رواية حلة محشي / الجزء الثالث
بقلمي / مي علي
روحت البيت بتاع المريض ...من اول ما دخلت وفي حاجه مش مريحاني بالمره ..
البيت مضلم وكئيب وقابلت مراته اسمها لبني ...عندها لامبالاه بشكل رهيب
طلعت اوضته لقيته نايم ومتكلفت بالبطانيه واحنا ف عز الحر ...
نزلت ع المطبخ مع خضرا وعملتلي حاجه اشربها وفضلت مبحلقه فيا بشكل رهيب
شويه سمعت صوت حاجات بترزع وحد بيصوت
اتخضيت وقومت اتنفضت
خضرا بصتلي وبلامبالاه قالت ...
ده حسام بيه ...باينو صحي
- ده بيصرخ جامد اوي انا هطلعلو
مسكت ف دراعي وقالت ...
- لا بلاش استني بس سيبيه وهو شويه وهيهدي لوحدو وتلاقيه سكت
- انتي اي اللي بتقوليه ده انتي مش سامعه ولا اي ازاي اسيبو كده
اتكلمت بنبرة صوت عاليه شويه وقالت ...
- ياختي قولتلك سيبيه انتي غاويه وجع قلب ...بقولك شويه وهيسكت الله
نزلت ايديها اللي كانت ماسكه ف دراعي
وقولت...
بقولك اي اوعي سيبي ايدي ...انا المسؤله عنه هنا ...
- خلاص ياختي اطلعي انتي بقي
- لا هتتفضلي قدامي ...يلا
- ياروح مابعدك روح ..اتفضلي ياختي ....استني أما اقفل باب المطبخ
ووقفت تحط القفل ع الباب وتقفلو ..وصراخو فوق عمال بيزيد
طلعنا
حطيت ايدي علي اوكرة الباب ...شدتني وقالت ...
- انا مش مسؤله عن اللي هيحصلك اديني بقولك اهو
بصتلها وفتحت الباب وانا خايفه
دخلت لقيته مكسر كل حاجه ف الاوضه وواقف يصرخ
كان متوسخ وباين عليه مستحماش بقالو مده ...شاب مش كبير اوي ..مش عجوز يعني ...وكانو سايبينو بدقنو طويله اوي
ولابس فانله بيضه وبنطلون ازرق جينز
بصلي وكانت عينيه حمرا جدا وفضل يصوط ف وشي ...ويزعق ...
الحله .... هاتي الحله..... الحله فييييييين
انا مبقتش فاهمه ..بصتلها وقولت ...
حلة اي
جري عليا وسحبني من ايدي بشكل وحش اوي ..وقعت ع الأرض
فضل يصرخ ف وشي ويقول ....
مين اللي قالك تاخديها ....فين الحله هاتيهااااااااااااا
انا مبقتش قادره انطق ....صحتو شديده اوي
جري ع الباب
خضرا راحت قافله الباب بسرعه
وانا جوه واقعه ع الأرض ومش فاهمه حاجه
فضل يخبط ع الباب جامد ...
افتحييييي الباااااااب افتحيييييي....
ويخبط بكل قوته
ولف وشكلوا كان بشع وهايبر بشكل لا يصدق .... فضل يصوط ويزعق
انا قومت وقفت ف ركن جمب الحيطه .... واستجمعت قوتي وقولتله .....
اهدي بس وانا هجبلك الحله
بصلي بعينيه ...انا خوفت
قرب عليا وقال ....
هيا فين ....انتي اللي خدتيها
- لا لا بس انا هجبهالك بس اهدي
- هاتيها ....دلوقتتتتتييييي
- حاضر ...حاضر ....بس اهدي عشان اجبهالك ...بطل تصوط وانا هجيبهالك
بصلي نظره طويله ...فهمت منها انو هو فاهم انا بتكلم بقول اي
بعد عني وراح ناحية الشباك وقعد ع الأرض وحط ايدو علي وشو
انا مكنتش فاهمه اي الحكايه ولكن صعب عليا المنظر اللي هو فيه
قربت منو ..
بصلي وقال ...
- الحله .... اخدوها ....اخدو كلو .... انا ..انا خبيتها بس هما لاقوها ...
