الفصل الثالث من قصة صدفة ادم وشمس
دخلت شمس تجري على امها الحقي يا ماما قبضو على ادم خلي بابا يجي يروح معايا لازم نروح لادم مقدرش اسيبه لوحده لازم نروح نسأل ونفهم
الام.... اهدي ياشمس ماله ادم حصل ايه
شمس... مش عارفه ياماما انا نزلت عشان اروح اشوفه لقيتهم قابضين عليه ويقولو مخدرات
دخل الاب على صوت الاتنين شمس والأم هوه فيه ايه صوتكم ليه عالي
شمس... تعالي يابابا نروح لادم القسم البوليس قبض عليه.... الاب... ليه اتقبض عليه
شمس... مش عارفه ولا فاهمه حاجه تعالي نروح نسأل مقدرش اسيبه لروحه ده وقف جنبي من غير ميكون يعرفني.... الاب... خلاص انا هروح اسأل خليكم انتو هنا
شمس.... لا انا هروح معاك عايزه اشوف ادم مش هقدر استنى دقيقه هنا.... الاب.. لا حول الله هوه فيه ايه
الام.... خلاص ياابو شمس خدها معاك عشان خاطري
الاب... وتروح بصفتها ايه
شمس... انا بحبه يابابا. بحب ادم
الاب... بتحبيه ازاي وامتا
الام... خلاص نتكلم في الموضوع ده بعدين روحو اطمنو على ادم ده ملوش حد يسأل عنه المسكين
خرجت شمس وابوها وهما طول الطريق لحد ما وصلو القسم وهما ساكتين محدش فيهم نطق بكلمه غير دموع شمس اللي ماليه وشها
دخلو القسم وسأل والد شمس عن ادم وحاول يستفسر عن الموضوع وزي العاده كل واحد يسمعه كلام غير التاني... شمس.. بابا انا عايزه اشوف ادم
الاب.... ودي اعملها ازاي انا هوه انا ظابط في القسم ولا اخو المامور.....شمس... ماليش دعوه عايزه اشوف ادم
الاب.... الصبر وراح لواحد من العساكر وطلب منه انهم يشوفو ادم رفض في الأول ولاكن الاب فهم المطلوب وخلص الحكايه والعسكري قله خمس دقايق بس مش اكتر عشان البيه الظابط قاعد
ودخلهم عند باب الحجز ونده على ادم اللي اتفاجي بشمس وابوها عند الباب
ادم... عمي شوقي شمس ليه تعبتو نفسكم شمس طمني عليك يا آدم معرفتش انتا ليه هنا ادم ولا حد بل ريقي بكلمه وبيقولو لسه فيه تحريات المباحث والنيابه
انا ايه رماني على ده كله ايه اللي عملته
شمس... اصبر ياحب..... وبصت على بابابها ولحقت نفسها
اصبر يا آدم شده وتزول وربنا هيظهر الحق هتفرج بس قول ياااااااارب
الاب.... متقلقش يا آدم ياابني انا هشوف محامي يحضر معاك التحقيق ومش هنسيبك لوحدك اطمن وزي ما قالت شمس شده وتزول
العسكري..... كفايا كده حضرتك لحسن حد يشوفكم مش ناقصين اذيه احنا اتفضلو
ودعت شمس ادم بعيون مليانه دموع على أمل ربنا يظهر الحق وازاي ادم هيقضي الليله دي في الحجز
ورجع قعد في الركن وساله (((أدهم))) هما دول قرايبك
ادم... لا دي شمس وابوها من الحاره عندي
أدهم.... خطيبتك يعني ولا ايه
ادم... احنا يدوب لسه بنحب بعض لاكن اديك شايف المصيبه اللي انا فيها
أدهم..... بسيطه بإذن الله وظهر على وشه علامات التعب
ادم... مالك وشك متغير انتا تعبان من حاجه
أدهم... حاسس بدوخة ومش قادر أقف وفاجئه وقع على الأرض.... ادم.. عم أدهم... استاذ أدهم مالك ياخبر
وجرى على باب الحجز وفضل يخبط وينده بصوت عالي حد يلحقنا الراجل اغمي عليه يا عسكري يا عالم ياللي هنا الحقونا.... جه العسكري .. فيه ايه مالك
