الجزء الاول والثاني
الرواية "باللهجة العراقية"لشابة من أهالي الناصرية خسرت كل شيئ في يوم واحد على يد شاب من عائلة محترمة عن طريق زواج استثنائي
بقلم نور الهدى الموسوي
مرحبا اسمي فدك عمري22 سنة من الناصرية إني ازغر وحدة بالعائلة "بزر الكعدة" على كولة بابا وماما عندي أخت وحدة رقية28 وهي متزوجة وحامل هسة هية ألاكبر بعدها أخوية أمير 26 سنة هذا سايق مخدة لا شغلة ولا عملة بس يعرف يتوازة وياية ويحصلة رزالة من ابوية
إني تخرجت من كلية التربية قسم رياض اطفال ابوية استاذ جامعي"علم النفس"بحكم معارفة دبرلي شغل بروضة اهلية جان اليوم اول يوم بالدوام جنت كلش فرحانة خلص اليوم أشوف الأطفال والآعبهم آني أعشق الأطفال احنة ناس ملتزمين بطبعنة يعني مكياج ماكو و ألبس عباية طبعا اني أحب عباتي بدونها أحس نفسي مالابسة شي
طولي حلو لهذا ما ألبس كعب كلة فلاة وجهي طويل وعندي غمازتين عيوني رصاصي الحمد لله شكلي كلش حلو
إبن عمتي كاظم يشتغل ضابط كنت دائما اشوف الحب بعيني واني هيمنة أحبه يعني ضابط وهيبة بس لم كنت ارجف من اشوف اسلاحة كان يراسلني كأبن عم مو أكثر بعدين اعترفلي بحبة وطلب رأي و اني وافقت كان منتظرني اتعين حسب طلبي ويجي يخطبني
اجيت كسرت الباب على أخوية طلعلي اعيونة حمر و كالب وجها لزمني من ايدي وعصرها حيل
- لج انتي تحاربين من الصبح
- لا بس بابا راح للدوام وكال خل اخوج يوصلج
-ما علية
- خوش لعد راح اتصل بأبويه
- لا لا اني اوصلج حقيرة بس مو آني الارجعج
- اوك😊
- كلبة
طبعا طول الطريق وهو يتثاوب فضحنة كدام أبو التكسي ما صدكت من وصلت دخلت واباوع للأطفال يخبلون دخلت للمديرة وسلمت عليها وقدمتلها الفايل ودلتني على صفي اوف كان يوم يجنن وية الأطفال بالفرصة طلعت وياهم ولعبنة خطار وطوبة وباقي المعلمات يصنفن علية
خلص اليوم حفظت كل أسماء الطلاب ومن طلعنة كلهم يكلولي باي ست فدك واهلهم كانوا فرحانين بعلاقتي بيهم واتشكروا من المديرة وبدورها باركتلي نجاحي
رفعت موبايلي واتصلت بأبويه كلي عندي محاضرات دكي على اخوج دكيت عليه كلي ما علية آني بالسوك اخذي تكسي وتعالي كبر جذاب مايريد يجيني
تقربت للشارع ومديت ايدي وكفت سيارة تكسي بيها رجال جبير كتلة عمو لل..... كلي اصعدي بنيتي صعدت وكعدت العب بموبايلي حسيت الطريق طول رفعت رأسي هذا مو طريقنا كتلة عمو وين ماخذني أنت سكت وماحجة خفت مديت أريد أفتح الباب وماحس إلا أحد ضربني قوي على راسي وبعد ما شفت شي
--------------------------------------
فتحت عيوني بصعوبة احس راسي راح ينفجر كانت غرفة زغيرة واني نايمة على رجل ابنية كمزت من مكاني اباوع الغرفة مملية بنات بس ملابسهن فضيحة من شافني خايفة كامن يضحكن وهن يطكطكن بعلوجهن حاجتني البنية الي جنت نايمة على رجلها
-لا تخافين حبيبتي اهدي
-اني وين
-انت بملهى الست حسنة
-شنو يا ملهة الله بخليج طلعيني منانة اني لازم اروح ﻷهلي
سكتت ودنكت راسها انوب اتقربن يمي وكلتلي
-همة جانو رايدين وحدة جديدة موصين عليها خاص وأبو جواد شافج وجابج
- وين شافني احبيبة اني مو من هاي الناس الله يخليج خليني أروح ﻷلهي
مالحكت ترد علية وانفتح الباب دخلت مرة بالخمسين تطك بعلجها و وياها أبو التكسي كتلة
-أنت شتريد مني ليش جايبني لهنا
ضحك وما رد خفت كلتلهم
- ش شوفوا اشكد ماتريدون ابوية يدفعلكم بس اتركوني
الرجال يمكن عجبة كلامي التفت إلها وكللها
- باجي سعاد والله خوش فكرة
كلتلة
- أسكت يااﻷغم انوب أتريد اتوكعنا وية الضباط هذا ايدة واصلة بس انكلة طلبك ما موجود يطيح حضنة واشيوخ انوب
باوعت للبنات وكلتلهن حفنلها ورتبهنها
ولبسنها الفستان البيجي إلي جبتة ذاك اليوم ...شو ذني ماصدكن اجن علية حاولت ابعدهن بس هنة هواية حفن لي بس ماخليتهن يغيرن ملابسي ركضت على ميز المراية الموجود جان اكو عدة مال تنضيف اللضافر الزمتها وخليتها على ركبتي وكتلهن إذا اقتربت وحدة اكتل روحي هنة خافن وطلعت وحدة منهن انوب اجتي هاي المرة صاحت علية
