قصة صدفة ادم وشمس
صدفه وفي الحياة بتكون لصدفه طرق كتير فيها اللي بتكمل وفيها اللي بتنتهي في وقتها ولاكن تظل الصدفه احلا معاني التعارف
واليوم موعدنا مع احلا الصدف و ادم وشمس ياااااااارب تعجبكم
اولا ادم شاب بسيط وحيد امه وابوه متوفي يسكن هوه وأمه في الارياف في اخر سنه كليه تجارة ليه حلمه الخاص انه يبقى محاسب في شركة ويريح امه من التعب ويعوضها سنين التعب بيحاول يساعد على قد مايقدر ويوفق بين دراسته واي عمل يجيب بيه مصاريف
**********
شمس بنت مشهورة في شارعها بجمالها وادبها عايشه مع ابوها وامها واختها الصغرى( نوره) في شقه في حي شعبي
*******
في الصباح الباكر نهض ادم وصبح على امه صباح الخير يا أمي أنا همشي النهارده خلاص الكليه هتفتح كمان يومين..... الام.... خلاص نويت يا ابني روح ربنا معاك يحفظك ويوفقك ويكملك السنه دي على خير وتحقق كل أحلامك يما نفسي اشوفك احسن واحد في الدنيا
ادم..... انا عايش ومتوفق في حياتي بسبب دعائك ليا يااحلى ام في الدنيا ربنا يقدرني واقدر اشيل عنك واريحك واعوضك سنين التعب
الام..... انتي ابني اللي طلعت بيه من الدنيا المرحوم ابوك لو كان معانا دلوقتي كان هيفرح بيك انتا ديما الأول على دفعتك والناس كلها بتشكر في أدبك وأخلاقك يا ولدي
ادم.... الله يرحمه ويقدرني أحقق حلمه ادعيلي بقا يوفقني والاقي شغل مع حد يكون طيب
الام.... هوه لازم شغل كفايا مذاكرتك يا ابني وانا ربنا يقدرني اهي حاجه من هنا وحاجه من هنا وتعدي
ادم.... ياأمي اهو حاجه تساعد ومذكرتي اهو ربنا بيعين وان شاء الله اوعدك بتقدير بتاع كل سنه
الام... ربنا معاك قلبي وربي رضيين عنك روح ربنا معاك ويوقف ليك ولاد الحلال مكان ما تروح
مشي( ادم) وراح يدور على سكن قريب ومن الصدفه دخل الحي اللي ساكنه فيه( شمس) فضل يسأل وولاد الحلال دلوه على اوضه فوق السطوح عند ناس طيبين قابل صاحب البيت وعرفه على نفسه وانه عايز الاوضه اللي عنده رحب صاحب البيت منه وقاله اهم حاجه انا مش عايز مشاكل ولا حكيات الشباب بتاعت الايام دي
ادم.... ياعم احمد انا واحد في حالي كل همي الكليه بتاعتي ومذكرتي وبدعي ربنا انه يكرمني بحد الاقي عنده شغل اساعد بيه نفسي
الحاج أحمد... انتي بتدرس وكمان عايز شغل
ادم..... اهي حاجه اساعد بيها نفسي انا ظروفي على قدي. ودي آخر سنه ليا وربنا يعيني ياريت لوتعرف حد يشغلني عنده ابقى شاكر ليك جدا يا عم احمد
احمد.... تقدر تشتغل في مطعم فيه واحد حبيبي اسمه حسن معاه مطعم صغير قريب من هنا بيدور علي واحد
ادم.... ياريت يا عم احمد اي شغل انا هروح اشوف مواعيد المحاضرات وارتب معاه بس كلمه انتا
احمد خلاص تعالي شوف الاوضه ورتب امورك وارتاح وبالليل نروح ليه انا وانتا بعد صلاة العشاء ومتعلش هم هوه مش هيرفض ليا طلب وانا هوصيه عليك
ادم..... في سره الحمد لله يابركت دعاكي ياأمي
وبالليل راحو لمطعم حسن ودخل الحاج أحمد وسلم عليه وقدم ليه احمد الاستاذ ده عايز شغل وانا سمعت انك عايز واحد معاك
حسن.... يا حج أحمد ده مطعم فول وطعمية عايز واحد يشتغل مش استاذ
ادم.... ياعم حسن انا لسه طالب وبدور على شغل اساعد بيه نفسي ومتقلقش انا متعود على الشغل بإذن الله هعجبك.... الحاج أحمد جربه يا حسن يا اخويا مش هتخسر حاجه على فكره هوه ساكن عندي يعني قريب منك تلاقيه في اي وقت
حسن.... عشان خاطرك انتا عارف معزتك عندي يا حج أحمد....... احمد ده عشمي برضو ياحسن
ادم.... كتر خيركم واللهي بس تسمحلي الصبح اروح كليتي واشوف محاضراتي وهبقي تحت امرك
حسن.... ربنا يصلح حالك يا ابني شكلك ابن حلال انتا منين بقا.... ادم انا من الارياف من مركز......
