بعد ما روحت قابلت الست وروحت جري
لقيتهم حابسينو واقفلين عليه الباب كالعاده وعمال بيصرخ هديتو بحقنه مهدئه لاني مقدرتش عليه
ونام من اثر الحقنه
شويه وصحيتو تاني ياكل وعملتلو الاكل بأيدي بس مفعول الحقنه كان لسه مأثر فنام تاني وانا كمان غفيت جمبو محستش بنفسي
صحيت حوالي الساعه واحد بليل
قمت خرجت بره اشوف اي الدنيا بره واي اللي حصل
وانا معديه من قدام اوضتها سمعت صوتها بتتكلم بس مكنتش مفسره بتقول اي
قربت ع الباب وشويه وسمعت صوت حد تاني بيتكلم
صوت غير صوتها
بس صوتو واطي خااالص ومكتوم
شويه والصوت سكت تماما ف انا رجعت ورا بضهري
وفجأه لقيتها فتحت الباب
انا اتخضيت .... كانت خارجه مبرقه وواقفه بقميص النوم
بصتلي بغضب وقالت ...
- واقفه بتعملي اي عندك
انا اتلعبكت ومبقتش عارفه اتكلم ....صرخت ف وشي
- اي اتخرستي ...واقفه بتعملي اي عندك ؟
- ما .....ما .... مبعملش حاجه
- لا بتعملييييي ..... انا اقولك انتي كنتي واقفه بتعملي اي ... انتي كنتي واقفه بتتسنطي عليا مش كده
- لا مش كده
- اوماااال ايه .... واقفه ف الضلمه وف ساعه زي دي وقدام باب اوضتي ولازقه ودانك ف الباب يبقي بتعملي اي ؟
ومسكتني من دراعي جامد وقالت ....
- متنطقي
- اوعي كده سيبي ايدي ..... انا كنت واقفه بسمع القذاره اللي بتعمليها ... انا سمعتك بتتكلمي وفي حد معاكي ف الاوضه جوه
بغضب قالت ...
- وانتي مالك انتي مين معايا جوه ولا بعمل اي ..... بصي انا جبت أخري منك اتفضلي غوري لمي هدومك ومن غير مطرووووود يلااااااااا
خضرا صحيت علي صوت زعقينا وفتحت النور وهيا مخضوضه
قالت ....
- في اي يا ست هانم
- مش شغلك .... اتفضلي خدي البت دي ونزليها تلم هدومها ووصليها لبره يلاااا
بصتلها وقولتلها .....
- لا بقولك اي انا مش همشي من هنا إلا بعد حاجتين اولهم لما المريض اللي انا جايه عشانو يخف والحاجه التانيه هتعرفيها بعدين غير كده مش هتحرك من مكاني
راحت سحباني من دراعي جر ع السلم ونازله بيا وهيا بتزعق ....
- اجري يا خضرا روحي هاتي حاجتها ف كيس اسود من بتوع الزباله
مقدرتش ابعد إيديها عني فضلت تشد فيا وانا ازوق وهيا عماله تجرني وواخداني ع الباب
مسكت ف الباب وقولتلها ...
- اوعي كده سيبيني مش من حقك تطرديني اوعي يا حراميه اووووووعي
سابت دراعي ورفعت ايدها وهتديني بالقلم
انا غمضت عيني ووطيت راسي .. بس مضربتنيش افتكرت انها لمت ايديها عني
رفعت راسي وبصيت لقيت حسام واقف وراها وماسك ايديها اللي رفعتها تضربني بيها
انا اتفاجئت بيه جدا
وهي كمان
مسك دراعها ولواه ورا ضهرها
وبصلها بصه بغضب اووووي
ومد إيدو ناحيتي .... مديت ايدي ومسكت ايديه راح مرجعني ورا ضهرو ومتكلمش معاها ولا قالها حاجه فضل بس لاوي دراعها
وبعدين سابها ومسكني عشان اطلع معاه
راحت مزعقه وصوتها علي وعماله تقول ....
