رواية حلة محشي / الجزء الأول والثاني
بقلمي / مي علي
- مني اصحي يا مني ... يابنتي انتي مبتشبعيش نوم ...قومي الساعه بقت تسعه ...يابت قومي نشفتي ريقي
- يا ماما حاضر يا ماما هقوم اهو
- اخلصي لسه هتقومي تلبسي وتفطري قومي يلا
- أهو يا ماما قومت أهو .
- يلا روحي اغسلي وشك وافطري بسرعه
وهيا بتتمطع قالت...
- ليه هيا الساعه كام دلوقتي ؟
- الساعه تسعه
- يا نهاااااار أبيض أنا اتأخرت اووووووي ....لي كده بس يا ماما مش قولتلك صحيني
وقامت جريت ع الدولاب
- يابنتي انا ريقي نشف معاكي...... يابت اغسلي وشك
- يا ماما اتأخرت اتأخرت
ولبست جري وفتحت الباب
- طب استني افطري لقمه حتي
- يا ماما مش هقدر دول هيبهدلوني
- طب اعملك رغيف تاكليه ف المواصلات
- هو انا ف ابتدائي يا ماما ...متقلقيش عليا انا هبقي افطر ...باي بقي امووووواه
نزلت مني وقفلت الأم الباب وهيا بتقول ...
ربنا يستر علي عقلك من الشغلانه اللي بتشتغليها دي يا بنتي
أحب اعرفكم بنفسي أنا مني عندي 27 سنه من عيله بسيطه جدا ...خريجة تمريض
وبشتغل ممرضه في مستشفي الأمراض النفسيه والعصبيه .... او مستشفي المجانين زي ما كل الناس بتقول عليها
بقالي تلت شهور بالظبط شغاله هناك .... مخي اتلحس وبقيت زيهم وكل اللي ف البيت عندي لاحظ ده .. بس انا حبيت الشغل هناك ... عالم ملكوت تاني الناس دي ف نعمه والله انا بحسدهم عليها بس بردو بحمد ربنا علي نعمة العقل
كل يوم بصحي متأخر واتشعبط ف الأوتوبيس واتهزق وأخد الطريحه التمام كل يوم من ساعة مشتغلت ... بس مع تأخيري ده ميقدروش يستغنو عني .... المرضي هناك بيحبوني والدكاتره كمان
ركبت الاوتوبيس زي كل يوم ووصلت للمستشفي طلعت جري
ولسه هدخل الاوضه بتاعت الممرضات عشان اغير هدومي لقيت سوسن دكتوره ومشرفة الدور بتنادي عليا
- مني
قولت ف نفسي .... يارب يا ساتر الوليه دي شبه الغفر علي طول وقفالي ع السلم كده
- ايوه يا دكتوره سوسن
- ورايا علي مكتبي
دخلت وراها .. قعدت وبعدين بصتلي وقالت ...
- ف خلال التلت شهور اللي اشتغلتي فيهم هنا حذرتك كام مره من التأخير
- كتير بس انا.....
- انا مش هكتفي بلفت نظرك بعد كده لأن الواضح ان لا لفت النظر ولا خصم مرتبك بينفع معاكي
- اومال حضرتك هتعملي معايا اي
-اسمعي انا مش قاسيه بس انتي زيدتي عن حدك ... ومش عشان والدك كان شغال معانا هنا يبقي تسوئي فيها ... والدك كان ملتزم جدا ومنضبط ف كل شئ وانا لخاطره بس هديكي اخر فرصه بس قسما بالله يا مني لو اتكررت تاني مش هتدخلي من باب المستشفي مفهوووم
- مفهوم يا دكتوره سوسن
- اتفضلي روحي شوفي شغلك ... عنبر 11 .. استلمي من زميلتك هناك
- حاضر يا دكتوره سوسن
خرجت من عندها وروحت غيرت هدومي ونزلت علي عنبر 11 ... استلم من هاجر ممرضه زميلتي
- اي يا مني كل ده يا شيخه حرام عليكي انا مروحتش من امبارح استلمي مني خليني امشي
- معلش حقك عليا مش هتأخر تاني
- اي مالك ؟
- مفيش
- شكلك خدتي طريحة كل يوم