حسن..... اهلا بيك اهل كرم وجدعان منين ما يروحَو سمعتكم سابقاكم ربنا يكرمك اعتبر المحل محلك يا ابني
روح نام والصبح روح كليتك ولما ترجع نظبط الشغل
********
في صباح اليوم التاني وفي بيت شمس الام يابنات يانوره واحده تقوم تجيب فطار عشان ابوكم يلحق يفطر قبل مايروح الشغليا شمس وبعدين مع البنات دول
شمس.... قومي يابت يانوره النهارده دورك انا نزلت امبارح..... نوره يا سلام منتي نسيتي الفول وخلتيني نزلت جبته تبقى تروحي انتا
الام... يابنات قومو بقاااا انتي يازفت ياشمس
نوره... الحمد لله بتقول شمس مش نوره قومي انتي بقا
دخلت الام لقيتهم بيتكلمو مع بعض.... منتو صاحيين اهوه امال مش بتردو ليه عليا كل صبح تطلعو صوتي كده ابوكم هيتاخر وهيفضل يزعق ليا اناعشان خاطركم
شمس.... خلاص يا ماما هقوم انا وبصت لنوره بصت غيظ وايدها على دقنها وتقول ماشي يانوره هوريكي وربنا لما اخرج منا وخداكي معايا ابقى شوفي مين هيجيبلك الشوكلاته... نوره.. وماله بابا اصلا مش هيخليكي تنزلي لوحدك وغصب عنك هخرج
نزلت شمس وراحت اشترت فطار من مطعم الحاج حسن
*********
راح ادم الكليه واخد مواعيد المحاضرات وسلم على زمايله ورجع لعند مطعم العم حسن وسلم عليه وعرفه انه يقدر يبقى معاه في فتره الصبح لحد الساعه تسعه
وبالليل من المغرب لحد الساعه تسعه مساء
حسن..... هتتعب كده ياابني انا بفتح الصبح من بعد الفجر هتقدر تقوم بدري
ادم.... يا عم حسن انا بصلي الفجر حاضر الحمد لله هتلاقيني معاك من بعد الصلاه
حسن.... ما شاء الله عليك ربنا يحميك لشبابك على بركه الله ولو ظبطت انا مش هقصر معاك في اجرتك
ادم..... بإذن الله انتا خلصت اساعدك في حاجه طيب
حسن انا كده خلاص الساعه كده ١١ روح انتا ارتاح والمغرب الاقيك عندي.....