- انت اي اللي قومك انت لازم تتحبس زي الحيوانات ف الاوضه انا غلطت اني مدخلتكش المستشفي من الأول يا معفن
راح ساب ايدي وراح واقف قدامها ورزعها قلم
بيتهيألي وشها اتشلفط بعديه
بصتلو وبرقت ونظرة عينيها كانت باينه اوي وهي فهمت انو صاحي وواعي وفاهم وعارف هي عملت اي
أخدني وطلعنا ورزع الباب وراه ودخل وقعد ع السرير ونفسو بيتسارع اوووي
متكلمش معايا ولا كلمه
قربت منو وحطيت ايدي علي كتفو وقولت ...
- اهدي .... اهدي
مسك دراعي وحضنو وانا طبطبت عليه وفضل قاعد ساكت كده
وفجأه لقيتو دفس دماغو ف حضني وفضل عامل زي الطفل
انا صعبان عليا ومشاعري ناحيتو مشاعر ممرضه تجاه مريض بيعاني
حضنتو وفضل كده وقت طويل حاضني بس مش نايم
فضلنا كده معرفش اد اي وبعدين بصيت عليه لقيتو نام
نيمتو ع المخده وفردت جسمو وفضلت صاحيه قاعده ع الكنبه جمب الشباك لحد ما النهار طلع
الساعه بقت سابعه وانا مش جايلي نوم نهائي
سمعت صوت البوابه بتتفتح قومت براحه بصيت من الشباك لقيتها مراتو
لابسه وخارجه
ياتري اي اللي منزلها بدري كده
قدرت تغلوش عليا وبردو معرفتش مين كان معاها جوه
بس فكرت اني ممكن ألاقي أثر لأي حاجه جوه ف اوضتها
خرجت براحه
وبصيت ملقتش حد
اتسحبت بشويش ودخلت علي اوضتها
دخلت وقفلت الباب ورايا
بصيت ع الاوضه
مفيهاش اي حاجه تدل علي اي شئ
فضلت ابص حواليا ... وبالصدفه عيني جت ع الطفايه
انا عارفه انها مبدخنش
كان في عوقبين سجاير
لكن لا ده مش دليل ما يمكن تكون بتدخن وانا مشوفتهاش مهي بتسكر يعني هيا جت علي دي
قومت فتحت الأدراج ....كلها مفيهاش اي حاجه خالص
درج منهم لقيتو مقفول
حاولت افتحو معرفتش وخفت أكسرو تبقي مشكله وهي وقفالي علي الواحده
خرجت ورجعت علي اوضة حسام بسرعه
فضلت قاعده شويه كانت الساعه بقت تمانيه ونص وفجأه تليفوني رن
دكتوره سوسن بتتصل بيا
رديت وانا متوقعتش انها ممكن تكون راحت المستشفي او بلغت حد من الأداره
دكتوره سوسن اول مكلمتني كانت متعصبه اووووي
- انتي اي اللي هببتيه ده ؟
- عملت اي يا دكتوره سوسن ؟
- مرات استاذ حسام جاتلي ولسه خارجه من عندي حالا وحكتلي كل حاجه من ساعة مدخلتي البيت وقلة ادبك عليها ..... اي اللي انتي بتعمليه ده شغلك ده امانه انا مش مودياكي تلعبي
- ممكن تسمعيني بس ارجووووكي
- هتتكلمي تقولي اي يا مني
انا كنت فاكراكي هترفعي راسي
- دكتوره سوسن وحياة ربنا نا قمت بشغلي علي اكمل وجه اديني فرصه افهمك الموضوع دي جنايه ولو سبناها هيروح فيها المريض ده
- جناية اي يا مني اللي بتتكلمي عنها ؟ انتي مكبره الموضوع ليه كده
- عندك وقت تسمعيني انا بقي ؟
- اتفضلي اتكلمي
حكيتلها كل اللي حصل وواحده واحده ابتدت تقتنع خلصت كلامي وقولت ...
