الفصل الرابع من مملكه العشق
عادل.. انا هادي يا كنج بس مش هنفضل هنا الليل بطوله
سامي... بصوت عالي يعني اعمل ايه انزل اروح اقولها سيبي ايده عشان نموتك وربنا انتا اللي هجيب لي العصبي تعالي اتنيل اقعد مكاني هنزل اجيب كارت للتلفون رصيدي خلص وكمان مش معايا سجاير وبلاش تتغابي اديني قولتلك
عادل... تمام ياكنج انتا عارف عدوله ودماغه انا تلميذك
سامي.... تلميذي اهو هوه ده اللي خايف منه
فريدة..... اخيرا يا حبيبي اتحققت اول احلامي ومشيت انا وانتا لوحدنا بعيد عن مهمات شغلك والحفلات اللي كله دوشه وكمان حرقت دمي اللي بشوفها في الحفلات دي من الأشكال اللي انتا عارفها انا نفسي الليله دي متخلصش ابدا وأفضل كده ايدي في ايدك العمر كله
رأفت.... يا حبيبتي انا ليا مين غيرك وبإذن الله ربنا يقدرني واقدر أحقق ليكي كل اللي نفسك فيه مش بس الليله وكل ليله ياعمري انتي كفايا انك جنبي ومبسوطه كمان انتي مش عارفه بعدك عني طول الاسبوع عمل فيا ايه كنت هجنن يا فريدة
فريدة... بعد الشر عليك يا قلبي من الجنان انتا مش عارف انا بحبك اد ايه يا رأفت انا كنت هموت كل ما افتكرك وانتا بترقص مع اللي متسماش دي حسيت انها هتاخدك مني وانا اللي كنت هجنن مش انتا
رأفت.... غمه وانزاحت يا حبيبتي ومش هتعود تاني انا مش هسمحلك تبعدي عني مره ثانيه
فريدة.... مفيش بعد تاني ياحبيبي انا مش هسمح لأي حد ياخدك او يبعدني عنك حتى لو فيها موتى
رأفت... بلاش سيره الموت يا فريدة انا مش هقدر اعيش من غيرك لحظه واحده انا اموت قبلك
فريدة... بعد الشر عليك يا حبيبي ان شالله انا ولا اشوفك تعبان ثواني وبعدين انتا مش هتشربني حاجة ولا استكفيت بالدره وخلاص انا عايزه آيس كريم
رأفت..... ههههههه انتي داخله على طمع بقا دره مشوي وكمان آيس كريم وكمان مكلبشه فيا كأني هطير سيبي ايدي خليني اجيب الايس كريم
فريدة.... مش عايزه اسيبك يا حبيبي بس عشان الايس كريم بس وضحكو هما الاتنين بصوت عالي
رأفت..... بص في عيون فريدة... وقال تعرفي يافريدة انا بحبك اوي ولو أطول اقدم عمرى فداكي هتاخر ثانيه ومش هقدر اعبر عن حبي ليكي ابدا
فريدة.... لزومه ايه الكلام ده انا جسمي قشعر يا رأفت ربنا يخليك ليا وميحرمنيش منك ابدا وشكل كلامك الحلو ده هينسيني الايس كريم
ورجعو هما الاتنين ضحكو. رأفت يادي ام الايس كريم حاضر يا حبيبتي ثواني ويكون عندك
سامي.... لو سمحت ممكن كرت شحن وعلبه سجاير بسرعه ... البقال... ثواني حضرتك
اتفضل الكارت وعلبه السجاير واخد الفلوس وعطاه الباقي..... سامي... لما اشحن واكلم ايمان.......
ايمان.... رن تلفونها بتبص لقيت رقم سامي... يا سلام لحقت بسرعه كده تخلص
الوووووو ازيك ياسمسم طمني خلصت
سامي..... اخلص ايه البنت لازقه فيه لزق مش عايزه تسيبه ايه رايك اجيبلك خبره هوه كمان كجوه مني ليكي
ايمان.... اوعي تجراله حاجه اخرب بيتك انا قولت هيا بس هوه لا كلامي واضح
سامي..... انتي تعرفيه ولا ايه ومهم ليكي كده اوي يعني
وبعدين حاسس اني اعرفه انا مشوفتش وشه بس من قفاه مش غريب ابدا وكأني اعرفه كويس
ايمان.... ياسامي نفذ اللي طلبته منك وبلاش اسائله
سامي.... انا بقول بس أصلها مش عايزه تسيب ايده بقولك مكلبشه فيه وشكلنا هنقعد الليل بطوله حتى الواد اللي معايا زهق
ايمان..... اصرف هوه انا هوريك شغلك انتا معلم بس هيا المطلوبه هوه اوعا تمس شعرة من راسه هندمك يا سامي
عادل.... انتا أخرت ليه ياسامي لما ارن عليه......
ياه تلفونه مشغول.... ياخبر البنت سابت الواد وبص عالتلفون ورن تاني وقال بعصبيه برضو مشغول ده وقته احنا ما صدقنا انها سابته يمكن متعملش كده تاني وتروح عليا الالف جنيه انا عارف سامي مش هيدفع قرش ابيض
فرصه اخلص عليها انا واخد الالف جنيه بتاعتي من عينه وكمان يمكن يفرح بيا ويذودني لما افاجئه باللي هعمله
وشغل العربيه وداس بنزين وهوه داخل على فريدة بسرعه ناوي على هلاكها وعيونه كلها شر
شاف رأفت عادل وهوه جاي سريع بالعربيه على فريدة وكان خلاص قرب منها وفريدة مابينهم هما الاتنين رأفت قدامها وعادل بالعربيه وراها وصرخ رأفت بصوت عالي
حاسبي يافريدة ونط بسرعه زق فريدة من قدام العربيه ولاكن بقى هوه في وشها وفريدة متلخبطه شايفه رأفت بيجري وبيصرخ ويزقها وبتبص لقيت عربيه جايه سريعه وبتخبط رأفت وصرخت فريدة صرخ عاليه ووورافت طارووقع على الأرض وجسمه غرقان دم وصوت صراخ فريدة اللي قاطع سكون الكورنيش
رأفت حبيبي قوم يارافت إسعاف يا ناس حد يلحقني
رأفت بيروح مني وصرخت صرخه