دخل ادم الأوضة بتاعتك اللي كاشفه معظم الحي قدامه من فوق سطح البيت وظبط أموره ونام شويه وقام قعد يذاكر وعلى المغرب راح صلى في المسجد وراح للمطعم وحسن عرفه على النظام وطلبات الشغل وآدم كانت دماغه نضيفه وفهم بسرعه وقعد شغال لحد الساعه التاسعه وروح ذاكر شويه ونام عشان يقدر يقوم الصبح
وفي الفجر راح للمطعم وجهزو كل حاجه وطبعا ده كان يوم نوره انها تجيب الفطار ولقيت ادم اللي أداها الطلبات بسرعه ورجعت على غير العادة وامها قالت ليها ماشاء الله رجعتي بسرعه هوه حد قابلك بيهم عالسلم
نوره..... اصلي عم حسن جايب واحد جديد مشاني بسرعه الام طيب كويس اندهي على شمس خليها تفرش السفره عشان نفطر مع بعض
دخلت نوره قومي ياست شمس انا جيت بسرعه اهوه مش زيك تقعدي ساعه عم حسن جايب حتت واد مز مشاني هوا ... شمس... يمكن عجبه لسانك وحب يرتاح من زنك... نوره.. انا بزن ده هوه اللي شكله شاطر الناس مبسوطه منه مفيش زحمه زي كل يوم قومي يالا امك بتنده وبتقولك جهزي السفره بعد الفطار طلبت شمس من باباها انها هتروح بعد المغرب المكتبه تشتري حاجه والأب قال ماشي خدي اختك معاكي بصت نوره لشمس وهيا بتغمز بعينها وتضحك
الاب..... خدي فلوس من مامتك وما تاخري تشتري اللي عايزاه وترجعي بسرعه ونزل راح على شغله
ووقت المغرب نزلت شمس ونوره للمكتبة واشترو اللي عايزينه وهما راجعين قالت نوره يا شمس عايزه شوكلاته
شمس لا مش هيجيبلك مش فاكره يوم الفطار وبعدين بابا قال لينا منتاخرش مش عايزاه يزعل مني
نوره.... انا اختك حبيبتك عشان خاطري وربنا هعمل اي حاجه تقولي عليها بعد كده
شمس.... لسه هنعدي على البقاله وفيه عيال رخمين ممكن يغلسو علينا زي كل مره. نوره لا مش هنقف هجيب الشوكلاته ونمشي على طول
شمس.... عارفه مش هخلص منا يالا بسرعه خلينا نفض عارفه زنك انا ومرتاحه بيه اخلصي
وقدام البقاله كانو فيه اتنين شباب شافو شمس واختها
الحق يا( مجدي) شموسه هناك اهي تعاله نغلس عليها
(مدحت) اه دي طلقه يا( مجدي) تعالي بسرعه ومشيو ناحيه شمس وحاول( مجدي) يشد الشنطه اللي في ايدها الجميل جايب ايه (مدحت) تلاقيه احمر شفايف
شمس..... احترم نفسك انتا وهوه بدل ما ألم عليكم الناس. (مجدي) ناس مين يا(شموسه) فكك من الناس خلينا مع بعض طيب نشرب حاجه اؤمر ياقمر
مدحت... نروح سينما ولا كافيه
شمس... وبعدين وبصوت عالي احترم نفسك يا حيوان منك ليه
في نفس اللحظة كان( ادم) جاي من المسجد ورايح للمحل وشاف اللي بيعمله الاتنين مجدي ومدحت وبسرعه راح لعندهم فيه حاجه يا انسه
بص مجدي لادم وقال العب بعيد ياشاطر ملكش فيه
ادم... بقول فيه حاجه يا انسه مالهم دول
مدحت... ما قلك ملكش فيه غور ياد من هنا ولا عايز تزعل... شمس.. الكلاب دول بيعكسوني
ادم.... اه كده غلط علي ولاد البلد ممكن تتفضلو من هنا
مجدي..... نتفضل ايه ياعم انتا عبيط
مدحت... ده شكله تايه مش من هنا وقرب على ادم عايز يمسك فيه وبسرعه زقه( ادم) وقال انا قولت اتفضلو يظهر الذوق مش ينفع
