطعه: ولا بس ولا غيره.. يا اما واحد فيكم يتجوزها والا هخلي طارق هو الي يتجوزها وان شاءالله تحرق نفسها بردو هتتجوز.. انا قولتها كلمة وفكروا وكتابة العقد بليل..
يمشي عاشور والتلاتة واقفين..
بدر قعد وبياخد نفس عميق وبيفكر..
صابر يبصلهم وبتردد: طلعوني م الموضوع دا انا بحب هدي وهتجوزها ..
أشرف يفكر شوية ويقول: وانا كنت عامل حسابي ع سميرة وكانت عجباني أوي..
صابر يبتسم : وطبعا بدر غشيم مع الحريم ف مابالك ببنت صغيرة زي دي..يبقا طارق الي هيتجوزها.
اشرف بتردد : بس تعرفوا.. بصراحة البت اميرة بالرغم انها صغيرة بس جميلة أوي وانا نفسي اجرب البنات الصغيرين دول ..انا هتجوزها.
بدر هيرفع عينيه عليه فجأة: بجد؟
أشرف بابتسامة : البت حلوة ومتعلمة ومفيهاش عيب وخسارة تضيع نفسها عشان جوازه.. وانا ايه ضمني ان سميرة هترجع ولا هتجوزها! ف اتجوزها انا.
صابر : ايه رأيك ف الكلام دا يابدر؟؟
بدر هيقوم ويبصلهم الاتنين : رأيي هتعرفوه بعدين... ويمشي يطلع ع السلم.
ف الوقت دا أميرة طلعت الموبايل الي معاها وبعتت رسالة لاخواتها بتقول فيها "كانوا عايزين يغصبوني ع الجواز من طارق ودلوقتي خلاص الحمد لله اتخلصت م المشكلة دي ".
وتقعد تحاول تتصل عليهم بس الرقم مقفول..
بدر يطلع ويخبط عليها..
تقوم بسرعة تخبيه وترد بتوتر: مين؟
بدر :افتحي يا أميرة..
تفتح بشويش وبتوتر: فيه حاجة!
بدر بهدوء: عايزك ف كلمتين..
أميرة بارتباك : اتفضل.
يدخل بدر ويقعد ع الكرسي وراسه لتحت وبيفكر وهي ع السرير قصاده متوترة..
بدر يرفع عينه ويبصلها وبتردد: اخدتي العلاج بتاعك!
أميرة بتوتر: اايوا..
بدر :طيب كويس ..
اميرة بقلق: عايز تقولي ايه يابدر!!!
بدر يرجع يبصلها وبتردد: أميرة..عمك مصمم انك تتجوزي واحد فينا.
أميرة تبصله بدهشة وبصوت حزين جدا: بس بس انت وعدتني.
يقاطعها بدر :اميرة صدقيني انا نفسي مش راضي عن الجوازة دي واتكلمت مع عمك كتير بس هو صمم .
أميرة هتقوم فجأة وهي بتبكي بشدة وبعصبية: انت خدعتني.. ايوا انت انت قولتلي كدا عشان تهديني بس ..انا ليه صدقتك؟.. انت زيهم اصلا
بدر هيقوم فجأة ويروح عليها وبغضب :أميرة اهدي...
أميرة هتبعد عنه وهي منهارة: لا مش هـهداااا انا عايزة اروح لاخواااتي.. رجعوني لاخوااااتي... انا عايزة اروح لاخواتي..
بدر هيبصلها بنظرة شفقة ويقرب منها وبصوت هادي: اميرة اخواتك الاربعة هربوا وسابوكي هنا لوحدك..
أميرة هترفع عينيها فجأة وتبصله وهي مش مصدقاه: انت كذااب.
بدر هيتعصب ويمسكها من دراعها جامد ويزعق :لا انا مش كذااب.. اخواتك هما الي كذبوا عليكي وهما الي باعوكي وهربواا.. ولعلمك اختك جات انبارح وكانت عارفة انك ف المستشفي وبالرغم من كدا هربت ولا سألت فيكي ولا حتي طلبت تشوفك وتطمن عليكي ..
أميرة كانت موجوعة من ايديه بس مبقتش حاسه بالوجع ومبقتش حاسه بنفسها ولا بأي حاجة ودموعها وقفت ولسانها تقل: ا خ و ا ت ي.. اخـ اخواتي عملوا كدا..
وعينيها تغمض بشويش وجسمها يتقل وتفقد اعصابها وتقع بس بدر يسندها بسرعة ويشيلها ينيمها ع السرير وقلبه بيدق جامد وحاسس بتوتر وقلق شديد..
بدر هيمسك ايديها ويلاقيها باردة جدا ويحاول يفوقها:أميرة !!..أميرة فوقي!
وينادي بصوت عالي:يا نسمة!! يا رحاااب
يلاقي نسمة داخلة واول ماتشوفها تتخض وتجري عليها وتفوقها ورحاب هتيجي بعدها هي وأسماء وتدخل وراهم سمية..
سمية بتعجب :انت كنت بتعمل ايه هنا؟!
بدر يلتفت وبعصبية: وانتي مالك؟!
سمية بنظرة شك: دلوقتي انا مالي لكن شاطر تضرب ابني!!
بدر بغضب يقرب منها:اسمعيني بقا ف الكلمتين الي هقولهملك دول وتاخدي بالك اوي منهم ..
أميرة تخصني من هنا ومن رايح ولو شوفتك انت او ابنك بتتعرضولها انا مش هيكفيني اخد روحكم.. سمعاني يا مرات أبويا!
سمية تمشي من قدامه وهي بتقول بصوت فيه خوف وتوتر وحركات بايديها: الكلام دا لازم ابوك هو الي يسمعه ويجي يشوف ابنه الكبير وهو بيهددني عشان حتة بت..
تطلع وتروح ع عاشور تحكيله.. وبدر يلتفت ويلاقي أميرة بدأت تفوق..
هيروح عليها ويبص لاخواته البنات:سيبونا شوية يا بنات..
يطلعوا ويقفلوا الباب..