- قولتلو ....
- مين أخدها ؟!
- هما ...أخدوها .. ومشيو ...
- هما مين دول
سكت وبصلي وقال ...
- انتي ....انتي مين ؟!
سكت شويه وبعدين قولتله...
- انا ....مني ...
- مني مين ؟!
حسيت من عينيه انو فايق وواعي لكل شئ بيقولو ...رديت وقولت ...
- مني ...الممرضه ....انا جايه هنا عشان اديك الدوا عشان تخف
- ومين قالك اني عيان ...ها .... انا كويس ...ومش عايز دوا ..مش عايز دوا ...امشي من هنا ....انتي كمان جايه تديني دوا ....انا مش عاوز دوااااا
- اومال عاوز اي ؟!
بصلي نظره غريبه وبرق مره واحده وقال ...
- عاوز الحله ...انا عاوز الحله
انا مبقتش فاهمه حاجه ...ده طبيعي ولا مجنون ..قولتله ...
- حلة اي طيب ؟!
- الحله بتاعتي كنت حاططهم فيها هما جم أخدوها ....لا ...سرقوهااااااا ....أخدوها مني
ولقيتو بيعيط ....حط ايدو علي وشو وبيبكي
انا بجد صعب عليا اوي ...معرفش ليه حسيت انو غريق ومحتاج حد ينجده
قربت منو ...وطبطبت عليه ..وقولتله ...
- معلش ...معلش ...كل حاجه هتبقي كويسه
فجأه زق ايدي وقام وقف ....وقالي بصوت عالي ...
لا مفيش حاجه هتبقي كوييييسه ....انا عاوز الحله ...خليهم يرجعوهالي ..
- طيب اهدي وانا هخليهم يرجعهوهالك
بصلي بغضب وقال...
- يبقي انتي تعرفيهم ....انتي اللي خليتيهم ياخدوها
وقرب مني ...متوقعتش اي حاجه ممكن يعملها
وبعزم ما فيه نزل فيا ضرب ....
فضلت اصوط واصرخ وهو كان شكلو رهيب ..وانادي
إلحقوووووني
لحد ما خضرا جت فتحت الباب ودخلت ومعاها راجل ...جته كده شالو عني وكتفو ...وقال لخضرا
هاتي الحقنه
فضل هو يصرخ ويحاول يفلت من ايد الراجل ..بس الراجل كتفو ...وادالو الحقنه
مسافة ما خدها
اتكوم ع الأرض
قومتني خضرا....كان بهدلني ع الأخر والبالطو اتقطع ومبقتش قادره فعلا اقف
نزلتني خضرا غسلت وشي
وقعدت وهيا عماله تبصلي اوي
قولت ....
الله يخربيتكو ...هو ده اللي مش مجنون ...ومضطرب نسبيا ....ده أجن مجنون شوفتو من ساعة مشتغلت الشغلانه الزفت دي ...الله يخربيتك يا دكتور ممدوح علي بيتك يا دكتوره سوسن
واي حكايه الحله اللي عاوزها دي ....ها .....ردي عليا
سكتت ومردتش
- ساكته ليه متردي
ببرود قالت ...
- والله ياختي معرف لما تيجي الست ابقي اسأليها أو اسألي الدكتور اللي باعتك انا معرفش حاجه
نزل الراجل اللي بنجو وبصلي وقال...
- انا اديتو حقنه مهدئه بس هيا فيها نسبة منوم ....بعد كده متبقيش تدخوليلو لوحدك ...أحسن ده لاسع ع الأخر
قولتله ....
- وانت تبقي مين ؟!
- انا جعفر البواب
- البواب ؟! اومال انا دخلت مكنش في حد قدام البوابه وكانت مفتوحه
- اه يمكن كنت بجيب حاجه او ف دورة الميه
- اممم طيب ..... ياتري انت بقي تعرف اي حكاية الحله ..ولا انت كمان هتقولي اسألي الدكتور بتاعك
- العلم عند الله يا ست
- هو حسام ده ....اي سبب اضطرابه ....قصدي يعني سبب تعبو اي
- والله اللي اعرفه ان شقي عمرو كلو ضاع والقرشين اللي كان محوشهم ضاعو
- ايوا ضاعو ازاي بقي ...اتسرق ولا صرفهم ولا اي يعني ؟!