- ده العادي هعمل اي بقي ....هحاول بعد كده متأخرش
- جدعه متخليهاش تكلمك نص كلمه ....يلا انا ماشيه بقي
- طيب ماشي
- بصي العروسه ..... قصدي الست ليلي دي مرضيتش تاخد الدوا ابدا ومش راضيه حتي اغيرلها هدومها عاوزاكي انتي يا ستي
- طيب خلاص انا هشوفها حالا
- اوك انا ماشيه بقي
روحت لمدام ليلي اشوفها مش راضيه تاخد الدوا ليه
مدام ليلي دي حكايتها حكايه
كانت ست عايقه ف نفسها زمان وكانت موظفه كبيره اوي... عيبها الوحيد بس انها كانت بتحب تتجوز كتير .....تتجوز الراجل من دول شهر وبعدين تسيبو .... أكتر واحد عاشت معاه ست شهور .... بس ده بعد ما فشلت ف جوازتها الاولانيه وطلعت من الجوازه بولد وبنت ...الولد كان مستعر منها عشان جوازتها الكتير اما بنتها ف قلبها كان رحيم بيها وبتيجي تزورها كل فتره
جت هنا بعد اخر جوازه ليها ... كان وقتها عندها اربعين سنه وكانت ف كل جوازتها محدش عرف ياخد منها مليم من اللي محوشاه .. بس ف الاخر اتلم عليها عيل صايع اصغر منها بكتير شاب يعني ... ووهمها انو بيحبها وفرشلها الارض ورد وعرض عليها الجواز وهيا قبلت
لمتو ونضفتو وهو كان ملوش زي ف الكلام المتذوق .... فضل وراها وضحك عليها ف صفقه وجبلها ناس مثلو عليها ان الصفقه مضمونه وفلوسها هترجعلها الضعف لو شغلتها وهو كان ضامن ليهم ف صدقته لانو فضل يزن عليها ويملي دماغها ...سلمتو كل اللي وراها واللي قدامها وبعد اسبوع بالظبط صحيت ملقتهوش وف نفس اليوم بليل اتبعتلها ورقة طلاقها مع محضر ع البيت
وورقه مكتوب فيها
تعيشي وتاخدي غيرها... يا وليه عيب علي سنك روحي اعملي لأخرتك وشكرا علي فلوسك اللي أمنتيلي بيها مستقبلي
مكملتش يومين وكانت مشرفه هنا ف مستشفي المجانين ...ياعيني مقدرتش تتحمل الصدمه وضاع شقي عمر سنين
كل واحد هنا ليه حكايه .... وأخر مشهد بيبقي صدمه ف حياتهم بيفضل هو ده اللي مأثر عليهم
قصرو ... روحتلها وقولت اديها الدوا ...وبصوت واطي قولت
- لولا ....حبيبتي ...مخدتيش الدوا ليه
ردت بوشوشه
- مش عاوزه اخد دوا .... اص .... اص ...هاجر عاوزه تسرق الفلوس اللي انا خبيتها تحت السرير هاجر .... هاجر دي حرميه
- متخفيش محدش هياخدهم مش احنا امبارح خبيناهم وانا اديتك المفتاح
- ااه
- محدش يعرف مكانهم متخافيش ..بس لو مخدتيش الدوا الناس هيعرفو طريقهم وهيجو ياخدوهم كلهم ... ف خدي الدوا ولا عوزاهم ياخدو الفلوس كلها
- لا لا هاخد هاخد
- طيب افتحي بوقك يلا .....امممممم بالشفا .... تعالي بقي قومي عشان نغيرلك هدومك
- لا لا ...لا هياخدوهم
- لا مش هياخدوهم متخفيش مش احنا معانا المفتاح
- لا ياخدوهم عشان مفيش حد معاهم
- طب اقولك ... براحه كده ومن غير ما حد يحس هاتي الفوس بسرعه معانا واحنا بنغير الهدوم
- اه ... طب شوفي كده في حد شايفنا
- لا مفيش يلا بسرعه قبل ما حد يجي
كانت حاطه كيس اسود ملياه ورق ورابطاه وهو ده بالنسبالها فلوسها ...
- ها طلعتيه
- اهو ...
