رواية حلة محشي الجزء السابع7بقلم مي علي
سمعت خضرا وهي بتتكلم ف التليفون مع حد والكلام كان لي معاني كتير وعك وخطط هما عملينها ضد حسام
كان لازم اعرف اي الخطط دي وأي الحكايه بالظبط
طلعت لحسام وطلبت منو يفضل ف أوضته ميطلعش منها غير لما أقوله
ونزلت لخضرا لقيتها ف المطبخ
عملت نفسي عاوزه اتكلم معاها وقعدتها وسحبت سكينه من درج المطبخ وكتفتها من رقبتها وحطيت السكينه عليها
قولتلها ....
- عاوزاكي بقي تحكيلي كل حاجه من طقطق لسلامو عليكو فااااهمه
غرزت السكينه سنه ف رقبتها
قالت ...
حااضر ...حاضر ..... ااااااه هقول هقول
- انطقيييي
- طب بس شيلي السكينه من علي رقبتي وخلينا نتكلم انتي كده هتموتيني
- لا جدعه يابت ...عوزاني اشيل السكينه عشان تجري ولا ترقعي بالصوت
يا عقربه ده انا عارفاكي .... انطقي أحسنلك انا صبري قليل
- طيب طيب هقول اهو ....بس وحيات النبي شيلي السكينه
بصتلها كده وقولتلها ...
- في حبل هنا
بصتلي وتنحت
- اي اتطرشتي في حبل هنا انطقي بدل ما اجيب رقابتك تحت رجلك
- ايوه ايوه ف الدرج اللي هناك ده
- طب قومي معايا يا حلوه
قامت معايا براحه وانا مكتفاها وحاطه السكينه علي رقبتها
روحنا ناحية الدرج
- افتحيه وطلعي الحبل اللي فيه
وفعلا مكنش في منها مقاومه ابدا طلعت الحبل
ورجعت بيها بنفس الوضع ع الكرسي اللي كانت قاعده عليه
وبسرعه كتفتها جامد وده طبعا تحت التهديد بالسكينه اللي معايا
وقعدت ع الكرسي اللي قدمها وقولتلها .....
- تصدقي كده اريح ...ها بقي سمعيني صوتك الجميل واطربيني
- انا .... انا هقولك كل اللي اعرفه بس بالله عليكي انا مليش ذنب انا بنفذ اللي بيتقلي
- هنشوف .... انا مش عوزاكي تحكيلي انا هسأل وعليكي بس يا حلوه تجاوبي ها
الموضوع بسيط شوفتي ازاي
- طيب حاضر هقولك كل حاجه
- اي حكاية الأدويه اللي بتديها لحسام دي بقي ؟
- هقولك ..... الأدويه دي ست لبني جابتها وطلبت مني اديلو الأدويه دي بإنتظام
الصراحه ف الأول طلبت مني أحطهالو ف الأكل أو العصير
ف اي حاجه تدخل معدتو .... وكانت بتديني فلوس طبعا ع الكلام ده
- طب سمعيني بقي كده الحكايه من الأول ...
من أول ما الفلوس اتسرقت ...كل حاجه تمت بعلمك وبمعرفتك تحكيها ماشي ...وقبل ده كلو تقوليلي يا حلوه مين اللي كنتي بتكلميه ف التليفون ده وحكاية الورق ها وكلوووو
- ماشي حاضر ..... انا ..... انا كنت بكلم مراد بيه أخو استاذ حسام ... الحكايه بدأت من ساعة
من اول ما حسام بيه اتجوز هو والست لبني ومراد مكنش مرتحلنا ف البيت شوفناه اد كام مره كده وكانت نظراته للست لبني غريبه
الست لبني اتجوزت حسام ده عشان الفلوس مش أكتر انتي عاوزه الحقيقه وأنا هقولهالك
لبني متعرفش تحب زي امها بالظبط وحسام ده كان بالنسبالها فرصه حلوه
وعيشه أحسن لينا كلنا .... هدفها ف الاول كانت انها تطير نور مرات الاستاذ حسام عشان يخلالها الجو وتعرف تستفرد بيه وبفلوسه والصراحه انو مخدش غلوه ف ايديها
بعد فتره كانت ناويه تخلع منو بعد ما كانت قلبت منو مبلغ محترم ده غير اللي كانت هتاخدو لما هتطلق
- ايوه اي بقي اللي رجعها
- اللي رجعها ...إنها كانت علي علاقه بشخص كده من قبل ماتتجوز حسام بيه
قطعت علاقتها بيه اول ماتجوزت مؤقتا بس
وأول ما طيرت نور هانم من البيت رجعت علاقتهم تاني .... واتفقو انهم هيتجوزو بعد ماتطلق من حسام وتاخد منو مبلغ محترم
بس مراد ده بوظ خطتها ومكنش بيرتحلها واكتشفنا أنو كان بيراقبها فتره طويله ومعاه ليها فيديوهات هي وعاشيقها وهما مع بعض وبيخرجو مع بعض
وجه وهددها بيهم وانو هيكشفها وهتبقي فضيحتها بجلاجل بس ممكن يسكت بمقابل
مقلهاش عليه ساعتها
لبني فكرت إنها هتقدر عليه وعملت حجة الطلاق دي عشان تخلص من حسام وأخوه
بس حسام بيه عصلج ومرضيش يطلق وطردنا من البيت ولما رجعنا بيت امها
مراد جه وزارها وعرض عليها انه هيديها فلوس بجانب الفلوس اللي هتاخدها من حسام وأنو مش هيفضحها بس لو عملت اللي هيطلبو منها
- ها وطلب منها اي ؟
- طلب منها تترجي حسام انها ترجعلو وانها ترجع عن فكرة الطلاق
- وده ليه بقي ؟
