مذكرات عاشق
ركبنا العربيه وطول الطريق محمود يتكلم وانا ما برد عليه
سارح في غاده وليه ما ردت عليا في التلفون
طيب تعبانه فيها ايه وليه ماردت ايه اللي مانعها ترد عليا طول
السكه وانا بسأل نفسي نفس السؤال ومالاقي رد غير ايدي
اللي ماسكه المصحف و صوره غاده ونفس السؤال عمال يطرح نفسه
وصلنا في الصباح الباكر البلد ودخلت الشارع وانا عايز اعمل اي دوشه توصل لغادة عشان
تحس بيا ومن حسن حظي لقيتها سمعت صوتي وفتحت باب البلكونه وبصت عليا اتسمرت
عنينا في نظره طويله نظره شوق وعتاب فينك ليه ما رديتي عليا كل ده في النظره
وضاع السؤال في ابتسامه غاده اللي طمنت قلبي انها كويسه
واللي قطعها صوت ميرفت حمدالله على السلامه يا عم هاه نحنو هنا رديت ولسا عنيا
على غاده وابتسامه غاده واحلا بوسه من غاده على كيفها طايره ناحيتي لفحت
جسمي كله ولمست قلبي بالذات
ميرفت...... طيب كفايا لحد ياخد باله العمليه مش ناقصه
بصيت عليها وانا بسأل عمليه ايه
ميرفت...... تعالي هقولك جوه طيب
التفت لغادة وشاورت ليا ودخلت لجوه وقفلت باب البلكونه...... دخلت وراء ميرفت وسلمت على ابويا وامي وسوسن وهمست لميرفت
هوه فيه ايه كلامك من امبارح مش مريحني فيه ايه اخدتها ودخلنا الأوضة فيه ايه قوليلي ميرفت....... اقولك بس اوعدني ماتزعل نفسك
نادر..... ازعل نفسي هوه فيه ايه
ميرفت.... اصلي محسن جاب اهله وجم طلبو ايد غاده وابوها موافق...... انا موافق طيب وغاده
غاده انا سمعتهم بيتكلمو كان صوتهم عالي وكانت بتعيط
نادر.... يعني عملو ايه اتكلمي
ميرفت.... معرفاش لسه مستنين الرد
وغاده قالت وعملت ايه غاده من وقتها ما خرجت بره البيت ولا شوفتها غير وهيا بتشاور
ليك انا كلمتها لما جه محسن وأهله وقالت ليا انا هصرف وطلبت مني ما اقولك
نادر...... ليه ماتقوليلي انا كان قلبي حاسس انه فيه حاجه. ميرفت لازم اشوف غاده
اعملي اي حاجه اتصرفي لازم اشوفها
ميرفت..... اعمل ايه واصرف ازاي اخطفها
بصي مش ناقصه هزار انا هروح عند عمتك مريم انا لمحت ليها روحي هتيها وتعالي على
هناك لازم تيجي معاكي قولي اي حاجه انا همشي قدامك دلوقتي الوقت مناسب يالا روحي ومتاخريش
روحت لبيت عمتي وسلمت عليها
عمتي..... عامل ايه ياواد يانادر كده متسالش على عمتك
نادر...... ابدا واللهي يا عمه بس الظروف انا لسه راجع من القاهره وقولت اجي اسلم عليكي
عمتي.... حمدالله على السلامه خير كنت بتعمل ايه واخبار ولاد عمك ايه
نادر...... كنت بشوف الكليه ودورت على سكن قريب وولاد عمي كويسين ومحمود جه معايا وانا سلمت عليهم وجيت اسلم عليكي كلها اسبوع
ولا عشر ايام وتفتح الكليه كل ده وانا عمال ابص في الساعه وقول فينك يا ميرفت ياااااااارب غاده تقدر تيجي معاها
عمتي..... هقوم اعملك شاي ولا تفطر الأول
لا ياعمه ما تتعبي نفسك كله تمام عمتي تمام ايه يا واد انتي ضيف انا عمتك ها تفطر..... لا ياعمه هشرب شاي
أنا مستني ميرفت جايه دلوقتي
عمتي...... ميرفت جايه منين هيا مش في البيت
نادر...... اه في البيت بس انا طلبت منها تجيبلي حاجه عندك هنا بس ياريت تعرف
عمتي.... حاجه ايه قبل ماتكمل السؤال خبط الباب وقامت عمتي تفتح لقيت ميرفت وغاده اهلا وضحكت هيا دي الحاجه تعالي يا غاده ادخلي ابوكي وامك عاملين ايه ردت غاده كويسين بيسلمو عليكي يا عمه