بدر يقعد جنب أميرة وهي نايمة ويلاقيها دموعها نازلة ومش بتتحرك من مكانها ولا بتبصله ..
بدر بصوت هادي: ع فكرة انا لسه عند وعدي ليكي..
أميرة ..دلوقتي احنا الي باقيين ليكي وخلاص وجودك ف البيت هنا بقا امر لازم.. وعمك خلاص قرر يجوزك واحد مننا..
بس انا لقيت حل للموضوع دا..
أميرة.. أنا.. انا الي هتجوزك.
أميرة تبدأ تبصله بشويش وملامحها عليها الدهشة..
بدر يقرب منها أكتر ويهمس: انا هتجوزك جواز صوري بس ومش حقيقي عشان يبطلوا يضايقوكي وصدقيني أول ما نلاقوا اخواتك انا هقطع الورقة ولا كأن حاجة حصلت..
أميرة مذهولة ودموعها لسه نازلة ع خدها..
بدر يمسك ايديها بشويش:صدقيني انا بعمل كدا عشانك انتي.. انا مش شايفك غير اختي الصغيرة ومش هشوفك غير كدا ودا وعد تاني مني..
يسكت شوية ويكمل ..
اميرة انا مش بجبرك انا بعرض عليكي الحل الي عندي وليكي الحرية تقبليه او لا..
أميرة هترجع تبص لفوق تاني وتبكي بشدة وآهاات..
بدر بحزن :خلاص يا أميرة.. خلاص اعتبريني مقولتش حاجة..
ويقوم من جنبها بشويش عشان يمشي..
أميرة تنادي عليه بصوت حزين ومكسور: اسـتني..
(بعد شوية..)
عند عاشور...
بدر يدخل ويلاقيه قاعد وسمية بتحاول تقنعه يجوز أميرة لطارق..
عاشور اول مايشوفه بغضب يقول : صحيح الي مرات ابوك قالته دا؟؟
بدر يبصلها بقرف :وفري كلامك يا مرات أبويا..
ويبص لعاشور: انا الي هتجوز أميرة يا حج..
الجزء الخامس من هنا
بدر يفضل قاعد جنب أميرة وبسبب الارهاق الشديد يسند رأسه ع الكرسي لورا وينام نوم عميق ...
(عند هدي بعد الفجر .. )
هدي خلصت العصير وتسيب الكوبايه وبحزن تقول: فلما أميرة كلمتنا وهي منهارة كدا كان لازم أروح واشوف فيه ايه ولقيتهم كانوا عايزين يجوزوها ..
ودموعها تنزل بشدة وتكمل.. بس هي ماستحملتش ضغطهم عليها والعذاب الي كانت فيه وبسببهم عملت كدا واخدوها المستشفي وانا كنت لوحدي واكيد مش هشوف أختي بتتعذب كدا وهتقتل نفسها وهسكت.. فهددت عمي وقولتله اننا عرفنا مكان المخدرات وانها تحت بيتنا ف الخندق.. وبعدها حصل كل دا.. وتنهار م البكا..
حسام يبصلها بنظرة حزن ويقرب منها: هدي ..انتو فكرتوا صح ف انكم تبلغوا عنه بعد ماتسيبوا البيت عشان تبعدوا عن القضية بس دلوقتي عمك نقل البضاعة م البيت خلاص ف مفيش دليل إدانه ولو اخواتك عملوا كدا هيدخلوا ف مشكلة تانية لاننا بالفعل عارفين ان عمك بيتاجر ف المخدرات..
بس اوعدك ان نهاية فساد عاشور وولاده هتكون ع ايديا قريب..
احنا كل المعلومات الي كانت عندنا انه مخزن البضاعة ف الوكالة لكن اول مرة اللغز يتحل ونعرف انه كان دافنها تحت الارض.. بس الي حصل دا هيبقا ف صالحنا لانهم بدأو يظهروا والجُحر الي كانوا بيداروا فيه أخيرا سابوه واللعب هيبقا ع المكشوف بعد كدا وهنوصل ان شاءالله للراس الكبيرة الي بتصدر لعمك البضاعة دي..
هدي تبصله بحزن وتوتر : طيب طيب انا واخواتي هيحصلنا حاجة!؟
حسام بتردد: هو المفروض انكم تتعاقبوا بسبب تستركم ع اللي شوفتوه ومش بعيد تبقوا مشتركين ف القضية لان المخدرات كانت متخزنه تحت بيتكم وليها باب عندكم وانتو عارفين دا..
هدي هتبصله بصدمة : مشتركين؟؟
حسام بإبتسامه : متخافيش.. عمك اخد البضاعة خلاص ودلوقتي انا عارف السبب الي دفعكم لكدا ولا يمكن هستغل كلامك ضدكم.. بالعكس انا هساعدكم ع قد ماقدر لانـ..
ويبصلها جامد ويتوتر وهو بيتكلم .. لانكم تستاهلوا بجد و وعندكم شجاعة وترابط غير عادي ..
هدي بحزن: طيب وعمي واولاده ايه مصيرهم؟
حسام بتعجب: انتي لسه مهتمة لأمرهم بعد كل الي عملوه معاكم!!
ويبتسم وهو بيقول ..سبحان الله.. اللي يشوفكم لا يمكن يتخيل أبدا ان عاشور دا يبقا عمكم ولا يقربلكم حتي..
انتو بنات اخلاقكم عالية وجواكم خير كتير وبتخافوا ع بعض وكل واحدة بيهمها مصلحة اخواتها قبلها.. اما عاشور وأولاده كل واحد فيهم بيدور ع نفسه ومستعد يضحي بأخوه كمان عشان مصلحته الشخصية.
هدي هتبتسم وبنظرة حزينة: احنا عمرنا ما اختلطنا بعمنا ولا ولاده ودايما فيه حاجز مابينا بالرغم انه كتير كان بيفرض نفسه علينا.. بس بعد ما ماما توفت وهو استغل اننا لوحدنا وفكر انه ممكن يسيطر علينا ..بس احنا مش هنسمحله بكدا ابدا..
حسام هيبتسم : انا عمري ماكنت اتصور انك شجاعة اوي كدا يا هدي..