- طب يلا بينا
واخدتها وغيرتلها هدومها ورجعتها العنبر وخبينا الكيس وسبتها عشان اشرف علي بقيت المرضي
روحت لمريض اسمو كهربا احنا سميناه كده .... اخد فونط كهربا عالي خلا فيوزات مخو ضربت
- حاسبي الكهرباااااا ... شدي الفيشه
- اهو شدتها
- انا مليون مره اقولك شدي الفيشه شدي الفيشه اااااااااااه الكهربااااا مسكت ف صباعي
- يالهووووي مسكت ف صباعك ...لازم تاخد الدوا بسرعه
- حاسبي هتتكهربي ... اقفلي اللمبه ... اللمبه هتفرقع ف وشك
- ااااه يا وشي اااه ...كده ينفع
- شوفتي ... شوفتي فرقعت اهيه عشان تشدي الفيشااااا... الكهربااااا
- طب خد الدوا عشان نشد الفيشا ...بدل ماخلي دكتور ممدوح يجي يديك الحقنه ويحط الفيشه
- لا خلاص خلاص هاتي الدوا هاتي ... انا دكتور ممدوح اما يجي هحط الفيشه من غير مايشوف وتمسك ف صباعو ...هههههههههههههههههه... اوعي تقوليلو
- هروح اجيبو ومش هقولو حاجه ابدا
اديتو الدوا وسبتو ومشيت ...روحت عنبر 4 ... لمريض اسمو جمال لقيتو قاعد حاطط ايدو علي خدو
- مالك يا جمال حاطط ايدك علي خدك ليه
- مستنيها لما تخلص
- هي مين دي
- اصلها جوه ف الاوضه ومعاها واحد ... اصل انا مرضتش اوديها
- توديها فين
وفجأه لقيتو قام وصرخ
- خلصت اهيه .... وهو كمان ... اهيه ... اهيه شايفاها ...بصي بتبصلي ازاي ... عاوزه تضربني .... بس انا هضربها وهموتها عشان هيا خاينه
كان بيصعب عليا ... فضل طول عمرو يحوش عشان يتجوز ... وكان بيسافر ف يوم رجع مفاجأه لقا مراتو بتخونو ... عشيقها هرب وهو قتلها .. وحبسوه بس اضطرب عقلو بعد كده ... الأول كانو فاكرينو بيعمل كده عشان ميتحاكمش ... بس بعد كده اقتنعو انو فعلا اتجنن وحولوه علي هنا
جه الدكتور ممدوح ادالو حقنه مهدئه ... قلبي بيتقطع عليه والله
خلصت وعديت علي كل العنابر اللي بشرف عليها واتطمنت علي كل المرضي اللي مسؤلين مني
سميره ممرضه زميلتي جت ناديتني ...
- مني روحي لدكتوره سوسن عوزاكي
- طيب حالا اهو
طلعت لمدام سوسن وخبطت ودخلت اوضتها ....لقيت ناس معاها واحده ست مش كبيره اوي ف السن بس شكلها غريب ومعاها راجل عجوز
دخلت قلت ...
- مدام سوسن حضرتك طلبتيني
- ادخلي يا مني .... احب اعرفك .. مدام كوثر وجوزها أستاذ علي
- اهلا وسهلا
ردت الست ..
- اهلا بيكي يا بنتي
دكتوره سوسن بصتلي وقالت ...
- المدام ليها ابن ف الفتره الأخيره اتضطرب نفسيا بسبب موضوع أثر عليه ...ومش هيقدرو يجيبو المستشفي ... هو مش مضطرب بالمعني التقليدي ولكن محتاج رعايه ... الدكتور ممدوح راح واتطلع ع الحاله بنفسه
- دكتوره سوسن حضرتك بتقوليلي الكلام ده ليه
- ممكن اكمل كلامي
- اتفضلي انا اسفه
- هما محتاجين ممرضه تقوم برعايتو وتظبطلو مواعيد الأدويه ...بمعني اوضح هتراعيه زي ما بتراعي اي مريض هنا بس الفرق انو ف بيتو
وانا رشحتك انتي
- نعم !!!!
- اي مالك
- بس ... بس حضرتك اشمعنا انا
- مفيش اشمعنا انا شايفه انك الأفضل للمهمه دي ... ف من بكره انشالله هتروحي هناك
- طب بس مش لما افهم الحاله اي او اي النظام او حتي معلومات عنو
مسكت دكتوره سوسن ورقه محطوطه ع المكتب وقالت .
بقلمي / مي علي
- مني اصحي يا مني ... يابنتي انتي مبتشبعيش نوم ...قومي الساعه بقت تسعه ...يابت قومي نشفتي ريقي
- يا ماما حاضر يا ماما هقوم اهو
- اخلصي لسه هتقومي تلبسي وتفطري قومي يلا
- أهو يا ماما قومت أهو .
- يلا روحي اغسلي وشك وافطري بسرعه
وهيا بتتمطع قالت...
- ليه هيا الساعه كام دلوقتي ؟
- الساعه تسعه
- يا نهاااااار أبيض أنا اتأخرت اووووووي ....لي كده بس يا ماما مش قولتلك صحيني
وقامت جريت ع الدولاب
- يابنتي انا ريقي نشف معاكي...... يابت اغسلي وشك
- يا ماما اتأخرت اتأخرت
ولبست جري وفتحت الباب
- طب استني افطري لقمه حتي
- يا ماما مش هقدر دول هيبهدلوني
- طب اعملك رغيف تاكليه ف المواصلات
- هو انا ف ابتدائي يا ماما ...متقلقيش عليا انا هبقي افطر ...باي بقي امووووواه
نزلت مني وقفلت الأم الباب وهيا بتقول ...