- انا عمري ما اتخاذلت ف شغلي دي روح بني ادم ولو علي رقبتي ارجوكي اديني فرصه انقذه وارجوكي متجبيش سيره لحد باللي قولتهولك
انا لازم اجيب قرارهم عشان الغلبان اللي جوه ده والله هيموتوه
- طيب طيب يا مني ربنا معاكي وبلغيني باللي حصل أول بأول
- شكرا لتفهمك يا دكتوره سوسن
وقفلت معاها
- اه يا بنت اللذينه راحه تشتكيني عشان تخليني اخلع من هنا ههههه ده بعدك نجوم السما اقربلك ويا انا يا نتي يا خرابة البيوت
قررت اقف علي رجلي وأفتح عيني واجمع معلومات وأقفلهم علي الواحده
بس كنت بحاول أبان طبيعيه
لاحظت ف الفتره الاخيره ان مراد بقي بيجي كتير وهيا مبقتش بتخرج زي الاول وبقت تحاول تقرب من حسام بس هو كان بيصدها
وحسام اتحسن تماما وابتدي يستجيب للعلاج
ومن ضمن الملاحظات بردو ان مره مراد جه وقعد ف اوضة المكتب وكان باين علي لبني انها متوتره وهيا نازلاله ودخلو وقفلو الباب وفضلو يتكلمو وصوتهم ف الاخر علي بس انا مفهمتش بيقولو اي
وخرج مراد متعفرت اوي ف اليوم ده
وبعدها علي طول خرجت لبني وباتت بره يومين ورا بعض
عدي تلت اسابيع وكان فاضل خلاص اسبوع واحد وأقيم الحاله تماما
ف اول يوم من الأسبوع الرابع
اتصلت بيا ماما الصبح وقالتلي إن بابا تعبان جدا
انا كان لازم أروح أشوفو
قولت لخضرا اني هخرج ومش عارفه هرجع امتي إحتمال أبات
ومشيت جري وقولت لحسام ان بابا تعبان ولازم أشوفو وطلبت منو يخلي بالو من نفسو وميشربش ولا ياكل اي حاجه تجبها خضرا ولا يطاوع حد يديلو حقن واني هرجع بسرعه
وفعلا روحت جري لبابا
وماما كانت جابتلو الدكتور وقالي ان الضغط كان عالي عليه بس شويه
اتطمنت عليه وسألني علي اللي حصل
وحكتلو وطلب مني ارجع بسرعه ولما تخلص مهمتي ابقي اروح
مرضيش اقعد معاه وقالي انو بقي كويس
ف مشيت
كل ده مكملش ساعه
روحت بسرعه وانا حاطه ايدي علي قلبي
لا يكون جرالو حاجه
روحت
وقفت قدام البوابه
كان معايا نسخه من مفتاح الباب لاني بقيت مقيمه معاهم ووارد يحصل أي حاجه
معرفش اي خلاني طلعتها وفتحت الباب ومخبطتش زي كل مره
دخلت براحه وقفلت الباب بشويش
البيت هوس هوس
بصيت علي اوضة حسام لقيت الباب مقفول
اتسحبت براحه ومعديه من اودام الطرقه سمعت صوت خضرا بتتكلم مع حد
دخلت بشويش كانت ف اوضتها
والاوضه صغيره ف الصوت مسموع
سمعتها بتتكلم مع حد ف التليفون وبتقولو ....