ادم.... الراجل اغمي عليه دكتور ولا إسعاف بسرعه
العسكري... انتا فاكر نفسك فين رش عليه شويه ميه يمكن يفوق وبطل دوشه
ادم.... ارش وميه ايه بقولك اغمى عليه وعلى صوته بذياده (((وبالصدفه))) كان المامور بتعاع القسم معدي وسمع صوت زعيق ادم وراح على مكان الصوت وسأل فيه ايه
العسكري ادي التحية للمامور وقاله المسجون بيقول ان التاني اللي معاه مغمي عليه
المامور.... تاني مين مش هنا أدهم علوي ده هيخرج بعد اسبوع ياغبي افتح الزنزانة بسرعه
وفتح العسكري الباب ودخل المامور بسرعه وبص على أدهم اللي على الأرض وبص على العسكري روح اطلب الإسعاف بسرعه شكلكم هتودونا في داهيه انتا مش عارف ده مين الله يخرب بيوتكم
جرى العسكري عشان يطلب الإسعاف وآدم واقف مع المامور... والتاني بيسئله هوه بقاله كتير مغمي عليه
ادم.... يدوب من شويه كان بيكلمني ووقع على الأرض مره وحده وسمعو صوت الإسعاف جاي على القسم
ودخل المسعفين بسرعه واخدو أدهم على المستشفى
ورجع اتقفل باب الزنزانة على ادم مره تاني بس لوحده
وفضل طول الليل يفكر في اللي هوه فيه وتفكيره وصل لأمه .... اللي قامت مفزوعه من النوم بعد حلم غريب حست ان ادم في مشكله
وقالت خير يااارب ياتري ياادم ياابني فيك ايه وقامت اتوضت وصلت ركعتين وفضلت تدعي لابنها ان ربنا يفك ضيقته..... وهناك عند شمس صحيت امها الصبح لقيت شمس قاعده في الصاله ولسه وشها غرقان دموع
الام... ايه ياشمس صاحيه ليه بدري كده
شمس... انا منمتش اصلا ياماما مشغوله على ادم
الام.... يابنتي سيبيها على الله ابوكي قال انه هياخد اجازه اليوم ويروح يشوف محامي عشان ادم هوني على روحك مش عايزين كلام من ابوكي كفايا انه عده اللي سمعه منك امبارح وراح معاكي القسم وطول الليل يسأل ويحقق معايا ازاي وكيف
شمس.... انا قولت اللي حاسه بيه ياماما ومش هتخلي عن ادم مهما حصل ومتاكده انه بريئ
الام... بإذن الله هيخرج منها على خير
***********
وهناك في القسم رجع أدهم من المستشفى واستقبله ادم وسنده لحد ماقعد وقال حمدالله على السلامه كده تخضني عليك يا عم ادهم
أدهم..... الحمد لله ازمه سكر مش عارف من غيرك كنت هعمل ايه كنت هموت هنا ولا حد هيحس بيا انا مديون ليك بحياتي ياابني
ادم.... بعد الشر عليك يا عم لسه ليك عمر أحمد ربنا كله بفضل الله
أدهم..... لاكن انتا سبب في ده لوله اللي عملته مكنش حد حس بيا انا فعلا مديون ليك ولو ربنا طول في عمري هتشوف انا هعمل ايه
ادم... اهم شيء سلامتك ارتاح دلوقتي كلنا لينا رب كريم
وفعلا كرم المولى عز وجل فوق الوصف
هناك على باب القسم كان فيه راجل بيسأل عن اوضه الظابط المسؤل وعايز يقابله
ولما دخل على الظابط سأله خير بيقولو عندك شيء مهم بخصوص اللي اسمه ادم
الراجل... انا يا افندم اسمي بهاء واسمحلي احكيلك اللي حصل امبارح الصبح كنت قاعد على القهوه((( بالصدفه))))