- معرفش والله ....انا لسه جديد هنا مكملتش اسبوع
بصيت لخضرا وقولت ...
- وانتي ...متعرفيش بردو
- والله يختي انا بقالي اسبوعين هنا معرفش حاجه ...والست هانم مبتتكلمش هيا بتدي أوامر وبس واللي بتقولو احنا بنعملو.....كان في ناس شغاله هنا قبلنا ...اللي عرفتو أن الست مشتهم بمجرد ما البيه اتنكس
- تمام ....يعني أنا لازم اعرف منها هيا ...اوك مفيش مشكله ..لما تبقي ترجع نبقي نشوف
انتو سايبينو لي كده ؟!
جعفر رد ...
- كده ازاي لا موأخذه
- يعني دقنو طويله واوضته معفنه وباين علي بقالو كتير مستحماش.....
- والمفروض اننا نحميه يعني ولا اي حضرتك ...اما انتي أمرك غريب
- اتكلم بأسلوب عدل يا جدع انت ...
- ياست انا قولت اي ....انا هنا بواب ....شغلتي بواب هحميه كمان ...وبعدين ده محدش بيقدر عليه ده طول الوقت بيصرخ ...والأوامر اللي عندي اني اطلع اديه الحقنه اللي اديتهالو دي وبس
- اه وكل أما يفوق تطلع تكومه بالحقنه دي .... عاوز تموته
- أموته اي يا ست ....دي حقنه كتبهالو الداكتور
- بقولك اي روح شوف شغلك وحسك عينك تديلو الحقنه دي تاني من غير اذني انا هنا المسؤله عن علاجه سامع
بصلي بقرف وسابني وخرج
بصيت لخضرا دي وقولتلها....
انتو عالم غريبه ...مراتو سيباه كده مش هاين عليها تنضفو ولما يفوق تكوموه بالحقنه دي ...معني كده انو لا بياكل ولا بيشرب ولا بيعمل حاجه خالص
- لا يا ست بنأكله
- اولا اسمي انسه مني ....ثانيا اتفضلي معايا علي فوق
- انتي مخوفتيش ...عاوزه تطلعي تاني ..ده اي ده
- ثالثا ومش هعيد كلامي تاني ...لما اقولك حاجه تتنفذ ...انا مش جايه ألعب هنا ...في علاج لازم يتاخد ومريض حالته صعبه لازم نعالجو ...لي اللامبالاه اللي انتو فيها دي
بصتلي ورفعت حاجب ...
قولتلها بنبره حاده ....
اتفضلي ورايا
طلعنا اوضته بصيت عليه كان نايم من أثر الحقنه اللي ادوهالو ..بصتلها وقولت ....
- هتعرفي ترفعيه معايا
- ارفعه اودييه فين
- هنحميه
بصتلي بسخريه وقالت ....
- احنا هنحميه ؟!
- اه ياختي عندك مانع اومال هنسيبو كده ..... ارفعيه معايا ع الحمام ....
فعلا رفعناه ....واخدت شنطة الادويه معايا ....وحطتو ف البانيو
انا ممرضه يعني مفيش حرج ....وكمان منظرو فعلا كان يصعب علي اي حد
قولتلها ...
روحي شوفيلي مكنة حلاقه أو مقص اقصلو بيه شعرو ودقنو دول
بصتلي بإستغراب وراحت جابتلي الحاجه
انا كنت جهزت حقنه تانيه جمبي عشان لو فاق لاني مش هقدر اسيطر عليه
قولتلها ....
روحي بقي خلي البواب موجود هنا عشان لو حصل حاجه .... واتفضلي روحي اوضة البيه ...تنضفيها ....عوزاها نضيفه فله ....وتغيري الملايه..... مش هتاخد منك وقت عوزاها تنضف سامعه
كلامي مكنش عاجبها خرجت وانا قومت قفلت الباب وراها
وبدأت اقصلو شعرو واحاول أحلقله دقنو دي .... ملامحه ابتدت تبان واحده واحده .... ملامحه هاديه جدا
قلعتو هدومه كلها وبدأت احميه وانا مرعوبه انو يفوق ....حميتو
بس نسيت أقولها تجيبلو هدوم ....ندهت عليها وجت ...طلبت منها تروح تجيبلو هدوم
راحت جابتلي غيار ....خليتها تسندو معايا ونشفتو ولبستو واحده واحده
قولتلها خلصتي الاوضه ...