ربنا يستر علي عقلك من الشغلانه اللي بتشتغليها دي يا بنتي
أحب اعرفكم بنفسي أنا مني عندي 27 سنه من عيله بسيطه جدا ...خريجة تمريض
وبشتغل ممرضه في مستشفي الأمراض النفسيه والعصبيه .... او مستشفي المجانين زي ما كل الناس بتقول عليها
بقالي تلت شهور بالظبط شغاله هناك .... مخي اتلحس وبقيت زيهم وكل اللي ف البيت عندي لاحظ ده .. بس انا حبيت الشغل هناك ... عالم ملكوت تاني الناس دي ف نعمه والله انا بحسدهم عليها بس بردو بحمد ربنا علي نعمة العقل
كل يوم بصحي متأخر واتشعبط ف الأوتوبيس واتهزق وأخد الطريحه التمام كل يوم من ساعة مشتغلت ... بس مع تأخيري ده ميقدروش يستغنو عني .... المرضي هناك بيحبوني والدكاتره كمان
ركبت الاوتوبيس زي كل يوم ووصلت للمستشفي طلعت جري
ولسه هدخل الاوضه بتاعت الممرضات عشان اغير هدومي لقيت سوسن دكتوره ومشرفة الدور بتنادي عليا
- مني
قولت ف نفسي .... يارب يا ساتر الوليه دي شبه الغفر علي طول وقفالي ع السلم كده
- ايوه يا دكتوره سوسن
- ورايا علي مكتبي
دخلت وراها .. قعدت وبعدين بصتلي وقالت ...
- ف خلال التلت شهور اللي اشتغلتي فيهم هنا حذرتك كام مره من التأخير
- كتير بس انا.....
- انا مش هكتفي بلفت نظرك بعد كده لأن الواضح ان لا لفت النظر ولا خصم مرتبك بينفع معاكي
- اومال حضرتك هتعملي معايا اي
-اسمعي انا مش قاسيه بس انتي زيدتي عن حدك ... ومش عشان والدك كان شغال معانا هنا يبقي تسوئي فيها ... والدك كان ملتزم جدا ومنضبط ف كل شئ وانا لخاطره بس هديكي اخر فرصه بس قسما بالله يا مني لو اتكررت تاني مش هتدخلي من باب المستشفي مفهوووم
- مفهوم يا دكتوره سوسن
- اتفضلي روحي شوفي شغلك ... عنبر 11 .. استلمي من زميلتك هناك
- حاضر يا دكتوره سوسن
خرجت من عندها وروحت غيرت هدومي ونزلت علي عنبر 11 ... استلم من هاجر ممرضه زميلتي
- اي يا مني كل ده يا شيخه حرام عليكي انا مروحتش من امبارح استلمي مني خليني امشي
- معلش حقك عليا مش هتأخر تاني
- اي مالك ؟
- مفيش
- شكلك خدتي طريحة كل يوم
- ده العادي هعمل اي بقي ....هحاول بعد كده متأخرش
- جدعه متخليهاش تكلمك نص كلمه ....يلا انا ماشيه بقي
- طيب ماشي
- بصي العروسه ..... قصدي الست ليلي دي مرضيتش تاخد الدوا ابدا ومش راضيه حتي اغيرلها هدومها عاوزاكي انتي يا ستي
- طيب خلاص انا هشوفها حالا
- اوك انا ماشيه بقي
روحت لمدام ليلي اشوفها مش راضيه تاخد الدوا ليه
مدام ليلي دي حكايتها حكايه
كانت ست عايقه ف نفسها زمان وكانت موظفه كبيره اوي... عيبها الوحيد بس انها كانت بتحب تتجوز كتير .....تتجوز الراجل من دول شهر وبعدين تسيبو .... أكتر واحد عاشت معاه ست شهور .... بس ده بعد ما فشلت ف جوازتها الاولانيه وطلعت من الجوازه بولد وبنت ...الولد كان مستعر منها عشان جوازتها الكتير اما بنتها ف قلبها كان رحيم بيها وبتيجي تزورها كل فتره
جت هنا بعد اخر جوازه ليها ... كان وقتها عندها اربعين سنه وكانت ف كل جوازتها محدش عرف ياخد منها مليم من اللي محوشاه .. بس ف الاخر اتلم عليها عيل صايع اصغر منها بكتير شاب يعني ... ووهمها انو بيحبها وفرشلها الارض ورد وعرض عليها الجواز وهيا قبلت
لمتو ونضفتو وهو كان ملوش زي ف الكلام المتذوق .... فضل وراها وضحك عليها ف صفقه وجبلها ناس مثلو عليها ان الصفقه مضمونه وفلوسها هترجعلها الضعف لو شغلتها وهو كان ضامن ليهم ف صدقته لانو فضل يزن عليها ويملي دماغها ...سلمتو كل اللي وراها واللي قدامها وبعد اسبوع بالظبط صحيت ملقتهوش وف نفس اليوم بليل اتبعتلها ورقة طلاقها مع محضر ع البيت