- طلب منها تدور علي ورق بخصوص مشروع كبير متفق حسام عليه مع شركه كبيره وانتي عارفه ان مراد وحسام بيشتغلو ف نفس المجال
- اه وبعدين
- كان عاوز الورق ده عشان يأذي حسام ف شغلو وفعلا كان بيأذيه بأكتر من طريقه بس ف الخفي وشركة حسام بيه فعلا ابتدت تقع وتضر
بس دورنا علي الورق ده وملقينهاوش نهائي وهو راح شركتو ودخل مكتبو والورق ده ملوش أثر
مراد لقي حل تاني كان هيعملو بعد ما ياخد الورق
- اي هو الحل ده ؟
- جاب للبني الأدويه دي ونبه عليها تديهالو ...الادويه دي بتعمل اضطراب وكل اما تعملو اضطراب نديه الحقنه ويفوق منها نديه الادويه وهكذا لحد ما يتجنن وهو اللي امرنا نسيبو كده معفن عشان قرر انو هيرفع قضية حجر علي أخوه بس بإسم لبني عشان ياخد منو الشركه وكل اللي يملكو الست لبني كان لازم تسكت عشان شافت ف عينيه الشر وقالت اما أخوه اللي منو عاوز يدمرو أنا بقي اللي هخاف عليه
واتفقت معاه علي نسبه لما المحكمه تحكملهم ....وفعلا رفع القضيه بس محدش يعرف حاجه عنها غيرنا احنا التلاته
- يا ولاد ال..... ده انتو عصابه ....طب لبني سكتت عشان متتفضحش انتي بقي سكتي ليه ؟
- الفلوس عامتني منا بردو كان هينوبني من الحب جانب
- والفلوس اللي ف الحله مين بقي اللي أخدها
- الصراحه وانا بدور ع الورق ...قلبت عليه الدنيا لدرجة اني نزلت أدورف البدروم
- ااااه البدروم يبقي انتي اللي لقيتي الفلوس اللي ف الحله
- اه لقيتها بس وقتها مكنش ينفع اخدها ... ف سكت طبعا ومتكلمتش لحد مايجيلي فرصه اخدها
والفرصه جت ساعة لما سافرنا بأستاذ حسام يغير جو بسبب اللي حصلو طبعا عشان الأدويه اللي كنا بنحطهالو دي
- ها وعملتي اي انتي بقي
- عادي روحت معاهم بس قبلها بيوم كنت روحت واتفقت مع كام راجل معرفة أخويا وأديتهم نسخه من المفتاح بس نبهت عليهم يكسرو الباب عشان تبان سرقه عاديه
- طب والست اللي كانت شغاله قبلك ....مخوفتيش تعرف ان انتي اللي أخدتيهم ؟
- وقتها قولتلهم لو لقيتوها اقتلوها بس عرفت يومها انها مسافره تزور بنتها فكلمت الرجاله وقولتلهم ان البيت فاضي ووصفتلهم بالظبط اللي هيعملوه ...وفعلا أخدو كل الفلوس اللي كانت موجوده
دخلو بليل متأخر وخرجو ومحدش حس بيهم
- يعني انتي لهفتي الفلوس كلها ف كرشك
- لا ملحقتش ...مراد بيه لما عرف الحكايه أول حد شك فيه كان انا
وزنقني ف الطرقه دي وكان هيموتني ومسابنيش الا لما اعترفتلو ان الفلوس معايا
وخلاني أجيبهالو كلها ...ورمالي منها ملاليم ولهف الباقي ف كرشو ووعدني اني هاخد منو مبلغ محترم بس لو سمعت كلامو ونفذت كل اللي يقول عليه وأزود الجرعه لحسام بيه وأخليه يتجنن ع الأخر
- طب وليه بقي بعتو تجيبو ممرضه ؟ انتو رايحين تكشفو نفسكو
- انتي عارفه شغل الممرضات يعني واي واحده مكنتش هتستحمل الحاله اللي كان فيها حسام بيه دي وكانت هتمشي
مراد بيه كان عاوز يستف الحكايه تمام ويبقي بجانب الشهود في تقرير طبي موجود يثبت بأنو مجنون تماما
- الله ع الدماغ القذره الله ....كملي
- بس .... ومكناش فاكرين ان ممكن تصبري عليه ابدا ... لكن اهو اللي حصل بقي ...والله ده كل اللي حصل والله معرفش حاجه اكتر من كده
- لا حلو كل اللي انتي قولتيه ده ...سؤال أخير بقي ..مين اللي كان مع الهانم ف الاوضه ؟
- وأقسم بالله ماعرف ...انا مشفتش حد داخل ولا خارج والله لو هعرف هقول
- لا ياختي كفايه اوي اللي قولتيه ....وشكرا ع التسجيل الجميل ده بصوتك ابقي فكريني انتجلك شريط
- ست مني أبوس أيديكي متفضحيني ... أنتي هتوديه للحكومه صح
- والله بفكر ... بس عندي فكره أحسن ... لكن لا لا انتي لازم تترمي بقيت عمرك ف السجن عشان تعرفي إن الله حق
- أبوس إيديكي ياست مني انا هعمل اي حاجه بس وحيات النبي بلاش الحكومه والحبس انا من ايدك دي لأيدك دي
- هههه ياريتها جت ع الحبس ده انتي أقل مافيها لازم إعدام انتي والكلاب اللي معاكي
- ابوس رجلك لا ... اؤمريني أمر وانا تحت أمرك
- امممممم ...يعني مش هتفتحي بوقك بحرف من اللي حصل انهارده
- والله ابدا والله بس اعتقيني لوجه الله
- حلو أوي الكلام ده ... يبقي نتفق
اسمعيني بقي كويس أوي وتنفذي اللي هقولهولك بالحرف الواحد ...