- بقي أحسن دلوقتي وابتدي يفوق والبت الممرضه ملازماه علي طول مبقناش نعرف نديلو الأدويه ولا الحقن زي الأول
طب نعمل اي يا باشا طيب الست لبني حاولت تزيحها ومعرفتش
وخرجت اهيه وانا طلعت حاولت اديلو الدوا لقيتو فايق وعارف كل حاجه ف سبتو وخرجت
والله يا باشا قلبت ع الورق ده الدنيا ملقيتهوش
طب تؤمر ب اي نعملو يا باشا طيب
تحت امرك ... حاضر يا ساعدت البيه اكيد مسيرها تسيبو يعني هيروح من ايدينا فين
مع السلامه
سمعت الكلام ده وانا بحاول اجمع
الله ده انتو جيتو ف ملعبي
جريت بسرعه ع الباب وفتحت براحه وخرجت وقفلت بشويش
ورنيت الجرس كأني لسه جايه
فتحتلي
دخلت من غير ولا كلمه طلعت علي اوضة حسام
اول ما شافني قال ....
- اتأخرتي ليه يا مني
- متأخرتش اهو انا جيتلك بسرعه
- اتمني يكون والدك كويس
- الحمدلله كويس ....قلي حصل حاجه ف غيابي
- لا بس خاضره دخلت وكانت عاوزه تديني الدوا وانا مخدتوش وطردتها بره
- جدع ... اسمع يا حسام انت عارف اني جايه هنا عشان اساعدك صح
- مبسوط بوجودك يا مني
- تمام يبقي تسمع كلامي
- عوزاك تخليك ف اوضتك متطلعش منها الكام ساعه دول لحد ما اطلعلك
- انتي هتسبيني تاني
- لا مش هسيبك بس اسمع الكلام
- طيب حاضر هقعد ومش هطلع
- مهما حصل يا حسام ماشي
- حاضر
خرجت وقفلت الباب عليه واتطمنت ان الهانم مش هنا
أخدت موبايلي وفتحت التسجيل
وعليت الصوت وحطيطو ف جيب البالطو اللي كنت لابساه
ودخلت المطبخ لقيتها واقفه بتعمل حاجه
قولتلها اقعدي يا خضرا عوزاكي ف كلمتين
- خير يا ست مني
- اقعدي بس
كان في ترابيزه ف المطبخ حواليها كراسي ...قعدت علي كرسي منهم
قولتلها اصبري هصب حاجه نشربها
بصتلي بإستغراب
انا روحت التلاجه كان في عصير طلعتو وروحت ناحية
الدولاب اجيب كوبايات
طلعت كوبايتين وكنت مدياها ضهري وانا بصب
فتحت براحه بإيدي الدرج اللي كان قدامي وطلعت منو سكينه وحطتها ف جيب البالطو اللي قدام بسرعه
وحاولت اداري علي اد مقدر
حطيت الصينيه وقولتلها اشربي
كان باين عليها خايفه قولتلها ...
- مالك خايفه تشربي ولا اي
اشربي اشربي متخافيش
ثواني هقوم اجيب حاجه
وقمت لفيت من وراها وهيا قاعده مدياني ضهرها
طلعت السكينه وحطتها علي رقبتها وانا مكتفه راسها
- اهدي اهدي بدل ما اجيب راقبتك الحلوه دي بالسكينه
واوعي تفتكري اني هتحبس فيكي لا
ديتك اعملي عبيطه يومين وهخش مستشفي المجانين واقعد بقي وسط حبايبي كلهم
وبعدين بقي هتقوليلي اللي عاوزه اعرفو كلو ولا نطير رقبتك وعلي فكره انا عارفه كل حاجه عشان متلفيش وتدوري بس انا عاوزه اسمع منك يا حلوه
- نزلي السكينه من علي رقبتي وانا هقولك كل حاجه
- لا مش هنزلها وهتقوليلي كل حاجه .....كنتي بتكلمي مين ف التليفون من شويه وقولتيلو ان حسام بطلتي تديه الادويه اللي كنتي بتديهالو عشان انا معاه ...ادوية اي دي بقي يا حلوه ....ومين اللي كنتي بتكلميه وحكايتك ايه اني والكلبه اللي مشغلاكي
غرزت السكينه ف رقبتها
- حاضر حاضر هقول ......ااااه.....هقووووول
- انطقي.......