هدي بابتسامة ضعيفة : وليه يعني!
حسام بتوتر: يعني.. بنت جميلة زيك وهادية لا يمكن حد يتخيل ان جواها كل الشجاعة دي.
هدي اتكسفت ووشها بقا أحمر جدا وعينيها ف الارض وبصوت مهزوز: ولا حد بردو كان يتخيل ان حضرتك تبقا رائد.. وترفع عينيها عليه بابتسامة وتقول .. الا انا والله شكيت فيك من اول مرة اتكلمنا ..بس مش لدرجة رائد يعني.
حسام يضحك بصوت عالي وبتعجب: شكيتي فيا!! طيب ازاي بقا!
هدي : يعني.. شكلك مختلف وأسلوبك مختلف.. يعني انسان متعلم ومهذب اكيد هيبقا غير الي عند عمي دول.. اصلا اي حد يتكلم معاك هيشوف دا!
حسام بابتسامة : وانتي متخيلة اني اكلم بنت زي مابتكلم مع عمك ورجالته؟
هدي بتعجب: يعني انت كدا مع كل البنات!؟
حسام بضحكة: لا مش كلهم لاني بتعامل مع بنات مجرمات بردو..
هدي تبصله بتعجب وتوتر ..
حسام :هدي انتي لازم ترتاحي بقا وكفاية لحد كدا..
هدي بتعجب: ارتاح؟؟ ارتاح واخواتي معرفش عنهم حاجة؟؟ انا لازم اكلمهم الاول واطمـ..
حسام يقاطعها: ايوااا فكرتيني.. الرقم الي كلمتيهم منه اتصل عليا بس كنتي فاقدة الوعي وخفت أرد يخافوا ويحسبوني حد تبع عمك وما يردوش علينا تاني.
هدي بلهفة تقوم : بجد؟؟ طيب خليني اكلمهم ارجوك..
حسام بيطلع الموبايل :حاضر.. اتفضلي كلميهم..بس خدي بالك محدش يعرف عني أي حاجة.
هدي تاخد منه الموبايل بلهفة وهي بتقول :حاضر حاضر.
هدي تتصل ع الرقم وتلاقي فيه جرس..
هدي بلهفة: الووو..
رضوي بلهفة: هدي؟ كنتي فين! وحصل معاكم ايه! و..
هدي تقاطعها بتوتر : اهدي يا رضوى انا هحكيلك كل حاجة... انا انا كنت عمك وهربت ..
رضوي بلهفة: هربتي فين وحصل ايه اصلا؟؟
هدي دموعها تنزل: كانوا عايزين يجوزوا أميرة بالغصب انبارح وأميرة و.. و
هدي تبص لحسام وتلاقيه بيشاورلها وبيهمس: ماتقوليش انها حاولت تنتحر.. هدي هتهز راسها لتحت ..
رضوي بتوتر: وايه يا هدي؟؟ أميرة مالها؟؟
هدي بارتباك: و.. و عشان كدا كلمتنا وهي منهارة ..ولما روحت فقدت اعصابي وقولت لعمي اننا عرفنا ان في مخدرات تحت البيت وعمي حبسني انا كمان ف البيت وقال لاولاده ينقلوا البضاعة ويروحوا ياخدوكم كلكم عشان يجوزنا ليهم ونفضل معاهم علطول هناك..
رضوي ساكتة مصدومة مش بترد..
هدي بتردد: رضوي انتي سمعاني!!
رضوي بنبرة يأس وحزن شديد: كملي يا هدي.
هدي بحزن: و وبعدين هربت منهم و.. و ..وحمادة ساعدني.
رضوي بتعجب : حمادة مين؟؟
هدي بتوتر: الي كان بيقف قدام البيت.. اسمه حمادة وهو الي خرجني من عند عمك وبعدني عن البيت.. ودا موبايله الي بكلمكم منه.
رضوى بنبرة شك : انتي فين يا هدي دلوقتي؟؟
هدي بارتباك :انا انا معاه ف شقة ف الشارع الي جنب عمي.
رضوي بغضب : لوحدكم يا هدي؟؟؟!!!
هدي تبص لحسام بتوتر وتلاقيه مركز معاها توطي صوتها: متخافيش..
تقاطعها رضوى بغضب: يعني ايه مخافش دي؟؟ انا اهون عندي تفضلي عند عمك ..وانتي ليه وثقتي فيه كدا؟ هو اصلا بيشتغل عنده ومش بعيد يكون هياخدك لعمك وبيضحك عليكي..
حسام ياخد الموبايل من هدي: الو.. آنسة رضوى!
رضوى: لو سمحت قولي مكانكم فين بالظبط وانا هاجي اخد هدي.. شكرا ليك لحد كدا.
حسام بهدوء: طيب ممكن تسمعيني!.. انا عارف انك خايفة عليها بس والله انا مش هأذيها ودا الحل الوحيد الي كان قدامنا لان عمك ولاده بيدوروا عليكم ف المنطقة وكان لازم تداري..
ان شاءالله لما الوضع يهدي انا هوصلها لحد عندك..
رضوي تقاطعه: لا وانا هستني لما الوضع يهدي! انا هاجي اخدها حالا..
يقاطعها حسام: لو مصممة تعالي خديها وخلي ولاد عمك يشوفوكي وياخدوكم كلكم ويبقا كل الي عملتوه راح ع مفيش ..
صدقيني انا لو مش كويس مكنتش ههربها وأعرض نفسي للخطر مع عمك لانه كان موقفني ع الباب لما مشي واكيد هيشك فيا وعشان تطمني انا هخرج من الشقة واختك تفضل هنا..
رضوى بحدة: طيب اديني هدي..
حسام يعطي هدي الموبايل :ايوا يا رضوى!
رضوى بتعجب: وهو طالما ساعدك.. مجبتيش أميرة معاكي ليه؟!