وورقه مكتوب فيها
تعيشي وتاخدي غيرها... يا وليه عيب علي سنك روحي اعملي لأخرتك وشكرا علي فلوسك اللي أمنتيلي بيها مستقبلي
مكملتش يومين وكانت مشرفه هنا ف مستشفي المجانين ...ياعيني مقدرتش تتحمل الصدمه وضاع شقي عمر سنين
كل واحد هنا ليه حكايه .... وأخر مشهد بيبقي صدمه ف حياتهم بيفضل هو ده اللي مأثر عليهم
قصرو ... روحتلها وقولت اديها الدوا ...وبصوت واطي قولت
- لولا ....حبيبتي ...مخدتيش الدوا ليه
ردت بوشوشه
- مش عاوزه اخد دوا .... اص .... اص ...هاجر عاوزه تسرق الفلوس اللي انا خبيتها تحت السرير هاجر .... هاجر دي حرميه
- متخفيش محدش هياخدهم مش احنا امبارح خبيناهم وانا اديتك المفتاح
- ااه
- محدش يعرف مكانهم متخافيش ..بس لو مخدتيش الدوا الناس هيعرفو طريقهم وهيجو ياخدوهم كلهم ... ف خدي الدوا ولا عوزاهم ياخدو الفلوس كلها
- لا لا هاخد هاخد
- طيب افتحي بوقك يلا .....امممممم بالشفا .... تعالي بقي قومي عشان نغيرلك هدومك
- لا لا ...لا هياخدوهم
- لا مش هياخدوهم متخفيش مش احنا معانا المفتاح
- لا ياخدوهم عشان مفيش حد معاهم
- طب اقولك ... براحه كده ومن غير ما حد يحس هاتي الفوس بسرعه معانا واحنا بنغير الهدوم
- اه ... طب شوفي كده في حد شايفنا
- لا مفيش يلا بسرعه قبل ما حد يجي
كانت حاطه كيس اسود ملياه ورق ورابطاه وهو ده بالنسبالها فلوسها ...
- ها طلعتيه
- اهو ...
- طب يلا بينا
واخدتها وغيرتلها هدومها ورجعتها العنبر وخبينا الكيس وسبتها عشان اشرف علي بقيت المرضي
روحت لمريض اسمو كهربا احنا سميناه كده .... اخد فونط كهربا عالي خلا فيوزات مخو ضربت
- حاسبي الكهرباااااا ... شدي الفيشه
- اهو شدتها
- انا مليون مره اقولك شدي الفيشه شدي الفيشه اااااااااااه الكهربااااا مسكت ف صباعي
- يالهووووي مسكت ف صباعك ...لازم تاخد الدوا بسرعه
- حاسبي هتتكهربي ... اقفلي اللمبه ... اللمبه هتفرقع ف وشك
- ااااه يا وشي اااه ...كده ينفع
- شوفتي ... شوفتي فرقعت اهيه عشان تشدي الفيشااااا... الكهربااااا
- طب خد الدوا عشان نشد الفيشا ...بدل ماخلي دكتور ممدوح يجي يديك الحقنه ويحط الفيشه
- لا خلاص خلاص هاتي الدوا هاتي ... انا دكتور ممدوح اما يجي هحط الفيشه من غير مايشوف وتمسك ف صباعو ...هههههههههههههههههه... اوعي تقوليلو
- هروح اجيبو ومش هقولو حاجه ابدا
اديتو الدوا وسبتو ومشيت ...روحت عنبر 4 ... لمريض اسمو جمال لقيتو قاعد حاطط ايدو علي خدو
- مالك يا جمال حاطط ايدك علي خدك ليه
- مستنيها لما تخلص
- هي مين دي
- اصلها جوه ف الاوضه ومعاها واحد ... اصل انا مرضتش اوديها
- توديها فين
وفجأه لقيتو قام وصرخ
- خلصت اهيه .... وهو كمان ... اهيه ... اهيه شايفاها ...بصي بتبصلي ازاي ... عاوزه تضربني .... بس انا هضربها وهموتها عشان هيا خاينه
كان بيصعب عليا ... فضل طول عمرو يحوش عشان يتجوز ... وكان بيسافر ف يوم رجع مفاجأه لقا مراتو بتخونو ... عشيقها هرب وهو قتلها .. وحبسوه بس اضطرب عقلو بعد كده ... الأول كانو فاكرينو بيعمل كده عشان ميتحاكمش ... بس بعد كده اقتنعو انو فعلا اتجنن وحولوه علي هنا
جه الدكتور ممدوح ادالو حقنه مهدئه ... قلبي بيتقطع عليه والله
خلصت وعديت علي كل العنابر اللي بشرف عليها واتطمنت علي كل المرضي اللي مسؤلين مني
سميره ممرضه زميلتي جت ناديتني ...