- ولج مصخمة شدسوين
كتلها
- آني ما ألبس هذي الملابس آني ما انطي شرفي لو شو مايصير
هية كلتلي
-اوك مثل ماتريدين راح انخابر اهلج ونطلب فدية وهاي هية يلا انطينيا
مارضيت و مانطيتة بس ماحسيت إلا و واحد هجم علية من ورى وأخذ السكين جان هو نفسه الي اسمه أبو جواد أخذها مني وشالني على جتفة واني اضرب بي بس ما يفيد سمعت المرة اتكللهن روحن يلا ويا وخلصني
أخذني دخلني بصندوق السيارة وسدة علية و اني ابجي واضرب عليه بس ماكو فايدة وكفت السيارة وسمعت صوت شباب واكو صوت مميز بينهم صوت خشن بس أحس نفسي سامعتة
فتح الي اسمة أبو جواد الباب وطلعني واني ابجي وأصرخ وهو يجر بية شفت أربع شباب اتلاثة كل واحد لازم بنية بس الرابع كان واكف منتظرني كلة
- شنو هاي أبوجواد
- هاي الجديدة بس هية خايفة شوية
صرخت وكتلة
- لا والله همة خطفوني الله يخليكم ردوني لأهلي
اهنا هو خزر أبو جواد
- شنو هاي صايرين اتخطفون
- والله علمودك
هوة سكت بس صاحبة الثاني اتقرب وصار يباوعلي
- والله حاتة محمد إذا ماتريدها آني أخذها وخليها خطف مو خطف براسي
آني ما تحملت فتفلت 💦 بوجها حشاكم هوة مد ايدة ضربني لحد ماوكعت بالكاع كتلة
- الله يطيح حضكم ولكم ماعندكم شرف ما عندكم خوات بس الله على الضالم
هنا هوة رجع يريد يضربني بس الي اسمة محمد لزم ايدة وكلة
-ستار انت مادخلك همة جابوها الية اخذ صاحبتك و روح
همة دخلوا وهو اجة علية وجرني من ايدين هذا ابو جواد و دخلني للغرفة و اني ارجف وابجي طحت على رجليه
-الله يوفقك اتركني اي شي تريدة فلوس ابوية ينطيك بس لا تتقرب مني
هو ضحك واجة علية لزمني من ايدي وكومني وكلي
-اي وابوج اشيشتغل وينطيني مل الفلوس اﻷريدها
-استاذ جامعي
-ها هيج وإذا اكلج انتي عجبتيني و اليوم ما اتركج لمن اخذ الاريدة
دفعني على السرير وأني ابجي واتوسل كتلة
- الله يوفقك عليك السيدة زينب عوفني حرام والله حرام
هنا هو بعد واتخوصر وانوب رجع جرني من ادية
- اكلج اريدج فتهني
- اخذني بس بالحلال الله يوفقك
ابتعد وطلع موبايلة وخابر سمعت 📱سيدنا شلونك عندي شغلة وياك 📱تسلم سيدنا الله يوفقك شوف سيد اني أريد اتزوج بالسر📱مضطر سيدنا مضطر الوالد ماموافق على البنية📱يعني أشوف غيرك📱خوش لعد تعال للعنوان..... وجيب وياك اشهود منك بس كون ما يعرفوني 📱يا الله اودعناكم
-ليش انتة تعرف الله
- لازم تريدني أبطل😑
- لا إني اسفة😢
اشوية واندكت الباب وطلع هوة وقفل الباب حاولت أهرب بس ماكو مهرب فتح الباب وكلي رتبي نفسج وتعاي أخذني للصالة ودخل عقدنا السيد وطلع هو ويا انوب اجة علية
- يلا
- ش شنو
- عقد وعقدنا بعد شتريدين اسويلج عرس فوتي للغرفة
جرني ودخلني واخذني جان زين وياي تقريبا بس اني كلبي انمرد شراح يصير بية ابوية اشراح يصير بي أهلي عمامي كما اتوجع وطلع مني دم كام ودخل للحمام غسل وطلع واني بعدني ابجي يا ترى شنو الذنب إلي ارتكبته الله لا يوفقة طلع وكلي
- كومي ادخلي غسلي
طلعت للحمام غسلت كمت أفرك جسمي حيل أريد أبعد القذارة عني واني ابجي دك الباب وكلي
- يلا خلصيها
لبست كل ملابسي وطلعت ضحك وكلي - أول مرة أشوف واحد يطلع من الحمام مبدل كامل مثلج
مرديت ادموعي إلي ردن اتقرب مني وكلي
- راح اطلعج منا
إني أحس روحي طفرت كمشت ايدة وكتلة
- الله يخليك
- لعد إمشي وراية ولا طلعين صوت
طلعنا بسكوت وركبنا السيارة كانت مضللة كلشي ماشفت انطيتة إسم الحي وكف سيارة برأس الفرع وطلع منها وفتحلي الباب كلي يلا روحي اني مصدكت رحت اركض كاضم واخوية أمير واكفين بالباب و السيارات تارسات الفرع اجوي يركضون علية واني ابجي
دخلوني للبيت اتلكاني ابوية حضنت واني ابجي وبعد ماشفت شي