وأنا يابيه عندي ولد صغير وبيحب القط ومتعلق بيها وانا قاعد شوفت قطه منظرها حلو واقفه قريبه مني قولت اصورها عشان اوريها لابني وطلعت التلفون بتاعي وقعدت اصور في القطه فديو طبعا اخدت وقتي وصورت لحد القطه ما مشيت وانا قومت كمان اشوف ورايا ايه لحد ماروحت البيت وافتكرت الفديو اللي صورته نديت على مراتي تجيب ابني عشان اوريه الفديو الكلام ده كان بعد العصر
الظابط.... اه تمام ومال ادم ومال ابنك ومال القطه
بهاء.... معلش يافندم استحملني هدخل في الموضوع مهو انا شغلت الفديو لقيت فيه صوت اتنين بيتفقو على ادم ومخدرات وكلام من ده وأنهم عايزين يضيعوا مستقبله
الظابط.... انتا بتقول ايه فين الفديو ده وليه صبرت لحد دلوقتي
بهاء.... يابيه انا راجل في حالي وعايز اربي ابني اللي كرمني ربنا بيه على كبر زي منتا شايف وكنت ناوي اسكت عشان العيال دي كلها شر. لاكن ابني تعب فجأه من غير سبب واخدته انا وأمه على المستشفى وهوه دلوقتي ربنا العالم بيه وسمعت باللي حصل لادم وحسيت اني عملت غلط وانا اهوه جيت لحضرتك عشان أصلح غلطي يمكن ربنا يعفي عن ابني
الظابط.... انتا تعرف العيال دي اسمهم ايه
بهاء.... والنبي يابيه بلاش أظهر في الصوره انا
الظابط... متخفش احنا معاك.... ونده على العسكري
وطلب منه يجهز حمله عشان يروح يقبض على مجدي ومدحت ويواجههم بالفديو
كل ده وآدم ميعرفش حاجه قاعد مع أدهم في الزنزانه
أدهم..... انتا مقولتيش انتا بتشتغل ايه
ادم.... انا لسه طالب في كليه تجارة اخر سنه وان شاء الله ناوي ابقى محاسب ودلوقتي بشتغل في مطعم بساعد نفسي وامي
أدهم.... ما شاء الله. انتا شاطر على كده.
ادم... انا الحمد لله الأول على الدفعه طول التلات سنين لاكن شكله مستقبلي ضاع على كده
أدهم.... انتا انسان طيب وربنا مش هسيبك تعرف انا عندي بنت قريبه من سنك كده في سنه اولى كليه
ادم... ربنا يخليها ليك ويرجعك ليها بالسلامه انا سمعت المامور امبارح بيقول انك هتخرج بعد اسبوع
أدهم... بإذن الله ابقى اديني عنوانك هنا وفي بلدكم انا اكيد هزورك لما تخرج انتي ليك جميل في رقبتي
ادم.... بلاش تقول كده انتا زي والدي الله يرحمه انا معملتش غير الواجب ربنا يجمعنا بيك بره عن هنا مع اني مش عارف هخرج ازاي
**********
وصل الظابط لمكان مجدي ومدحت وقبض عليهم وسمعهم الفديو اللي معرفوش ينكرو بعده اي حاجه واخدهم على القسم وطلب ادم من الحجز
ونده العسكري.. على ادم تعالي ياادم كلم البيه الظابط
ادم.... ياتري خير ياعم ادهم
أدهم..... خير يا ابني بإذن الله وسأل العسكري متعرفش فيه ايه
العسكري... ادم ده شكله فيه حاجه لله قبضو على اللي عملو فيه كده
بص ادم علي أدهم وخده التاني بالحضن وقال ابسط ياعم مش قولتلك ربك كريم بس اوعي تنسي عمك ادهم
ادم... انساك ازاي اهو عنواني معاك هنا وفي البلد اوعي انتا تنساني
وخرج ادم لغرفه الظابط وهناك لقى مجدي ومدحت
وسأل مال دول
الظابط.... هما دول اللي دبرو ليك كل ده بس اشكر (((الصدفه))))
والأستاذ بهاء اللي قال لينا على الحقيقه
ودخل في اللحظه دي ابو شمس ومعاه محامي عشان ادم.... و الظابط قله ملوش لزوم المحامي تقدر تاخد ادم معاك.... ومجدي ومدحت هيشرفو مكانه