- مني روحي لدكتوره سوسن عوزاكي
- طيب حالا اهو
طلعت لمدام سوسن وخبطت ودخلت اوضتها ....لقيت ناس معاها واحده ست مش كبيره اوي ف السن بس شكلها غريب ومعاها راجل عجوز
دخلت قلت ...
- مدام سوسن حضرتك طلبتيني
- ادخلي يا مني .... احب اعرفك .. مدام كوثر وجوزها أستاذ علي
- اهلا وسهلا
ردت الست ..
- اهلا بيكي يا بنتي
دكتوره سوسن بصتلي وقالت ...
- المدام ليها ابن ف الفتره الأخيره اتضطرب نفسيا بسبب موضوع أثر عليه ...ومش هيقدرو يجيبو المستشفي ... هو مش مضطرب بالمعني التقليدي ولكن محتاج رعايه ... الدكتور ممدوح راح واتطلع ع الحاله بنفسه
- دكتوره سوسن حضرتك بتقوليلي الكلام ده ليه
- ممكن اكمل كلامي
- اتفضلي انا اسفه
- هما محتاجين ممرضه تقوم برعايتو وتظبطلو مواعيد الأدويه ...بمعني اوضح هتراعيه زي ما بتراعي اي مريض هنا بس الفرق انو ف بيتو
وانا رشحتك انتي
- نعم !!!!
- اي مالك
- بس ... بس حضرتك اشمعنا انا
- مفيش اشمعنا انا شايفه انك الأفضل للمهمه دي ... ف من بكره انشالله هتروحي هناك
- طب بس مش لما افهم الحاله اي او اي النظام او حتي معلومات عنو
مسكت دكتوره سوسن ورقه محطوطه ع المكتب وقالت .
رواية حلة محشي / الجزء الثاني
بقلمي / مي علي
بعد ما لفيت علي كل العنابر اللي بشرف عليها ... دكتوره سوسن طلبتني وروحتلها .. ورشحتني لرعاية مريض ولكن خارج المستشفي
انا قلت ...
بس لازم حضرتك اعرف اي الحاله ..او حتي معلومات عنها
مسكت ورقه محطوطه ع المكتب وقالت ...
بيانات الحاله ... الأسم حسام
السن36 سنه ... وظيفته مهندس اما سبب الاضطراب ف دكتور ممدوح هيشرحلك كل حاجه
قلت ...
طيب يا دكتور
قالت...
خلال يومين انشالله هتكوني هناك وانا اتفقت مع أهل المريض علي كل حاجه بعلم إدارة المستشفي ...
قلت..
اوك ماشي
قالت ...
تقدري تتفضلي دلوقتي وشويه هبعتلك
هزيت راسي واستأذنت وخرجت
اي القرف ده اشمعنا انا دون كل الممرضات اللي اختارتني انا اصلا بابا مش هيوافق ...ده اللي ناقص هروح اعالج مجنون ف بيتو كمان
انا هعتذر عن المهمه دي بقي ....اه ياني ياما
يووووه طب مكنت قولت الكلام ده جوه معني اني سكت اني موافقه وهيا هتتفق معاهم علي كده
انا هخش اقولها لا
يادي النيله انا حاساها بتتلككلي ويمكن لو وافقت تبطل تقافلي ع الواحده
كل ده كنت واقفه بتكلم مع نفسي بس بصوت عالي وفجأه لقيت دكتور إبراهيم واقف قدامي وبيقول ....
مني انتي اتجننتي واقفه تكلمي نفسك
- دكتور ابراهيم حضرتك هنا من امتي
- من ساعة اه ياني ياما
- ده حضرتك هنا من بدري
- اه ولو كنتي كملتي شويه كمان كنت هخليهم يحضرولك سرير ف عنبر من العنابر
- يا دكتور هو في حد يشتغل هنا ويبقي عاقل ...