- وهو انا لحقت
- طيب مفيش اوضه تانيه انيمو فيها لحد متخلصي
- اه في طبعا
ندهت ع البواب سندو معايا ودخلناه اوضه تانيه ....مش معقول القرف ده ...الاوضه متربه وباين عليها بقالها كتير متنضفتش
بصتلها وقولت ...
- اتفضلي اخلصي روقي الاوضه التانيه ...مش معقول المزبله دي
راحت وربع ساعه وجت قالتلي ....
- الاوضه خلصت
خليت البواب سندو وروحنا ع الاوضه التانيه وبقت نضيفه
روحت ناحية الشباك وفتحتو
قالتلي ....
- لا متفتحيهوش
- ليه يعني ....مش أحسن من الكتمه والكمكمه دي ...خلي نور ربنا يدخل
قالت ....
- الست مانعه اي شبابيك تتفتح
- نعم يعني وده ليه
سكتت شويه وبعدين تهتهت ف الكلام وقالت ...
- عشان بس لو فاق ممكن يروح ناحية الشباك ولا حاجه ...
بصيت ع الشباك لقيت عليه حديد اصلا من بره
قولتلها ...
- وحتي لو راح في حديد مش هيقدر ينط ....الشباك يفضل مفتوح
راحت قايله....
- وصوته اللي كل ساعه والتانيه طالع ....لما الناس تسمع تقول اي ....
- الناس اكيد عارفه أن ده مريض وبعدين انتي مالك انتي خليكي ف حالك ....اجري يلا روحي اعملي اكل عشان لما يفوق لازم ياكل
- في شوربة خضار من امبارح ...كنت عملهالو ومرضيش ياكل
- والله هو مش عندو زكام عشان ياكل شوربة خضار .... اعملي اكل ياكلو بني آدم وبعد اذنك اتعاملي معاه عادي متحسيسسهوش انو مختل أو مجنون ... خدي علي اد عقلو
بصتلي وحسيت أنها عاوزه تديني بالقلم علي وشي
ونزلت ....
انا جبت ...الادويه اللي معايا اللي كان المفروض ياخدها بس مرضيتش اديهالو الا لما ياكل لان عندي علم انو ممتنع عن الأكل
خلصت الأكل ...قولتلها ...
- هاتيلي صينيه لحد هنا ...عشان هفوقو ياكل
- مبلاش
- وانتي مالك انتي اتفضلي امشي شوفي قولتلك اي
حطيت شويه من محلول ف قطنه ..المحلول ده بنستخدمو لما بيبقي في حلة اغماء أو شخص واخد حقنه زي دي وعاوزين نفوقه قبل ما مفعول الحقنه يخلص
قربت القطنه علي مناخيرو وانا حتي مش ضامنه ممكن يعمل اي لما يفوق
وفعلا فاق ...اول ما فتح عينو بصلي واتنفض
مسكت ايدو وقولتلو ...
- اهدي ....اهدي ....انت كويس ..
قام وسند ضهرو ع السرير وهو بيبصلي بإستغراب وقال....
- انتي مين ؟!
مرضتش اقلو انا ممرضه ...قولتلو
- انا مني...جايه اقعد معاك هنا واخد بالي منك
- ومين اللي جابك عشان تاخدي بالك مني ؟!
حسيت انو فايق وكويس
ملحقتش ارد عليه كانت خضرا طلعت بصينيه الاكل .... وشافتو وهو قاعد كده وساكت مبيعملش حاجه خالص ولا بيصرخ
اخدت منها الصينيه وقولتلها ...
روحي انتي لما هعوزك هناديكي
روحت لحد السرير بالصينيه وقعدت وقولتلو ...