تعالو نادر جوه اهوه سلمت غاده عليا وقالت حمدالله على السلامه كويس انا بخير
عمتي...... اهي الحاجه جات اهي تعالي يا ميرفت نعمل الشاي اقعدي يا غاده هنعمل الشاي انا وميرفت
غاده.... عامل ايه يا حبيبي وحشتني قوي
نادر..... وانتي كمان انا رنيت عليكي ما رديتي وايه اللي سمعته ده طمنيني هوه محسن جه وطلبك بجد
غاده.... اه بجد وانا من ساعتها والبيت نار عندنا كل شويه خناق انا رفضت بس ابويا مصمم قولتله المدرسه وباقي سنه ليا بيقولي نرد عليهم ويستنو السنه دي
نادر.... طيب وانا ...... غاده انتا في قلبي انا رفضت وقولت مش هجوزه لو موتت نفسي انا بقالي يومين حابسه نفسي فوق ولما سمعت صوتك الصبح جريت فتحت البلكونه عشان اشوفك
نادر....... اناكنت هجنن لما ما رديتي وقلبي قلي اكيد في سبب عندها عشان ماترد عليا
غاده..... سمعت صوت التلفون وما قدرت ارد عشان الموضوع ده كل العيون في البيت عليا انا تعبانه قوي يا نادر مش عارفه اتصرف ازاي
نادر...... غاده انا بقيلي عشر ايام واروح الكليه لازم نشوف حل للمشكلة دي انا مقدرش اعيش من غيرك
جات عمتي هيا وميرفت بالشاي عمتي اهلا وسهلا البيت نور ميرفت قالتلي على كل حاجه واحنا بنعمل الشاي
وربنا لايقين على بعض ابتسمت غاده ووشها من الكسوف بصت في الأرض وانا رديت على عمتي تسلمي يا احلا عمه غي في الدنيا بس فيه مشكله معانا غاده.. متقدملها عريس وابوها موافق
عمتي..... عريس عريس مين ده حد نعرفه
نادر..... اه محسن قريب ابوها اللي موظف في الشرطه
عمتي... ايوه عارفاه وعارفه امه
نادر..... عمتي انتي عارفه الظروف انا لسه ورايا كليه ومعرفش اكلم ابويا اقوله ايه بس لازم اعمل حاجه مقدرش اقعد ساكت وكمان مسافر بعد كام يوم
عمتي...... خليني انا اروح لابوك واقوله سيب ابوك عليا حتى تبقى فاتحه ولا خطوبه لحد ربنا ما يسهل
غاده.... نادر انا لازم اروح انا جيت مع ميرفت بالعافيه يلا بينا ياميرفت
عمتي...... روحي يا حبيبتي واللي فيه الخير يقدمه ربنا
نادر..... طيب روحي انا مش هينفع اروح معاكم واهي ميرفت معاكي انا هجي وراكم
مشيو وقولت لعمتي انا هتعبك معايا ياعمه بس انا مش هقدر اكلم ابويا ومقدرتش اسيب غاده تضيع مني
عمتي..... ولا يهمك يا واد احنا عندنا كام نادر
****************
بعد يومين وانا قاعد تحت شجرت التوت سمعت صوت زعيق في بيت غاده انا حسيت الكلام عشان مشوار الجوازه اياها ومينفعش ادخل
شويه اطور الموضوع وسمعت ام غاده بتصرخ بنتي الحقو بنتي وجات ميرفت تجري عليا وتقولي نادر ملكش دعوه الكلام عليك وشوفت ناس من الجيران بتدخل بيت غاده وانا واقف محتار مش عارف اعمل ايه الموضوع اطور بسرعه قوي وعرفت بعدها انهم كانو بيتكلمو وغاده قالت انا مش هجوز محسن انا عايزه نادر
ابوها قال نادر مين ده وقام عايز يضربها وطبعا امها صرخت عشان بنتها
وانا ضايع في النص لا عارف ادخل وادخل في مشكله مع أهل غاده ولا قادر اسكت واسيب غاده لوحدها في اللي هيا فيه وكان لازم اروح لعمتي عشان تيجي تكلم ابويا واعرفها باللي حصل
وجات عمتي بالليل وقعدت تتكلم مع ابويا وامي وتقنع في ابويا.......