الجزء السابع من هنا
لقيتهم حابسينو واقفلين عليه الباب كالعاده وعمال بيصرخ هديتو بحقنه مهدئه لاني مقدرتش عليه
ونام من اثر الحقنه
شويه وصحيتو تاني ياكل وعملتلو الاكل بأيدي بس مفعول الحقنه كان لسه مأثر فنام تاني وانا كمان غفيت جمبو محستش بنفسي
صحيت حوالي الساعه واحد بليل
قمت خرجت بره اشوف اي الدنيا بره واي اللي حصل
وانا معديه من قدام اوضتها سمعت صوتها بتتكلم بس مكنتش مفسره بتقول اي
قربت ع الباب وشويه وسمعت صوت حد تاني بيتكلم
صوت غير صوتها
بس صوتو واطي خااالص ومكتوم
شويه والصوت سكت تماما ف انا رجعت ورا بضهري
وفجأه لقيتها فتحت الباب
انا اتخضيت .... كانت خارجه مبرقه وواقفه بقميص النوم
بصتلي بغضب وقالت ...
- واقفه بتعملي اي عندك
انا اتلعبكت ومبقتش عارفه اتكلم ....صرخت ف وشي
- اي اتخرستي ...واقفه بتعملي اي عندك ؟
- ما .....ما .... مبعملش حاجه
- لا بتعملييييي ..... انا اقولك انتي كنتي واقفه بتعملي اي ... انتي كنتي واقفه بتتسنطي عليا مش كده
- لا مش كده
- اوماااال ايه .... واقفه ف الضلمه وف ساعه زي دي وقدام باب اوضتي ولازقه ودانك ف الباب يبقي بتعملي اي ؟
ومسكتني من دراعي جامد وقالت ....
- متنطقي
- اوعي كده سيبي ايدي ..... انا كنت واقفه بسمع القذاره اللي بتعمليها ... انا سمعتك بتتكلمي وفي حد معاكي ف الاوضه جوه
بغضب قالت ...
- وانتي مالك انتي مين معايا جوه ولا بعمل اي ..... بصي انا جبت أخري منك اتفضلي غوري لمي هدومك ومن غير مطرووووود يلااااااااا
خضرا صحيت علي صوت زعقينا وفتحت النور وهيا مخضوضه
قالت ....
- في اي يا ست هانم
- مش شغلك .... اتفضلي خدي البت دي ونزليها تلم هدومها ووصليها لبره يلاااا
بصتلها وقولتلها .....
- لا بقولك اي انا مش همشي من هنا إلا بعد حاجتين اولهم لما المريض اللي انا جايه عشانو يخف والحاجه التانيه هتعرفيها بعدين غير كده مش هتحرك من مكاني
راحت سحباني من دراعي جر ع السلم ونازله بيا وهيا بتزعق ....
- اجري يا خضرا روحي هاتي حاجتها ف كيس اسود من بتوع الزباله
مقدرتش ابعد إيديها عني فضلت تشد فيا وانا ازوق وهيا عماله تجرني وواخداني ع الباب
مسكت ف الباب وقولتلها ...
- اوعي كده سيبيني مش من حقك تطرديني اوعي يا حراميه اووووووعي
سابت دراعي ورفعت ايدها وهتديني بالقلم
انا غمضت عيني ووطيت راسي .. بس مضربتنيش افتكرت انها لمت ايديها عني
رفعت راسي وبصيت لقيت حسام واقف وراها وماسك ايديها اللي رفعتها تضربني بيها
انا اتفاجئت بيه جدا
وهي كمان
مسك دراعها ولواه ورا ضهرها
وبصلها بصه بغضب اووووي
ومد إيدو ناحيتي .... مديت ايدي ومسكت ايديه راح مرجعني ورا ضهرو ومتكلمش معاها ولا قالها حاجه فضل بس لاوي دراعها
وبعدين سابها ومسكني عشان اطلع معاه
راحت مزعقه وصوتها علي وعماله تقول ....