- ممكن تاكل
بصلي وسكت خالص ومفيش اي نظره معبره علي وشو
كانت عملت صينية بطاطس ورز وفراخ
حطيت شوية رز ف المعلقه وقربتها من بوقو ...
- كل
بصلي نظرة استغراب ..وفتح بوقو ...انا متوقعتش انو ممكن يعمل كده ويتقبل ياكل
بدأت أكلو ...اول معلقه والتانيه ....التالته بقربها علي بوقو
لقيتو كلبش ف ايدي انا اتخضيت اوي
لقيته بصلي وقال....
- مين اللي حلقلي دقني ... مين اللي غيرلي هدومي دي
قولتلو ...
- انا
بصلي بإستغراب ....نظرة عينيه مكنتش نظرة شخص مضطرب ابدا بلعكس شخص عائل فاهم بيدور اي حواليه
كملت كلام وقولت ...
- لازم تكون دايما نضيف ...انا لما لقيتك كده وهدومك وسخه قولت لازم احميك
بصلي وقال....
- انا بقالي كتير اوي مخدش حمام ....زي مانا بقالي كتير مكلتش
وكان علي وشو نظرة أسي
قولتلو ...
- طب ممكن تخلص أكل ... واديتو المعلقه وقولتلو
يلا ممكن تاكل
مسك المعلقه وبدأ ياكل ...اول ما قرب يخلص قومت وجبت الادويه اللي المفروض اديهالو
خلص الاكل كلو فعلا كان جعان ...
ندهت علي خضرا تيجي تشيل الصنيه
اول ما طلعت بصت علي صنية الاكل وبحلقت
انا بصتلو وقولت ...
تاكل تاني
رد وقال...
شبعت شكرا
برقت أكتر ...
قولتلها ...
مالك متنحه ليه اتفضلي خدي الصنيه وانزلي يلا ...اعمليلو اي حاجه يشربها
نزلت فعلا
قربت منو عشان اديلو الدوا
بصلي وقال...
- اي ده
- ده الدوا
- مش عاوز دوا
- لازم تاخد الدوا عشان تخف
- أخف من اي انا مش عيان
- ممكن تاخد الدوا لو سمحت
بصلي وحسيت من عينيه انو بيثق فيا وحاسس بالأمان
في حقنه كان المفروض ياخدها ...اتخض لما لقاني هديهالو ...
- قالي ...
حقن لا ...حقن لا
- اهدي بس في اي
- مش عاوز حقن ابعدي عني
قربت منو وقولت ....
- متخفش انا مستحيل أأذيك ممكن تسمع كلامي
كان مطيع جدا ...لدرجة حسيت انو مغيب
أخد الحقنه ...
انا ملاحظه انو مفيهوش حاجه ....كويس وزي الفل وطبيعي جدا .... ومجبش سيرة الحله ابدا ولا بيصرخ ولا اي حاجه
قولتلو ....
اي رأيك ننزل نقعد تحت
- تحت.... تحت فين ؟!
- تعالي معايا بس وهوريك
قام معايا ونزلنا ..اخدتو علي صالو وفتحت الشباك .... الصالون كان نضيف شويه عن باقي البيت
خضرا جابت حاجه يشربها ...وبقت مستغربه ازاي كده
هو قام وبدأ يبص ف الاوضه زي ما يكون مش بيتو واول مره يشوفو
راح ناحية أسطوانات محطوطه ووقف وفضل باصصلها
قومت وقولتلو ...
تحب نشغلها
بصلي وهز راسو زي الطفل الصغير ...
روحت طلعت سيديهايه وكانت لأغنيه اجنبي انا عارفاها .. دورت علي الكاسيت ...ولقيتو وحطيت الاسطوانه
هو قعد ع الكنبه وابتدي يسمع ....
فضلت ابصلو اوي ...
مستحيل يكون مجنون ابدا ولا حتي مضطرب ....
واحنا قاعدين شاورتلي خضرا خرجتلها بره وسبتو جوه بصتلي وقالت ....
مراد بيه هنا
قولتلها ....
- مراد بيه مين ؟!
وفجأة ظهر قدامي واحد
اول ما شافني ابتسم وقال ....انا مراد أبقي أخو حسام ....أكيد انتي الممرضه اللي جابوها تشرف علي علاجه
قولتله ...