مجدي.... ذوق مين ياابو ذوق انتي شكلك هتتروق وهجم عليه هوه ومدحت وصرخت شمس
لاكن اتفاجئت من موقف( ادم) اللي وقف ثابت ولا كان اتنين داخلين عليه ولقيته ضرب( مدحت) بالبوكس
ومال على جنب من ضربه (مجدي) وخبطه برجله بسرعه ووقع الاتنين على الأرض وزي العاده في الأحياء الشعبيه اتلمت الناس بسرعه عشان تشوف الخناقه
وبص ادم لشمس ممكن تفضلي حضرتك وهيا مسهمه من الموقف اللي شافته من شويه واحد قدر على اتنين وبالسرعه دي
ادم... يا انسه بقول اتفضلي وجات نوره وقالت شمس هوه فيه ايه مسكت شمس نوره من ايدها وسحبتها على البيت من غير ولا كلمه وعينها على ادم
نوره... فيه ايه يا شمس وماله الشاب ده بيكي مش هوه ده اللي شغال عند عم حسن في المطعم
شمس... هود ده يا سلام ده شكله جدع قوي وبصت لنوره اوعي بابا ولا ماما يعرفو اللي حصل لو عرفو مش هنخرج تاني ابدا اوعي يانوره
نوره... حاضر بس قوليلي هوه ليه ضرب الولاد دول
شمس... كانو عايزين يخطفو الشنطه من ايدي اسكتي بقا
*********
وفي الحاره اتلمت الناس وجه الحاج أحمد وحسن
احمد... فيه ايه يا( ادم) حصل ايه مال العيال دي
بيك. ادم. بيعاكسو الانسه اللي كانت هنا من شويه وبقولهم عيب كده مش لادد عليهم ولقيتهم بيهجمو عليا
حسن.. دي عيال مش متربيه شباب مش ليها اهل تلمها
قام مجدي ومدحت يجرو في نفسهم وبص مجدي على ادم وقال تمام يا ابو الرجوله لينا حساب وهتشوف احنا هنعمل ايه ملحوقه
احمد... انتو لسه ليكم عين تتكلمو امشو من هنا بدل ما اخلي اللي مايشتري يتفرج عليكم
فضت اللمة بسرعه زي ما اتلمت بسرعه وكل واحد راح لحاله واخد حسن ادم يالا ياابني نشوف اكل عيشنا وياريت ملكش دعوه بالعيال دي وربنا يعدي الموضوع ده على خير دي عيال بايظة
ادم.... ياعم حسن ازاي اسكت وانا شايف اتنين شباب ملمومين على بنت الدم جرى في عروقي مقدرتش اسكت انا كنت اقدر اموتهم من الضرب
حسن.... ياولدي دول مش عارفين يمشو انتا كنت عايز تعمل ايه تاني.... ادم انا عملت شي دي عيال الهباب اللي بتشربه مخلص عليها ربنا يصلح حالنا ياااااااارب
***********
في الصباح الباكر وعلى غير العاده لقيت ام شمس بنتها قايمه بدري وقالت ما شاء الله ايه النشاط ده لوحدك
شمس... اه هروح اجيب الفطار عشان بابا الام ياسلام هوه حصل ايه في الدنيا دنا كل يوم صوتي يتنبح عليكم
نزلت شمس وراحت علي المطعم وشافت ادم.. وقالت بصوت واطي صباح الخير ادم بص وشاف ابتسامه شمس صباح الورد شمس متشكرة قوي على اللي عملته معايا ادم لا شكر على واجب
شمس.. هوه انتا بتشتغل مع عم حسن
ادم... اه بشتغل امال واقف بعمل ايه
شمس... مش قصدي بقصد اني اول مره اشوفك هنا
ادم... اه انا هنا من امبارح وقاعد عند عمي أحمد
حسن... يالا يا ادم مشي الزباين وشوف الانسه شمس عايزه ايه.... شمس... صباح الخير ياعم حسن عامل ايه
حسن.... تمام يابنتي بابا وماما عاملين ايه سلميلي عليهم