هدي بتوتر: اصل..اصل..انا كنت تحت وأميرة كانت فوق ومعاها البنات.. وبعدين انا هربت بمعجزة ولولا هو كنت هفضل هناك علطول.. وكان لازم الاقي طريقة احذركم بيها قبل ولاد عمي ما يوصلوا عندكم.. وصحيح مقولتليش انتو مشيتوا قبل ما يوصلوا؟؟
رضوى: لا.. بس اتصرفنا ومشينا علطول ودلوقتي اسمعي الي هقولهولك..كمان ساعتين هيكون النهار طلع وانا واخواتك هنروح الموقف عشان لازم ابعدهم عن هنا..
هدي تقاطعها: هتروحوا فين؟
رضوي بشك: لما تيجي هتعرفي.. انا عيزاكي تطلعي تقابلينا لوحدك من غير حمادة دا.. انا مش عايزة مخلوق يعرف احنا هنروح فين.. سامعة!
هدي بتوتر: حاضر.
رضوي: اوعي تنامي يا هدي ..خليكي صاحية وتقابلينا كمان ساعتين عند الموقف ماتنسيش.
هدي : حاااضر.. بس .. وأميرة؟!
رضوي : انا هوصلكم وهرجعلها علطول وهتصرف.. اهم حاجه ان عمك مايطولش ولا واحدة فينا تاني..
هدي بهدوء: حاضر يا رضوى.
تقفل معاها وتبص لحسام..
حسام بإبتسامة: ليها حق تشك فيا.. انا عاذرها.
هدي بتعجب: ليه خلتني معرفهاش الي حصل لاميرة؟
حسام يقعد وهو بيقول : اختك دلوقتي ف مهمة صعبة وهي انها تنقذكم من عمك والجوازة والحياة الي هتتغصبوا عليها وعليها حمل اكبر عشان سابت البيت وعشان انتو متفرقين ..
ف لو عرفتيها ان أميرة ضعفت وحاولت تئذي نفسها كانت ممكن القوة الي عند اختك تتحول ف لحظة لضعف وتستسلم للامر الواقع وتبدأ تحميكم من انكم متتضعفوش وتنسي المهمة الاساسية..
زيك كدا انتي لما شوفتي أميرة ف موقف صعب لسانك خانك وحاولتي تحميها بأي طريقة لدرجة انك وقفتي قدام عمك وهددتيه بحاجة اخواتك حذروكي منها..
وبالرغم م كل دا لازم رضوى تفضل قوية قدامكم عشان تشجعكم تقاوموا وتقويكم ..
هدي واقفة بصاله باستغراب ومش بترد..
حسام هيرتبك من نظرتها : انا قولت حاجة غلط!
هدي بهدوء : بالعكس.. كلامك مظبوط.
حسام بلهفة: طيب ها؟ هتروحوا ع فين؟
هدي تسرح وهي بتقول: ماعرفش لسه.. هعرف لما اقابلهم..
حسام يبصلها وبابتسامة : بجد رضوى ذكية جدا..
لا وبتفكر ف كل كلمة بتقولها بس خوفها عليكم ممكن يبقا نقطة ضعفها وعشان كدا عايزك لما تقابليها تحاولي تخليها تفكر اكتر قبل ماتروح لعمك عشان اميرة.. عمك هيستغل أميرة ف انه يرجعكم كلكم.. خدي بالك يا هدي وحذري اخواتك.. عمك لو اتمكن منكم واخدكم عنده انتو هتعيشوا ف جحيم لاننا مراقبينه وقريب اوي هيتمسك وولاده وبعديها بيته والعز دا كله هيروح وانتو مستقبلكم هيضيع وهيبقا لا منكم اتجوزتوا وعيشتوا حياة طبيعية ولا منكم كملتم طريقكم سوا..
هدي هتسرح ف كلامه وتقعد بشويش وهي بصاله مش بتنطق ونظراتها كلها خوف وقلق ودمعتها هتنزل..
حسام هيقرب منها ويقعد جنبها وبحزن : انا مش بقولك كدا عشان تضعفي او تبكي.. انا بوضحلك عشان يبقا عندك دافع اكبر انك مترجعيش هنا تاني ولا تسمحي لاخواتك بكدا..
ويطلع منديل من جيبه ويمسح دموعها وهدي عينيها عليه وسرحانة وبعدين بشويش ترفع ايديها تاخد منه المنديل وتمسح دموعها..
حسام بهدوء: اهدي يا هدي.. كله هيبقا تمام ان شاءالله.. انا هراقبلك الشارع كويس الصبح وهجيبلك تكتك تبعنا وهياخدك للمكان الي هتقابلي فيه اخواتك..
هدي تبصله وبصوت مكتوم: طيب وانت! هتقول ايه لعمي؟
حسام : متقلقيش.. هحلها انا.. بس هحتاج منك خدمة بسيطة!
هدي بتعجب: خدمة ايه!
حسام يقوم يجيب حاجة م المطبخ تقيلة..
حسام بلهفة: عايزك تضربيني بدا..
هدي بتعجب : انت بتقول ايه؟؟
حسام : اسمعي الكلام يا هدي.. هو دا الحل.. ويلا لازم تخبطيني وبقوة وكانك بتدافعي عن نفسك بس حالا عشان أعالج الخبطة..
هدي بتعجب: تعالجها؟؟
بقلم إيمان طايل.. Eman stories
(ف المستشفي...)
النهار بدأ يطلع ..
وبدر يفوق م النوم لما يسمع صوت الممرضة بتكلم أميرة بعد ما خلصت المحلول وبتطمنها انها بقت كويسة ..
يفتح عيونه ع أميرة الي رجعت زي الزهرة الجميلة تاني ورجعت ليها الحياة ولكن لسه فيه بعض الضعف الي ممكن يتعالج بالانتظام ع الادوية.
بدر بصوت ضعيف:عاملة ايه دلوقتي!
أميرة تبصله بحزن ومش هترد وتغير وشها لناحية الممرضة..
الممرضة هتبصله:هي كويسه بس لازم تنتظم ع العلاج.
بدر :طيب نقدر نمشي دلوقتي!
أميرة تقاطعهم :انا عايزة اروح دورة المياه.
بدر يقوم بلهفة: هصحي نسمة تروح معاكي.