- انت اي اللي قومك انت لازم تتحبس زي الحيوانات ف الاوضه انا غلطت اني مدخلتكش المستشفي من الأول يا معفن
راح ساب ايدي وراح واقف قدامها ورزعها قلم
بيتهيألي وشها اتشلفط بعديه
بصتلو وبرقت ونظرة عينيها كانت باينه اوي وهي فهمت انو صاحي وواعي وفاهم وعارف هي عملت اي
أخدني وطلعنا ورزع الباب وراه ودخل وقعد ع السرير ونفسو بيتسارع اوووي
متكلمش معايا ولا كلمه
قربت منو وحطيت ايدي علي كتفو وقولت ...
- اهدي .... اهدي
مسك دراعي وحضنو وانا طبطبت عليه وفضل قاعد ساكت كده
وفجأه لقيتو دفس دماغو ف حضني وفضل عامل زي الطفل
انا صعبان عليا ومشاعري ناحيتو مشاعر ممرضه تجاه مريض بيعاني
حضنتو وفضل كده وقت طويل حاضني بس مش نايم
فضلنا كده معرفش اد اي وبعدين بصيت عليه لقيتو نام
نيمتو ع المخده وفردت جسمو وفضلت صاحيه قاعده ع الكنبه جمب الشباك لحد ما النهار طلع
الساعه بقت سابعه وانا مش جايلي نوم نهائي
سمعت صوت البوابه بتتفتح قومت براحه بصيت من الشباك لقيتها مراتو
لابسه وخارجه
ياتري اي اللي منزلها بدري كده
قدرت تغلوش عليا وبردو معرفتش مين كان معاها جوه
بس فكرت اني ممكن ألاقي أثر لأي حاجه جوه ف اوضتها
خرجت براحه
وبصيت ملقتش حد
اتسحبت بشويش ودخلت علي اوضتها
دخلت وقفلت الباب ورايا
بصيت ع الاوضه
مفيهاش اي حاجه تدل علي اي شئ
فضلت ابص حواليا ... وبالصدفه عيني جت ع الطفايه
انا عارفه انها مبدخنش
كان في عوقبين سجاير
لكن لا ده مش دليل ما يمكن تكون بتدخن وانا مشوفتهاش مهي بتسكر يعني هيا جت علي دي
قومت فتحت الأدراج ....كلها مفيهاش اي حاجه خالص
درج منهم لقيتو مقفول
حاولت افتحو معرفتش وخفت أكسرو تبقي مشكله وهي وقفالي علي الواحده
خرجت ورجعت علي اوضة حسام بسرعه
فضلت قاعده شويه كانت الساعه بقت تمانيه ونص وفجأه تليفوني رن
دكتوره سوسن بتتصل بيا
رديت وانا متوقعتش انها ممكن تكون راحت المستشفي او بلغت حد من الأداره
دكتوره سوسن اول مكلمتني كانت متعصبه اووووي
- انتي اي اللي هببتيه ده ؟
- عملت اي يا دكتوره سوسن ؟
- مرات استاذ حسام جاتلي ولسه خارجه من عندي حالا وحكتلي كل حاجه من ساعة مدخلتي البيت وقلة ادبك عليها ..... اي اللي انتي بتعمليه ده شغلك ده امانه انا مش مودياكي تلعبي
- ممكن تسمعيني بس ارجووووكي
- هتتكلمي تقولي اي يا مني
انا كنت فاكراكي هترفعي راسي
- دكتوره سوسن وحياة ربنا نا قمت بشغلي علي اكمل وجه اديني فرصه افهمك الموضوع دي جنايه ولو سبناها هيروح فيها المريض ده
- جناية اي يا مني اللي بتتكلمي عنها ؟ انتي مكبره الموضوع ليه كده
- عندك وقت تسمعيني انا بقي ؟
- اتفضلي اتكلمي
حكيتلها كل اللي حصل وواحده واحده ابتدت تقتنع خلصت كلامي وقولت ...