شمس.... يوصل ياعم حسن وخدت طلبها ومشيت وبذره جواها بدأت تنبت من ناحيه ادم
رجعت البيت ولقيت ابوها قاعد على السفره وقال شمس اللي جابت الفطار الام تصدق وقامت من نفسها اول مره تحصل..... نوره شوفت يابابا اللي حصل امبارح في اتنين عاكسو شمس والشاب اللي عند عمي حسن ضربهم
الاب..... بتقولي ايه حصل ايه ياشمس انا مش قولت متاخروش
الي هنا انتي الفصل الأول والي لقاء مع الفصل الثاني
ونشوف شمس هتقول ايه لباباها
وبدايه الصدفه اللي هتجمع بين ادم وشمس
الاب... ردي عليا ياشمس حصل ايه معاكم
شمس... ابدا يابابا محصلش حاجه نورا بعد ماخلصنا وراجعين طلبت شوكلاته ودخلت تشتري من عند البقال وانا وقفت استناها بره وجم الاتنين الشباب دول فضلو يلقحو بالكلام وعايزين يخطفو الشنطه اللي كانت في أيدي وان زعقت ليهم وجه الشاب اللي شغال في المطعم عند عمي حسن واتكلم معاهم وهما اللي حاولو يضربوه
نورا... ده يابابا شبعهم ضرب هما الاتنين لوحده
شمس... وهوه طلب مني امشي وانا اخدت نورا ومشيت
الاب... ومين العيال دي تعرفيهم
شمس... شكلهم من الحاره بس انا ما بعرفهم يابابا
الاب.... خلاص انا هسال عنهم وهروح لاهلهم
الام..... لا تروح ولا تيجي كفايا اللي حصل لولا الشاب اللي عند الحاج حسن منعرفش كان حصل ايه ربنا يستره
واجب تروح تشكره على وقفته مع بناتك
الاب.... انا ونازل هعدي على المطعم واشكره اكيد
ولما نزل راح المطعم وسلم على الحاج حسن وقاله فين الشاب اللي وقف مع بناتي امبارح
حسن.... هنا اهوه ونده على ادم تعالي يا ادم سلم على عمك شوقي ابو شمس اللي اتخانقت عشانها امبارح
جه ادم وسلم وقاله شوقي شكرا ليك ياابني على وقفتك دي ياريت فيه زيك كتير الايام دي كانت فرقت كتير
ادم.... ده واجب عليا دول يعتبروا زاي اخواتي انا فعلا وحيد بس دي الأصول اللي اتربينا عليها
شوقي... بارك الله فيك انتا شكلك ابن ناس ونعما الأخلاق والتربيه انتا من امتا بتشتعل هنا
ادم... انا يدوب بقالي يومين هنا عشان الدراسه
شوقي... ماشاءالله كمان بتدرس وتشتغل
ادم... اه انا في اخر سنه كليه تجارة
شوقي... ربنا يوفقك لو احتجت حاجه انا زي والدك قولي على طول استأذن انا بقا عشان شغلي سلام عليكم
ادم. وعليكم السلام بارك الله فيك في حفظ الله
، **************
وفي الصباح الباكر ولتاني مره صحيت شمس بدري عشان تروح تجيب الفطار
الام.... ماشاء الله عليكي تتحسدي كده نفسي اعرف النشاط ده جه منين
شمس... عادي ياماما اتعودي على كده انا هجيب الفطار كل يوم... الام... اقطع دراعي لو مكان في حاجه انا امك يا شمس قوليلي معاكي ايه
شمس.... مفيش ياماما لو فيه معقوله هخبي عنك وجريت على الباب وبالها في ادم عايز تشوفه ووصلت للمطعم وشافت ادم واقف بيبيع للزباين وقالت صباح الخير يا.... وعلى وشها ابتسامة. التفت ادم ليها وقال صباح الورد اسمي ادم على فكره
شمس... اسمك حلو على فكره
ادم.... انتي ساكنه قريب من هنا...