- علي رأيك ... دكتوره سوسن جوه ؟
- اه بس معاها ناس
- خلاص ماشي روحي عنبر تسعه يلا دلوقتي
- اوك حاضر
عنبر تسعه ده مجانين علي حق انا بدخل جوه بحمد ربنا اني بخرج بعقلي
ده عنبر الرجاله .. مجموعه كده متصحبين علي بعض ومجننين الدكاتره
دخلت لقيتهم واقفين يتفرجو علي اتنين منهم بيتخانقو
دخلت فضلت واقفه اتفرج عليه وهو بيضربو بشكل خلاني هموت من الضحك واللي ضحكني أكتر لما عرفت انو بيضربو قال ايه عشان اخد مناخيرو
وواحد تاني مبيعملش حاجه غير ان اي حد يكلمو يضحك بس ...اديلو الدوا يضحك ... لو حتي حد زعقلو يضحك كل حاجه يضحك وضحكتو عاليه اوي
اما بقي المريض الوحيد اللي اعرف اسمو فيهم كلهم هو ملط ..ادينالو الاسم ده
يبقي قاعد ف امان الله وفجأه نلاقيه قام وقلع هدومه كلها ... ده من زمان وهو هنا ... أمه اطرت توديه مستشفي المجانين لانها مكنتش بتقدر عليه وكان ينزل الشارع يقلع قدام الناس
خلصت شغلي ونزلت روحت ... بعد يوم متعب جدا
ماما اول ما شافتني قالت ...
- مالك وشك مخطوف كده ليه
- تعبت اوي يا ماما
- معلش خشي غيري هدومك عبال محضرلك الغدا انا لسه متغدتش قولت اتغدا معاكي
- طيب ... اومال بابا فين ؟
- شويه وجاي نزل القهوه
راحت وبتفتح نور المطبخ لا إرادي عني قولتلها ...
- حااااااااسبي الكهرباااااا ههههههههههههههه
اتخضت وكان قلبها هيقف ...
- بطلي يا بت يا مني شغل الجنان ده ...وقعتي قلبي
- ياست الكل انا خايفه عليكي لا تمسك ف صباعك ولا حاجه ههههههه
- سلامة عقلك يابنتي ..... انا راحه احضر الاكل الله يخربيت الشغلانه دي اللي لحستلك مخك
دخلت غيرت هدومي وقعدنا اتغدينا وبابا جه وحكتله علي اللي دكتوره سوسن طلبتو مني والغريبه انو وافق وقالي ....
- طلاما شغل تبع المستشفي وواثقين فيهم وكمان انتي هتساعدي مريض يبقي مفيش مشكله ....انتي ممرضه لازم تساعدي المرضي ف كل كان وف اي وقت .....ده انتي ف مكان كله بركه
- خلاص يا بابا ماشي اللي حضرتك تشوفو .... انا هروح انام بقي عشان اعرف اصحي بدري بدل متهزق واترفد المره دي .... تصبحو علي خير
دخلت نمت وصحيت الحمدلله ولأول مره من تلت شهور ....وفطرت وظبط الدنيا ونزلت قبل معادي كمان وروحت بدري
ودكتوره سوسن شافتني وابتسمت جدا ...
ف نص اليوم استدعتني دكتوره سوسن انا ودكتور ممدوح عشان تفهمني علي تشخيص الحاله
دكتور ممدوح قالي ...
- الحاله دي مش مضطرب بالمعني الكامل ..... اللي اقصدو انو مش مجنون نهائي ...هو بس مجرد اضطراب نفسي خفيف اثر صدمه حصلتله لأنو خسر كل فلوسه
محتاج علاج ولكن عشان سمعته وسمعة عيلته مش هيقدرو يجيبوه مصحه نفسيه ف انا هقوم بمتابعة الحاله بنفسي ...وانتي هتشرفي علي مواعيد الأدويه بنفسك وتديني تقرير عن الحاله يا مني
- ماشي يا دكتور ممدوح
- هما هيجيو ياخدوكي دلوقتي ويوصلوكي لهناك
- دلوقتي ؟
- ايوه لازم نبدأ علاج فورا لأن كل اما بنتأخر كل ما الاضطراب بيزيد وده هيخليه مجنون فعلا
خطة العلاج اهيه ..... الحقن دي لازم تتاخد ف معادها والأدويه كمان وطبعا صحة المريض من الناحيه الجسميه ... لازم تهتمي بنظام أكلو ... لأنو ممتنع عن الأكل
- انشالله هقوم بكل اللازم يا دكتور
- انتي هتباشريه لمدة شهر ... تديني تقرير كل أسبوع تمام
- تمام يا دكتور
دكتوره سوسن قالت ...