- انا عمري ما اتخاذلت ف شغلي دي روح بني ادم ولو علي رقبتي ارجوكي اديني فرصه انقذه وارجوكي متجبيش سيره لحد باللي قولتهولك
انا لازم اجيب قرارهم عشان الغلبان اللي جوه ده والله هيموتوه
- طيب طيب يا مني ربنا معاكي وبلغيني باللي حصل أول بأول
- شكرا لتفهمك يا دكتوره سوسن
وقفلت معاها
- اه يا بنت اللذينه راحه تشتكيني عشان تخليني اخلع من هنا ههههه ده بعدك نجوم السما اقربلك ويا انا يا نتي يا خرابة البيوت
قررت اقف علي رجلي وأفتح عيني واجمع معلومات وأقفلهم علي الواحده
بس كنت بحاول أبان طبيعيه
لاحظت ف الفتره الاخيره ان مراد بقي بيجي كتير وهيا مبقتش بتخرج زي الاول وبقت تحاول تقرب من حسام بس هو كان بيصدها
وحسام اتحسن تماما وابتدي يستجيب للعلاج
ومن ضمن الملاحظات بردو ان مره مراد جه وقعد ف اوضة المكتب وكان باين علي لبني انها متوتره وهيا نازلاله ودخلو وقفلو الباب وفضلو يتكلمو وصوتهم ف الاخر علي بس انا مفهمتش بيقولو اي
وخرج مراد متعفرت اوي ف اليوم ده
وبعدها علي طول خرجت لبني وباتت بره يومين ورا بعض
عدي تلت اسابيع وكان فاضل خلاص اسبوع واحد وأقيم الحاله تماما
ف اول يوم من الأسبوع الرابع
اتصلت بيا ماما الصبح وقالتلي إن بابا تعبان جدا
انا كان لازم أروح أشوفو
قولت لخضرا اني هخرج ومش عارفه هرجع امتي إحتمال أبات
ومشيت جري وقولت لحسام ان بابا تعبان ولازم أشوفو وطلبت منو يخلي بالو من نفسو وميشربش ولا ياكل اي حاجه تجبها خضرا ولا يطاوع حد يديلو حقن واني هرجع بسرعه
وفعلا روحت جري لبابا
وماما كانت جابتلو الدكتور وقالي ان الضغط كان عالي عليه بس شويه
اتطمنت عليه وسألني علي اللي حصل
وحكتلو وطلب مني ارجع بسرعه ولما تخلص مهمتي ابقي اروح
مرضيش اقعد معاه وقالي انو بقي كويس
ف مشيت
كل ده مكملش ساعه
روحت بسرعه وانا حاطه ايدي علي قلبي
لا يكون جرالو حاجه
روحت
وقفت قدام البوابه
كان معايا نسخه من مفتاح الباب لاني بقيت مقيمه معاهم ووارد يحصل أي حاجه
معرفش اي خلاني طلعتها وفتحت الباب ومخبطتش زي كل مره
دخلت براحه وقفلت الباب بشويش
البيت هوس هوس
بصيت علي اوضة حسام لقيت الباب مقفول
اتسحبت براحه ومعديه من اودام الطرقه سمعت صوت خضرا بتتكلم مع حد
دخلت بشويش كانت ف اوضتها
والاوضه صغيره ف الصوت مسموع
سمعتها بتتكلم مع حد ف التليفون وبتقولو ....