الحاج حسن..... اه شمس بنت عمك شوقي ساكنين قريب هنا اول الشارع. احلى بنت في حارتنا
شمس... صباح الخير ياعم حسن شكرا على المجامله
ادم... بجد دي مش مجامله انتي جميله فعلا
احمرت خدود شمس من الكسوف وبصوت واطي قالت شكرا يا ادم ده من ذوقك
ادم... اتفضلي طلبك اهو بالهناء والعافية اخدت شمس الفطار من ادم وعينها في عينه وايدها لمست ايده وحسو هما الاتنين برعشه واتسمرو للحظات قطعاه صوت حسن شوف الزباين يا ادم
ادم... حاضر يا عم حسن اهوه ومشيت شمس على بيتهم
وفضل الحال كل يوم على كده وكان لابد من لقاء الحبايب..
وفي يوم وهيا شمس بتاخد الفطار ادت ادم ورقه في ايده وقالت اقراها ويهمني اعرف رايك ادم تمام
وبعد ماخفت الزباين قعد في ركن وفتح جواب شمس
..... مش عارفه ابدا منين بس انا بصراحه معجبه بيك وكل يوم يذيد إعجابي بيك اكتر قلبي بيحس براحه لما اشوفك قدامي وبتمنى الصبح يجي عشان انزل اجيب الفطار واشوفك حتى ماما مستغربه اني بقيت اصحي بدري وكمان اروح اجيب الفطار مش عارفه حب بس انا قلبي مرتاحلك ياريت ترد عليا طمن قلبي هستني بكره الصبح يجي بفروغ الصبر ((((شمس))))
وجه الصباح وراحت شمس للمطعم وكل مناها تعرف رد ادم على كلامها ودخلت المطعم وقالت صباح الخير يا ادم قريت الجواب مستنيه ردك
ادم لشمس ممكن نتقابل عايز اقولك كلام
شمس... نتقابل. مينفعش تكتب ليا
ادم... مش هينفع اتكلم هنا ده مكان اكل عيش انا عندي محاضرات وهرجع بعد الضهر شوفى المعاد اللي يناسبك
شمس.... هحاول لو قدرت نتقابل في الكافيه اللي بعد الميدان بعد العصر وبعد الضهر كلمت شمس امها وفاتحتها في موضوع ادم وانها مياله ليه والجواب اللي كتبته ليه
وانه عرض عليها يقابلها النهارده واديني ياماما بقولك عشان ما تقولي بتخبي عليا
الام... انتي مطمنه ليه يعني
شمس... هوه شكله شهم وابن ناس وانا ياماما معجبه بيه عايزه اعرف رده عليا
الام.... ولو ابوكي عرف انك خرجتي من وراه اعمل ايه انا وقتها... شمس... انا مش هتاخر يا ماما يدوب مسافه الطريق اعرف هوه هيقولي ايه وارجع على طول ووقت العصر خرجت شمس وراحت الكافيه لقيت ادم واقف عمال يتلفت يمين وشمال ولما شافها جرى عليها افتكرتك مش هتيجي بقالي ساعه واقف هنا
شمس..... ساعه انا قولتلك العصر قولت لماما وجيت اقول بقا عايز تقولي ايه
ادم... كده على طول ما تشربي حاجه الأول ونتكلم واحنا قاعدين.... شمس... مره تاني بإذن الله لو كلامك عجبني
ادم..... شمس انا بصراحة معجب بيكي وبحبك
ظهر على وش شمس الكسوف وقالت ياه اخيرا نطقت وانا كمان مش هخبي عنك اني معجبة بيك من يوم ماشوفك... ادم... طيب نشرب حاجه .. شمس. مش هينفع يالا لازم اروح
مشي معاها ادم لحد اول الحاره وهما راجعين شافهم مدحت ومجدي وهما ماشيين مع بعض
مجدي..... مدحت شوف مين هناك اللي ماشيين مع بعض
مدحت.... الله الله ده البطل بقى رميو وربنا نهاره مش فايت.... مجدي... اهدي حسابه جاي ومش بالطريقه دي انا عامل ليه عزومه تمام بس تعالي نغلس عليه بس دلوقتي شويه وراحو ناحيه ادم وشمس
مدحت... منوره يا سنيوره طيب محنا بنخرج اهوه
ادم بص عليهم ورايح يشمر كمام قميصه... شمس.. عشان خاطري متردش عليهم مش عايزه مشاكل انا.. ادم... مش شايفه جر الشكل ... شمس.. هما عايزين كده
مجدي... الحساب تقل يا أمور بس قرب متقلقش هانت وهنتحاسب يا عمهم
مشي ادم وشمس لحد باب الحارة وقالها روحي انتي
شمس... وانتا هتروح فين.. ادم... انا كمان هروح انا ملحقتش اعرفك ولا احكي ليكي عن نفسي وحالي هكتب ليكي جواب الصبح اعطيه ليكي
***********
وفي الصباح راحت شمس للمطعم وصبحت على ادم ومدت ايدها سلمت عليه واخدت الجوب
ادم... انا معرفتش اتكلم امبارح هتلاقي كل حاجه عني هنا..... اخدت الجواب والفطار ورجعت للبيت وهيا في لهفه تقرأ كلام ادم ويدوب باباها نزل وجريت علي اوضتها وفتحت الجواب....