أميرة بارتباك: لا لا خليها انا هروح مع الممرضة.
الممرضة تبصله :متقلقش ..انا هروح معاها وهجيبها.
بدر بنظرة شك: طيب.
الممرضة تسند أميرة ع دراعها ويطلعوا م الأوضة..
بدر يجري ع نسمة ويفوقها ويقولها تروح وراهم وتفضل معاها وتجيبها.
الممرضة هتوصل أميرة وتقف تستناها..
أميرة هتبصلها وبارتباك :انا انا بقيت كويسة خلاص.. هخلص وارجع لوحدي .
الممرضة بابتسامة :طيب مش هتحتاجي اي حاجه!
أميرة : لا شكرا ليكي.
تمشي الممرضة وتروح اميرة تبص م الباب بشويش تلاقي نسمة جاية..
هتدخل بسرعة وتستخبي ورا الباب..
نسمة هتدخل ع جوا علطول ف دورة المياه وتروح عشان تغسل وشها..
أميرة هتتسحب من ورا الباب ونسمة مش شيفاها وتطلع تجري بسرعة وهي قلبها بيدق جامد ومرعوبة ومتوترة..
هتوصل عند سلم المستشفي وبتجري بسرعة وبتبص وراها تتأكد انهم مش شايفينها ..
وهي بتنزل شعرها يجي ع وشها وبسبب لهفتها وارتباكها تتكعبل ع السلم ولسه هتقع تلاقي حد مسكها بسرعة وسندها..
أميرة ترفع عينيها بلهفة وتتخض وتبعد وهي بتقول:بدر؟!!!
بدر يمسكها بقوة من ايديها الي بترتعش وبغضب :كنتي رايحة فين؟؟
أميرة بتحاول تشد ايديها وتبعد عنه لكن قبضته أقوي دموعها هتنزل وهي بتقول بغضب: أنا مش هرجع معاكم ..انا مش هرجع البيت دا تاني.
بدر يشدها جامد وبعصبية: امشي يا أميرة والا همد ايدي عليكي..
يمشي وهو بيشدها وراه بقوة ناحية بوابة المستشفي وأميرة بتبكي وبتحاول تفلت من ايديه وهتيجي عند البوابة وهتبكي بشدة وهي بتقول: ايدي وجعتني ..سيبني وانا همشي لوحدي..
بدر هيقف مرة واحد ويلتفت ليها وعينيه كلها غضب: لو حاولتي تعملي اي حاجة حسابك هيبقا شديد معايا.. سامعة!
أميرة بخوف وارتباك :حـ حاضر ..
بدر يسيب ايديها ويمشوا يطلعوا من البوابة وبعد خطوتين وبدر بيطلع مفاتيح العربية وبيفتحها أميرة هتجري بسرعة تبعد عنه..
بس هو هيجري ويلحقها بسرعة ويشيلها بغضب ع دراعه وهي بتحاول تنزل بس مش عارفة وايديه مكتفاها بقوة..
يمشي وهو بيقول بغضب شديد: بقا كدا ؟؟طيب ماااشي!
أميرة بتبكي بشدة وهو سامع قلبها ع صدره بيدق جامد وحاسس بخوفها بين ايديه..
ترفع عينيها الغرقانة دموع عليه: ارجوك يا بدر بلاش ترجعني البيت.. بالله عليك ماترجعني.. بالله عليك يابدر..
بدر يوصل للعربية و يدخلها وهي لسه بتتوسل ليه وهي منهارة : ابوس ايديك يا بدر بلاش ترجعني..
للحظة هيقف ويبصلها بغضب وبتوتر يقول: حسابنا بعدين.. واسكتي بقاا.
وهيقفل باب العربية عليها وهي قاعدة بتبكي..
يطلع الموبابل ويكلم نسمة : ايوا يا نسمة.. تعالي عند العربية.. يلا بسرعة.
يركب العربية ويستني نسمة ويبص م المراية ع أميرة بحزن ويلاقيها وشها كله دموع وعنيها ع الشباك ومش طايقة تبصله..
تيجي نسمة وتركب جنبها ومستغربة هما وصلوا هنا امتي وازاي وتلاقي اميرة منهارة..
بدر هيمشي وعينيه كل شوية تروح عليها ف المراية..
نسمة بارتباك: مالك يا أميرة؟ ايه الي حصل؟
أميرة هتبصلها وبتوتر : انتي ترضي يا نسمة تتجوزي واحد مش عايزاه وبتكرهيه؟!
نسمة بتعجب : انتي بتقولي ايه!
أميرة بغضب: بقول الي ابوكي واخواتك عايزين يعملوه فيا..
بدر يقاطعها: وبعدين معاكي.. اختي مش بتعصينا لانها عارفة اننا عايزين مصلحتها..
أميرة بغضب هتزعق : وانا مش أختك وبكرهكم كلكم ومش طايقة اكون وسطكم او اسمع اي كلمة منكم ومش هسمع كلامكم ولا هتجوز ولو قتلتوني..
بدر بغضب وهو عنيه عليها ف المراية :هو دا الي اتعلمتيه ف المدرسة الي انتو متمسكين بيها؟؟
أميرة تبصله وبغضب شديد: لا اتعلمنا ان الاجبار والغصب عمره ما كان ف دين ولا اخلاق.. وانتو ولا عندكم دين ولا عندكم اخلاق..
بدر هيوقف العربية فجأة ويلتفت يبصلها وعينيه حمرا : والله لولا انك تعبانة انا كنت مسكتك قتلتك حالا..
أميرة بنظرة انكسار: مش هتفرق ..بل بالعكس انا بقيت اتمني الموت علي اني ارجع عندكم او اتجوز من اخوك..
بدر هيسكت شوية ويرجع يبص قدامه وبياخد نفس عميق ويرفع ايديه ويمشيها ع شعره وهو بيفكر..
نسمة بارتباك: وقفت ليه يا بدر؟!
بدر هيلتفت بشويش ويبص لأميرة : مش هتتجوزي طارق..
أميرة هتهدا فجأة وتبصله وبارتباك : بـ بجد!