ايوه انا
مد ايدو وقال ...
اهلا وسهلا
معرفش ليه قلبي اتقبض أما شوفتو ...مرتحتلوش
بص وقال...
- انشالله تعدي خدمتك هنا علي خير ...وحسام ميطلعش جنانو عليكي
قولتلو ...
- أستاذ حسام مش مجنون تماما ... بلعكس شخص طبيعي
بصلي بسخريه وقال...
- انتي مشوفتيش حاجه بقي لسه
قولتله ..
تحب تشوف
وشاورت علي اوضة الصالون ....
اتفضل
دخل معايا ... وكان حسام واقف بيقلب ف الاسطوانات وبيشرب العصير اللي جابتو خضرا
لاحظت علي مراد أول ما شافو أن الابتسامه اللي كانت علي وشو اختفت وفي نظره مريبه
قولتلو ....
مالك في اي
قال...
لا ..ماليش ... انا بس متفاجئ
حسيت انو مش قادر يبلع ريقو تماما وهو بيتكلم ...
قولتلو...
مين قال انو مجنون ....انا ملاحظتش ده ....بدليل قدامك اهو معتقدش أن ده مضطرب نفسيا
قال..
اه ..اه
حسام كان واقف بيبصلنا وعينيه مش طبيعيه ابدا ....حسيت أن في حاجه .
قرب مراد منو وقال...
بالحضن ياخويا
وحضنو بس حسام مداش اي تعبير ولا حتي بادله الحضن
بصلو مراد وقال...
- مبسوط انك بخير ...الحمدلله انك اتحسنت ....مكنتش فاكر انو هيبقي من اول يوم كده بس كويس انك احسن دلوقتي
حسام مردش تماما
مراد بصله وحتي مسألش مبيردش ليه
وبعدين بصلي وقال....
تأثيرك عليه عظيم ..ومن اول يوم انا متفائل بجد
حسيت علي وشو ابتسامه مزيفه ...وتصرفات كدابه ...واكدلي أحساسي
بصلي وقال....
طب كويس اني اتطمنت عليه ....انا ماشي بقي ...
قولتلو ...
بسرعه كده
قالي ...
انا ...اصل كنت متعود أجي اتطمن عليه كده كل يوم وامشي ....كويس انو بقي بخير ...وبيتحسن ...معلش مضطر امشي عشان شغلي
قولتلو ...
- أنست
اتجه ناحية الباب وانا روحت وراه اوصلو ...
بصلي وقال...
هيا لبني مرات حسام فين .....اكيد اتعرفتي عليها
قولتلو ...
- اه شويه ...بس هيا خرجت
قال...
اه ...طب دي هتفرح اوي لما تشوفو فاق شويه
قولتله ...
اكيد
قال...
شكرا ليكي
قلت ...
لا شكر علي واجب ...ده واجبي
قال...
طب مع السلامه
قلت ...
نورت ...مع السلامه
ومشي وقفلت الباب ...وبلف
لقيت حسام ف وشي وعينيه ووشه مش طبيعين ابدا ....وماسك الكوبايه من نصها ومدلوقه كلها ع الأرض.....
بصتلو وقولت ....
في حد يمسك الكوبايه كده ....العصير وقع ع الأرض
نديت عليها ....
خضرا تعالي معلش نضفي الأرض دي
بص على خضرا اللي جت وجابت الشرشوبه تمسح الأرض ....
راح بعزم ما فيه رمي الكوبايه عليها بعزم مافيه ....بس مجتش فيها وقعت ادشدشت مليون حته ف الأرض ....
انا اتخضيت ومبقتش فاهمه هو عمل لي كده ..
بصتلو وقولت ....
اي اللي انت عملتو ده ينفع كده
لف وشو وبصلي بشكل رهيب زي مايكون اتحول ...انا اترعبت منو
خضرا اخدت الشرشوبه ودخلت جري لما لقيتو كده ...خافت من
ردت فعلو فاجأتني
لما لقيتو بيجري وراها ومكنش طبيعي ابدا ......
الجزء الرابع من هنا