ابويا....... نادر وغادة وجواز ايه ده انتي مجنونه ده لسه قدامه كليه ولا جهز شقه ولا عمل حاجه ابدا يجوز ايه وفين استغفرالله العظيم
كل ده وانا سامع الحوار وعارف أن كلام ابويا صح بس غاده حبيبيتي اسيبها ازاي وكيف
دخلت وقلت لابويا طيب حتى تقرأ فاتحه وانا هشتغل هعمل اي حاجه
ابويا...... تشتغل انتا هتتعلم ولا هتشتغل ياولدي لسه الوقت بدري عالكلام ده واحنا ناس على قد حالنا هتربط بنات الناس جنبنا ليه شوف مستقبلك واهي البنات كتير
نادر.... انا مش عايز بنات انا عايز غاده.... امي..... ياولدي اسمع كلام ابوك احنا ممعناش غيرك
طبعا انا زعلت من الكلام وقولت انا عايز غاده مش هسيبها تروح مني...... ابويا.... يعني هتروح تتجوزها من ورا أبوها ومن ورانا طيب واللهي زين الكلام اللي بتقوله ده منا معرفتش اربي
قومت من عندهم وروحت لولاد عمي الكبار اقولهم عشان يروحو يقنعو ابويا عشان يروح يطلب ايد غاده
وطبعا سمعت منهم شويه تريقه وهزار وكنت انا فاكهت القعده... وقولت بصوت عالي يعني انا بعتلكم عشان تشوفولي حل ولا تتريقو عليا
ابن عمي الكبير يعني حبكت ملقتش غير غاده وحظك العريس التاني جاهز ويقرب لابوها وابوك مش موافق
رد التاني يعني انتا عايز ايه يانادر
نادر..... عايزكم تروحو لابويا انا مش عايزه يزعل مني وكمان مش عايز غاده تروح مني كلموه اقنعوه باي طريقه انه يطلب ايدها ليا
*********************
طبعا من الناحيه التانيه كانت الحكايه في بيت غاده على آخرها وخصوصا ان الكلام بدا يخرج من البيت والناس عرفت انا غاده عايزه نادر
ونادر عايز غاده ووصل الكلام لمحسن وأهله وبدل ما محسن يبدل رأيه بعد الكلام صمم على غاده اكتر وراح لبيت غاده وغاده قالت ليه انا مش عيزاك مبحبكش انا بحب نادر
محسن...... برضو مش هسيبك وهاخدك غصب عنك وابقى شوفي مين اللي هيكسب انا الشرطه ياغاده
طبعا انا شوفت محسن وهوه داخل بيت غاده ودمي فار وطبعا غاده بعد كلامها مع محسن سابته وطلعت لفوق وبصت من الشباك لقيتني قاعد تحت الشجره وانا مش على بعضي شاورت ليا مالك رديت عليها هوه محسن بيعمل ايه عندكم شاورت بمعنى سيبك منه خليه قاعد
طلبت منها تفضل قدامي ما تنزل لحد ما يمشي من عندهم ردت بالموافقه وايدها على قلبها وبشاور عليا💓
****** *******
الموضوع فضل يطور وكانو عشر ايام كأنهم عشر سنين
وقابلت غاده مره تانيه قبل ما امشي بعد ما عملنا المستحيل عشان العيون بقت كلها علينا
نادر...... ياغاده لو شايفه انك مش هتقدرى تعملي حاجه قولي وانا مش هزعل هتعب بجد. بس راحتك عندي اهم مش عايز نقف ضد التيار وفي الاخر احنا اللي هنخسر انا عارف العادات عندنا
غاده...... ملكش دعوه انا مش هاخد حد غيرك ولو حتى ههرب معاك
نادر..... نهرب وليه نهرب انتي صممي على كلامك ده وشوفي نادر هيعمل ايه عشانك
غاده....... البيت عندنا بقا نار يانادر وعمامي والعيله كلها بقت ضدي وابويا في نار وامي مش حابه بيت محسن لاكن ابويا مش عايز يخسر اخواته عشان لما وصلهم اللي حصل كلمو ابويا ومصممين على محسن
نادر..... يعني كله ضد نادر
غاده.... انا معاك وزي ما قولتلك اللهي نهرب مع بعض
نادر..... بلاش موضوع الهرب ده طول منتي معايا هبقي معاكي ولو هحارب الكون كله بس بقولك لتاني مره لو مش هتقدرى عليهم ارضى بمحسن واحنا لسه في اولها بس لو رضيتي بيه انسى نادر تعتبريني مت
غاده.... لا مش هسيبك ومش هاخد حد غيرك انا معايا امي وهنحاول انا وهيا مع ابويا لحد ما يوافق
نادر..... ياغاده انا مسافر بكره وهكلمك كل يوم نتفق على معاد معين ارن عليكي فيه