بدر يهز راسه لتحت بشويش : خلاص مش هتتجوزيه.. ممكن تهدي بقا.
أميرة بارتباك : و.. ولا هتجوز خالص حد منكم!
بدر بحدة : ايوا.. مش هتتجوزي حد خالص مننا.
أميرة تمسح دموعها وبتوتر :طيب أوعدني بكدا!
بدر بنظرة قوية : انا عطيتك كلمة راجل خلاص.. بس هترجعي معانا وتبقي هادية وتاخدي علاجك وتبطلي تفكير ف انك تهربي.. تمام!
أميرة بتوتر :تـ تمام.
ويلتفت بدر ويكمل سواقة ..
اميرة قاعدة سرحانة وبتحمد ربنا انها خلصت من العقدة دي بس ليه بدر فجأة قالها كدا! وترجع تفكر ف اخواتها وياتري هترجعلهم امتي ولا مين راحلها لما كلمتهم..
(عند هدي..)
حسام دايخ وبيتوجع: آااه
وهدي بتعمله كمادات وبخوف: والله آسفة انت الي استفزتني وقولتلي اضربك جامد.
حسام بصوت ضعيف: بس مش جامد أوي كداا.
هدي تقرب عليه أوي وتشوف الجرح وبتوتر: خلاص خفت شوية..
حسام يحس بنفسها قريب منه ويفتح عنيه ويبصلها فجأة ويبقوا قصاد بعض بالظبط وبهدوء : هي اي دي الي خفت!
هدي عينيها ف عنيه ومتوترة وترد بارتباك وصوت هادي: الـ الـ الـجرح خلاص بـ بيخف وهتبقا كويس ..
حسام بصوت هادي: الجرح خف عشان انتي الي عالجتيه..
هدي بصاله ومتوترة ومش بترد ..
يقطع الصمت موبايله بيرن..
يقوم حسام وايديه ع راسه وهو بيقول: وهو دا وقته!!
حسام : آلوو.. حالا!!.. طيب كله تمام؟؟..طيب .. يلا سلام.
هدي بلهفة: فيه ايه؟
حسام : التكتك وصل وهيستناكي اخر الشارع.
هدي بتوتر: هنزل لوحدي!
حسام بحزن :انا مش هعرف أنزل معاكي.. النهار طلع وهتبقا مشكلة لو مشيت معاكي وحد شافني وعاشور هيبدأ يسأل عليا انا كمان ولازم اكون مستعد.
هدي بحزن: انا خايفة لاكون سبب ف مشكلة تحصلك مع عمي او يشك فيك!
حسام بابتسامة: لا متقلقيش.. روحي انتي يلا عشان توصلي لاخواتك بسرعة .
هدي بابتسامة ضعيفة: تمام..
هدي تتحرك بشويش وهي عينيها عليه وتفتح الباب وتنزل..
حسام يروح يبص م الشباك عشان يشوفها يلاقي واحد م رجالة عاشور جاي من بعيد..
يجري بلهفة وينزل..
هدي لسه بتطلع م باب البيت حسام يشدها لورا بسرعة ويوقفها ورا الباب وهو قصادها وبيقول بهمس: هششش.. واحد تبع عاشور ف الشارع.
هدي واقفة ايديها ع قلبها م الخضة وبتاخد نفسها بصعوبة وخايفة جدا..
حسام يهمس : متخافيش..اهدي.
وبشويش يبص من ورا الباب يلاقيه جاي عليهم..
حسام بسرعة هيشد هدي وهو بيهمس: تعالي بسرعة..
ويطلعوا الدور التاني وحسام يهمس لهدي: اخلعي الشوز واطلعي ع السطح بدون صوت ..ويبص من ع السلم يلاقيه بيدخل البيت.. هيبص لهدي بتوتر.. بسرررررعة يلاا.
و يدخل الشقة بسرعة..
الباب يخبط وحسام مش بيرد.. يخبط تاني وتالت وبعدين يفتح حسام..
حسام بصوت تعبان وماسك راسه وبيتوجع : فيه ايه يسطا.. براحه شوية كنت نايم.
:مالك يسطا؟ ايه الي حصل؟
حسام بصوت ضعيف: زي ما انت شايف مخبوط ف راسي وطول الليل بعمل كمادات ومفيش فايدة..
:الف سلامة ..بس انا كنت جاي اقولك المعلم عاشور عايزك ضروري وبيكلمك ورقمك مقفول.
حسام : ماشي ياعم.. الموبايل كان فاصل م انبارح هشحنه واجي وراك علطول..
:متتأخرش بقا عشان متعصب من انبارح وطلب الرجالة كلهم و..
يقطع كلامهم صوت الموبايل بيرن..
:الله! الموبايل مش فاصل يعني؟؟
حسام بتوتر: ياعم قولتلك بشحنه.. تلاقيه شحن شوية.
:امممم طيب يلا متتأخرش وشوف مين بيكلمك سلام احمادة.. ويمشي.
حسام يقفل الباب ويراقبه م الشباك لحد مايطلع م البيت ويمشي لآخر الشارع.
بسرعة هياخد الموبايل ويعمل اتصال : ايوا يا زفت.. هو دا الي الشارع متأمن؟؟
وطالما لسه شايفه م شوية متصلتش ليه عليا علطول؟ جاي تتصل وهو واقف معايا يا غبي! طيب يلا اقفل وخد بالك وحسابنا بعدين.
يطلع بسرعة ويروح ع السطح يلاقي هدي واقفة تبص ع الشارع من فوق.. يقرب منها وهي مش حاسه بيه هيلمس كتفها: هدي!
هدي هتصوت وتلتفت مرة واحدة :رعبتني !
حسام بتريقة: وانا الي كنت بقول عليكي شجاعة.. طلعتي خوافة اوي.
هدي بتوتر: خوافة جدا جدا كمان.. هعمل ايه دلوقتي! انا مرعوبة وخايفة انزل الشارع.
حسام : انا مش عارف اقولك ايه.. بس رجالة عاشور انتشروا ف المنطقة وبيظهروا فجأة وخايف اقولك انزلي حد تاني يجي ويشوفك..والصراحة انا مش عايزك تمشي.