حبيبتي شمس لم أكن اعترف بالصدفه ولا اعرف طريق الحب لحد ما شوفتك قدامي في اليوم اللي كان الشباب دول بيغلسو عليكي وقع في قلبي حبك على طول
حبيت الصدفه اللي جمعتني بيكي وجابتني اسكن في نفس الحاره اللي انتي فيها
حبيبتي شمس.. انا وحيد امي. وابويا متوفي ساكن في الارياف.. اخر سنه كليه تجارة احلامي ذادت حلم انك تبقى معايا وتشاركيني حياتي واكمل عمري معاكي
هيا دي الصدفه اللي احلا من ألف ميعاد حبيبك ادم
استمرت علاقه الحب تذيد كل يوم بين ادم وشمس لقائات بسيطه ووعود واحلام كبيره على أمل انه يخلص الكليه ويلاقي شغل ويرتبطو ببعض وهما مش عارفين ان فيه شياطين الإنس اجتمعت عشان تنغص فرحتهم
مدحت ومجدي كانو قاعدين على القهوه بيتكلمو
مدحت... لازم نشوف حل مع الواد ده وشنا بقا في الارض
مجدي... متقلقش يا زميلي انا مرتب كل حاجه واقف على التنفيذ.... مدحت قولي هتعمل ايه
مجدي هنحطله مخدرات في الاوضة بتاعته وبلاغ للحكومه من فاعل خير وكله يبقى تمام منها حبسه وكمان مستقبله يضيع نهائي
مدحت.... فكره بنت لذينه خليه يكمل أحلامه على بلاط السجن امتا بقا هنفذ
مجدي لما يخلص شغل الصبح هيروح لكليته واحنا هنقوم بالازم وعلى الليل يكون مشرف في السجن
وضحكو هما الاتنين بصوت عالي هههههههه
والشيطان بيضحك معاهم
، ***********
في الصباح استقبل ادم شمس بابتسامه عريضه وحشتيني يا قلبي
شمس... وانتا كمان هتروح الكليه النهارده
ادم... اه طبعا الامتحانات قربت ادعيلي ياشمس اجيب تقدير زي كل سنه انا حاسس ان وشك هيبقى حلو عليا السنه دي وربنا هيكرمني وهيقف معايا وهجيب تقدير كويس..... شمس... حبيبي انا بدعيلك كل يوم انتا عارف ان حلمك هوه حلمي ياقلبي انا همشي دلوقتي هات الفطار بقا لحسن اتأخر على بابا وهحاول اشوفك بالليل
ادم... احلا فطار لحمايا العزيز ياااااااارب الليل يجي دلوقتي.. مع ان في الليل فيه حاجات مش على بال العشاق **************
بعد المغرب وقفت سياره شرطه قدام مطعم الحاج حسن ونزل ظابط معاه كام عسكري وسأل الحاج حسن فيه حد شغال معاك اسمه ادم
ادم..... انا ادم يا فندم خير فيه حاجه
الظابط.... دلوقتي هنتاكد من اللي جايين عشانه انتا قاعد فين... ادم.. انا قاعد في اوضه عند الحاج أحمد قريبه هنا
الظابط.... ممكن نطلع الأوضة
الحاج حسن... ممكن نعرف فيه ايه حضرتك
الظابط... قولت دقيقه ونتأكد من اللي جايين عشانه يالا يا ادم على الاوضه
وطلعو السطوح عند اوضه ادم وأمر الظابط العساكر اللي معا فتشو الأوضة والسطح بسرعة