****** *********
طبعا ابويا زعلان مني وامي جات لي واني قاعد في الاوضه بتاعتي وقالت ليا هتفضل انتا وابوك كده رديت عليها انا مسافر ومش عايزه يبقى زعلان مني
امي...... يا ولدي ما بلاه الموضوع ده واتبهي لنفسك والكلية بتاعت وروح وسيبها على الله بس شد انتي حيلك روح سلم على ابوك وكفايا كده سافر وشوف مصلحتك ابوك ملهش غيرك وهوه زعلان من كلام الناس
نادر...... حاضر يا أمي هروح لابويا وهسافر واتبهي لنفسي بس انا كل اللي كنت عايزه منكم انكم كنتم روحتو لأهل غاده قبل ما يردو على بيت محسن
امي...... يا ولدي ابوك عارف انهم قرايب ومش هيسيبو بعض انتا مش شايف الدنيا حوليك عامله ازاي بس سافر وربنا يعدلها انا هكلم ابوك
روحت لابويا قبل ما امشي وقولتله حقك عليا وبوست ايده وراسه ورد عليا يا ولدي سيبك من الناس دي انا عارف مصلحتك انتا مش هتعرفهم اكتر مني سافر واتبهي لنفسك ودروسك وكليتك
سلمت عليهم ومشيت وانا على أمل الدنيا تتغير
وروحت الكليه وانا كل يوم بكلم غاده في نفس المعاد
لحد ما جه يوم عرفت منها انهم هيقرو الفاتحة بكره
طبعا الدنيا اسودت في وشي وحالتي بقت حاله
سألت غاده ازاي وكيف ردت قالت متخفش انا هطفشه محسن ده استنى وهتشوف
***************
طبعا كل ده وانا حالي كل يوم في سؤ ونفسيتي تعبانه قوي ومحمد اللي قاعد انا هوه في شقه واحده وكان بيجي زمايلنا ابراهيم وهاني كل يوم نذاكر مع بعض في الشقه..... محمد..... ايه يانادر مالك بقالنا شهرين وانتا كل يوم بتبقى غير اللي قبله طبعا انا كنت حكيت له عن حكايتي وطلبو مني نخرج يوم الخميس نروح مطروح ناخد يوم الجمعه هناك وصممو هما التلاته على كده عشان اخرج من اللي انا فيه بعد إلحاح منهم وافقت واتفقنا نمشي بكره بعد العصر طبعا بعربيه محمد
وجه المعاد اللي متفوقين عليه وغادة ما ردت عليا زي كل يوم وانا حالتي بقت صعبه بذياده
محمد..... مالك يا نادر فكها احنا خارجين نتفسح هيص شويه مش كده وخليها على الله
نادر..... غاده مردتش عليا في معادنا واليومين دول الدنيا مقلوبه.... انا خايف عليها
محمد..... هدى نفسك في الطريق تقف ورن عليها مره تاني خلينا نعدي على ابراهيم وهاني هما مستنين نروح لهم وجاهزين كمان افرد وشك انتا واسمع الاغنيه دي هتعجبك وكما ن مطروح حلوه قوي
******** ******
عدينا على ابراهيم وهاني وركبو معانا ومشينا في الطريق وكان محمد سريع شويه قولتله على مهلك شويه وكان إبراهيم معاه موبيل جايبه جديد بساله هوه ينفع ارن من عندك رد عليا اه ينفع ده بقا تكلم منه أي حد انتا عايزه اخدته منه وطلبت رقم غاده قولت حتى اسمع صوتها كفايا رن الجرس بس محدش رد رنيت كمان وبرضو من غير ماحد يرد
قولت خلاص شويه كده وارن يمكن ترد
وحطيت الموبيل قدامي طبعا كان الليل بداء يدخل علينا
محمد.... ايه محدش رد برضو قولتله اه مش مرتاح انا لكده رد عليا يا عم خير اطمن
وفجأة جات عربيه سريعه وخبطت فينا من وراء
صرخ ابراهيم وهاني بيقول خلي بالك يامحمد
حاسب وفضلت العربيه تلف بينا ومحمد فقد السيطره عليها خالص وفتحت عنيا لقيت نفسي مرمى على الأرض وسامع صوت ناس بتقول الإسعاف وحد بيرد ايو رنينا عليهم في الصريق
وجات الإسعاف ورفعوني على النقاله وكل ده وانا عقلي مشوش مش داري بحاجه ولا عارف حصل ايه اخر حاجه فاكرها التلفون وصوت هاني بيقول حاسب
ومش قادر اتكلم عنيا مفتحه وركبنا الإسعاف ببص قريت اسم المستشفى مستشفى مطروح العام
جريت الممرضه بسرعه على اوضه الدكاتره وكان فيه دكتوره اسمها صباح ندهت عليها الحقي يا دكتوره صباح فيه حادثه وسياره الإسعاف جايبه اربعه شباب مصابين وغرقنين دم
الدكتوره صباح يا ساتر اندهي باقي النبطشيه وتعالو بسرعه............