هدي بنظرة شك: وليه بقا!!
حسام : لو نزلتي وحد شافك نازلة من عندي مش بس هترجعي لعمك.. انا كمان هخسر القضية لان وقتها هتكشف وهبعد بعد مابقيت واحد من الرجالة الي بيثق فيهم عمك..
هدي بخوف : طيب وبعدين!
حسام بتردد: ممكن تفضلي انهارده وانا الي هخرجك بنفسي!
هدي : واخواتي؟؟
حسام بتردد: احكيلهم الي حصل وقوليلهم الشارع متراقب ..بس اوعي تعرفيهم اني ظابط او ليا دخل ف دا!
هدي بتردد: حاضر..
حسام يطلع موبايله بلهفة: خدي كلميهم بسرعة عشان هشغل الخط التاني ولازم اروح لعاشور.
هدي بتوتر : تمام..
وتتصل بيهم وتبعد عن حسام شوية وهو واقف يراقبها من بعيد ومش سامعها وهي بتتكلم وبتحاول تقنعهم بس واضح ع ملامحها الحزن..
ترجع هدي وتقرب منه وبغضب تعطيه الموبايل: اتفضل.
حسام : موافقوش صح!
هدي بحزن: لا وافقوا.. بس هما هيمشوا انهارده ورضوى هترجع تاني تاخدني وتاخد أميرة.
حسام : متقلقيش.. اختك هتبعدهم عشان يبقوا ف آمان.
هدي هتبصله بيأس: ربنا يسترها معاهم ومعانا.
حسام بلهفة: طيب يلا بسرعة ننزل عشان هروح لعمك حالا..
بقلم إيمان طايل.. Eman stories
(عند البنات..)
التلاتة واقفين ف الموقف ..
سميرة بغضب : يعني خلاص هتسيبها يا رضوى!
رضوى بحزن شديد ومش قادرة تتكلم: سميرة ..لازم نتحرك الاتوبيس هيمشي خلاص.. وتاخد الشنطة وتنادي لأمل وتروح وراها..
سميرة بيأس شديد وحزن تشيل شنطتها وتروح وراهم ويركبوا ويروحوا ع اسكندرية..
(ف بيت عاشور...)
عاشور قاعد مع بدر ف الصالون..
عاشور بغضب : انت بتقول ايه يا بدر؟؟؟
بدر بلهفة: أميرة هي الوحيدة الي هترجع البنات ولازم نحافظ عليها.. ولو صممنا نجوزها لطارق هتحاول تموت نفسها تاني وتالت وبعدها مش هنوصل ليهم خالص.
عاشور بيأس: بس لو فضلنا بردو سيبنها كدا اخواتك هيضايقوها وع عينك الي حصل من طارق.. البت دي لازم حد يتجوزها مش هينفع تقعد وسطنا كدا زي الغريبة..
بدر: ماشي بس مش دلوقتي.. لما البنات يرجعوا ونتجوز كلنا وقتها هتوافق.. وبعدين يا حج البنت لسه قاصر مش هينفع تكتب كتابها..
عاشور: ورقة عرفي هتحل المسألة..
يدخل صابر وأشرف ويقاطعوهم
عاشور بلهفة: عملتوا ايه؟؟
صابر بغضب : مش لاقيين البنات.. اختفوا م المنطقة خالص.. احنا دورنا ف كل حتة ومفيش ليهم أي آثر..
أشرف: وانا بعت رجالة ف كل حتة وبردو مفيش اي اخبار..
عاشور عينيه تحمر ويزعق: يعني ايه! شوية بنات هيحطوا راسنا ف الارض.. والله لو ع رقبتي ماهسيبهم الا لما اربيهم واحدة واحدة ولاد ال..
ويبص لبدر بغضب.. والبت دي هنجوزوها بالذوق بالعافية ونربطها بالبيت ووقتها هيظهروا لاني مش هستني اكتر من كدا وصبري نفذ ع البنات دول..
بدر بعصبية : بس يا حج..
عاشور يقاطعه: ولا بس ولا غيره.. يا اما واحد فيكم يتجوزها والا هخلي طارق هو الي يتجوزها وان شاءالله تحرق نفسها بردو هتتجوز.. انا قولتها كلمة وفكروا وكتابة العقد بليل..
يمشي عاشور والتلاتة واقفين..
بدر قعد وبياخد نفس عميق وبيفكر..
صابر يبصلهم وبتردد: طلعوني م الموضوع دا انا بحب هدي وهتجوزها ..
أشرف يفكر شوية ويقول: وانا كنت عامل حسابي ع سميرة وكانت عجباني أوي..
صابر يبتسم : وطبعا بدر غشيم مع الحريم ف مابالك ببنت صغيرة زي دي..يبقا طارق الي هيتجوزها.
اشرف بتردد : بس تعرفوا.. بصراحة البت اميرة بالرغم انها صغيرة بس جميلة أوي وانا نفسي اجرب البنات الصغيرين دول ..انا هتجوزها.
بدر هيرفع عينيه عليه فجأة: بجد؟
أشرف بابتسامة : البت حلوة ومتعلمة ومفيهاش عيب وخسارة تضيع نفسها عشان جوازه.. وانا ايه ضمني ان سميرة هترجع ولا هتجوزها! ف اتجوزها انا.
صابر : ايه رأيك ف الكلام دا يابدر؟؟
بدر هيقوم ويبصلهم الاتنين : رأيي هتعرفوه بعدين... ويمشي يطلع ع السلم.
ف الوقت دا أميرة طلعت الموبايل الي معاها وبعتت رسالة لاخواتها بتقول فيها "كانوا عايزين يغصبوني ع الجواز من طارق ودلوقتي خلاص الحمد لله اتخلصت م المشكلة دي ".
وتقعد تحاول تتصل عليهم بس الرقم مقفول..
بدر يطلع ويخبط عليها..
تقوم بسرعة تخبيه وترد بتوتر: مين؟
بدر :افتحي يا أميرة..
تفتح بشويش وبتوتر: فيه حاجة!