- اتفضلي معايا هما مستنينك تحت
نزلت معاهم .... نفس الست والراجل اخدوني ف عربيه ووصلوني لحد البيت بس الغريبه انهم مدخلوش معايا الست قالتلي ....
عرفيهم بنفسك بس وهما عندهم خبر بوصولك
كانت فيلا ف منطقه كويسه شويه ...بس الفيلا من بره شكلها كئيب بطريقه غبيه تحس ان مفيش حد ساكن اصلا فيها
البوابه مفتوحه ومفيش بواب .... دخلت ورنيت الجرس
فضلت واقفه شويه وبعدين فتحتلي واحده ست بس كانت مواربه الباب ع الأخر لدرجة اني مش عارفه اشوف وشها كويس
قالت بصوت واطي ...
انتي مين ؟
- انا مني الممرضه اللي ... مخلتنيش أكمل الجمله وقالت
- اه اتفضلي
فتحت الباب شويه ودخلت وقفلت الباب بسرعه
البيت من جوه كان مضلم بطريقه غريبه مع ان الفيلا من بره كلها شبابيك
الست قالت اتفضلي
ومشيت وانا مشيت وراها وانا يدوبك شايفه قدامي
دخلتني اوضه فيها انتريهات ...وقالت
- ارتاحي .... هروح انادي الهانم
فضلت قاعده..... الاوضه مظهرها غريب وكلها تحف بس متربه ويدوبك الشباك مدخل خيط نور رفيع منور الاوضه
شوية ودخلت ست شكلها حو اوي ومتشيكه اخر شياكه
قمت وقفت
أول ما شافتني مقلتش حاجه ليا
بصت للست اللي فتحتلي الباب وقالتها ...
- هيا دي الممرضه اللي بعتتها كوثر
الست ردت
- اه يا ستي هيا دي واسمها .... انتي قولتي اسمك اي ؟
- مني
بصتلي الهانم دي وقالت للست ...
- اممممممم .... خضرا وريها اوضة البيه ... والاوضه اللي هتبات فيها ..
قاطعتها وقولت ...
- اوضة اي اللي هبات فيها ...
بصتلي وقالت ...
- هما مش فهموكي انتي جايه هنا ليه
- اه فهموني بس مقالوليش اني هبات هنا
- اممممم طيب وفرتي يكون احسن بردو
كانت بتتكلم بأسلوب تنك اوي ومقرف
بصتلي وقالت ...
- ياريت تنفذي المطلوب منك بحرص ... مفهوم .... و خضرا معاكي تمام
وبصت لخضرا دي وقالت ...
- انا خارجه لو حد سأل عليا قولي اني هكون موجووده الساعه 10 اوك
- حاضر يا ست هانم
- يلا .....وبصتلي من فوق لتحت والبشنطه اللي كانت ف ايدها شاورت وقالت ...
باي باي
وخرجت وهيا ماشيه تتمايل
انا بقيت مستغربه ... اي ده هو في اي
خضرا دي قالت ...
تعالي اتفضلي اما اوريكي اوضة البيه
قولتلها ...
- ممكن سؤال معلش .... هي مين الست دي ؟
- دي لبني هانم مرات حسام بيه
استغربت اكتر ...جوزها تعبان وهيا سايباه وخارجه ومتشيكه اخر شياكه كده وبتتكلم بلامبالاه
دخلتني اوضته ...الدنيا كانت ضالمه جدا الشبابيك متقفله وريحة الاوضه لا تطاق .... فتحت خضرا النور بتاع الاوضه
لقيته نايم معرفتش اشوف وشو .كان متكلفت بالبطانيه واحنا ف عز الحر
خضرا قالت ....
- هو نايم دلوقتي شويه ويصحي ... تعالي ننزل تحت
اخدتني ونزلنا
قالت ...
تعالي ندخل المطبخ ... اعملك حاجه تشربيها لو عاوزه وبالمره اوريكي البيت
دخلت وراها ...
وقفت قدام باب المطبخ اللي كان مقفول وعليه قفل
لقيتها بتطلع المفتاح وبتفتح المطبخ
انا استغربت ... هيا ليه حاطه قفل علي باب المطبخ وقفلاه كده انا اول مره اشوف حاجه زي دي
البيت ده بالناس اللي فيه كلو مريب فعلا
دخلنا ... وصبتلي حاجه اشربها
كنت عاوزه اسألها هيا ليه عامله كده ف الباب بس سكت وقولت مش وقتو بعدين ابقي اشوف الحكايه دي
فضلت واقفه مبحلقه فيا وانا بشرب
دقيقه بالظبط وسمعت صوت خبط ورزع جامد وصوت حد بيصوط ......