دخل اتنين الأوضة واخد قعد يفتش في السطح
وبعد شويه خرج عسكري من اللي في الاوضة وفي ايده علبه جوه كيس اسود وقال لقينا دي جوه يا فندم
مسك الظابط وبص عليها وقال كده البلاغ مظبوط
وبص على ادم وقال انتا بتاجر في المخدرات ولا بياع في مطعم ولا ايه حكايتك بالظبط
ادم... مخدرات ايه حضرتك انا مش عارف انتا بتتكلم عن ايه انا طالب في حالي
الظابط... في القسم هتعرف كل حاجه وأمر العساكر هتوه يالا بسرعه
وفي الشارع كان فيه هرج ومرج والناس بتسأل فيه ايه وشمس جايه على تجمع الناس لقيت ادم نازل من فوق واتنين عساكر مسكينه وسطيهم
شمس.... ادم فيه ايه ياادم حصل ايه
ادم... وربنا معرف حاجه ياشمس بيقولو اني بتاجر في المخدرات... شمس.... مخدرات يانهار اسود
ركب ادم سياره الشرطه
وشمس. بتقول انا هشوف بابا وهاجي وراك
ادم... متتعبيش نفسك انا معملتش حاجه
والحاج حسن واحمد واقفين بيسالو بعض فيه ايه لازم نروح نشوف يا حاج أحمد تعالي نروح القسم نسأل ونشوف فيه ايه الواد ملوش حد غيرنا
*************
دخل ادم اوضه الظابط وهوه في حاله زهول مش فاهم حاجة ولا عارف ايه اللي بيحصل عمال يسأل ومش لاقي اجابه من حد لحد لقى الظابط قدامه ممكن تفهمني ياباشا فيه ايه
الظابط.... فيه بلاغ متقدم فيك انك بتاجر في المخدرات واحنا لقينا المخدرات عندك في مكانك
ادم... يابيه وربنا انا في حالي ولا عمري عرفت ولا فكرت في المخدرات حرام عليكم انا في اخر سنه كليه تجارة مستقبلي هيضيع
الظابط..... هنتاكد ولحد ما نتأكد هتفضل عندنا ونده عالعسكري خده عالحجز يا عسكري
وجوه الحجز دخل ادم وهوه مش عارف يقف على رجليه ياااااااارب انا عملت ايه مستقبلي هيضيع امي وحلمها وانا وشمس ياااااااارب جلس في ركن في الحجز وهوه عمال يعيط وكان في الحجز راجل باين عليه انه مرتاح مديا وشكله ابن ناس ولما سمع ادم وكلامه راح عليه وقاله مالك يا ابني
ادم.. انا ضعت مستقبلي ضاع مين ممكن يعمل فيا كده انا عمري ما اذيت حد في حاجة مين اللي ممكن ياذيني
الراجل... اهدي ياابني ربنا كبير احكيلي انا اسمي أدهم على فكره (((أدهم علوي))) راجل أعمال وجاي هنا في غلطه بدفع تمنها من عمري سنتين في السجن وراضي بنصيبي احكيلي ممكن افيدك او اساعدك
ادم.... قبضين عليا بتهمه اني بتاجر في المخدرات ولقيو المخدرات في الاوضة اللي انا قاعد فيها انا عمري ما شفت المخدرات ولا اعرفها
أدهم..... اهدي ياابني ربنا هيظهر الحق