- بقي أحسن دلوقتي وابتدي يفوق والبت الممرضه ملازماه علي طول مبقناش نعرف نديلو الأدويه ولا الحقن زي الأول
طب نعمل اي يا باشا طيب الست لبني حاولت تزيحها ومعرفتش
وخرجت اهيه وانا طلعت حاولت اديلو الدوا لقيتو فايق وعارف كل حاجه ف سبتو وخرجت
والله يا باشا قلبت ع الورق ده الدنيا ملقيتهوش
طب تؤمر ب اي نعملو يا باشا طيب
تحت امرك ... حاضر يا ساعدت البيه اكيد مسيرها تسيبو يعني هيروح من ايدينا فين
مع السلامه
سمعت الكلام ده وانا بحاول اجمع
الله ده انتو جيتو ف ملعبي
جريت بسرعه ع الباب وفتحت براحه وخرجت وقفلت بشويش
ورنيت الجرس كأني لسه جايه
فتحتلي
دخلت من غير ولا كلمه طلعت علي اوضة حسام
اول ما شافني قال ....
- اتأخرتي ليه يا مني
- متأخرتش اهو انا جيتلك بسرعه
- اتمني يكون والدك كويس
- الحمدلله كويس ....قلي حصل حاجه ف غيابي
- لا بس خاضره دخلت وكانت عاوزه تديني الدوا وانا مخدتوش وطردتها بره
- جدع ... اسمع يا حسام انت عارف اني جايه هنا عشان اساعدك صح
- مبسوط بوجودك يا مني
- تمام يبقي تسمع كلامي
- عوزاك تخليك ف اوضتك متطلعش منها الكام ساعه دول لحد ما اطلعلك
- انتي هتسبيني تاني
- لا مش هسيبك بس اسمع الكلام
- طيب حاضر هقعد ومش هطلع
- مهما حصل يا حسام ماشي
- حاضر
خرجت وقفلت الباب عليه واتطمنت ان الهانم مش هنا
أخدت موبايلي وفتحت التسجيل
وعليت الصوت وحطيطو ف جيب البالطو اللي كنت لابساه
ودخلت المطبخ لقيتها واقفه بتعمل حاجه
قولتلها اقعدي يا خضرا عوزاكي ف كلمتين
- خير يا ست مني
- اقعدي بس
كان في ترابيزه ف المطبخ حواليها كراسي ...قعدت علي كرسي منهم
قولتلها اصبري هصب حاجه نشربها
بصتلي بإستغراب
انا روحت التلاجه كان في عصير طلعتو وروحت ناحية
الدولاب اجيب كوبايات
طلعت كوبايتين وكنت مدياها ضهري وانا بصب
فتحت براحه بإيدي الدرج اللي كان قدامي وطلعت منو سكينه وحطتها ف جيب البالطو اللي قدام بسرعه
وحاولت اداري علي اد مقدر
حطيت الصينيه وقولتلها اشربي
كان باين عليها خايفه قولتلها ...
- مالك خايفه تشربي ولا اي
اشربي اشربي متخافيش
ثواني هقوم اجيب حاجه
وقمت لفيت من وراها وهيا قاعده مدياني ضهرها
طلعت السكينه وحطتها علي رقبتها وانا مكتفه راسها
- اهدي اهدي بدل ما اجيب راقبتك الحلوه دي بالسكينه
واوعي تفتكري اني هتحبس فيكي لا
ديتك اعملي عبيطه يومين وهخش مستشفي المجانين واقعد بقي وسط حبايبي كلهم
وبعدين بقي هتقوليلي اللي عاوزه اعرفو كلو ولا نطير رقبتك وعلي فكره انا عارفه كل حاجه عشان متلفيش وتدوري بس انا عاوزه اسمع منك يا حلوه
- نزلي السكينه من علي رقبتي وانا هقولك كل حاجه
- لا مش هنزلها وهتقوليلي كل حاجه .....كنتي بتكلمي مين ف التليفون من شويه وقولتيلو ان حسام بطلتي تديه الادويه اللي كنتي بتديهالو عشان انا معاه ...ادوية اي دي بقي يا حلوه ....ومين اللي كنتي بتكلميه وحكايتك ايه اني والكلبه اللي مشغلاكي
غرزت السكينه ف رقبتها
- حاضر حاضر هقول ......ااااه.....هقووووول
- انطقي.......
الجزء السابع من هنا