بدر بهدوء: عايزك ف كلمتين..
أميرة بارتباك : اتفضل.
يدخل بدر ويقعد ع الكرسي وراسه لتحت وبيفكر وهي ع السرير قصاده متوترة..
بدر يرفع عينه ويبصلها وبتردد: اخدتي العلاج بتاعك!
أميرة بتوتر: اايوا..
بدر :طيب كويس ..
اميرة بقلق: عايز تقولي ايه يابدر!!!
بدر يرجع يبصلها وبتردد: أميرة..عمك مصمم انك تتجوزي واحد فينا.
أميرة تبصله بدهشة وبصوت حزين جدا: بس بس انت وعدتني.
يقاطعها بدر :اميرة صدقيني انا نفسي مش راضي عن الجوازة دي واتكلمت مع عمك كتير بس هو صمم .
أميرة هتقوم فجأة وهي بتبكي بشدة وبعصبية: انت خدعتني.. ايوا انت انت قولتلي كدا عشان تهديني بس ..انا ليه صدقتك؟.. انت زيهم اصلا
بدر هيقوم فجأة ويروح عليها وبغضب :أميرة اهدي...
أميرة هتبعد عنه وهي منهارة: لا مش هـهداااا انا عايزة اروح لاخواااتي.. رجعوني لاخوااااتي... انا عايزة اروح لاخواتي..
بدر هيبصلها بنظرة شفقة ويقرب منها وبصوت هادي: اميرة اخواتك الاربعة هربوا وسابوكي هنا لوحدك..
أميرة هترفع عينيها فجأة وتبصله وهي مش مصدقاه: انت كذااب.
بدر هيتعصب ويمسكها من دراعها جامد ويزعق :لا انا مش كذااب.. اخواتك هما الي كذبوا عليكي وهما الي باعوكي وهربواا.. ولعلمك اختك جات انبارح وكانت عارفة انك ف المستشفي وبالرغم من كدا هربت ولا سألت فيكي ولا حتي طلبت تشوفك وتطمن عليكي ..
أميرة كانت موجوعة من ايديه بس مبقتش حاسه بالوجع ومبقتش حاسه بنفسها ولا بأي حاجة ودموعها وقفت ولسانها تقل: ا خ و ا ت ي.. اخـ اخواتي عملوا كدا..
وعينيها تغمض بشويش وجسمها يتقل وتفقد اعصابها وتقع بس بدر يسندها بسرعة ويشيلها ينيمها ع السرير وقلبه بيدق جامد وحاسس بتوتر وقلق شديد..
بدر هيمسك ايديها ويلاقيها باردة جدا ويحاول يفوقها:أميرة !!..أميرة فوقي!
وينادي بصوت عالي:يا نسمة!! يا رحاااب
يلاقي نسمة داخلة واول ماتشوفها تتخض وتجري عليها وتفوقها ورحاب هتيجي بعدها هي وأسماء وتدخل وراهم سمية..
سمية بتعجب :انت كنت بتعمل ايه هنا؟!
بدر يلتفت وبعصبية: وانتي مالك؟!
سمية بنظرة شك: دلوقتي انا مالي لكن شاطر تضرب ابني!!
بدر بغضب يقرب منها:اسمعيني بقا ف الكلمتين الي هقولهملك دول وتاخدي بالك اوي منهم ..
أميرة تخصني من هنا ومن رايح ولو شوفتك انت او ابنك بتتعرضولها انا مش هيكفيني اخد روحكم.. سمعاني يا مرات أبويا!
سمية تمشي من قدامه وهي بتقول بصوت فيه خوف وتوتر وحركات بايديها: الكلام دا لازم ابوك هو الي يسمعه ويجي يشوف ابنه الكبير وهو بيهددني عشان حتة بت..
تطلع وتروح ع عاشور تحكيله.. وبدر يلتفت ويلاقي أميرة بدأت تفوق..
هيروح عليها ويبص لاخواته البنات:سيبونا شوية يا بنات..
يطلعوا ويقفلوا الباب..
بدر يقعد جنب أميرة وهي نايمة ويلاقيها دموعها نازلة ومش بتتحرك من مكانها ولا بتبصله ..
بدر بصوت هادي: ع فكرة انا لسه عند وعدي ليكي..
أميرة ..دلوقتي احنا الي باقيين ليكي وخلاص وجودك ف البيت هنا بقا امر لازم.. وعمك خلاص قرر يجوزك واحد مننا..
بس انا لقيت حل للموضوع دا..
أميرة.. أنا.. انا الي هتجوزك.
أميرة تبدأ تبصله بشويش وملامحها عليها الدهشة..
بدر يقرب منها أكتر ويهمس: انا هتجوزك جواز صوري بس ومش حقيقي عشان يبطلوا يضايقوكي وصدقيني أول ما نلاقوا اخواتك انا هقطع الورقة ولا كأن حاجة حصلت..
أميرة مذهولة ودموعها لسه نازلة ع خدها..
بدر يمسك ايديها بشويش:صدقيني انا بعمل كدا عشانك انتي.. انا مش شايفك غير اختي الصغيرة ومش هشوفك غير كدا ودا وعد تاني مني..
يسكت شوية ويكمل ..
اميرة انا مش بجبرك انا بعرض عليكي الحل الي عندي وليكي الحرية تقبليه او لا..
أميرة هترجع تبص لفوق تاني وتبكي بشدة وآهاات..
بدر بحزن :خلاص يا أميرة.. خلاص اعتبريني مقولتش حاجة..
ويقوم من جنبها بشويش عشان يمشي..
أميرة تنادي عليه بصوت حزين ومكسور: اسـتني..
(بعد شوية..)
عند عاشور...
بدر يدخل ويلاقيه قاعد وسمية بتحاول تقنعه يجوز أميرة لطارق..
عاشور اول مايشوفه بغضب يقول : صحيح الي مرات ابوك قالته دا؟؟
بدر يبصلها بقرف :وفري كلامك يا مرات أبويا..
ويبص لعاشور: انا الي هتجوز أميرة يا حج..
الجزء الخامس من هنا